15. júl. 2017 - 22:00

Alvöru hátíð með þungum undirtón

Á Eistnaflugi sem fram fór síðustu helgi var margt um manninn og rjómi íslenskrar þungarokkssenu samankominn, enda hátíðin nokkurskonar árlegt landsmót þungarokkara. Að sögn aðstandenda var aðeins færra af erlendum hátíðargestum en verið hefur síðustu ár og hefur þar dýrtíðin í ferðaþjónustunni eflaust sitt að segja og sterkt gengi krónunnar. Umgjörð hátíðarinnar og skipulag hefur um leið sjaldan verið jafn vegleg og góð en fjöldi sjálfboðaliða koma að framkvæmd hennar. Í ár hlaut hátíðin bæði Eyrarrósina fyrir menningarstarf á landsbyggðinni og var valin Tónlistarhátíð ársins á Íslensku tónlistarverðlaununum. Allt í allt spila yfir 60 hljómsveitir í Neskaupstað á og í tengslum við hátíðina.

Minntust Bjarna með málþingi

Yfir hátíðinni í ár var samkenndin áberandi eins og verið hefur en ríkari áhersla lögð á einkunnarorð hennar, „Bannað að vera fáviti“ en oft áður, í allri kynningu og minjagripum tengdum hátíðinni. Þó verður ekki horft fram hjá því að nokkrar hljómsveitir minntust sérstaklega eins hinna föllnu félaga úr þungarokkssenunni, ungs og efnilegs tónlistarmanns og Norðfirðings, Bjarna Jóhannesar Ólafssonar söngvara og gítarleikara Churchhouse Creepers. Málþing var einnig haldið um þunglyndi og geðheilbrigði, og tengingar geðrænna vandamála við þungarokks-senuna. Þar rakti Orri Smárason sálfræðingur og trommari, í stuttu máli þær staðreyndir að rannsóknir gætu bæði sýnt tengsl á milli geðræns vanda og þungarokks, sem og að þungarokk væri lausn frekar en orsök. „En í sjálfu sér er ekki hægt að fullyrða að áhugi á þungarokki sé einkenni eða birtingarmynd einhvers sérstaks geðræns eða persónlegs vanda. Það sem skiptir mestu er að í öllum hópum sé meðvitund um sérstaka áhættu, eins og hafi til að mynda verið sýnt frammá að hrjái íþróttafólk, hóp sem fólk hafi tilhneigingu til að skilgreina sem algjöra andstæðu þungarokkara.“

Dó úr sínum sjúkdómi

Á málþinginu var lögð sérstök áhersla á að fólkl þekkti úrræði og að auka þyrfti meðvitund um nauðsyn faglegrar aðstoðar þegar málin þróuðust þannig að verið væri að fást við banvænan sjúkdóm. „Við þekkjum það af biturri reynslu að það er ekki nóg að vera til staðar eða ræða einkennin þegar verið er að fást við sjúkdóma af þessu tagi,“ sagði Ragna Dögg Ólafsdóttir systir Bjarna. „Hann var búinn að berjast við þunglyndi og kvíða í töluverðan tíma og var opinn með það og við öll sem að honum stóðum. Og þó hann hafi átt góða daga síðustu misserin þá varð ekki við það ráðið að þegar öldudalurinn varð of djúpur þá hreif sjúkdómurinn hann fyrirvaralaust frá okkur. Og hann skilur eftir risastórt skarð í lífum okkar allra sem verður aldrei fyllt.“ Bjarni var aðeins 26 ára gamall þegar hann lést þann 19. apríl. 

Þannig minnumst við. 
Úr minningarorðum við útför Bjarna

   Bjarni var mikill húmoristi og hláturmildur mjög, þeir sem umgengust hann mest þekkja eflaust suðurríkjahreiminn sem hljómaði með enskunni hans og var algjörlega orðinn hans vörumerki. Ein vinkona hafði á orði að enginn annar en Bjarni hefði náð að láta hana hlæja svo mikið að hana verkjaði í kjálkann.
   Honum Bjarna fylgdi nefnilega svo mikil gleði og fegurð sem er einmitt það ljós sem umlykur minningar allra hans ástvina. En Bjarni glímdi líka við erfiðan sjúkdóm, kvíða og þunglyndi sem dró hann til dauða hinn síðasta vetrardag.
   Það er er erfitt að lifa með geðröskun en það er svo merkilegt að það lærist, þess vegna er fólk kannski í mestri hættu meðan það er ungt að glíma við andleg mein, veruleikinn er sá að með auknum aldri og þroska færir lífið manni fleiri bjargráð til að tækla vondar hugsanir og kvíða. Og þess vegna langar mig að segja við ykkur og þá sérstaklega unga fólkið sem situr hér í dag, ekki gefast upp, eftir því sem við tölum meira og eðlilegar um geðsjúkdóma, lesum okkur til um þá og lærum betur að þekkja okkur sjálf verður þetta ekki eins yfirþyrmandi. Þegar maður gengst við því að það borgi sig ekki að drekka áfengi eða neyta fíkniefna til að deyfa sársaukann sem blossar tvíefldur upp þegar víman hopar, þá er hálfur sigurinn unninn, þegar maður svo í ofanálag uppgötvar að það er nauðsynlegt að sýna sjálfum sér jafn mikla samúð og samkennd og öðru fólki færist maður skrefi lengra í átt að bættri heilsu. Geðsjúkdómar eru bara eins og hverjir aðrir sjúkdómar sem gera okkur vanmáttug og þyngja bakpokann sem við annars göngum öll með í gegnum lífið.
Það besta sem við gerum til að heiðra minningu Bjarna Jóhannesar Ólafssonar er að segja þykku þögninni sem umlykur geðrænan vanda stríð á hendur, um leið og fleiri tala um sína geðröskun á sama hátt og astma, ofnæmi eða gigt  þá smátt og smátt drögum við úr valdi sjúkdómsins. Allir sjúkdómar missa nefnilega völd um leið og þeir fá ekki að einangra hinn veika frá þeim gæðum er gera líf okkar merkingarbært sem er að vera með ástvinum og rækta hæfileika okkar án þess að sektarkennd og skömm byrgi hamingjunni sýn.
Bjarni Jóhannes Ólafsson dó ekki vegna þess að hann kynni ekki að meta lífið, hann dó vegna þess að sjúkdómurinn rændi hann valdi yfir eigin tilveru. Bjarni vissi að hann var elskaður og hann elskaði sjálfur skilyrðislaust og hann kynntist hamingjunni sem er fólgin í því að skapa eitthvað sem hreyfir við öðrum. Þannig minnumst við hans, í ljósi þess fallega lífs sem hann lifði."                                                          Sr. Hildur Eir Bolladóttir


Samhugur í rokkarasamfélaginu 

Stefán Magnússon Norðfirðingur og aðalskipuleggjandi Eistanflugs segir málþingið hafa sprottið af því að mikið hafi verið hugsað um Bjarna, aðstæður hans og geðheilsuna í kjölfar þessa áfalls. Það hafi verið eðlilegt skref að opna á þessar umræður á hátíðinni. „Við getum orðað það þannig, að þó að þunglyndi og kvíða megi finna á öllum sviðum þjóðlífsins þá er það klárt mál að í þessari senu er þetta líka víða og það er nauðsynlegt að ræða það.“ Á meðal þeirra sem sóttu fundinn var Óttar Proppé heilbrigðisráðherra og söngvari HAM og taldi hann stjórnvöld vera gera vel í að auka aðgengi að þjónustu sálfræðinga í hinu almenna heilbrigðiskerfi með bættu aðgengi á heilsugæslustöðvum. Þótt að undir það væri tekið er þó ljóst að mörgum þykir ekki nægilega að gert og bent var á augljósan aðstöðumun þeirra sem búa á landsbyggðinni þar sem þjónustan er ekki nærri því jafn aðgengileg, þá og þegar hún verður kominn í þann farveg sem stjórnvöld hafa boðað. 

Mikilvægt að fjalla um vandann í tónlistinni

Á meðal þeirra sem sátu í pallborði var Jónas Sigurðsson tónlistarmaður sem talaði m.a. um það hvernig væri að fást við tilfinningar á borð við þessa í tónlist og hvað það væri mikilvægt. „Um leið og manni þykir kannski gott að fólk hafi fundið samsömun við eigin tilfinningar í lagi sem maður hefur samið um þetta ástand, þá er líka erfitt að heyra það að einhver sem hafi tekið eigið líf hafi hlustað mikið á eitthvað tiltekið lag eftir mann. En það breytir því ekki að tónlistin er mikilvægur farvegur fyrir það að fjalla um þessar tilfinningar, kannski sem opnun á að geta rætt þessi mál. Margir sem hafa glímt við þunglyndi hafa tekist á við „hundinn“ með sköpun,“ sagði Jónas og lagði áherslu á að yngri kynslóðir væru að takast á við það að tala um tilfinningar með opnari hætti en þeir sem á undan gengu. Margir fundarmanna úr sal tóku þátt í umræðunum og lögðu til málanna og var þar áberandi áhersla á að halda umræðunni um þunglyndi, kvíða og geðheilsu opinni, svo að þeir sem fást við geðrænan vanda þurfi ekki að fást við fordóma, höfnun og skömm yfir því að ráða ekki við hugsanir sínar. Einnig var vikið að mikilvægi sköpunar og útrásar, meðal annars við tónlistariðkun og flutning, eða þátttöku í samfélagi sem gengst við fjölbreytileika mannlegra hugsana og sjálfsmynda. 

Öllum til sóma
„Allir bæjarbúar sem koma að hátíðinni gera það í sjálfboðavinnu fyrir sitt íþróttafélag eða félagasamtök, sem njóða góðs af vinnu fólksins og þannig skilar þetta sér á miklu samfélagslegri hátt heldur en bara sem landkynning eða aðdráttarafl fyrir ferðafólk. Ekki það að við ættum að gera lítið úr því að okkar góðu gestir komi líka, hvort sem það er þessi þúsund manna kjarni sem kemur á hverju ári eða erlendu gestirnir sem koma víða að úr heiminum. Ekki bara hljómsveitirnar heldur fólk sem er að sækja metal-tónlistarhátíðir um allan heim og ferðast ekki bara alla leið til Íslands heldur austur á Norðfjörð til að verða vitni að þessari einstöku stemningu. Við höfum vitað að þetta er merkilegt menningarstarf, en það er mikilvæg viðurkenning fyrir allt samfélagið í Neskaupstað að hljóta Eyrarrósina og Tónlistarverðlaun fyrir hátíðina.” 
Ingibjörg Þórðardóttir


Margir hafa tileinkað Bjarna lög

Á hátíðinni frumfluttu hljómsveitirnar ONI og In Misérere lög tileinkuð Bjarna en þétt samfélag rokkara hefur brugðist við fráfalli hans með ýmsum hætti. Má þar t.d. Nefna að meðlimir Dimmu tileinkuðu Bjarna lag á Eldraunum, nýjustu plötu sinni á útfarardaginn; lagið Rökkur. Dimmumenn segja rokksamfélagið hafi kvatt einn sinn efnilegasta og flottasta meðlim. „Bjarni og strákarnir voru alltaf svo ótrúlega góðir, þéttir og spilagleðin lak af þeim. Það var frábært að sjá bandið taka stórstígum framförum síðustu misserin. Þeirra var framtíðin og hún var björt.“ Í pistli sem þeir létu frá sér á útfarardaginn sagði einnig; „En svarti hundurinn er grimmur. Þegar hann bítur þá er það óvænt og fast. Bjarni sá ekki aðra leið en þá sem hann tók. Þó svo að alls konar lausnir og úrræði blasi við þeim sem horfa á málin utan frá og eftir sitja þá er eðli þunglyndis og kvíða þannig að dómgreind og rökhugsun skerðist. Fólk sér bara eina lausn, eins ótrúlega sorglegt og tilgangslaust og það nú er.“




21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 08:05 Sigurður Jónsson

Stór mál fyrir íbúa Suðurnesja

Fyrir síðustu Alþingiskosningar voru kjósendur spurðir hvað þeir teldu vera helstu forgangsmál á næstunni. Stærsti hópurinn taldi heilbrigðismálin skipta mestu. Þar þyrfti vikilega að bæta ástandið,sem kallaði á aukið fjármagn úr ríkiskassanum. Einnig voru málefni aldraðra mjög hátt á forgangslista aldraðra. 
18.nóv. 2017 - 22:00 Reykjanes

Sveitarfélagið Vogar sýknað

Í vikunni féll dómur í Héraðsdómi Reykjaness, í máli sem var höfðað á hendur sveitarfélaginu og Ísaga ehf. Tilefni málshöfðunarinnar var breyting á deiliskipulagi á lóð Ísaga ehf., ásamt útgáfu sveitarfélagsins á byggingarleyfi fyrir verksmiðjunni sem nú er risin og verður tekin í notkun síðar í vetur. 
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 
13.nóv. 2017 - 14:34 Arnaldur Máni Finnsson

Grasrótin og greinar trjánna

Myndmál er mikilvægt tæki í orðræðu hversdagsins og ekki síður á hátíðarstundu. Vel valið orðalag getur aukið mátt skilaboða, kjarnað hugmynd eða aðstæður í skýru máli og gefið hugmynd þann slagkraft sem þarf til að hún nái í gegnum þann seiga flaum áreitis sem við erum orðin vön að umvefji okkur dag frá degi. Slagorð eru ein grein þeirrar orðsins listar sem við verðum vör við í daglegu umhverfi og ekki síst þegar viðburðir eins og kosningar eiga sér stað. 
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
08.nóv. 2017 - 15:11 Vestfirðir

Suðureyrarkirkja 80 ára

Sunnudaginn, 29. október, var haldin hátíðarguðsþjónusta í Suðureyrarkirkju til að minnast afmælis kirkjunar en hún var vígð árið 1937 og er þvi 80 ára um þessar mundir. Kirkjukór Suðureyrar söng undir stjórn Margrétar Gunnarsdóttur organista og var guðsþjónustan ákaflega vel sótt. 
07.nóv. 2017 - 10:00 Vestfirðir

Lýðháskóli á Flateyri

Stjórn félags um lýðháskóla á Flateyri samþykkti þann 26. okt., að auglýsa eftir framkvæmdastjóra til að undirbúa stofnun skólans. Félagið mun vinna með Fræðslumiðstöð Vestfjarða um verkefnið en Fræðslumiðstöðin fékk 5 m.kr. framlag frá mennta-og menningarmálaráðuneytinu til að vinna að þróun lýðháskóla.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 19:00 Vestfirðir

Fiskmarkaður Vestfjarða : 3% sölulaun

Fiskmarkaður Vestfjarða ehf hefur lækkað söluprósentu sína í 3%. Samúel Samúelsson, framkvæmdastjóri segir það ekki rétt sem fram kom í síðasta tölublaði Vestfjarða að það muni helmingi á söluprósentu milli Fiskmarkaðs Vestfjarða og Fiskmarkaðs Íslands. 
05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
05.nóv. 2017 - 11:00 Reykjanes

Sjö milljónasti farþeginn fór um Keflavíkurflugvöll

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með Easy Jet. Þau heppnu voru Chris og Joanne Bradley og voru þau leyst út með gjöfum af verslunarsvæðinu á Keflavíkurflugvelli.
05.nóv. 2017 - 09:45 Vestfirðir

Hitaveita á Hólmavík

Hitaveita er væntanleg á Hólmavík. Þetta virðist vera í kortunum. Andrea K. Jónsdóttir staðfestir að hreppsnefnd hafi sett fé inn á fjárlagsáætlun þessa árs til undirbúnings hitaveitu á Hólmavík. Og að undirbúningur sé hafinn með gagnaöflun og fleira. 
04.nóv. 2017 - 21:00 Vestfirðir

Teigsskógur: Kærur geta stöðvað framkvæmdir

Sveitarstjórn Reykhólahrepps hefur nú til meðferðar tillögu að breytingu á aðalskipulagi hreppsins til þess að geta síðar afgreitt erindi frá Vegagerð ríkisins um veg um Teigsskóg samkvæmt svonefndri Þ-H leið.
04.nóv. 2017 - 16:30 Vestfirðir

Veiðigjöld þrefaldast milli ára

Veiðigjöld á landaðan afla í Bolungavík munu þrefaldast að krónutölu milli fiskveiðiára samkvæmt samantekt sem Jón Páll Hreinsson, bæjarstjóri í Bolungavík hefur undir höndum. Á síðasta fiskveiðiári 2016/17 var 15 þúsund tonnum af bolfiski og rækju landað í Bolungavíkurhöfn.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
04.nóv. 2017 - 10:00 Reykjanes

Aflafréttir: Mininningarorð um Þorgeir Guðmundsson

Síðsti pistill endaði á bilun í Berglín GK.  Sem betur fer þá var biluninn ekki það stórvægileg að togarinn var frá veiðum í langan tíma.  Berglín GK fór strax vestur til veiða og landaði á Ísfirði um 73 tonnum.  Núna hefur togarinn landað 365 í 5 túrum og mest 107 tonn sem reyndar var landað á Eskifirði. 
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 18:30 Suðri

Herjólfur í viðgerð eftir áramót

Herjólfur fer ekki í viðgerð fyrr en eftir áramót, tveimur mánuðum seinna en til stóð. Ástæðan er seinagangur við smíði varahluta í skipið. Aðspurður segir Gunnlaugur Grettisson, rekstrarstjóri Herjólfs, að enginn hefði getað séð fyrir þessa atburðarás. Enginn sé þó hæfari til að reka Herjólf en Eimskip.
30.okt. 2017 - 18:00 Suðri

Tvær merkar bækur hjá Sögufélagi

Tvær mikilvægar bækur koma út hjá Sögufélagi í október og í tilefni þess var haldið tvöfalt útgáfuhóf í Bókabúð Forlagsins fimmtudaginn 19. október. Önnur bókin er eftir Steinunni Kristjánsdóttur fornleifafræðing og heitir Leitin að klaustrunum: Klausturhald á Íslandi í fimm aldir. Eins og titillinn gefur til kynna er skipulögð leit að íslensku klaustrunum hér í forgrunni.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

29.okt. 2017 - 18:00

Framleiðsla og sala á öl hafin á Ölverk

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. Nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.
28.okt. 2017 - 14:00 Austurland

„Heilbrigðiskerfið er í rúst, en stelpurnar eru svo duglegar og góðar“

Ég hef eytt bróðurparti sumars á sjúkrahúsum. Þar hef ég kynnst óaðfinnanlegri þolinmæði og þjónustu hjúkrunarfólks og annars starfsfólks. Og það hefur fær mig til að hugsa um samhengið við loforðin um betra heilbrigðiskerfi því staðreyndin er sú að að „þrátt fyrir fjársvelti og léleg laun eru greyin svo dugleg". Svona eins og talað sé um innflutta þræla. Það er nefnilega þannig að þeir sem eiga ekki banka, þurfa að sýna af sér hinn íslenska dugnað. 
28.okt. 2017 - 13:30

Rússar reisa minnismerki

Miðvikudaginn   1.   nóvember   klukkan   14:00   verður afhjúpuð minningarstytta  við  Hernámssetrið  á  Hlöðum  á  Hvalfjaðarströnd.  Hún  ber heitið „Von um frið“ og er reist af Rússum sem gjöf frá þeim til minningar um fórnir þeirra sjómanna sem tóku þátt í birgðaflutningum bandamanna frá Hvalfirði til Rússlands í seinni heimsstyrjöld.
28.okt. 2017 - 09:00

Færeyjar koma út úr þokunni

Þorgrímur Gestsson, blaðamaður og rithöfundur hefur sent frá sér þrjár ferðabækur um fornsagnaslóðir,sem út hafa komið á síðustu árum: „Ferð um fornar sögur – í fótspor Snorra Sturlusonar,“ kom út áÍslandi árið 2003 og í Noregi 2007 og „Í Kjölfar jarla og konunga – ferð um fornsagnaslóðir Orkneyja ogHjaltlands“ kom út árið 2014. Þriðja bókin, „Færeyjar út úr þokunni – frá fornsagnaslóðum til okkartíma“ kom svo út á dögunum.
27.okt. 2017 - 21:30

Á fjórða hundrað ný gistirými áformuð í Rangárþingi Eystra

Björg Árnadóttir, framkvæmdastjóri Midgard og Ísólfur Gylfi Pálmason, sveitarstjóri ,,Fjölgun gististaða á Suðurlandi nær hæstu hæðum í Rangárþingi eystra þar sem gistiplássum mun á næstu misserum fjölga umtalsvert, verði öll áform að veruleika.  Á Hvolsvelli hefur tveimur lóðum verið úthlutað fyrir 100 herbergja hótel hvort um sig. Bygging þeirra er ekki hafin en annað þeirra hefur verið teiknað og er í burðarliðnum.  Midgard „base camp“opnaði 1. maí síðastliðinn með rými fyrir um 30 manns í gistingu. Þar er góð aðstaða til tónleikahalds og hafa þegar nokkrir listamenn stigið á svið í Miðgarði við mikla ánægju ferðamanna og heimamanna sem þar mætast. Í bígerð er að byggja 15 herbergja viðbyggingu við Hótel Skóga svo dæmi séu tekin. Hótel Hvolsvöllur hefur starfað hér um árabil, í Fljótshlíðinni eru tvö hótel og í það minnsta fimm hótel undir Eyjafjöllum, þannig að möguleikarnir eru fjölbreyttir.,” segir Ísólfur Gylfi Pálmason, sveitarstjóri í Rangárþingi eystra.
27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
27.okt. 2017 - 19:30 Vesturland

Bókarkafli: Svartur þriðjudagur

Í Fugley Þriðjudagurinn sjötti október 1992 er fyrir Færeyingum svartasti dagurinn í síðara tíma sögu eyjanna. Þann dag barst fréttin um gjaldþrot Sjóvinnubankans, sem hafði stutt við færeyskt atvinnulíf síðustu áratugina. Landstjórnin hafði tekið hálfan milljarð danskra króna að láni hjá danska ríkinu til að reyna að bjarga bankanum og jafnframt var neyðarstjórn sett yfir landstjórnina og heimastjórnarlögunum raunverulega kippt úr sambandi. 
27.okt. 2017 - 14:30 Vesturland

Vel heppnaður fundur ungra bænda á Hvanneyri

Fjöldi fólks kom á fundinn og áberandi hve margt ungt fólk var þar. HVANNEYRI: Samtök ungra bænda (SUB), Landbúnaðarháskóli Íslands (LbhÍ) og Matís héldu opinn fund um landbúnaðarmál í húsakynnum Landbúnaðarháskólans á Hvanneyri á þriðjudagskvöld. Mikill fjöldi sótti fjöldinn.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 18:00 Vestfirðir

Hvalárvirkjun: 477 milljónir króna á ári í tengigjöld

Samkvæmt upplýsingum blaðsins Vestfirðir yrðu árleg tengigjöld Hvalárvirkjunar 477 milljónir króna. Þessi greiðsla yrði inheint svo lengi sem virkjunin yrði starfrækt. Miðað er við að virkjunin framleiddi 330 GWh/ár, aflið yrði 55 MW og framleiddirafmagn í 6.000 klst á ári. Miðað er við  að árleg töp væru 2% af framleiddu rafmagni.