Þögn bankanna óþolandi

Hún er einfaldlega óþolandi þessi þögn bankanna. Við verðum að gera eitthvað í þessu,

Hann sagði athyglisverðan póst að ganga manna í millum og hvatti kaffistofugesti til að vera með.

En hvernig er þá pósturinn og um hvað er hann?

Mér barst þessi póstur og ég varð að áfram senda hann á þig til þess að við öll hjálpumst að og knýjum á að lögum og reglum í landinu sé framfylgt.

Þann 15. febrúar síðastliðinn féll enn einn dómurinn í hæstarétti sem skar úr um það að þessi svokölluðu erlendu lán eru ólögleg sem og framkvæmd þeirra og endurútreikningar. Nú er apríl mánuður langt liðinn og ekkert hefur heyrst frá lánastofnunum þessa lands um það hvernig þær hyggjast endurútreikna lánin og koma sínum málum á hreint við okkur lántakendur.
Já það erum næstum 2 og hálfur mánuðir síðan síðast dómur var kveðinn upp í sambandi við erlendu lánin og lánastofnanirnar hafa ekki sýnt neitt frumkvæði eða vilja til þess að bæta fyrir það tjón sem þær hafa valdið okkur lántakendum heldur þvert á móti þá keppast þær við að finna allar leiðir til þess að seinka leiðréttingu á þessum gjörðum sínum eða sleppa algjörlega við að hlýta þessum dómi.
Ég veit ekki betur en að ef ég er dæmdur fyrir sviksemi og þjófnað (en þetta getur ekki kallast neitt annað) þá hef ég engra aðra kosti en að taka út þá refsingu sem mér er sett eða leiðrétta fyrir misgjörðir mínar.
Kæri lántakandi sýnum samstöðu, tökum okkur 5 mínútur á dag þar til að okkar mál hafa verið leiðrétt og hringjum í þær lánastofnanir sem að við erum í viðskiptum við og spyrjumst fyrir um það hvernig þær hyggjast leiðrétta fyrir sviksemi sína.

Ég hringdi í þá lánastofnun sem að ég er í viðskiptum við og svörin sem að ég fékk væri að þeir væru að bíða eftir niðurstöðu annars máls sem væri fyrir hæstarétti. Þegar ég svo spurði hvaða mál það væri komu engin svör og ekki fékk ég að tala við neina yfirmenn því að engin gat svarað neinu sem þessu tengdist.

Við lántakendur eigum þá heimtingu að við fáum okkar leiðréttingu strax en hana fáum við ekki nema að við stöndum saman og beitum þrýstingi, hringjum öll á hverjum degi eitt símtal og krefjumst svara þar til að við höfum fengið leiðréttingu.

Það mun skila sér.

ps. áframsendu þennan póst á eins marga og þú getur eins fljótt og þú getur og fáum Íslendinga til þess að standa saman, það hefur ekki verið okkar sterkasta hlið hingað til.