15. des. 2016 - 12:15Akureyri vikublað

Sigga Lund er á lausu og leitar að sjálfri sér: „Mér fannst Guð hafa brugðist mér“

Fjölmiðlakonan Sigga Lund er flutt til Akureyrar eftir tveggja ára búsetu á afskekktum sveitabæ í Jökuldal. Sigga, sem er skilin við kærasta sinn til sjö ára, er í leit að sjálfri sér og hefur boðið fylgjendum sínum á samfélagsmiðlinum Snapchat með í ferðalagið. Í einlægu viðtali ræðir Sigga um ástina í sveitinni, sára ástarsorgina, árin sem fóru í sértrúarsöfnuðinn Frelsið, trúna á Guð, fjölmiðlaferilinn, bókina sem hún er að skrifa og framtíðina sem í dag er algerlega óskrifað blað.

 

Fjárbóndi Sigga naut sín í sveitinni en gat ekki hugsað sér að vera þar til frambúðar. 

„Ég hafði aldrei séð fyrir mér að búa á Akureyri,“ segir fjölmiðlakonan Sigga Lund sem flutti í bæinn í sumar. Sigga starfar hjá fjölmiðlafyrirtækinu N4 og segir Akureyri hafa komið sér notalega á óvart. „Ég hafði bara keyrt hér í gegn eða komið hingað til að skemmta og hélt að þetta væri svona minni útgáfan af Reykjavík. Hins vegar er Akureyri miklu sveitalegri en ég átti von á, sem mér finnst æðislegt. Hér er allt sem þarf.“

Nýskilin

Sigga Lund mætir brosandi til móts við blaðamann á kaffihúsi í miðbænum. Þrátt fyrir glaðlegt fas hefur hún átt betri daga en Sigga er nýskilin.

Þetta er ekkert auðvelt en maður tekst bara á við hvern dag. Sumir dagar eru erfiðir en aðrir góðir. Maður heldur bara áfram enda kann ég ekkert annað. Maður leggst ekkert í sorg og sút.

Einhleyp á fimmtugsaldri

Sigga heldur úti vinsælum Snapchat-reikningi, Sigga-lund, þar sem hún hleypir þúsundum fylgjendum sínum að sér á einlægan og opinskáan hátt og dregur ekkert undan.

Ég bauð fylgjendum mínum í þetta ferðalag, leitinni að mér, ég er ekki óvön því að vera opin. Þegar ég var í morgunþættinum Zúúber tjáði ég mig í útvarpinu um allt milli himins og jarðar. Hlustendur voru oft eins og sálfræðingar, þegar þeir hringdu inn og lögðu orð í belg. Það hjálpaði mér oft og fylgjendur mínir á Snapchat eru að hjálpa mér núna. Ég veit ekkert hvað gerist næst. Það eina sem ég veit er að ég er aftur orðin einhleyp, komin á fimmtugsaldur,

segir hún og bætir við að hún sjái ekki eftir að vera svona hrein og bein. „Þetta Snapchat-ferðalag hefur leitt mig á ótrúlegustu staði. Þetta eru einhverjir töfrar – samhugurinn, kveðjurnar, hvatningin og rafknúsin, þetta hefur hjálpað mér ótrúlega mikið og gefið mér orku og kraft. Svo fæ ég líka mikið af skilaboðum frá fólki sem er að ganga í gegnum það sama og við veitum hvert öðru styrk.“

Á sína trú Sigga ólst upp í Hvítasunnusöfnuðinum og flæktist inn í sértrúarsöfnuð þegar hún varð fullorðin. Þrátt fyrir allt á hún enn sína trú en bænin veitir henni hugarró.

Elskar hann ennþá

Sigga ólst upp í Vestmannaeyjum en hefur stærstan hluta lífs síns dvalið í Reykjavík. Síðustu tvö árin bjó hún hins vegar á afskekktum sveitabæ í Jökuldal ásamt fyrrverandi kærasta sínum, Aðalsteini Sigurðarsyni.

Ég hef oft verið spurð að því hvort ég sé að tala beint til hans í snappinu en það er alls ekki þannig. Ég á svo marga fylgjendur og veit ekkert hvort hann sé alltaf að fylgjast með,

segir hún og bætir við að hún sakni sveitarinnar þótt líf fjárbóndans hafi ekki að öllu leyti átt vel við hana. „Það var margt æðislegt við sveitina en í grunninn er ég er ekki manneskja sem getur búið svona afskekkt. Ég var oft eins og fiskur á þurru landi og svo langt frá gildum mínum. Alli er hins vegar ákveðinn í að vera þarna og hvað getur maður þá gert? Undir lokin var ég farin að finna fyrir kvíða og innilokunarkennd og varð að spyrja mig hvort þetta væri það sem ég vildi gera það sem eftir er ævinnar. Hvað með drauma mína? Fjölmiðlana? Ég á helling eftir og þurfti að gera upp við mig hvort ég væri til í að gefa það upp á bátinn,“ spyr hún og viðurkennir að elska hann ennþá. „Ég geri það. Virkilega og það er það sem gerir þetta allt svo erfitt. Aðstæður okkar eru bara svo flóknar og erfiðar. Eins og staðan er núna sjáum við ekki hvernig þetta ætti að ganga upp hjá okkur, en það var sameiginleg ákvörðun okkar að slíta sambandinu. Ég lít á þetta þannig að í dag erum við tveir einhleypir einstaklingar, og það getur allt eins gerst að við finnum hvort annað aftur, en það er ekki mitt að ákveða, framtíðin ein getur leitt það í ljós.“

 

Fjölmiðlakona Sigga á að baki farsælan feril í útvarpi. Eftir áramót byrjar hún með eigin sjónvarpsþátt á N4.

Gifti sig 18 ára

Lífshlaup Siggu hefur verið ævintýri líkast. Í æsku var hún í Hvítasunnusöfnuðinum og gifti sig á 18 ára afmælisdaginn sinn. Seinna í lífinu flækist hún inn í sértrúarsöfnuðinn Frelsið sem átti eftir að hafa afdrifaríkar afleiðingar fyrir hana. Miklu seinna, eftir farsælan útvarpsferil, missti hún vinnuna hjá fjölmiðlafyrirtækinu 365. Þá stofnaði hún siggalund.is sem hún rak í um tveggja ára skeið ásamt Alla og Elí Þór syni sínum. „Þetta var magasínvefur og við vorum með flottar greinar og marga vandaða vefþætti. Við þurftum ekki að kvarta yfir flettingunum, en það var erfitt að selja auglýsingar á vefinn á þessum tíma. Við lokuðum því síðunni í janúar 2014, þetta var alltof mikil vinna fyrir allt of lítinn pening. Í dag set ég Snapchat-sögurnar mínar á síðuna, sem er eins konar dagbók og fólk getur fylgst með frá upphafi.“

Nýr sjónvarpsþáttur

Eins og áður segir starfar hún í dag á N4 en eftir áramótin mun hún byrja með eigin sjónvarpsþátt. „Ég get ekki gefið mikið upp um nýja þáttinn, hann er á teikniborðinu núna og ef allt fer eftir áætlun fer hann í loftið í febrúar. Ég sakna útvarpsins en mig hefur alltaf dreymt um að reyna fyrir mér í sjónvarpi,“ segir hún og spenningurinn leynir sér ekki. „Það er svo gott að vera komin aftur í aksjón,“ segir hún og brosir.

Eigin raunveruleikaþáttur

Hún segir Snapchat skemmtilegan miðil sem virki vel í nútímasamfélagi. „Hann minnir mig á útvarpið, því það sem þú ert að snappa er að gerast hér og nú, á þeirri stundu sem þú ert að pósta efnistökum. Munurinn er bara að þú ert í mynd. Kannski þess vegna tengi ég svona við Snapchat. Þar er bara núið. Síminn er fjölmiðill nútímans og þar hafa allir sitt „platform“. Snappið er í raun eins og minn eigin „raunveruleikaþáttur“ þar sem ég snappa um þetta ferðalag mitt, leitinni að sjálfri mér. Þetta er í raun mjög spennandi þáttur því ég veit ekki einu sinni hvert hann mun leiða mig. Það getur allt gerst,“ segir hún og hlær.

Einhleyp á fimmtugsaldri Sigga hefur leyft þúsundum fylgjenda sinna á Snapchat að fylgjast með henni takast á við sambandsslitin.

Ber engan kala

Sigga er ekki við eina fjölina felld en hún er einnig að skrifa bók um dvöl sína í Frelsinu Kristilegri miðstöð.„Vonandi kemur bókin út á næsta ári,“segir hún en neitar því aðspurð að bera enn kala til forstöðumanna safnaðarins.

Ég hef fyrirgefið þeim og el ekki á biturleika í garð þeirra eða þess sem gerðist. Það væri auðvelt að festast í eftirsjá eftir þessum árum en ég vel að gera það ekki. Ástæðan fyrir bókinni er að mig langar að loka þessum kafla því þótt það séu 15 ár síðan söfnuðurinn splundraðist loðir þetta einhvern veginn alltaf við mann. Mig langar að gera þetta upp og finnst það tilvalið á þessum tímamótum, nýskilin og við blasir óþekkt framtíð. Það verður gott að loka þessu og hefja um leið nýja byrjun. Þetta er líka bara svo merkileg saga. Ég er ekki að fara blammera neinn. Þetta verður mest uppgjör við sjálfa mig.

Í frjálsu falli

Hún segist þó hafa verið reið á tímabili.

Mér fannst Guð hafa brugðist mér og sjálfsagt hef ég verið reið við forstöðufólkið líka á einhverjum tímapunkti. Allt í einu var öllu sem ég hafði byggt líf mitt á kippt undan mér. Svo lengi hafði mér verið sagt hvernig ég ætti að lifa, hvað ég mætti og hvað ekki, hvað ég ætti að gera og hvað ekki og mér fannst ég í frjálsu falli. Mér fannst erfitt að þurfa allt í einu að taka ákvarðanir sjálf, hvort ég ætlaði til hægri eða vinstri. Það var átak að læra að treysta sjálfri mér og mér finnst það á köflum erfitt ennþá.

Á sína trú

Hún segir að þrátt fyrir allt eigi hún enn sína trú. „Ég bið ennþá til Guðs og það veitir mér ákveðna hugarró. Ég sakna þess samt ekki að tilheyra trúarhópi,“ segir hún og segist ekki sækja kirkjur í dag. „Ég held að ég muni aldrei gera það aftur. Allavega ekki að sama marki og áður. Ég tók niðurdýfingarskírn þegar ég var 13 ára og var þá þegar sannfærð um að ég væri hér til að gera heiminn betri. Í dag veit ég að það er ekkert skylt trúnni heldur er það bara ég. Í eðli mínu langar mig að hafa góð áhrif og skilja eitthvað eftir mig. Núna þarf ég hins vegar að taka mér smá tíma til að hlúa að mér, finna mig, uppgötva og vera hamingjusöm.“

Viðtal Indíönu Ásu Hreinsdóttur við Siggu Lund birtist fyrst í Akureyri Vikublaði. Smelltu hér til að lesa blaðið.




28.nóv. 2017 - 19:00 Akureyri vikublað

Jóhann Gunnar í yfirheyrslu

„Ég hef reyndar aldrei haft neitt sérstakt lífsmottó. Ég tók þó próf á netinu um daginn þar sem mér var úthlutað lífsmottóinu „lifðu lífinu eins og dauðinn sé á næsta leiti“. Ætli ég sé ekki bara tilneyddur að sætta mig við það hlutskipti og lifa samkvæmt því.“
27.nóv. 2017 - 16:00 Vesturland

Tónlistarskóli fagnar hálfrar aldar afmæli – Setja upp söngleik

Tónlistarskóli Borgarfjarðar fagnar 50 ára afmæli um þessar mundir. Skólinn var stofnaður 7. september 1967 af Tónlistarfélagi Borgarfjarðar. Theodóra Þorsteinsdóttir hefur verið skólastjóri frá 1991. Nú starfa níu kennarar við skólann og 162 nemendur stunda tónlistarnám á haustönn.
26.nóv. 2017 - 13:00 Akureyri vikublað

Umferð í Giljahverfi: „Ég vil að við stöndum saman og bregðumst við áður en slys verður“

Mynd/Viðar Ernir Reimarsson Í Giljahverfi, eins og í flestum öðrum hverfum Íslands, er mikil umferð, margir bílar og frekar stórum hluta þeirra ekið frekar hratt. Það má ekki gleyma því að í hverfinu búa mörg börn og því þarf að passa sig í kringum þau.
25.nóv. 2017 - 20:00 Akureyri vikublað

Norðlendingar eru öflugir

Svava Ólafsdóttir, verkefnastjóri Icelandic Startups, leitar að norðlenskum frumkvöðlum. „Við erum að leita að frumkvöðlum með afþreyingar- og tæknilausnir sem og lausnir sem styrkja innviði ferðaþjónustunnar,“ segir Svava Ólafsdóttir, verkefnastjóri hjá Icelandic Startups, sem hvetur norðlensk fyrirtæki til að sækja um þátttöku í Startup Tourism-verkefninu.
25.nóv. 2017 - 13:00 Akureyri vikublað

Atvinnuástandið er gott í dag og það hjálpar

Fyrirmyndardagurinn verður haldinn á föstudaginn í fjórða skiptið. Hulda Steingrímsdóttir hjá Vinnumálastofnun segir vel hafa tekist að finna verkefni handa öllum þátttakendum.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
18.nóv. 2017 - 19:00 Akureyri vikublað

Dagný Reykjalín í yfirheyrslu

Dagný Reykjalín Dagný Reykjalín er grafískur hönnuður og framkvæmdastjóri. Dagný er best í skutlinu seinnipartinn, en lökust í því að vakna snemma á morgnana yfir veturinn.
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 08:02 Indíana Ása Hreinsdóttir

Um daður, áreitni og afleiðingar

Þessa dagana streyma til okkar fréttir af valdamiklum körlum sem, jafnvel um áratugaskeið, hafa misnotað aðstöðu sína og níðst kynferðislega á sér lægra settum konum. Árið 2014 var uppáhald margra úr æsku, sjálfur Fyrirmyndarfaðirinn Bill Cosby, opinberaður sem skrímslið sem hann er þegar fjöldi kvenna steig fram og sagði frá ólýsanlegu ofbeldi af hálfu leikarans.
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.
11.nóv. 2017 - 12:06 Akureyri vikublað

„Sjóböðin verða einstakur baðstaður“

Sigurjón Steinsson er nýr framkvæmdastjóri hjá Sjóböðunum á Húsavík. Sigurjón segir ákveðið baðbelti komið fyrir norðan enda sé upplagt að nýta náttúruauðlindir landsins til að skapa eitthvað alveg sérstakt.
09.nóv. 2017 - 12:02 Akureyri vikublað

Hlakkar til að verða gömul með kærastanum

Inga Vestmann hefur staðið vaktina í Pedromyndum ásamt Þórhalli Jónssyni, sambýlismanni sínum, síðustu áratugina. Í einlægu viðtali ræðir Inga um fjölskyldufyrirtækið, miðbæinn sem á í henni hvert bein, framtíð Akureyrar, ástina sem hún fann í gestamóttökunni á Hótel KEA þegar hún var aðeins 19 ára, rómantíkina og þá sáru reynslu að fæða andvana tvíbura.
05.nóv. 2017 - 21:00 Akureyri vikublað

Brynhildur Þórarinsdóttir í yfirheyrslu

Brynhildur Þórarinsdóttir Brynhildur Þórarinsdóttir, rithöfundur og dósent, var að senda frá sér sína fimmtándu barnabók. Uppáhaldsrithöfundur Brynhildar er Astrid Lindgren sem einnig er ein af fyrirmyndum hennar.

05.nóv. 2017 - 16:00

Smitaði eiginmanninn af hlaupabakteríunni

Anna Berglind Pálmadóttir Hlaupadrottningin Anna Berglind Pálmadóttir hefur að mestu leyti fært sig yfir í fjallahlaupin. Anna Berglind segir hér frá hlaupaferlinum auk þess sem hún deilir sínum uppáhaldsuppskriftum með lesendum.
04.nóv. 2017 - 12:00 Akureyri vikublað

Jóhanna á Skagaströnd 100 ára: „Það mikilvægasta í lífinu er forvitni“

Jóhanna Jónasdóttir á Skagaströnd fagnaði 100 ára afmæli sínu í síðasta mánuði. Blaðamaður Akureyri Vikublaðs heimsótti Jóhönnu á Dvalarheimilið Sæborg í síðustu viku. Jóhanna, sem er heilsugóð og spræk miðað við aldur, segir hér frá lífinu í gamla daga, brunanum sem varð til þess að fjölskyldan bjó í hlöðunni um tíma, skoðun sinni á pólitík, ástinni og tengdamóður sinni sem var engin önnur en skáldkonan Guðrún frá Lundi.
31.okt. 2017 - 12:00 Akureyri vikublað

„Ég vissi ekkert skemmtilegra en að horfa á hús brenna og sjá slökkviliðsmennina bjarga íbúunum“

Katrín Vilhjálmsdóttir spilar handbolta með KA/Þór í Grill 66-deildinni. Katrín, sem er tveggja barna móðir, æfir líka crossfit, starfar sem lögregla og er í námi í lögreglufræðum við Háskólann á Akureyri. Katrín féllst á að gefa lesendum Akureyri Vikublaðs uppáhaldsuppskriftirnar sínar.
30.okt. 2017 - 15:00 Akureyri vikublað

Tónlistarmaðurinn Eyþór Ingi í yfirheyrslu

Eyþór Ingi Jónsson tónlistarmaður er sjúkur í alls konar kæfu og paté frá Frakklandi. Nafn og starfstitill: „Eyþór Ingi Jónsson, tónlistarmaður.“ Nám: „Mjög langt tónlistarnám í mörgum skólum. Endaði í sjö ár í sænskum tónlistarháskóla.“

27.okt. 2017 - 19:40 Akureyri vikublað

Sigga sólarljós: „Ég vil bara vera ég sjálf“

Sigga, sem rekur Sólarmusterið – skóla friðar á Finnastöðum í Eyjafjarðarsveit, hefur alltaf haft áhuga á andlegum málefnum. „Ein af fyrstu bókunum sem ég las var Eyfirskar sagnir, um drauga og huldufólk í Eyjafirði. Í báðum mínum ættum er áhugi á því andlega og þegar ég fór á fullt í þessum efnum, í kringum 2013, þegar friðar- og heilunarhjólið var byggt á Finnastöðum, opnaði ég á að aðrir gætu leyft sér að gera það sama.
23.okt. 2017 - 20:30 Akureyri vikublað

Framkvæmdir í göngugötunni

Ingibjörg Ólöf Isaksen Akureyrarbær hefur í samráði við Miðbæjarsamtökin gert átak í fegrun miðbæjarins í sumar og á næstunni verður unnið enn frekar að því að gera umhverfið aðlaðandi fyrir gesti og gangandi.Eins og glöggir íbúar hafa tekið eftir hófust í byrjun mars framkvæmdir við fegrun þess hluta miðbæjarins sem við köllum gjarnan göngugötuna.
23.okt. 2017 - 15:35

Ekkert stress í Hrísey

Linda María Ásgeirsdóttir Linda María Ásgeirsdóttir er eigandi Verbúðar 66, veitingastaðar í Hrísey. Linda, sem opnaði staðinn í tilefni fimmtugsafmælis síns, deilir hér uppáhaldsuppskriftunum sínum með lesendum Akureyri Vikublaðs.
Linda María er uppalin í Hrísey. Maðurinn hennar vinnur á Akureyri og tekur ferjuna á morgnana og heim aftur á kvöldin.
23.okt. 2017 - 07:00 Akureyri vikublað

Ást í verki

Við sýnum ást okkar í verki á misjafnan hátt. Ég er til dæmis alveg ótrúlega sjálfhverf og geri mér vel grein fyrir því, að það er ekki alltaf auðvelt að sjá hvenær ég er að sýna ást í verki. Stundum er það dulbúið í snyrtivörukaupum fyrir sjálfa mig, því þegar mér líður vel, líður manninum mínum vel. Ég er yfirleitt skapbetri þegar ég er í endorfínvímu eftir eyðslu. 
22.okt. 2017 - 07:00 Indíana Ása Hreinsdóttir

#églíka

Í vikunni sáum við svart á hvítu hversu gífurlega umfangsmikil kynferðisáreitni og/eða -ofbeldi er gagnvart konum. Í herferð þar sem konur, sem hafa einhvern tímann orðið fyrir áreitni eða ofbeldi, settu stöðufærsluna #metoo á samfélagsmiðla kom sú ógnvekjandi staðreynd í ljós að næstum allar konur hafa upplifað kynferðislega áreitni eða ofbeldi, og jafnvel iðulega allt frá barnæsku.
21.okt. 2017 - 21:00 Akureyri vikublað

Níels Hafstein í yfirheyrslu

Níels Hafstein
Níels Hafstein er sjötugur myndlistarmaður og safnstjóri Safnasafnsins á Svalbarðsströnd. Fullt nafn, aldur og starfstitill: „Níels Hafstein, 70 ára, myndlistarmaður og safnstjóri.“ Nám? „Myndlistar- og handíðaskóli Íslands.“ Fjölskylduhagir: „Kvæntur, á einn son, tengdadóttur og þrjá sonarsyni.“
21.okt. 2017 - 09:00 Akureyri vikublað

Útvega hreinar nálar

Rauði krossinn við Eyjafjörð undirbýr þessa dagana verkefni sem hefur þann tilgang að ná til fólks sem sprautar sig í æð og útvega því hreinar nálar, sprautur og nálabox. Verkefnið er unnið að fyrirmynd verkefnisins Frú Ragnheiðar á höfuðborgarsvæðinu sem hófst árið 2009. Gunnar Frímannsson, formaður Rauða krossdeildarinnar við Eyjafjörð, staðfestir að verkefnið sé í undirbúningi og segir þörfina vissulega fyrir hendi.
19.okt. 2017 - 21:00 Akureyri vikublað

Guðjón Brjánsson alþingismaður í yfirheyrslu

„Lauk stúdentsprófi frá MA, félagsráðgjafarnámi frá Sosialhøgskolen í Stavanger, Noregi, stundaði um eins árs skeið stjórnunarnám á öldrunarsviði í Flórída og lauk masternámi í lýðheilsufræðum (MPH) við Nordiska högskolan for folkhälsovetenskap í Gautaborg.“
19.okt. 2017 - 12:10 Akureyri vikublað

Ásta Rún:„Mikilvægt að viðhalda fordómaleysi barnanna"

Mér fannst vanta bók sem gæti hjálpað foreldrum, kennurum og öðrum að ræða um mismunandi fjölskyldur á þægilegan hátt og ákvað að bæta úr því. Sjálf er ég gift konu og saman eigum við einn son og annað barn á leiðinni. Mig langar að stuðla að því að okkar fjölskylduform sé álitið jafn eðlilegt og önnur.
12.okt. 2017 - 12:58 Akureyri vikublað

Hlustaði ekki á viðvörunarbjöllurnar

Ragnheiður Runólfsdóttir flutti til Akureyrar fyrir sjö árum og hefur ekki litið til
baka síðan. Í einlægu viðtali segir Ragnheiður frá glæsilegum sundferli, uppvextinum
á Skaganum, fjölskyldunni, ofbeldissambandinu sem hún festist í, veikindunum og
mismunandi tækifærum kynjanna þegar kemur að íþróttum.
08.okt. 2017 - 16:30 Akureyri vikublað

Femínismi með teskeið

Geta tveir miðaldra karlar gert femíníska sýningu? Svarið er já. Ég verð að viðurkenna að ég hafði efasemdir en svo kom í ljós að tveir miðaldra karlar geta gert grjótharða femíníska grínsýningu sem fær bæði harðkjarna femínista og styttra komna til að veltast um af hlátri og tárfella svo af geðshræringu í lokaatriðinu.

08.okt. 2017 - 09:15 Akureyri vikublað

Senda jólagjafir til Úkraínu

Við höfum gert þetta undanfarin ár og vanalega byrjum við að safna gjöfum á vorin. Við erum óvenju seinar á ferðinni í ár og þess vegna leitum við til fólks um aðstoð, segir Ragnheiður Sigurgeirsdóttir sem, ásamt nokkrum konum úr Laut – athvarfi fyrir fólk með geðraskanir, óskar eftir jólagjöfum handa munaðarlausum börnum í Úkraínu. Konurnar í Laut – athvarfi setja gjafirnar í litla skókassa og senda börnunum
07.okt. 2017 - 18:00 Aðsend grein

Skilyrðislaus ást

Alfa Jóhannsdóttir Við vinkonurnar vorum að ræða það um daginn, hver við myndum vilja vera ef við mættum vera hver sem er í einn sólarhring. Einhver sagðist vilja vera Donald Trump bara til að skilja hvernig hann hugsar og önnur sagðist vilja vera Kylie Jenner í einn dag.
06.okt. 2017 - 20:00 Akureyri vikublað

Stelpurnar sem sameinuðu Akureyringa

„Íslandsmeistarar á fimmtudaginn, vörutalning í dag og þrjár aðrar í vikunni,“skrifaði landsliðskonan og fyrirliði Þórs/KA, Sandra María Jessen, á Twitter á sunnudaginn undir mynd af leikmönnum liðsins í vörutalningu fyrirtækis hér í bæ. Síðasta fimmtudag lauk Þór/KA frábæru sumri með Íslandsmeistaratitli eftir 2-0 sigur á FH. Eftir nánast óstöðvandi sigurgöngu varð spennan þó óþarflega mikil að mati flestra áhangenda liðsins, en svona er víst fótboltinn.
06.okt. 2017 - 11:30

Hulda Björg Hannesdóttir í yfirheyrslu

Knattspyrnukonan Hulda Björg Hannesdóttir spilar með Íslandsmeisturum Þórs/KA. Hulda Björg er uppalin í 603 en segir Grímsey aðal staðinn.
05.okt. 2017 - 12:00 Akureyri vikublað

Þorvaldur Bjarni missti fótanna: „Þetta bjargaði hjónabandinu og var mjög gott á mig og fyrir mig“

Þorvaldur Bjarni Þorvaldsson flutti til Akureyrar árið 2015 til að taka við starfi tónlistarstjóra MAk. Í einlægu viðtali ræðir Þorvaldur um ómannblenda Akureyringa, tónlistarferilinn, sem er bæði langur og fjölbreyttur, ástina, sinfóníuhljómsveitina, sem þykir allt í einu orðin svöl, og tímabilið þegar hann missti fótanna og lét egóið ráða för.
01.okt. 2017 - 18:00 Akureyri vikublað

Ólafur Jóhann í yfirheyrslu

Ólafur Jóhann Magnússon er 25 ára handboltamaður sem er kominn heim til KA. Fyrirmyndir Ólafs eru foreldrar hans og handboltakappinn Andri Snær Stefánsson. Fullt nafn, aldur og starfstitill: „Ólafur Jóhann Magnússon, 25 ára sjómaður og handboltamaður.“
01.okt. 2017 - 09:00 Akureyri vikublað

Ófrísk í crossfit

Vigdís Arna er í hörkuformi og mætir enn fjórum sinnum í viku á æfingu þótt hún sé kominn á steypirinn. Vigdís Arna, sem er 23 ára þriðja árs nemi í viðskiptafræði við Háskólann á Akureyri, á von á sínu fyrsta barni 5. október. Hún hefur æft crossfit í nokkur ár og gefur lítið eftir þótt hún sé komin á steypirinn. „Ég hef gott forskot. Það er ekki eins og ég hafi verið að byrja þegar ég varð ólétt,“ segir Vigdís sem tekur tvöfalt sipp, „burpees“ og handstöðupressur nánast án þess að blása úr nös. 
30.sep. 2017 - 07:00 Indíana Ása Hreinsdóttir

Samfélagið er okkar

Argaþrasið í samfélaginu nær nú nýjum og áður óþekktum hæðum. Óvæntar kosningar nálgast óðfluga og skoðanaglatt fólk fær sína útrás á kaffistofum og/eða samskiptamiðlum. Nú skal segja sína skoðun og meira að segja umræðuefni sem við vonuðumst til að þurfa aldrei að ræða aftur, Icesave, er komið í orðræðuna.
29.sep. 2017 - 07:00 Theodór Ingi Ólafsson

Munið að kjósa

Ritstjórinn bað mig um að skrifa baksíðupistill. Ég sagði „ekkert mál“. Svo hrúguðust inn fréttir af stjórnarslitum, leyndarhyggju, þingrofi, yfirhylmingu, ábyrgð, ábyrgðarleysi og allir urðu brjálaðir. Flestir voru reiðir út í Sjálfstæðisflokkinn, þar á meðal ég, og svo voru um 25% landsmanna brjáluð út í þá sem voru brjálaðir út í Sjálfstæðisflokkinn.
28.sep. 2017 - 12:00 Akureyri vikublað

Halla Ólöf kærði Róbert Downey: „Að hann hafði fengið uppreist æru ýtti mér yfir brúnina“

Akureyringurinn Halla Ólöf Jónsdóttir er ein þeirra kvenna sem kærðu lögmanninn Róbert Árna Hreiðarsson fyrir kynferðisbrot. Í einlægu viðtali segir Halla Ólöf frá ofbeldinu sem mótaði líf hennar, leit hennar að viðurkenningu, áfallinu sem hún fékk þegar níðingur hennar fékk uppreist æru og atburðarásinni sem varð til þess að ríkisstjórn Íslands riðaði til falls.
24.sep. 2017 - 18:00 Akureyri vikublað

„Draumar geta orðið að veruleika“

„Ég var ekki tilbúin til að hætta í dansinum en ég vildi bæta einhverju öðru við,“ segir danskennarinn og snyrtifræðingurinn Elín Halldórsdóttir sem, eftir að hafa skellt sér í snyrtinám, opnaði á dögunum Snyrtistofuna Sveitasælu í ferðaþjónustunni Öngulsstöðum í Eyjafjarðarsveit.
23.sep. 2017 - 18:00 Akureyri vikublað

„Aðstaða á heimsmælikvarða“

Í síðustu viku léku 35 íslenskir tónlistarmenn tónsmíð kvikmyndatónskáldsins Trevors Morris inn á nýja seríu The Vikings í nýrri aðstöðu í Hofi undir stjórn tónskáldsins Atla Örvarssonar. Trevor er tvöfaldur Emmy-verðlaunahafi og þykir afar kröfuharður. Aðspurður hvernig það kom til að hann valdi Hof til að taka tónlist sjónvarpsseríunnar upp segir Atli hugmyndina hafa komið upp í matarboði um daginn. 
22.sep. 2017 - 20:00 Akureyri vikublað

Dr. Gísli Kort í yfirheyrslu

Dr. Gísli Kort Kristófersson er nýr deildarformaður Hjúkrunarfræðideildar Háskólans á Akureyri.„Dr. Gísli Kort Kristófersson, sérfræðingur í geðhjúkrun, lektor í geðhjúkrun við Heilbrigðisvísindasvið Háskólans á Akureyri. Deildarformaður Hjúkrunarfræðideildar Háskólans á Akureyri.“
21.sep. 2017 - 21:00 Akureyri vikublað

Í nafni öryggis

Dýrleif Skjóldal skrifar: Það hefur kraumað í mér í viku. Það sem veldur má rekja til íbúafundar og deiliskipulagsbreytinga við Síðuskóla. Á fundinum kom fram tillaga Akureyrarbæjar um að innkeyrslan að Síðuskóla verði færð til norðausturs um svo sem eina bíllengd. 
21.sep. 2017 - 12:00 Akureyri vikublað

Skýldi sér á bak við nafnið

„Mig langar að koma skrokknum mínum í lag eftir meðgöngu og bílslys,“ segir Heiðrún Sigurðardóttir, betur þekkt sem Heiðrún Fitness, sem hefur ákveðið að leyfa áhugasömum að fylgjast með vegferð sinni að heilbrigðari lífsstíl á Snapchat-reikningnum heidrunfitness.
21.sep. 2017 - 11:30 Indíana Ása Hreinsdóttir

Allsherjarhreingerning samfélags

Atburðarás síðustu daga hefur verið lyginni líkust. Alþingi Íslendinga hafði varla verið sett þegar ríkisstjórnin féll. Orð geta ekki lýst viðbrögðum mínum þegar ég heyrði að ýmislegt benti til þess að ráðamenn hefðu reynt að þagga niður þá staðreynd að faðir forsætisráðherra hefði veitt barnaníðingi meðmæli svo hann gæti sótt um uppreist æru. Er samfélag okkar í alvöru svo rotið að það kói með níðingum, sama hversu sjúkir þeir eru?