05. jan. 2017 - 12:00Akureyri vikublað

Logi hræðist ekki áskorunina: „Ég er því vanur að vera á milli tannanna á fólki“

Árið 2016 var ár breytinga fyrir Loga Má Einarsson. Logi, sem er menntaður arkitekt og hafði verið bæjarfulltrúi á Akureyri um nokkurra ára skeið, ákvað að gefa kost á sér til kjördæmakosniAlþingis fyrir Samfylkinguna. Flokkurinn beið afhroð í kosningunum en Logi var eini  þingmaður flokksins og hefur nú tekið við formannskeflinu. Í einlægu viðtali ræðir Logi um uppvöxtinn á Brekkunni, ástina, fjölskylduna, pólitíkina, þverröndóttu bolina og skapið sem á það til að hlaupa með hann í gönur.

 

Formaður Samfylkingarinnar Logi segir að þótt Oddný hafi átt hans stuðning vísan hafi hún gert rétt með því að stíga til hliðar. Mynd: Guðrún Þórs.

„Þegar maður er kominn upp í bátinn verður maður bara að róa. Það þýðir ekkert að dvelja of lengi við hlutina. Þetta kom mjög óvænt upp og skarpar en ég hafði reiknað með, en hefur verið fróðlegur og skemmtilegur tími. Aðalvinnan er svo náttúrlega eftir,“ segir Logi Már Einarsson, alþingismaður og formaður Samfylkingarinnar.

Fiðrildi í maganum

Skammt hefur verið stórra högga á milli hjá Loga. Í sumar sigraði hann í varaformannskjöri Samfylkingarinnar og var í kosningunum eini kjördæmakosni þingmaður flokksins. Hann tók svo við formannskeflinu þegar Oddný G. Harðardóttir steig til hliðar og fyrirvaralítið var norðlenski arkitektinn í þverröndótta bolnum orðinn landsþekktur.

Ég held að á margan hátt sé það ákjósanleg staða fyrir flokkinn að fá í forystuna óþekktan einstakling sem engar fyrirfram hugmyndir eru um. Ég hef ekki mikinn farangur og hef ekki tengst meintum örmum eða innanflokksátökum og það skapar mér olnbogarými sem ég held að kunni að vera nauðsynlegt fyrir flokkinn,

segir Logi sem vill ekki dvelja við útskýringar á slöku gengi Samfylkingarinnar sem hann segir margar og flóknar. „Aðalatriðið er að kenna engum öðrum um. Flokkurinn verður að horfast í augu við sjálfan sig. Það er ljóst að við höfum tímabundið misst trú fólks. Kannski spilar inn í að það eru margir nýir flokkar sem róa á sömu mið. Vissulega hefur komið í ljós eftir kosningarnar að líklega var einhver hluti þess falsvonir, en fyrir okkur liggur að finna réttan takt, á okkar forsendum. Við þurfum að vera djörf, skapandi og ærleg en það róar mann að Samfylkingin er ennþá öflugur flokkur; víða sterkur í sveitarstjórnum og með öfluga bakvarðarsveit. Þetta mun þó taka tíma og hvort flokkurinn verður aftur þessi breiðfylking, sem hann var stofnaður til að vera, kemur svo í ljós,“ segir Logi sem hræðist ekki áskorunina. „En eins og í öllu sem ég geri er ég með pínu fiðrildi í maganum. Ég er alltaf með smá sviðsskrekk en held að það sé hollt að vera aldrei svo sjálfsöruggur að það glepji manni sýn. Yfirleitt er ég fljótur að taka ákvarðanir og ég er sannfærður um að sú ákvörðun sem ég tók í vor hafi verið rétt.“

Studdi Oddnýju

Hann játar því að mögulega hafi kyn Oddnýjar haft áhrif á þá hörðu gagnrýni sem á endanum varð til þess að hún steig til hliðar. „Það hefur örugglega ekki gert henni léttara fyrir, enda hefur maður skynjað að það er sett þyngri pressa á konur en karla. Það helgast af því að í þessu starfi, eins og mörgum öðrum, hefur kúltúr karla stjórnað í áratugi og aldir. Það er mikilvægt en tímafrekt að vinda ofan af því og eitt af mikilvægustu verkefnum jafnaðarmanna, er að tryggja jöfn réttindi kynja ekki síður en milli stétta,“ segir hann og bætir við að Oddný hafi haft hans stuðning.

En ég held að hún hafi tekið ábyrga og skynsama afstöðu. Hún mat það þannig að það væri betra að axla ábyrgð, því úrslit kosninganna voru mjög mikil vonbrigði. Þar held ég að hún hafi sett ný viðmið í stjórnmálin. Samband okkar Oddnýjar er þétt og þótt hún hafi ákveðið að axla ábyrgð með þessum hætti nýt ég þess að geta leitað til hennar. Hún er okkar reynslumesti þingmaður og að mínu mati sú manneskja á þingi sem væri hæfust til að verða fjármálaráðherra.

Róttækur unglingur

Logi Már er borinn og barnfæddur Akureyringur en lærði arkitektúr í Noregi. „Sem unglingur var ég mjög róttækur og tók þátt í hefðbundinni menntaskólapólitík og var töluvert langt til vinstri. Árið 1983 var ég fótgönguliði fyrir Alþýðubandalagið og lagði þannig mitt af mörkum til að koma Steingrími J. Sigfússyni í fyrsta skipti á þing. Ég hitti hann nú þar, 36 árum síðar. Ég var alltaf pólitískur en og tók ekki þátt í flokkastarfi þegar ég var úti í námi og skipti mér varla af stjórnmálum fyrr en eftir hrun. Þá, eins og flestum Íslendingum, var mér brugðið og fannst það skylda mín að skipta mér af. Eftir að hafa lagst yfir hlutina komst ég að því að mínum kröftum væri best varið í jafnaðarmannaflokki og þá var nokkuð augljóst fyrir mig að velja Samfylkinguna.“

 

Arkitektinn Logi hefur rekið arkitektastofuna Kollgátu í rúman áratug en mun núna taka hlé á hönnuninni til að einbeita sér að pólitíkinni. Mynd: Guðrún Þórs.

Ástríðumikill og ör

Eiginkona Loga er Arnbjörg Sigurðardóttir, hæstaréttarlögmaður og flautuleikari. Þótt aðeins nokkrir metrar hafi verið á milli æskuheimila þeirra, kynntust þau ekki fyrr en hann var kominn yfir þrítugt.

Það eru níu ár á milli okkar og því var ég eðlilega ekkert að velta henni fyrir mér þegar ég var unglingur. Ég vissi samt af hennar fjölskyldu og foreldrar okkar þekktust. Tengdapabbi var stjórnmálamaður og mér skilst að hann hafi á einhvern hátt verið líkur mér í skapgerð; ör, ástríðumikill og skapbráður. Ég hitti hann aldrei en það var mikið og vel talað um hann á mínu heimili. Hann var Framsóknarmaður, þegar þeir voru róttækir félagshyggjumenn. Ég hef oft hugsað síðustu vikurnar að það hefði verið gaman að hafa hann nú hér til að spjalla við og fá góð ráð.

Flogið báðar leiðir

Börn þeirra Arnbjargar eru tvö, Úlfur, sem er í námi í Þýskalandi, og Hrefna. Þar sem Logi hefur þurft að dvelja langtímum saman fyrir sunnan frá kosningum eru mæðgurnar mest tvær í kotinu. Hann viðurkennir að nýja vinnan hafi áhrif á fjölskyldulífið. „En ég hef litlar áhyggjur og get ekki kvartað. Sjómenn, til dæmis, vinna við miklu erfiðari og óöruggari aðstæður. Þingstörfin eru stærstan hluta ársins nokkuð skipulögð og svo veit ég að ég get komið heim flestar helgar og sinnt kjördæminu. Auk þess er flogið í báðar áttir. Fjölskyldan getur því heimsótt mig.“

Sex systkini

Sjálfur ólst Logi upp á stóru heimili á syðri Brekkunni, fjórði í röðinni af sex systkinum. Hann segir heimilislífið hafa verið fjörugt.

„Lengst af ólst ég upp með fjórum systrum sem hefur örugglega gert mér gott. Ég held að ég hafi lifað hefðbundna akureyrska æsku. Foreldrar mínir voru kennarar og því gafst mikill tími til samvista um jól, páska og sumur og maður naut þess. Þau voru líka íþróttafólk og það markaði æskuna. Maður tók þátt í fótbolta og handbolta og því sem tilheyrði. Ég var aldrei neinn sérstakur fótboltamaður en gekk ágætlega í handbolta og spilaði með KA þar til ég fór út til náms. Eftir að ég kom heim aftur lék ég mér í nokkur ár og endaði ferilinn í Þór.“

Líkur mömmu

Faðir hans, Einar Helgason, myndlistarkennari og knattspyrnuþjálfari, lést fyrir þremur árum en móðir hans, Ásdís Karlsdóttir, er enn í fullu fjöri.

Mamma hefur sannað að aldur er í raun afstætt fyrirbæri. Maður er ekki deginum eldri en manni finnst maður vera. Á meðan líkamlegir kraftar og hausinn eru í lagi eru manni allir vegir færir,

segir Logi en Ásdís vakti verðskuldaða athygli í byrjun síðasta árs þegar hún sat fyrir í auglýsingu 66°Norður, þá áttræð að aldri. „Mamma er skemmtileg kona og ég finn það æ betur hvað ég er líkur henni, bæði hvað varðar kosti og galla. Við systkinin erum stundum sögð hafa fengið sköpunargáfuna frá pabba en ég skynja alltaf sterkar að sá eiginleiki er ekki síður frá mömmu kominn. Hún blómstraði eftir að börnin fóru að heiman og ég hefði viljað sjá hvað hún hefði gert ef hún hefði sinnt sér og sínum þörfum fyrr. Ég gæti best trúað að hún hefði orðið listamaður, jafnvel rithöfundur. Mamma og pabbi studdu okkur börnin, gerðu kröfur en sýndu líka sanngirni og sveigjanleika. Ég þurfti á aðhaldi að halda, var frekar baldinn unglingur. Það hefur alltaf verið svolítið stuttur í mér kveikjuþráðurinn en manni hefur verið kennt að biðjast afsökunar og fyrirgefa þegar maður hefur jafnað sig.“

Glaðsinna en skapstór

Hann viðurkennir að skapið hafi átt til að hlaupa með hann í gönur. „En þó aldrei þannig að ég hafi sagt eða framkvæmt svo alvarlegan hlut að það hafi ekki verið hægt að bæta með því að biðjast afsökunar,“ segir Logi sem segist ekki taka lífið of hátíðlega.

En þótt ég taki sjálfan mig ekki of alvarlega tek ég alvarlega það sem ég geri. Oftast læt ég stjórnast af tilfinningum og tek skjótar ákvarðanir af innsæi en ekki endilega eftir að hafa legið lengi yfir rökrænum þáttum hlutanna. Ég er í eðli mínu frekar glaðsinna og þrífst vel innan um um fólk, þótt mér líði líka mjög vel aleinum. Ég er skapmikil og get verið fljótur að rjúka upp en er jafnvel enn fljótari að róa mig niður. Ég er mjög meðvitaður um þetta skapferli og hef lært að vinna með það. Ef það væri í boði að velja einhverja aðra skaphöfn getur vel verið að ég myndi skoða það. Það er hins vegar ekki í boði og smátt og smátt lærir maður að nýta sér sína skapgerð á sem bestan hátt. Hún hefur líka örugglega verið mér til happs og kannski má segja að hún sé ástæðan fyrir því að ég er í þessari stöðu núna.

Góðir vinir

Þau Arnbjörg giftu sig árið 2008 eftir tíu ára sambúð.

Við erum bæði í sjálfstæðum rekstri og höfum svipaða sýn á lífið og tilveruna en ólíka leið til að nálgast verkefnin; hún í gegnum tungumálið en ég þarf að krota litlar myndir þegar ég er að hugsa, sjá fyrir mér og teikna upp aðstæður. Auðvitað gengur upp og ofan hjá okkur eins og hjá öðrum en þetta hefur gengið ágætleg hingað til. Við erum góðir vinir, deilum sýn á hvernig samfélag við viljum en höfum bæði sameiginleg og ólík áhugamál. Við erum bæði þannig að þegar við tökum stórar ákvarðanir eyðum við ekki endilega of löngum tíma í að velta fyrir okkur afleiðingunum heldur látum svolítið kylfu ráða kasti,

segir hann og viðurkennir aðspurður að fjölskyldan sé ánægð með nýja starfsferilinn. „Þau eru ánægð með að mér hafi tekist að vinna mér sæti á Alþingi en svo verð ég að vinna mér inn fyrir frekari viðurkenningu með verkum mínum. Ég vona að það komi síðar. En það munu örugglega líka koma augnablik sem þau verða síður ánægð með. Það er bara eðli hlutanna samkvæmt. Verk stjórnmálamanna eru sýnileg og munu alltaf vera dæmd. Annaðhvort telja menn þau þér til tekna eða rakka niður.“

Mynd: Guðrún Þórs

Með þykkan skráp

Hann segist ekki óttast gagnrýni. „Ég hef þykkan skráp eftir að hafa unnið sem arkitekt í litlum bæ, þar sem allir hafa skoðanir og láta þig heyra þær. Bæði þegar þeim finnst maður gera ágætlega en alls ekki síður þegar fólki finnst manni hafa mistekist. Ég er því vanur að vera á milli tannanna á fólki og er vel nestaður í þann leiðangur. Enda, ef enginn hefur skoðanir á því sem þú gerir, ertu líklega ekki að gera neitt sem skiptir máli. Þótt ég sé að upplifa mína hveitibrauðsdaga í pólitík átta ég mig á því að yfir mér, eins og öðrum í pólitík, vofir fallöxin. Ég er ekkert hræddur við hana, hún fellur bara þegar þar að kemur. Í eðli mínu er ég ekkert brjálaður keppnismaður. Minn styrkur í handbolta var að ég var ágætis liðsmaður, þreifst vel í hópi, en ég var ekki einn af þeim sem eyddi mörgum klukkutímum með hausinn á koddanum, vælandi yfir tapi.“

Þverröndótt í uppáhaldi

Föt Loga hafa vakið athygli og því ekki annað hægt en að spyrja hann út í röndóttu bolina. „Ég vel mér gjarnan þverröndótta boli þótt margir segi reyndar að bústinn karl á mínum aldrei ætti ekki að gera það. Það gerir lífið að mörgu leyti auðveldara að hafa meðvitaðan fatasmekk, því þá þarf ekki að eyða löngum tíma til að finna það sem manni líkar. Annars er þetta ósköp hversdagslegur fatnaður og miklu hversdagslegri en almennt tíðkast á Alþingi. Ég hef gaman af að klæða mig upp á og á jakkaföt og nokkur bindi og mun örugglega mæta með bindi þegar mér finnst það eiga við og mér líður þannig. Þess á milli verð ég bara í þeim fötum sem mér líður best í. Þverröndótt hefur í seinni tíð verið einkenni módernismans og í upphafi fannst mér það einhvers konar yfirlýsing um það hver ég væri og fyrir hvað ég stæði. Svona eins og sumir ganga með hring í nefi, aðrir með bindi og enn aðrir húðflúr. Þverröndótt er tiltölulega saklaus leið til að koma skilaboðum á framfæri. Svo getur líka vel verið að einhvers staðar djúpt í undirmeðvitundinni séu þetta áhrif frá forfeðrum mínum sem sumir hafa líklega verið hásetar á frönskum duggum, en þeir klæddust gjarnan svona bolum.“

Gerðist svo hratt

Logi hefur rekið arkitektastofuna Kollgátu í rúmlegan áratug en ætlar nú að gera hlé á hönnuninni.

Ég er svo heppinn að síðustu tólf árin hefur Ingólfur Guðmundsson unnið með mér og er nú að koma inn sem eigandi. Framtíðin leiðir svo í ljós hvað verður; hvort og þá hvenær ég sný til baka. Ég geri þó ekki ráð fyrir að vera stjórnmálamaður allt mitt líf og get vel hugsað mér að eyða efri árunum sem hönnuður. Þingmennskan er ótryggt starf og þú getur verið kosinn burt þaðan hvenær sem er. Þá finnst mér notalegt að vita að ég geti aftur farið að gera það sem mér finnst skemmtilegast í heimi – sem er að hanna. Kannski það henti einhverjum að gera þetta að ævistarfi en ég sé mig ekki endilega fyrir mér sem gamlan mann við Austurvöll. Síðustu þrjú, fjögur árin hef ég að hluta til starfað sem arkitekt og að hluta til í bæjarpólitík en nú ætla ég að taka mér frí frá allri hönnun og einbeita mér að stjórnmálunum. Ég hlakka til og held að lífið verði einfaldara fyrir vikið. Vonandi kem ég fleiru í verk og verð að meira gagni,

segir Logi sem viðurkennir að hann velti stundum fyrir sér út í hvað hann sé eiginlega kominn. „Þetta gerðist svo snöggt. Allt í einu er ég farinn að fást við eitthvað nýtt eftir að hafa lengi átt mér tilveru þar sem ég var orðinn býsna öruggur með það sem ég var að gera. Nú þarf ég að læra nýja hluti nokkuð hratt en það er eitthvað sem hvetur mann áfram. Líklega þessi vissa um að maður geti raunverulega látið gott af sér leiða. Ég hlakka til að vinna að uppbyggingu Samfylkingarinnar og veit að þar verð ég ekki einn. Ég nýt mín með sterkt fólk í kringum mig og er óhræddur að safna slíku fólki að mér. Ef það verður á endanum til þess að einhver komi og ýti mér frá og taki við sem formaður þá er það bara fínt; ég óttast það ekki. Árið 2017 gæti verið tími djarfra og frumlegra ákvarðana fyrir formann Samfylkingarinnar en hvernig það birtist verður að koma í ljós.“

 Viðtal Indíönu Ásu Hreinsdóttur við Loga Má Einarsson birtist fyrst í Akureyri Vikublaði. Smelltu hér til að lesa blaðið.




10.júl. 2017 - 08:00

Borgarasviðið til Gautaborgar

1. maí-ganga Þátttakendur Borgarasviðs stálu senunni í 1. maí-göngunni og kröfðust hærri launa með kröfuspjöldum og dansi. Mynd: Guðrún Þórs. Samfélagsleikhús Menningarfélags Akureyrar, Borgarasviðið, var valið til þátttöku á Samnorrænu dansráðstefnunni NOFOD, Nordic Forum for Dance Research, sem haldin var í Gautaborg á dögunum undir yfirskriftinni dans og lýðræði.
09.júl. 2017 - 20:00

„Fjölskyldan togaði alltaf í okkur“

Guðmundur Ævar Oddsson er fluttur heim eftir tíu ár í Bandaríkjunum þar sem hann var við nám og störf. Guðmundur hefur verið ráðinn lektor við lögreglufræði í Háskólanum á Akureyri. Hann féllst á að gefa lesendum Akureyri Vikublaðs sínar uppáhaldsuppskriftir.
09.júl. 2017 - 09:00

Sköpum ný tækifæri saman

Arctic Coast Way er nýtt og spennandi verkefni sem fyrst var kynnt til sögunnar í vetur og á að draga athygli ferðamanna að strandlengjunni meðfram Norðurlandi. Verkefnið snýst um að búa til svokallaðan ferðamannaveg. Slíkir vegir eru þekktir í ferðaþjónustu á heimsvísu, sem verkfæri til að beina ferðamönnum eftir ákveðnum vegum á ákveðin svæði. Markaðsstofa Norðurlands heldur utan um verkefnið, en það mun taka tíma að ná þeim markmiðum sem stefnt er að og utanaðkomandi hjálp er nauðsynleg. Til þess að ferðamannavegurinn verði að veruleika þarf stuðning og þátttöku heimamanna, fyrirtækja og sveitarfélaga á því svæði sem vegurinn liggur um.
08.júl. 2017 - 20:00 Akureyri vikublað

„Ég vil fara þangað sem fólk er að hlægja“

Jóna Sigurlaug Friðriksdóttir Mig langar að tala um jákvæðni. Hugarástand sem við reynum að temja okkur til að geta tekist á við misauðveldar áskoranir á lífsins göngu. Jákvæðni gerir okkur sterkari og lausnamiðaðri. Sumir þurfa að temja sér jákvæðni meðan öðrum er hún í blóð borin.
08.júl. 2017 - 10:30 Akureyri vikublað

Mælingar svifryks hafnar að nýju

Akureyri Mælingar á loftmengun hófust á ný í febrúar en mælirinn bilaði í desember 2015. Styrkur svifryks á Akureyri hefur farið 32 sinnum yfir heilsuverndarmörk frá því að svifryksmælir var settur upp um miðjan febrúar. Leyfilegt er að fara 35 sinnum yfir mörkin á ári hverju.
08.júl. 2017 - 07:24 Akureyri vikublað

Andrés Vilhjálmsson í yfirheyrslu

Andrés Vilhjálmsson Andrés Vilhjálmsson spilar fótbolta með Magna. Andrés ætlaði að verða kvikmyndaleikstjóri þegar hann yrði stór.
07.júl. 2017 - 19:00 Akureyri vikublað

Hver er næstur?

Það sem af er ári hafa átta manns látist í umferðinni á Íslandi. Átta manneskjur sem ætluðu aðeins að skjótast; kannski í vinnuna, í smá ferðalag eða í heimsókn til vinar. Átta ástvinir einhverra komu aldrei heim aftur. Líf heillar fjölskyldu, vinahóps og vinnustaðar gjörbreytt á sekúndubroti og verður aldrei samt aftur.
07.júl. 2017 - 17:30 Akureyri vikublað

Héraðsdómur 25 ára

Ólafur Ólafsson er dómstjóri Héraðsdóms Norðurlands eystra. „Það skiptir máli að dómstóllinn sé sjálfstæð stofnun, en ekki útibú líkt og alltof oft tíðkast hér á landi“
06.júl. 2017 - 20:00 Akureyri vikublað

Guðrún Pálína í opinskáu viðtali: Hitti aldrei föður sinn - Fann ástina í Hollandi

Guðrún Pálína Guðmundsdóttir myndlistakona og kennari. Mynd: Guðrún Þórsdóttir. Myndlistakonan Guðrún Pálína Guðmundsdóttir, sem ólst upp á Akureyri og í Bárðardal hjá ömmu sinni og afa, segir myndlistina sækja stöðugt í sig veðrið sem menning. Ritlistinni sé þó enn gert hærra undir höfði og sérstaklega í menntakerfinu. Í einlægu viðtali ræðir Guðrún Pálína um æskuna, listina, ástríðuna, fjölskylduna og örlögin sem gripu í taumana og beindu henni heim til Íslands eftir langa dvöl í útlöndum.
04.júl. 2017 - 14:29 Akureyri vikublað

Hvar, hvar hvar ...(allir gamlir skátar eru hvattir til að lesa þetta)

Hrefna Hjálmarsdóttir
Fyrir mörgum, mörgum árum, nánar tiltekið árið 1964, var dróttskátastarf á Íslandi að hefjast en það var ætlað skátum á unglingsaldri. Efnt var til samkeppni milli 
dróttskátasveita
01.júl. 2017 - 21:00 Akureyri vikublað

Minnihlutahópar

Nýir minnihlutahópar spretta fram á hverjum degi og sá nýjasti er hávaxið fólk. Það kann að virðast skrítið að hávaxið fólk geti flokkast sem minnihlutahópur en verandi hávaxinn sjálfur, get ég hins vegar staðfest þessa fullyrðingu mína.
01.júl. 2017 - 15:00

400 skátar til Akureyrar

Skátar Ásgeir hefur verið skáti í tæp 40 ár. Hann segir skátastarfið mjög öflugt á Akureyri. Stærsta alheimsskátamót fyrir 18–25 ára verður haldið á Íslandi í sumar. Mörg hundruð manns munu koma til Akureyrar þar sem fjölbreytt dagskrá bíður hópsins.
01.júl. 2017 - 12:00 Akureyri vikublað

Samvera með foreldrum mikilvæg

Félagsstarf hefur forvarnargildi Alfa hvetur foreldra til að leita að tækifærum svo börn þeirra geti fundið sig í tómstundastarf Deildarstjóri forvarna- og frístundadeildar Akureyrarbæjar segir vísbendingar um að gera þurfi betur þegar kemur að andlegri líðan barna og unglinga. Sumartíminn, með sitt rútínuleysi, geti verið sérstaklega erfiður fyrir þá sem veikir séu fyrir.
30.jún. 2017 - 20:00

„Ekki allir í lopapeysu að framkvæma víkingaklappið“

Fræðir aðra krakka Hrafnhildur Ming var ættleidd frá Kína. Hún vil fræða fólk um hvernig það hefur verið fyrir hana að vera ekki með hefðbundið íslenskt útlit hér á landi. Hrafnhildur Ming Þórunnardóttir fræddi krakkana í Vísindaskóla unga fólksins um hvernig það hefur verið fyrir hana að vera öðruvísi á Íslandi. Hrafnhildur vill minna á að Íslendingar séu fjölbreyttur hópur.
29.jún. 2017 - 20:00 Akureyri vikublað

Elí greindist 16 ára með Asperger-heilkenni: „Ég var skrítni krakkinn“

Rithöfundurinn Elí Freysson greindist með Asperger-heilkennið þegar hann var 16 ára. Honum finnst einhverfan ekkert feimnismál og í einlægu viðtali segir hann frá ritstörfunum, æskunni, samskiptaerfiðleikunum, léttinum við að fá greininguna og hvernig hann hefur með æfingum og auknu sjálfstrausti lært að sætta sig við að vera öðruvísi.
26.jún. 2017 - 20:00 Akureyri vikublað

Ingvi Stefánsson í yfirheyrslu

Ingvi Stefánsson, bóndi í Eyjafirði Ingvi Stefánsson, bóndi í Eyjafirði, er nýr formaður Svínaræktarfélags Íslands.
26.jún. 2017 - 13:30 Akureyri vikublað

Skemmtilegir Gleðidagar

Spennandi keppni Keppt var í alls kyns skemmtilegum íþróttum. Heimilisfólk, gestir og gangandi skemmtu sér konunglega á Gleðidögum sem haldnir voru á Dvalarheimilinu Hlíð á dögunum. Boðið var upp á kaffismökkun og ís auk þess sem haldnir voru Skrýtnu ólympíuleikarnir.
24.jún. 2017 - 19:00

Efla hlutverk Akureyrar: Sendinefnd frá Akureyri sótti kínversk-norræna ráðstefnu um samvinnu á heimskautasvæðum.

Í Kína Sendinefndin frá Akureyri ásamt gestgjöfum sínum. „Ferðin skilaði miklum tengslum sem sveitarfélagið, fyrirtæki og stofnanir í sveitarfélaginu geta byggt á til framtíðar og munu efla hlutverk Akureyrar sem miðstöðvar norðurslóða á Íslandi,“ segir Eiríkur Björn Björgvinsson, bæjarstjóri Akureyrar, sem var á dögunum boðið að halda erindi á Kínversk-norrænu ráðstefnunni um samvinnu á heimskautasvæðum (CNARC) sem fram fór nú í lok maí í borginni Dalian í Kína.
24.jún. 2017 - 13:00

„Paellan hans pabba í uppáhaldi“

Greta Huld Mellado Greta Huld Mellado notast helst við fljótlegar og þægilegar uppskriftir. Greta féllst á að gefa lesendum Akureyri Vikublaðs uppáhaldsuppskriftirnar sínar.


24.jún. 2017 - 07:30

Fundur fólksins norður

Ketill Berg Magnússon, stjórnarformaður Almannaheillar, og Þuríður Helga Kristjánsdóttir, framkvæmdastjóri Menningarfélags Akureyrar Lýðræðishátíðin Fundur fólksins verður haldin í þriðja skipti í september, þá í fyrsta skipti á Akureyri.
23.jún. 2017 - 12:30

Fékk að fara í gegn: Gamall draumur Þórólfs í Lundi rættist á afmælisdaginn

Feðgarnir eftir ferðalagiðÞórólfur og Jón, sonur hans, eftir ferðalagið í gegnum heiðina.Mynd: Vaðlaheiðargöng „Það er mjög gaman að fá að taka þátt í að uppfylla drauma manns sem man tímanna tvenna og veit hvað bættar samgöngur skipta miklu máli,“ segir Valgeir Bergmann, framkvæmdastjóri Vaðlaheiðarganga, sem bauð Þórólfi Guðnasyni, betur þekktum sem Þórólfi í Lundi, í bílferð í gegnum Vaðlaheiðargöng á afmælisdegi Þórólfs.
22.jún. 2017 - 22:00 Akureyri vikublað

„Ég get ekki meira“ - Tæplega sjötug amma á Akureyri biður um úrræði fyrir dóttursyni sína

Myndin tengist ekki efni fréttarinnar beint. „Ég get bara ekki meira,“ segir tæplega sjötug amma á Akureyri sem er orðin úrkula vonar um að dóttursynir hennar tveir fái viðeigandi aðstoð. Drengirnir eru lögráða en í neyslu og að sögn konunnar ófærir um að sjá um sig sjálfir. Þeir búi í íbúð á vegum Akureyrarbæjar en þurfi meiri aðstoð en sem nemur búsetuúrræði.
22.jún. 2017 - 12:00 Akureyri vikublað

Landsliðsfyrirliðinn Aron Einar í viðtali - „Það er allt undir í hverjum einasta leik en þannig þrífumst við best“

Akureyringurinn og fyrirliði íslenska karlalandsliðsins í knattspyrnu, Aron Einar Gunnarsson, gekk að eiga Kristbjörgu Jónasdóttur á laugardaginn, sjálfan þjóðhátíðardaginn. Í einlægu viðtali ræðir Aron Einar um lífið í Cardiff, fyrirliðabandið, fjölskylduna, framtíðina og hvað þurfi til að ná langt í hörðum heimi atvinnumennskunnar.
18.jún. 2017 - 22:00

Faraldur

Theodór Ingi Ólafsson Undanfarin ár hefur mikill faraldur geisað á Akureyri og reyndar víðar á landinu. Ég hef séð á eftir hverjum vininum á fætur öðrum í hendur þessa vágests. Vágests sem heltekur þau sem hans verða og umbreytir í eitthvað óþekkjanlegt. Þau sem sýkst hafa kvarta ekki yfir því sjálf, enda virðist helsta einkennið vera stórtækur heilaþvottur. Þau telja sig meira að segja vera orðin besta útgáfan af sjálfum sér.
18.jún. 2017 - 11:00 Akureyri vikublað

„Innflytjendavandinn“ á Akureyri

Inga Sigrún Atladóttir Fyrir nokkru kom Hermína Gunnþórsdóttir frá HÍ á skólanefndarfund þar sem hún kynnti fyrir nefndinni niðurstöður rannsókna á aðlögun innflytjenda í grunnskólum á Akureyri.
17.jún. 2017 - 09:45

Uppáhalds uppskriftir hindrunarhlaupara: „Mér finnst ekkert gaman að elda en ég elska að borða“

Markmið bræðranna var að sjá hvort þeir gætu klárað hlaupið. Þeir enduðu í grennd við 900. sæti af 2.000 keppendum. Björn Fannar Hafsteinsson tók nýlega þátt í hindrunarhlaupinu Tough Viking í Noregi. Hlaupnir voru 10 kílómetrar í fjöllunum auk þess sem keppendur þurftu að leysa 40 þrautir á leiðinni. Björn Fannar segir hér frá ævintýrinu auk þess sem hann deilir sínum uppáhaldsuppskriftum með lesendum.
17.jún. 2017 - 08:00 Akureyri vikublað

Yfirheyrslan: Silja Jóhannesdóttir

Silja Jóhannesdóttir Silja Jóhannesdóttir er verkefnastjóri Raufarhafnar og framtíðar og Öxarfjarðar í sókn. Silja borðar hafragraut í morgunmat og er lökust í þrifum.
15.jún. 2017 - 19:00 Akureyri vikublað

Ánægðastur í allsleysinu

Þórolfur Guðnason Þórólfur Guðnason, sem oftast er kallaður Þórólfur í Lundi, á 98 ára afmæli í dag, 15. júní. Þórólfur bjó í rúm 90 ár í Lundi í Fnjóskadal en dvelur nú Dvalarheimilinu Hlíð. Í einlægu viðtali ræðir hann um æskuna, kreppuárin, ástina, tækniþróunina, Vaðlaheiðargöng, sem hann hefur alltaf verið jákvæður gagnvart, og leyndarmálið að baki því að ná svo háum aldri.
15.jún. 2017 - 15:30

337 útskrifuðust

Frú Eliza Reed forsetafrú var heiðursgestur útskriftarhátíðarinnar. Þann 10. júní voru 337 kandídatar útskrifaðir á háskólahátíð Háskólans á Akureyri. Hátíðarhöldin hófust með ávarpi Eyjólfs Guðmundssonar rektors. Eliza Reed forsetafrú var heiðursgestur hátíðarinnar en Vigdís Diljá Óskarsdóttir, kandídat í fjölmiðlafræði, flutti ávarp fyrir hönd þeirra sem útskrifuðust.
15.jún. 2017 - 14:08 Akureyri vikublað

19 ára sonur Huldu er á götunni á Akureyri - „Ég henti honum út milli jóla og nýárs“

Tæplega 19 ára sonur Huldu Jóhannsdóttur er á götunni á Akureyri. Drengurinn hefur átt erfitt frá barnæsku en hann er í neyslu og með fjölda greininga á bakinu. Hulda hefur fengið nóg af úrræðaleysinu og stígur fram með sögu mæðginanna. „Staðan er bara hræðileg,“ segir Hulda Jóhannsdóttir, móðir 18 ára drengs sem er á götunni á Akureyri. 
11.jún. 2017 - 22:00 Akureyri vikublað

Mótmæla brottvikningu Kristjáns: „Fólki líkar auðsjáanlega ekki svona vinnubrögð“

„Viðbrögðin hafa komið mér í opna skjöldu og eru varla verðskulduð en mér þykir vænt um þetta. Fólki líkar auðsjáanlega ekki svona vinnubrögð,“ segir Kristján Þorbjörnsson, yfirlögregluþjónn á Blönduósi, sem vikið var frá störfum í síðasta mánuði, inntur eftir þeim viðbrögðum sem brottvikningin hefur vakið. Undirskriftasöfnun þar sem uppsögn Kristjáns er mótmælt er á netinu og þegar þetta er skrifað hafa rúmlega 600 manns skrifað undir. Stefnt er að því að færa Sigríði Á. Andersen dómsmálaráðherra undirskriftirnar þegar nöfnin ná eitt þúsund talsins.
11.jún. 2017 - 17:00 Akureyri vikublað

Hjólað til styrktar krabbameinssjúkum börnum

Þann 7. júlí næstkomandi leggja rúmlega 30 Íslendingar af stað hjólandi frá Kaupmannahöfn til Parísar en leiðin er alls tæpir 1.300 kílómetrar. Team Rynkeby Ísland nefnist hópurinn og er hluti af norrænu góðgerðarhjólaverkefni sem hefur verið starfrækt á hinum Norðurlöndunum um nokkurt skeið. Þetta er í fyrsta skipti sem Ísland tekur þátt í verkefninu. 
11.jún. 2017 - 14:00 Akureyri vikublað

Pálmi: „Ég efast ekki um að lífið verði ljúft hinum megin við skagann líka“

Körfuboltamaðurinn Pálmi Geir Jónsson mun spila með Þór í Domino’s-deildinni á komandi leiktíð. Pálmi er alinn upp í Tindastóli en hlakkar til að taka leikinn skrefinu lengra. Hann féllst á að gefa lesendum Akureyri Vikublaðs sínar uppáhaldsuppskriftir. „Þetta er frábært tækifæri fyrir mig til að taka leik minn skrefinu lengra, sýna hvað ég get, verða betri leikmaður og sanna mig,“ segir körfuboltamaðurinn Pálmi Geir Jónsson, sem hefur gert tveggja ára samning við Þór og mun spila með liðinu í Domino’s-deildinni á komandi leiktíð.
11.jún. 2017 - 09:00 Akureyri vikublað

Elín Inga fór ein til Berlínar: „You don’t have any friends?“

„You don’t have any friends?“ spurði maðurinn sem ég hugðist kaupa af falafel og djúpsteiktan halloumi í Berlín fyrir fáeinum vikum. „You know it’s not beer?“ bætti hann við á meðan ég kyngdi gúlsopa af Club Mate úr flösku sem ég hafði þegar gripið og opnað, þyrst og gengin upp að hnjám. Ég brosti út í annað og pantaði. 
10.jún. 2017 - 18:00 Akureyri vikublað

Guðrún Ágústa í yfirheyrslu

Píratinn Guðrún Ágústa Þórdísardóttir tók sæti á Alþingi í síðustu viku. Guðrún spinnur á rokk og elskar Star Trek. Fullt nafn, aldur og starfstitill? „Guðrún Ágústa Þórdísardóttir.“ Stjörnumerki? „Krabbi.“ Nám? „B.Sc-gráða í rekstrarfræði frá HA og diplóma í kynjafræði frá HÍ.“
10.jún. 2017 - 15:00 Akureyri vikublað

Ítalskur sonur á heimilið

Það var skyndiákvörðun hjá okkur Láru, dóttur minni, að taka skiptinema. Við vorum að flytja til Íslands, hún hefur lengi gælt við þá hugmynd að fara sjálf í skiptinám, og svo sá hún auglýst að það bráðvantaði fjölskyldur fyrir einhverja nema í ágúst síðastliðnum. Ég sendi AFS línu og eftir örfáa daga var frágengið að hann Gabriele frá Ítalíu kæmi til okkar og var raunar kominn til Íslands á undan okkur þar sem við vorum ekki enn fluttar heim.
10.jún. 2017 - 09:00 Akureyri vikublað

Vilja Costco norður: „Hingað myndi fólk koma allt frá Blönduósi til Austfjarða til að versla“

„Við vorum átta saman í Vaglaskógi og vorum að ræða komu Costco til landsins og þann aðstöðumun sem oft er milli landsbyggðar og höfuðborgarsvæðisins og upp úr því kviknaði hugmyndin að stofna þennan þrýstihóp,“ segir Berglind Júdith Jónasdóttir sem stofnaði Facebook-síðuna Costco til Akureyrar sem telur tæplega átta þúsund meðlimi þegar þetta er skrifað.
09.jún. 2017 - 07:00 Indíana Ása Hreinsdóttir

Enn eitt hryðjuverkið

Reglulega heyrum við fréttir af skelfilegum fjöldamorðum þar sem saklaust fólk, á röngum stað á röngum tíma, er myrt með köldu blóði. Á nokkrum vikum hafa þrjú mannskæð hryðjuverk verið framin í Bretlandi einu. Ekki það að hryðjuverkamenn séu að beina sjónum sínum eitthvað frekar að landinu því samkvæmt virtum sérfræðingi í hryðjuverkaógn, sem rætt var við í New York Times í vikunni, eru mannskæðu hryðjuverkin sem við lesum um aðeins toppurinn af ísjakanum af öllum þeim tilraunum sem hryðjuverkamennirnir reyna að framkvæma.
08.jún. 2017 - 20:00 Akureyri vikublað

Jónsi saknar ekki frægðarsólarinnar: „Kannski finnst fólki ég algjör rasshaus“

Jón Jósep Snæbjörnsson, eða Jónsi í Svörtum fötum eins og hann er best þekktur, saknar ekki þess tímabils þegar frægðarsól hans skein sem skærast. Í einlægu viðtali ræðir Jónsi um fjölskylduna og uppeldi strákanna sinna, farsælan ferilinn sem er hvergi nærri lokið, popparaímyndina sem hann skapaði, ábyrgðina sem fylgir frægðinni, ástina sem hann fann í MA og tónleikana sem hann og hljómsveitin ætla að halda í gamla heimabænum hans um næstu helgi.
05.jún. 2017 - 10:00 Akureyri vikublað

Kennarafræði við HA – ekki bara kennitala

Ég er að ljúka mínu öðru ári við kennaradeild Háskólans á Akureyri. Þegar ég hóf nám við skólann óraði mig ekki fyrir því hversu virkan þátt ég ætti eftir að taka í málefnum er snerta kennaranema og kennarastarfið. Hér mun ég ekki fara nánar út í það hvernig hægt sé að auka aðsókn í kennaranám en get þó ekki stillt mig um að benda á villandi umræðu um fjölda nemenda í kennarafræði. 
05.jún. 2017 - 07:00 Akureyri vikublað

Halldór: „Þú, sama hver þú ert, átt að hafa rödd“

Ég hef heyrt oftar en einu sinni að Píratar séu borgarflokkur, að Píratar nenni ekki upp fyrir Elliðaárdalinn, að Píratar rati ekki út úr Reykjavík. Það er allt fjarri sanni. Á Norðurlandi eystra er starfandi Píratafélag, PáNA, sem hefur staðið fyrir nær vikulegum fundum síðustu mánuði þar sem rætt er um allt á milli himins og jarðar. 
04.jún. 2017 - 16:00 Akureyri vikublað

Knattspyrnuþjálfarinn Donni í yfirheyrslu

Halldór Jón Sigurðsson, betur þekktur sem knattspyrnuþjálfarinn Donni, heldur með Manchester United í enska boltanum. Fullt nafn, aldur og starfstitill: „Halldór Jón Sigurðsson (Donni), 33 ára, knattspyrnuþjálfari.“ Nám? „B.sc. í íþrótta- og heilsufræði frá HÍ og UEFA A-gráða í knattspyrnuþjálfun.“
03.jún. 2017 - 18:00 Akureyri vikublað

Eru foreldrar að hvetja börn sín til að taka ábyrgð?

Ég var ekki gömul þegar mamma og pabbi hvöttu mig til að leggja mitt af mörkum. Að moka snjó af tröppum eða bjóðast til að fara í búðina fyrir aldraða nágranna var alvanalegt verkefni á snjóþungum vetrum eða þegar hálka var mikil. Þegar einhver nágranninn hafði ekki sést lengi, var ég send til að athuga hvort hann vantaði hjálp.
03.jún. 2017 - 16:00 Akureyri vikublað

Björk setur stefnuna á gullið: „Þetta verður slagur“

Akureyringurinn og afreksíþróttakonan Björk Óðinsdóttir keppir á Evrópuleikunum í crossfit um helgina þar sem hún setur stefnuna á gullið. Í einlægu viðtali ræðir Björk um íþróttaferilinn, fjölskylduna, fórnirnar fyrir sportið, unnustann og bónorðið sem hún bar upp, ótrúlegan árangur Íslendinga í crossfit, barneignir, sjónvarpsferilinn og drauminn um að verða leikkona.
02.jún. 2017 - 21:00 Akureyri vikublað

„Þetta er landsliðið okkar, ekki landsliðið mitt“

Freyr Alexandersson, landsliðsþjálfari kvenna í knattspyrnu, hefur tilkynnt hópinn fyrir komandi vináttuleiki gegn Írlandi og Brasilíu. Athygli vekur að engin leikmaður úr toppliði Þórs/KA er á listanum. „Leikmenn Þórs/KA eru að standa sig gríðarlega vel og eiga hrós skilið fyrir sína frammistöðu. Ég hef ekkert nema jákvætt um þær að segja. Við erum að fylgjast með tveimur ungum stelpum, þeim Andreu og Önnu Rakel, sem eru báðar í U 19-liðinu. Þær eru mjög efnilegar stelpur sem verða vonandi landsliðsmenn á einhverjum tímapunkti. En eins og staðan er núna þá eru þær lykilmenn í U 19 þar sem er best fyrir þær að fá að vaxa. Lillý Rut er einnig mjög nálægt hópnum og Bryndís Lára líka. Hún er næst inn af markvörðunum,“ segir Freyr í samtali við Akureyri Vikublað.
02.jún. 2017 - 07:00 Indíana Ása Hreinsdóttir

Íslenska keppnisskapið

Í ár eru tíu ár frá hinu fræga 2007 – árinu þegar trú okkar á að hamingjuna væri að finna í stórum flatskjáum, glansandi eldhúsinnréttingu og sverustu gerð af Range Rover náði hámarki. Ári villtra drauma og takmarkalauss aðgangs að lánsfé. Árinu þegar keppnin um að eiga mest náði hátindi sínum.
01.jún. 2017 - 20:00 Akureyri vikublað

Bjórböðin opnuð í dag: „Hér verður ekkert fyllerí – bara slökun, ró og friður“

Bjórböðin verða opnuð í dag, fimmtudag. Ragnheiður Ýr Guðjónsdóttir rekstrarstjóri segir að um heilsulind sé að ræða. Nýr veitingastaður við Bruggsmiðjuna Kalda verður einnig opnaður í dag. Ragnheiður, sem er sérstaklega spennt fyrir heimagerða bjór-borgaranum, féllst á að gefa lesendum Akureyri Vikublaðs sínar uppáhaldsuppskriftir.
28.maí 2017 - 14:00 Akureyri vikublað

Framtíðin björt í Listagilinu

Framkvæmdir við Listasafnið á Akureyri í Listagilinu hafa staðið lengi til og lengi verið í umræðunni. Um stóra og umfangsmikla framkvæmd er að ræða, að miklu leyti uppsafnað viðhald margra ára. Kominn er tími til að ráðast í viðhald á húsnæðinu áður en það skemmist með þeim afleiðingum að erfitt yrði að nýta það.
28.maí 2017 - 10:30 Akureyri vikublað

Eiríkur G. Stephensen í yfirheyrslu

Eiríkur G. Stephensen er skólastjóri Tónlistarskóla Eyjafjarðar. Eiríkur ætlaði að verða flugmaður en er bestur í Olsen Olsen. Fullt nafn og starfstitill: „Eiríkur G. Stephensen, skólastjóri Tónlistarskóla Eyjafjarðar.“ Nám? „Blásarakennarapróf og tónfræðadeildarpróf Tónlistarskólans í Reykjavík, MA í Menningarstjórnun frá Háskólanum á Bifröst.“
27.maí 2017 - 20:00 Akureyri vikublað

Halla Bergþóra: „Gerendurnir nærast á þögninni“

Á laugardaginn var var haldin ráðstefnan Einn blár strengur, í Háskólanum á Akureyri, sem fjallaði um kynferðisofbeldi gegn drengjum. Einn blár strengur er vitundarvakning um kynferðislegt ofbeldi gegn drengjum en samkvæmt erlendum rannsóknum er talið að einn af hverjum sex drengjum verði fyrir kynferðisofbeldi fyrir 18 ára aldur. Einn strengur í gítar vísar því til þess.