27. jan. 2010 - 09:26

Hið smærra og stærra samhengi

Mjög er nú rætt um bága fjárhagsstöðu sveitarfélagsins Álftaness og greiðsluþrot þess sem mun óumflýjanlegt, verði ekki gripið til bráðaaðgerða á ótal sviðum.

Staðan er einhvern veginn svona: Sveitarfélagið hefur staðið í gríðarlegum fjárfestingum á undanförnum árum; augljóslega offjárfest gífurlega miðað við sjálfbært tekjustreymi og sýpur nú seyðið af því, auk þess sem erlend lán hafa rokið upp úr öllu valdi.

Gjaldþrot blasir því við að óbreyttu; engir peningar eru til í kassanum til að borga laun eða lán og málið komið inn á borð ríkisstjórnarinnar. Sameining við stærra nágrannasveitarfélag blasir við; eftirlitsnefnd sveitarfélaga og samgönguráðuneytið krefjast hærri skattprósentu, aukinna tekna með hærri gjöldum og niðurskurðar upp á 300 milljónir króna næstu árin. Stjórnmálamenn í sveitarfélaginu segja það óframkvæmanlegt, velferðarkerfið rústist við það og fólk muni flytja brott í stórum stíl.

Tökum þetta saman í eina stutta setningu:

Sveitarfélag hefur offjárfest stórkostlega. Peningar eru búnir, gjaldþrot blasir við. Eftirlitsnefnd hefur málið til meðferðar og krefst niðurskurðar á öllum sviðum og aukinna tekna. Nágrannasveitarfélög hafa verið beðin um aðstoð. Biðlað er til ríkisstjórnarinnar um að koma til bjargar.

Förum svo í léttan samkvæmisleik: Tökum sveitarfélag út og setjum Ísland í staðinn. Eftirlitsnefnd fellur jafnframt brott og inn kemur Alþjóðagjaldeyrissjóðurinn. Nágrannasveitarfélög út, inn með nágrannalöndin. Og út með ríkisstjórnina og inn með Evrópusambandið.

Hvernig hljómar setningin þá?

Ísland hefur offjárfest stórkostlega. Peningar eru búnir, gjaldþrot blasir við. Alþjóðagjaldeyrissjóðurinn hefur málið til meðferðar og krefst niðurskurðar á öllum sviðum og aukinna tekna. Nágrannalöndin hafa verið beðin um aðstoð. Biðlað er til Evrópusambandsins um að koma til bjargar.

Hljómar kunnuglega, ekki satt?

Ertu með athyglisverða ábendingu sem gæti átt heima á Kaffistofu Pressunnar?
Sendu okkur póst á kaffistofan@pressan.is - fyllsta trúnaðar gætt.

02.sep. 2010 - 18:31 Kaffistofan

Gera kratarnir uppreisn?

Á kaffistofunni fyrr í dag var bent á að Íslandi sé í dag stjórnað af stjórnmálaafli sem margir héldu í raun að væri komið til feðra sinna, nefnilega Alþýðubandalaginu.

02.sep. 2010 - 11:40 Kaffistofan

Alþýðubandalagið lifi!

Alþýðubandalagið er dautt. Lengi lifi Alþýðubandalagið!

02.sep. 2010 - 10:15 Kaffistofan

Dýrar spurningar?

Gestur með fálka í barmi leit við í morgunte. Hann grúfði sig yfir nýprentað Viðskiptablaðið, sagði svo upp úr eins manns hljóði:

01.sep. 2010 - 21:26 Kaffistofan

Hún Jóhanna átti að bregða hnífnum

Hún leyfir Kristjáni Möller að sprikla í snörunni. Nú segir fréttastofa RÚV blákalt að gríðarleg óánægja sé á landsbyggðinni með að Kristján eigi að axla sín skinn! Einmitt það?

01.sep. 2010 - 09:32 Kaffistofan

Hver er þessi Oddný?

Hver er þessi Oddný Harðardóttir sem allt í einu er orðin ráðherrakandídat? spurði ungur og fávís gestur á kaffistofunni. Annar eldri og ívið gleggri gestur okkar gat svarað því:

31.ágú. 2010 - 19:45 Kaffistofan

Nú er stand á Goddastöðum

Sjáandinn var kampakátur á kaffistofunni, enda hefur hann reynst sannspár með afbrigðum síðustu daga.

31.ágú. 2010 - 15:53 Kaffistofan

Karlinn er helvíti reffilegur

Það er kunnara en frá þurfi að segja að æðstu yfirmenn Ríkisútvarpsins hafi einfaldan smekk þegar kemur að framkomu og klæðaburði og velji aðeins það besta.

31.ágú. 2010 - 11:20 Kaffistofan

Spaugstofan á Stöð 2?

Spaugstofumenn hafa óvænt boðað til blaðamannafundar í sjálfu Þjóðmenningarhúsinu kl. 14 í dag.

31.ágú. 2010 - 08:33 Kaffistofan

Jóhannes... í Bónus... í Færeyjum?

Menn velta sér nú mikið upp úr þeirri stöðu sem komin er upp í Högum.

30.ágú. 2010 - 12:59 Kaffistofan

Dýrð sé Guði í háum upphæðum

Þeir sem sækja messur þekkja vel þegar tónað er: Dýrð sé Guði í upphæðum. Færri tengja þetta hins vegar við fjármagn.

29.ágú. 2010 - 16:09 Kaffistofan

Úr kristalskúlu sjáandans

Sjáandinn leit við á kaffistofunni, strauk regndropa af kristalskúlunni, og sagði:

28.ágú. 2010 - 08:17 Kaffistofan

Guðfinna í Landsbankann?

Eins og fram hefur komið á Pressunni síðustu daga, er nokkur titringur meðal starfsmanna Landsbanka Íslands með það óvænta útspil Steinþórs Pálssonar bankastjóra að gjörbreyta skipuriti bankans, segja upp öllum framkvæmdastjórnum og auglýsa stöður þeirra að nýju lausar til umsóknar.