19. okt. 2017 - 12:10Akureyri vikublað

Ásta Rún:„Mikilvægt að viðhalda fordómaleysi barnanna"

Mér fannst vanta bók sem gæti hjálpað foreldrum, kennurum og öðrum að ræða um mismunandi fjölskyldur á þægilegan hátt og ákvað að bæta úr því. Sjálf er ég gift konu og saman eigum við einn son og annað barn á leiðinni. Mig langar að stuðla að því að okkar fjölskylduform sé álitið jafn eðlilegt og önnur. Einnig vildi ég setja fjölskyldur þar sem foreldrar eru samkynhneigðir í samhengi við annan fjölbreytileika eins og fjölskyldur þar sem foreldrarnir hafa skilið, barnið er ættleitt eða bara að sumir eigi gæludýr en aðrir ekki. Fjölskylduform geta verið svo ólík,"

segir Ásta Rún Valgerðardóttir, höfundur barnabókarinnar Fjölskyldan mín. 

Mamma og mamma 

Bók Ástu fjallar um Friðjón, fimm ára leikskólastrák, sem á tvær mömmur. Ásta fékk styrk frá Samfélagssjóði Valitor til að gefa bókina til allra leikskóla á Íslandi. 

Það eru til ótrúlega fáar bækur á íslensku þar sem samkynhneigðir foreldrar koma við sögu, sérstaklega fyrir börn á leikskólaaldri. Sonur okkar, sem er þriggja ára, reynir gjarnan að finna aðra mömmu í einhverjum karakterum í bókunum sem við lesum saman og bendir á hinn og þennan karakter og spyr hvort þetta sé líka mamma,

segir hún og bætir við að það sé erfitt fyrir barn að geta ekki speglað sig í bókunum og öðru afþreyingarefni. 

Oftast breyti ég bara texta bókanna og les „mamma og mamma“ í stað „mamma og pabbi“. Annars eru krakkar á leikskólaaldri svo opnir og eru lítið að pæla í svona löguðu og þess vegna er svo mikilvægt að halda í fordómaleysi þeirra. Við erum oft að reyna að snúa hlutum við þegar þeir eru orðnir slæmir í stað þess að byggja undir það sem er í lagi. Ég hef fengið spurningar frá eldri krökkum á leikskólanum sem spyrja hvar pabbi stráksins míns sé. Því svara ég með því að hann eigi tvær mömmur en engan pabba. Þau taka því sem góðu og gildu og finnst ekkert eðlilegra. Það væri gott ef þau viðhorf fengu að lifa lengur og helst út ævina, þetta umburðarlyndi og fordómaleysi. Það er aldrei neitt mál í leikskólanum en þar hef ég aldrei upplifað neina fordóma og engin vandamál tengd því að hann eigi tvær mömmur. Það eina sem við höfum fengið aðstoð með er á Bóndadögum. Þá er karlkyns fjölskyldumeðlimum oft boðið í heimsókn á leikskólann, en þá fer afi hans með honum. Ég held að þeir séu báðir mjög sáttir við það. Bjarni og afi hans og nafni eru mjög nánir, 

segir hún. 

Aðspurð hvort strákurinn hennar hafi pælt í því að hann eigi ekki pabba segir hún að hann hafi nýlega, í fyrsta sinn, spurt hvar pabbi hans. Svarið sem hann fékk var að hann eigi ekki pabba heldur tvær mömmur og hann pældi ekki meira í því þá. 

Við fræðum hann um að fjölskyldur eru alls konar og í mínum huga er hann heppinn að eiga tvo foreldra sem elska hann út af lífinu og myndu gera allt fyrir hann.

Óhjálpleg bjargráð

Ásta er uppalin á Dalvík þar sem hún bjó þar til hún flutti inn á Akureyri á unglingsaldri. Þegar hún var 22 ára flutti hún suður til Reykjavíkur til að læra sálfræði og í dag býr hún á höfuðborgarsvæðinu þar sem hún vinnur sem sálfræðingur og starfar með fólki sem hefur orðið fyrir áföllum. Hún segir starfið krefjandi en gefandi. 

Það er svo yndislegt þegar maður sér árangur og fólki fer að líða betur, 

segir Ásta sem starfar bæði með fólki sem hefur orðið fyrir áföllum nýlega og fólki sem varð fyrir áföllum mörgum árum áður. 

Hún segir töluverðan mun vera á þessum hópum og að mikilvægt sé fyrir fólk að fá aðstoð sem fyrst eftir áfall til að fyrirbyggja meiri vanda til lengri tíma litið. 

Að sjálfsögðu þurfa ekki allir á sérfræðiaðstoð að halda eftir að hafa orðið fyrir áföllum, og flestir jafna sig á náttúrulegan hátt. Það fer eftir eðli áfallanna. Fólk sem verður fyrir kynferðislegu ofbeldi er líklegast til að þurfa á sérfræðiaðstoð að halda til að jafna sig. Stundum leitar fólk í óhjálpleg bjargráð eftir áföll til að forðast að þurfa að takast á við erfiðar minningar eða tilfinningar. Það getur til dæmis verið áfengi, vímuefni, matur, vinna eða aðrar leiðir sem hjálpa einstaklingnum að líða aðeins betur í augnablikinu, en hefur skaðleg áhrif á líðan þar sem það kemur í veg fyrir að hugurinn nái að vinna úr áfallinu. Auk þess að leiðin sem fólk notar til að komast hjá því að horfast í augu við vandamálið getur orðið sjálfstætt vandamál, til dæmis vímuefnavandi.

Ásta segir barnabókina ekki unna út frá fræðum sálfræðinnar. 

Bókin er skáldskapur auk þess sem hún er byggð á eigin reynslu. Þetta er ekki sálfræðibók. Eftir að hafa leitað lengi að svona bók án árangurs hugsaði ég fyrst um að þýða bók en svo ákvað ég að reyna frekar að skrifa og sjá hvað myndi gerast. En ég hef alltaf haft áhuga á að skrifa og mig hefur langað að gefa út eigið efni frá því ég var barn.

Fjólubláir strigaskór

Eiginkonunni, Guðrúnu Dóru, kynntist Ásta í vinnunni en Guðrún Dóra er geðlæknir. Þær vinna báðar á Landspítalanum en vinna ekki lengur í sömu byggingu. Hún segir það gott að hafa ákveðna fjarlægð á milli þeirra í vinnunni til að koma í veg fyrir að þær taki vinnuna með sér heim. Þær Guðrún Dóra gengu í hjónaband árið 2013 í Fríkirkjunni í Reykjavík. 

Það var yndislegur dagur sem hefði ekki getað heppnast betur, 

segir Ásta og bætir aðspurð við að hún hafi fyrst heillast af kímnigáfu Guðrúnar Dóru. 

Hún er svo fyndin og skemmtileg og svo er hún líka bara yndisleg manneskja, góð, traust og falleg, ég gæti ekki verið heppnari með maka. Það er til dæmis mjög lýsandi fyrir hana að hún var í fjólubláum strigaskóm í brúðkaupinu og vildi endilega hafa lagið „Tveir fílar lögðu af stað í leiðangur“ sem útgöngulag. Það var ótrúlega skemmtilegt en það tók hana samt smá tíma að fá mig til að samþykkja það. 

Mynd/Auðunn Níelsson

Þær fóru til Ungverjalands í brúðkaupsferð og var sú för að sögn Ástu mjög vel heppnuð. Hins vegar sé það helst þegar þær eru að ferðast sem það getur verið hamlandi að vera tvær konur í sambandi.

Stundum þykjumst við vera vinkonur til að passa upp á öryggið því í sumum löndum eru enn miklir fordómar gagnvart samkynhneigð. Einnig lendum við nánast undantekningarlaust í að fá ekki hjónarúm heldur tvö aðskilin rúm þegar við pöntum hótelherbergi. Sama hve skýrt það sé tekið fram að við viljum fá hjónarúm.

Gengur með egg konu sinnar

Sonur þeirra, Bjarni Freyr Hjaltalín Rúnarson, verður stóri bróðir á næsta ári. Ásta gekk með Bjarna en nú er komið að Guðrúnu Dóru sem er komin 17 vikur á leið með þeirra annað barn. 

Það er náttúrlega snilld að geta skipst á. Þegar ég gekk með Bjarna var egg úr Gunnu sett upp hjá mér og nú gengur hún með eggið mitt. Okkur langaði að reyna þetta og það gekk upp. Að okkar mati er þetta skemmtilegt og jákvætt fyrir tengslin þótt börnin hefðu að sjálfsögðu alltaf verið börn okkar beggja þótt við hefðum farið aðra leið,

segir hún og bætir við að Bjarni sé afar líkur Guðrúnu í skapi og útliti. 

Fólk var oft hissa á því hvað barnið var líkt Gunnu þar sem ekki allir vissu að hann var líffræðilegur sonur hennar.

Kostir og gallar

En eru ekki forréttindi að geta stutt konuna sína á meðgöngu eftir að hafa sjálf gengið með fætt barn?

Því fylgja kostir og gallar. Stundum reikna ég kannski með því að hún sé að ganga í gegnum nákvæmlega sömu hluti og ég gerði en hver meðganga er einstök. Kostirnir eru samt líka margir. Það verður mjög gott að prófa að vera nýbökuð móðir og vera líkamlega alveg heilbrigð en ég var frekar lengi að jafna mig líkamlega eftir fæðinguna. Að verða mamma var yndislegra en einnig erfiðara en ég hélt – einfaldlega ólýsanlegt. Við erum ótrúlega spenntar fyrir komu nýja barnsins, 

segir hún og bætir við að Bjarni átti sig að einhverju leyti á stöðunni. 

Ég held samt að hann muni ekki meðtaka það almennilega fyrr en barnið er komið.

Lítið af fyrirmyndum

Ásta segist aldrei hafa fundið fyrir fordómum vegna kynhneigðar sinnar. Samt sem áður segir hún viðhorf gagnvart hinsegin fólki hafa gjörbreyst á síðustu 15 árum. 

Það er himinn og haf á milli viðhorfanna frá því ég var í menntaskóla og hvað þá síðan ég var að alast upp á Dalvík. Þegar ég var krakki þá vissi ég ekki almennilega hvað orðið lessa þýddi, ég vissi bara að það hafði einhverja neikvæða merkingu. Að mínu mati væri eðlilegast ef fólk þyrfti ekki að tilkynna það sérstaklega til hvors kynsins það hneigðist og mér finnst skrítin sú hugmynd að fólk eigi að koma út úr skápnum á einhvern hátt; eins og það sé einhver tilkynningarskylda,

segir hún en bætir aðspurð við að fjölskylda hennar og vinir hafi tekið því mjög vel þegar hún kom út.

Ég man ekki eftir mörgum samkynhneigðum fyrirmyndum úr bókum eða sjónvarpsþáttum frá því ég var að alast upp. Kannski hefði ég komið fyrr út ef ég hefði haft fleiri fyrirmyndir, en það er erfitt að segja til um það svona eftir á. Ég hef ekki orðið vör við neina fordóma, en fólk talar stundum um að ég líti ekki út fyrir að vera samkynhneigð sem eru kannski ákveðnir fordómar gagnvart samkynhneigðum þótt þeir beinist ekki gegn mér persónulega. Einnig vill fólk oft segja manni frá fólki sem það þekkir sem er samkynhneigt þegar það kemst að því að ég sé með konu. Ég held að það sé til að reyna að koma því á framfæri að það sé ekki með fordóma. Mér finnst það bara frekar sætt.

Mynd/Eiríkur Ingi Photography

Kenndur við báðar mæðurnar

Ásta á þrjú systkin og nokkur stjúpsystkin en foreldrar hennar eru skildir. Hún ólst að mestu leyti upp hjá móður sinni og valdi að láta kenna sig við hana. Sonur þeirra Guðrúnar Dóru er hins vegar Rúnarson. 

Ég heiti Ásta Rún og hún Guðrún. Hann er því Rúnarson, 

segir Ásta brosandi. Aðspurð segist hún vel geta hugsað sér að flytja aftur norður í framtíðinni. 

Stór hluti af fjölskyldunni er fyrir norðan og því hef ég tenginguna þangað. Ég er að vinna í því að fá Gunnu með mér norður. Mér finnst þægilegra að búa í litlu samfélagi og mér leið mjög vel á Akureyri. Bærinn er passlega stór, þar hefur maður allt til alls en losnar við allar þessar vegalengdir sem eru í borginni.

Góð viðbrögð

Hún segist hafa gengið með hugmynd að bókinni í maganum í þónokkurn tíma. 

Þótt aðalsöguhetjan eigi tvær mömmur fjallar bókin um allskyns fjölbreytileika í von um að sýna að engin ein tegund af fjölskyldu er réttari eða betri en önnur, 

segir hún og bætir við að hún hafi strax talið sig vera með eitthvað í höndunum. 

Ég taldi mig vita að hugmyndin væri góð en maður veit aldrei fyrir víst hvort útkoman verði góð líka. Ég fékk ótrúlega marga til að lesa yfir hjá mér áður en ég sendi bókina til útgefanda og fékk fjölda ábendinga. Ég vona að þetta sé flott efni. Viðbrögðin við henni hafa verið góð og það er greinilega mikil þörf á svona bókum.

Friðjón vaknar til lífsins

Hún segir Bjarna oft hafa heyrt sögu bókarinnar. 

Ég er með uppkast í símanum og hef lesið söguna fyrir hann. Honum finnst hún mjög skemmtileg en allir karakterarnir, nema aðalpersónan, eru skírðir eftir kennurum og starfsfólki á leikskólanum hans. Ég gerði það því mig langaði að sýna leikskólakennurunum hans pínulítinn þakklætisvott fyrir allt sem þau gera fyrir börnin okkar á hverjum degi. Fólkið sem vinnur á leikskólunum er svo ótrúlega mikilvægt og mikilvægi þessara starfa er oft vanmetið að mínu mati. Söguhetjan fékk hins vegar nafn eftir manni sem bjó í íbúðinni okkar á undan okkur. Lengi vel stóð Friðjón á dyrabjöllunni okkar og því ákvað ég að leyfa Friðjóni að vakna til lífsins í sögunni, 

segir Ásta sem mun halda útgáfuhóf í sal Samtakanna '78 laugardaginn 21. október. 

Þrátt fyrir að ég hafi aldrei verið í samtökunum voru þau svo yndisleg að leyfa mér að nota salinn sinn auk þess sem samtökin eru að aðstoða mig við að koma bókinni á framfæri. Ég hef aldrei verið virk í réttindabaráttunni en er ofsalega þakklát þeim sem á undan komu og börðust fyrir réttindum samkynhneigðra og annarra minnihlutahópa. Það er þeim að þakka að maður hefur ekki þurft að hafa neitt fyrir hlutunum og fengið að gifta sig, eignast barn og allt það sem maður tekur sem sjálfsögðum hlut,

segir hún og bætir við að hún sé ótrúlega spennt að fá bókina í hendurnar. 

Það er búið að vera skrítið að sjá hana vakna til lífsins með myndunum. Ég er í skýjunum með útkomuna.

Greinin birtist upphaflega í Akureyri Vikublað.



21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.

(15-2) Húðfegrun: Gelísprautun - nóv/des