11. maí 2017 - 20:00Akureyri vikublað

Sara greindist 34 ára með krabbamein: „Það er nánast búið að jarða mann við greiningu“

Síðustu mánuðir og ár hafa verið afar viðburðarík hjá Söru Ómarsdóttur og fjölskyldu hennar. Eftir margra ára árangurslausar tilraunir til að eignast annað barn sneru Sara og eiginmaður hennar sér að fósturkerfinu. Ári seinna fengu þau sex daga gamla stúlku í fangið. Ári síðar greindist Sara með krabbamein. Í einlægu viðtali ræðir Sara um baráttuna við ófrjósemina, dótturina sem er komin í varanlegt fóstur, veikindin og hvað þetta allt saman hefur kennt henni.

„Þetta er búið að vera mikill rússíbani og ég áttaði mig eiginlega ekki á álaginu sem við höfðum verið undir fyrr en sálfræðingurinn minn benti mér á það. Nú er ég að reyna að vinda ofan af þessu öllu og koma mér aftur inn í lífið. Við gerum reyndar grín að því hvað bíður okkar handan við hornið. Það hlýtur eitthvað að taka við,“ segir Sara Ómarsdóttir sem er óðum að jafna sig eftir brjóstakrabbamein en Sara fékk greininguna ári eftir að þau hjónin tóku nýfædda stúlku í varanlegt fóstur.


Mynd: Guðrún Þórs.

Heimurinn hrundi

Sara var aðeins 34 ára þegar hún greindist með krabbameinið. „Venjulega eru konur sem greinast með brjóstakrabba komnar yfir fimmtugt eða sextugt og læknirinn endurtók það aftur og aftur hversu ung ég væri. Á sama tíma var staðfest að afabróðir minn bæri BRCA-genið. Við það hrundi heimurinn því þá var ekki aðeins mín heilsa undir heldur heilsa allrar fjölskyldunnar. Það getur tekið allt að ár að fá úr því skorið hvort maður sé með genið en þar sem ég var á leiðinni í aðgerð fékk ég flýtimeðferð og sem betur fer kom í ljós að svo var ekki. Annars hefði ég líklega látið fjarlægja bæði brjóstin og eggjastokkana líka.“

Fann sjálf berið

Sara hefur lokið aðgerð og geislum en verður í andhormónameðferð áfram auk þess sem hún þarf að mæta reglulega í skoðun næstu árin.

„Ég er í rauninni ekki útskrifuð. Þetta er hormónatengt krabbamein og því þarf að slökkva á hormónakerfinu til að minnka líkur á að það taki sig upp aftur,“ segir Sara sem fann sjálf berið í brjóstinu.

„Ég vissi strax að þetta var eitthvað sem átti ekki að vera þarna og við tóku tvær vikur í paník með svefnleysi og áhyggjum. Tveimur mánuðum seinna var ég komin með greiningu. Þetta var hægvaxandi æxli sem var orðið fullvaxta en hafði ekki dreift sér, svo ég þurfti ekki að fara í lyfjameðferð. Ég var heppin; þetta fór eins vel og það mögulega gat farið.“

Grár og gugginn eiginmaður

Sara og eiginmaður hennar, Kristján Bergmann Tómasson, eða Mummi eins og hann er kallaður, eiga tvö börn, Jökul Bergmann, níu ára, og Heiðu, 17 mánaða. Jökull kom í heiminn með hjálp tækninnar en þrátt fyrir ítrekaðar tilraunir tókst Söru ekki að verða ófrísk aftur.

„Við vorum komin í smásjárfrjóvgun, sem er mesta mögulega inngripið, og eftir tvær fullar slíkar meðferðir ásamt uppsetningu á frystum fósturvísum ákváðum við að hætta þessu og reyna heldur að komast inn í fósturkerfið. Við vorum í þessu frjósemisstandi frá 2006 til 2014, alltaf að byggja upp hormónakerfið eða slökkva á því. Þetta var mikið álag, alltaf að reyna og verða fyrir vonbrigðum,“ segir hún en bætir við að sú lífsreynsla hafi hjálpað þeim að komast standandi í gegnum veikindin.

„Við höfðum gengið í gegnum ýmislegt saman og vorum sjóaðri fyrir vikið. Mummi leit oft verr út en ég þótt það væri ég sem væri í krabbameinsmeðferð. Hann var grár og gugginn enda undir miklu álagi; halda heimilinu gangandi, berjast við kerfið og púsla öllu saman ásamt því að styðja mig,“ segir hún en bætir aðspurð við að læknarnir hafi ekki geta svaraði því hvort frjósemismeðferðirnar hafi haft áhrif á krabbann.

Það eru ekki til neinar sannanir fyrir því en mögulega hjálpuðu þær ekki.


Líf eftir krabbamein Sara og félagar hennar hafa stofnað hjólaliðið Fuck Cancer og ætla taka þátt í Wow Cyclothon og sýna og sanna að krabbamein þarf ekki að vera dauðadómur. Mynd: Guðrún Þórs.

Símtalið sem breytti öllu

Heiða var aðeins sex daga gömul þegar hún kom til þeirra. „Ég var í vinnunni þegar ég fékk símtalið þar sem mér var tilkynnt að það væri lítil stúlka á vökudeildinni og hana vantaði heimili. Ég hringdi strax í Mumma og sagði honum að ég vildi fara suður strax. Ég vildi þetta barn og vissi að allt myndi bjargast. Mummi setur hins vegar alltaf varnagla á allt og vildi bíða og sjá, og fá svör við hinum og þessum spurningum.“

Sara fékk þó sínu framgengt og sama dag lögðu þau af stað suður með ungbarnastól í aftursætinu.

„Ég vissi að hann myndi aldrei segja nei eftir að hann væri búinn að sjá hana og það gekk eftir. Hún útskrifaðist til okkar og við gengum út af sjúkrahúsinu með þennan litla einstakling sem við tengdumst ekkert. Það var eins og við værum að sækja okkur hvolp. Þetta var svo súrrealískt. Innan 23 tíma fór fram getnaður, meðganga og fæðing,“ segir hún brosandi en af sjúkrahúsinu keyrði litla fjölskyldan til Keflavíkur þar sem foreldrar Söru bjuggu.

Svo fór þessi litla manneskja í aftur sætinu að gráta en ég sat fram í og hafði bara ekki áttað mig á því að mögulega þyrfti ég að sinna henni eitthvað.

37 sinnum í geisla

Eftir nokkra erfiða en dásamlega mánuði með nýju fjölskylduviðbótinni kom áfallið; krabbamein. „Venjulega þurfa konur að fara 15 sinnum í geisla en þar sem ég var svona ung þurfti ég að fara 37 sinnum. Það er sorglegt til þess að hugsa að þótt við séum með fjórðungssjúkrahús hér á Akureyri þá þarf maður að fara suður. Ég þurfti að mæta alla virka daga í geisla og það mátti ekki klikka og varð því að vera í tvo mánuði fyrir sunnan. Það allra erfiðasta var að þurfa að vera fjarri fjölskyldunni. Fjölskyldan gat ekki rifið sig upp með rótum og komið með. Strákurinn þurfti að mæta í skólann og hér er mest allt okkar tengslanet.“

Ef hún hefði greinst ári fyrr hefði Heiða ekki komið til þeirra.

Ef ég hefði greinst áður en hún kom hefðum við aldrei fengið hana. Í dag er ég stimpluð krabbameinssjúklingur í öllum bókum. Við vorum því mjög heppin með hvernig stjörnurnar röðuðust upp á stjörnuhimininn.

Varanlegt fóstur

Sex mánuðum eftir að Heiða kom til þeirra var staðfest að um varanlegt fóstur væri að ræða. „Hún er ekki að fara neitt frá okkur, á því er enginn vafi og vonandi fáum við að ættleiða hana. Við gátum ekki eignast barn en gátum veitt barni sem ekki átti möguleika á heilbrigðu fjölskyldulífi fjölskyldu. Það eru á milli 200–300 börn sem eru í varanlegu fóstri á hverju. Við erum svo þakklát fyrir að fá að gefa Heiðu fjölskyldu og heimili og fyrir það sem hún gefur okkur. Svo er gaman að fylgjast með því hvernig snjóboltinn byrjar að rúlla því núna eru komin nokkur börn í fóstur í kringum okkur. Það er yndislegt.“

Litli demanturinn

Hún segir að þótt Heiða hafi komið svona óvænt inn í þeirra líf hafi tengslamyndunin gengið vel.

„Maður getur ekki tekið við svona litlum einstaklingi án þess að gefa sig allan og ég upplifði strax að hún væri barnið mitt. Ég fann engan mun á því að halda á henni og því hvernig var að halda á Jökli nýfæddum eftir að hafa gengið með hann. Hún er bara ótrúlega flott og hefur svo sannarlega sannað sig í gegnum allt saman, þessi pínu litla, ákveðna frekjubudda sem lætur okkur sannarlega hafa fyrir sér. Hún er bara yndisleg, litli demanturinn okkar. Blóðmóðirin hefur umgengnisrétt og við erum í góðu sambandi við fjölskyldu hennar. Við höfum passað okkur að hafa opið á fjölskylduna ef Heiða vill einhvern tímann leita upprunans,“ segir hún og segist finna fyrir þakklæti í garð blóðmóðurinnar.

Án hennar hefði ég ekki Heiðu. Heiða er samt barnið mitt. Ég mun alltaf verða mamma hennar.


Mikill rússíbani Sara er að jafna sig og koma sér aftur út í lífið eftir atburði síðustu tveggja ára. Mynd: Guðrún Þórs.

Fjölskyldan hrynur líka

Síðustu mánuðir hafa reynst öllum erfiðir og ekki síst Jökli. „Við höfum haft miklar áhyggjur af honum en hann er bara svo flottur. Hann hafði lengi beðið um systkini og tók Heiðu sem systur sinni frá fyrsta degi. Hann var líka ótrúlega brattur í gegnum veikindi mín. Þegar maður veikist svona hrynur öll fjölskyldan með manni. Við reyndum að skýra þetta fyrir honum en svona er ekki auðvelt fyrir átta ára strák að skilja, nema hvað hann fann að allir voru niðurdregnir,“ segir hún og bætir við að veikindin hafi kennt henni að lífið er núna.

„Við erum svo þakklát fyrir það sem við höfum. Í gegnum veikindin höfum við líka komist að því hvað við erum ofsalega heppin með tengslanet og vini í kringum okkur sem hafa staðið við bakið á okkur í gegnum þetta allt. Við erum ótrúlega sátt við lífið, hvar við erum stödd og það sem við höfum gert. Við sjáum ekki eftir neinu og það er ótrúlega dýrmætt.“

Hjólaliðið Fuck Cancer

Hún segist spennt að njóta sumarsins með fjölskyldunni. „Sumarið er best og ég get ekki beðið eftir því að fara í útilegu með þá litlu. Hún hefur svo gaman af því að vera úti. Það eina sem truflar mig er að mitt líkamlega form er ekki eins gott og ég vildi. Ég gæti vælt í sófanum yfir því eða bara farið farið út og komið mér í form og nú erum við nokkur búin að stofna lið til að taka þátt í Wow Cyclothon. Liðið heitir Fuck Cancer en við erum 20 manns sem ætlum að sýna að lífið endar ekki eftir krabbamein. Orðið krabbamein er hlaðið svo mikilli neikvæðni og það er nánast búið að jarða mann við greiningu. Auðvitað var mikið áfall að greinast, 34 ára með tvö lítil börn, en ég var samt alltaf bjartsýn. Mummi átti miklu erfiðara.“

Þakklát fyrir stuðninginn

Þeir sem þekkja til Söru vita að þar fer mikill orkubolti en aðspurð viðurkennir hún þó að lífið sé ekki alltaf svif á bleiku skýi.

„Ég hef átt dálítið erfitt andlega eftir að ég kláraði meðferðina. Ég vissi að það gæti gerst enda hafði ég verið undir álagi lengi. Allt í einu er ekkert að gera og ég veit ekki hvað ég á að gera með mig. Ég reyni að fara á æfingar, hjóla og hitta fólk en fer svo stundum heim og bugast. Mummi er þá sá sem ég tek pirringinn út á. Hann er púðinn minn og er sérstaklega þolinmóður, sem betur fer því annars myndi þetta aldrei ganga og ég er afskaplega þakklát fyrir allan hans stuðning,“ segir hún og bætir við að hún sé afar spennt fyrir Wow-hjólreiðakeppninni.

Ég verð alltaf að hafa eitthvað fyrir stafni. Lífið er núna, ekki á morgun, og það þýðir ekkert að sitja og bíða og ætla að gera hlutina seinna. Það er ekki í boði.

 Greinin birtist fyrst í Akureyri vikublað.

Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



24.nóv. 2017 - 21:00 Ari Brynjólfsson

Þessar vefsíður fylgjast með öllu sem þú gerir

Hundruð vefsíðna fylgjast með öllu sem þú gerir í tölvunni á meðan þú ert inni á vefsíðunni. Safnar vefsíðan upplýsingum um hvernig þú hreyfir músina, á hvaða hraða þú skrollar niður síðuna og á hvaða lykla þú ýtir. Ekki nóg með heldur láta vefsíðurnar þessar upplýsingar í té þriðja aðila sem sér um að greina þær.
24.nóv. 2017 - 20:00 Akureyri vikublað

67 er happatala fjölskyldunnar

Marteinn, ásamt eiginkonu sinni, Fanneyju Kristínu Vésteinsdóttur. Marteinn Brynjólfur Haraldsson hafði lengi haft áhuga á bjór þegar honum tókst að plata afa sinn og föður til að opna brugghús. Marteinn Brynjólfur segir frá Segli 67 á Siglufirði og deilir uppáhaldsuppskriftunum með lesendum.
24.nóv. 2017 - 18:00 Akureyri vikublað

Hugljúf lög á aðventu

Norðlenskar konur í tónlist halda tónleikana Ljósin ljómandi skær í Hofi 2. desember. Mynd: Daníel Starrason. Norðlenskar konur í tónlist halda sína fyrstu jólatónleika. „Okkur hefur lengi langað til þess að fá Helenu til þess að syngja með okkur og það er alveg dásamlegt að þessi fyrirmynd okkar allra verði með okkur á jólatónleikunum,“
24.nóv. 2017 - 17:00 Ari Brynjólfsson

Telja skugga á tunglinu vera sönnun um samsæri

Samsæriskenningasmiðir hafa lengi haldið því fram að tunglferðirnar á sjöunda og áttunda áratugnum hafi aldrei átt sér stað og myndefnið frá tunglinu séu falsanir sem teknar hafi verið upp í kvikmyndaveri. Þrátt fyrir yfirgnæfandi sönnunargögn og vitnisburði um að Bandaríkin hafi í raun sent 12 geimfara til tunglsins á árunum 1969 til 1972 þá eru enn til þeir sem þráast við. Nú telja þeir vera komnir með harðar sannanir fyrir að tunglferðirnar hafi verið eitt stórt samsæri og blekkingarleikur.
24.nóv. 2017 - 15:30 Ari Brynjólfsson

Þessi maður kom fyrir myndavél á almenningssalerni

Lögregla leitar nú að manni sem kom fyrir myndavél á salerni á kaffihúsi. Maðurinn sem kom myndavélinni fyrir náðist sjálfur á mynd þegar hann var að koma henni fyrir í loftræstingu fyrir ofan salernið. Árvakur viðskiptavinur varð var við myndavélina í nóvember í fyrra og gerði lögreglu viðvart. Scotland Yard hefur leitað að manninum í heilt ár án árangurs og hefur því birt mynd sem maður tók óvart af sjálfum sér í von um að hafa uppi á honum.
24.nóv. 2017 - 14:30 Ari Brynjólfsson

11 ára hælisleitandi framdi sjálfsmorð

11 ára drengur frá Afghanistan sem kom til Austurríkis ásamt systkinum sínum í fyrra, lést á sjúkrahúsi í Vín í mánudaginn eftir að hafa framið sjálfsmorð. Lögreglan í Vín rannsakar nú málið en talið er að 23 ára gamall bróðir drengsins hafi látið hann sjá um sex systkini sín. Er talið að drengurinn hafi ekki þolað álagið og því endað líf sitt.
24.nóv. 2017 - 13:06 Bleikt

12 töfrandi áfangastaðir um jólin – Ísland efst á lista

Heimasíðan Simplemost tekur í nýlegri grein saman 12 staði víðsvegar um heim, staði sem eru töfrandi og góðir til að heimsækja um jólin, staði sem bjóða um á jólaskreytingar ásamt náttúrulegri fegurð. Og hvaða áfangastaður ætli lendi efst á listanum? Jú Reykjavík.
24.nóv. 2017 - 11:36 Ari Brynjólfsson

Kaupæði um víða veröld á svörtum föstudegi

Í dag er svartur föstudagur, eða Black Friday eða svartur fössari eins og sumir vilja kalla þennan dag ríflegra afslátta. Fyrir þá sem ekki vita má rekja þennan dag til Bandaríkjanna þar sem þessi hefð byrjaði árið 1952 en svarti föstudagurinn er ávallt daginn eftir bandarísku þakkargjörðarhátíðina. Nokkuð hefur verið auglýst af afsláttum í verslunum hér á landi.
24.nóv. 2017 - 10:30 Aníta Estíva Harðardóttir

Hugleikur Dagsson gefur út dagatal, nýja brandarabók og opnar listasýningu ásamt félögum sínum

Hugleikur Dagsson fékk þá flugu í höfuðið að það gæti orðið gaman að sjá hvernig það yrði ef hann fengi 12 listamenn með raunverulega listræna hæfileika til að gera ábreiður af Óla-priks-myndunum sínum. Hver listamaður valdi sér eina mynd eftir Hugleik og hafði frjálsar hendur til þess að betrumbæta hana eftir eigin höfði. Afraksturinn er árlegt dagatal Hugleiks sem kom í verslanir nú fyrir helgi.
24.nóv. 2017 - 09:30 Eyjan

Frambjóðandi í 2.sæti var áreitt í þrígang í nýafstaðinni kosningabaráttu

Konur í stjórnmálum hafa undanfarna viku deilt með sér tæplega 140 sögum sem nú verið sendar á fjölmiðla. Má þar meðal annars finna sögur úr nýstaðinni kosningabaráttu. Gerendurnir eru ekki nafngreindir í sögunum, né í hvaða stjórnmálaflokkum þeir eru. Konurnar sem um ræðir eru heldur ekki nafngreindar í flestum tilvikum. Í sameiginlegri áskorun hópsins, Í skugga valdsins, er þess krafist að allir karlar taki ábyrgð og að allir stjórnmálaflokkar taki málunum af festu og lofi konum að þær þurfi ekki að þegja meir því þær muni fá stuðning.
24.nóv. 2017 - 08:00

Nýjasta jólaæðið: Ætlar þú að vera með í þessu?

Á Instagram og öðrum samfélagsmiðlum hafa margir birt myndir undanfarið af „nýjasta jólaæðinu“ sem verður að teljast ansi óvenjulegt og nýstárlegt. Jólaskraut, jólasveinar, jólasveinahúfur og jólatré eru auðvitað fastir fylgifiskar jólanna en er þetta eitthvað sem má breyta? Erum við ekki felst ansi fastheldin þegar kemur að jólunum og því sem þeim tilheyrir?
23.nóv. 2017 - 21:00 Aníta Estíva Harðardóttir

Ótrúlegur munur á tvíburum þar sem aðeins annar þeirra er reykingarmanneskja

Myndir: Wolters Kluwer Health Myndir sem teknar voru af eineggja tvíburum á árunum 2007-2010 í þeim tilgangi að sjá mun á milli tveggja alveg eins einstaklinga, annars sem reykti sígarettur og hins sem gerði það ekki, hafa reynst áhrifamiklar þegar kemur að því að hjálpa fólki að hætta að reykja.
23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 19:00 DV

Joanna bjóst ekki við þessu í brauði frá Myllunni: „Þetta hefur ekki gerst áður“

Joanna Krupa brá heldur í brún þegar hún hugðist fá sér brauðsneið af Lífskornabrauði frá Myllunni í dag. Svo virtist sem búið væri að baka plast inn í brauðið. Í samtali við DV taldi Joanna að þetta væri annað hvort verið hanski eða límband.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
23.nóv. 2017 - 16:30 Aníta Estíva Harðardóttir

Tóku yfirgefin ref að sér sem er nú hluti af fjölskyldunni

Mynd/James Linsell-Clark/SWNS.com Fimm manna fjölskylda sem á þrjá hunda, ketti og hesta fékk sér nýtt gæludýr fyrir sjö mánuðum síðan. Dýrið er ekkert venjulegt húsdýr heldur villtur refur.
23.nóv. 2017 - 15:00 Eyjan

Gunnar Smári um dóm MDE: „Áfangasigur fyrir almenning gegn klíkuveldinu“

Gunnar Smári Egilsson sósíalistaforingi og fyrrverandi ritstjóri segir að dómur Mannréttindadómstóls Evrópu í dag sé viss áfangasigur fyrir almenning gegn klíkuveldinu en að dómurinn komi of seint þar sem klíkuveldið hafi verið endurreist.
23.nóv. 2017 - 14:01 Aníta Estíva Harðardóttir

Átta bíla árekstur á Holtavörðuheiði

Rétt eftir klukkan 13 í dag barst lögreglu tilkynning um fjöldaárekstur á Holtavörðuheið þar sem rákust saman að minnsta kosti 8 ökutæki.
23.nóv. 2017 - 12:30 Aníta Estíva Harðardóttir

Venables handtekinn með barnaklám - Myrti tveggja ára gamalt barn þegar hann var tíu ára

Jon Venables myrti James Bulger aðeins tíu ára gamall Jon Venables var einungis tíu ára gamall þegar hann ásamt öðrum vini sínum, var dæmdur sekur fyrir morðið á James Bulger sem var tveggja ára gamall. Nú hefur Venables verið handtekin aftur fyrir það að eiga óhugnanlegar myndir af misnotkun barna á tölvu sinni.
23.nóv. 2017 - 11:23 433

Innbrotsþjófar lömdu pabba hans - Langaði að gera eitthvað í málinu

Það var brotist inn á fjölskylduheimili Höskulds Gunnlaugssonar í Kópavogi á vikunni. Frá þessu greinir hann á Facebook.
23.nóv. 2017 - 10:39 Aníta Estíva Harðardóttir

Stórstjörnur fjalla um mál Cyntoia Brown - Hún átti aldrei möguleika

Mynd: Nashville Police Department Saga sextán ára gamallar stúlku sem dæmd var í lífstíðarfangelsi fyrir morð gengur nú eins og eldur í sinu um veraldarvefinn eftir að nokkrar af frægustu konum heims vöktu athygli á henni.
23.nóv. 2017 - 09:20 Eyjan

Geir tapaði

Mannréttindadómstóll Evrópu úrskurðaði í morgun íslenska ríkinu í vil í máli Geirs H. Haarde, fyrrverandi forsætisráðherra. Dómur í málinu var kveðinn upp í morgun.
23.nóv. 2017 - 08:28 Aníta Estíva Harðardóttir

Handteknir fyrir innbrot í Árbæ - Reyndu að fela sig innandyra

Á ellefta tímanum í gærkvöldi var lögreglu tilkynnt um þjófnað á tveimur vespum úr bílageymslu í Breiðholtinu. Rúmum tveimur klukkustundum síðar handtók lögreglan tvo unga menn í Kópavogi sem játuðu verknaðinn, þeir voru látnir lausir eftir skýrslutökur á lögreglustöð.
23.nóv. 2017 - 08:00

Þrír kaffibollar á dag gera meira gagn en ógagn

Fólk sem drekkur þrjá til fjóra bolla af kaffi á dag er líklegra til að finna fyrir jákvæðum heilsufarsáhrifum en þeir sem ekki drekka kaffi. Þetta eru niðurstöður nýrrar rannsóknar sem byggir á rúmlega 200 eldri rannsóknum á áhrifum kaffidrykkju á fólk. Niðurstöðurnar sýna að kaffidrykkja dregur úr líkunum á hjartasjúkdómum, sykursýki, lifrarsjúkdómum, elliglöpum og sumum tegundum krabbameins.
22.nóv. 2017 - 21:00 Ari Brynjólfsson

10 atriði sem benda til að verið sé að ljúga að þér

Flestir eða ekki allir segja hvítar lygar reglulega, stundum oft á dag. Það þýðir að það er líklegast logið að þér reglulega eða oft á dag, spurðu bara hvort það fari þér í alvöru vel að ganga í jólapeysu eða hvað hafi orðið um bjórinn sem þú áttir inni í ísskáp.
22.nóv. 2017 - 20:00 Aníta Estíva Harðardóttir

Myndaði son sinn þar sem hann hafði ætlað að fremja sjálfsmorð

Mynd/Craig Stone Maður birti mynd og færslu á Twitter þar sem hann greindi frá því að á myndinni væri bekkur sem hann sat á fyrir átta árum þegar hann ætlaði að fremja sjálfsmorð. Það sem snerti lesendur djúpt var að lítill sonur mannsins var einnig á myndinni.
22.nóv. 2017 - 19:00 Eyjan

Þetta eru skilyrðin fyrir því að leyfa hunda og ketti á veitingastöðum

Breyting á reglugerð um hollustuhætti um heimild til að koma með hunda og ketti á veitingastaði tók nýlega gildi. Reglugerðin kveður meðal annars á um að eigendum eða rekstraraðilum veitingastaða er gert heimilt að leyfa gestum að koma með hunda og ketti inn á staðinn, að uppfylltum tilteknum skilyrðum. Heimildin, sem Björt Ólafsdóttir umhverfisráðherra kom á rétt fyrir kosningar, gildir þó hvorki um veitingastaði né mötuneyti þar sem mæting er ekki valfrjáls og á stöðum þar sem fólki er gert að sækja þjónustu. Þá gildir heimildin ekki sé aðstaða veitingastaðar að einhverju leyti sameiginleg með annarri starfsemi eða á stað þar sem óheimilt er að hleypa gæludýrum inn á.
22.nóv. 2017 - 18:00 Aníta Estíva Harðardóttir

Elsta barnið yfirleitt í uppáhaldi foreldra

Mynd/Getty Rannsókn sem skoðaði 384 fjölskyldur, bæði foreldra og systkini, komust að því að 74% mæðra og 70% feðra viðurkenna að þau eigi sér uppáhaldsbarn.
22.nóv. 2017 - 16:30 Aníta Estíva Harðardóttir

Senda síamstvíbura sína í aðgerð þrátt fyrir áhættu að önnur látist

Mynd/Zuma Wire Foreldrar síamstvíbura hafa ákveðið að senda þær í aðgerð þrátt fyrir áhættuna á því að önnur þeirra gæti látið lífið. Faðir stúlknanna segir að erfitt sé að stjórna þeim í dag þar sem þær vilja báðar verða aðskildar og eigi það til að rífast mikið yfir áhugamálum.
22.nóv. 2017 - 15:00 DV

Allt leikur á reiðiskjálfi milli Bjartmars og Margrétar: „Þú ert sjúkur í hausnum Bjartmar“

Stórar ásakanir ganga á víxl á milli Bjartmars Odds Alexanderssonar og Margrétar Friðriksdóttur á Stjórnmálaspjallinu en þau saka hvort annað um lygar. Ástæða þess er frægt viðtal sem Bjartmar tók við Margréti og Örvar Harðarson þar sem þau ræddu múslíma. Margrét sakaði Bjartmar um hann hafi „klippt myndbandið í drasl“ og því birtir hann það nú óklippt.
22.nóv. 2017 - 13:46 Aníta Estíva Harðardóttir

Jólabókaflóðið er hafið - Arnaldur og Yrsa tróna á toppnum

Tími bókalesturs er runninn í garð þar sem jólabókaflóðið er þegar hafið og ætti hver og einn að geta fundið eitthvað sér við hæfi.
22.nóv. 2017 - 13:19 Kynning

Tölvutek: Jólagjöfin í ár! Star Wars drónar!

Tölvutek hefur fengið í sölu glæsilega dróna í takmörkuðu upplagi og eru þeir á frábæru tilboði næstu daga, hafa lækkað úr 29.990 niður í 19.990 kr. Tilboðið gildir út mánudaginn 27. nóvember.

22.nóv. 2017 - 12:20 Aníta Estíva Harðardóttir

Dæmdur í lífstíðarfangelsi fyrir þjóðarmorð og glæpi gegn mannkyninu

Ratko Mladic, fyrrverandi herforingi Bosníu-Serba hefur verið dæmdur í lífstíðarfangelsi fyrir þjóðarmorð og aðra alvarlega glæpi gegn mannkyninu síðan hann leiddi borgarastríðið í Júgóslavíu frá árunum 1993-1995.
22.nóv. 2017 - 11:19 Eyjan

Fyrrverandi þingkona Framsóknarflokksins: „Eitt atvik? Nei“

Jóhanna María Sigmundsdóttir, sem sat á þingi fyrir Framsóknarflokkinn á árunum 2013 til 2016, segir að hún hafi ekki tölu á því hversu oft hún hafi þurft að forða sér á samkomum og taka hendur af líkamshlutum sem ekki sé ásættanlegt að séu snertir. Jóhanna María, eða Hanna María eins og hún er gjarnan kölluð, var ein þeirra kvenna í stjórnmálum sem steig fram í gær og lýsti kynferðislegri áreitni sem hún varð fyrir á meðan hún starfaði í stjórnmálum.
22.nóv. 2017 - 10:06

Bréfið frá skólastjóranum sem allir foreldrar ættu að lesa: „Gerið þetta og fylgist með börnunum ykkar leggja heiminn að fótum sér“

Það styttist í að nemendur taki próf fyrir jólin. Hér fyrir neðan er að finna bréf sem skólastjóri sendi til foreldra fyrir prófin. Þórey Sigþórsdóttir leikkona birti bréfið á Facebook-síðu sinni.
22.nóv. 2017 - 09:00 DV

Vaknaði upp með blóðuga áverka á höfði – Sleginn með exi í höfuðið

Norskur maður á fertugsaldri getur svo sannarlega þakkað sínu sæla fyrir að hafa ekki verið myrtur aðfaranótt sunnudags. Hann varð þá fórnarlamb hrottalegrar árásar sem var algjörlega að tilefnislausu nema hvað árásarmaðurinn hafði farið að heima með öxi, tvo hunda og skýrt markmið: Hann ætlaði að drepa einhvern.
22.nóv. 2017 - 08:00

Hún var 10 ár í norður-kóreska hernum: Konur látnar sofa á hrísgrjónahýðum – Fengu ekki dömubindi

Í tæp 10 ár var Lee So Yeon í norður-kóreska hernum eins og margar aðrar norður-kóreskar konur sem þurfa að gegna herþjónustu. Aðstæðurnar og aðbúnaður kvennanna var svo slæmur að þær fengu ekki nóg að borða, mörgum var nauðgað af yfirmönnum, þær voru látnar sofa á dýnum fylltum af hrísgrjónahýðum. Slæmur aðbúnaður leiddi til þess að Yeon og margar aðrar konur hættu að hafa blæðingar.
21.nóv. 2017 - 21:00 Aníta Estíva Harðardóttir

Er þetta skemmtilegasti raunveruleikaþáttur í heimi?

Raunveruleikaþáttur í Japan hefur slegið í gegn um allan heim en í honum má sjá sex leikmenn reyna að ganga upp stiga sem bæði er allur umlukinn plasti og einhverskonar slímkenndum vökva.
21.nóv. 2017 - 20:00 Ari Brynjólfsson

Þess vegna áttu ekki að neyða barn til að faðma einhvern

Það styttist óðfluga í jólahátíðina með tilheyrandi veislum, stressi og gleði. Margir, þá sérstaklega barnafólk, á eftir að fara í ótal jólaveislur og blanda geði við ættingja og vini. Af því tilefni hafa Samtök stúlknaskáta í Bandaríkjunum sent frá sér áminningu til foreldra um að neyða ekki börnin sín til þess að faðma fólk. Að sjálfsögðu er ekki verið að tala um að koma í veg fyrir að barn faðmi ættingja heldur er markmiðið að koma í veg fyrir að barnið sé neytt til þess.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 18:00 Bleikt

„Stórkostlegasta ævintýri lífs míns“ segir Joe Manganiello um Ísland

Það má vel vera að hann hafi heillað okkur á hvíta tjaldinu með heillandi brosi, magavöðvum og leikhæfileikum, en það var náttúra Íslands sem heillaði leikarann Joe Manganiello í nýlegri ferð hans hingað til lands í byrjun nóvember.
21.nóv. 2017 - 16:30 Aníta Estíva Harðardóttir

Bakkaði á bíl og endaði ofan á honum

Mynd/Mark Hemsworth:Swns Ökumaður bifreiðar af tegundinni Mercedes bakkaði upp á kyrrstæða bifreið af tegundinni Saab á laugardagskvöldið.
21.nóv. 2017 - 15:00 Ari Brynjólfsson

Óttast kjarnorkuslys í Rússlandi

Mikið magn að geislavirku efni hefur mælst í andrúmslofti í Rússlandi, svo mikið að geislavirk efni hafa borist til Vestur-Evrópu og mælst á mælum í Ítalíu og Frakklandi. Rússnesk yfirvöld hafa fram til þessa sagt að þau kannist ekki við neitt kjarnorkuslys.
21.nóv. 2017 - 13:30 Eyjan

Björn Valur: Bjarni sækir fast að því að fá sjötta ráðherrann

Bjarni Benediktsson formaður Sjálfstæðisflokksins sækir fast að því að fá sex ráðherra í hlut Sjálfstæðisflokksins í ríkisstjórninni en Vinstri græn og Framsóknarflokkurinn taka það ekki í mál. Þetta segir Björn Valur Gíslason fyrrverandi varaformaður Vinstri grænna í færslu á Fésbók.
21.nóv. 2017 - 12:00 Aníta Estíva Harðardóttir

Tugir barna ekki í neinum öryggisbúnaði í bíl hjá ökumönnum sem sjálfir voru í öryggisbeltum

Mynd/Getty Nú liggja fyrir niðurstöður könnunar sem starfsfólk Samgöngustofu og félagar í Slysavarnadeildum Slysavarnafélagsins Landsbjargar gerðu á öryggi barna í bílum núna í vor. Könnunin var gerð við 56 leikskóla í 29 þéttbýliskjörnum víða um land og var búnaður hjá 2.060 börnum kannaður. Sambærilegar kannanir hafa verið gerðar undanfarin 32 ár.
21.nóv. 2017 - 11:06 Aníta Estíva Harðardóttir

Níu ára gamall drengur lést úr krabbameini eftir að hafa fengið sína hinstu ósk uppfyllta

  Mynd/Facebook Níu ára gamall drengur sem barist hefur lengi við krabbamein fékk ósk sína um snemmbúin jól uppfyllta rétt áður en hann lést.
21.nóv. 2017 - 09:58 Bleikt

Kvennaathvarfið hlýtur viðurkenningu Barnaheilla

Kvennaathvarfið hlaut í gær Viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni.
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
21.nóv. 2017 - 08:00

Hundaeigendur eru líklegri til að lifa sjúkdóma af

Það að eiga hund bætir heilsu fólks og dregur úr líkunum á ótímabærum dauða. Þetta eru niðurstöður rannsóknar vísindamanna við Háskólann í Uppsölum í Svíþjóð. Niðurstöðurnar eru byggðar á rannsóknum á gögnum, sem ná yfir 12 ára tímabil, um rúmlega 3,4 milljónir Svía á aldrinum 40 til 80 ára.
20.nóv. 2017 - 22:00

11 leiðir til að nota örbylgjuofninn

Flest notum við örbylgjuofninn aðeins til að hita upp afganga og poppa. Það er synd að láta þetta stóra eldhústæki standa óhreyft þess á milli því örbylgjuofnar eru til margra hluta nytsamlegir. Til dæmis er hægt að baka kartöflur, bræða súkkulaði, gufusjóða gulrætur og sitthvað fleira í þessu ágæta tæki. 

Veðrið
Klukkan 21:00
Skýjað
N9
-0,6°C
Léttskýjað
N7
0,0°C
Alskýjað
N2
0,0°C
Alskýjað
NNV13
-0,7°C
Lítils háttar snjókoma
NNV14
0,0°C
Alskýjað
NV12
1,8°C
Léttskýjað
N11
-0,3°C
Spáin
(1-) Gæludýr.is: Flutingar - nóv
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Börkur Gunnarsson
Börkur Gunnarsson - 22.11.2017
Nafnar
Jón Steinar Gunnlaugsson
Jón Steinar Gunnlaugsson - 23.11.2017
Dómarar gæta hagsmuna sinna
Fleiri pressupennar