07. feb. 2010 - 13:52
Prófessor við LSE: Ríkisstjórn þarf að hætta að laumupúkast - annað hrun er mögulegt
Ríkisstjórn Íslands.
Robert Wade prófessor við LSE segir að ef ríkisstjórnin kanni ekki grunn fjármálakreppunnar rækilega, megi búast við sambærilegu hruni innan 1-2 ára. Hann ræddi um að málstaður Íslendinga í Icesave-málinu ætti sér hljómgrunn meðal bresks, hollensks og bandarísks almennings en ríkisstjórnin hefði ekki komið málstað sínum nægilega til skila erlendis jafnt sem innanlands.
Wade segir að Ísland sé í líkingum við rannsóknarstofu þegar kemur að hruni fjármálakerfis. „Ísland er mjög öfgafullt dæmi,“ sagði hann í Silfri Egils í dag. Wade segir það firru að halda því fram að fjármálakerfi landsins hefði ekki hrunið, ef ekki hefði verið fyrir hrun fasteignamarkaðar í Bandaríkjunum. „Hvort sem fjármálakreppa hefði myndast á heimsvísu eða ekki hefði Ísland farið í þrot,“ sagði Wade og rökstuddi það með miklum lántökum bankanna miðað við þjóðarframleiðslu sem og óstöðugleika og ójöfnuði í fjárhagslegri stöðu almennings. Hann segir Íslendinga hafa verið ríka menn þangað til þeir þurftu að greiða skuldir sínar.
Wade hvetur ríkisstjórn Íslands til þess að beita meira afli til þess að fá hljómgrunn með sínum sjónarmiðum í Icesave-deilunni, þar sem almenningur í Bretlandi, Hollandi og víðar telji að Ísland hafi verið beitt miklum þrýstingi í málinu. Hann segir aðalvandamál ráðamanna hvað eigi að gera við skuldir landsins til næstu 2ja ára, sem hann telur geta framkallað aðra kreppu sem valdi fólksflótta og vosbúð. „Ríkisstjórnin ætti að vera opnari um hvað hún er að gera, hreinskilnari,“ sagði Wade sem telur hana laumupúkast um of með upplýsingar og framkvæmdir sínar.
Wade segir að á síðustu áratugum hafi frjáls markaður og einkaframtakið í fjármálageiranum hlotið helst til mikið frjálsræði. „Ef þú hefur geira sem getur framleitt peninga getur hann keypt stjórnmálamenn og lobbíista úr bankageiranum til þess að vinna fyrir sig. Hagfræðinga í háskólum til þess að skrifa fyrir sig. Þetta er ástæðan fyrir því að fjármálamarkaðurinn hefur fengið svona mikil völd yfir löggjafarvaldi bæði í Bandaríkjunum og einnig í Bretlandi,“ sagði Wade og vill meina að geirinn hefði nánast verið með neitunarvald í löggjöfum sem snertu hann.
11.mar. 2010 - 22:17
Það er nógu slæmt fyrir einstaklinga að vera handjárnaðir af lögreglu eða öðrum yfirvöldum í eðlilegum klæðnaði. Hvað þá að vera handjárnaðir uppáklæddir sem Spiderman, lukkudýr einhvers íþróttaliðs eða bara í gervi Mjallhvítar, vinkonu dverganna sjö? Svo ekki sé talað um ef einstaklingur er í heilgalla sem trúður.
11.mar. 2010 - 21:06
Umræða um neyðarhnapp á samskiptavefnum Facebook hefur komið upp á Bretlandseyjum í kjölfar sífellt fleiri dæmi um barnaníðinga sem nýta sér samskiptamátann til þess að komast í tæri við ungmenni.
11.mar. 2010 - 20:41
Margrét Kristmannsdóttir, formaður SVÞ skaut harkalega á þingheim á aðalfundi samtakanna í dag. Margrét sagði það einfeldni að halda að 63 þingmenn þjóðarinnar, með takmarkaða reynslu af atvinnulífinu, kæmi Íslendingum upp úr kreppunni. Þá sagði hún að Vinstri grænir þyrftu að ákveða hvorum megin við borðið þeir væru og að þingmenn ættu að eyða minni tíma í innihaldslaust karp og viðræður við fjölmiðla í tímabundnum vinsældarkosningum.
11.mar. 2010 - 19:55
Anna Arrowsmith, sem hefur sérhæft sig í gerð mörg hundruð klámmynda, býður sig fram til setu á breska þinginu fyrir flokk frjálslyndra demókrata í kosningum í vor. Kjördæmi Arrowsmith er Kent. Hún biður kjósendur að dæma hana af skoðunum sínum í málum tengdum kvenréttindum, en ekki af störfum sínum í klámmyndaiðnaðinum.
11.mar. 2010 - 19:24
Flugumferðastjórar aflýstu í kvöld verkfalli sínu sem átti að hefjast kl. 7 í fyrramálið. Eins og Pressan greindi frá átti ríkisstjórn landsins að funda um málið kl. 19:30 og setja lög um vinnudeiluna. Ottó Eiríksson, formaður flugumferðastjóra segir í samtali við Pressuna að verkfall geti enn skollið á næstkomandi miðvikudag.
11.mar. 2010 - 18:55
Starfsmaður Fóðurblöndunnar var í dag sakfelldur í Hæstarétti fyrir þjófnað á 15 tonnum af gölluðum áburði hjá fyrirtækinu og gefið skyldfólki sínu. Starfsmaðurinn sagði að áburðurinn hefði verið ónýtur og gæti því ekki verið andlag þjófnaðar.
11.mar. 2010 - 18:16
Ríkisstjórnin virðist hafa misst þolinmæðina gagnvart verkfalli flugumferðarstjóra, því ríkisstjórnin kom óvænt saman til fundar nú kl. 18 í kvöld og Alþingi hefur verið kallað saman kl. 19:30 vegna fyrirhugaðrar lagasetningar á vinnudeiluna.
11.mar. 2010 - 18:13
Hæstiréttur dæmdi í dag Sigurjón M. Egilsson, fyrrverandi ritstjóra DV, fyrir ærumeiðandi ummæli í garð sakbornings í kókaínmáli. Hann segist oft hafa verið kærður fyrir meiðyrði en ekki dæmdur fyrr en nú.
11.mar. 2010 - 17:02
Hæstiréttur dæmdi í dag Sigurjón M. Egilsson, fyrrverandi ritstjóra DV, og Erlu Hlynsdóttur blaðamann fyrir ærumeiðingar í garð Rúnars Þórs Róbertssonar, eins sakborninga í kókaínmáli sem Erla fjallaði um. Hæstiréttur sneri þar með sýknudómi héraðsdóms.
11.mar. 2010 - 16:30
Sjö konur hafa tilkynnt lögreglu á Norður-Sjálandi að maður, sem í dönskum fjölmiðlum er kallaður prumpkallinn, hafi áreitt þær með því að biðja um að þær leysi vind á sig. Lögreglan hvetur prumpkallinn til að gefa sig fram svo að hægt verði að veita honum viðeigandi sálfræðimeðferð.
11.mar. 2010 - 14:35
Í kjölfarið á sjálfsvígum tveggja ungmenna í Hafnarfirði með skömmu millibili hafa skóla- og félagsmálayfirvöld í bænum sent út hvatningu til foreldra um að huga sérstaklega vel að líðan barna sinna og hegðun. Þá er boðin fram aðstoð ef ástæða þykir til að hafa áhyggjur.
11.mar. 2010 - 14:23
Upplýst hefur verið hvað varð til þess að íbúar í franska þorpinu Pont-Saint-Espirit gengu af göflunum dag einn árið 1951. Bandaríska leyniþjónustan, CIA, setti ofskynjunarlyfið LSD í brauð þorpsbúa í tilraunarskyni. Íbúar þorpsins glíma enn við afleiðingarnar.
11.mar. 2010 - 14:10
EFLA verkfræðistofa og Reitir fasteignafélag hafa skrifað undir samning um leigu á 3800m2 húsnæði í nýjum skrifstofugörðum Reita að Höfðabakka 9. EFLA sem er eitt stærsta ráðgjafarfyrirtæki landsins er nú með aðstöðu á fjórum stöðum í Reykjavík en mun sameina þær í eina starfsstöð í húsnæðinu að Höfðabakka.
11.mar. 2010 - 13:30
„Ég myndi aldrei standa svona að þessu,“ segir Sigurður Sveinn Sverrisson, sem fer með upplýsinga- og kynningarmál hjá LÍU, er hann var spurður út í viðamikla auglýsingaherferð gegn fyrningarleiðinni í Viðskiptablaðinu. Hann segir blaðið sjálft eiga frumkvæði að herferðinni.
11.mar. 2010 - 13:13
Össur Skarphéðinsson utanríkisráðherra fer háðulegum orðum um fjármálaráðherra Svía í viðtali við sænskt dagblað. Hann segist vera miður sín yfir því að svo virtur stjórnmálamaður afbaki staðreyndir um þjóðaratkvæðagreiðsluna um Icesave.
11.mar. 2010 - 12:14
Íslensk klettaklifurkona, Elísabet Birgisdóttir, hrapaði niður 6 metra úr hömrum í Ástralíu og brotnaði á báðum höndum. Lögreglan í Adelaide segir að miðað við aðstæður sé óskiljanlegt að hún hafi ekki slasast meira. Elísabet gekkst undir aðgerð í morgun.
11.mar. 2010 - 11:50
Viðskiptabankarnir hafa verulegar efasemdir um hið svokallaða lyklafrumvarp sem lagt hefur verið fram á Alþingi. Telja þeir að frumvarpið geti jafnvel haft neikvæð áhrif á stöðu lægri tekjuhópa og að nær væri að styrkja þau úrræði sem eru í boði nú þegar.
11.mar. 2010 - 11:08
Utanríkisráðherra Noregs opnar á að veita Íslendingum lán þótt Icesavedeilan sé ekki leyst. Hann hittir norræna starfsbræður sína á fundi í Kaupmannahöfn síðdegis. Þar verða efnahagsmálin á Íslandi til umræðu.
11.mar. 2010 - 10:57
Álfheiður Ingadóttir, heilbrigðisráðherra, segir enga uppstokkun fyrirhugaða framundan innan ríkisstjórnarinnar. Ögmundur Jónasson hefur þrýst mikið á að komast aftur í stjórn og formaður flokksins hefur ekki aftekið að slíkar breytingar verði gerðar.
11.mar. 2010 - 10:20
Japanir kunna svo sannarlega að halda hjólum efnahagslífsins gangandi. Þeir byggja bara og byggja, jafnvel þótt engin þörf sé fyrir viðkomandi mannvirki. Það á við um hinn nýja alþjóðaflugvöll í Ibaraki sem tekinn var í notkun á dögunum. Þaðan fer aðeins eitt flug á dag.