27. okt. 2017 - 19:30Vesturland

Bókarkafli: Svartur þriðjudagur

Í Fugley

Í Fugley

Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 

Sársaukafullar aðgerðir

Eftir hrunið var skipuð nefnd embættismanna, sem nefnd var Færeyjahópurinn, til að takast á við þetta stóra vandamál og settur á laggirnar nýr sjóður, Fjárfestingarsjóðurinn 1992. Þeir sem skipuðu stjórn hans höfðu í nógu að snúast næstu misserin, urðu í upphafi að taka við rekstri bankanna tveggja, Sjóvinnubankans og Færeyjabanka, í samvinnu við landstjórnina, en bankarnir lentu báðir í höndunum á Den danske bank, þegar þeir urðu gjaldþrota. Síðan hófust sársaukafullar aðgerðir: Skólar voru lagðir niður, skattar hækkaðir, verulegar breytingar gerðar á heilbrigðiskerfinu, hið opinbera færeyska flugfélag lagt niður, fiskveiðistjórninni breytt verulega, sveitarfélög sameinuð, sparað og skorið niður á öllum sviðum. Frá Danmörku streymdi hátt á þriðja milljarð danskra króna til að endurreisafæreyskt samfélag og samtímis var verðmæti allra húseigna Færeyinga fært niður um helming.

En allt þetta fé hafði skamma viðdvöl í Færeyjum, það streymdi jafnharðan úr landi, til erlendra kröfuhafa, og niðurstaða Høgna Hoydal [þingmanns í Færeyjum] er sú að með því hafi Den Danske bank verið bjargað úr þessari miklu fjárþröng og erlendu bankarnir hafi ekki heldur tapað einni krónu, þar með talið þeir sem tóku hvað mestan þátt í brjálæðinu á níunda áratugnum, þegar það stóð sem hæst. Auk þess var öllum skuldum einstaklinga breytt í skuldir hins opinbera og þær lagðar á Landskassann þannig að skuldir hans jukust úr 218 milljónum danskra króna 1988 í 5,3 milljarða 1993, og sveitarfélögin skulduðu í ofanálag nærri tvo milljarða króna. Skuldirnar lentu sem sagt á færeyskum skattgreiðendum, sem þýddi að skattar og allar álögur voru hækkuð. Þetta hafði að sjálfsögðu gríðarleg áhrif á allt samfélagið, sem segja má að hafi hrunið til grunna. Útgerðin fór á hliðina eins og hún lagði sig, 19 frystihús voru sameinuð í eitt móðurfélag undir stjórn Fjárfestingarsjóðsins. Aðeins sjö þeirra tóku til starfa á ný og stór hluti fiskveiðiflotans lábundinn í höfn stóran hluta ársins næstu árin.

Hamfarir og þjóðhirting

Árið 1994 var atvinnuleysi um 25% og ráðstöfunartekjur Færeyinga drógust að meðaltali saman um 30%; 500 fjölskyldur misstu hús og heimili og um 7.000 Færeyingar fluttu úr landi, til Danmerkur, Noregs og Íslands, eða um 15% þjóðarinnar. Segja má að undir þessum kringumstæðum hafi Færeyingar notið þess að landið var talið hluti af Danmörku því þangað gat hver sem var flutt og notið sömu réttinda og aðrir þegnar danska ríkisins. Mörgum Færeyingum líkaði illa að skyndilega beindu danskir fjölmiðlar kastljósum sínum að þeim, eftir afskiptaleysi í þrjá áratugi, en nú voru eyjarnar orðnar efni í góð hneykslismál. Það var farið að fjalla um jarðgöngin, vegina, togarana og bílana, og fyrirsagnirnar voru á borð við: „Þeir stela peningunum okkar“ og „Ofdekraðir, ábyrgðalausir Færeyingar“.

Høgni Hoydal skrifaði að þetta hefði helst minnt á þjóðarhirtingu, hrunið hefði vakið blygðun meðal allrar þjóðarinnar. En Lykketoft fjármálaráðherra orðaði þetta þannig árið 1993 að ábyrgðarleysið hefði verið alstaðar í færeysku samfélagi, hjá stjórnmálamönnunum, í atvinnulífinu og einstökum færeyskum fjölskyldum. Allt í rúst. Færeyingum leið þó ekki eins og ofdekruðum manneskjum. 

  
Kirkjan á Sandi í Sandey

Allt var í rúst: 

atvinnan, fjölskyldurnar, heimahagarnir eins og þeir lögðu sig og skömmin breyttist í reiði út í færeyska stjórnmálamenn og sjálft samfélagskerfið. Enda hafði verið afhjúpað rækilega að efnahagslíf Færeyja hafði verið óarðbær leikur með niðurgreiðslur, millifærslur, skort á eigin fé og yfirdrætti. Menn töluðu um einkavæðingu landskassans en þegar kom að gjalddaga höfðu stjórnmálamennirnir þjóðnýtt skuldir spekúlantanna. Pólitíska kerfið reyndist vera algjörlega ónothæft og andfélagslegt.

Í fyrstu kosningunum eftir hrun, sem fóru fram 1994, vann Sambandsflokkurinn stóran sigur, fyrst og fremst með það slagorð að vopni að Danir skyldu fá að borga brúsann og sýna Færeyingum réttlæti á ný. Hin takmarkaða sjálfstjórn tapaði og rökin voru: „Við erum þrátt fyrir allt danskir ríkisborgarar og Danmörku ber skylda til að sjá fyrir okkur.“ Fylgi Javnaðarflokksins helmingaðist hins vegar en engu að síður var mynduð Landstjórn þessara tveggja flokka, um þá sameiginlegu stefnu að sækja hjálpina til Danmerkur.

Sérfræðingarnir voru ekki lengi að slengja fram hinum svartsýnustu spádómum um framhaldið: Hver einasta færeysk fjölskylda myndi verða gjaldþrota og öll hús seld á nauðungaruppboðum, ungt fólk á barneignaaldri streyma úr landi og íbúatala landsins hrynja, úr 47 þúsundum 1992 í 25 þúsund árið 2010. Atvinnuleysið myndi aukast enn verulega og hvorki fjölskyldurnar né sjálfur landskassinn myndi geta borgað skuldir sínar. Færeyingar yrðu að samfélagi gamalmenna og enginn yrði eftir til að sjá þeim farborða. Menn sáu fyrir sér að við útgang flughafnarinnar í Vágey héngi skilti með orðunum: Sá sem síðastur fer slökkvi ljósið.



Færeyjar rétta úr kútnum

En strax í byrjun árs 1994 voru á lofti teikn um að þessir spádómar myndu ekki rætast. Að eyjaskeggjar norður í höfum væru engar liðleskjur, létu ekki drepa sig í dróma, heldur sneru fljótlega vörn í sókn. Fólki tókst að standa við að greiða vexti og afborganir af lánum þrátt fyrir skattahækkanir, launalækkanir og atvinnuleysi og litlu fyrirtækin skrimtu þótt hin stóru féllu. Í sumum byggðum lögðu verkalýðsfélögin fram fé til að koma fiskveiðunum af stað og annars staðar sameinuðust áhafnir báta um að kaupa þá, og héldu þeim svo til veiða. Og víða tóku menn sig saman um að hefja framleiðslu á þeirri gömlu framleiðsluvöru, harðfiskinum. Ein af ástæðum þess hve Færeyingum tókst fljótt að rétta úr kútnum var að fiskistofnarnir náðu sér á strik fyrr en áætlað var, að hluta til vegna dynta náttúrunnar sjálfrar og að hluta til vegna þess að við hrunið minnkaði veiðiálagið verulega og var mun minna þessi ár sem kreppan var hörðust en verið hafði um langan aldur.

Önnur ástæða var að ný útflutningsgrein tók að láta á sér kræla, eftir mikinn barning og gjaldþrot fyrri ára: Lax- og urriðaeldi breiddi úr sér á færeyskum fjörðum á næstu árum og eldisfiskur varð undraskjótt verulegur hluti af útflutningi Færeyinga. Fiskur og fiskafurðir voru á þessum tíma um 97% af útflutningi Færeyinga og útflutningur á eldisfiski hefur vaxið frá því að vera um 20% útflutningsins um síðustu aldamót í um 40% árið 2014. Enn flytja Færeyingar langmest út af fiski, en hlutfall hans á síðasta ári var 90-95%, þannig að fjölbreytni útflutnings Færeyinga hefur heldur aukist.



Smæðin reyndist styrkur

Við þessar aðstæður kom líka annað í ljós: Smæð færeyska samfélagsins og nálægðin milli fólks reyndist einn almesti styrkur þess og í ljós kom mikilvægi persónulegra tengsla og samhjálpar fólks. Þeir sem neyddust til að pakka saman og flytja úr landi voru helst ungt fólk sem hafði nýlega byggt sér hús og hafði botnlausar skuldir hangandi yfir sér. Svipað gerðist í menningarlífinu, sem blómstraði á kreppuárunum, ekki síst listirnar: tónlist, skáldskapur, leikhús, myndlist, rétt eins og gerðist á Íslandi eftir okkar hrun. Útgáfa á færeyskum bókum jókst verulega og myndlistarsýningar voru á hverju strái, sem var með ólíkindum, miðað við hina margfrægu höfðatölu, og færeyskir myndlistarmenn eiga eflaust kröfu til einhverskonar heimsmets, eins og vikið verður að síðar. 

Það er til marks um hugmyndaauðgi og þrautseigju Færeyinga, og ekki síður frændrækni þeirra í okkar garð, að 16 árum síðar, þegar kom að íslenska hruninu, voru það þeir sem buðu Íslendingum fyrstir þjóða lánsfé til að þeir gætu hafið fyrstu lífgunartilraunir á sínu samfélagi, eftir sitt hrun.



20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.
23.okt. 2017 - 15:35

Ekkert stress í Hrísey

Linda María Ásgeirsdóttir Linda María Ásgeirsdóttir er eigandi Verbúðar 66, veitingastaðar í Hrísey. Linda, sem opnaði staðinn í tilefni fimmtugsafmælis síns, deilir hér uppáhaldsuppskriftunum sínum með lesendum Akureyri Vikublaðs.
Linda María er uppalin í Hrísey. Maðurinn hennar vinnur á Akureyri og tekur ferjuna á morgnana og heim aftur á kvöldin.
23.okt. 2017 - 07:00 Akureyri vikublað

Ást í verki

Við sýnum ást okkar í verki á misjafnan hátt. Ég er til dæmis alveg ótrúlega sjálfhverf og geri mér vel grein fyrir því, að það er ekki alltaf auðvelt að sjá hvenær ég er að sýna ást í verki. Stundum er það dulbúið í snyrtivörukaupum fyrir sjálfa mig, því þegar mér líður vel, líður manninum mínum vel. Ég er yfirleitt skapbetri þegar ég er í endorfínvímu eftir eyðslu. 
22.okt. 2017 - 15:00 Vestfirðir

Vestfirskir listamenn 2

Jakobína Sigurðardóttir F. 8. júlí 1918 Hælavík Hornströndum. D. 29. janúar 1994 Akureyri. Öndvegisverk: Dægurvísa, 1965, Snaran, 1968, Lifandi vatnið, 1974 Ef þú átt eftir að lesa þessa bók, þá verður þú að hafa í huga að ég ætlaði að skrifa Góða Bók. Þannig hefst síðasta skáldsaga vestfirsku skáldkonunnar Jakobínu Sigurðardóttur, Í sama klefa. Það er varla hægt að byrja sögu betur en þetta. Strax á fyrstu setningu er athygli lesandans vakin. Þetta var einmitt einn af mörgum hæfileikum skáldkonunnar að grípa lesandann strax á fyrstu orðum. Jakobína Sigurðardóttir bóndastúlkan frá Hælavík er sannarlega einn af skáldsnillingum síðustu aldar hér á landi. En hver var hún?

(15-2) Húðfegrun: Gelísprautun - nóv/des