29. jún. 2017 - 20:00Akureyri vikublað

Elí greindist 16 ára með Asperger-heilkenni: „Ég var skrítni krakkinn“

Fantasíur kalla á mig. Þær eru skemmtilegasti flokkurinn og sá flokkur sem gefur mér algjörlega lausan tauminn. Það eru engin takmörk og ímyndunaraflið fær að leika lausum hala,

segir rithöfundurinn Elí Freysson sem hefur gefið út fimm bækur á íslensku en þrjár þeirra þýddi hann á ensku og gaf út á netinu. Auk þess hefur hann gefið út eina bók í viðbót á ensku og hefur lokið við framhald þeirrar sögu og hálfnaður með þá þriðju í þeirri seríu. „Ég fæ endalausar hugmyndir og verð að losna við þær úr hausnum svo þær láti mig í friði. Mig skortir ekki efni – bara tíma.“


Ekkert feimnismál 
Elí er opinskár varðandi að vera á einhverfurófinu, en hann greindist með Asperger-heilkennið þegar hann var 16 ára. „Ég trúi því heitt að það eigi ekki að þegja yfir andlegum erfiðleikum frekar en líkamlegum. Einhverfa er ekkert feimnismál fyrir mér og sem betur fer hefur orðið mikil vitundarvakning um andleg vandamál, geðsjúkdóma, þunglyndi og annað slíkt.Ég var greindur seint og vil endilega segja frá minni reynslu svo aðrir geti mögulega haft það betra en ég.“

Léttir að fá greininguna 
Elí fæddist á Akureyri en flutti með foreldrum sínum til Noregs þegar hann var tveggja ára. Þar skildu foreldrar hans og hann flutti aftur til Íslands með móður sinni. Hann ólst að mestu upp á Akureyri en einnig í sveit austur í Kinn.

Mér fannst gaman í sveitinni að sumri til en mér gekk ekki vel félagslega í skólanum. Á Stórutjörnum var lítill hópur af krökkum til að finna sér félagsskap í. Ég sá að ég var ekki jafn flinkur félagslega og hinir krakkarnir en vissi ekki hvað var að mér. Ég hélt að ég væri bara svona feiminn. Ég var öðruvísi – skrítni krakkinn. Það var því mikill léttir að fá greininguna; að það væri ástæða fyrir þessu, að ég væri ekki bara svona ömurlegur.

 


Ekki Jón Jónsson
Hann segir sitt tilvik frekar vægt. Honum hafi einnig farið mikið fram síðustu árin. „Ég var mun skrítnari sem barn og unglingur en á unglingsárunum lokaðist ég mikið. Með auknu sjálfstrausti og æfingum hætti ég smám saman að líta á mig sem eitthvert skrípi og sætti mig við að ég er öðruvísi. Það er ótrúlega vond tilfinning að upplifa sig skrítinn og ég gekk í gegnum vont tímabil á unglingsárunum; einmanaleika, sjálfsfyrirlitningu og þunglyndi. Mér leið mjög illa og á tímabili hlakkaði ég mest til þess alla daga að geta farið að sofa. Það er sérstaklega síðustu tvö, þrjú árin sem ég hef samþykkt að svona er ég og að ég þurfi ekki að miða líf mitt við eitthvert viðmið sem hentar mér ekki. Ég hef fyrirgefið mér að vera ekki Jón Jónsson með 1,2 börn.“

Húmor mikilvægur
Elí hefur húmor fyrir sjálfum sér og Asperger-heilkenninu.

Ég held að það sé mjög mikilvægt að hafa húmor og sérstaklega í erfiðleikum. Ég veit líka ekki hvað manni á að finnast um þá sem geta ekki hlegið að sér; svona Donald Trump-týpur. Ég tala um að ég sé akkúrat nógu sérvitur til að vera rithöfundur og þegar vinir mínir andvarpa yfir því hvað ég sé spes spyr ég þá hvort það sé ekki bara gaman að þekkja svona sérstakan mann,

segir hann og brosir.

 


Klassískt nörd
Staðalímyndin af einhverfum einstaklingi er gjarnan félagslega heftur sérvitringur með yfirburðaþekkingu á þröngu sviði. Elí útskýrir að það að vera mjög einbeittur á ákveðnu sviði gefi möguleika á að ná mikilli færni. „Sumir eru kannski með heila eins og ofurtölvur og geta reiknað flóknustu reikningsdæmi, en ég held að flestir séu bara eins og ég – sérvitrir. Sem krakki lá ég í bókum og myndasögum en áhugasviðið hefur breikkað hjá mér með aldrinum. Í dag fæ ég frekar sterkan áhuga á einhverju einu í einhvern tíma. Á tímabili var það bogfimi, svo vildi ég bara lesa bækur um ákveðinn geira. Ég mun samt aldrei fá áhuga á fótbolta,“ segir hann kíminn og heldur áfram: „Mitt helsta áhugamál er að búa til sögur. Ég er alltaf að hugsa um þær, sama hvort sem ég er að versla eða í sundi,“ segir hann og viðurkennir að hann sé nörd. „Ég er klassískt nörd. Ég er fyrir vísindaskáldskap, ofurhetjur, tölvuleiki og er félagslega vandræðalegur. Já, ég er 100 prósent nörd. Það vantar bara málhelti til að ég sé beint úr teiknimynd.“

Viðkvæmur fyrir áreiti
Elí segir einhverfuna valda því að hann sé afar viðkvæmur fyrir áreiti. „Ég get bara talað af eigin reynslu en mitt helsta vandamál í dag eru skyntruflanir. Ég þoli viss hljóð mjög illa og á erfitt með að loka á áreiti. Mér líður til dæmis mjög illa innan um margt fólk og kliður fer illa í mig. Ég get ekki útilokað hann og eftir smá tíma þoli ég ekki við. Þegar ég var krakki varð ég oft þreyttur og argur í afmælum en ég skildi aldrei af hverju. Í dag þekki ég mig betur og staldra stutt við í veislum og gæti að því að yfirgefa þær áður en ég fer í vont skap.“

Fæddist án leiðarvísis
Hann segist eiga erfitt með að lesa mat annarra á sér. „Ég fæddist ekki með leiðarvísi um félagslega hegðun en það sem bjargaði mér var að ég bað mömmu og fólkið í kringum mig að benda mér á ef ég væri að gera eitthvað furðulegt og ég hlustaði á það sem það sagði en lét stoltið ekki fara með mig. Hjá mér var almennt byggt á lógík frekar en fagurfræði eða tilfinningum, og í langan tíma hugsaði ég ekki um útlitið á neinu. Mér fannst tilgangslaust að búa um rúmið eða klæða mig í föt sem líta ágætlega út og þegar ég vann í verslun skildi ég ekki hvers vegna í ósköpunum það skipti máli að raða vörunum snyrtilega í hillurnar. Kex bragðast alveg eins þótt því sé kjánalega raðað upp.“

Ótengt bólusetningum
Hann segir að lífið hefði verið öðruvísi hefði hann fengið greiningu fyrr. „Það hefði verið betra að fá fyrr leiðarvísi til að takast á við þetta. Ég er mjög feginn að sjá vitundarvakninguna og að það sé verið að greina börn fyrr,“ segir hann en bætir við að hann hafi lítið velt fyrir sér orsök einhverfu. „Að þetta tengist bólusetningum er allavega rugl. Sú kenning var sett fram af einhverjum aula í Bandaríkjunum og var strax rifin í tætlur af vísindasamfélaginu. Fólk man þó enn eftir þessu og vitnar gjarnan í þetta og nú eru að koma aftur upp sjúkdómar sem nánast var búið að útrýma; af því að fólk neitar að bólusetja börnin sín! Ég er ekki með vísindin á hreinu en ég held að einhverfa sé þannig að viss svæði í heilanum vanþróast en önnur ofþróast og ég skil ekki hvernig bólusetning ætti að tengjast því.“

Sársaukafullt áreiti
Inntur eftir ráðum handa aðstandendum einhverfra einstaklinga nefnir hann samræður. „Að ræða við barnið eða makann og móðgast ekki þótt einhverfur einstaklingur vilji ekki láta snerta sig eða þurfi næði. Þegar mér líður þannig þýðir það ekki að ég kunni ekki að meta annað fólk. Þegar ég er mjög þreyttur getur áreiti einfaldlega verið sársaukafullt. Það eru engir tveir eins en ég þoli hávaða mjög illa og er til dæmis nánast hættur að fara í bæinn um helgar. Ég þoli ekki við inni á stöðunum. Sum hljóð þoli ég mjög illa, eins og skræk hljóð og smjatt. Ég hef ekki þennan filter til að loka. Það má gjarnan líkja viðkvæmni minni gagnvart áreiti við núning. Það er allt í lagi til að byrja með en smám saman fer húðin í sundur og núningurinn er farinn að skrapa í sundur taugarnar. Þannig líður mér þegar þetta er hvað verst,“ segir hann og bætir við að breytingar geti einnig farið illa í einhverf börn. „Ég átti mjög erfitt með allt óvænt en mamma komst upp á lagið með að láta mig vita tímanlega um öll breytt plön. Það pirraði mig líka mikið ef mamma raðaði húsgögnunum heima upp á nýtt. Allt sem truflar stöðugleikann getur verið erfitt en það er hægt að komast hjá miklum vandræðum með því að tilkynna breytingar með fyrirvara.“

Börnum fylgir hávaði
Hann segist heppinn með fólkið sitt en viðurkennir að árekstrar í samskiptum í æsku hafi verið algengir.

Foreldrar mínir skildu ekki af hverju ég lét eins og ég lét og fattaði ekki hvað þau voru að fara. Ég hafði annan skilning og aðra forgangsröðun en foreldrar mínir sem gat valdið misskilningi og varð til þess að mér leið eins og geimveru. Það var eins með annað fólk og smám saman hætti ég að reyna að kynnast fólki. Mér hafði ítrekað mistekist og ég nennti ekki að standa í þessu og fór að halda mér til hlés,

segir Elí sem kemur sjálfur úr stórri fjölskyldu en stefnir ekki á að eignast sína eigin. „Ég á fimm hálfsystkini eða tvö og hálft samanlagt. Ég held að ég sé engan veginn í stakk búinn til að ala upp börn. Ég held að ég myndi ekki þola áreitið. Börn eru sæt og allt það – þegar þau eru ekki pissandi, kúkandi, grenjandi og ælandi á sama tíma. Það fylgir þeim svo mikill hávaði. Á tímabili pældi ég í þessu og velti fyrir mér hvort ég myndi sjá eftir því að vera barnlaus en ég hef þroskast síðan og lært meira á sjálfan mig. Vil ég ala upp barn? Nei. Ég get eiginlega ekki gert það og er alls ekki flinkur með börn. Ég myndi alveg þiggja meiri félagsskap en hversu heimtufrekur á maður að vera? Lífið er ekki fullkomið.“


Lifir í núinu
Aðspurður hvort hann hafi verið lagður í einelti í æsku hugsar hann sig um. „Mér fannst það en svo getur líka verið að ég hafi tekið stríðni mjög illa. Mér samdi allavega ekki vel við krakkana og skildi illa muninn á meinlausri stríðni og illgirni. Það voru endalausir samskiptaárekstrar. Ég var öðruvísi, stóð út úr og var ekki vinsæll. Ég gat verið uppáþrengjandi og seinna, þegar ég gerði mér grein fyrir því, fór ég að loka mig af af ótta við að vera það. Annars er ég lítið í því að hugsa til baka. Ég lifi í núinu og held að það sé besta leiðin til að lifa en ekki að vera að velta sér upp úr vandamálum gærdagsins. Lífið er í dag og ég er hamingjusamari en ég hef nokkurn tíma verið. Að vissu leyti er það því að þakka að ég hef lært að slaka á og er hættur að reyna að lifa samkvæmt einhverjum standard sem er bara skáldskapur annarra. Þetta hefur verið erfitt en ég minni mig reglulega á að ég er ekki með krabbamein, ekki blindur eða með geðklofa. Það eru margir sem eiga miklu erfiðara en ég. Mér hefur farið mikið fram en ég er ekki hættur að vera einhverfur,“ segir hann og viðurkennir að draumurinn sé að lifa á ritstörfunum. „En hvort sá draumur rætist er annað mál. Það sem gerist, gerist. Ég sé bara hvert lífið leiðir mig og það eina sem ég get er að lifa í núinu og njóta mín. Ég held að það sé góð leið til að lifa.“
iáh



24.sep. 2017 - 21:00 Eyjan

Fréttaskýring - Teigsskógur: Afleiðing séríslenskra ákvæða

Þegar löggjöf Evrópusambandsins um umhverfismat var innleidd árið 2000 var í nokkrum atriðum vikið frá reglugerð Evrópusambandsins, ESB,  og sett mun strangari lagaákvæði í íslenska löggjöf. Fleiri framkvæmdir eru skyldaðar í umhverfismat hér á landi en í löndum Evrópusambandsins. Eitt atriðið varðar vegagerð. Í ESB reglunum eru nýir fjögurra akreina vegir sem eru lengri en 10 km matsskyldir. Í íslensku útgáfunni eru allir nýir vegir lengri en 10 km matsskyldir.
24.sep. 2017 - 18:00 Akureyri vikublað

„Draumar geta orðið að veruleika“

„Ég var ekki tilbúin til að hætta í dansinum en ég vildi bæta einhverju öðru við,“ segir danskennarinn og snyrtifræðingurinn Elín Halldórsdóttir sem, eftir að hafa skellt sér í snyrtinám, opnaði á dögunum Snyrtistofuna Sveitasælu í ferðaþjónustunni Öngulsstöðum í Eyjafjarðarsveit.
24.sep. 2017 - 15:00 Vestfirðir

Vestfirskir listamenn

Hver dalur á sína sögu og sínar söguhetjur. Selárdalur í Arnarfirði er sannarlega þar á meðal ef ekki bara á topp tíu listanum yfir mestu sögudali landsins. Enda hafa þar gist margir höfðingjarnir og listamennirnir. Nægir að nefna klerkana Pál Björnsson einhvern lærðasta mann 17. aldar, Jón Þorláksson er einnig var skáld gott og kenndi sig við Bægisá og síðast en ekki síst galdraklerkinn Árum-Kára er sagt er frá í þjóðsögunum.
24.sep. 2017 - 11:00 Vestfirðir

Djúpið: Laxveiði hefst eftir 1930

„Það er ekki vitað að lax hafi gengið í ár við Ísafjarðardjúp fyrr en á allra síðustu árum. Í fyrrasumar veiddust 20 laxar í lagengt silunganet í Ósá við Bolungarvík. Þá hafa veiðst nokkrir laxar í Hvannadalsá í Nauteyrarhreppi, sem er fyrir botni Ísafjarðardjúps. Virðist laxagengdin fara fremur vaxandi. Hefir þetta leitt til þess að nú er farið að setja klakseiði í ár vestra. Verða að þessu sinni flutt 12 þús. klakseiði í Laugardalsá, 25 þús. í Selá hjá Melgraseyri og 10 þús. Í Ísafjarðará, en hún rennur í samnefndan fjörð innst í Djúpinu.“
23.sep. 2017 - 18:00 Akureyri vikublað

„Aðstaða á heimsmælikvarða“

Í síðustu viku léku 35 íslenskir tónlistarmenn tónsmíð kvikmyndatónskáldsins Trevors Morris inn á nýja seríu The Vikings í nýrri aðstöðu í Hofi undir stjórn tónskáldsins Atla Örvarssonar. Trevor er tvöfaldur Emmy-verðlaunahafi og þykir afar kröfuharður. Aðspurður hvernig það kom til að hann valdi Hof til að taka tónlist sjónvarpsseríunnar upp segir Atli hugmyndina hafa komið upp í matarboði um daginn. 
23.sep. 2017 - 15:00 Reykjanes

Lítið um að vera í höfnunum

Makrílinn er ansi sérstakur fiskur.  Í ágúst þá var allt vitlast að vera í Keflavík og bátar voru að tví og jafnvel þrílanda sama daginn.  Síðan kemur 1.september og þá bara púff fiskurinn svo til horfin og veiðinn hrynur niður.
23.sep. 2017 - 10:30 Vestfirðir

Um áhættumat vegna mögulegrar erfðablöndunar milli eldislaxa og náttúrulegra laxastofna á Íslandi

Á dögunum lagði stafshópur skipaður af ráðherra fram stefnumótandi skýrslu um framtíð og fyrirkomulag fiskeldis á Íslandi. Þar eru ýmsar breytingar og áherslur lagðar til með það markmið að atvinnugreinin geti orðið sterk og öflug en jafnframt að starfsemin verði í sátt við náttúruna og hafi sjálfbærni að leiðarljósi. 
23.sep. 2017 - 07:00 Sigurður Jónsson

Ætla Logi og Oddný líka að skipta um nafn

Eins og allir vita sem fylgjast eitthvað með stjórnmálum þá þurrkaðist Samfylkingin nánast út í síðustu alþingiskosningum. Flokkurinn rétt skreið yfir 5% og hefur nú aðeins 3 þingmenn. Samfylkingin var einu sinni stór og ætlaði sér stórt hlutverk í stjórnmálum landsins. Samfylkingin fékk tækifæri á að stjórna landinu í fjögur ár en setti Evrópumet í fylgistapi eftir það.
22.sep. 2017 - 20:00 Akureyri vikublað

Dr. Gísli Kort í yfirheyrslu

Dr. Gísli Kort Kristófersson er nýr deildarformaður Hjúkrunarfræðideildar Háskólans á Akureyri.„Dr. Gísli Kort Kristófersson, sérfræðingur í geðhjúkrun, lektor í geðhjúkrun við Heilbrigðisvísindasvið Háskólans á Akureyri. Deildarformaður Hjúkrunarfræðideildar Háskólans á Akureyri.“
21.sep. 2017 - 21:00 Akureyri vikublað

Í nafni öryggis

Dýrleif Skjóldal skrifar: Það hefur kraumað í mér í viku. Það sem veldur má rekja til íbúafundar og deiliskipulagsbreytinga við Síðuskóla. Á fundinum kom fram tillaga Akureyrarbæjar um að innkeyrslan að Síðuskóla verði færð til norðausturs um svo sem eina bíllengd. 
21.sep. 2017 - 12:00 Akureyri vikublað

Skýldi sér á bak við nafnið

„Mig langar að koma skrokknum mínum í lag eftir meðgöngu og bílslys,“ segir Heiðrún Sigurðardóttir, betur þekkt sem Heiðrún Fitness, sem hefur ákveðið að leyfa áhugasömum að fylgjast með vegferð sinni að heilbrigðari lífsstíl á Snapchat-reikningnum heidrunfitness.
21.sep. 2017 - 11:30 Indíana Ása Hreinsdóttir

Allsherjarhreingerning samfélags

Atburðarás síðustu daga hefur verið lyginni líkust. Alþingi Íslendinga hafði varla verið sett þegar ríkisstjórnin féll. Orð geta ekki lýst viðbrögðum mínum þegar ég heyrði að ýmislegt benti til þess að ráðamenn hefðu reynt að þagga niður þá staðreynd að faðir forsætisráðherra hefði veitt barnaníðingi meðmæli svo hann gæti sótt um uppreist æru. Er samfélag okkar í alvöru svo rotið að það kói með níðingum, sama hversu sjúkir þeir eru?
17.sep. 2017 - 18:00 Akureyri vikublað

Brynhildur Pétursdóttir í yfirheyrslu

Mynd: Sigtryggur Ari Brynhildur Pétursdóttir er best í að stjórnast í öðrum en lökust í eldamennsku.
17.sep. 2017 - 16:00 Reykjanes

Er hægt að byggja fyrir enga peninga?

Eldri borgurum fer fjölgandi á næstu árum. Þrátt fyrir betra heislufar og lengri aldur er það svo að sumir þurfa á því að halda að dvelja á hjúkrunarheimilum. Þrátt fyrir að við viljum öll stefna á að aldraðir geti búið sem lengst á sínu heimili verður ekki hjá því komist að hafa framboð á hjúkrunarrýmum.
17.sep. 2017 - 13:00 Reykjanes

Íslenskt lambakjöt í fyrsta sinn markaðssett til erlenda ferðamanna í matvöruverslunum

Í kjölfar mikillar fjölgunar erlendra ferðamanna á Íslandi hefur þörfin fyrir aðgengilegri framsetningu á íslensku lambakjöti í verslunum verið aðkallandi. Í samvinnu við Krónuna, Kjarval og Norðlenska hefur Icelandic lamb nú brugðist við og kynnir nýja vörulínu. Ætlunin er að ná til þeirra ferðamanna sem kjósa að elda sjálfir í stað þess að borða á veitingastöðum.
17.sep. 2017 - 11:00 Reykjanes

Undirbúningur að heilsu- og forvarnarviku hafinn

Heilsu- og forvarnarvika verður nú í fyrsta sinn haldin sameiginlega á Suðurnesjum og fer hún fram 2. – 8. október nk. Markmiðið með heilsu og forvarnarviku er að draga úr þeim áhættuþáttum sem einstaklingar geta staðið frammi fyrir á lífsleiðinni og hlúa að verndandi þáttum með þátttöku allra bæjarbúa.
17.sep. 2017 - 10:00 Björgvin G. Sigurðsson

Mannúð í stað miskunnarleysis

Miskunnarlaus afstaða stjórnvalda í málefnum hælisleitenda hefur gengið fram af mörgum. Steininn tók úr þegar flóttastúlkunum Mary frá Niegeríu og Haniye, sem er af afgönskum ættum, var vísað frá landi í skjóli Dyflinar reglugerðarinnar, sem heimilar slíka brottvísun en fjarri því að skyldi stjórnvöld til þess. Það er ísköld pólitísk ákvörðun að vísa stúlkunum úr landi, út í óvissuna.
17.sep. 2017 - 09:00 Reykjanes

Sameining Garðs og Sandgerðis Já eða Nei

Þann 11.nóvember n.k. ganga íbúar Garðs og Sandgerðis að kjörborðinu og ákeða hvort sveitarfélögin eigi að sameinast í eitt sveitarfélag. Hér er um ansi stórt mál að ræða sem íbúar sveitarfélaganna þurfa að kynna sér vel. Verði sameining samþykkt verður ekki aftur snúið.
17.sep. 2017 - 07:00 Akureyri vikublað

Hamingjustormurinn

Ég fylgdist gáttuð með athugasemdastorminum sem hófst í kjölfar skráningar Stefaníu Töru Þrastardóttur í Ungfrú Ísland. Ég hneppti fljótt að mér ímyndaða vindjakkanum, dró húfuna niður fyrir eyru og klæddi mig í pollastígvélin.
16.sep. 2017 - 18:00 Akureyri vikublað

Íslendingar sjaldséðir hvítir hrafnar

Fyrirtæki Jökuls Bergmanns, Arctic Heli Skiing, hlaut á dögunum tilnefningu sem besta þyrluskíðafyrirtæki heims. Jökull Bergmann segir hér frá tilnefningunni og deilir um leið uppáhaldsuppskriftunum sínum.
16.sep. 2017 - 07:00 Akureyri vikublað

Eðli máls og stuðningur við KFA

Síðustu daga hefur átt sér stað umræða m.a. á vefmiðlum um samskipti Akureyrabæjar og Kraftlyftingarfélags Akureyrar (KFA) og hefur sú umræða ekki verið byggð á málefnalegum grunni en málið snýst í stuttu máli um óánægju KFA vegna þess stuðnings sem Akureyrarbær er tilbúinn til að veita félaginu.
15.sep. 2017 - 16:00 Suðri

Lýðheilsugöngur Ferðafélags Íslands

Alla miðvikudaga í september mun Ferðafélag Íslands standa fyrir lýðheilsugöngum um allt land. Göngurnar eru hluti af afmælisdagskrá FÍ en félagið fagnar 90 ára afmæli á árinu.
13.sep. 2017 - 16:30 Reykjanes

Eins og Palli var einn í heiminum - Aflafréttir

Það má segja að það séu tvenn áramót ár hvert. Hið fyrra er hið klassíska áramót í lok hver árs 31.desember. Og hin áramótin eru 31.ágúst, því að 1.september ár hver þá hefst nefnilega nýtt fiskveiði ár, og þegar þessi pistll er skrifaður þá er nýtt fiskveiði ár hafið. Það mun þýða að allur flotinn fer á fullt og stóru línubátarnir munu flakka norður og austur um landið til veiða og landa þar afla. Þetta þýðir líka að vörubílstjórarni og þá sérstaklega hjá Jón og Margeir ehf í Grindavík munu hafa nóg að gera við að flytja fisk til Grindavíkur.
09.sep. 2017 - 13:30 Akureyri vikublað

Hestar, myndlist og kaffi

Einar Gíslason býður upp á kaffi, hesta- og myndlistarsýningar hjá Brúnir Horse. Einar féllst á að gefa lesendum Akureyri Vikublaðs uppáhaldsuppskriftirnar sínar. „Það er mjög mikill áhugi á íslenska hestinum,“ segir Einar Gíslason hjá ferðaþjónustufyrirtækinu Brúnir Horse í Eyjafirði þar sem hann og eiginkona hans, Hugrún Hjörleifsdóttir, bjóða upp á hestasýningar, kaffisölu og myndlistarsýningar.
08.sep. 2017 - 07:00 Indíana Ása Hreinsdóttir

Um ósérhlífna viðmælendur

Sem blaðamaður hef ég fengið tækifæri að hitta og ræða við fólk úr öllum áttum og það sem betra er; haft gilda afsökun til að spyrja nærgöngulla og oft furðulegra spurninga sem ég myndi annars ekki endilega leggja í að spyrja. Það kemur mér alltaf jafn ánægjulega á óvart hversu margir eru tilbúnir til að deila sinni sögu, ekki fyrir athyglina, heldur til þess að opna á umræðu um oft á tíðum viðkvæm málefni og hjálpa þannig þeim sem á eftir koma.
07.sep. 2017 - 20:00 Akureyri vikublað

Særún Magnúsdóttir: „Ég hef fengið nýtt tækifæri“

Særún Magnúsdóttir, kennari á Akureyri, hefur öðlast nýtt líf eftir ristilbrottnám. Særún, sem greindist með sáraristilbólgu þegar hún var 18 ára, segir hér frá skömminni sem hún upplifði í kjölfar sjúkdómsins, aðgerðinni sem hún barðist fyrir, áhrifum veikindanna á lífið, og hvernig það er að vera með stóma.
07.sep. 2017 - 12:00 Akureyri vikublað

Stefanía Tara í yfirheyrslu

Akureyringurinn Stefanía Tara Þrastardóttir er stundum of hreinskilin. Fullt nafn, aldur og starfstitill? „Stefanía Tara Þrastardóttir, 22 ára og ég vinn sem förðunarfræðingur í Lyfju Smáratorgi.“ Stjörnumerki?„Steingeit fyrir allan peninginn.“ Nám? „Er ekki í námi eins og er, en draumurinn er að klára hárgreiðslunámið og mennta mig frekar í förðun.“
06.sep. 2017 - 07:00 Magnús Þór Hafsteinsson

Sauðfjárræktin í landinu glímir við verðfall og offramleiðslu

Sauðfjárræktin í landinu glímir við verðfall og offramleiðslu á sama tíma og ferðamenn til Íslands hafa aldrei verið fleiri. Hið meinta „kjötfjall“ sem á að vera til í landinu virðist þó ekki vera stærra en einhver 1.300 tonn. Það er einn loðnufarmur. Þetta er nú allt og sumt.
05.sep. 2017 - 15:14 Björgvin G. Sigurðsson

Átakavetur í aðsigi

Átök og óvissa einkenna stjórnmálin í aðdraganda sveitarstjórnarkosninga. Nýir flokkar reyna fyrir sér og stilla strengina til framtíðar og þeir gömlu freista þess að finna traust land undir fótum sér.
04.sep. 2017 - 19:00 Suðri

Svartidauði - Bókarkafli úr bók Kim Kimselius Svartidauði

Varla gat þó þetta fólk verið dáið? Minette hafði sagt að allir hefðu verið í veislu kvöldið áður, étið, drukkið, sungið og verið glaðir. Hvernig gat þá fólkið verið dáið? Hrikaleg hugsun læddist að honum og hann leit skelfingu lostinn á Minette. Hvernig gat Minette verið á lífi ef allir aðrir voru dánir?
03.sep. 2017 - 19:00 Akureyri vikublað

Sonur Katrínar er langveikur: „Börn hætta ekki bara að vera flogaveik“

Móðir langveiks, fatlaðs drengs á Akureyri er ósátt við að lyfið Orfiril í mixtúruformi sé ófáanlegt álandinu en samkvæmt upplýsingum frá apótekum er lyfið væntanlegt um miðjan september. Gunnlaugur Vilberg er sex ára flogaveikur drengur sem þarf að taka Orfiril í formi mixtúru kvölds og morgna til að halda flogum niðri. 
03.sep. 2017 - 18:00 Eyjan

Stækkun friðlandsins í Þjórsárverum

Þjórsárver eru eitt af þeim svæðum Íslands sem er ómetanlegt hvað varðar náttúrufar og lífríki. Þau eru til að mynda víðáttumesta gróðurvin miðhálendisins, í yfir 600 metra hæð yfir sjávarmáli og þar á þriðjungur allra heiðagæsa heimsins varpstöðvar sínar. Hluti Þjórsárvera var friðlýstur árið 1981 og er á alþjóðlegri skrá Ramsarsamningsins sem dýrmætt votlendissvæði, sérstaklega vegna auðugs fuglalífs.
03.sep. 2017 - 14:00 Eyjan

Flugvöllur á Akranesi

Frá ofanverðum fimmta áratugnum og fram á áttunda áratuginn reyndu nokkrir minni flugrekendur fyrir sér með áætlunarflug og leiguflug á milli Reykjavíkur og Akraness en þessar tilraunir gengu heldur brösuglega.
03.sep. 2017 - 09:30 Eyjan

Guðni góður prestur

Guðni Ágústsson, f.v. landbúnaðarráðherra og heiðursforseti Hrútavinafélagsins Örvars á Suðurlandi, prédikaði við messu hjá séra Hjálmari Jónssyni í Dómkirkjunni í Reykjavík í vor. Það var á uppstigningardegi sem jafnframt var dagur aldraðra.
03.sep. 2017 - 08:00 Akureyri vikublað

Kristín Sóley deilir sínum uppáhalds uppskriftum

Kristín Sóley Björnsdóttir, viðburðastýra hjá MAk deilir sínum uppáhalds uppskriftum með lesendum. Laxabulgur með lime-jógúrtsósu. Fyrir 4. Sósa: 2 dl grísk jógúrt, rifinn börkur af 1 lime, 1–2 tsk. fljótandi hunang, flögusalt.
02.sep. 2017 - 17:00 Akureyri vikublað

Stephany Mayor í yfirheyrslu

Stephany Mayor er markahæsti leikmaður toppliðs Þórs/KA. Stephany er frá Mexíkó og saknar mest matarins heiman frá. Fullt nafn, aldur og starfstitill? „Stephany Mayor, 25 ára, atvinnumaður í fótbolta.“
02.sep. 2017 - 08:00 Akureyri vikublað

Bókmenntahátið í Hofi

„Það er mjög spennandi ár framundan og ég get engan veginn gert upp á milli,“ segir Kristín Sóley Björnsdóttir, viðburðastýra hjá Menningarfélagi Akureyrar, þegar hún er beðin um að velja þann viðburð MAk í vetur sem hún er spenntust fyrir. 
01.sep. 2017 - 13:43 Akureyri vikublað

Alþjóðlegi sjálfsvígsforvarnardagurinn nálgast

Á ári hverju falla um 40 manns fyrir eigin hendi. Milli 500 til 600 manns til viðbótar gera til þess tilraun. Geðhjálp og Rauði krossinn hófu átakið Útmeða fyrir tveimur árum. Átakið beindist að sjálfsskaða og sjálfsvígum ungra karlmanna en sjálfsvíg eru algengasta dánarorsök karlmanna á aldrinum 18 til 25 ára. Ljóst er að það vantar meiri peninga í forvarnir, líkt og umferðarforvarnir sem bjargað hafa mannslífum. Geðhjálp og Rauði krossinn eiga þakkir skildar fyrir sitt framtak. Öll umræða er af hinu góða. Fólk verður að geta talað um sína vanlíðan og vita hvert hægt er að leita.
27.ágú. 2017 - 22:00 Akureyri vikublað

Erna Kristín í yfirheyrslu

Fullt nafn, aldur og starfstitill? „Erna Kristín Kristjánsdóttir, 43 ára, afleysingakennari í grunnskóla í augnablikinu en annars í starfsleit.“ Fjölskylduhagir: „Gift Sveini Heiðari Sveinssyni sjómanni, við eigum tvö börn saman og svo fylgdu honum Sveini mínum fimm flott ungviði.“
27.ágú. 2017 - 19:00 Akureyri vikublað

Náttúran og tengsl hennar og mannsins

Íslenskir og bandarískir listamenn sýna saman í sýningunni Hverfing sem stendur yfir í Verksmiðjunni á Hjalteyri. Umfjöllunarefni sýningarinnar er hnattræn hlýnun og ágangur manna á náttúruauðlindir. 
„Sýningin hefur verið í farvatninu í tæp tvö ár,“ segir Þórdís A. Sigurðardóttir sem, ásamt Önnu Eyjólfsdóttur, Rúrí og Ragnhildi Stefánsdóttur, stendur að sýningunni Hverfing/Shapeshifting sem nú stendur yfir í Verksmiðjunni á Hjalteyri.
27.ágú. 2017 - 16:00 Akureyri vikublað

Guðríður Gyða sveppafræðingur notar gjarnan sveppi í matargerð

„Ég ákvað að verða sveppafræðingur á fimm mínútum, vorið 1981, og hef ekki séð eftir því ennþá,“ segir Guðríður Gyða Eyjólfsdóttir, sveppafræðingur hjá Náttúrufræðistofnun Íslands, sem segir mikið úrval sveppa í íslenskri náttúru. 
27.ágú. 2017 - 14:00 Vestfirðir

Kvíar í Jökulfjörðum: Íbúðarhúsið endurbyggt

Gamla reisulega íbúðarhúsið að Kvíum í Jökulfjörðum hefur undanfarin ár verið algerlega endurbyggt. Byrjað var á verkinu árið 2012 og sér nú fyrir endan á framkvæmdunum. Það er fyrirtækið Borea Adventures sem hefur húsið til afnota og stendur straum af kostnaðinum. Að sögn Rúnars Óla Karlssonar eru komnar rúmar 30 milljónir króna í verkið.
27.ágú. 2017 - 07:00 Akureyri vikublað

Bónusgreiðslur

Hvað myndi ég gera ef ég ætti von á bónusgreiðslu upp á milljónir króna vegna þess að börnunum sem ég hef kennt hefur vegnað svo vel? Að vinnan mín hafi lagt grunninn að velgengni þeirra og þess vegna eigi ég von á sérstakri aukagreiðslu upp á milljónir jafnvel þótt það þýði að ekki sé hægt að hækka laun annarra kennara, kaupa kennslubúnað og það sem verst er, að rukka þurfi nemendur og foreldra þeirra um skólagjöld?
26.ágú. 2017 - 18:00 Akureyri vikublað

Söfnun og meðhöndlun sveppa

Nú er rétti tíminn til sveppatínslu. Samkvæmt sveppafræðingnum Guðríði Gyðu er nauðsynlegt að kunna réttu handtökin þegar safna skal sveppum. Hér eru ráðleggingar Guðríðar Gyðu. Það er fremur fljótlegt að safna lerkisvepp og mjög fljótlegt að safna furusvepp. Áður en aldin eru sett í körfuna þá er lítill, beittur skrælihnífur notaður til að skrapa og skera af mesta ruslið og moldina sem loðir við aldinið

26.ágú. 2017 - 10:00 Akureyri vikublað

„Þær verða Íslandsmeistarar“

Stelpurnar í Þór/KA eru enn ósigraðar í efsta sæti Pepsi-deildar kvenna með 38 stig eftir 3-0 sigur á KR á þriðjudaginn. Næsta lið er ÍBV með 28 stig og leik til góða. Fyrir leikinn við KR sagði Donni mikilvægt að halda einbeitingu. „Við erum á góðri leið en það er mun auðveldara að klúðra þessu, halda að þetta sé komið og hætta. Á meðan allir hinir eru á 100 prósent fókus að reyna að ná okkur megum við ekki slaka á eina sekúndu. Þá einfaldlega náum við ekki þessu markmiði okkar,“ sagði Donni við Þór TV.
26.ágú. 2017 - 07:00 Sigurður Jónsson

Fylgi Flokks fólksins á fleygiferð upp

Í síðustu skoðunakönnunum hefur það birst okkur að Flokkur fólksins er að bæta verulegu fylgi við sig. Takist flokknum áfram að ná eyrum kjósenda er örugg að hér mun koma nýtt afl í sali Alþingis. Nú segja menn þetta eru nú bara skoðunakannanir en ekki alvöru kosningar og því getum við í hinum flokkunum verið alveg róleg. Þetta mun breytast. Þau ná aldrei þessu fylgi. En er það svo? Geta gömlu flokkarnir verið alveg vissir um að halda í sína kjósendur.

25.ágú. 2017 - 07:00 Indíana Ása Hreinsdóttir

Áfram stelpur

Stelpurnar í Þór/KA sitja á toppi Pepsi-deildarinnar. Forskotið er það gott að með bjartsýni má halda því fram að tímaspursmál sé hvenær Akureyringar geti farið að fagna sigri í deildinni.
24.ágú. 2017 - 20:00 Akureyri vikublað

Siggi pönk: „Það trúðu allir öllu slæmu um mig enda átti ég að vera algjör brjálæðingur“

Eflaust muna flestir betur eftir Sigurjóni Baldvinssyni, Sigga pönk. Siggi býr á meðal glæpagengja í sambúi í Danmörku og fékk fyrst rafmagn í húsið sitt í fyrra. Í einlægu viðtali segir Siggi frá ástæðu þess að hann flutti frá Akureyri, eineltinu í æsku, sögusögnunum, rimmunum við lögregluna, anarkismanum, foreldrunum sem hafa alltaf staðið með honum, pönkinu sem hann segir enn á lífi og af hverju hann ætlar sér aldrei að verða fullorðinn.
31.júl. 2017 - 19:00 Austurland

Endurskoðun á úthlutunarreglum Byggðakvóta

Starfshópur sjávarútvegsráðherra hefur farið um landið síðustu viku og kynnt hugmyndir að nýju fyrirkomulagi á úthlutun byggðakvótans, bæði almenns og sértæks. Í grunninn væri verið að tala um eitt kerfi í framtíðinni og mun lengra tímabil, sem ætti að geta tryggt grundvöll fyrir uppbyggingu vinnslu í minni plássum. Að sögn nefndarmanna er tilhneigingin sú í tillögunum að úthlutanir færast frá stærri plássum til þeirra minni en reiknireglan sem notuð er miðast við fækkun íbúa, frekar en fiskveiðireynslu síðustu ára eins og verið hefur. 
31.júl. 2017 - 15:00 Austurland

ROKK-Hostel að HAVARÍ

Það hefur ekki verið slegið slöku við að Karlsstöðum í sumar og tónlistarveislan verið vel sótt. „Þetta er búið að vera ævintýri líkast,“ segir Berglind Häsler bóndi og bústýra en bætir við um leið að enn sé nóg eftir og dúndurdagskrá alveg út ágúst. „Hingað hefur streymt fólk af öllu landinu og öllum heimshornum ef út í það er farið. Það hefur verið húsfyllir á öllum viðburðum hingað til og stemningin nánast verið draumkennd á köflum því gestirnir okkar eru svo þakklátir og skemmtilegir. Þannig að við erum nokkuð viss um að seinni hluti sumarsins verði ekki síðri. Sérílagi Hæglætishátíðin um verslunarmannahelgina.“

Tapasbarinn: Hvítlaukshumar sept 2017