04. mar. 2017 - 20:00Vesturland

Að heyra hluti eins og „Helvítis útlendingar!“ Fordómar og rembingur er með því versta sem ég veit

Fyrir jól kom út bókin „Heiða – fjalldalabóndinn“ eftir Steinunni Sigurðardóttur. Þessi bók greinir frá lífi Heiðu Ásgeirsdóttur sauðfjárbónda á Ljótarstöðum í Skaftártungu. Bókin vakti mikla athygli. Hér er með góðfuslegu leyfi útgefanda birtur stuttur kafli úr henni. Þar segir Heiða frá því þegar hún vinnur við fósturtalningar í sauðfé í febrúarmánuði. Það er óhætt að mæla með þessari frábæru bók sem veitir afar góða innsýn í krefjandi líf sauðfjárbóndans á Íslandi í dag.


Kápa bókarinnar.

Fósturtalningar

Við Ella í Úthlíð erum meðal frumkvöðla í fósturtalningum á Íslandi. Það var Ella sem komst á snoðir um þessa tækni hjá norskum manni sem hafði verið hér við þetta … og spurði hvort við ættum ekki bara að demba okkur í málið. Svo við fórum og fjárfestum í sónartæki og nemum. Við fórum á helgarnámskeið hjá þessum Norðmanni ásamt hjónum úr Öxarfirði til að læra tæknina við talningarnar. Árið eftir fórum við á helgarnámskeið hjá þessum sama manni til að skerpa á tækninni, og fórum þá til Hamar í Noregi sem er rétt hjá Lillehammer … árið 2004, svo þetta er þrettánda fósturtalningavertíðin mín.

Eftir fyrsta námskeiðið héldum við Ella til í fjárhúsinu í Úthlíð öll kvöld í tíu daga og töldum og töldum í sömu rollunum, til þess að æfa okkur. Það árið voru frekar fáir bæir sem notuðu sér þjónustuna hjá okkur, en svo spurðist þetta vel út og gusan kom upp úr því. Svo er komin alveg full keyrsla 2008–2009.

Núna er ég að telja á um tvöhundruð stöðum hringinn í kringum landið. Yfirleitt á sveitabæjum, en líka hjá fólki með hobbírollur, í þéttbýli. Síðustu árin er Ella eingöngu að telja á okkar svæði fyrir sunnan. En við höfum þjálfað fósturteljarann og okkar kæra vin hann Loga. Við Logi rekum hvort sitt tækið, en erum saman í að taka pantanir, saman í að skipuleggja og auglýsum saman. Við Ella ferðuðumst hins vegar saman og vorum saman í talningunni. Það er auðvitað miklu léttara andlega og líkamlega að vera með einhverjum í liði og það gengur betur að komast yfir svæðin. Og það er miklu skemmtilegra ef tveir fylgjast alveg að eins og við Ella gerðum.

Það skiptir miklu máli fyrir afkomuna að sauðfjárbóndinn viti hvað ærin er með mörg lömb. Upp á að skipuleggja sauðburð, vinnuhagræðinguna. Þetta gengur út á það að færa lömbin á milli – að allar heilbrigðar ær gangi um sumarið með tvö lömb – að einu lambi sé létt af þrílembunni – það sé vanið aukalamb undir þá sem er bara með eitt lamb.

Hluti af þessari hagræðingu er líka hvernig á að fóðra kindurnar. Þrílembur fá auðvitað meira en einlembur. Og með því að tempra gjöfina og splæsa ekki fóðurbæti á einlembuna er minni hætta á að lamb einlembunnar verði svo stórt að það verði til vandræða þegar hún er að bera.

Eitt af því góða við þessa vinnu er hvað hún er þakklát. Talningarnar verða líka til þess að hámarka afurðina hjá hverri kind. Og það þarf ekki mörg lömb til að borga talningabrúsann.

En auðvitað er þetta vinna þar sem villur geta komið upp, eins og í öllu sem manneskjan tekur sér fyrir hendur. Fósturtalning er gífurleg einbeitingarvinna og gæði talningarinnar geta verið misjöfn. Það eru margir þættir sem þar koma inn. Ef ég hef verið að berjast í byl og moka snjó hálfa nóttina þá skerpir það ekki einbeitinguna. Ef rollurnar eru óþægar og stressaðar og hoppandi, þá vinnur það á móti. Eins ef þær eru of saddar, þá sést fóstrið verr, og svo náttúrlega ef aldurinn á fóstrunum er ekki réttur fyrir talninguna. Nú, ef það er tímahrak og æsingur, þá er hausinn á manni ekki nógu góður.

Í þessari sex vikna törn er maður allan daginn á hverjum degi að skoða lambsfóstur í sónar. Ég tek tólf til þrettánhundruð fjár á dag. Ég byrja átta á morgnana og er yfirleitt ekki komin í náttstað fyrr en átta á kvöldin.

Hver kind fer í járnbúr, sem ég hef meðferðis. Það var smíðað af manni hér heima, en málin af því voru tekin í Noregi. Ég er líka með sérsmíðaðan lágan járnstól, og svo auðvitað sónartækið.

Þetta var ofboðslegur barningur fyrstu árin, enginn vissi hvað hann var að fara út í. Það þurfti að finna rekstrarleiðir í fjárhúsunum. Það skiptir svo miklu máli að hafa stanslausan straum af fé, og þá er það pæling hvar best er að staðsetja búrið. Mannskapurinn á bæjunum var ekki orðinn þjálfaður í þessu. Núna eru allir orðnir klárir á því hvað á að gera. Þannig séð er þetta lítið mál nú, miðað við hvað það var.

Búrið þarf alltaf að geta verið á sama stað í húsinu … það gengur svo hægt ef það þarf að taka sónarinn og færa hann eða reka féð framhjá honum. Það eykur líka hættuna á óhappi með sónarinn. Það má ekkert koma fyrir tækið, það kostar margar milljónir. Einu skiptin sem ég tek trylling á þetta … það er ef kind kemur of nálægt tækinu. Það hefur komið fyrir að kind hefur stokkið á tækið, en það hefur sloppið. Ef ómsjáin yrði ónýt á miðri vertíð væri það katastrófa. Það tæki svo langan tíma að fá nýtt tæki … vertíðin væri fyrir bí, og svo tjónið af því að missa tækið. Svo það er í einu skiptin sem verulegur æsingur grípur um sig í fyrirtækinu – og svo náttúrlega ef maður fær ekki kaffi!


Heiða Ásgeirsdóttir sauðfjárbóndi.

Aðstaðan í þessari vinnu er erfið, og fósturtalningarnar eru yfirhöfuð erfiðisvinna. Maður situr mjög lágt á fjárhúsgólfinu ... og það amar ýmislegt að manni – sinaskeiðabólga, vöðvabólga – við þessa síendurteknu hreyfingu með nemann. Svo er hætta á að kindurnar dembi sér á mann, eða það sem verra er, hrútur. Tvisvar sinnum hef ég verið nærri slysum. Ég var alveg viss um að ég mundi handleggsbrotna einu sinni þegar hrútur kom á siglingu, óð undir rolluna í búrinu, tók öxlina á mér með, og höndin með nemanum var föst í hrútshorninu fremst í búrinu.

Mjög mikilvægt í þessari vinnu er að fólkið á bæjunum sé þjálfað í að vinna með fé, að það gangi snurðulaust að dæla kindunum áfram. Og að það séu hafðar hendur á helvítis hrútunum!

Manni er kalt í þessari færibandavinnu, oft svangur, mál að pissa. Ég er farin að læra að lifa þetta af því ég veit að þetta klárast, ég veit nú orðið að ég verð ekki til í fjárhúsinu, eins og mér fannst stundum líklegt að mundi gerast fyrstu árin. Ég veit alveg að ég verð bráðum komin í bílinn, þar sem er heitt, tónlist og súkkulaði, og svona rúllar þetta bara áfram.

Ég veit að meira að segja tólfhundruð-kinda-bærinn klárast. Það er reyndar bara einn bær sem er svo rosalega stór, mjög góður bær og skemmtilegt fólk. Þar er ég heilan dag að telja.

Sama með það þegar ég er að þrífa búrið uppúr ísköldu vatni. Fyrstu árin hélt ég að hendurnar mundu detta af mér. Nú er ég komin yfir það. Þetta er bara tímabundið ástand, það verður allt í góðu lagi. Um leið og ég er komin í ullarvettlingana fer mér að líða betur. Stundum er ég búin að setja þá á mig áður en ég er komin úr gallanum.

Vinnan snýst sem sagt ekki bara um það að flytja búrið og sónarinn á milli, koma búrinu á sinn stað og byrja að telja, heldur þarf ég að þrífa allt mjög vel að talningu lokinni á hverjum bæ, skrúbba búrið og stólinn, og svo framvegis, út af smithættu. Svo það smitist ekki sjúkdómar milli svæða – eins að bera ekki smitandi sjúkdóma milli bæja – til dæmis lambalát. Ég er auðvitað með dýralæknaleyfi til að stunda þessa vinnu. Ég tek það mjög alvarlega að þrífa vel milli bæja og að skipta um hlífðarföt. Ég má alls ekki verða til þess að bera smit milli bæja með kæruleysi. Og við erum svo vandvirk að það mun ekki gerast. Mér finnst stundum eins og fólk átti sig ekki á mikilvægi þessa þáttar.

Það er hver fersentimetri í Luxinum mínum skipulagður þegar ég er á vertíð ... aukavettlingar og lambhúshettur í hverri holu. Ég þarf að hafa með mér tíu til tólf vinnugalla, svo ég hafi meira en nóg til skiptanna. Fer í nýjan galla á hverjum bæ svo ég beri ekki smit á milli á sjálfri mér. Sem betur fer eru allir af vilja gerðir að aðstoða, að þvo af manni endalaust, og svo framvegis.

Í fósturtalningunum er það aukaálag að ég er aldrei í friði fyrir símanum. Ég svara jafnóðum, líka á meðan ég er að telja. Ef ég gerði það ekki mundu skilaboðin bara hrúgast upp, og ég réði enn síður við að halda þessu stífa vinnu- og tímaplani. En út af allri skipulagningu og tímasetningu þá verð ég að vera tiltæk þó það sé ekki óskastaða að svara í síma með annarri hendi og vera með nemann í hinni hendinni.

Þessi vinna færir mér tekjur sem skipta mig talsverðu máli. Stundum fæ ég það á mig að ég sé bara að þessu af því að ég hafi gaman af að þvælast og tolli ekki heima hjá mér. Það er nú ekki alveg sanngjarnt að setja það þannig upp því að þessi fyrirhafnarsama aukavinna er lykilatriði í því að halda Ljótarstaðabúinu gangandi.

Það eru forréttindi að kynnast bændum og búaliði úti um allt land. Ég gisti mikið á sömu bæjunum ár eftir ár. Stundum held ég til í nokkrar nætur á sama bæ, ef það hentar upp á fjarlægðirnar og ég á sérstaklega góða vini á þeim bæ.

Vertíðin er um hávetur, þannig að það er allra veðra von. En ég böðlast áfram í lengstu lög í ófærð og vondum veðrum, því skipulagið hrynur, ef ein tímasetning klikkar.

Þegar verst gegnir þarf maður að moka sig áfram. Ég man eftir því einu sinni í blindbyl og ófærð á sunnanverðum Vestfjörðum að ég heyrði í útvarpinu í bílnum að unnið væri að mokstri á Klettshálsi. Það passaði, Ella var úti að moka, búin að vera þar í einhverja klukkutíma, við vorum alveg að hafa það að tuska bílnum upp. Eftir að hafa mokað og skarkað og spólað og juggað og mokað … þá mættum við snjóruðningstækinu í efsta skaflinum!

Mér líkar vel að vera í fósturtalningum að því leyti að það er verk sem ég geng í og það klárast. Mér er illa við að fara frá hálfkláruðu verki, en það er eitt af því sem getur oft komið upp á í búskapnum.

Já, ég á uppáhaldssveit. Ég er Strandafíkill. Það er mitt fyrirheitna land. Ég kann rosalega vel við þetta góða fólk þar og mér líður vel á Ströndunum. Það er alltaf saknaðartilfinning að fara þaðan.

Rollurnar á Ströndum eru stórar og flottar. Þetta er sérstakur stofn, kollóttur. Strandakollurnar. Lömbin þeirra eru þung og þetta er afurðamikið fé. Enda vel um það hugsað.

Það eitt og sér að fara út um landið í sex vikur er gott. Það er eins og þegar maður fer til útlanda. Fósturtalningar eru góður skóli fyrir afdalabúann. Heimurinn stækkar. Mér finnst heimurinn skreppa saman ef ég er of lengi í einu heima án þess að bregða mér í ferð.

Ég fann fyrir því þegar ég var að alast upp að heimurinn á Ljótarstöðum gat orðið frekar lítill, og það lýsti sér stundum í nokkurs konar þröngsýni og jafnvel fordómum.

Almennt séð þoli ég alls ekki fordóma. Um innflytjendur til dæmis, um samkynhneigða. Að heyra hluti eins og „Helvítis útlendingar!“ Fordómar og rembingur er með því versta sem ég veit.

Birtist fyrst í Vesturlandi, smelltu hér til að lesa blaðið.




31.júl. 2017 - 19:00 Austurland

Endurskoðun á úthlutunarreglum Byggðakvóta

Starfshópur sjávarútvegsráðherra hefur farið um landið síðustu viku og kynnt hugmyndir að nýju fyrirkomulagi á úthlutun byggðakvótans, bæði almenns og sértæks. Í grunninn væri verið að tala um eitt kerfi í framtíðinni og mun lengra tímabil, sem ætti að geta tryggt grundvöll fyrir uppbyggingu vinnslu í minni plássum. Að sögn nefndarmanna er tilhneigingin sú í tillögunum að úthlutanir færast frá stærri plássum til þeirra minni en reiknireglan sem notuð er miðast við fækkun íbúa, frekar en fiskveiðireynslu síðustu ára eins og verið hefur. 
31.júl. 2017 - 15:00 Austurland

ROKK-Hostel að HAVARÍ

Það hefur ekki verið slegið slöku við að Karlsstöðum í sumar og tónlistarveislan verið vel sótt. „Þetta er búið að vera ævintýri líkast,“ segir Berglind Häsler bóndi og bústýra en bætir við um leið að enn sé nóg eftir og dúndurdagskrá alveg út ágúst. „Hingað hefur streymt fólk af öllu landinu og öllum heimshornum ef út í það er farið. Það hefur verið húsfyllir á öllum viðburðum hingað til og stemningin nánast verið draumkennd á köflum því gestirnir okkar eru svo þakklátir og skemmtilegir. Þannig að við erum nokkuð viss um að seinni hluti sumarsins verði ekki síðri. Sérílagi Hæglætishátíðin um verslunarmannahelgina.“
31.júl. 2017 - 11:50 Arnaldur Máni Finnsson

Vinir í næsta bæ

Arnaldu Máni Finnsson Hvaða hraðferð er þetta alltaf á þér, spurði ég sjálfan mig á dögunum. Sumar og sól, hvalur að veifa sporði úti á firði, fuglasöngur og börnin í fullkominni þörf fyrir að teygja úr sér; seturnar í bílstólum á heitum sumardögum síður en svo besta líkamsræktin. Fannst samt eins og það væri einhver tími sem ég væri að missa, hafði ætlað mér að vera á þessum stað klukkan þetta og hinum svo klukkan hitt. Og það truflaði mig í raun, að maður er alltaf að skipuleggja ferðir og meirasegja fríið sitt í slíka þaula að óvæntu atvikin – sem einmitt breyta hversdögunum í minningarstundir – verða að útúrdúr sem tekur tíma. Mætti sleppa. Ekki ætti – en mætti.
30.júl. 2017 - 15:00

Jurtasápur og baðsölt frá Sólheimum í Rammagerðinni

Jurtasápurnar og baðsöltin frá Sólheimum fást nú í verslun Rammagerðar á Skólavörðustíg 12. Uppistaðan í vörunum eru líffrænt ræktaðar lækningajurtir úr blóma- og jurtagörðum Sólheima. Jurtirnareru tíndar þegar virkni þeirra stendur sem hæst. Útkoman er kraftmikil, gefandi og einstaklega nærandivörulína sem stenst samanburð við það allra besta sem í boði er.
29.júl. 2017 - 14:00

Skaginn 3X stóreflir tölvustýrða framleiðslu sína

Ingólfur Árnason framkvæmdastjóri Skagans, Jean Marc Fort svæðisstjóri Amada Europe SA og Hjörtur Pálmi Jónsson framkvæmdastjóri Iðnvéla handsala samninginn.
Tækni- og framleiðslufyrirtækið Skaginn hf., sem nýverið hlaut bæði Nýsköpunarverðlaun Íslands og Útflutningsverðlaun forseta Íslands, hefur nú tekið forystu í tölvustýrðri plötuvinnslu hér á landi með því að fjárfesta í sjálfvirkum vélbúnaði til plötuvinnslu. Vélbúnaðinum verður komið upp í nýbyggingu Skagans 3X á Akranesi. Fyrirtækið heldur þannig áfram uppbygginu sinni á Skaganum.
16.júl. 2017 - 22:00

Ferskt hráefni er lykillinn

Fáir veitingastaðir á Austurlandi hafa vakið jafn mikla athygli og sushistaðurinn Norð Austur á Seyðisfirði. Þrátt fyrir að vera aðeins tveggja ára gamall hefur hann nú þegar komist á hinn virta og heimsþekkta „White Guide Nordic“ (Norræni veitingastaðalistinn) sem tiltekur athyglisverðustu og bestu veitingastaðina á Norðurlöndunum. Austurland.is hafði á dögunum samband við Davíð Kristinsson, sem á og rekur staðinn ásamt vini sínum og mági Dýra Jónssyni. 
16.júl. 2017 - 17:00

Sæmundur gefur út bókmenntaverk ungra höfunda

Bókaútgáfan Sæmundur gefur um þessar mundir út tvö bókmenntaverk ungra höfunda, Smáglæpi Björns Halldórssonar og Kenopsíu Jóhönnu Maríu Einarsdóttur.
16.júl. 2017 - 14:00

Rjóminn Sigurðar & Ineke

Íslenskir og erlendir myndlistarmenn keppast um að fá að taka þátt í sýningunni og er hún hvalreki fyrir austfirskt menningarlíf í ár eins og undanfarin sumur. Uppbyggingarsjóður Austurlands er stærsti styrktaraðili sýningarinnar fyrir utan Djúpavogshrepp sjálfan en listamennirnir sem taka þátt fá enga þóknun, standa margir hverjir að flutningi verka sinna og sjálfs sín sjálfir og standa straum að kostnaði við uppsetningu verkanna. Þar sem um marga listamenn er að ræða í mjög háum gæðaflokki þá eru og margir duldir þættir í uppsetningu listasýningar, tryggingamál og annað, sem hleypa kostnaði við svona sýningar upp.
15.júl. 2017 - 22:00

Alvöru hátíð með þungum undirtón

Á Eistnaflugi sem fram fór síðustu helgi var margt um manninn og rjómi íslenskrar þungarokkssenu samankominn, enda hátíðin nokkurskonar árlegt landsmót þungarokkara. Að sögn aðstandenda var aðeins færra af erlendum hátíðargestum en verið hefur síðustu ár og hefur þar dýrtíðin í ferðaþjónustunni eflaust sitt að segja og sterkt gengi krónunnar. Umgjörð hátíðarinnar og skipulag hefur um leið sjaldan verið jafn vegleg og góð en fjöldi sjálfboðaliða koma að framkvæmd hennar. Í ár hlaut hátíðin bæði Eyrarrósina fyrir menningarstarf á landsbyggðinni og var valin Tónlistarhátíð ársins á Íslensku tónlistarverðlaununum. Allt í allt spila yfir 60 hljómsveitir í Neskaupstað á og í tengslum við hátíðina.
15.júl. 2017 - 19:00 Magnús Þór Hafsteinsson

Smábátafloti á hverfanda hveli

Magnús Þór Hafsteinsson Tölur um fækkun smábáta sem gerðir eru út í atvinnuskyni og eru raktar í frétt hér á síðunni hljóta að vekja ugg, að minnsta kosti meðal þeirra sem vilja sjá veg sjávarbyggðanna sem mestan. 
Það er engum vafa undirorpið að smábátaflotinn skilur mikið eftir sig. Tekjurnar af slíkum bátum hríslast um æðar samfélagsins. Útgerð þeirra fylgir vinna í sjávarbyggðum og líf í höfnum. Þeir styrkja búsetu í byggðalögum sem víða eiga undir högg að sækja. Þessir bátar  nýta mið á grunnslóð sem örugglega má segja að séu vannýtt í dag.
15.júl. 2017 - 18:00

Mælirinn er fullur

Dvalar- og hjúkrunarheimilið Höfði á Akranesi. Með ákvörðun kjararáðs og kjaradóms á síðustu mánuðum um verulegar hækkanir til æðstu embættismanna og stjórnmálamanna hefur tónninn verið sleginn fyrir aðra hópa þjóðfélagsins. Það er ekki nóg með að launahækkanir séu miklar, heldur eru þær afturvirkar allt að 19 mánuðum. Afturvirkar greiðslur nema hundruðum þúsunda og milljónum, til viðbótar við launahækkanirnar.
15.júl. 2017 - 17:00

Nýr hljómdiskur Kiriyama Family

Stuð og stemmning í lokin Kiriyama Family og gestaspilarar Sunnlenska hljómsveitin Kiriyama Family fagnaði útgáfu annarar breiðskífu sinnar sem ber nafnið „ Waiting For“  með veglegum útgáfutónleikum í Tjarnarbíói í Reykjavík  föstudagskvöldið 23. júní sl.
15.júl. 2017 - 16:00

Mikilvægi þakklætis

Mynd/Rhombie Sandoval
Áföll eru upplifanir sem við lendum öll í á einhverjum tímapunkti á ferðalagi okkar í gegnum lífið og eru alltaf erfið sama hver orsökin er. En við búum öll yfir hæfileikanum til að sigrast á þeim.
Að leyfa sér ganga í gegnum feril áfalls eru heilbrigð viðbrögð en það sem við gerum eftir á er undir okkur komið. Þegar við áttum okkur á því að það sem gerðist er í fortíðinni og er partur af sögunni verður allt auðveldara en þó má halda í fallegar minningar. En hvað getum við gert til að auðvelda ferlið í gegnum áfall?

15.júl. 2017 - 15:00 Arnaldur Máni Finnsson

Gömul speki og ný

Innsæi var á allra vörum einhverntíma á dögunum. Það gildir raunar einu, því innsæi er alltaf á döfinni; við verðum að hafa skilning og skilja samhengi til að geta brugðist við tilfinningum, atburðum eða tíðaranda, af innsæi. Allir sem eru í þeirri stöðu eru í skapandi starfi, ef svo má segja, því þeir þurfa að geta brugðist við flæði með opinleik, áfalli með hugprýði, sigri af auðmýkt. Greining, skynsemi og rökhugsun gagnast með takmörkuðum hætti þegar kemur að þessum þáttum. Það þarf annað – tilfinningagreind kannski - til að geta brugðist við með andagift, lyft aðstæðunum eða leyft því að vera sem þarf að fá að vera eins og það er. Stundum finn ég sjálfan mig í fjöru, búinn að greina allt í tætlur og get á engan hátt haft gaman af því að hlutirnir séu ekki settir saman eins og ég sá þá fyrir mér. Þá verður að slaka, treysta innsæinu og leyfa hlutunum að vera eins og þeir þurfa að fá að vera. Ekki í dragsúg gærdagsins. Ekki í hvirfilbyl morgundagsins. Heldur í lygnu streymi dagsins.
14.júl. 2017 - 20:00

AMMA í Sláturhúsinu

Guðný Marínósdóttir er mörgum kunnug hér um slóðir, sem kennari og sem listakona en hún sýnir um þessar mundir í Sláturhúsinu á Egilsstöðum. Hún er fædd á Seyðisfirði og bjó og starfaði á Eiðum við listsköpun og kennslu í 10 ár. Án efa hafa mörg spor verið mörkuð með þræði undir áhrifum og leiðsögn hennar. Sýningin Amma samanstendur af þrem verkum sem öll fjalla um líf föðurömmu Guðnýjar, Guðnýjar Einarsdóttur sem fædd var í Reykjavík 1864 og fluttist til Seyðisfjarðar þar sem hún bjó til æviloka 1946.
13.júl. 2017 - 18:00 Vesturland

Minningarsigling skipalestar í Hvalfjörð - Myndir

Guðlaugur Þór Þórðarson utanríkisráðherra á stjórnpalli varðskipsins Týs. Ljósmynd: Hilmar Snorrason. Föstudaginn 23. júní var efnt til siglingar skipalestar í Hvalfjörð. Tilefnið var að liðin voru 75 ár síðan átökin um Íshafsskipalestirnar svokölluðu stóðu sem hæst í seinni heimsstyrjöld sumarið 1942. Þessar skipalestir sigldu með vistir og hergögn frá Bretlandi og Bandaríkjunum til hafna í Norðvestur Rússlandi. Vagga skipalestanna var í Hvalfirði. Annað tilefni siglingarinnar var að minnast skipalestarinnar PQ17 sem hélt frá Hvalfirði í júnílok 1942.
12.júl. 2017 - 21:00 Vesturland

Sigrún Ólöf Einarsdóttir: Í dag er ég miklu betri amma en ég var mamma

Sigrún Ólöf Einarsdóttir. „Á þessum árum var mikil upplausn og ólga í Danmörku. Þetta var 1975. Það var verið að skipta frá hippaárunum og yfir í það að taka lífinu alvarlegar. Danirnir, bæði kennarar og nemendur, sögðu við sjálfa sig og hvora aðra: „Nú förum við að hætta að reykja hass og spila á bongótrommur en snúum okkur að því að fara að læra.“ Þetta voru umskipti og þeim fylgdu átök milli nemenda og kennara og líka innbyrðis í kennarahópnum. Þarna var meðal annars tekist á um kennsluaðferðir. Ég kom frá Íslandi þar sem aldrei var reykt hass og spilað á bongótrommur, allavega ekki opinberlega.“
12.júl. 2017 - 18:00 Vesturland

Söfnun hafin fyrir útialtari að Esjubergi

Tölvugerð mynd sem sýnir útialtarið eins og það verður fullbúið við Esjuberg. Nú er hafin fjársöfnun á vefsíðunni Karolina Fund fyrir byggingu keltnesks útialtaris sem byrjað er að reisa við Esjuberg á Kjalarnesi. Fyrsta skólfustungan að því var tekin 8. maí í fyrra. Sagnir herma að kirkja hafi staðið á Esjubergi á Kjalarnesi fyrir kristnitöku, um árið 900. Í Landnámu (Sturlubók) segir að Örlygur Hrappsson hafi fengið frá Patreki Suðureyjabiskupi „kirkjuvið ok járnklukku ok plenárium ok mold vígða“ til að nota í kirkju sem reisa skyldi þar hann næmi land og eigna hinum helga Kolumba.
11.júl. 2017 - 22:00 Suðri

Gunnar minnist gamalla húsa á Selfossi

Gunnar Granz, listmálari, hefur opnað sýningu í gjánni í Bókasafni Árborgar þar sem hann minnist gamallar bygðar sem vék fyrir meðal annars Hótel Selfoss. Sýningin er sérstaklega athyglisverð og þakkarvert að sögunni sé haldið til haga með jafn skilmerkilegum hætti og þarna er gert.
11.júl. 2017 - 18:00 Suðri

Leikfélag Hveragerðis í Þjóðleikhúsinu

Leikfélagið var valið til að sýna í Þjóðleikhúsinu fimmtudaginn 15. júní og það var hápunktur á ferli margra okkar. Við fengum að æfa í húsinu daginn áður og fyrripart sýningadagsins og það var auðvitað margt öðruvísi eins og t.d. snúningssvið sem þeir hafa,  en ekki við, segir Hjörtur Benediktsson, formaður leikfélagsins í samtali við Suðra um ævintýraferð þeirra í Þjóðleikhúsið. 
11.júl. 2017 - 09:00 Suðri

Umhverfisráðherra opnaði á Friðheimum

Mynd af facebooksíðu umhverfisráðherra. Uppbyggingin á Friðheimum í Bláskógabyggð hefur vakið mikla athygli, enda framúrskarandi vel  að henni staðið hjá þeim Knúti og Helenu. Björt Ólafsdóttir, frá Torfastöðum í Biskupstungum, opnaði nýja viðbót við uppbygginguna fyrir nokkrum dögum. 
10.júl. 2017 - 15:30 Suðri

SB Skiltagerð færir út kvíarnar„Það er nóg að koma til okkar og við sjáum um málið“

Smári Birnir og Smári faðir hans SB Skiltagerð í Unubakkanum í Þorlákshöfn er eitt af elstu starfandi fyrirtækjum á Suðurlandi. Félagið fagnar nú 50 ára starfsemi þegar þriðji ættliður skiltagerðarmanna tekur við fyrirtækinu ásamt konu sinni, þau Smári Birnir Smárason og Katrín Ósk Hannesdóttir. Þau hugsa stórt og byrja á því að færa hressilega út kvíarnar með því að flytja í 300 fermetra húsnæði í Þorlákshöfn og stórbæta tækjakostinn. Ritstjóri Suðra ræddi við Smára um skiltagerðina.
10.júl. 2017 - 08:00

Borgarasviðið til Gautaborgar

1. maí-ganga Þátttakendur Borgarasviðs stálu senunni í 1. maí-göngunni og kröfðust hærri launa með kröfuspjöldum og dansi. Mynd: Guðrún Þórs. Samfélagsleikhús Menningarfélags Akureyrar, Borgarasviðið, var valið til þátttöku á Samnorrænu dansráðstefnunni NOFOD, Nordic Forum for Dance Research, sem haldin var í Gautaborg á dögunum undir yfirskriftinni dans og lýðræði.
09.júl. 2017 - 20:00

„Fjölskyldan togaði alltaf í okkur“

Guðmundur Ævar Oddsson er fluttur heim eftir tíu ár í Bandaríkjunum þar sem hann var við nám og störf. Guðmundur hefur verið ráðinn lektor við lögreglufræði í Háskólanum á Akureyri. Hann féllst á að gefa lesendum Akureyri Vikublaðs sínar uppáhaldsuppskriftir.
09.júl. 2017 - 16:30 Austurland

Yndislegt á Eiðum

Mig langar að deila með ykkur upplifun minni af Austurlandi. Ég er fædd og uppalin á Akureyri en hef búið í Reykjavík síðustu 3 árin og lauk nýverið embættisprófi í guðfræði. Ég sá auglýsingu um að það vantaði sumarbúðastjóra í sumarbúðirnar við Eiðavatn og þótti spennandi að sækja um. Ég hafði sjálf verið í sumarbúðum sem barn, börnin mín höfðu farið í sumarbúðir auk þess sem ég hef unnið í sumarbúðum. Þar að auki hef ég unnið með börnum frá því að ég var 17 ára gömul og finnst fátt skemmtilegra en að vera allan daginn með fullt af krökkum í leik og starfi.
09.júl. 2017 - 12:00 Austurland

Merk sýning austfirsks ljósmyndara

Verk Björns Björnssonar (1889 – 1977) áhugaljósmyndara eru nú til sýnis í Myndasal Þjóðminjasafns en Björn sérhæfði sig að mestu leyti í fuglaljósmyndun. Hann vann að ljósmyndun á Austfjörðum meðfram verslunarstörfum, lengst af á Norðfirði. Á síðari árum sérhæfði Björn sig í náttúrulífsljósmyndun og ferðaðist um landið í þeim tilgangi. 

09.júl. 2017 - 09:00

Sköpum ný tækifæri saman

Arctic Coast Way er nýtt og spennandi verkefni sem fyrst var kynnt til sögunnar í vetur og á að draga athygli ferðamanna að strandlengjunni meðfram Norðurlandi. Verkefnið snýst um að búa til svokallaðan ferðamannaveg. Slíkir vegir eru þekktir í ferðaþjónustu á heimsvísu, sem verkfæri til að beina ferðamönnum eftir ákveðnum vegum á ákveðin svæði. Markaðsstofa Norðurlands heldur utan um verkefnið, en það mun taka tíma að ná þeim markmiðum sem stefnt er að og utanaðkomandi hjálp er nauðsynleg. Til þess að ferðamannavegurinn verði að veruleika þarf stuðning og þátttöku heimamanna, fyrirtækja og sveitarfélaga á því svæði sem vegurinn liggur um.
08.júl. 2017 - 20:00 Akureyri vikublað

„Ég vil fara þangað sem fólk er að hlægja“

Jóna Sigurlaug Friðriksdóttir Mig langar að tala um jákvæðni. Hugarástand sem við reynum að temja okkur til að geta tekist á við misauðveldar áskoranir á lífsins göngu. Jákvæðni gerir okkur sterkari og lausnamiðaðri. Sumir þurfa að temja sér jákvæðni meðan öðrum er hún í blóð borin.
08.júl. 2017 - 16:30 Reykjanes

Heilsugæslustöð þarf að vera í Garði og Sandgerði

Heilbrigðismál hafa undanfarin misseri verið mikið í umræðunni. Flestir telja að heilbrigðismálin eigiað vera í fyrsta sæti hjá okkur hvað varðar forgangsmál. Suðurnesin eru engin undantekning hvað þetta varðar. Íbúar eru orðnir langþreyttir á því að þurfa að bíða dögum saman eftir að geta fengið viðtal við heimilislækni. Fólki er bent á að fara síðdegis á vaktina,en þar þarf yfirleitt að bíða klukkutímum saman. Í grein hér í blaðinu í dag er fjallað um þessi mál undir fyrirsögninni, margt sem þarf að laga. Þar er vitnað í úttekt á starfsemi Heilbrigðisstofnunar Suðurnesja.Þar kemur einmitt fram að ástand mála á dagvinnutíma er mjög svo ófullnægjandi. Ein af ástæðum sem rætt er um er skortur á læknum og hjúkrunarfræðingum. Miðað við í hvaða forgang almenningur setur heilbrigðismálin hljóta ráðamenn þjóðarinnar að leggja við hlustir og berjast fyrir úrbótum. Það vantar mun meiri þunga frá þingmönnum okkar og sveitarstjórnarmönnum. Það er ekki hægt að búa við þetta ástand áfram.
08.júl. 2017 - 13:30 Austurland

Aurflóð og breytt ásýnd Búðarárfoss

Seyðisfjörður Tvö aurflóð ullu talsverðu tjóni á Seyðisfirði fyrir skömmu en matsmenn Viðlagatryggingar telja að tjón vegna vatns og aurflóða hafi orðið á um 40 stöðum vegna rigninganna. Vatn flæddi inni í nokkur hús við Pollinn á Seyðisfirði en út með strönd féllu aurskriður utan við Gistiheimilið Norðursíld, á húsið að Strandvegi 27. Þar mokuðu heimamenn út úr húsum aur og leðju en eigandi þess, Dýri Jónsson hótelrekandi, sagði í samtali við Morgunblaðið að það sé þekkt að spýjur falli úr lækjarfarveginum ofan við svæðið en húsið sem sé byggt árið 1880 hafi alltaf sloppið við grjóthrun.
08.júl. 2017 - 10:30 Akureyri vikublað

Mælingar svifryks hafnar að nýju

Akureyri Mælingar á loftmengun hófust á ný í febrúar en mælirinn bilaði í desember 2015. Styrkur svifryks á Akureyri hefur farið 32 sinnum yfir heilsuverndarmörk frá því að svifryksmælir var settur upp um miðjan febrúar. Leyfilegt er að fara 35 sinnum yfir mörkin á ári hverju.
08.júl. 2017 - 07:24 Akureyri vikublað

Andrés Vilhjálmsson í yfirheyrslu

Andrés Vilhjálmsson Andrés Vilhjálmsson spilar fótbolta með Magna. Andrés ætlaði að verða kvikmyndaleikstjóri þegar hann yrði stór.
07.júl. 2017 - 19:00 Akureyri vikublað

Hver er næstur?

Það sem af er ári hafa átta manns látist í umferðinni á Íslandi. Átta manneskjur sem ætluðu aðeins að skjótast; kannski í vinnuna, í smá ferðalag eða í heimsókn til vinar. Átta ástvinir einhverra komu aldrei heim aftur. Líf heillar fjölskyldu, vinahóps og vinnustaðar gjörbreytt á sekúndubroti og verður aldrei samt aftur.
07.júl. 2017 - 17:30 Akureyri vikublað

Héraðsdómur 25 ára

Ólafur Ólafsson er dómstjóri Héraðsdóms Norðurlands eystra. „Það skiptir máli að dómstóllinn sé sjálfstæð stofnun, en ekki útibú líkt og alltof oft tíðkast hér á landi“
07.júl. 2017 - 16:30 Aldan

Simberg með fjölbreytta þjónustu fyrir rafeindabúnað í skipum

Valdimar Einisson og Þorsteinn Kristvinsson, eigendur Simberg ehf., við sonar þar sem sést vel hvernig aflinn hefur verið hjá Þórunni Sveinsdóttur VE bæði á stjórnborða, bakborða og framan við skipið.

Simberg í Askalind í Kópavogi er með umboð fyrir Simrad og Kongsberg á Íslandi. Einnig er boðið upp á sjálfvirkni og iðnstýrilausnir hverskonar fyrir skip, þjónustu á fjarskiptakerfum, sem og ráðgjöf, uppsetningar og breytingar á hverskonar rafeindabúnaði um borð í skipum. Starfsmenn eru 6 talsins en framkvæmdastjóri er Valdimar Einisson. Hann var spurður um nafnið á fyrirtækinu.

06.júl. 2017 - 20:00 Akureyri vikublað

Guðrún Pálína í opinskáu viðtali: Hitti aldrei föður sinn - Fann ástina í Hollandi

Guðrún Pálína Guðmundsdóttir myndlistakona og kennari. Mynd: Guðrún Þórsdóttir. Myndlistakonan Guðrún Pálína Guðmundsdóttir, sem ólst upp á Akureyri og í Bárðardal hjá ömmu sinni og afa, segir myndlistina sækja stöðugt í sig veðrið sem menning. Ritlistinni sé þó enn gert hærra undir höfði og sérstaklega í menntakerfinu. Í einlægu viðtali ræðir Guðrún Pálína um æskuna, listina, ástríðuna, fjölskylduna og örlögin sem gripu í taumana og beindu henni heim til Íslands eftir langa dvöl í útlöndum.
05.júl. 2017 - 19:00 Reykjanes

Aflafréttir - Ekki margir netabátar að róa núna

Það er frekar rólegt um að vera í höfnum á Suðurnesjunum núna um þessar mundir.  Fáir bátar á veiðum nema strandveiðibátarnri sem eru flestir í Sandgerði.  Þar er reyndar Hulda HF að landa og hefur báturinn verið á handfæraveiðum og er að einbeita sér að ufsanum á Eldeyjarsvæðinu. Þar um borð er skipstjóri Róbert Georgson eða Robbi eins og hann er kallaður og hann er enginn nýgræðingur í þessum að eltst við ufsann.  Hann var nefnilega með Ragnar Alfreðs GK í mörg ár og á honum þá náði hann að fiska það vel af ufsanum á handfærin að Ragnar Alfreðs GK var aflahæstur nokkur ár í röð yfir smábátanna varðandi ufsann.  Núna hefur Robbi landað 23,2 tonn í 4 róðrum á Huldu HF og stærsti róðurinn var 8,7 tonn.
04.júl. 2017 - 18:00

Það er margt sem rekur á fjörur konu

Eirný Vals Hreyfivika UMFÍ og boðberar hennar er eitt af því sem sumir finna og njóta. Aðrir sparka í og ryðja úr vegi. Ég hefði getað svarið fyrir að boðberi hreyfingar yrði seint mitt viðfang, hvað þá eitthvað sem ég myndi inna af hendi og vera byrjuð að hugsa, í lok hreyfiviku 2017, um næsta ár. 
   Vera fyrr á ferðinni, undirbúa betur, eiga myndir, taka myndir. Hafa efni á fleiri tungumálum (voru þrjú í ár) og svo framvegis. Jafnvel að ég myndi halda út námskeið í skriðsundi svo ég yrði fljótari að synda. Gæti synt fleiri ferðir. 
04.júl. 2017 - 14:29 Akureyri vikublað

Hvar, hvar hvar ...(allir gamlir skátar eru hvattir til að lesa þetta)

Hrefna Hjálmarsdóttir
Fyrir mörgum, mörgum árum, nánar tiltekið árið 1964, var dróttskátastarf á Íslandi að hefjast en það var ætlað skátum á unglingsaldri. Efnt var til samkeppni milli 
dróttskátasveita
02.júl. 2017 - 21:00

Nú er hægt að sjá glerblástur í Bergvík

Sigrún sækir bráðið gler í ofninn á verkstæðinu.
Listsköpun úr gleri hefur verið stunduð í 35 ár í Bergvík á Kjalarnesi. Þar í gráu húsi niður við sjóinn, miðja vegu milli Klébergsskóla og Grundahverfis rekur Sigrún Einarsdóttir glerlistakona verkstæði sitt.
02.júl. 2017 - 16:00

Undarleg augnablik og pínlegar uppákomur

Gömul hjón á strípibar í New Orleans, rottur og bækluð börn í Varanasi, himnesk stund með Sophiu Loren, elskendur í blóði sínu í Sarajevo, innmúraður maður í Palestínu, átta smokka nótt í Nata, skítafangari í París, maður sem tapaði fjalli í Armeníu.
01.júl. 2017 - 21:00 Akureyri vikublað

Minnihlutahópar

Nýir minnihlutahópar spretta fram á hverjum degi og sá nýjasti er hávaxið fólk. Það kann að virðast skrítið að hávaxið fólk geti flokkast sem minnihlutahópur en verandi hávaxinn sjálfur, get ég hins vegar staðfest þessa fullyrðingu mína.
01.júl. 2017 - 18:00

Fjármál stjórnmálaflokka upp á yfirborðið

Njörður Sigurðsson Mikilvægur þáttur í því að kjósendur geti tekið upplýsta afstöðu í kosningum og veitt stjórnmálasamtökum aðhald er að hafa upplýsingar um hvernig stjórnmálasamtök eru fjármögnuð. Opið bókhald stjórnmálasamtaka dregur úr hygli stjórnmálamanna til tengdra aðila og dregur almennt úr líkum á spillingu. Þannig stuðlar aukið gagnsæi í fjármálum hins opinbera og þeirra stjórnmálasamtaka sem fulltrúa eiga á þingi eða í sveitarstjórnum traust á stjórnsýslunni og þeim ákvörðunum sem teknar eru af kjörnum fulltrúum.
01.júl. 2017 - 15:00

400 skátar til Akureyrar

Skátar Ásgeir hefur verið skáti í tæp 40 ár. Hann segir skátastarfið mjög öflugt á Akureyri. Stærsta alheimsskátamót fyrir 18–25 ára verður haldið á Íslandi í sumar. Mörg hundruð manns munu koma til Akureyrar þar sem fjölbreytt dagskrá bíður hópsins.
01.júl. 2017 - 12:00 Akureyri vikublað

Samvera með foreldrum mikilvæg

Félagsstarf hefur forvarnargildi Alfa hvetur foreldra til að leita að tækifærum svo börn þeirra geti fundið sig í tómstundastarf Deildarstjóri forvarna- og frístundadeildar Akureyrarbæjar segir vísbendingar um að gera þurfi betur þegar kemur að andlegri líðan barna og unglinga. Sumartíminn, með sitt rútínuleysi, geti verið sérstaklega erfiður fyrir þá sem veikir séu fyrir.
01.júl. 2017 - 09:42 Magnús Þór Hafsteinsson

Þeim fjölgar enn, en fækkar nú samt

Svo virðist sem að heldur dragi úr komum erlendra ferðamanna til Íslands þó þeim fjölgi reyndar enn borið saman við sama tíma í fyrra. Tölur um komur ferðamanna í maímánuði sl. gætu bent til þess að eitthvað sé að draga úr eftirspurn eftir ferðum til Íslands. 
30.jún. 2017 - 20:00

„Ekki allir í lopapeysu að framkvæma víkingaklappið“

Fræðir aðra krakka Hrafnhildur Ming var ættleidd frá Kína. Hún vil fræða fólk um hvernig það hefur verið fyrir hana að vera ekki með hefðbundið íslenskt útlit hér á landi. Hrafnhildur Ming Þórunnardóttir fræddi krakkana í Vísindaskóla unga fólksins um hvernig það hefur verið fyrir hana að vera öðruvísi á Íslandi. Hrafnhildur vill minna á að Íslendingar séu fjölbreyttur hópur.
30.jún. 2017 - 16:00 Suðri

Alþjóðadagur á Kirkjubæjarklaustri þann 1. júlí, 2017

Klausturdeild Rauða krossins ásamt hópi vaskra íbúa Skaftárhrepps vinnur að alþjóðadegi á Kirkjubæjarklaustri.
Í Skaftárhreppi, eins og annars staðar á landinu, eru íbúar af mörgum þjóðernum. Í þessu fimm hundruð manna samfélagi eru ríkisföng oftast um fimmtán.Einstaklingar með erlent ríkisfang eru 13%. Margvísleg störf eru innt af hendi.Við tökum sem dæmi kennslu, aðhlynningu, fiskeldi og ferðaþjónustu.Margir hafa búið sér heimili hér en aðrir koma og fara eftir mislangan tíma.
29.jún. 2017 - 20:00 Akureyri vikublað

Elí greindist 16 ára með Asperger-heilkenni: „Ég var skrítni krakkinn“

Rithöfundurinn Elí Freysson greindist með Asperger-heilkennið þegar hann var 16 ára. Honum finnst einhverfan ekkert feimnismál og í einlægu viðtali segir hann frá ritstörfunum, æskunni, samskiptaerfiðleikunum, léttinum við að fá greininguna og hvernig hann hefur með æfingum og auknu sjálfstrausti lært að sætta sig við að vera öðruvísi.
26.jún. 2017 - 20:30 Eyjan/Kristinn H. Gunnarsson

Kvótakerfið veldur hörðum stéttaátökum

Sjómannadagurinn var haldinn hátíðlegur nýverið. Vel viðraði og tókust hefðbundin hátíðahöld með ágætum. Blaðið Vestfirðir sendir sjómönnum og fjölskyldum þeirra góðar kveðjur og þakkir fyrir framlag þeirra til góðra lífskjara landsmanna. Kvótakerfið er eldurinn sem logar undir sjávarútveginum og  hefur valdið hörðum deilum og átökum í þjóðfélaginu síðustu 30 ár. Forystumenn útgerðarinnar gera sér grein fyrir stöðunni og keppast við að bera lofi á kerfið og vara við öllum hugmyndum um breytingar.