14. sep. 2017 - 11:32Akureyri vikublað

Hvetja hvor aðra áfram

Þetta er lítill bær en samt ekkert of lítill. Ég verð alltaf jafn hissa þegar ég heyri um íbúafjöldann. Það er eins og hér búi mun fleiri. Maður þarf ekki mikið til að vera hamingjusamur og hér er meira en nóg og allt sem maður þarf. Maður þarf bara að fara út og leita að því, 

segja knattspyrnukonurnar Bianca Sierra og Stephany Mayor sem búsettar eru á Akureyri og spila með toppliði Þórs/KA. 

Báðar í landsliði Mexíkó 

Bianca, sem er 25 ára, er fædd og uppalin í Kaliforníu í Bandaríkjunum en Stephany, sem er ári eldri, ólst upp í Azcapotzalco-hverfinu í Mexíkóborg. Bianca og Stephany, sem eru par, una sér vel á Akureyri en Stephany kom hingað fyrir tæpu ári en Bianca flutti hingað frá Bergen í Noregi í vor. Það sem móðir Biöncu fæddist í Mexíkó er Bianca með tvöfaldan ríkisborgararétt og spilar fyrir landslið í Mexíkó, rétt eins og Stephany, en stelpurnar voru báðar í leikmannahópi liðsins á HM kvenna í knattspyrnu árið 2015. 

Samkynhneigð tabú 

Þær segja strembið að vera samkynhneigður í Mexíkó og þar sem flest völd í samfélaginu séu í höndum karla sé sérstaklega litið niður á lesbíur. 

Samkynhneigð er tabú í Mexíkó. Það talar enginn um neitt svoleiðis; öllu er bara sópað undir teppi. Menningin er allt öðruvísi hér en þar. 

Eftir stormasamt samband við þáverandi landsliðsþjálfara vildu þær komast til Evrópu. Þjálfarinn, Leonardo Céllar, hafi skipað þeim að fela samband sitt og bannaði þeim meðal annars að haldast í hendur. Þær segja umburðarlyndið gagnvart samkynhneigð á Íslandi hafa komið þeim ánægjulega á óvart. 

Það var gott að vera í Bergen en það er betra að vera hér. Ísland er frábært,

segir Bianca sem segist lítið hafa vitað um Ísland áður en kærastan flutti hingað. 

Ég vissi að Ísland var til en ég vissi ekki hvar á kortinu það var, 

bætir Stephany við og segir liðsfélaga sína í Þór/KA hafa tekið henni opnum örmum frá fyrsta degi. Bianca tekur undir það: 

Ég kom hingað þegar deildin í Noregi fór í frí og dvaldi þá hjá Stephany í nokkra daga. Þá vissi ég strax að hér vildi ég vera. Allar stelpurnar tóku svo vel á móti mér. Mér fannst ég strax velkomin. Lífið er miklu betra þegar allir í kringum þig samþykkja þig eins og þú ert.  


Stelpurnar eru fyrstu atvinnuíþróttamenn Mexíkó sem eruopinberlega samkynhneigðir / Mynd: Guðrún Þórs.


Fjögurra ára í fótbolta 

Þær segja fjölskyldur þeirra ávallt hafa staðið við bakið á þeim og viðurkenna að það sé erfitt að vera svo fjarri fólkinu sínu. Fjölskylda Biöncu, foreldrar hennar og yngri bróðir, búa í Kaliforníu þar sem móðurfjölskyldan rekur mexíkóska veitingastaði. 

Ég þakka guði fyrir tæknina og að maður geti talað við fjölskylduna á Facetime. Mamma er búin að koma í heimsókn til mín, sem var æðislegt. Pabbi ætlaði að koma líka en komst að því á flugvellinum að vegabréfið hans var útrunnið, 

segir hún hlæjandi og bætir við að það hafi verið gott að alast upp í Kaliforníu. 

Ég byrjaði að æfa fótbolta þegar ég var fjögurra ára en pabbi laug því að ég væri sex ára svo ég fengi að spila með. Það var dásamlegt að búa þarna en ég veit ekki hvernig það er í dag, eftir að Donald Trump settist í forsetastól. Pabbi hefur sagt mér að það sé margt skrítið í gangi. Trump er ekki góður maður.


Bianca byrjaði að æfa knattspyrnu þegar hún varfjögurra ára / Mynd úr einkasafni.


Æfði með strákunum 

Stephany á þrjár yngri systur og margar frænkur og frændur sem hún ólst upp með. 

Mamma og pabbi eru klettarnir í lífi mínu og ég sakna þeirra mikið,

segir hún og bætir við að æskan hafi verið góð. 

Lífið snerist um fótbolta en ég byrjaði að spila þegar ég var sex ára og spilaði með strákunum til tólf ára aldurs. Þá fann mamma stelpulið handa mér en ég var ekkert svo kát með það. Ég vildi helst æfa áfram með strákunum, 

segir hún og bætir við að foreldrar hennar hafi ávallt mætt á leiki sem hún spilaði í æsku.


Stephany æfði fyrstu árin með strákunum. Þegar hún vartólf ára fann mamma hennar stelpulið / Mynd úr einkasafni.


Keppnisskapið heillar 

Stelpurnar kynntust árið 2010 þegar þær spiluðu með U-20 ára landsliði Mexíkó. 

Við vorum herbergisfélagar og urðum strax góðar vinkonur. Svo sáumst við ekki aftur fyrr en árið 2013 þegar við vorum komnar í fullorðinslandsliðið og það var þá sem eitthvað gerðist okkar á milli,

segja þær brosandi. En hvað var það heillaði þær í fari hinnar? 

Persónuleikinn og kappsemi hennar; allir dagar eru nýir dagar til að verða betri. Svo er hún líka bara góð manneskja, 

segir Stephany um kærustuna sem tekur í svipaðan streng. 

Það sem heillaði mig við Stephany er hvernig hún kemur fram við annað fólk. Ef það er einhver sem getur gengið inn í hóp og fengið alla til að brosa þá er það hún. Svo heillast ég af keppnisskapinu og sambandi hennar við fjölskylduna. Fjölskyldan mín hefur alltaf verið í fyrsta sæti hjá mér en Stephany tekur samband sitt við fjölskylduna upp á nýtt stig. Það er ótrúlega fallegt að sjá.  

Viðtal í New York Times 

Í sumar kom blaðamaður frá New York Times til að fjalla um knattspyrnukonurnar. Útkoman var fallegt viðtal sem hefur hlotið heimsathygli en þar kom í ljós að stelpurnar eru fyrstu atvinnuíþróttamenn Mexíkó sem eru opinskáar um samkynhneigð sína. 

Viðbrögðin við viðtalinu voru gífurleg og miklu meiri en við hefðum getað ímyndað okkur. Síminn stoppaði ekki. Alls kyns fólk var að senda okkur skilaboð og þakka okkur fyrir að ryðja brautina fyrir þá sem á eftir koma. Langflest skilaboðin voru falleg en svo voru líka neikvæð skilaboð þarna inni á milli en þau voru mun færri. Við höfum líka tekið eftir því hvað margir lásu greinina því fólk sem heimsækir Akureyri með skemmtiferðaskipum hefur stoppað okkur úti á götu og þakkað okkur fyrir. Í bæði skiptin var það fólk frá Bandaríkjunum sem hafði lesið greinina og var alveg steinhissa að rekast á okkur.  

Nánast taplausar í deildinni 

Stephany og Bianca eru báðar lykilmenn í liði Þórs/KA sem hefur setið á toppi Pepsi-deildarinnar í allt sumar en með sigri á Grindavík í næstsíðustu umferð sumarsins verður Íslandsmeistaratitillinn í höfn. Bianca og Stephany segja ekkert annað en titil koma til greina. 

Á fyrsta fundinum með Donna þjálfara sagði hann að við myndum vinna alla leikina í sumar og að við myndum vinna deildina. Við kinkuðum bara kolli og nú er þetta að rætast, sem er frábært. Liðið er fullt sjálfstrausts og það er því að þakka hvað þetta hefur gengið vel,

segja þær og bæta við að þær eigi samspilurum sínum í Þór/KA mikið að þakka. 

Þetta eru frábærar stelpur og við erum mjög nánar. Miðað við hvað við höfum þekkst í stuttan tíma er ótrúlegt hvað við erum orðnar góðar vinkonur. Það er alltaf hægt að leita til þeirra og þær eru allar tilbúnar að aðstoða okkur, upplýsa og leyfa okkur að fylgjast með því sem er að gerast, 

segja þær og bæta við að þær hafi farið í skemmtilega ferð til Hollands með liðsfélögunum til að horfa á íslenska kvennalandsliðið keppa í EM.

Við elskum víkingaklappið og vorum ekki að trúa því að við værum í alvöru á vellinum að framkvæma það með kvennalandsliðinu, 

segja þær hlæjandi. 

Æfa og búa saman 

Eftir þjálfaraskipti hafa þær tekið landslið Mexíkó í sátt og vonast til þess að geta allavega spilað með liðinu í einni eða tveimur heimsmeistarakeppnum og Ólympíuleikum í viðbót. 

Þetta var mjög erfiður tími en eftir að nýi þjálfarinn settist niður með okkur hefur þetta verið í lagi. Það skiptir miklu máli að njóta skilnings, 

segja þær en neita því að það ríki samkeppni þeirra á milli. 

Ef önnur okkar kæmist í landsliðið en ekki hin myndum við alltaf hvetja hvor aðra áfram. Við ýtum hvor annarri aðeins lengra, en þar sem við spilum ekki sömu stöðu erum við ekki í keppni, ég er í vörn en hún skorar mörkin. Donni setur okkur hins vegar alltaf hvora í sitt liðið á æfingum svo við erum vanar að þurfa að fara á móti hvor annarri,

segir Bianca hlæjandi. 

Stelpurnar búa á Þórssvæðinu ásamt tveimur öðrum útlendingum. Æfingar eru vanalega ekki fyrr en seinnipartinn en fyrri part dags nota þær í aukaæfingar. En er ekki krefjandi að eyða svo miklum tíma saman? 

Okkur finnst mun betra að hafa hvor aðra nálæga. Það er mun erfiðara að æfa einn heldur en að æfa með einhverjum sem þú þekkir og treystir 100 prósent. Enda finnst mér ég hafa tekið miklum framförum síðan Bianca kom,

segir Stephany. 



Elska crossfit 

Varðandi önnur áhugamál nefna þær crossfit. 

Við elskum crossfit og horfum mikið upp til Annie Þórisdóttur, Katrínar Davíðsdóttur og Söru Sigmundsdóttur. Þær eru alveg ótrúlegar. Þegar við vorum í Reykjavík vorum við alltaf að kíkja inn í Crossfit Reykjavík í von um að fá að sjá Annie en því miður var hún ekki á staðnum. Vonandi les hún þetta,

segja þær hlæjandi og bæta við að þegar þær hafi mætt á crossfit-stöð hér í bænum hafi þjálfarinn verið dómari úr leikjum. 

Ég hef öskrað mikið á hann í sumar og var hrædd um að hann myndi ekki hleypa mér inn. Svona er þetta lítill bær,

segir Bianca og skellir upp úr. 

Betri í dag en í gær 

En hvað þarf til að ná langt í íþróttum? 

Staðfestu og ástríðu. Þetta er ekki fórn ef þú ert að gera það sem þú elskar. Ég hugsa aldrei; af hverju ég er að þessu, og stefni alltaf að því að verða betri í dag en í gær. Ekki bara í fótboltanum heldur einnig þegar kemur að næringu og í raun lífinu öllu. Ég get ekki ímyndað mér lífið án fótbolta, 

segir Stephany sem er með háskólagráðu í viðskiptafræði. Aðspurð hvað taki við eftir ferilinn hristir hún höfuðið. 

Ég einfaldlega veit það ekki. Kannski fer maður að vinna í banka eða að þjálfa. Ég get eiginlega ekki hugsað um þann tíma þegar fótboltinn verður búinn, 

segir hún og Bianca bætir við: 

Kannski opnum við líkamsræktarstöð. Það væri gaman.  

Stefna á fjölskyldu 

En eru þær komnar til Íslands til frambúðar? 

Það getur vel verið. Okkur líður svo vel hérna og höfum aldrei mætt neinum fordómum eða einhverju neikvæðu. Hér er fallegt umhverfi og fólkið er gott. Við söknum samt mexíkóska matarins en ekki umferðarinnar og mengunarinnar. Það er mjög góð tilhugsun að ala upp börn hérna. Við erum alltaf jafn hissa þegar við sjáum krakka eina úti að leika sér, til dæmis að hjóla á götunum eða úti í fótbolta. Ísland er svo öruggt. Börn eru aldrei ein heima hjá okkur, hvorki í Kaliforníu né Mexíkó, 

segja þær og játa því aðspurðar að þær stefni á að eignast fjölskyldu. 

Börnin koma þegar við hættum að spila. Okkur langar mikið til að giftast og eignast börn. Það er bara spurning hvor okkar mun fara niður á hnéð.

Greinin birtist upphaflega í Akureyri vikublað.
Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



23.nóv. 2017 - 20:00 Akureyri vikublað

Geðræn veikindi eru ekkert til að skammast sín fyrir

Hafdís Sæmundsdóttir vill opna umræðuna um geðsjúkdóma í von um að eyða fordómum. Í einlægu viðtali segir Hafdís frá lífi sínu sem hefur verið allt annað en dans á rósum en Hafdís á þrjá stráka sem allir fæddust fyrir tímann og eru allir langveikir í dag. Hafdís segir einnig frá andlegum veikindum sínum, krabbameininu, síþreytunni, myglusveppnum, sem olli fjölskyldunni fjárhagslegu og heilsufarslegu tjóni, og jólunum sem hún kvíðir vegna föðurins sem hún missti á jóladag í fyrra.
23.nóv. 2017 - 19:00 DV

Joanna bjóst ekki við þessu í brauði frá Myllunni: „Þetta hefur ekki gerst áður“

Joanna Krupa brá heldur í brún þegar hún hugðist fá sér brauðsneið af Lífskornabrauði frá Myllunni í dag. Svo virtist sem búið væri að baka plast inn í brauðið. Í samtali við DV taldi Joanna að þetta væri annað hvort verið hanski eða límband.
23.nóv. 2017 - 18:00 Akureyri vikublað

Það var allt hvítt

Vetur konungur hefur heldur betur minnt á sig á Norðurlandi síðustu daga. Mikil ófærð var á fjallvegum og lögregla þurfti að aðstoða ökumenn víða auk þess sem vegum hefur verið lokað vegna óvissuástands og snjóflóðahættu. Blaðamaður Akureyri Vikublaðs ræddi við nokkra erlenda ferðamenn sem flestir reyndust alsælir með ástandið.
23.nóv. 2017 - 16:30 Aníta Estíva Harðardóttir

Tóku yfirgefin ref að sér sem er nú hluti af fjölskyldunni

Mynd/James Linsell-Clark/SWNS.com Fimm manna fjölskylda sem á þrjá hunda, ketti og hesta fékk sér nýtt gæludýr fyrir sjö mánuðum síðan. Dýrið er ekkert venjulegt húsdýr heldur villtur refur.
23.nóv. 2017 - 15:00 Eyjan

Gunnar Smári um dóm MDE: „Áfangasigur fyrir almenning gegn klíkuveldinu“

Gunnar Smári Egilsson sósíalistaforingi og fyrrverandi ritstjóri segir að dómur Mannréttindadómstóls Evrópu í dag sé viss áfangasigur fyrir almenning gegn klíkuveldinu en að dómurinn komi of seint þar sem klíkuveldið hafi verið endurreist.
23.nóv. 2017 - 14:01 Aníta Estíva Harðardóttir

Átta bíla árekstur á Holtavörðuheiði

Rétt eftir klukkan 13 í dag barst lögreglu tilkynning um fjöldaárekstur á Holtavörðuheið þar sem rákust saman að minnsta kosti 8 ökutæki.
23.nóv. 2017 - 12:30 Aníta Estíva Harðardóttir

Venables handtekinn með barnaklám - Myrti tveggja ára gamalt barn þegar hann var tíu ára

Jon Venables myrti James Bulger aðeins tíu ára gamall Jon Venables var einungis tíu ára gamall þegar hann ásamt öðrum vini sínum, var dæmdur sekur fyrir morðið á James Bulger sem var tveggja ára gamall. Nú hefur Venables verið handtekin aftur fyrir það að eiga óhugnanlegar myndir af misnotkun barna á tölvu sinni.
23.nóv. 2017 - 11:23 433

Innbrotsþjófar lömdu pabba hans - Langaði að gera eitthvað í málinu

Það var brotist inn á fjölskylduheimili Höskulds Gunnlaugssonar í Kópavogi á vikunni. Frá þessu greinir hann á Facebook.
23.nóv. 2017 - 10:39 Aníta Estíva Harðardóttir

Stórstjörnur fjalla um mál Cyntoia Brown - Hún átti aldrei möguleika

Mynd: Nashville Police Department Saga sextán ára gamallar stúlku sem dæmd var í lífstíðarfangelsi fyrir morð gengur nú eins og eldur í sinu um veraldarvefinn eftir að nokkrar af frægustu konum heims vöktu athygli á henni.
23.nóv. 2017 - 09:20 Eyjan

Geir tapaði

Mannréttindadómstóll Evrópu úrskurðaði í morgun íslenska ríkinu í vil í máli Geirs H. Haarde, fyrrverandi forsætisráðherra. Dómur í málinu var kveðinn upp í morgun.
23.nóv. 2017 - 08:28 Aníta Estíva Harðardóttir

Handteknir fyrir innbrot í Árbæ - Reyndu að fela sig innandyra

Á ellefta tímanum í gærkvöldi var lögreglu tilkynnt um þjófnað á tveimur vespum úr bílageymslu í Breiðholtinu. Rúmum tveimur klukkustundum síðar handtók lögreglan tvo unga menn í Kópavogi sem játuðu verknaðinn, þeir voru látnir lausir eftir skýrslutökur á lögreglustöð.
23.nóv. 2017 - 08:00

Þrír kaffibollar á dag gera meira gagn en ógagn

Fólk sem drekkur þrjá til fjóra bolla af kaffi á dag er líklegra til að finna fyrir jákvæðum heilsufarsáhrifum en þeir sem ekki drekka kaffi. Þetta eru niðurstöður nýrrar rannsóknar sem byggir á rúmlega 200 eldri rannsóknum á áhrifum kaffidrykkju á fólk. Niðurstöðurnar sýna að kaffidrykkja dregur úr líkunum á hjartasjúkdómum, sykursýki, lifrarsjúkdómum, elliglöpum og sumum tegundum krabbameins.
22.nóv. 2017 - 21:00 Ari Brynjólfsson

10 atriði sem benda til að verið sé að ljúga að þér

Flestir eða ekki allir segja hvítar lygar reglulega, stundum oft á dag. Það þýðir að það er líklegast logið að þér reglulega eða oft á dag, spurðu bara hvort það fari þér í alvöru vel að ganga í jólapeysu eða hvað hafi orðið um bjórinn sem þú áttir inni í ísskáp.
22.nóv. 2017 - 20:00 Aníta Estíva Harðardóttir

Myndaði son sinn þar sem hann hafði ætlað að fremja sjálfsmorð

Mynd/Craig Stone Maður birti mynd og færslu á Twitter þar sem hann greindi frá því að á myndinni væri bekkur sem hann sat á fyrir átta árum þegar hann ætlaði að fremja sjálfsmorð. Það sem snerti lesendur djúpt var að lítill sonur mannsins var einnig á myndinni.
22.nóv. 2017 - 19:00 Eyjan

Þetta eru skilyrðin fyrir því að leyfa hunda og ketti á veitingastöðum

Breyting á reglugerð um hollustuhætti um heimild til að koma með hunda og ketti á veitingastaði tók nýlega gildi. Reglugerðin kveður meðal annars á um að eigendum eða rekstraraðilum veitingastaða er gert heimilt að leyfa gestum að koma með hunda og ketti inn á staðinn, að uppfylltum tilteknum skilyrðum. Heimildin, sem Björt Ólafsdóttir umhverfisráðherra kom á rétt fyrir kosningar, gildir þó hvorki um veitingastaði né mötuneyti þar sem mæting er ekki valfrjáls og á stöðum þar sem fólki er gert að sækja þjónustu. Þá gildir heimildin ekki sé aðstaða veitingastaðar að einhverju leyti sameiginleg með annarri starfsemi eða á stað þar sem óheimilt er að hleypa gæludýrum inn á.
22.nóv. 2017 - 18:00 Aníta Estíva Harðardóttir

Elsta barnið yfirleitt í uppáhaldi foreldra

Mynd/Getty Rannsókn sem skoðaði 384 fjölskyldur, bæði foreldra og systkini, komust að því að 74% mæðra og 70% feðra viðurkenna að þau eigi sér uppáhaldsbarn.
22.nóv. 2017 - 16:30 Aníta Estíva Harðardóttir

Senda síamstvíbura sína í aðgerð þrátt fyrir áhættu að önnur látist

Mynd/Zuma Wire Foreldrar síamstvíbura hafa ákveðið að senda þær í aðgerð þrátt fyrir áhættuna á því að önnur þeirra gæti látið lífið. Faðir stúlknanna segir að erfitt sé að stjórna þeim í dag þar sem þær vilja báðar verða aðskildar og eigi það til að rífast mikið yfir áhugamálum.
22.nóv. 2017 - 15:00 DV

Allt leikur á reiðiskjálfi milli Bjartmars og Margrétar: „Þú ert sjúkur í hausnum Bjartmar“

Stórar ásakanir ganga á víxl á milli Bjartmars Odds Alexanderssonar og Margrétar Friðriksdóttur á Stjórnmálaspjallinu en þau saka hvort annað um lygar. Ástæða þess er frægt viðtal sem Bjartmar tók við Margréti og Örvar Harðarson þar sem þau ræddu múslíma. Margrét sakaði Bjartmar um hann hafi „klippt myndbandið í drasl“ og því birtir hann það nú óklippt.
22.nóv. 2017 - 13:46 Aníta Estíva Harðardóttir

Jólabókaflóðið er hafið - Arnaldur og Yrsa tróna á toppnum

Tími bókalesturs er runninn í garð þar sem jólabókaflóðið er þegar hafið og ætti hver og einn að geta fundið eitthvað sér við hæfi.
22.nóv. 2017 - 13:19 Kynning

Tölvutek: Jólagjöfin í ár! Star Wars drónar!

Tölvutek hefur fengið í sölu glæsilega dróna í takmörkuðu upplagi og eru þeir á frábæru tilboði næstu daga, hafa lækkað úr 29.990 niður í 19.990 kr. Tilboðið gildir út mánudaginn 27. nóvember.

22.nóv. 2017 - 12:20 Aníta Estíva Harðardóttir

Dæmdur í lífstíðarfangelsi fyrir þjóðarmorð og glæpi gegn mannkyninu

Ratko Mladic, fyrrverandi herforingi Bosníu-Serba hefur verið dæmdur í lífstíðarfangelsi fyrir þjóðarmorð og aðra alvarlega glæpi gegn mannkyninu síðan hann leiddi borgarastríðið í Júgóslavíu frá árunum 1993-1995.
22.nóv. 2017 - 11:19 Eyjan

Fyrrverandi þingkona Framsóknarflokksins: „Eitt atvik? Nei“

Jóhanna María Sigmundsdóttir, sem sat á þingi fyrir Framsóknarflokkinn á árunum 2013 til 2016, segir að hún hafi ekki tölu á því hversu oft hún hafi þurft að forða sér á samkomum og taka hendur af líkamshlutum sem ekki sé ásættanlegt að séu snertir. Jóhanna María, eða Hanna María eins og hún er gjarnan kölluð, var ein þeirra kvenna í stjórnmálum sem steig fram í gær og lýsti kynferðislegri áreitni sem hún varð fyrir á meðan hún starfaði í stjórnmálum.
22.nóv. 2017 - 10:06

Bréfið frá skólastjóranum sem allir foreldrar ættu að lesa: „Gerið þetta og fylgist með börnunum ykkar leggja heiminn að fótum sér“

Það styttist í að nemendur taki próf fyrir jólin. Hér fyrir neðan er að finna bréf sem skólastjóri sendi til foreldra fyrir prófin. Þórey Sigþórsdóttir leikkona birti bréfið á Facebook-síðu sinni.
22.nóv. 2017 - 09:00 DV

Vaknaði upp með blóðuga áverka á höfði – Sleginn með exi í höfuðið

Norskur maður á fertugsaldri getur svo sannarlega þakkað sínu sæla fyrir að hafa ekki verið myrtur aðfaranótt sunnudags. Hann varð þá fórnarlamb hrottalegrar árásar sem var algjörlega að tilefnislausu nema hvað árásarmaðurinn hafði farið að heima með öxi, tvo hunda og skýrt markmið: Hann ætlaði að drepa einhvern.
22.nóv. 2017 - 08:00

Hún var 10 ár í norður-kóreska hernum: Konur látnar sofa á hrísgrjónahýðum – Fengu ekki dömubindi

Í tæp 10 ár var Lee So Yeon í norður-kóreska hernum eins og margar aðrar norður-kóreskar konur sem þurfa að gegna herþjónustu. Aðstæðurnar og aðbúnaður kvennanna var svo slæmur að þær fengu ekki nóg að borða, mörgum var nauðgað af yfirmönnum, þær voru látnar sofa á dýnum fylltum af hrísgrjónahýðum. Slæmur aðbúnaður leiddi til þess að Yeon og margar aðrar konur hættu að hafa blæðingar.
21.nóv. 2017 - 21:00 Aníta Estíva Harðardóttir

Er þetta skemmtilegasti raunveruleikaþáttur í heimi?

Raunveruleikaþáttur í Japan hefur slegið í gegn um allan heim en í honum má sjá sex leikmenn reyna að ganga upp stiga sem bæði er allur umlukinn plasti og einhverskonar slímkenndum vökva.
21.nóv. 2017 - 20:00 Ari Brynjólfsson

Þess vegna áttu ekki að neyða barn til að faðma einhvern

Það styttist óðfluga í jólahátíðina með tilheyrandi veislum, stressi og gleði. Margir, þá sérstaklega barnafólk, á eftir að fara í ótal jólaveislur og blanda geði við ættingja og vini. Af því tilefni hafa Samtök stúlknaskáta í Bandaríkjunum sent frá sér áminningu til foreldra um að neyða ekki börnin sín til þess að faðma fólk. Að sjálfsögðu er ekki verið að tala um að koma í veg fyrir að barn faðmi ættingja heldur er markmiðið að koma í veg fyrir að barnið sé neytt til þess.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 18:00 Bleikt

„Stórkostlegasta ævintýri lífs míns“ segir Joe Manganiello um Ísland

Það má vel vera að hann hafi heillað okkur á hvíta tjaldinu með heillandi brosi, magavöðvum og leikhæfileikum, en það var náttúra Íslands sem heillaði leikarann Joe Manganiello í nýlegri ferð hans hingað til lands í byrjun nóvember.
21.nóv. 2017 - 16:30 Aníta Estíva Harðardóttir

Bakkaði á bíl og endaði ofan á honum

Mynd/Mark Hemsworth:Swns Ökumaður bifreiðar af tegundinni Mercedes bakkaði upp á kyrrstæða bifreið af tegundinni Saab á laugardagskvöldið.
21.nóv. 2017 - 15:00 Ari Brynjólfsson

Óttast kjarnorkuslys í Rússlandi

Mikið magn að geislavirku efni hefur mælst í andrúmslofti í Rússlandi, svo mikið að geislavirk efni hafa borist til Vestur-Evrópu og mælst á mælum í Ítalíu og Frakklandi. Rússnesk yfirvöld hafa fram til þessa sagt að þau kannist ekki við neitt kjarnorkuslys.
21.nóv. 2017 - 13:30 Eyjan

Björn Valur: Bjarni sækir fast að því að fá sjötta ráðherrann

Bjarni Benediktsson formaður Sjálfstæðisflokksins sækir fast að því að fá sex ráðherra í hlut Sjálfstæðisflokksins í ríkisstjórninni en Vinstri græn og Framsóknarflokkurinn taka það ekki í mál. Þetta segir Björn Valur Gíslason fyrrverandi varaformaður Vinstri grænna í færslu á Fésbók.
21.nóv. 2017 - 12:00 Aníta Estíva Harðardóttir

Tugir barna ekki í neinum öryggisbúnaði í bíl hjá ökumönnum sem sjálfir voru í öryggisbeltum

Mynd/Getty Nú liggja fyrir niðurstöður könnunar sem starfsfólk Samgöngustofu og félagar í Slysavarnadeildum Slysavarnafélagsins Landsbjargar gerðu á öryggi barna í bílum núna í vor. Könnunin var gerð við 56 leikskóla í 29 þéttbýliskjörnum víða um land og var búnaður hjá 2.060 börnum kannaður. Sambærilegar kannanir hafa verið gerðar undanfarin 32 ár.
21.nóv. 2017 - 11:06 Aníta Estíva Harðardóttir

Níu ára gamall drengur lést úr krabbameini eftir að hafa fengið sína hinstu ósk uppfyllta

  Mynd/Facebook Níu ára gamall drengur sem barist hefur lengi við krabbamein fékk ósk sína um snemmbúin jól uppfyllta rétt áður en hann lést.
21.nóv. 2017 - 09:58 Bleikt

Kvennaathvarfið hlýtur viðurkenningu Barnaheilla

Kvennaathvarfið hlaut í gær Viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni.
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
21.nóv. 2017 - 08:00

Hundaeigendur eru líklegri til að lifa sjúkdóma af

Það að eiga hund bætir heilsu fólks og dregur úr líkunum á ótímabærum dauða. Þetta eru niðurstöður rannsóknar vísindamanna við Háskólann í Uppsölum í Svíþjóð. Niðurstöðurnar eru byggðar á rannsóknum á gögnum, sem ná yfir 12 ára tímabil, um rúmlega 3,4 milljónir Svía á aldrinum 40 til 80 ára.
20.nóv. 2017 - 22:00

11 leiðir til að nota örbylgjuofninn

Flest notum við örbylgjuofninn aðeins til að hita upp afganga og poppa. Það er synd að láta þetta stóra eldhústæki standa óhreyft þess á milli því örbylgjuofnar eru til margra hluta nytsamlegir. Til dæmis er hægt að baka kartöflur, bræða súkkulaði, gufusjóða gulrætur og sitthvað fleira í þessu ágæta tæki. 
20.nóv. 2017 - 21:00

12 ástæður fyrir því að eiga gæludýr

Að fylgjast með ketti, hundi eða jafnvel fiski sem syndir um í búri í örfáar mínútur hefur jákvæð áhrif á stress. Samkvæmt rannsókn á 240 hjónum kom í ljós að gæludýraeigendur eru með lægri blóðþrýsting en aðrir.
20.nóv. 2017 - 20:00 Ari Brynjólfsson

Svona sérðu hvort verið sé að svindla á þér á svörtum föstudegi

Frá svörtum föstudegi, e. Black Friday, í Bretlandi. Næsti föstudagur er svokallaður svartur föstudagur þar sem verslanir bjóða ýmis tilboð á varningi. Fyrir þá sem ekki þekkja til er svartur föstudagur bandarískt fyrirbæri þar sem markmiðið er að tæma verslanir daginn eftir þakkargjörðarhátíðina fyrir jól. Kaupgleðin á þessum degir hefur farið stigvaxandi undanfarin ár og eru verslanir víðast hvar um heiminn, þar á meðal á Íslandi byrjaðar að auglýsa sérstök tilboð á svörtum föstudegi en margir Íslendingar nota tækifærið á þessum degi og panta vörur erlendis frá.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 18:00 Eyjan

Morgunblaðið: Hvað um samband Kristjáns og Rósu? „Einkalíf Rósu B. er ekki til umræðu á samfélagsmiðlum“

Í Staksteinum í Morgunblaðinu eru fjölmiðlar gagnrýndir fyrir umfjallanir um einkalíf Sigmundar Davíðs og Bjarna Benediktssonar forsætisráðherra. Á meðan hjólað sé á ósanngjarnan hátt í þessa tvo stjórnmálamenn sé farið silkihöndum um aðra og er Rósa B. Brynjólfsdóttir, þingmaður Vg, sérstaklega nefnd í því samhengi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
20.nóv. 2017 - 15:00 Bleikt

Állistamaðurinn Odee hannar listaverk á vínflöskur

Állistamaðurinn Odee, eða Oddur Eysteinn Friðriksson, er með endalausar hugmyndir í kollinum og með mörg járn í eldinum. Nýjasta listaverkið, sem er orðið opinbert, er listaverk sem hann er að hanna á vínflöskur fyrir Brennivin America. Óvíst er hvort flaskan verði til sölu á Íslandi.
20.nóv. 2017 - 13:30 Ari Brynjólfsson

Sema Erla segir skömm stjórnvalda yfirþyrmandi: Misnota reglugerð til að losna undan ábyrgð

Sema Erla Serdar segir að íslensk stjórnvöld hafi misnotað Dyflinnarreglugerðina til að losa sig undan ábyrgð í málefnum fólks á flótta. Segir Sema í opnu bréfi til stjórnvalda í í tilefni alþjóðadegi barna í dag, sem hún birtir á Fésbók, að íslensk stjórnvöld hafi ítrekað brotið á börnum sem leitað hafa hingað til lands eftir vernd. Samkvæmt Flóttamannastofnun Sameinuðu þjóðanna hafa aldrei fleiri verið á flótta í heiminum en nú, eða rúmar 65 milljónir einstaklinga, þar af helmingurinn börn:
20.nóv. 2017 - 12:00 Ari Brynjólfsson

Ruby sagði FBI að „fylgjast með flugeldasýningunni“ rétt fyrir morðið á Kennedy

Jack Ruby, næturklúbbseigandinn sem myrti Lee Harvey Oswald, sagði uppljóstrara alríkislögreglunnar FBI að „fylgjast með flugeldunum“ nokkrum klukkutímum áður en John F. Kennedy Bandaríkjaforseti var ráðinn af dögum í Dallas þann 22. nóvember 1963.
20.nóv. 2017 - 10:30 Eyjan

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu að því að bjarga því að bjarga verður. Segir Smári á Fésbók að hann hafði hugsað sér að gera eitthvað annað um helgina en að stundum geri plönin sig ekki sjálf:
20.nóv. 2017 - 09:00 Ari Brynjólfsson

Mikill kuldi framundan – Veðurstofan varar við vetrarstormi á Norðurlandi og Vestfjörðum

Veðurstofan hefur sent frá sér gula viðvörun vegna storms og ofankomu á Norðurlandi og Vestfjörðum allt niður á norðanvert Snæfellsnes frá kl. 18 í kvöld. Spáð er stormi eða hvassviðri úr norðlægri átt með snjókomu og éljum. Á Norðurlandi er búist við viðvarandi norðanátt með ofankomu fram á föstudag.
20.nóv. 2017 - 08:00

Hver er munurinn á mandarínu og klementínu?

Nú er sá árstími sem mandarínuneysla fólks er mest eða kannski klementínuneysla. En hver er munurinn á mandarínum og klementínum? Þetta er kannski ein af stærstu og áleitnustu spurningum samtímans og því rétt að upplýsa hér hver munurinn er á þessum góðu og hollu ávöxtum.
19.nóv. 2017 - 22:00 Vestfirðir

Vöxtur þrosks síðustu eitt þúsund ár

Guðbjörg við skráningu á sjávarminjum. Nýlega birti starfsfólk Rannsóknaseturs Háskóla Íslands á Vestfjörðum, Guðbjörg Ásta Ólafsdóttir og Ragnar Edvardsson, í samstarfi við Hafrannsóknastofnun Ísland, vísindagrein þar sem vöxtur þorsks við Íslands er kannaður 1000 ár aftur í tímann.

Veðrið
Klukkan 18:00
Skýjað
NNV6
-2,3°C
Skýjað
N10
-1,4°C
Snjókoma
NNA14
-3,0°C
Lítils háttar snjókoma
NNV12
-0,3°C
Lítils háttar snjókoma
N11
0,5°C
Léttskýjað
N12
-2,1°C
Spáin
(1-) Gæludýr.is: Flutingar - nóv
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Börkur Gunnarsson
Börkur Gunnarsson - 22.11.2017
Nafnar
Jón Steinar Gunnlaugsson
Jón Steinar Gunnlaugsson - 23.11.2017
Dómarar gæta hagsmuna sinna
Fleiri pressupennar