17. des. 2016 - 07:00Austurland

Hlutaskáld mótað af Vopnafirði

Vopnafjörður hefur haft ófyrirséð áhrif á hönnunarferil könnuðarins Brynjars Sigurðarsonar. Á lokaári hans í Listaháskóla Íslands árið 2009 gerði hann rannsókn á fagurfræði Vopnafjarðar. Verkefnið hefur leitt hann víða um heim síðan þá en á dögunum snéri hann aftur til Vopnafjarðar á vegum austfirska hönnunarverkefnisins Designs from Nowhere.

Við fyrstu sýn er ekki augljóst að hönnunarlína sem Brynjar Sigurðarson hannaði fyrir eitt af virtari hönnunargalleríum Evrópu, Galerie Kréo í París, eigi rætur sínar að rekja til Vopnafjarðar. Innblástur að aðferð og efnistökum hinnar sérstæðu húsgagnalínu er fenginn úr vopnfirsku umhverfi og andrúmslofti. Aftur á móti er eitt og annað í húsgögnunum sem lítur út fyrir að vera mjög íslenskt, gæti jafnvel verið tekið beint úr einhverjum vinnuskúrnum. Maður veltir því fyrir sér hvers vegna borðið sé bundið saman með kaðli og hvers vegna öngull dangli á speglinum. Þessar spurningar eru ef til vill óþarfar til að meta sjónræna upplifun sína af hlutunum en þær varða óhjákvæmlilega tilfinningar áhorfandans fyrir því að allir hlutir hafi sinn tilgang. Og ef tilgangurinn er ekki augljós, þá leitum við í að leita að hlutverki fyrir hlutina. Ef til vill er ágætt að vita ekki „til hvers“ allskyns skreyti eru á meðan fagurfræðilegur þáttur hlutanna er meltur, og hver svosem tilgangurinn er þá gefa skreytin hlutum karakter og áru—yfirbragð sem á einhvern sérkennilegan hátt er ótrúlega íslenskt—og gera hlutinn að persónu. Jafnvel persónu í leikriti, sögupersónu, hvunndagshetju.

Sjálfur segir Brynjar að sérstaða húsgagnanna sem hann hannaði í útskriftarverkefni LHÍ hafi verið sú að húsgögnin höfðu ekkert ákveðið hlutverk. Síðan hafi höfundarverk hans þróast í The Silent Village collection, eða vörulínunni Þögla þorpið sem hann vann að hjá Kreo. Hlutverk þeirra hluta eru skýrari, en þó oft víðtækt og opið eins og t.d. spegill og hengi. Húsgagnalínan er mótuð af því tungumáli sem Brynjar hefur þróað frá því hann dvaldi á Vopnafirði 2009. Aðferðirnar, efnin, formin og litirnir sem spruttu úr rannsóknarvinnunni og upplifuninni af staðnum, hafa fylgt honum og verið rauður þráður í verkum hans alla tíð síðan.

Þýðingar á íslensku handverki

Hönnunarverk Brynjars eru fædd úr samhangandi ferli þar sem þungamiðjan er að þýðing á óræðu tungumáli, andrúmsloft sem dæmi, yfir í hlutbundið form. Þegar aðferðir, efni og form eru flutt úr sínu upprunalega umhverfi í nýtt samhengi skapast nýir notkunarmöguleikar—upplifunin og merkingin verður önnur. Í hinni efnismiklu grunnlínu Þögla þorpsins frá Kreó-galleríinu má sjá hversdagslega hluti úr íslensku sjávarþorpi í lifandi samtali við áferðarfagra og fínlega hluti sem við þekkjum ef til vill frekar úr tískuheiminum.

„Ég fann minn flöt á íslensku handverki þegar ég lærði netahnúta hjá Hreini Björgvinssyni og fór að prófa mig áfram með netnálina. Þegar ég kom heim frá Vopnafirði var markmiðið að þýða þetta umhverfi og andrúmsloft yfir í minn eigin orðaforða. Þetta voru hálfgerðir skúlptúrar í útskriftarverkefninu mínu á sínum tíma, en síðan þá hefur boltinn bara rúllað og það felur í sér stöðuga þróun þessa tungumáls sem ég vil skapa með hönnunarvinnunni. Hver nýr staður og hvert verkefni felur í sér nýja vídd, orðaforðinn stækkar og víkkar eftir því sem maður ferðast og lærir meira. Verkin eru alltaf nátengd því samhengi sem þau fæðast í og öll tengjast þau. Það er ótrúlega gaman að koma aftur á þennan upphafspunkt núna tæplega 8 árum seinna, “ segir Brynjar en að hans sögn vinnur hann enn þann dag í dag með efni frá rannsóknarheimsókn sinni á Vopnafjörð 2009.

Vopnafjörður endalaus brunnur

„Það er í raun mjög fyndið að hugsa um það en ég er ennþá að vinna með myndir sem ég tók fyrir næstum átta árum síðan, t.d. af höfninni, vinnustöðum, heimilum og sveitinni. Ferðalagið sem við höfum verið á síðan hefur bætt heilmiklu í orðaforðann og við sjáum Vopnafjörð frá nýju sjónarhorni. Það hafa margar hugmyndir kviknað við að koma aftur á stað sem er manni svona kær og hefur skipt svo miklu máli fyrir mig og minn hönnunarferil“ segir Brynjar.

Í millitíðinni lauk Brynjar meistaranámi í einum virtasta hönnunarskóla Sviss, ECAL þar sem hann hefur einnig kennt og starfað við rannsóknir. Hann dvaldi á Vopnafirði í síðustu viku ásamt Veroniku Sedlmair, en það var í fyrsta skipti sem hann hefur komið austur í nokkur ár og fyrsta heimsókn hennar á staðinn. Saman vinna þau undir merkjum Studíó Brynjar og Veronika og hefur hlotnast margskonar heiður á síðustu árum. Í fyrra (2015) hlaut Brynjar svissnesku hönnunarverðlaunin og hin virtu Hublot-verðlaun, en í upphafi þessa árs hlutu Brynjar og Veronika Designer of the future-verðlaun Design Miami/Basel hátíðarinnar sem felur  í sér tækifæri til samstarfs við Swarovski hönnunarhúsið víðfræga. Útkomuna úr því samstarfi mátti sjá á sýningu í Basel í sumar þar sem þau hönnuðu meðal annars kristals-rimlagardínur þar sem unnið er með ljósbrot og prisma.

Að miðla tilfinningunni í maganum

Það er hægara sagt en gert að lifa af því að vera hönnuður. Að geta sér gott orð sem vöruhönnuður getur þýtt margra ára vinnu, jafnvel 10-15 ár af framleiðslu á fjölda hluta í þeirri von að einhverjar þeirra nái festu á markaði. Þá fyrst með fimm góðar vörur í stöðugri sölu er möguleiki fyrir hönnuð að hafa af þeim tekjur. Brynjar er ánægður með það starfsumhverfi sem honum hefur boðist með sinni nálgun. Hún er langt frá því að vera á pari við ímyndarhönnun auglýsingaskrifstofanna þar sem barist er við að finna út hvað „selur“ þá menningu sem til staðar er.

„Ég reyni að nálgast ferlið þannig að ég renni inn í það sem fyrir er og þar fæðast hugmyndirnar, útfrá umhverfinu og á forsendum þess. Svo læt ég tilfinninguna í maganum ráða frekar en að beita útreikningum út frá markaðsforsendum eða notagildi. Núna nýlega hönnuðum við t.a.m. flautu fyrir fjóra flautuleikara og einn hlustanda sem stendur í henni miðri. Öll fyrri verkefni fylgja okkur inn í nýju verkefnin, reynslan af því sem maður tekur sér fyrir hendur skilar sér í næstu verkefni og við tölum auðvitað best það tungumál sem við höfum þróað með okkur. Ný verkefni og nýjar hugmyndir eru blanda af bakgrunni okkar og þeim aðstæðum sem við mætum. Þetta snýst um túlkun á andrúmslofti og tilfinningum. Það verður mjög gaman að vinna með Designs from Nowhere áfram að varanlegum verkum sem Vopnfirðingar og gestir þeirra geta notið á komandi árum,“ segir Brynjar að lokum. Það verður vissulega fróðlegt að fylgjast með þessum hæfileikaríku ungu hönnuðum takast á við að miðla ljóðrænni hugsun sinni í þágu Vopnfirðinga, enda mikill kærleikur og þakklæti auðsýnt af hans hálfu til þorpsins sem hefur fylgt honum á vegferð hans um rangala hönnunarheimsins til þessa.

Designs from Nowhere er fjölþætt verkefni sem byggir á austfirskri menningu, hráefnum og verkþekkingu. Markmið verkefnisins er leita nýtta tækifæra til skapandi starfsemi og menningarminjar á Austurlandi. Að sögn Körnu Sigurðardóttur verkefnastjóra Designs from Nowhere er víðfeðmur huglægur heimur sem byggir á fólki og sköpunarkrafti þess.

„Hugsunin sem býr að hverjum hlut skiptir máli því hlutir hafa hlutverk eða merkingu langt út fyrir hið augljósa. Hlutir tengja fólk saman, móta aðstæður og breyta framrás menningarlegrar þróunar. Við mótum umhverfi okkar með hlutunum sem við búum til, viljum, kaupum og notum. Verkefnið stuðlar ekki einungis að hönnun verka með vísun í gamlar hefðir, sögur eða þekkingu heldur einnig að rannsókn á hvers konar raunveruleika eða samfélag við viljum í framtíðinni. Hvernig viljum við spegla fortíðinni inn í framtíðina?“

„Hlutir geta verið vísbendingar sem hjálpa fólki að metaog skilja betur umhverfi sitt og tækifærin sem þar leynast,“ bætir Karna við en hún segir hlutverk Designs from Nowhere vera að hjálpa samfélaginu á Austurlandi að spyrja sjálft sig hvaða gildi og viðmið skuli höfð í hávegum í samfélaginu. „Vörurnar og verkin sem koma útúr verkefninu eru svo upphafspunktur í næsta ferli; að miðla gildunum og segja söguna víðar í hinum stóra heimi.“

Designs from Nowhere hlaut Hönnunarverðlaun Íslands 2014 og hefur verið sýnt í London, Moskvu, Stokkhólmi, Graz, París, Reykjavík og á Austurlandi.

 Greinin birtist fyrst í Austurlandi. Smelltu hér til að lesa blaðið.




16.júl. 2017 - 22:00

Ferskt hráefni er lykillinn

Fáir veitingastaðir á Austurlandi hafa vakið jafn mikla athygli og sushistaðurinn Norð Austur á Seyðisfirði. Þrátt fyrir að vera aðeins tveggja ára gamall hefur hann nú þegar komist á hinn virta og heimsþekkta „White Guide Nordic“ (Norræni veitingastaðalistinn) sem tiltekur athyglisverðustu og bestu veitingastaðina á Norðurlöndunum. Austurland.is hafði á dögunum samband við Davíð Kristinsson, sem á og rekur staðinn ásamt vini sínum og mági Dýra Jónssyni. 
16.júl. 2017 - 14:00

Rjóminn Sigurðar & Ineke

Íslenskir og erlendir myndlistarmenn keppast um að fá að taka þátt í sýningunni og er hún hvalreki fyrir austfirskt menningarlíf í ár eins og undanfarin sumur. Uppbyggingarsjóður Austurlands er stærsti styrktaraðili sýningarinnar fyrir utan Djúpavogshrepp sjálfan en listamennirnir sem taka þátt fá enga þóknun, standa margir hverjir að flutningi verka sinna og sjálfs sín sjálfir og standa straum að kostnaði við uppsetningu verkanna. Þar sem um marga listamenn er að ræða í mjög háum gæðaflokki þá eru og margir duldir þættir í uppsetningu listasýningar, tryggingamál og annað, sem hleypa kostnaði við svona sýningar upp.
15.júl. 2017 - 22:00

Alvöru hátíð með þungum undirtón

Á Eistnaflugi sem fram fór síðustu helgi var margt um manninn og rjómi íslenskrar þungarokkssenu samankominn, enda hátíðin nokkurskonar árlegt landsmót þungarokkara. Að sögn aðstandenda var aðeins færra af erlendum hátíðargestum en verið hefur síðustu ár og hefur þar dýrtíðin í ferðaþjónustunni eflaust sitt að segja og sterkt gengi krónunnar. Umgjörð hátíðarinnar og skipulag hefur um leið sjaldan verið jafn vegleg og góð en fjöldi sjálfboðaliða koma að framkvæmd hennar. Í ár hlaut hátíðin bæði Eyrarrósina fyrir menningarstarf á landsbyggðinni og var valin Tónlistarhátíð ársins á Íslensku tónlistarverðlaununum. Allt í allt spila yfir 60 hljómsveitir í Neskaupstað á og í tengslum við hátíðina.
15.júl. 2017 - 16:00

Mikilvægi þakklætis

Mynd/Rhombie Sandoval
Áföll eru upplifanir sem við lendum öll í á einhverjum tímapunkti á ferðalagi okkar í gegnum lífið og eru alltaf erfið sama hver orsökin er. En við búum öll yfir hæfileikanum til að sigrast á þeim.
Að leyfa sér ganga í gegnum feril áfalls eru heilbrigð viðbrögð en það sem við gerum eftir á er undir okkur komið. Þegar við áttum okkur á því að það sem gerðist er í fortíðinni og er partur af sögunni verður allt auðveldara en þó má halda í fallegar minningar. En hvað getum við gert til að auðvelda ferlið í gegnum áfall?

15.júl. 2017 - 15:00 Arnaldur Máni Finnsson

Gömul speki og ný

Innsæi var á allra vörum einhverntíma á dögunum. Það gildir raunar einu, því innsæi er alltaf á döfinni; við verðum að hafa skilning og skilja samhengi til að geta brugðist við tilfinningum, atburðum eða tíðaranda, af innsæi. Allir sem eru í þeirri stöðu eru í skapandi starfi, ef svo má segja, því þeir þurfa að geta brugðist við flæði með opinleik, áfalli með hugprýði, sigri af auðmýkt. Greining, skynsemi og rökhugsun gagnast með takmörkuðum hætti þegar kemur að þessum þáttum. Það þarf annað – tilfinningagreind kannski - til að geta brugðist við með andagift, lyft aðstæðunum eða leyft því að vera sem þarf að fá að vera eins og það er. Stundum finn ég sjálfan mig í fjöru, búinn að greina allt í tætlur og get á engan hátt haft gaman af því að hlutirnir séu ekki settir saman eins og ég sá þá fyrir mér. Þá verður að slaka, treysta innsæinu og leyfa hlutunum að vera eins og þeir þurfa að fá að vera. Ekki í dragsúg gærdagsins. Ekki í hvirfilbyl morgundagsins. Heldur í lygnu streymi dagsins.
14.júl. 2017 - 20:00

AMMA í Sláturhúsinu

Guðný Marínósdóttir er mörgum kunnug hér um slóðir, sem kennari og sem listakona en hún sýnir um þessar mundir í Sláturhúsinu á Egilsstöðum. Hún er fædd á Seyðisfirði og bjó og starfaði á Eiðum við listsköpun og kennslu í 10 ár. Án efa hafa mörg spor verið mörkuð með þræði undir áhrifum og leiðsögn hennar. Sýningin Amma samanstendur af þrem verkum sem öll fjalla um líf föðurömmu Guðnýjar, Guðnýjar Einarsdóttur sem fædd var í Reykjavík 1864 og fluttist til Seyðisfjarðar þar sem hún bjó til æviloka 1946.
09.júl. 2017 - 16:30 Austurland

Yndislegt á Eiðum

Mig langar að deila með ykkur upplifun minni af Austurlandi. Ég er fædd og uppalin á Akureyri en hef búið í Reykjavík síðustu 3 árin og lauk nýverið embættisprófi í guðfræði. Ég sá auglýsingu um að það vantaði sumarbúðastjóra í sumarbúðirnar við Eiðavatn og þótti spennandi að sækja um. Ég hafði sjálf verið í sumarbúðum sem barn, börnin mín höfðu farið í sumarbúðir auk þess sem ég hef unnið í sumarbúðum. Þar að auki hef ég unnið með börnum frá því að ég var 17 ára gömul og finnst fátt skemmtilegra en að vera allan daginn með fullt af krökkum í leik og starfi.
09.júl. 2017 - 12:00 Austurland

Merk sýning austfirsks ljósmyndara

Verk Björns Björnssonar (1889 – 1977) áhugaljósmyndara eru nú til sýnis í Myndasal Þjóðminjasafns en Björn sérhæfði sig að mestu leyti í fuglaljósmyndun. Hann vann að ljósmyndun á Austfjörðum meðfram verslunarstörfum, lengst af á Norðfirði. Á síðari árum sérhæfði Björn sig í náttúrulífsljósmyndun og ferðaðist um landið í þeim tilgangi. 

08.júl. 2017 - 13:30 Austurland

Aurflóð og breytt ásýnd Búðarárfoss

Seyðisfjörður Tvö aurflóð ullu talsverðu tjóni á Seyðisfirði fyrir skömmu en matsmenn Viðlagatryggingar telja að tjón vegna vatns og aurflóða hafi orðið á um 40 stöðum vegna rigninganna. Vatn flæddi inni í nokkur hús við Pollinn á Seyðisfirði en út með strönd féllu aurskriður utan við Gistiheimilið Norðursíld, á húsið að Strandvegi 27. Þar mokuðu heimamenn út úr húsum aur og leðju en eigandi þess, Dýri Jónsson hótelrekandi, sagði í samtali við Morgunblaðið að það sé þekkt að spýjur falli úr lækjarfarveginum ofan við svæðið en húsið sem sé byggt árið 1880 hafi alltaf sloppið við grjóthrun.
21.jún. 2017 - 18:00 Austurland

Skógardagurinn mikli

Skógardagurinn mikli verður haldinn í 12. sinn í Hallormsstaðaskógi, laugardaginn 24. júní í sumar. Í ár stendur Félag skógarbænda á Austurlandi í samstarfi við Fljótsdalshérað fyrir samkeppni um listaverk úr trjáviði og hefur verið auglýst eftir þátttakendum í hana.
05.jún. 2017 - 22:00 Austurland

Upplifunin Austurland

Aðkoman að hverju svæði fyrir sig og upplýsingar um það er mikilvægur þáttur í ferðaþjónustu og ásýnd þess hefur mikil áhrif á sjálfsmynd íbúanna, eins og umræða síðustu missera hefur leitt í ljós. Við höfum verið að kynna fyrir sjálfum okkur hvað er á matseðlinum þegar kemur að því að upplifa Austurland.
05.jún. 2017 - 16:00 Austurland

Leikskólarnir sprungnir

Viðvarandi vandamál – eða lúxusvandamál að margra mati – hér á Austurlandi er að í mörgum bæjarfélögum skapast vandamál þegar sveitafélögin geta ekki tekið við öllum þeim börnum á leikskólaaldri sem eiga rétt á plássi. Vandinn hefur verið viðvarandi á Fljótsdalshéraði um árabil og nýr átta deilda leikskóli var byggður í Nesskaupsstað og opnaður í fyrra til að leysa vandann þar.
04.jún. 2017 - 14:00 Austurland

„Það er nauðsynlegt fyrir öll samfélög að sjá sig með annarra augum“

„Það er nauðsynlegt fyrir öll samfélög að sjá sig með annarra augum endrum og eins, því þá geta opnast leiðir til brjóta upp vanahugsunina. Eins og þá að hjá manni sjálfum gerist aldrei neitt merkilegt,“ segir Karna Sigurðardóttir kvikmyndagerðarkona og nýráðin forstöðukona Menningarstofu Fjarðabyggðar. Um næstu helgi frumsýnir hún 690 Vopnafjörður á heimildarmyndahátíðinni Skjaldborg á Patreksfirði 4. júní. Það segir hún stórt skref.
03.jún. 2017 - 14:00 Austurland

Stofnandi Slow Food heimsótti Ísland: „Ógnvænlegt að hugsa til þess ef þið tapið þessum slag“

Heimsókn stofnanda Slow Food hreyfingarinnar til Íslands í síðustu viku vakti verðskuldaða athygli en Carlo Petrini sótti Austurland heim og kynnti sér vaxtarsprota sjálfbærrar matvælaframleiðslu á svæðinu. Helstu markmið hreyfingarinnar er að stuðla að fræðslu og umhverfisvitund um mikilvæga þætti matarmenningar og hefða, til að styðja við sjálfbæra frumframleiðslu á matvælum sem komi bændum, sjómönnum og framleiðendum til góða.
31.maí 2017 - 15:30 Austurland

Viðamikill og glæsilegur Messías

Kammerkór Egilstaðakirkju flutti á dögunum stóran hluta óratoríunnar Messías eftir G.F. Händel en óratorían hefur tvisvar verið sett upp áður á Austurlandi. Í bæði skiptin var aðallega um fyrsta hlutann að ræða, en óratorían skiptist í þrjá hluta og í þetta skiptið er mikið flutt úr öllum hlutum verksins. Það var stjórnandi Kammerkórs og Kórs Egilsstaðakirkju, Torvald Gjerde, sem ákvað að leggjast í þessa uppsetningu, en hann hefur verið stjórnandi kirkjukórsins síðan 2001 og stofnaði Torvald síðan Kammerkór Egilsstaðakirkju árið 2006.
27.maí 2017 - 08:00 Austurland

„Ekkert er ómögulegt“


21.maí 2017 - 16:00 Austurland

Stelpum í tæknigeiranum fjölgar

Síðastliðinn þriðjudag fór fram viðburðurinn Stelpur og tækni en þetta er í fyrsta skipti sem hann er haldinn í Fjarðabyggð. Markmiðið er að vekja áhuga stelpna á fjölbreyttum möguleikum í tækninámi og störfum, kynna þær fyrir fyrirmyndum í tæknigeiranum og brjóta niður staðalímyndir en Háskólinn í Reykjavík stendur að viðburðinum í samstarfi við SKÝ og Samtök iðnaðarins.
21.maí 2017 - 13:00 Austurland

Að slá í takt

Af samtali við skólastjórnendur á Seyðisfirði má draga þá ályktun að það sé verið að stofna hljómsveit, og að allir bæjarbúar hafi hlutverk í þeim gjörningi. Svandís Egilssdóttir skólastjóri Seyðisfjarðarskóla og Benedikt Hermann Hermannson deildarstjóri listadeildar skólans eru sest við trommusettið og farin að finna taktinn. „Sjálfbærni, sköpun, þekking, framtíð“ drynur í græjunum.
21.maí 2017 - 11:00 Austurland

Arngrímur Viðar: „Við erum öll í brothættri stöðu varðandi búsetuskilyrði og lífsgæði“

Oft á ferðum mínum í öðrum landshlutum er ég spurður um hvernig staðan sé fyrir austan. Oftast svara ég, bara góð! en síðan reyni ég að koma með dæmi um gott gengi einhvers staðar og nefni eitthvað nýtt sem er að gerast á svæðinu. Þá er ég tilfinnanlega meðvitaður um það að svar mitt er ekki byggt á miklum rökum heldur frekar tilfinningu og er í versta falli rangt.
20.maí 2017 - 17:00 Austurland

Samvinna í litlu samfélagi

Að búa í litlu samfélagi með mikilli nánd krefst oft samvinnu, trausts og þolinmæði gagnvart náunganum. Oftar en ekki þegar ég spyr fólk úr fjölmennari samfélögum hvað það haldi að sé stærsti ókosturinn við að búa á minni stað, þá minnist það á þessa nánd. „Að allir viti hvað maður sé að gera og tali um það sín á milli.“ Ég held þetta sé nú ekkert endilega svo alvarlegt, og hefur maður eitthvað að fela?
20.maí 2017 - 15:00 Austurland

Aukin þjónusta við þolendur

Eins og allir vita eiga kynferðisbrot sér stað allstaðar á landinu en færri átta sig á því að þjónusta við þolendur er ekki eingöngu bundin við Reykjavík. Að sögn Önnu Bentínu Hermansen sem vinnur á vegum Stígamóta hér fyrir austan gerist það enn að þolendur að austan leyti beint til þeirra í Reykjavík en Stígamót hafa verið með reglulegar heimsóknir frá því í mars 2012.
20.maí 2017 - 13:00 Austurland

Stefanía þarf að keyra í klukkutíma til að hitta makann

Það er mikil gæfa í lífinu að halda heilsu lengi og hennar hefur Eskfirðingurinn Steinn Jónsson notið hingað til og verður 99 ára gamall í ár. Á síðasta ári veiktist hann þó af lungnabólgu og lagðist á Umdæmissjúkrahúsið á Norðfirði, en í kjölfar sjúkravistarinnar og lítillegrar endurhæfingar fékk kona hans, Stefanía Árnadóttir, þær upplýsingar að engin pláss væru í Hulduhlíð á Eskifirði og hefðu ekki losnað síðan snemma á árinu.
20.maí 2017 - 09:00 Austurland

Löng bið eftir hjúkrunarrýmum

Á Austurlandi sem annarsstaðar á landinu er löng bið eftir rýmum á hjúkrunarheimilum fyrir aldraða og hafa yfirvöld vakið máls á ástandinu á síðustu misserum. Í flestum stærri byggðarkjörnum eru starfrækt heimili og eru biðlistar á þau öll að lengjast en ferlið sem bíður eftir að óskað er eftir plássi er nokkuð langt. Aðstandendur eru þá oft í erfiðri stöðu og þurfa jafnvel að sætta sig við að ástvinir þeirra fái aðeins pláss fjarri sinni heimabyggð vegna takmarkaðs pláss á hverjum stað.
19.maí 2017 - 18:00 Arnaldur Máni Finnsson

Umbreytingavorin

Stundum finnst manni eins og vorið sé ekki árstíð sem hægt sé að ræða í fleirtölu. Það er bara eitt vor og það er einhvernveginn eilíft. Það er í hausnum á manni. Umhleypingarnar á mörkum veturs og sumars, ár frá ári, falla inní þetta stóra vor sem er umbreytingatíminn sjálfur. Vorið er meira svona hugarástand. Það er afstaða til lífsins. Það er realísk bjartsýni. Eða það þykir mér, enda þykist ég vera vormaður. Vormenn Íslands hafa einhvernveginn alltaf talað til mín.
05.maí 2017 - 13:00 Austurland

Messías í Egilsstaðaskirkju á sunnudaginn

Sunnudaginn 7. maí næstkomandi kl. 16.00 í Egilsstaðakirkju flytja Kammerkór og Kór Egilsstaðakirkju ásamt einsöngvurum og hljómsveit hið undurfagra meistaraverk enskrar tónlistarsögu og vinsælasta kórverk sögunnar, Messías, eftir Georg Friederich Händel.
16.apr. 2017 - 12:00 Austurland

Nútíma seiðmeistari í sínu náttúrulega umhverfi

Síðustu tuttugu ár hefur Austurland öðlast meiri og dýpri merkingu fyrir próf. Guðmund Odd Magnússon—Godd—og telur hann sig ekki geta komist g egnum árið án þess að komast austur. Því oftar því betra. Goddur er alinn upp á Akureyri en rekur ættir sínar í Breiðafjörð og á suðurfirði Vestfjarðakjálkans og býr í Reykjavík. Hann telur að þar sem hann beri þennan bagga sé mest um vert fyrir hann að sinna þv í vel að tappa á sig reglulega af orku og undrum Austurlands.
15.apr. 2017 - 20:00 Austurland

Anya Hrund vann sig í gegnum einelti með hjálp tónlistarinnar

Anya Hrund Shaddock frá Fáskrúðsfirði er fyrsti einstaklingurinn til að vera bæði handhafi aðalverðlauna Nótunnar, tónlistarkeppni tónlistarskóla landsins, og sigurvegari Söngvakeppni Samfés, á sama tíma. Þessi fjórtán ára tónlistarsnillingur er að sögn kunnugra jafnvíg á popp og klassík en kennarar hennar eru vissulega í skýjunum yfir árangrinum. Jón Hilmar Kárason gítarleikari segir það mjög óvanalegt að svo ung manneskja sé að semja jafn þroskaða tónlist og raun ber vitni og eigi jafn mikið af frumsaminni tónlist í sínum fórum á þessum aldri.
15.apr. 2017 - 08:00 Arnaldur Máni Finnsson

Hvað viltu verða?

Það er spurning hvort nokkur spurning er stærri en þessi þegar allt kemur til alls; og líf okkar er litað af henni á svo mörgum sviðum og mismunandi æviskeiðum. Hún boðar svo margt. Fyrst og síðast snýr hún að okkur sjálfum, þó hún l áti lítið yfir sér og hún sé kannski sú fyrsta sem börn minnast að hafa fengið, því hún fjallar í raun ekki um það hvort að við speglum væntingar annarra til okkar heldur hvaða vonir við sjálf berum í brjósti. Hvaða hugmyndir við höfum mátað við hugsjónir okkar og drauma til þess að verða að gagni. Og á mismunandi æviskeiðum mætir hún okkur á mismunandi hátt því að áskoranirnar breytast. Eins og hugmyndirnar sem hver og einn gengur með um sig sjá lfan. Hverju getur ákvörðun mín í dag breytt um það hver ég er í raun og veru? Göngum við ekki flest í þau verkefni sem við mætum án þess að velta því sérstaklega fyrir okkur hvort um áskorun sé að ræða sem breyti einhverju til frambúðar? Hvenær verðum við það sem við verðum, og hvenær erum við orðin það sem við erum? Eru til algildir mælikvarðar sem færa okkur fullvissu um það?
14.apr. 2017 - 07:00 Austurland

Samkeppnishæfni trúarinnar

Síðastliðinn vetur var ég í námsleyfi frá prestsstörfum á Vopnafirði. Ég ákvað að venda kvæði mínu í kross og innritaðist í viðskipta- og hagfræðideild Háskóla Íslands í stjórnun og stefnumótun. Í náminu lærði ég að besta leiðin fyrir fyrirtæki til að ná samkeppnisforskoti er að vera opin fyrir samvinnu og samstarfi. Að hjálpa öðrum stuðlar að aukinni nýsköpun og gefur tækifæri á nýjum mörkuðum. Nýjar kenningar í stjórnun byggja á að hvetja fólk til að gefa af sér, hjálpa hvert öðru og horfa á sameiginlega hagsmuni umfram sína eigin. Þetta er það sem kristin trú hefur boðað í nær 2000 ár, að listin að lifa er að treysta og hjálpa í samstarfi, elska Guð og náungann eins og sjálfan sig. Nú er þessi kenning orðin að opinberun í viðskiptalífinu.
13.apr. 2017 - 10:00 Austurland

Kortlagning, sáning og uppskera

Hönnuðir og listafólk frá Austurlandi lagði land undir fót í síðastliðnum mánuði og fann sér griðarstað á Kex Hostel við Skúlagötuna í Reykjavík . Það var hátíð í bæ, yfir hundrað hönnunarsýningar fylltu öll möguleg og ómöguleg sýningarrými borgarinnar. Útsendari Austurlands fylgdist með og tók púlsinn þar sem austfirskir hönnuður sýndu verk sín, auk þess sem dagskrá örfyrirlestra og austfirskur biti var á borðum. Föstudagurinn 24. mars var einnig formlegur frumsýningardagur áfangastaðarvefsins austurland.is en hann hafði verið opnaður tveimur dögum fyrr á Egilsstöðum að viðstöddu fjölmenni. Aðsókn að sýningunni og dagskránni á KEX var góð og margir spennandi fyrirlesarar komu fram.
12.apr. 2017 - 22:00 Austurland

Helgistund með sjálfum sér - Síðasta kvöldmáltíðin sýnd á morgun

Síðasta kvöldmáltíðin verður flutt á fjórum stöðum á Skírdag, 13. aprí l 2017: Á Raufarhöfn, Bolungarvík, Höfn í Hornafirði og í Keflavík og er opið endurgjaldslaust frá sólarupprás til sólarlags. Segja má að verk Steinunnar Knútsdóttur hafi á síðustu árum stefnt í þá átt að skapa rými og tíma þar sem áhorfandinn fer í gegnum ferli þar sem hann á í samræðu við sjálfan sig, eða skoðar sjálfan sig fyrir hvatningu verksins. Það er því gleðiefni að nú um páskana mun verk á vegum hennar, Rebekku Ingimarsdóttur og Halls Ingólfssonar tónlistarmanns, fara fram á fjórum stöðum á landinu, þar sem hver og ein reynsla er unnin útfrá viðkomandi stað.
30.mar. 2017 - 08:00 Austurland

Hýsir listamenn frá öllum heimshornum í gömlu frystihúsi

„Á síðasta ári stækkaði listamannadvalar-hlutinn hjá okkur um rúmlega helming en það þýðir að við erum með sjö manns á hverjum tíma í stað þriggja áður,“ segir Una Sigurðardóttir en hún er ein þremenninganna sem eru í forsvari fyrir Sköpunarmiðstöðina á Stöðvarfirði. Ásamt henni eru það Rosa Valtingojer og Vincent Wood sem eru í forsvari fyrir þetta listamannarekna samvinnufélag sem tók yfir rekstur gamla frystihússins á staðnum.
29.mar. 2017 - 09:00 Austurland

77 milljónir í framkvæmdir á ferðamannastöðum

Austfirsk verkefni hlutu alls um 77 milljónir króna. Alls var úthlutað 610 milljónum til verkefna víðs vegar um landið. Styrkflokkarnir eru þrír, til ríkisstofnana, til sveitarfélaga og til einkaaðila en hæsti styrkurinn í flokki einkaaðila á landsvísu, tæpar 5,9 milljónir, fer til Highland Hostel ehf., sem rekur ferðaþjónustu að Laugarfelli á Fljótsdalsheiði.
28.mar. 2017 - 19:00 Austurland

„Stærsta hindrunin var auðvitað að fara að vinna saman í raun og veru“

Ferðamönnum sem komu til Íslands fjölgaði um 39% milli ára í fyrra, og voru tæplega 1,8 milljónir. Arion banki spáir því að á þessu ári fjölgi þeim um 25%, en Íslandsbanki spáir enn meiri fjölgun, 30%. Ef það gengur eftir koma 2,3 milljónir ferðamanna til landsins í ár, með enn meira álagi á flugvelli, vegi, gististaði og náttúru landsins.
27.mar. 2017 - 22:00 Austurland

Þorsteinn sló Íslandsmet með gífurlegum mun - Glæstur árangur í bogfimi

Frábær árangur allra þriggja keppendanna frá Skaust, bogfimideild Skotfélags Austfjarða, á Íslandsmótinu í bogfimi sem fram fór síðustu helgi vakti verðskuldaða athygli. Öll kræktu þau sér í verðlaunapeninga og yngsti keppandinn, Þorsteinn Ivan Bjarkason sló Íslandsmetið í sínum flokki með gífurlegum mun ásamt því að ná Íslandsmeistaratitlinum í sveigboga karla undir 15 ára frábærri frammistöðu á föstudeginum en Guðný Gréta Eyþórsdóttir frá Fossá í Berufirði varð Íslandsmeistari í opnum flokki sveigboga kvenna og þurfti bráðabana til að skera úr um úrslitin þar.
27.mar. 2017 - 18:00 Austurland

Vetrartúrisminn bíður: „Nauðsynlegt til að ferðaþjónustan verði hér heilsárs atvinnugrein“

Eins og fram hefur komið í fréttum gengur neikvæð umræða í bylgjum yfir þjóðfélagið um þenslu og óraunhæfar væntingar um arðsemi í ferðaþjónustugeiranum. Í viðtali við Ívar Ingimarsson framar í blaðinu er fjallað um þennan vanda en eitt dæmi um það hvernig fjárfestar eru byrjaðir að halda að sér höndum er að þenslu ástand í Reykjavík veldur því að minni trú er á þessum geira almennt.
26.mar. 2017 - 21:30 Austurland

Ívar: Óumdeilt að „ferðamaðurinn” hafa bjargað okkur eftir hrun

„Græðgistalið er ein hliðin á peningnum en við megum ekki gleyma því að það eru margar hliðar á hverjum pening, allavega ef maður er að tala um íslensku krónuna, “ segir Ívar Ingimarsson gistihúsaeigandi á Egilsstöðum. Hann segir aftur á móti að það sé óumdeilt að „ferðamaðurinn” hafa bjargað okkur eftir hrun.
26.mar. 2017 - 12:00 Austurland

Dagný Erla: „Með opnum og jákvæðum hug þá koma tækifærin til manns“

Ég er Austfirðingur í húð og hár. Á reyndar ættir að rekja á vestur á firði en á Austurlandi hef ég búið allt mitt líf. Eða, já næstum því. Eins og svo margir þá hélt ég til Reykjavíkur í nám. Þar lærði ég að standa á eigin fótum, lærði að rata um götur borgarinnar með símaskrána að vopni og kynntist fólki sem eru bestu vinir mínir í dag.
26.mar. 2017 - 07:00 Arnaldur Máni Finnsson

Að kunna að skammast sín

„Það er sjónarspilið víða og óréttur, yfirgangur og hroki allstaðar upp vaðandi,“ sagði við mig kona, komin til ára sinna og hafði verið að fylgjast með fréttum. Hér á landi er blásið í herlúðra af öllum sortum þessa dagana og nánast að manni þyki að það séu allir að verða heyrnarlausir; jafnt þeir hinir sem hrópa hægri og vinstri og snúsnúsnú, eins og skáldið sagði.
23.mar. 2017 - 18:00 Austurland

Make it happen again - Ávextir austfirskrar hönnunar

Föstudaginn 24.mars kynnir Austurland áfangastaðaverkefni sitt og austfirska hönnun í víðu tilliti með viðburði á KEX Hostel í Reykjavík, sem fram fer undir merkjum HönnunarMars. Garðar og Eva hjá STUDIO EYJOLFSSON kynna verkefni sem þau hafa verið að vinna með franska hönnuðinum Thomas Vailly og ber heitið Vidar – Woody en Elísabet og Ágústa hjá ALVÖRU kynna vörulínu úr hreindýraleðri sem ber heitið USELESS.
23.mar. 2017 - 18:00 Austurland

Að hafa ekki skoðun

Á tímum samfélagsmiðla og kommentakerfa er hægt að hneykslast, tuða og vera brjálaður 24 tíma dagsins 7 daga vikunnar. Ananas á pizzur, ókeypis túrtappar í bíóum og áfengi í verslanir (þreytt dæmi, afsakið). Það er hægt að hafa skoðun á öllu og öllum og það er auðvelt að reyna troða skoðunum sínum uppá aðra. Treystið mér ég hef alveg reynt það.
20.mar. 2017 - 19:00 Austurland

„Sá aðili sem kemur inn í þetta þarf að brenna fyrir þetta starf“

Í ljósi nýsamþykktrar menningarstefnu Fjarðabyggðar mun aðkoma sveitarfélagsins að stuðningi við hvers kyns menningarstarfsemi stóreflast með tilkomu nýrrar menningarstofu. Að sögn Páls Björgvins Guðmundssonar, bæjarstjóra Fjarðabyggðar mun Menningarstofa Fjarðabyggðar ekki endilega verða staður með kaffistofu og móttöku enda getur eðli slíkrar starfsemi vart gengið upp í fjölkjarna bæjarfélagi eins og Fjarðabyggð ef hún er staðbundin. Helstu nýmælin í stefnunni eru fyrrnefnd stofnsetning Menningarstofu og ráðning forstöðumanns hennar en á meðal verkefna viðkomandi verður að hrinda í framkvæmd viðamikilli aðgerðaráætlun sveitarfélagsins til 2018.
12.mar. 2017 - 19:00 Austurland

Ást og friður á Eistnaflugi

Tónlistarhátíðin Eistnaflug er haldin í Neskaupstað fyrstu helgina júlí ár hvert. Eistnaflug verður haldið í þrettánda sinn sumarið 2017. Hátíðin hefur þróast mikið og stækkað jafnt og þétt frá árinu 2005, þegar Eistnaflug var fyrst haldið, en þá rúmuðust allir hátíðargestir utan Neskaupstaðar í eina rútu. Síðustu ár hafa hátíðargestir verið 2000-2500. Í ár hlaut hátíðin bæði Eyrarrósina og var valin Tónlistarhátíð ársins á Íslensku tónlistarverðlaununum.
12.mar. 2017 - 07:00 Austurland

Bjartsýni í bakið

Við vorum býsna bjartsýn á haustdögum þegar verðandi þingmenn riðu um héruð og boðuðu betri tíma. Staða ríkissjóðs var góð og þess að vænta að nú væri hægt að ráðast í brýnar framkvæmdir, sem dregist höfðu um árabil. Í október var samþykkt samgönguáætlun 2015 – 2018 sem beðið hafði verið eftir. Áætlunin var samþykkt mótatkvæðalaust en reyndar voru aðeins tæplega 40 þingmenn viðstaddir atkvæðagreiðsluna.

11.mar. 2017 - 08:00 Austurland

Upprennandi útvarpsstjörnur

Líflegt útvarpsnámskeið fór fram síðastliðna helgi á vegum Okkar Eigin og KrakkaRÚV í Sláturhúsinu á Egilsstöðum. Aðalleiðbeinandi á námskeiðinu var Sigyn Blöndal en hún er umsjónarmaður Stundarinnar Okkar en Karna Sigurðardóttir og Arnaldur Máni voru henni til halds og trausts í kennslunni ásamt leiðbeinendum sem fylgdu tæplega 30 krökkum á aldrinum 10-16 ára á námskeiðið. Krakkarnir komu víðsvegar að eða frá Seyðisfirði, Norðfirði, Borgarfirði eystra, Eskifirði, Egilsstöðum og Fellabæ.
11.mar. 2017 - 07:00 Arnaldur Máni Finnsson

Gustar af Austfirðingum

Það virðast mörg hitamál í loftinu og ekki ólíklegt að við minnumst þessara tíma sem ólgutíma þegar fram líða stundir. Hver hugsar sitt. Vantraust á stjórnmálunum er ekki nýtt af nálinni og sjaldan hefur ríkisstjórn tekist að missa tiltrú almennings á jafn stuttum tíma frá kosningum og raunin er.
26.feb. 2017 - 20:00 Austurland

Heimili ástar og virðingar - Viðtal við Agnes M. Sigurðardóttur biskup Íslands

„Kirkjan er samfélag og hreyfing fólks sem vill standa vörð um gildi og hugsjónir og efla kærleikann í samtímanum,“ segir Agnes M. Sigurðardóttir biskup en hún sótti Austurland heim síðustu helgi í tilefni af febrúarmóti ÆskA á Seyðisfirði. „Það er alltaf jafn yndislegt að fá tíma til að heimsækja söfnuðina og hið kraftmikla grasrótarstarf, því þar endurnýjast alltaf þessi hugsun um hreyfinguna og trúin á að sá boðskapur þurfi að heyrast víðar. Kirkjan er ekki í eðli sínu stofnun heldur samfélag og ég held að unga fólkið okkar alist upp við meiri meðvitund um það í dag heldur en var fyrir einhverjum áratugum síðan,“ segir Agnes en áberandi í dagskrá æskulýðsmótsins á Seyðisfirði var fræðsla um flóttamannamál þar sem Agnes telur kirkjuna vera stíga mikilvæg skref.
26.feb. 2017 - 19:00 Austurland

Loðnuvertíðin á fullt og á vesturleið

Rannsóknir á loðnunni og hegðun hennar síðustu ár hefur skort, að mati útgerðar- og sjómanna en eins og ljóst varð í upphafi mánaðarins var loðnukvótinn sextánfaldaður eftir frekari rannsóknir í janúar og byrjun febrúar. Ríkisvaldið þarf að standa vaktina betur og sinna þessari auðlind, rannsóknum og því að hér verði ekki loðnubrestur af manna völdum.

26.feb. 2017 - 17:00 Arnaldur Máni Finnsson

Menningu eða fisk

Það er alltaf stór stund í austfirsku menningarlífi þegar árleg úthlutun fer fram á fjármagni úr Uppbyggingarsjóði Austurlands. Að mörgu leyti er hann flottur samkeppnissjóður en flestir eru sammála um að hann fari með alltof lítið fjármagn eins og sést á umsóknunum, en áætlaður heildarkostnaður þeirra verkefna sem hlutu styrk er nærri 350 milljónum króna. Þegar verið sé að veita 33,5 milljónum í 54 styrki til menningarmála og 25 milljónum í 26 styrki til atvinnuþróunar, þá er augljóslega hægt að áætla að mörg góð verkefni nái ekki í gegnum það matsferli sem hver umsókn fer í