05. mar. 2017 - 19:00Akureyri vikublað

Andy flutti til landsins til að kenna lögreglufræði: „Þetta starf snýst um fólk“

Dr. Andrew Paul Hill er lektor í lögreglufræðum við Háskólann á Akureyri. Andy kemur frá Englandi þar sem hann á að baki farsælan feril sem lögreglumaður og seinna í háskólaumhverfi en Andy hefur tekið virkan þátt í uppbyggingu á lögreglufræðum. Andy féllst á að svara nokkrum spurningum frá Akureyri Vikublaði.

Hvernig líkar þér Akureyri?

„Ég féll fyrir Íslandi fyrir fimm árum en ég hef komið hingað sem ferðamaður níu sinnum, stundum tvisvar á ári en aldrei yfir hásumar eða hávetur. Ég kann mjög vel við Akureyri en bæjarbúar hafa örugglega séð mig gangandi um bæinn. Mér finnst gott kynnast hverfinu með göngutúrum en það tengist fyrri reynslu minni sem lögregla á nýjum stað. Þá gekk ég gjarnan um svæðið til að læra á það. Hér er nóg að sjá og gera og ég upplifi mig velkominn.“

Er fjölskyldan þín með þér?

„Ég er hérna einn en konan mín, Audrey, mun heimsækja mig á nokkurra mánaða fresti auk þess sem ég býst við að fara heim nokkrum sinnum á ári. Ég stefni á að vera hér í að minnsta kosti tíu ár. Ég á tvo fullorðna syni, Justin, sem er þrítugur, og Matthew, 24 ára, og tvö barnabörn, Sasha og Liam. Ég tala við þau reglulega í gegnum Skype og þau ætla að heimsækja mig í vor.“

Var það erfið ákvörðun að flytja hingað?

„Ég hugsaði vel og lengi um að sækja um stöðuna við Háskólann á Akureyri enda hafði ég komið mér vel fyrir í gamla háskólanum og bjó nálægt mínu fólki. Það auðvelda hefði verið að búa áfram í Leicester og halda minni rútínu en eftir starfsferil í lögreglunni, ellefu ár við uppbyggingu á lögreglufræði á háskólastigi og með uppkomin börn þyrsti mig í spennandi áskorun og að fá tækifæri til að deila minni þekkingu og færni sem ég hef aflað mér síðustu áratugina. Það var erfitt að fara frá fjölskyldu og vinum sem þó allir studdu ákvörðun mína og ætla flest að heimsækja mig í fríinu sínu.“

Hver er Andy Hill?

„Skólaganga mín byrjaði ekki sem skyldi en ég átti í erfiðleikum með lestur og skrift. Árið 1978 fór ég í Royal Military Police (RMP) og starfaði fyrst á Englandi en síðar í Vestur-Þýskalandi, sem þá var. Þar vann ég með þýsku lögreglunni og herlögreglunni gegn ógn Varsjárbandalagsins en þetta var tímum Kalda stríðsins. Síðasta staða mín hjá RMP var á Norður-Írlandi þar sem ég starfaði í þrjú ár við hryðjuverkadeild en margir vina minna og starfsfélaga misstu lífið í hryðjuverkaárásum.“

Fékk hugrekkisverðlaun

„Árið 1986 fæddist eldri sonur minn og þá yfirgaf ég RMP og gerðist yfirlögreglumaður hjá Thames Valley lögreglunni í Oxford. Þar starfaði ég bæði í borginni og úti á landsbyggðinni og þar með talið í Chipping Norton þar sem ég starfaði einn á lítilli lögreglustöð yfir tveggja ára tímabil. Mestmegnis var ég í umferðarlögreglunni þar sem ég rannsakaði alvarleg umferðarslys á hraðbrautum og tók oft þátt í háhraða eftirför og hlaut meðal annars Chief Constable's hugrekkisverðlaunin fyrir handtöku og afvopnun manns sem hafði rænt banka vopnaður tveimur hlöðnum, afsöguðum haglabyssum. Hann hafði rænt banka víðs vegar um England og Wales um árabil án þess að yfirvöld hefðu hendur í hári hans en þegar ég handtók hann var ég óvopnaður og ekki í skotheldu vesti. Í annarri eftirför var ég fyrir ofbeldi tveggja brotamanna  og slasaðist  illa. Ég hef farið í margar aðgerðir en mun ekki jafna mig að fullu og hef því ekki getað stundað íþróttir eins og ég gerði. Eftir það færðist mitt starf af vettvangi inn á lögreglustöðina.“

Jafnrétti og fjölbreytileiki

„Árið 2000 færði ég mig yfir í lögregluþjálfun National Police Training, sem nú heitir UK College of Policing, og þjálfaði nýliða um allt England og Wales í fimm ár. Á þessum tíma fékk ég áhuga á kennslu og sérstakan áhuga á lesblindu og kláraði MA-gráðu í kennslufræðum. Á sama tíma var ég greindur lesblindur, sem var ákveðið áfall, en svo stofnaði ég fyrstu stuðningskennsludeildina í lögreglunáminu um leið og ég stjórnaði mannréttindadeild innan námsins.

Árið 2006 leið tími gamaldags lögregluskóla undir lok á Englandi og Wales. Námið færðist yfir til háskólanna. Sama ár lauk ég störfum hjá lögreglunni og var ráðinn lektor í lögreglufræðum, jafnrétti og lesblindu við De Montfort háskólann í Leicester þar sem ég mótaði nám og kennsluaðferðir sem eru notaðar í dag. Árið 2013 lauk ég doktorsnámi mínu og sama ár leiddi ég hóp sem þróaði tvær nýjar námsbrautir til BA-náms í lögreglufræði.

Ég hef brennandi áhuga á jafnrétti og fjölbreytileika, bæði almennt séð og út frá sjónarhóli löggæslu. Ég er málsvari lögreglunnar svo lengi sem lögreglumenn gæta lögmætis, sanngirni og meðalhófs í störfum sínum. Ég trúi því að lögreglustarfið þurfi að snúast um fleira og meira en kunnáttu á lögum, starfsháttum og því hvernig nota á handjárn. Þetta starf snýst um fólk, tjáskipti og samstarf um lausnir. Í dag skipta gagnreyndar aðferðir miklu máli og því þurfa lögregluþjónar menntun ekki síður en þjálfun til að vera viðurkenndir sem fagmenn á þessum stafrænu, alþjóðlegu tímum.“

Saknarðu lögreglunnar?

„Já, ég sakna stundum hasarsins sem fylgir starfinu en ég sakna vosbúðarinnar minna eftir því sem ég eldist. Dagar mínir í fremstu víglínu fengu snöggan endi en ég átti farsælan feril sem lögreglumaður og eignaðist margar góðar minningar og góða vini. Ef ég hefði ekki slasast hefði ég ef til vill ekki fært mig yfir í háskólaumhverfið og hefði ekki komið hingað til Íslands til að hjálpa til við að þróa lögreglunámið hérna.“

Er lögreglustarfið fyrir alla? Hvaða kosti þarf góður lögregluþjónn að bera?

„Nei, það er ekki fyrir alla en að sama skapi ætti það ekki að verða til þess að fólk hætti við að sækja um. Mínar eigin rannsóknir sýna að lesblindir lögreglumenn eiga oft í vandræðum með orð en hafa á móti oft góða tilfinningagreind og hæfileika til að leysa vandamál. Góður lögregluþjónn þarf að vera hlutlægur, yfirvegaður og meðvitaður um eigin gildi og hleypidóma. Hann þarf einnig að vera íhugull og tilbúinn að efast um viðjar vanans. Að mínu mati eru dagar þess að lögreglan fylgi skipunum í blindni taldir. Þá er ég ekki að meina að lögreglan eigi ekki að fylgja reglum heldur íhugi hvernig það sé best gert. Fagmaður á sviði löggæslu verður að geta metið eigin störf með gagnrýnum hætti.“

Hvað er erfiðast við lögreglustarfið?

„Dauðsföll barna eru alltaf erfiðust. Vinna með þolendum ofbeldis er einnig krefjandi. Það er nauðsynlegt að lögreglumenn hafi bæði formlegt og óformlegt stuðningsnet í kringum sig. Dagurinn fer ekki alltaf vel og atburðir geta haft mikil áhrif á líðan manna.“

Fylgdistu með framvindu Birnu Brjáns-málsins? Kom samstaðan og samkenndin í samfélaginu þér á óvart?

„Ég fylgdist með eins vel með fjölmiðlum og ég gat. Áhrif málsins á þjóðina komu mér ekki á óvart og ég skal útskýra af hverju. Það brutust út miklar tilfinningar sem minntu mig að vissu leyti á viðbrögð bresku þjóðarinnar við ótímabærum dauða Díönu prinsessu. Slíkir atburðir geta leyst úr læðingi tilfinningar sem hafa hrannast upp yfir langan tíma, í þessu tilviki jafnvel allt frá efnahagshruninu. Og þá er ég alls ekki að meina að viðbrögðin hafi ekki verið rétt. Viðbrögðin, eins og þau birtust í fjölmiðlum, sýndu mér einnig að Íslendingar eru friðsæl og hugulsöm þjóð sem stendur saman þegar á reynir.“

Þú hefur mikla reynslu í starfi gegn hryðjuverkum. Verður stríðið gegn hryðjuverkum unnið? Hvernig? Er raunveruleg hryðjuverkaógn á Íslandi?

„Þetta er góð spurning en á sama tíma mjög erfið. Stríð gegn hryðjuverkum er ekki gott orðalag til að útskýra hvað er að gerast í heiminum í dag. Þjóðir verða að verja sig gegn árásarmönnum og því miður verður alltaf þörf fyrir valdbeitingu gegn slíkum aðilum. Ég held þó að það verði einnig alltaf að vera pláss fyrir samræður. Byssukúlur og sprengjur breyta sjaldnast skoðunum fólks. Enginn staður á jörðinni er laus við ógnina af einhvers konar hryðjuverkum sem tengjast jafnframt oft peningaþvætti, fíkniefnaviðskiptum, mansali og öðrum afbrotum. Hins vegar þarf að sjá ógnina í réttu samhengi. Á flestum stöðum í heiminum er lítil hætta á hryðjuverkum og ef við ýkjum hættuna ná hryðjuverkamennirnir tilætluðum árangri án nokkurrar fyrirhafnar. Stundum þarf að beita valdi gegn ógninni en það er alltaf ástæða til að hlusta og ræða málin.“

Birtist fyrst í Akueyri Vikublaði. Smelltu hér til að lesa blaðið.




29.nóv. 2017 - 11:00 Suðri

Heitar nætur í köldu stríði

„Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins.  Af hverju hvarf hann fyrirvaralaust úr lífi mínu? Af hverju heyrðist ekkert í honum eftir að múrinn féll? Hafði hann eitthvað að fela?“
28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
28.nóv. 2017 - 15:00 Suðri

Margir læra íslensku hjá Fræðslunetinu

Íslenskunemarnir kátir í Pylsuvagninum á Selfossi ásamt Önnu Lindu Sigurðardóttur kennaranum sínum. Mikill áhugi hefur verið fyrir íslenskunámi í haust hjá Fræðslunetinu, en hátt í 200 námsmenn munu ljúka 60 stunda íslenskunámskeiðum á haustönn. Flestir stunda nám í íslensku I en einnig verða haldin nokkur námskeiði í íslensku II. Mennta- og menningarmálaráðuneytið styrkir íslenskunámið og einnig veita starfsmenntasjóðir stéttarfélaganna námsmönnum veglega styrki til námsins.
28.nóv. 2017 - 10:00

Ingimar sviptir hulunni af „Dularfullu búðinni“

Húsakynni „Dularfullu búðarinnar“ eru mörgum Skagamanninum að góðu kunn. Áhugaverður veitingastaður opnaði á Akranesi í lok maí á þessu ári. Hann er í gömlu húsi á horni Merkurteigs og Skólabrautar. Húsið er skáhallt handan götunnar á móti Akraneskirkju. Mitt í hjarta gamla bæjarhlutans hýsti það bakarí um áratugaskeið. Þarna er nú „Dularfulla búðin“ til húsa. Þetta er ölstofa, kaffihús, verslun og safn. Þar ræður ríkjum Ingimar Oddsson fjöllista- og veitingamaður. Vesturland leit við í vikunni til að forvitnast nánar um manninn sem stendur á bak við staðinn.
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
26.nóv. 2017 - 09:20 Magnús Þór Hafsteinsson

Trúverðugleiki í húfi

Umfjöllun Ríkisútvarpsins um brottkast og kvótamisferli leiddi fram dapurlega sýn á umgengnina um sameiginlega auðlind þjóðarinnar. Hér er fjallað um mjög alvarleg og flókin mál sem snerta að sjálfsögðu siðferðisleg álitaefni en líka fræðileg atriði sem fiskveiðistjórnunin og trúverðugleiki hennar hvílir á.           Fjölmargar breytur hafa áhrif á það hvort fiski er fleygt eða honum landað framhjá vikt. Sumir hafa stundað þetta á meðan aðrir gera það ekki. Við skulum varast að alhæfa í þessari umræðu um að allir séu sekir, án þess þó að kinoka okkur við að ræða vandamálið. Án þeirrar umræðu verða engar lausnir dregnar fram.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.