15. jan. 2016 - 09:10Kaffistofan

Áfall fyrir réttarríkið

Hreinn Loftsson hæstaréttarlögmaður furðar sig á niðurstöðu Héraðsdóms. Hann segir eitthvað mikið að hjá dómstól sem kveði upp slíkan dóm.

Hreinn Loftsson hæstaréttarlögmaður furðar sig á niðurstöðu Héraðsdóms. Hann segir eitthvað mikið að hjá dómstól sem kveði upp slíkan dóm.

Á kaffistofunni rákust menn á athyglisverða færslu Hreins Loftssonar, hæstaréttarlögmanns, útgefanda og fv. aðstoðarmanns forsætisráðherra.

Hreinn setti færsluna á Facebook-síðu sína og er birt hér í heilu lagi:

„Eftir lestur greinar Jóns Steinars Gunnlaugssonar „Réttarríki?“ tók ég mig til og las dóminn yfir Lárusi Welding fyrrverandi forstjóra Glitnis banka sem kveðinn var upp í Héraðsdómi Reykjavíkur rétt fyrir jólin. 

Eftir þann lestur er ég sannfærður um að það er eitthvað að hjá þeim dómstól sem kveður upp slíkan dóm. Ég er algjörlega sammála Jóni Steinari um þá niðurstöðu að dómurinn sé „mikið áfall fyrir þá sem vilja reyna að halda uppi réttarríki á Íslandi,“ svo vitnað sé orðrétt í greinina.

Lárus var dæmdur fyrir umboðssvik á grundvelli 249. gr. almennra hegningarlaga nr. 19/1940, sem er það lagaákvæði sem á við um slík brot. Orðalag ákvæðisins er svohljóðandi: „Ef maður, sem fengið hefur aðstöðu til að gera eitthvað, sem annar maður verður bundinn við, eða hefur fjárreiður fyrir aðra á hendi, misnotar þessa aðstöðu sína, þá varðar það fangelsi allt að 2 árum, og má þyngja refsinguna, ef mjög miklar sakir eru, allt að 6 ára fangelsi.“

Í greinargerð með þessu ákvæði laganna – sem hefur verið óbreytt í 75 ár – er sérstaklega vakin athygli á að ákvæðið eigi ekki einungis við um eiginlegt umboð, heldur einnig aðra aðstöðu til að gera eitthvað er bindur annan mann. Seinni verknaðarþáttur ákvæðisins, „hefur fjárreiður fyrir aðra á hendi“, gerir beinlínis ráð fyrir mistnotkun stöðuumboðs. Í þessu felst að hugtakið „umboð“ er þrengra en orðalag ákvæðisins.

Í ljósi framangreinds hefur einn helsti sérfræðingur landsins á þessu sviði, Jónatan Þórmundsson, fv. prófessor í refsirétti, sett fram skilgreiningu á umboðssvikum sem kennd er í háskólunum og hljóðar á þennan veg: „Umboðssvik fela í sér einhliða og ólögmæta misnotkun aðstöðu eða trúnaðar til þess að gera eitthvað eða láta eitthvað ógert, sem annar maður eða lögaðili verður bundinn við, enda sé verkið af ásetningi unnið og í auðgunarskyni.“ 

Í þessari skilgreiningu felst, (1) að ásetningur til að misnota aðstöðu eða trúnað verður að vera til staðar og (2) misnotkunin verður að miða að auðgun fyrir viðkomandi eða einhvern annan. Bæði þessi atriði verða að vera til staðar svo unnt sé að sakfella fyrir brot gegn 249. greininni og saksóknara ber að sanna að svo hafi verið.

Gekk ekki misnotkun til

Varðandi fyrri þáttinn virðist mér veigamikil rök fyrir því að Lárus hafi alls ekki gengið það til að „misnota“ aðstöðu sína til tjóns fyrir bankann. Öðru nær. Honum virðist hafa gengið það til að draga úr áhættu bankans með lánveitingu til félagsins Stím í nóvember 2007. Framburður hans sjálfs og vitna bendir til að svo hafi verið. 

Ákvæði 249. gr. er tvíþætt eins og að framan greinir. Það felur í sér hið almenna stöðuumboð sem er svipað því sem á ensku er nefnt „fiduciary duty“. Það merkir að með starfi forstjóra í bankastofnun fylgir ábyrgð sem er ekki að öllu skrifuð í lög eða reglugerðir heldur lýtur að þeim skyldum sem tengjast þeim trúnaði sem fylgir því að vera fjárhaldsmaður, sjá til þess að rekstur og fjárreiður sem viðkomandi ber ábyrgð á sé almennt í lagi. 

Lárus virðist hafa verið að sinna þessu verki sínu og því verið í góðri trú þegar hann ásamt öðrum nefndarmönnum í áhættunefnd bankans tók ákvörðun um lánveitinguna ári fyrir hrun bankakerfisins haustið 2008. Erfitt er að ímynda sér að hann hafi þá verið í sambærilegri örvæntingu um framtíð bankans sem einkenndi verk sumra annarra bankastjóra sem hlotið hafa dóma fyrir umboðssvik á undanförnum misserum í aðdraganda hrunsins.

Dómurinn yfir Lárusi hvílir á þeirri forsendu að hann hafi farið út fyrir hið eiginlega umboð til lánveitinga en slíkt umboð er á ensku nefnt „mandate“. Hann hafi aðeins haft heimild til að lána einum aðila tiltekna fjárhæð en hann hafi farið út fyrir þá heimild. 

Í því efni verður að hafa í huga annars vegar að hann var að rækja hið almenna umboð sitt með lánveitingunni og hins vegar að ekki var um stórvægilegt frávik að ræða frá viðmiðunarmörkunum í því samhengi sem þarna var um að ræða. Þegar hann gerði sér grein fyrir frávikinu var lánveitingin borin undir stjórn bankans og samþykkt af henni eftirá.

Í mínum huga er ekki hægt að sakfella mann á þessum grundvelli fyrir umboðssvik. Í öllu falli er um mikið vafamál að ræða. Vafinn er það mikill að það hefði borið að sýkna hann vegna meginreglunnar um að allan vafa beri að meta sakborningi í vil.

Jón Steinar Gunnlaugsson fer ekki mörgum orðum um framangreind atriði í grein sinni. Meginefni greinar hans lýtur að því skilyrði 243. gr. almennra hegningarlaga að fyrir brot gegn ákvæði 249. gr. laganna skuli aðeins refsa að það sé framið í auðgunarskyni. Færir hann afar sannfærandi rök fyrir því að lánveitingin og viðskiptin sem tengdust henni hafi dregið úr fjárhagslegri áhættu Glitnis upp á a.m.k. tvo milljarða króna en ekki aukið við hana eins og refsiákvæðið gerir kröfu um. Bendir Jón Steinar á að Lárus Welding hafi ekki haft neinn persónulegan ávinning af lánveitingunni og um það hafi ekki verið deilt.

Ég þekki ekki Lárus Welding nema mjög lítillega. En eftir að hafa lesið dóminn og í ljósi greinar Jóns Steinars Gunnlaugssonar hef ég mikla samúð með honum og fjölskyldu hans. Þetta er ungur og öflugur einstaklingur sem lent hefur í þessum hremmingum og ég á þá von heitasta honum til handa að Hæstiréttur Íslands sýkni hann þegar málið verður tekið þar fyrir.“
Ertu með athyglisverða ábendingu sem gæti átt heima á Kaffistofu Pressunnar?
Sendu okkur póst á kaffistofan@pressan.is - fyllsta trúnaðar gætt.



26.apr. 2016 - 10:13 Kaffistofan

Fátt nýtt undir sólinni

Fríkirkjuvegur var ættaróðal Thorsaranna. Það á nú einn afkomendanna, Björgólfur Thor Björgólfsson. Aflandsfélög og skattaskjól eru mikið til umræðu í samfélaginu, eins og kunnugt er.
31.mar. 2016 - 12:08 Kaffistofan

Reiðin í samfélaginu

Það hefur verið mikil reiði í samfélaginu allt frá hruni og ekkert bendir til að sú reiði sé eitthvað á undanhaldi, ef marka má umræður síðustu daga og vikna.
11.mar. 2016 - 10:04 Kaffistofan

Mörgu er um manninn slett

A kaffistofuna barst nýskeð skemmtilegur kveðskapur um landskunnan lögmann og fv. dómara, sem ástæða er til að leyfa fleirum að njóta.
18.jan. 2016 - 22:25 Kaffistofan

Stóra snertingarmálið

Athygli Kaffistofunnar var vakin á því að fimmtudaginn 14. janúar s.l. hafi verið kveðinn upp í Hæstarétti dómur í stórbrotnu sakamáli (mál nr. 266/2015). Maður nokkur hafði verið ákærður fyrir brot gegn almennum hegningarlögum með því að hafa staðið á gangstétt í námunda við skemmtistað í Kópavogi og handleikið á sér getnaðarliminn. Virðast ekki aðrir hafa séð þessi ósköp gerast en þrír lögreglumenn í bifreið sem þarna var í nánd. Maðurinn sagðist hafa verið að kasta af sér þvagi. Hafi hann í lokin hrist liminn til að „losa sig við síðustu 2,3,4 dropana“.
18.des. 2015 - 16:06

Nú koma jólin

Pálmar Örn Guðmundsson er umsjónakennari 6 bekks í grunnskóla Grindavíkur. Hann er fæddur og uppalinn í Grindavík. Honum finnst mikilvægt að ná til allra og segir að hægt sé að kenna svo margt á aðra vegu en hefðbundið er. Hann notar mikið tónlist í sinni kennslu. Í viðtali við DV sagði Pálmar:
16.nóv. 2015 - 13:20 Kaffistofan

Hvað getur ein manneskja gert?

Fólki um allan heim er brugðið yfir voðafregnum síðustu daga. Ótti hefur gripið um sig. Sorgin er yfirþyrmandi og stutt í reiði og hatur sem geta haft enn verri afleiðingar.
23.okt. 2015 - 12:14 Kaffistofan

Ákveðin hagræðing

Landsfundir Sjálfstæðisflokks og Vinstri grænna eru haldnir um helgina. Svo virðist sem ákveðin hagræðing hafi náðist í drögum að ályktunum beggja flokka um umhverfismál.
24.sep. 2015 - 09:21 Kaffistofan

Athyglisverð niðurstaða

Kaffistofunni hefur borist bréf í tilefni af væntanlegri skipan nýs dómara við Hæstarétt Íslands.
14.sep. 2015 - 15:38 Kaffistofan

Einstök vinátta á geðdeildinni

„Faðir minn Jökull Jakobsson hefði orðið 82ja ára í dag en hann lést langt fyrir aldur fram 1978. Það mun flestum kunnugt að hann átti við sína púka að stríða og var ekki alltaf bestur sjálfum sér. En þegar ég birti mynd af honum áðan vegna afmælisdagsins, þá fékk ég þessa fallegu sögu af honum senda að norðan, og fékk síðan leyfi til að deila henni,“ segir rithöfundurinn Illugi Jökulsson á Facebook-síðu sinni í tilefni afmæli Jökuls Jakobssonar leikritaskálds. Illugi bætir við: „Mér þykir nú þegar ansi vænt um hana. Bréfið var svona:“
08.sep. 2015 - 13:56 Kaffistofan

Ennþá vandræðalegt?

Hinn tíunda apríl í vor lýsti Sigmundur Davíð Gunnlaugsson forsætisráðherra því yfir á flokksþingi Framsóknarflokksins að íslensk stjórnvöld hafi tjáð kröfuhöfum föllnu bankanna að ekki verði beðið lengur með afnám hafta. Áætlun þess efnis verður birt fyrir þinglok og lagður á sérstakur stöðugleikaskattur sem muni skila þjóðarbúinu hundruðum milljarða króna.
24.ágú. 2015 - 16:52 Kaffistofan

Pétur til Icelandair

Á kaffistofunni fregnuðu menn í dag af nýrri framkvæmdastjórastöðu hjá Icelandair Group og að í hana hefði ráðist einn hæfasti pr-maður þjóðarinnar.
28.júl. 2015 - 21:37 Kaffistofan

Að ganga frá sér sjálf

Sigurður G. Guðjónsson hæstaréttarlögmaður. Sigurður G. Guðjónsson hæstaréttarlögmaður, sem hefur verið opinber stuðningsmaður Samfylkingarinnar, frá stofnun flokksins, vandar honum ekki kveðjurnar í viðtali sem birtist í Viðskiptablaðinu á dögunum.
08.jún. 2015 - 16:17 Kaffistofan

Góð rannsóknarblaðamennska

Á kaffistofunni fylgdust menn með umræðum í þinginu í gærkvöldi, þar sem þingmenn stjórnarandstöðunnar gerðu því skóna að fundur hefði sérstaklega verið boðaður á sunnudagskvöldi vegna forsíðufréttar í föstudagsblaði DV um áætlun stjórnvalda um afnám gjaldeyrishafta.

05.jún. 2015 - 10:33 Kaffistofan

Getum við ekki verið nokkuð sátt?

Baldvin Jónsson / mynd DV Á Kaffistofunni rákust menn á ummæli Baldvins Jónssonar, kynningarfulltrúa íslenskra matvæla í vesturheimi, sem allrar athygli eru verð.

01.jún. 2015 - 10:32 Kaffistofan

Fréttamat

Á kaffistofunni rákust menn á minnisnótur Óla Björns Kárasonar, varaþingmanns og fyrrverandi ritstjóra, sem ræddi fréttamat Ríkisútvarpsins á fésbókinni um helgina.
24.apr. 2015 - 10:49 Kaffistofan

Ásgeir til Virðingar

Ásgeir hefur skrifað bækur á ensku um íslenska fjármálakerfið. Dr. Ásgeir Jóns­son, dós­ent í hag­fræði við Há­skóla Íslands, hef­ur verið ráðinn sem efnahagsráðgjafi Virðingar. Ráðning efnahagsráðgjafa er liður í að efla enn frekar starfsemi Virðingar, eins stærsta verðbréfafyrirtækis landsins sem varð til við sameiningu fyrirtækjanna Auðar Capital og Virðingar á síðasta ári. Aukin umsvif fyrirtækisins þykja kalla á frekari sjálfstæða ráðgjöf og greiningar á sviði efnahagsmála, sem nýst geti jafnt starfsmönnum og viðskiptavinum Virðingar.
26.mar. 2015 - 12:21 Kaffistofan

Alltaf sami söngurinn

Á kaffistofunni hafa menn fylgst lengi með stjórnmálum og fátt kemur á óvart í þeim bransa lengur. Það sem fólk gagnrýnir í stjórnarandstöðu praktíserar það sjálft í ríkisstjórn og öfugt. 
11.mar. 2015 - 12:11 Kaffistofan

Varnarleikur Össurar

Á kaffistofunni hafa menn oft gaman að stílbrögðum Össurar Skarphéðinssonar fyrrverandi utanríkisráðherra sem mundar pennann á Eyjunni og fésbók svo eftir er tekið.
04.mar. 2015 - 15:36 Kaffistofan

Forvitnilegt bíó

Á kaffistofunni eru menn spenntir fyrir bíósýningum sem stendur til að bjóða upp á í Bíó Paradís næstkomandi laugardag í tilefni þess að hálf öld er liðin frá láti Winstons Churchill, fyrrverandi forsætisráðherra Breta.
11.feb. 2015 - 00:24 Kaffistofan

Ásmundur í hundakofanum

Á kaffistofunni herma menn að Ásmundur Friðriksson sé ekki vinsælasti þingmaðurinn hjá forystu Sjálfstæðisflokksins þessa dagana.
24.jan. 2015 - 18:28 Kaffistofan

Velgengni Tómasar

Ein skærasta stjarnan í íslenskum bókaheimi þessi misserin er Tómas Hermannsson bókaútgefandi í Sögum útgáfu. Litla fyrirtækið hans gerist æ fyrirferðameira í útgáfu hér á landi og hefur þegar gert strandhögg í Svíþjóð.
19.jan. 2015 - 09:56 Kaffistofan

Sviptingar á fjölmiðlamarkaði

Blaðamannafélag Íslands og Félag fréttamanna standa í sameiningu fyrir pressukvöldi næstkomandi þriðjudagskvöld þar sem rætt verður um sviptingar undanfarið á íslenskum fjölmiðlamarkaði.
02.jan. 2015 - 21:31 Kaffistofan

Allt er dregið í efa

„Enn er tækifæri til að halda áfram lífsins göngu. Enn er tækifæri til að gera betur. Enn er tækifæri til að framkvæma og enn er tækifæri til að hugsa. Hugsun verður ekki frá okkur tekin hvað svo sem kommentakerfum líður eða öðrum þeim miðlum þar sem menn skiptast á skoðunum. Hugsun er sett í orð sem fara út í heiminn, þar sem þau eru móttekin, þeim er tekið vel eða illa, þau eru ef til vill misskilin, rangtúlkuð. Það fer eftir þeim huga er heyrir,“ sagði biskup.
04.des. 2014 - 10:41 Kaffistofan

Ólíkt hafast menn að

Það er tekist á um rekstrargrundvöll Ríkisútvarpsins þessi misserin eins og oft áður, réttindi þess, hlutverk og skyldur.
19.nóv. 2014 - 11:26 Kaffistofan

Skagfirska perlan Stefán

Stefán heitinn Guðmundsson var sannkölluð skagfirsk perla. Á kaffistofunni er að finna fjölmarga áhugamenn um íslensk stjórnmál, ekki síst spaugilegri hliðar þeirra.
11.nóv. 2014 - 09:36 Kaffistofan

Einfalt mál

Leiðréttingin er mál málanna og landsmenn keppast nú við að kíkja í tölvur sínar og kanna hvort og þá hve mikið þeir fá í endurgreiðslu vegna stökkbreyttrar vísitölu í hruninu.
05.nóv. 2014 - 15:39 Kaffistofan

Gylfi kemur út á bók

Fjölmargir aðdáendur knattspyrnusnillingsins Gylfa Sigurðssonar ættu að kætast, því nú er væntanleg bók um kappann.
29.okt. 2014 - 09:48 Kaffistofan

Þráhyggja gegn kirkjunni?

Hér á kaffistofunni hefur áður verið bent á, að margir innan þjóðkirkjunnar telja að Ríkisútvarpið sé í einhvers konar herferð gegn þjóðkirkjunni um þessar mundir og hafa týnt til ýmis dæmi því stuðnings.
13.okt. 2014 - 00:25 Kaffistofan

Að fatta ekki brandarann

Á Kaffistofunni ráku menn augun í vægast sagt einkennilega pistla eftir Jónas Kristjánsson og Björn Val Gíslason. Þeir félagar voru yfir sig hneykslaðir eftir að hafa horft á innslag í þætti Loga Bergmanns þar sem Sigmundur Davíð Gunnlaugsson forsætisráðherra var gestur. Logi kynnti gestum að þeim hefði tekist að lauma upptökuvél framan á forsætisráðherra og nú myndu áhorfendur heima í stofu fá að sjá hvernig týpískt hádegi liti út hjá Sigmundi Davíð.
30.sep. 2014 - 11:04 Kaffistofan

Meiðyrði og tjáningarfrelsi

Líklegt má telja að blaða- og fréttamenn og lögfræðingar muni fjölmenna á málþing Orators, félags laganema við Háskóla Íslands í næstu viku, en þar er ætlunin að ræða um meiðyrðalöggjöfina og tjáningarfrelsi fjölmiðla.
25.sep. 2014 - 12:09 Kaffistofan

Ásdís Rán ekki ólétt

Tímaritið Séð og heyrt hefur gengið í endurnýjun lífdaga eftir að fréttahaukurinn Eiríkur Jónsson settist tímabundið aftur í ritstjórastólinn.
23.sep. 2014 - 18:54 Kaffistofan

Þögnin ein

Einar Sigurðsson er fyrrverandi blaðamaður og upplýsingafulltrúi. Hann var líka útgefandi dagblaðs. Hann ætti því að vita, að þögnin ein dugir ekki. Á kaffistofunni voru menn og konur sammála um það í dag, að ekki gangi fyrir Einar Sigurðsson forstjóra Mjólkursamsölunnar, að hafna beiðnum fjölmiðla um viðtal í kjölfar úrskurðar Samkeppnisstofnunar í dag.
04.sep. 2014 - 11:03 Kaffistofan

Enn eitt viðtalið

Á kaffistofunni varð greinilega vart við pólitíska skjálfta í gær eftir útvarpsviðtal við dr. Tryggva Þór Herbertsson, fyrrverandi alþingismann Sjálfstæðisflokksins og verkefnisstjóra um framkvæmd skuldaleiðréttingarinnar í fjármálaráðuneytinu.
20.ágú. 2014 - 15:11 Kaffistofan

Guðfinnur til Umhverfisstofnunar

Fréttamaðurinn Guðfinnur Sigurvinsson hefur verið ráðinn upplýsingafulltrúi Umhverfisstofnunar.
19.ágú. 2014 - 22:11 Kaffistofan

Rós í hnappagat MP banka

Dr. Sigurður Hannesson. Breska fjármálatímaritið World Finance hefur valið MP banka fremstan í flokki á sviði eignastýringar á Íslandi 2014.
06.ágú. 2014 - 16:24 Kaffistofan

Afmæli ársins

Afmæli ársins er nú í undirbúningi í Hörpunni, en vatns- og Skífukóngurinn Jón Ólafsson fagnar þar sextugsafmæli sínu í kvöld að viðstöddu miklu fjölmenni.
03.ágú. 2014 - 16:53 Kaffistofan

Dómarar æfir af bræði

Stundum liggur við að fyrirfram megi skrifa handritið að látunum í lögfræðiheiminum á Íslandi. „Stóra lekamálið“ er gott dæmi.
01.ágú. 2014 - 10:59 Kaffistofan

Þá og nú

Á kaffistofunni hafa menn fylgst með viðbrögðum við skipan tveggja nýrra sendiherra og rifja upp af því ummæli ráðherra í síðustu ríkisstjórn.
23.júl. 2014 - 22:58 Kaffistofan

Vel af sér vikið

Á kaffistofunni fögnuðu menn í dag þeim tíðindum að Ísland hefði greitt upp lán frá Norðurlöndunum sem veitt voru eftir hrun og stóð til að greiða til baka árin 2019, 2020 og 2021.

 


07.júl. 2014 - 22:57 Kaffistofan

Af hverju ekki Hannes?

Á kaffistofunni hafa menn fylgst af áhuga með álitsgjöfum af vinstri vængnum fara hamförum yfir þeim tíðindum dagsins, að dr. Hannes Hólmsteinn Gissurarson prófessor hafi verið fenginn til að leiða rannsókn á vegum fjármálaráðuneytisins á erlendum áhrifaþáttum bankahrunsins haustið 2008.
20.jún. 2014 - 22:13 Kaffistofan

HM gleði hjá Gamma

Stefán Pálsson kann að koma fyrir sig orði. Hvort sem hann notar til þess gjallarhorn eður ei. Íslendingar eru sannarlega uppteknir af heimsmeistarakeppninni í fótbolta þessa dagana eins og aðrir jarðarbúar, enda hefur keppnin farið einstaklega vel af stað og mörg óvænt úrslit litið dagsins ljós.
17.jún. 2014 - 13:39 Kaffistofan

Afleikur Halldórs?

Fjölmargir gestir koma dag hvern við á kaffistofunni sem tengjast Sjálfstæðisflokknum á einn eða annan hátt. Þeir eru flestir undrandi á útspili sjálfstæðisflokksins í borgarstjórn og velta fyrir sér hvort endurtaka eigi mistökin frá því á síðasta kjörtímabili.
14.jún. 2014 - 12:50 Kaffistofan

Góða fólkið og kosningaloforðin

Frá kynningu nýs meirihluta í Æsufelli fyrir fjórum árum. Á kaffistofunni finnst mönnum fróðlegt sé að fylgjast með umfjöllun fjölmiðla og ýmissa álitsgjafa um nýjan meirihluta fjögurra flokka í borgarstjórn Reykjavíkur.
09.jún. 2014 - 10:38 Kaffistofan

Eftiráskýringar

Á kaffistofunni staldra menn við eftiráskýringar embættis Sérstaks saksóknara vegna sýknudóma sem féllu fyrir helgi í tveimur stórum málum á vegum embættisins gegn áberandi aðilum í íslensku viðskiptalífi fyrir hrun.
05.jún. 2014 - 09:06 Kaffistofan

Sigríður Heiðar nýr markaðsstjóri

Sigríður Heiðar. Sigríður Heiðar hefur verið ráðin markaðsstjóri ferðaþjónustufyrirtækisins Iceland Excursions Gray Line.
03.jún. 2014 - 23:02 Kaffistofan

Jón Gerald enn á eftir Jóni Ásgeiri

Morgunblaðið birtir á miðopnu í dag aðsenda grein eftir Jón Gerald Sullenberger kaupmann í Kosti og fjallar greinin að venju um Jón Ásgeir Jónsson athafnamann, en þeir nafnar hafa eldað grátt silfur saman um langt árabil, eins og þjóðin hefur fylgst með.
31.maí 2014 - 11:53 Kaffistofan

Merkimiði á frambjóðendur

Á fésbók í dag hafa skapast fjörugar umræður um innlegg Fréttablaðsins í kosningabaráttuna í Reykjavík með skopmynd á kjördegi þar sem sýndir eru allir oddvitar framboðanna í borginni en einn þeirra, væntanlega oddviti framsóknar, er sýndur í hvítum kufli sem væntanlega á að vísa til Ku klux klan öfgahreyfingarinnar í Bandaríkjunum, einhverrar ógeðfelldustu fjöldahreyfingar sögunnar.
26.maí 2014 - 11:00 Kaffistofan

Afmælisrit um áhrifakonur

Benedikt hefur fyrir hönd Frjálsrar verslunar leiðrétt misskilning um að hægt væri að kaupa sig inn á lista yfir íslenskar áhrifakonur. Tímaritið Frjáls verslun undibýr nú sérstakt rit til heiðurs íslenskum áhrifakonum.
23.maí 2014 - 17:13 Kaffistofan

Furðulegur málflutningur

Það er kunnara en frá þurfi að segja, að frambjóðendur fyrir kosningar geta átt á hættu að fara á taugum og láta þá frá sér einhverjar yfirlýsingar sem betur hefðu verið ósagðar.
19.maí 2014 - 11:21 Kaffistofan

Árni til Landsbankans

Árni Maríasson er snúinn aftur í Landsbankann. Landsbankanum hefur borist mikill liðsstyrkur með því að Árni Maríasson, sem verið hefur forstöðumaður lánasviðs MP banka, hefur verið ráðinn nýr forstöðumaður Markaðsviðskipta Landsbankans.

Kaffistofan
Mest lesið
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Magnús Þór Hafsteinsson
Magnús Þór Hafsteinsson - 26.11.2017
Trúverðugleiki í húfi
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Hannes Hólmsteinn Gissurarson
Hannes Hólmsteinn Gissurarson - 25.11.2017
Landsdómsmálið
Jón Steinar Gunnlaugsson
Jón Steinar Gunnlaugsson - 23.11.2017
Dómarar gæta hagsmuna sinna
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Börkur Gunnarsson
Börkur Gunnarsson - 22.11.2017
Nafnar
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Jón Steinar Gunnlaugsson
Jón Steinar Gunnlaugsson - 02.12.2017
Ánægjuleg tíðindi af dómurum
Fleiri pressupennar