22. des. 2016 - 12:15Akureyri vikublað

Oddur Bjarni: „Lífið er drama“

Oddur Bjarni Þorkelsson, prestur í Dalvíkurprestakalli, er mikið jólabarn. Rúm tvö ár eru síðan Oddur tók við brauði og þótt hann hafi áður lært og starfað sem leikstjóri og getið sér gott orð sem söngvari Ljótu hálfvitanna segir hann prestsstarfið ekki algjöra stefnubreytingu. Hann sé enn að gera það sem honum finnist skemmilegast en í þetta sinn verði tilfinningarnar að vera ekta. Í einlægu viðtali ræðir Oddur Bjarni um æskuna í sveitinni, trúna, fötlunina, feimnina, ástina og sorgina sem hann segir flókna.


Mynd: Guðrún Þórs.

„Það sem kom mér mest á óvart er hvað þetta er fjölþætt starf,“ segir Oddur Bjarni Þorkelsson, prestur í Dalvíkurprestakalli, sem segir starf prestsins skemmtilegt og gefandi en einnig slítandi. „Ég kom inn í algjörlega nýtt prestakall, sem hafði verið sett saman úr þremur, svo strúktúrinn hafði ekki verið skilgreindur. Það tók tíma að átta sig á því hvað var hægt að gera, hvað væri raunhæft og hvað maður sætti sig við að væri ekki hægt. Síðustu tvö ár hafa verið mikil áskorun og lærdómur. Það eru mikil forréttindi að fá að koma að þessum dýrmætu stundum í lífi fólks, stærstu gleði og skelfilegustu tímum, því þótt sorgin sé erfið er hún líka dýrmæt. Á sama tíma verður maður að minna sig á að maður er bara mennskur. Það eina sem ég get er að gera mitt besta, hlusta, vera til staðar og reyna að lesa í það sem fólk þarfnast, hvort sem það er yrt eða óyrt. Þetta er nokkuð merkilegt starf.“

Alvöru og ekta

Þótt Oddur Bjarni sé lærður leikstjóri og hafi auk þess getið sér gott orð sem söngvari hljómsveitarinnar Ljótu hálfvitanna neitar hann því að prestnámið hafi verið kúvending í hans lífi.

Mesta breytingin er sú að núna pakka ég ekki lengur reglulega niður í ferðatösku til að fara að vinna. Ég er ennþá að gera það sem mér finnst skemmtilegast; hitta fólk, eiga við fólk, kynnast fólki og vinna með fólki og vinna í tónlist, til að mynda í gegnum kórastarf. Lífið er drama og allar athafnir í kirkjunni eru dramatískar, hvort sem það er skírn, gifting eða jarðarför. U-beygjan er því minni en margir halda. Að þessu sinni er þetta ekki „make believe“ heldur alvöru. Tilfinningarnar eru ekta og það er ekki hægt að segja; „þetta er ekki að ganga, gerum eitthvað nýtt“.

Snúnir fætur

Oddur Bjarni ólst upp á sveitabænum Hvoli í Aðaldal í Þingeyjarsýslu, yngstur í hópi fimm systkina. Hann gekk í Hafralækjarskóla en 15 ára fór hann í heimavist á Laugum í Reykjadal. „Ég var örverpið, mömmustrákur, og bar þess merki að hafa verið alinn upp af foreldrum sem ekki voru kornung. Ég las mikið, gekk vel í skóla og þótt ég hefði gaman af fótbolta var ég aldrei góður í íþróttum. Ég fæddist með snúna fætur og dvaldi því mikið á Landspítalanum sem barn þar sem ég fór í nokkrar aðgerðir á fótum,“ segir hann en bætir við að hann muni lítið eftir sjúkrahúsdvölinni. „En þetta var andstyggileg upplifun að mörgu leyti. Á þessum tíma fengu foreldrarnir ekki að vera hjá börnum sínum nema í einn klukkutíma á dag. Ég man eftir langa ganginum þar sem maður horfði á einhvern koma og vonaði að það væri annaðhvort mamma eða systir mín. Örlítið eins og í hryllingsmynd. Það sem bjargaði mér var að móðursystir mín, sem var ljósmóðir og vann fyrir sunnan, kom oft og spilaði við mig og spjallaði. Það var rosalega gott.“


Oddur Bjarni fæddist með snúna fætur. Hann man ekki eftir stríðni vegna fötlunarinnar. Mynd: Guðrún Þórs.

Utanborðsmótor öðrum megin

Oddur Bjarni, sem hafði áður notið þess að vaða í lækjum og baða sig í bala heima í sveit, þróaði með sér mikla vatnsfælni eftir dvölina á spítalanum. „Ég veit ekki af hverju en ég kom heim alveg skelfingu lostinn við vatn og hef ekki enn losnað við hræðsluna. Ég fór í gegnum Laugaskóla án þess að fara ofan í sundlaugina – skýldi mér á bak við fötlunina og náði mér í læknisvottorð, þar af leiðandi er ég ekki vel syndur í dag og fyllist örvæntingu þegar ég finn botninn hverfa. Svo er líka eins og ég sé með utanborðsmótor öðrum megin, vegna fótanna, ég syndi bara í hringi og er óvart farinn að krafla á mörfljótandi ellilífeyrisþegum í lauginni. Það er ekkert gaman.“

Rauðhærður í skapinu

Aðspurður minnist hann þess ekki að hafa verið strítt vegna fötlunarinnar.

Samt var ég mjög rauðhærður í skapinu sem barn. Það þurfti ekki mikið til að ná mér upp. Bróðir minn þurfti til dæmis ekki annað en að horfa á mig svo ég brjálaðist. Hins vegar komst ég mjög snemma að því að húmor lagar ýmislegt og ef einhver meiddi sig fíflaðist ég þar til viðkomandi hætti að skæla,

segir hann og bætir við að hann hafi lengi vel verið mjög feiminn og enn eimi eftir af feimni. „Fyrsta daginn á Laugum mætti ég of seint þar sem ég var að vinna í sláturhúsi. Að sjálfsögðu var eini lausi stóllinn fremst og að sjálfsögðu var hann ónýtur svo þegar ég settist datt ég í gólfið og allir hlógu. Þetta var mjög klassísk bíómyndasena. Ég vildi fara heim en auðvitað var það ekki í boði. Smám saman fór að ganga betur, ég uppgötvaði félagslífið og hvarf um leið sporlaust. Ég tók þátt í öllu og áttaði ég mig á því að samskipti við fólk væri mín köllun.“

Sorg er flókin

Stór hluti af prestþjónustunni er að hjálpa fólki að takast á við trega og sorg en Oddur Bjarni þekkir sorgina af eigin reynslu. „Mamma varð bráðkvödd haustið 1998. Sannast sagna lærir maður margt af því sem maður upplifir sjálfur. Ekki að allir upplifi hlutina eins en maður getur hjálpað fólki að gera ekki sömu mistökin. Þegar mér var tilkynnt að mamma væri látin fór ég strax að hafa áhyggjur af pabba og keyrði heim í sveitina. Ég man ekkert eftir þeirri bílferð, var í algjöru „blackout-i“ sem segir að ég hafi ekki verið tengdur. Slíkt gæti komið fyrir aðra.“

Árið 2008 datt faðir hans heima í sveitinni, rak höfuðið í og var ósjálfbjarga yfir nótt fastur uppi við ofn. „Líkami hans fékk sjokk og nýrun hættu að starfa. Hann fannst daginn eftir og var sendur á sjúkrahús. Ég fór beint til hans og þótt hann væri kvalinn sagðist hann ætla að ná sér og ég trúði því enda skiptir hugarfarið miklu. Hann var svo sendur suður með sjúkraflugi og systir mín lét mig vita símleiðis að nýrun væru farin að starfa og þá leit allt betur út. En svo seinna sama dag slokknaði á öllu,“ segir hann alvarlegur í bragði og bætir svo við:

Ég veit hvað sorg er flókin og hvernig það er að spyrja „hvað ef?“ Hvað ef ég hefði verið hjá honum? Hvað ef ég hefði farið heim kvöldið áður? Hefði þetta þá gerst? En þannig virkar þetta ekki. Svona lagað er engum að kenna. Hlutirnir bara gerast.

Grét eftir símtal

Hann viðurkennir að það hafi verið erfitt að fá ekki að kveðja foreldra sína. „Það var mjög sárt en ég hef ekki samanburðinn. Ég veit ekki hvort það er betra að kveðja, vitandi að það ert þú sem ert að sleppa takinu. Sorg er alltaf sár og erfið en það sem hjálpar mest er að eiga gott bakland, lóðrétt og lárétt – að fólk nái að halda utan um hvert annað og styðja.“

Hann segist ekki brynja sig gegn sársaukanum þegar sóknarbörn hans eigi um sárt að binda. „Ef eitthvað þá er ég líklega óþarflega hrifnæmur – sérstaklega á þessum árstíma. Ég horfði til dæmis á Love Actually um daginn og grenjaði þvílíkt,“ segir hann og bætir við að hann gleymi seint þeim degi þegar hann tilkynnti í fyrsta skiptið um andlát. „Ég sat í bílnum fyrir utan heimilið og hugsaði með mér hvernig ég ætti að fara að þessu. Hvað hefði ég fram að færa? Svo áttaði ég mig á því að ég hef ekkert fram að færa og sorgin er ekki mín. Ég bað Guð um styrk og bað hann að vera með syrgjendum á þessum hræðilega erfiðu tímum, fór út úr bílnum og bankaði. Ég set alls ekki upp neina grímu. Fyrir nokkrum dögum sat ég inni á skrifstofu þegar ég fékk símtal sem kom mjög við mig. Ég á barn og annað á leiðinni og þetta var alveg hræðilegt tilefni. Þegar símtalinu lauk sat ég bara og skældi. Sumt getur ekki annað en snert mann.“

Guð er samkennd

Hann segir Guð ekki hafa leikið stórt hlutverk í hans lífi fram eftir aldri. „Ég hafði samt aldrei þá afstöðu að hann væri ekki til. Mamma og amma voru trúaðar en ekki pabbi og afi. Ég veit samt að pabbi var stoltur af mér. Jafnvel þótt hann liti ekki upp úr kaplinum sem hann var að leggja, þegar ég sagði honum að ég ætlaði að verða prestur,“ segir hann brosandi og heldur áfram: „Fyrir mér er Guð allt það góða sem við erum fær um. Það góða sem við erum sköpuð til að geta og gera. Guð er ást, umhyggja, samkennd. Styrkur og vinur. Þannig umgengst ég hann í mínu lífi.“ Hann viðurkennir að leiklistin hafi hjálpað honum í prestsstarfinu. „Að því leytinu að í leiklistarverkfæratöskunni minni eru verkfæri sem hjálpa mér að syngja, koma fram, tala, semja, skrifa, setja mig í fótspor og átta mig á mannlegum breyskleika og því hvernig manneskjan funkerar. Um það fjallar leiklistin. Munurinn er að sem prestur getur maður ekki feikað þetta. Maður verður að meina það sem maður er að segja og gera.“


Bara mennskur
Oddur Bjarni segir að það sé dýrmætt að koma að erfiðustu og dýrmætustu stundum í lífi fólks. Hann þurfi hins vegar að minna sig á að hann sé bara mennskur og reyna að lesa í það sem fólk þarfnast. Mynd: Guðrún Þórs.

Gula spjaldið inn á

Þegar Oddur Bjarni tók við embættinu í Dalvíkurprestakalli birtust fyrirsagnir á borð við „Presturinn á Dalvík er ljótur hálfviti“ í fjölmiðlum. Aðspurður segist hann bæði hafa grætt og tapað af frama hljómsveitarinnar. „Hjá sumum byrjaði ég með slatta í forgjöf en hjá öðrum með gula spjaldið inn á. Mest var um að fólk kæmi og þakkaði mér fyrir og lýsti yfir ánægju sinni og ég var þakklátur fyrir það en svo heyrði ég líka af manni sem sagðist sko ekki þurfa að mæta aftur í messu til mín. Ég hef ekki hugmynd af hverju en kannski hefur honum fundist kórinn syngja léttari lög en hann var vanur. Kannski fór fyrir brjóstið á honum að þegar mér fannst vanta smá „perk“ í lagið, sneri ég mér við uppi við altarið með egg í hendinni sem ég hristi í takt,“ segir hann og brosir og bætir við: „Mér finnst heilbrigðara og heppilegra að vera starfsmaður á plani. Ég vil ekki standa þarna og tala yfir fólk. Ég vil tala við fólk og vil að fólk svari til baka.“

Fátt er rætt meira á samfélagsmiðlunum þessa dagana en kirkjuheimsóknir skólabarna á aðventu. Oddur Bjarni segist alveg skilja umræðuna.

En ég skil ekki stundum talsmátann, reiðina, öskrin og öll undarlegu og ljótu orðin sem eru látin falla. Við erum auðvitað glöð að fá krakkana til okkar en þessar heimsóknir eru algerlega á forsendum skólanna. Ég fæ einfaldlega senda dagskrá sem ég svo fylgi.

Vinir og félagar

Eiginkona Odds Bjarna er leikkonan Margrét Sverrisdóttir en hjónakornin kynntust í gegnum leiklistina. „Hún var í Framhaldsskólanum á Húsavík en leiklistjórinn þar bað mig að koma og skrifa og leikstýra. Þannig kynntumst við. Þá var hún 19 og ég 24 ára,“ segir hann en fimm árum síðar fengu þau inngöngu hvort í sinn skólann, hún í leiklist í London og hann í leikstjórn í Bristol. Hjónin hafa unnið mikið saman, í leikhúsi, við Stundina okkar, með þeim bræðrum í Dimmuborgum og í grjóthleðslu, svo eitthvað sé upptalið. „Við vinnum mjög vel saman, hugsum á mismunandi hátt en viljum það sama. Við erum mjög góðir vini og gríðarlega miklir félagar. Sum sambönd þurfa ekki á því að halda að fólk eyði miklum tíma saman og það hefur ekkert með það að gera hvort fólk eigi að vera par eða ekki. Fólk þarf bara að læra hvernig best er að haga hlutunum. Okkur líður mjög vel saman. Við erum samt ekki samofin og getum vel unnið með öðru fólki.“

Erfið aðventa

Oddur Bjarni hlakkar mikið til jólanna enda forfallið jólabarn. „Þessi aðventa hefur verið erfið þar sem hljóð og mynd fara ekki saman. Það er undarlegt að hlusta á jólasálma og keyra um í tíu stiga hita. Þessi tími, aðdragandi jóla, er alltaf ægilega skemmilegur og best finnst mér að skríða inn í mitt jólaegg. Ég þarf einmitt virkilega á því að halda núna; er orðinn þreyttur og þarf að fara að næra mig með jólasálmum og slíku. Það er best í heimi.“

Viðtalið birtist fyrst í Akureyri vikublað. Smelltu hér til að lesa blaðið.




10.júl. 2017 - 08:00

Borgarasviðið til Gautaborgar

1. maí-ganga Þátttakendur Borgarasviðs stálu senunni í 1. maí-göngunni og kröfðust hærri launa með kröfuspjöldum og dansi. Mynd: Guðrún Þórs. Samfélagsleikhús Menningarfélags Akureyrar, Borgarasviðið, var valið til þátttöku á Samnorrænu dansráðstefnunni NOFOD, Nordic Forum for Dance Research, sem haldin var í Gautaborg á dögunum undir yfirskriftinni dans og lýðræði.
09.júl. 2017 - 20:00

„Fjölskyldan togaði alltaf í okkur“

Guðmundur Ævar Oddsson er fluttur heim eftir tíu ár í Bandaríkjunum þar sem hann var við nám og störf. Guðmundur hefur verið ráðinn lektor við lögreglufræði í Háskólanum á Akureyri. Hann féllst á að gefa lesendum Akureyri Vikublaðs sínar uppáhaldsuppskriftir.
09.júl. 2017 - 09:00

Sköpum ný tækifæri saman

Arctic Coast Way er nýtt og spennandi verkefni sem fyrst var kynnt til sögunnar í vetur og á að draga athygli ferðamanna að strandlengjunni meðfram Norðurlandi. Verkefnið snýst um að búa til svokallaðan ferðamannaveg. Slíkir vegir eru þekktir í ferðaþjónustu á heimsvísu, sem verkfæri til að beina ferðamönnum eftir ákveðnum vegum á ákveðin svæði. Markaðsstofa Norðurlands heldur utan um verkefnið, en það mun taka tíma að ná þeim markmiðum sem stefnt er að og utanaðkomandi hjálp er nauðsynleg. Til þess að ferðamannavegurinn verði að veruleika þarf stuðning og þátttöku heimamanna, fyrirtækja og sveitarfélaga á því svæði sem vegurinn liggur um.
08.júl. 2017 - 20:00 Akureyri vikublað

„Ég vil fara þangað sem fólk er að hlægja“

Jóna Sigurlaug Friðriksdóttir Mig langar að tala um jákvæðni. Hugarástand sem við reynum að temja okkur til að geta tekist á við misauðveldar áskoranir á lífsins göngu. Jákvæðni gerir okkur sterkari og lausnamiðaðri. Sumir þurfa að temja sér jákvæðni meðan öðrum er hún í blóð borin.
08.júl. 2017 - 10:30 Akureyri vikublað

Mælingar svifryks hafnar að nýju

Akureyri Mælingar á loftmengun hófust á ný í febrúar en mælirinn bilaði í desember 2015. Styrkur svifryks á Akureyri hefur farið 32 sinnum yfir heilsuverndarmörk frá því að svifryksmælir var settur upp um miðjan febrúar. Leyfilegt er að fara 35 sinnum yfir mörkin á ári hverju.
08.júl. 2017 - 07:24 Akureyri vikublað

Andrés Vilhjálmsson í yfirheyrslu

Andrés Vilhjálmsson Andrés Vilhjálmsson spilar fótbolta með Magna. Andrés ætlaði að verða kvikmyndaleikstjóri þegar hann yrði stór.
07.júl. 2017 - 19:00 Akureyri vikublað

Hver er næstur?

Það sem af er ári hafa átta manns látist í umferðinni á Íslandi. Átta manneskjur sem ætluðu aðeins að skjótast; kannski í vinnuna, í smá ferðalag eða í heimsókn til vinar. Átta ástvinir einhverra komu aldrei heim aftur. Líf heillar fjölskyldu, vinahóps og vinnustaðar gjörbreytt á sekúndubroti og verður aldrei samt aftur.
07.júl. 2017 - 17:30 Akureyri vikublað

Héraðsdómur 25 ára

Ólafur Ólafsson er dómstjóri Héraðsdóms Norðurlands eystra. „Það skiptir máli að dómstóllinn sé sjálfstæð stofnun, en ekki útibú líkt og alltof oft tíðkast hér á landi“
06.júl. 2017 - 20:00 Akureyri vikublað

Guðrún Pálína í opinskáu viðtali: Hitti aldrei föður sinn - Fann ástina í Hollandi

Guðrún Pálína Guðmundsdóttir myndlistakona og kennari. Mynd: Guðrún Þórsdóttir. Myndlistakonan Guðrún Pálína Guðmundsdóttir, sem ólst upp á Akureyri og í Bárðardal hjá ömmu sinni og afa, segir myndlistina sækja stöðugt í sig veðrið sem menning. Ritlistinni sé þó enn gert hærra undir höfði og sérstaklega í menntakerfinu. Í einlægu viðtali ræðir Guðrún Pálína um æskuna, listina, ástríðuna, fjölskylduna og örlögin sem gripu í taumana og beindu henni heim til Íslands eftir langa dvöl í útlöndum.
04.júl. 2017 - 14:29 Akureyri vikublað

Hvar, hvar hvar ...(allir gamlir skátar eru hvattir til að lesa þetta)

Hrefna Hjálmarsdóttir
Fyrir mörgum, mörgum árum, nánar tiltekið árið 1964, var dróttskátastarf á Íslandi að hefjast en það var ætlað skátum á unglingsaldri. Efnt var til samkeppni milli 
dróttskátasveita
01.júl. 2017 - 21:00 Akureyri vikublað

Minnihlutahópar

Nýir minnihlutahópar spretta fram á hverjum degi og sá nýjasti er hávaxið fólk. Það kann að virðast skrítið að hávaxið fólk geti flokkast sem minnihlutahópur en verandi hávaxinn sjálfur, get ég hins vegar staðfest þessa fullyrðingu mína.
01.júl. 2017 - 15:00

400 skátar til Akureyrar

Skátar Ásgeir hefur verið skáti í tæp 40 ár. Hann segir skátastarfið mjög öflugt á Akureyri. Stærsta alheimsskátamót fyrir 18–25 ára verður haldið á Íslandi í sumar. Mörg hundruð manns munu koma til Akureyrar þar sem fjölbreytt dagskrá bíður hópsins.
01.júl. 2017 - 12:00 Akureyri vikublað

Samvera með foreldrum mikilvæg

Félagsstarf hefur forvarnargildi Alfa hvetur foreldra til að leita að tækifærum svo börn þeirra geti fundið sig í tómstundastarf Deildarstjóri forvarna- og frístundadeildar Akureyrarbæjar segir vísbendingar um að gera þurfi betur þegar kemur að andlegri líðan barna og unglinga. Sumartíminn, með sitt rútínuleysi, geti verið sérstaklega erfiður fyrir þá sem veikir séu fyrir.
30.jún. 2017 - 20:00

„Ekki allir í lopapeysu að framkvæma víkingaklappið“

Fræðir aðra krakka Hrafnhildur Ming var ættleidd frá Kína. Hún vil fræða fólk um hvernig það hefur verið fyrir hana að vera ekki með hefðbundið íslenskt útlit hér á landi. Hrafnhildur Ming Þórunnardóttir fræddi krakkana í Vísindaskóla unga fólksins um hvernig það hefur verið fyrir hana að vera öðruvísi á Íslandi. Hrafnhildur vill minna á að Íslendingar séu fjölbreyttur hópur.
29.jún. 2017 - 20:00 Akureyri vikublað

Elí greindist 16 ára með Asperger-heilkenni: „Ég var skrítni krakkinn“

Rithöfundurinn Elí Freysson greindist með Asperger-heilkennið þegar hann var 16 ára. Honum finnst einhverfan ekkert feimnismál og í einlægu viðtali segir hann frá ritstörfunum, æskunni, samskiptaerfiðleikunum, léttinum við að fá greininguna og hvernig hann hefur með æfingum og auknu sjálfstrausti lært að sætta sig við að vera öðruvísi.
26.jún. 2017 - 20:00 Akureyri vikublað

Ingvi Stefánsson í yfirheyrslu

Ingvi Stefánsson, bóndi í Eyjafirði Ingvi Stefánsson, bóndi í Eyjafirði, er nýr formaður Svínaræktarfélags Íslands.
26.jún. 2017 - 13:30 Akureyri vikublað

Skemmtilegir Gleðidagar

Spennandi keppni Keppt var í alls kyns skemmtilegum íþróttum. Heimilisfólk, gestir og gangandi skemmtu sér konunglega á Gleðidögum sem haldnir voru á Dvalarheimilinu Hlíð á dögunum. Boðið var upp á kaffismökkun og ís auk þess sem haldnir voru Skrýtnu ólympíuleikarnir.
24.jún. 2017 - 19:00

Efla hlutverk Akureyrar: Sendinefnd frá Akureyri sótti kínversk-norræna ráðstefnu um samvinnu á heimskautasvæðum.

Í Kína Sendinefndin frá Akureyri ásamt gestgjöfum sínum. „Ferðin skilaði miklum tengslum sem sveitarfélagið, fyrirtæki og stofnanir í sveitarfélaginu geta byggt á til framtíðar og munu efla hlutverk Akureyrar sem miðstöðvar norðurslóða á Íslandi,“ segir Eiríkur Björn Björgvinsson, bæjarstjóri Akureyrar, sem var á dögunum boðið að halda erindi á Kínversk-norrænu ráðstefnunni um samvinnu á heimskautasvæðum (CNARC) sem fram fór nú í lok maí í borginni Dalian í Kína.
24.jún. 2017 - 13:00

„Paellan hans pabba í uppáhaldi“

Greta Huld Mellado Greta Huld Mellado notast helst við fljótlegar og þægilegar uppskriftir. Greta féllst á að gefa lesendum Akureyri Vikublaðs uppáhaldsuppskriftirnar sínar.


24.jún. 2017 - 07:30

Fundur fólksins norður

Ketill Berg Magnússon, stjórnarformaður Almannaheillar, og Þuríður Helga Kristjánsdóttir, framkvæmdastjóri Menningarfélags Akureyrar Lýðræðishátíðin Fundur fólksins verður haldin í þriðja skipti í september, þá í fyrsta skipti á Akureyri.
23.jún. 2017 - 12:30

Fékk að fara í gegn: Gamall draumur Þórólfs í Lundi rættist á afmælisdaginn

Feðgarnir eftir ferðalagiðÞórólfur og Jón, sonur hans, eftir ferðalagið í gegnum heiðina.Mynd: Vaðlaheiðargöng „Það er mjög gaman að fá að taka þátt í að uppfylla drauma manns sem man tímanna tvenna og veit hvað bættar samgöngur skipta miklu máli,“ segir Valgeir Bergmann, framkvæmdastjóri Vaðlaheiðarganga, sem bauð Þórólfi Guðnasyni, betur þekktum sem Þórólfi í Lundi, í bílferð í gegnum Vaðlaheiðargöng á afmælisdegi Þórólfs.
22.jún. 2017 - 22:00 Akureyri vikublað

„Ég get ekki meira“ - Tæplega sjötug amma á Akureyri biður um úrræði fyrir dóttursyni sína

Myndin tengist ekki efni fréttarinnar beint. „Ég get bara ekki meira,“ segir tæplega sjötug amma á Akureyri sem er orðin úrkula vonar um að dóttursynir hennar tveir fái viðeigandi aðstoð. Drengirnir eru lögráða en í neyslu og að sögn konunnar ófærir um að sjá um sig sjálfir. Þeir búi í íbúð á vegum Akureyrarbæjar en þurfi meiri aðstoð en sem nemur búsetuúrræði.
22.jún. 2017 - 12:00 Akureyri vikublað

Landsliðsfyrirliðinn Aron Einar í viðtali - „Það er allt undir í hverjum einasta leik en þannig þrífumst við best“

Akureyringurinn og fyrirliði íslenska karlalandsliðsins í knattspyrnu, Aron Einar Gunnarsson, gekk að eiga Kristbjörgu Jónasdóttur á laugardaginn, sjálfan þjóðhátíðardaginn. Í einlægu viðtali ræðir Aron Einar um lífið í Cardiff, fyrirliðabandið, fjölskylduna, framtíðina og hvað þurfi til að ná langt í hörðum heimi atvinnumennskunnar.
18.jún. 2017 - 22:00

Faraldur

Theodór Ingi Ólafsson Undanfarin ár hefur mikill faraldur geisað á Akureyri og reyndar víðar á landinu. Ég hef séð á eftir hverjum vininum á fætur öðrum í hendur þessa vágests. Vágests sem heltekur þau sem hans verða og umbreytir í eitthvað óþekkjanlegt. Þau sem sýkst hafa kvarta ekki yfir því sjálf, enda virðist helsta einkennið vera stórtækur heilaþvottur. Þau telja sig meira að segja vera orðin besta útgáfan af sjálfum sér.
18.jún. 2017 - 11:00 Akureyri vikublað

„Innflytjendavandinn“ á Akureyri

Inga Sigrún Atladóttir Fyrir nokkru kom Hermína Gunnþórsdóttir frá HÍ á skólanefndarfund þar sem hún kynnti fyrir nefndinni niðurstöður rannsókna á aðlögun innflytjenda í grunnskólum á Akureyri.
17.jún. 2017 - 09:45

Uppáhalds uppskriftir hindrunarhlaupara: „Mér finnst ekkert gaman að elda en ég elska að borða“

Markmið bræðranna var að sjá hvort þeir gætu klárað hlaupið. Þeir enduðu í grennd við 900. sæti af 2.000 keppendum. Björn Fannar Hafsteinsson tók nýlega þátt í hindrunarhlaupinu Tough Viking í Noregi. Hlaupnir voru 10 kílómetrar í fjöllunum auk þess sem keppendur þurftu að leysa 40 þrautir á leiðinni. Björn Fannar segir hér frá ævintýrinu auk þess sem hann deilir sínum uppáhaldsuppskriftum með lesendum.
17.jún. 2017 - 08:00 Akureyri vikublað

Yfirheyrslan: Silja Jóhannesdóttir

Silja Jóhannesdóttir Silja Jóhannesdóttir er verkefnastjóri Raufarhafnar og framtíðar og Öxarfjarðar í sókn. Silja borðar hafragraut í morgunmat og er lökust í þrifum.
15.jún. 2017 - 19:00 Akureyri vikublað

Ánægðastur í allsleysinu

Þórolfur Guðnason Þórólfur Guðnason, sem oftast er kallaður Þórólfur í Lundi, á 98 ára afmæli í dag, 15. júní. Þórólfur bjó í rúm 90 ár í Lundi í Fnjóskadal en dvelur nú Dvalarheimilinu Hlíð. Í einlægu viðtali ræðir hann um æskuna, kreppuárin, ástina, tækniþróunina, Vaðlaheiðargöng, sem hann hefur alltaf verið jákvæður gagnvart, og leyndarmálið að baki því að ná svo háum aldri.
15.jún. 2017 - 15:30

337 útskrifuðust

Frú Eliza Reed forsetafrú var heiðursgestur útskriftarhátíðarinnar. Þann 10. júní voru 337 kandídatar útskrifaðir á háskólahátíð Háskólans á Akureyri. Hátíðarhöldin hófust með ávarpi Eyjólfs Guðmundssonar rektors. Eliza Reed forsetafrú var heiðursgestur hátíðarinnar en Vigdís Diljá Óskarsdóttir, kandídat í fjölmiðlafræði, flutti ávarp fyrir hönd þeirra sem útskrifuðust.
15.jún. 2017 - 14:08 Akureyri vikublað

19 ára sonur Huldu er á götunni á Akureyri - „Ég henti honum út milli jóla og nýárs“

Tæplega 19 ára sonur Huldu Jóhannsdóttur er á götunni á Akureyri. Drengurinn hefur átt erfitt frá barnæsku en hann er í neyslu og með fjölda greininga á bakinu. Hulda hefur fengið nóg af úrræðaleysinu og stígur fram með sögu mæðginanna. „Staðan er bara hræðileg,“ segir Hulda Jóhannsdóttir, móðir 18 ára drengs sem er á götunni á Akureyri. 
11.jún. 2017 - 22:00 Akureyri vikublað

Mótmæla brottvikningu Kristjáns: „Fólki líkar auðsjáanlega ekki svona vinnubrögð“

„Viðbrögðin hafa komið mér í opna skjöldu og eru varla verðskulduð en mér þykir vænt um þetta. Fólki líkar auðsjáanlega ekki svona vinnubrögð,“ segir Kristján Þorbjörnsson, yfirlögregluþjónn á Blönduósi, sem vikið var frá störfum í síðasta mánuði, inntur eftir þeim viðbrögðum sem brottvikningin hefur vakið. Undirskriftasöfnun þar sem uppsögn Kristjáns er mótmælt er á netinu og þegar þetta er skrifað hafa rúmlega 600 manns skrifað undir. Stefnt er að því að færa Sigríði Á. Andersen dómsmálaráðherra undirskriftirnar þegar nöfnin ná eitt þúsund talsins.
11.jún. 2017 - 17:00 Akureyri vikublað

Hjólað til styrktar krabbameinssjúkum börnum

Þann 7. júlí næstkomandi leggja rúmlega 30 Íslendingar af stað hjólandi frá Kaupmannahöfn til Parísar en leiðin er alls tæpir 1.300 kílómetrar. Team Rynkeby Ísland nefnist hópurinn og er hluti af norrænu góðgerðarhjólaverkefni sem hefur verið starfrækt á hinum Norðurlöndunum um nokkurt skeið. Þetta er í fyrsta skipti sem Ísland tekur þátt í verkefninu. 
11.jún. 2017 - 14:00 Akureyri vikublað

Pálmi: „Ég efast ekki um að lífið verði ljúft hinum megin við skagann líka“

Körfuboltamaðurinn Pálmi Geir Jónsson mun spila með Þór í Domino’s-deildinni á komandi leiktíð. Pálmi er alinn upp í Tindastóli en hlakkar til að taka leikinn skrefinu lengra. Hann féllst á að gefa lesendum Akureyri Vikublaðs sínar uppáhaldsuppskriftir. „Þetta er frábært tækifæri fyrir mig til að taka leik minn skrefinu lengra, sýna hvað ég get, verða betri leikmaður og sanna mig,“ segir körfuboltamaðurinn Pálmi Geir Jónsson, sem hefur gert tveggja ára samning við Þór og mun spila með liðinu í Domino’s-deildinni á komandi leiktíð.
11.jún. 2017 - 09:00 Akureyri vikublað

Elín Inga fór ein til Berlínar: „You don’t have any friends?“

„You don’t have any friends?“ spurði maðurinn sem ég hugðist kaupa af falafel og djúpsteiktan halloumi í Berlín fyrir fáeinum vikum. „You know it’s not beer?“ bætti hann við á meðan ég kyngdi gúlsopa af Club Mate úr flösku sem ég hafði þegar gripið og opnað, þyrst og gengin upp að hnjám. Ég brosti út í annað og pantaði. 
10.jún. 2017 - 18:00 Akureyri vikublað

Guðrún Ágústa í yfirheyrslu

Píratinn Guðrún Ágústa Þórdísardóttir tók sæti á Alþingi í síðustu viku. Guðrún spinnur á rokk og elskar Star Trek. Fullt nafn, aldur og starfstitill? „Guðrún Ágústa Þórdísardóttir.“ Stjörnumerki? „Krabbi.“ Nám? „B.Sc-gráða í rekstrarfræði frá HA og diplóma í kynjafræði frá HÍ.“
10.jún. 2017 - 15:00 Akureyri vikublað

Ítalskur sonur á heimilið

Það var skyndiákvörðun hjá okkur Láru, dóttur minni, að taka skiptinema. Við vorum að flytja til Íslands, hún hefur lengi gælt við þá hugmynd að fara sjálf í skiptinám, og svo sá hún auglýst að það bráðvantaði fjölskyldur fyrir einhverja nema í ágúst síðastliðnum. Ég sendi AFS línu og eftir örfáa daga var frágengið að hann Gabriele frá Ítalíu kæmi til okkar og var raunar kominn til Íslands á undan okkur þar sem við vorum ekki enn fluttar heim.
10.jún. 2017 - 09:00 Akureyri vikublað

Vilja Costco norður: „Hingað myndi fólk koma allt frá Blönduósi til Austfjarða til að versla“

„Við vorum átta saman í Vaglaskógi og vorum að ræða komu Costco til landsins og þann aðstöðumun sem oft er milli landsbyggðar og höfuðborgarsvæðisins og upp úr því kviknaði hugmyndin að stofna þennan þrýstihóp,“ segir Berglind Júdith Jónasdóttir sem stofnaði Facebook-síðuna Costco til Akureyrar sem telur tæplega átta þúsund meðlimi þegar þetta er skrifað.
09.jún. 2017 - 07:00 Indíana Ása Hreinsdóttir

Enn eitt hryðjuverkið

Reglulega heyrum við fréttir af skelfilegum fjöldamorðum þar sem saklaust fólk, á röngum stað á röngum tíma, er myrt með köldu blóði. Á nokkrum vikum hafa þrjú mannskæð hryðjuverk verið framin í Bretlandi einu. Ekki það að hryðjuverkamenn séu að beina sjónum sínum eitthvað frekar að landinu því samkvæmt virtum sérfræðingi í hryðjuverkaógn, sem rætt var við í New York Times í vikunni, eru mannskæðu hryðjuverkin sem við lesum um aðeins toppurinn af ísjakanum af öllum þeim tilraunum sem hryðjuverkamennirnir reyna að framkvæma.
08.jún. 2017 - 20:00 Akureyri vikublað

Jónsi saknar ekki frægðarsólarinnar: „Kannski finnst fólki ég algjör rasshaus“

Jón Jósep Snæbjörnsson, eða Jónsi í Svörtum fötum eins og hann er best þekktur, saknar ekki þess tímabils þegar frægðarsól hans skein sem skærast. Í einlægu viðtali ræðir Jónsi um fjölskylduna og uppeldi strákanna sinna, farsælan ferilinn sem er hvergi nærri lokið, popparaímyndina sem hann skapaði, ábyrgðina sem fylgir frægðinni, ástina sem hann fann í MA og tónleikana sem hann og hljómsveitin ætla að halda í gamla heimabænum hans um næstu helgi.
05.jún. 2017 - 10:00 Akureyri vikublað

Kennarafræði við HA – ekki bara kennitala

Ég er að ljúka mínu öðru ári við kennaradeild Háskólans á Akureyri. Þegar ég hóf nám við skólann óraði mig ekki fyrir því hversu virkan þátt ég ætti eftir að taka í málefnum er snerta kennaranema og kennarastarfið. Hér mun ég ekki fara nánar út í það hvernig hægt sé að auka aðsókn í kennaranám en get þó ekki stillt mig um að benda á villandi umræðu um fjölda nemenda í kennarafræði. 
05.jún. 2017 - 07:00 Akureyri vikublað

Halldór: „Þú, sama hver þú ert, átt að hafa rödd“

Ég hef heyrt oftar en einu sinni að Píratar séu borgarflokkur, að Píratar nenni ekki upp fyrir Elliðaárdalinn, að Píratar rati ekki út úr Reykjavík. Það er allt fjarri sanni. Á Norðurlandi eystra er starfandi Píratafélag, PáNA, sem hefur staðið fyrir nær vikulegum fundum síðustu mánuði þar sem rætt er um allt á milli himins og jarðar. 
04.jún. 2017 - 16:00 Akureyri vikublað

Knattspyrnuþjálfarinn Donni í yfirheyrslu

Halldór Jón Sigurðsson, betur þekktur sem knattspyrnuþjálfarinn Donni, heldur með Manchester United í enska boltanum. Fullt nafn, aldur og starfstitill: „Halldór Jón Sigurðsson (Donni), 33 ára, knattspyrnuþjálfari.“ Nám? „B.sc. í íþrótta- og heilsufræði frá HÍ og UEFA A-gráða í knattspyrnuþjálfun.“
03.jún. 2017 - 18:00 Akureyri vikublað

Eru foreldrar að hvetja börn sín til að taka ábyrgð?

Ég var ekki gömul þegar mamma og pabbi hvöttu mig til að leggja mitt af mörkum. Að moka snjó af tröppum eða bjóðast til að fara í búðina fyrir aldraða nágranna var alvanalegt verkefni á snjóþungum vetrum eða þegar hálka var mikil. Þegar einhver nágranninn hafði ekki sést lengi, var ég send til að athuga hvort hann vantaði hjálp.
03.jún. 2017 - 16:00 Akureyri vikublað

Björk setur stefnuna á gullið: „Þetta verður slagur“

Akureyringurinn og afreksíþróttakonan Björk Óðinsdóttir keppir á Evrópuleikunum í crossfit um helgina þar sem hún setur stefnuna á gullið. Í einlægu viðtali ræðir Björk um íþróttaferilinn, fjölskylduna, fórnirnar fyrir sportið, unnustann og bónorðið sem hún bar upp, ótrúlegan árangur Íslendinga í crossfit, barneignir, sjónvarpsferilinn og drauminn um að verða leikkona.
02.jún. 2017 - 21:00 Akureyri vikublað

„Þetta er landsliðið okkar, ekki landsliðið mitt“

Freyr Alexandersson, landsliðsþjálfari kvenna í knattspyrnu, hefur tilkynnt hópinn fyrir komandi vináttuleiki gegn Írlandi og Brasilíu. Athygli vekur að engin leikmaður úr toppliði Þórs/KA er á listanum. „Leikmenn Þórs/KA eru að standa sig gríðarlega vel og eiga hrós skilið fyrir sína frammistöðu. Ég hef ekkert nema jákvætt um þær að segja. Við erum að fylgjast með tveimur ungum stelpum, þeim Andreu og Önnu Rakel, sem eru báðar í U 19-liðinu. Þær eru mjög efnilegar stelpur sem verða vonandi landsliðsmenn á einhverjum tímapunkti. En eins og staðan er núna þá eru þær lykilmenn í U 19 þar sem er best fyrir þær að fá að vaxa. Lillý Rut er einnig mjög nálægt hópnum og Bryndís Lára líka. Hún er næst inn af markvörðunum,“ segir Freyr í samtali við Akureyri Vikublað.
02.jún. 2017 - 07:00 Indíana Ása Hreinsdóttir

Íslenska keppnisskapið

Í ár eru tíu ár frá hinu fræga 2007 – árinu þegar trú okkar á að hamingjuna væri að finna í stórum flatskjáum, glansandi eldhúsinnréttingu og sverustu gerð af Range Rover náði hámarki. Ári villtra drauma og takmarkalauss aðgangs að lánsfé. Árinu þegar keppnin um að eiga mest náði hátindi sínum.
01.jún. 2017 - 20:00 Akureyri vikublað

Bjórböðin opnuð í dag: „Hér verður ekkert fyllerí – bara slökun, ró og friður“

Bjórböðin verða opnuð í dag, fimmtudag. Ragnheiður Ýr Guðjónsdóttir rekstrarstjóri segir að um heilsulind sé að ræða. Nýr veitingastaður við Bruggsmiðjuna Kalda verður einnig opnaður í dag. Ragnheiður, sem er sérstaklega spennt fyrir heimagerða bjór-borgaranum, féllst á að gefa lesendum Akureyri Vikublaðs sínar uppáhaldsuppskriftir.
28.maí 2017 - 14:00 Akureyri vikublað

Framtíðin björt í Listagilinu

Framkvæmdir við Listasafnið á Akureyri í Listagilinu hafa staðið lengi til og lengi verið í umræðunni. Um stóra og umfangsmikla framkvæmd er að ræða, að miklu leyti uppsafnað viðhald margra ára. Kominn er tími til að ráðast í viðhald á húsnæðinu áður en það skemmist með þeim afleiðingum að erfitt yrði að nýta það.
28.maí 2017 - 10:30 Akureyri vikublað

Eiríkur G. Stephensen í yfirheyrslu

Eiríkur G. Stephensen er skólastjóri Tónlistarskóla Eyjafjarðar. Eiríkur ætlaði að verða flugmaður en er bestur í Olsen Olsen. Fullt nafn og starfstitill: „Eiríkur G. Stephensen, skólastjóri Tónlistarskóla Eyjafjarðar.“ Nám? „Blásarakennarapróf og tónfræðadeildarpróf Tónlistarskólans í Reykjavík, MA í Menningarstjórnun frá Háskólanum á Bifröst.“
27.maí 2017 - 20:00 Akureyri vikublað

Halla Bergþóra: „Gerendurnir nærast á þögninni“

Á laugardaginn var var haldin ráðstefnan Einn blár strengur, í Háskólanum á Akureyri, sem fjallaði um kynferðisofbeldi gegn drengjum. Einn blár strengur er vitundarvakning um kynferðislegt ofbeldi gegn drengjum en samkvæmt erlendum rannsóknum er talið að einn af hverjum sex drengjum verði fyrir kynferðisofbeldi fyrir 18 ára aldur. Einn strengur í gítar vísar því til þess.