12. okt. 2017 - 12:58Akureyri vikublað

Hlustaði ekki á viðvörunarbjöllurnar

Ragnheiður Runólfsdóttir flutti til Akureyrar fyrir sjö árum og hefur ekki litið til
baka síðan. Í einlægu viðtali segir Ragnheiður frá glæsilegum sundferli, uppvextinum
á Skaganum, fjölskyldunni, ofbeldissambandinu sem hún festist í, veikindunum og
mismunandi tækifærum kynjanna þegar kemur að íþróttum.

„Ég er að hefja sjöunda árið hérna og okkur líður vel. Strákurinn minn er að vísu farinn að heiman en stelpurnar eru í níunda bekk í Brekkuskóla og fyrsta bekk í Menntaskólanum á Akureyri og gengur vel,“ segir Ragnheiður Runólfsdóttir, sundþjálfari og fyrrverandi afrekskona í sundi, sem flutti til Akureyrar haustið 2011 og hefur unað sér vel síðan. 

Tvisvar á Ólympíuleikum 
Ragnheiður er yfirþjálfari sundfélagsins Óðins og kennir einnig í Brekkuskóla. Hún á að baki glæsilegan feril, keppti meðal annars tvisvar á Ólympíuleikum og var kjörin íþróttamaður ársins árið 1991. Hún er fædd og uppalin á Akranesi, yngst fimm systkina, dóttir útgerðarhjónanna Runólfs Óttars Hallfreðssonar og Ragnheiðar Gísladóttur sem bæði eru látin. „Ég var kröftugur krakki og ofvirk fyrir allan peninginn. Við krakkarnir lékum okkur úti allan daginn og fórum helst ekki inn að borða. Ég á bara góðar minningar úr æsku. Það voru engir erfiðleikar og allir voru glaðir; sem eru mikil forréttindi. Við áttum stórt hús í Krókatúni sem var ávallt opið fyrir vini og fjölskyldu og það var alltaf margt fólk heima. Samheldnin á Skaganum var mikil og foreldrar mínir alltaf boðnir og búnir að aðstoða ef þurfti.“ 

Saknar móður sinnar 

Hún segir lífið hafa tekið stakkaskiptum eftir andlát foreldra hennar. „Það eru 14 ár síðan pabbi dó en mamma lést fyrir ári. Mamma var fastur lið- ur í lífi okkar barnanna og þótt við byggjum hér fyrir norðan og hún á Akranesi var hún minn besti vinur og helsti ráðgjafi. Hún studdi mig í gegnum allt og var mér rosalega mikilvæg. Fyrir mér var hún heimurinn. Ég missti mikið þegar ég missti hana. Mamma hafði lifað tímana tvenna en alltaf staðið keik. Hún var svo ofsalega stolt kona. Hún var með lungnasjúkdóm og var mikill ofnæmissjúklingur og lést í raun úr matareitrun sem ekki var hægt að meðhöndla vegna ofnæmis fyrir lyfjum. Hún tók því sjálf ákvörðun um að enda þetta og lést með reisn eins og hún hafði lifað allt sitt líf,“ segir Ragnheiður og játar því aðspurð að eflaust líkist hún móður sinni að ýmsu leyti. „Ég er samt ekki skemmtileg eins og hún. Hún var svo fyndin og skemmtileg.“ 

Háskólanám á íþróttastyrk 

Þótt knattspyrna hafi verið í algleymingi á Skaganum þá valdi Ragnheiður sundið og hlaut til þess fullan stuðning foreldranna. „Að æfa afreksíþrótt er full vinna en þetta var hægt með þeirra hjálp. Ég fékk einhverja styrki en sá peningur var bara dropi í hafið. Ég var heppin og mamma og pabbi greiddu nánast allt fyrir mig. Stuðningur fjölskyldu skiptir öllu máli fyrir ungt íþróttafólk og auðvitað fyrir alla,“ segir Ragnheiður sem komst út til Bandaríkjanna í háskólanám á skólastyrk þar sem hún lærði íþróttalífeðlisfræði. 

Launalaus styrktarþjálfari 

Hún segir jafnrétti kynjanna hafa þarfnast umbóta í heimi íþróttanna þegar hún var á meðal þeirra bestu. „Og því miður held ég að þetta hafi lítið breyst. Það er erfiðara fyrir konur en karla í íþróttum að fá styrki. Í kvennaboltanum hér á Akureyri erum við með leikmenn í heimsklassa, útlendinga sem ætla sem betur fer að vera hér áfram, sem gætu hæglega staðið sig vel með strákunum. Samt sem áður eru þær svo auðmjúkar og töldu ekki eftir sér að mæta í vörutalningu og þrif á íbúðum rétt eftir að þær unnu Íslandsmeistaratitilinn, því það þarf að safna peningum til að hafa efni á næsta tímabili,“ segir Ragnheiður sem starfar sem styrktarþjálfari nýkrýndra Íslandsmeistara Þórs/KAstelpnanna, í launalausu starfi. „Það er ekki til peningur, þannig er það bara. Þessar stelpur eru svo þakklátar fyrir allt. Það er nefnilega auðvelt að verða góður í íþrótt en erfiðara að vera góður íþróttamaður. Það þarf sterkt bak til að taka með auðmýkt á góðum árangri og þora að vera fyrirmynd alla leið,“ segir hún og tekur annað dæmi um ósanngirnina gagnvart íþróttaiðkun kvenna þegar kvennaknattspyrnan á Akranesi var lögð niður vegna fjárskorts. „Þessar stelpur höfðu unnið bikar- og Íslandsmeistaratitla en samt var ekki til peningur til að reka kvennadeildina. Þetta er svo óréttlátt viðhorf og hefur ekkert með kvenrembu að gera heldur jafnrétti.“ 

Konur þurfa að sanna sig meira 

Þegar Ragnheiður var kjörin íþróttamaður ársins, árið 1991, var hún önnur konan til að hljóta viðurkenninguna, en fimm konur hafa hreppt titilinn síðan Vilhjálmur Einarsson vann hann fyrst, árið 1956. Handboltakonan Sigríður Sigurðardóttir var fyrst kvenna til að til að hljóta titilinn árið 1964 eða 27 árum áður en Ragnheiður kom, sá og sigraði. „Í umfjöllun um kjörið á fyrstu konunni sem var íþróttamaður ársins var mynd af Sigríði með svuntu að elda undir yfirskriftinni; Húsmóðir í Vesturbænum,“ segir Ragnheiður og hristir hausinn. „Íþróttakonur þurfa að sanna sig meira en karlar. Við metum þær ekki á sama hátt og karlana, því miður, og þetta á við á heimsvísu. Ég hélt alltaf að ég væri einfaldlega ekki nógu góð til að vinna þennan titil. Ég velti því ekkert fyrir mér hvort kyn mitt hefði áhrif og var bara ákveðin í að gera mitt besta,“ segir hún en bætir við að jafnvægi milli kynjanna sé meira í sundi en mörgum öðrum íþróttum. „Kynin æfa alltaf saman og í sundinu eru margar frábærar kvenfyrirmyndir. Konur hafa verið sterkari í sundinu í gegnum tíðina, hafa náð lengra og hlotið kredit fyrir. Ég hefði samt viljað sjá Hrafnhildi Lúthersdóttur taka titilinn núna síðast en það er erfitt að keppa við fótboltamennina. Það þykir svo mikið afrek ef þeir komast á stóru mótin, þótt bæði stelpurnar í boltanum og í einstaklingsíþróttunum hafi verið þar í mörg ár.“ 

Leitaði til Kvennaathvarfsins 

Ragnheiður hefur verið einhleyp í tíu ár og segist ekki þurfa karlmann til að lifa sínu lífi. Samt sem áður viðurkennir hún að það væri gaman að hafa einhvern til að deila lífinu með. „Mér líður ekkert illa og er að skemmta mér vel í þessu lífi. Ég þarf ekki að eiga mann en auðvitað væri gaman að eiga vin til að gera eitthvað skemmtilegt með. Ég veit samt ekki hvar ég ætlast til að þann mann reki á mínar fjörur, kannski í lauginni? Ég er ekki mikið að fara út að skemmta mér og gef því kannski ekki mikið færi á mér,“ segir hún og bætir við að síðustu árin hafi hún verið að byggja sig upp eftir ofbeldissamband. „Ég hafði spólað lengi í sama farinu og það hefur reynst mér erfitt að sætta mig við að ég hafi ekki farið strax. Ég vildi einfaldlega ekki trúa að ég væri orðin þessi manneskja – kona sem þurfti að leita til Kvennaathvarfsins en það hjálpaði mér. Þar fékk ég leiðbeiningar; líflínu til að fara eftir. Ég var hætt að þekkja þessa konu sem ég var orðin. Ég, sem hafði alltaf verið „winner“ var orðin „loser“ og það var stór biti að kyngja,“ segir hún og bætir við að vinir, fjölskylda og börnin hennar hafi hjálpað henni að byggja sig upp að nýju. 

Hunsaði viðvörunarbjöllurnar 

Hún segir erfiðleikana hafa gert hana að sterkari. „Ég kann betur að meta lífið. Ég hafði bara fleytt rjómann ofan af, en þarna komst ég aðeins ofan í kaffikorginn. Þetta var erfitt tímabil en ég held að ég að ég hafi komið út sterkari þótt það hafi tekið sinn tíma. Ef ég horfi til baka sé ég viðvörunarbjöllurnar sem dingluðu, strax í upphafi og út sambandið, en ég hlustaði ekki á þær. Ég vildi ekki ganga aftur í gegnum skilnað og fannst ég þurfa að standa mína plikt; að ég ætti ekki að gera mikið úr þessu, standa mig, vinna, koma börnunum út í heiminn og vera ánægð með mitt. Ég hafði allt – góða vinnu, frábæra fjölskyldu, húsnæði og yndisleg börn og fannst að ég hlyti að geta verið ánægð. Ég taldi mér trú um að ég yrði að vera kyrr, en smám saman gerði ég mér grein fyrir að ég vildi það ekki og ég sé ekki eftir þeirri ákvörðun. Það var margt sem ég hefði mátt gera öðruvísi í vanlíðaninni og ég tek fulla ábyrgð á því sem ég sagði og gerði, en að fara, það var rétt.“ 

Krabbamein í fimmtugsafmælisgjöf 

Hún segir flutningunum til Akureyrar hafa fylgt mikið frelsi. „Ég er komin hingað til að vera og lít á mig sem Akureyring þótt ég sé alltaf Skagastelpa í grunninn, því þar eru ræturnar. Mér líður vel hér og er í bestu vinnu í heimi þótt hún sé ekki mjög örugg. Þjálfarastarfið er þannig að maður þarf að standa sig til að halda vinnunni en ég skil það enda valdi ég mér það. Það hentar mér vel að hafa áskorun,“ segir Ragnheiður sem varð fimmtug í fyrra en hefur ekki enn haldið upp á stórafmælið. „Ég verð að fara að gera það en ég greindist með krabbamein í móðurlífi í fyrra og fór í aðgerð fjórum dögum fyrir afmælið. Það var auðvitað ákveðið áfall að greinast, en pabbi og öll systkini hans létust úr krabba sem og margt ungt fólk í fjölskyldunni. Við erum með þessa BRCA-stökkbreytingu og erum einnig í áhættuhóp varðandi heila- æxli, en ég veit ekki ennþá hvort það eigi við um mig. Ég hef verið heppin og hraust í gegnum minn sjúkdóm og þar sem það hefur verið nóg að gera hef ég ekki haft tíma til að dvelja mikið við veikindin. 

Ég hef verið einstaklega heppin í lífinu. Þegar ég hafði það sem verst hefði það getað verið verra og þótt það hafi verið erfitt tókst mér að standa upp og fara. Í dag veit ég að ég er víst bara mannleg og lendi í erfiðleikum eins og aðrir, en veit líka að erfiðleikarnir eru áskoranir. Ég hef dregið lærdóm af mörgu og þótt það sé margt sem ég hefði viljað að hefði farið öðruvísi getur maður ekki breytt hlutunum. Það eina sem maður getur er að vera maður sjálfur.“

Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



16.des. 2017 - 21:30

10 leiðir til þess að jafna sig á ástarsorg

Ástarsorg getur verið alvarlegt áfall og á að taka alvarlega. Að komast yfir sambandsslit og brotið hjarta er eitt af erfiðustu verkefnum lífsins. Eitt af því sem kemur í veg fyrir að fólk jafni sig eftir erfið sambandsslit er að halda í falskar vonir og sumir eru fastir í limbói um að það sé vonarglæta um að byrja aftur með fyrrverandi maka.
16.des. 2017 - 20:00 Aníta Estíva Harðardóttir

Sjónvarpsþættirnir The Simpsons hafa fjórum sinnum spáð fyrir um framtíðina

Höfundar sjónvarpsþáttaraðarinnar The Simpsons hafa fjórum sinnum spáð fyrir stórum viðburðum sem áttu sér stað árum eða áratugum eftir að greint var frá þeim í þáttunum.
16.des. 2017 - 19:05 DV

Með og á móti - Ísland í NATO

Með: Björn Bjarnason, formaður Varðbergs og fyrrverandi ráðherra Sjálfstæðisflokksins. Eftir tæplega 70 ára farsæla aðild Íslands að NATO vekur undrun að um þetta skuli spurt. Ekkert mælir með úrsögn úr NATO. Engin málefnaleg rök eru fyrir að mótuð skuli önnur stefna fyrir Ísland í öryggis- og varnarmálum en aðild að NATO.
16.des. 2017 - 17:30

Sjö tilfinningar sem skaða þig

Ekki láta þennan lista stressa þig! Rannsóknir hafa sýnt að langvarandi áhyggjur geta verið lífshættulegar. Stress vegna vinnu auka líkur á hjartasjúkdómum, flensu og háum blóðþrýstingi.
16.des. 2017 - 16:00

Nágrannar Vetrarbrautarinnar á förum

Á síðustu árum hafa sjörnufræðingar uppgötvað að Grenndarhópurinn er ekki nándar nærri jafn vel kortlagður og ætlað var. Ekki aðeins líta stórar þokur allt öðruvísi út, heldur hafa komið fleiri í ljós, sem ekki var vitað að væru til. Það getur verið spennandi, en einnig nokkur áskorun, að hitta nýja nágranna. Það er einmitt hlutskipti stjörnufræðinga nú á tímum, enda uppgötva þeir hverja nýju nágrannastjörnuþokuna á fætur annarri í grennd við okkar eigin stjörnuþoku, Vetrarbrautina.
16.des. 2017 - 15:00 Eyjan

Ráðherrar síðustu ríkisstjórnar úthlutuðu 9 milljónum af skúffufé eftir stjórnarslit

Ráðherrar síðustu ríkisstjórnar úthlutuðu rúmlega 17 milljónum af skúffufé sínu til ýmissa mála það sem af er þessu ári. Þórdís Kolbrún Reykfjörð Gylfadóttir ferðamála-, iðnaðar- og nýsköpunarráðherra, var gjafmildasti ráðherrann
16.des. 2017 - 13:30

Edik í gluggaþvottinn

Margir kannast við það vandamál að ná aldrei rúðum og speglum almenninlega hreinum, þrátt fyrir að nota ósköpin öll af rúðuvökva og góða klúta. „Skýin“ myndast auðveldlega og erfitt er að ná þeim af. Það er tiltölulega auðvelt að spara bæði fé og fyrirhöfn með því að útbúa sinn eigin rúðuvökva úr ediki og vatni.
16.des. 2017 - 12:00 Aníta Estíva Harðardóttir

Ræktar pínulitlar kýr sem gæludýr

Mynd: Caters Mikið hefur verið fjallað um litlu sætu svínin sem fólk hefur haft sem gæludýr síðustu ár en nú hefur maður einn tekið upp á því að rækta pínulitlar kýr.
16.des. 2017 - 10:31

Ók á 180 km hraða fram úr lögreglubifreið

Þegar lögreglan á Suðurnesjum var við umferðareftirlit á Reykjanesbraut í vikunni var bifreið ekið á miklum hraða fram úr lögreglubifreiðinni. „Ökumaður hennar, sem er á þrítugsaldri,  kvaðst í viðræðum við lögreglumenn hafa verið á 180 km hraða þegar hann ók fram úr þeim, 
16.des. 2017 - 09:27 Eyjan

Vilhjálmur óttast svik - Hissa á Framsókn, Miðflokki og Flokki fólksins að mynda ekki bandalag

Vilhjálmur Birgisson verkalýðsforingi á Akranesi hefur lengi talað tæpitungulaust og barist fyrir afnámi verðtryggingar og afnámi húsnæðisliðar úr lögum um vexti og verðtryggingu. Fyrir kosningarnar í haust var á ný rætt um að afnema verðtryggingu og taka húsnæðislið út. Í viðtali í helgarblaði DV segir Vilhjálmur að stjórnmálamenn í ákveðnum flokkum hefðu lofað því skýrt og greinilega.
16.des. 2017 - 08:08

Handtekinn vegna heimilisofbeldis í Grafarvogi

Rétt fyrir níu í gærkvöldi var maður handtekinn í Grafarvogi grunaður um húsbrot, heimilisofbeldi og líkamsárás, eignaspjöll, akstur undir áhrifum fíkniefna og að aka sviptur ökuréttindum. Hann var vistaður í fangageymslu lögreglu fyrir rannsókn máls.
15.des. 2017 - 21:00

Ertu að halda framhjá?

Samkvæmt nýlegri rannsókn eru karlmenn sem eru með lægri laun en eiginkonan líklegri til að halda framhjá. Konur eru líklegri til að halda framhjá ef þær eru með hærri laun en eiginmaðurinn. Christin Munsch, útskriftarnema við Cornell-háskólann sem leiddi rannsóknina, datt í hug að rannsaka áhrif launa á framhjáhald eftir að hafa frétt af hliðarspori vinar síns.
15.des. 2017 - 20:00

Móðir „langveiks“ barns afhjúpuð sem lygari – Fór í 13 ónauðsynlegar skurðaðgerðir

Átta ára gamall drengur hefur verið lagður inn í sjúkrahús oftar en 300 sinnum og farið í 13 skurðaðgerðir á sinni stuttu ævi. Móðir hans, Kaylene Bowen, sagði að Christopher væri með sjaldgæfan sjúkdóm, en nú hefur komið í ljós að Christopher var alls ekkert veikur og að Keylene var að ljúga til að fá athygli, samúð, fé og til að koma í veg fyrir að faðir hans fengi að hitta hann. Árið 2014, þegar Christopher var fimm ára, fór móðir hans í viðtal á sjónvarpsstöð í Dallas þar sem hún sagði að hann hefði verið greindur tveggja ára gamall með sjaldgæfan sjúkdóm í öndunarfærum. Í kjölfarið fór af stað fjársöfnun sem varð ekki sú síðasta:
15.des. 2017 - 19:00 Aníta Estíva Harðardóttir

Elsti maður í heimi skálaði á 113 ára afmælisdegi sínum með glasi af mjólk

Mynd: Antena 3 Elsti maður í heimi fagnaði á dögunum 113 árum með fjölskyldu sinni sem saman stendur af fjórum börnum, níu barnabörnum og fimmtán barnabarnabörnum. Skálaði hann fyrir lífinu með glasi af mjólk.
15.des. 2017 - 17:30 Bleikt

Kertagleði í desember – Taktu þátt í endurvinnsluátaki þar sem hægt er að vinna til verðlauna

Um jólin er kertagleði landsmanna í hámarki þó að margir kveiki á kertum allan ársins hring. Á hverju ári nota landsmenn um 3 milljónir sprittkerta. Til að setja hlutina í samhengi, þá dugar álið úr þremur sprittkertum í eina drykkjardós og einungis þarf þúsund sprittkerti til að búa til reiðhjól.
15.des. 2017 - 16:00 Sælkerapressan

Hvítt súkkulaði og bananabúðingur

Jæja, krakkar mínir. Ég er hér til að færa ykkur gleðitíðindi. Ég bakaði nefnilega svo svakalega góðar smákökur um daginn að ég get ekki annað en deilt uppskriftinni með ykkur! Hér á bæ er hvítt súkkulaði í guðatölu og því var það notað sem útgangspunkturinn í þessari epísku snilld.

15.des. 2017 - 15:00 Eyjan

Háttsettur NATO yfirmaður óttast að Rússar rjúfi sæstrenginn – Ísland án internets ?

Samkvæmt Sir Stuart Peach, marskálki innan breska flughersins og nýskipuðum formanni hernefndar NATO, hafa herskip og kafbátar Rússa sést á hafsvæðum þar sem sæstrengir liggja í Atlantshafinu. Ef þeim tækist að rjúfa sæstrenginn, gæti það þýtt að England, auk fjölda annarra NATO ríkja, til dæmis Ísland, yrðu án internets auk þess sem viðskipti landanna við útlönd yrðu lömuð í lengri tíma.
15.des. 2017 - 13:30

Þetta eru fyndnustu dýralífsmyndir ársins 2017

Þessi selur í Kaliforníu er alveg heykslaður á félaga sínum. Tilkynnt hefur verið um sigurvegara fyndnustu dýralífsmyndanna sem teknar hafa verið á þessu ári. Sendar voru inn meira en 3.500 myndir héðan og þaðan úr heiminum. Um er að ræða verðlaun í fimm flokkum, á landi, ofan í djúpunum, myndaröð, verðlaun yngri keppenda og fyndnasta dýralífsmynd ársins.
15.des. 2017 - 11:29 Aníta Estíva Harðardóttir

Sex börn látin eftir alvarlegt lestarslys í Frakklandi

Að minnsta kosti sex börn eru látin eftir að lest og strætisvagn rákust saman með þeim afleiðingum að strætisvagninn brotnaði í tvo hluta.
15.des. 2017 - 11:00 Eyjan

Landsframleiðsla Íslands yfir meðaltali ESB ríkjanna

Landsframleiðsla per mann á Íslandi var 28% yfir meðaltali ESB ríkjanna árið 2016, eða í fimmta sæti Evrópuríkjanna 37. Ísland var í 10. sæti árið 2015. Þetta kemur fram á vef Hagstofu Íslands: Lúxemborg var í fyrsta sæti þar sem landsframleiðsla á mann var 158% yfir meðaltali ESB ríkjanna og Írland í öðru sæti, 83% yfir meðaltalinu.
15.des. 2017 - 10:00

Eftir 25 ára stríð gegn HIV sjá fræðimenn ljós í myrkrinu

25 árum eftir að HIV-veiran greindist sem orsök alnæmis lifa fleiri smitaðir í heiminum en nokkru sinni fyrr. Á árinu 2007 einu saman smituðust 2,5 milljónir manna af þessari banvænu veiru. Enn er ekki að finna neina lækningu gegn alnæmi, en tilraunir með fjölmörg lyf sem ráðast á veiruna með nýjum hætti veita vonir um árangursríkari meðferðir.
15.des. 2017 - 09:00 Eyjan

Lilja Alfreðsdóttir: „Liður í þeirri stórsókn sem ríkisstjórnin hefur boðað í menntamálum“

Fjárveitingar til framhalds- og háskólanna í landinu hækka um 3,8 milljarða króna á næsta ári, samkvæmt fjárlagafrumvarpi ríkisstjórnarinnar sem kynnt var í gærmorgun.
15.des. 2017 - 08:00

Reyndi að þvinga lögreglubíl út af veginum: Hefði betur sleppt því

Þegar lögreglumenn í Albertslund í Kaupmannahöfn gáfu ökumanni fólksbifreiðar merki um að stöðva aksturinn í gærkvöldi brást ökumaðurinn við með því að leggja á flótta. En hann hefði betur sleppt því.
14.des. 2017 - 21:00

Vísindamenn hafa fundið 512 ára hákarl

Vísindamenn hafa fundið risastóran grænlandshákarl sem gæti hugsanlega verið elsta hryggdýr í heimi. Grænlandshákarlinn er áætlaður að vera 512 ára gamall. Þessi grænlandshákar syndir um Norður-Íshafinu. Vísindamenn mældu lengd hákarlsins til að finna út aldur hans. 
14.des. 2017 - 20:00 Sverrir Björn Þráinsson

Kristín losaði 21 kg á 24 vikum með breyttri rútínu: „Líf mitt varð svo mikið léttara og skemmtilegra“

Kristín Frímannsdóttir, 48 ára grunnskólakennari fékk nóg af versnandi heilsu vegna lífstíls og lagði upp í ferð til breytinga. Hún náði stórkostlegum árangri og hefur nú losað 21 kg af líkama sínum á 24 vikum og grætt aukinheldur varanlega mun betri heilsu, andlega-og líkamlega.
14.des. 2017 - 19:00 Aníta Estíva Harðardóttir

Íkorni heimsækir reglulega fjölskylduna sem bjargaði honum

Mynd: Instagram/cidandbella Fyrir átta árum síðan bjargaði fjölskylda fjögurra vikna gömlum íkorna sem var örlítill og slasaður. Átta árum síðar er íkornin enn að heimsækja fjölskylduna reglulega en þau slepptu honum út í náttúruna þegar hann var orðin nógu heilbrigður til þess að sjá um sig sjálfur.
14.des. 2017 - 17:30

Góðir pabbar, minna stress

Mynd:Corbis Í nýlegri rannsókn, sem greint var frá á ráðstefnu American Psychological Association, kemur í ljós að karlmenn sem hafa átt jákvæð og uppbyggileg samskipti við föður sinn eru betur búnir til að takast á við daglegt stress en þeir sem minnast ekki föður síns á jákvæðan máta.
14.des. 2017 - 16:31 Eyjan

Samtök ferðaþjónustunnar : „Skora á Isavia að endurskoða áform sín“

Stjórn Samtaka ferðaþjónustunnar hafa sent frá sér ályktun, þar sem skorað er á Isavia að endurskoða hugmyndir sínar um fyrirhugaða gjaldtöku á hópbifreiðum, en sú gjaldtaka hefur farið fyrir brjóstið á mörgum innan ferðaþjónustunnar þar sem kostnaðurinn þykir ansi hár. 
14.des. 2017 - 15:00 Aníta Estíva Harðardóttir

Fékk sér gervineglur – Átti ekki von á þessum skelfilegu afleiðingum

Mynd:Caters Kona missti hluta af þumalfingri sínum eftir að gervinögl hennar leiddi til blóðeitrunar sem hefði geta leitt hana til dauða.
14.des. 2017 - 13:30 Bleikt

Úrval 30 þúsund ljósmynda leikskólabarna komin út í bók

Árið 2006 dreifði Hálfdan Pedersen hundruðum einnota ljósmyndavéla til fimm ára leikskólabarna í öllum bæjar- og sveitarfélögum á Íslandi. Viðfangsefni myndanna var undir börnunum sjálfum komið. Afraksturinn varð yfir 30 þúsund ljósmyndir.
14.des. 2017 - 12:00 Aníta Estíva Harðardóttir

Snapparinn Camilla Rut heldur ókeypis Jólatónleika

Mynd: Úr einkasafni Snapparinn og gleðigjafinn Camilla Rut ásamt eiginmanni sínum, Rafn Hlíðkvist Björgvinsson, halda ókeypis jólatónleika þann 19. desember næstkomandi.
14.des. 2017 - 11:00 Aníta Estíva Harðardóttir

Minningarathöfn við Reykjavíkurtjörn fyrir Klevis Sula

Minningarathöfn fyrir Klevis Sula, sem lést af sárum sínum þann 8. desember síðastliðinn eftir að hafa verið stungin margsinnis á Austurvelli í byrjun mánaðarins, verður haldin sunnudaginn 17. desember næstkomandi.
14.des. 2017 - 10:00

Hjónabandsráðgjöf hjálpar

Nýleg ítarleg rannsókn gefur til kynna að hjónabandsráðgjöf geti hjálpað jafnvel verstu hjónaböndum svo lengi sem báðir aðilar vilji bæta sambandið.
14.des. 2017 - 08:57 Eyjan

Áslaug, Páll og Óli Björn fá formennsku fastanefnda hjá Sjálfstæðisflokknum

Í gærkvöldi lagði þingflokkur Sjálfstæðisflokksins til hverjir færu með formennsku í þeim þremur fastanefndum sem flokkurinn hefur að skipa. Tillaga þingflokksins er að Áslaug Arna Sigurbjörnsdóttir verði formaður utanríkisnefndar, Páll Magnússon formaður allsherjarnefndar og Óli Björn Kárason formaður efnahags- og viðskiptanefndar.
14.des. 2017 - 08:00

„Hjálp, hjálp“ heyrðist öskrað: Lögreglan brást skjótt við en mætti mjög óvæntum aðstæðum

„Hjálp, hjálp“ heyrðist öskrað síðdegis í gær á Schweigaards götu í miðborg Oslóar í Noregi. Vegfaranda brá mikið við öskrin og hringdi í lögregluna sem brást skjótt við og sendi lögreglumenn á vettvang. Lögreglumennirnir voru fljótir að komast á sporið og fundu húsið þaðan sem öskrin bárust. En aðstæðurnar inni í húsinu voru allt aðrar en lögreglumennirnir áttu von á en þeir voru búnir undir það versta.
13.des. 2017 - 22:00

Áll nagaði sig inn í líkama manns sem hafði sett hann í endaþarm sinn

Karlmaður í Kína þurfti að leggjast inn á sjúkrahús eftir að hafa að áll komst inn í líkama hans. Samkvæmt frétt breska dagblaðsins The Sun ákvað maðurinn að setja þennan 50 sentímetra langa ál inn í endaþarm sinn eftir að hafa séð slíkt gert í klámmynd.
13.des. 2017 - 21:00

Býrð þú með kynlífsfíkli?

Heldur þú að maki þinn eigi við ástar- og kynlífsfíkn að stríða?Þú getur prófað að svara þessum krossaspurningum fyrir hann og ef þú svarar mörgum spurningum játandi ættir þú kannski að benda honum á að það er hægt að fá hjálp
13.des. 2017 - 20:00 Aníta Estíva Harðardóttir

Transmaður gekk með og fæddi sitt annað barn

Mynd: Swns Karlmaður sem hóf breytingarferli sitt frá konu yfir í karl, hefur nú gengið með og fætt sitt annað barn.
13.des. 2017 - 19:00 Guðrún Ósk Guðjónsdóttir

Vó 200 kíló og drakk 40 kók dósir á dag

Shane Trench er 21 árs og vinnur á matsölustað. Shane var háður Coca Cola. Hann drakk í kringum þrettán lítra á dag og vó mest 200 kíló. Shane drakk kók með mat, en hann borðaði fisk og franskar í morgunmat, hádegismat og kvöldmat.
13.des. 2017 - 16:30

Veldu réttu vinina

Vinir eru fjölskyldan sem við veljum okkur sjálf. Eftir því sem vinirnir mynda ólíkari hóp því fjölbreyttara er líf þitt. Hér er listi yfir fimm vini sem gera lífið áhugaverðara og skemmtilegra.
13.des. 2017 - 15:00 DV

Hrafnhildur keypti sér köku í Reykjavík og endaði á bráðamóttökunni: „Ekki í lagi að þurfa að óttast um líf sitt“

Hrafnhildur Jóhannesdóttir varð fyrir því óláni að þurfa að fara í tvígang á bráðamóttökuna í síðustu viku eftir að hafa borðað súkkulaðiköku, brownie, sem átti að vera vegan. Hún fékk heiftarlegt ofnæmiskast þar sem kakan var ekki vegan í raun og veru.
13.des. 2017 - 13:28

Karamellur sem bráðna í munni

Heimalagað sælgæti er algjört dekur þegar vel tekst til. Þegar maður veit að sælgætið er gert af ást og alúð nýtur maður hvers bita til hins ýtrasta. Það gerir heimalagað sælgæti líka að dásamlegri gjöf og með þeim betri sem hægt er að gefa, og þá skiptir engu hvort hún er ætluð manni sjálfum til þess að gleðja og næra andann, börnunum eða vinum og vandamönnum.
13.des. 2017 - 12:00

Sum matvæli geymast árum saman

Hin svokallaða „best fyrir“-dagsetning á matvælum er alls ekki heilög og oft er í góðu lagi með mat þótt liðinn sé langur tími frá síðasta söludegi. Vissulega eru sum matvæli viðkvæmari en önnur og bera þess fljótt merki að þeim þurfi að henda fljótlega eftir „best fyrir“-dagsetningu eða síðasta söludag. Mjólk, ostur og kjötvörur eru gott dæmi um slík matvæli.
13.des. 2017 - 10:30

Sjáðu 100 ár af líkamsrækt á 1 mínútu

Tíminn líður og tíska og áherslurnar í líkamsræktinni með. Bæði aðferð og fatnaður.  Í meðfylgjandi myndbandi má sjá á einni mínútu hvernig líkamsrækt hefur breyst á 100 árum frá 1910 til 2010. Hvaða ár er þitt uppáhalds?
13.des. 2017 - 09:00 DV

Spilaði fótbolta án þess að vera með hijab – Á fangelsisrefsingu yfir höfði sér - Þorir ekki að snúa heim

Íranska knattspyrnukonan Shiva Amini, 28 ára, hefur verið útilokuð frá íranska knattspyrnulandsliðinu eftir að hún birti myndband þar sem hún sést spila fótbolta íklædd stuttbuxum og ekki með höfuðklæðnaðinn hijab. Hún á fangelsisrefsingu yfir höfði sér í heimalandinu. Hún þorir ekki heim og hefur nú sótt um hæli í Sviss.
13.des. 2017 - 08:00

Bandaríkjamaður dæmdur í 15 ára fangelsi: Skildi beikon eftir utan við mosku

Michael Wolfe. 37 ára karlmaður, Michael Wolfe, frá Titusville í Flórída í Bandaríkjunum var nýlega dæmdur í 15 ára fangelsi fyrir hatursglæp. Í janúar 2016 braust hann inn í Masjid Al-Munin moskuna og skildi beikonsneiðar eftir við aðalinnganginn. Auk þess braut hann margar rúður í moskunni.
12.des. 2017 - 22:00

Stunda kynlíf 112 sinnum á ári

Hversu oft í viku er hinn almenni borgari að sofa hjá? Þessi spurning er ekki óalgeng hjá pörum samkvæmt rannsókn sem framkvæmd var af kynjafræðastofnun Kinsey sem náði yfir pör í hjónabandi eða föstu sambandi.
12.des. 2017 - 21:00 Ari Brynjólfsson

Stakk fyrrverandi 36 sinnum eftir að hún frétti að hann væri á Tinder

Hasna Begum og Pietro Sanna. Kona á þrítugsaldri hefur verið dæmd í lífstíðarfangelsi eftir að hún stakk fyrrverandi kærasta sinn til bana eftir að hún komst að því að hann væri á stefnumótaforritinu Tinder og að hann hefði notað það til að kynnast annarri konu. Hin 25 ára gamla Hasna Begum mun hafa reiðst mikið við að heyra þessar fregnir þrátt fyrir að hún hafi hætt með hinum 23 ára gamla Pietro Sanna fimm mánuðum áður. Hasna bjó til falskan reikning á Instagram og sendi stúlkunni sem Pietro var að hitta hótandi skilaboð.

12.des. 2017 - 20:00

Davíð Þór: „Leggjum áherslu á að komið sé með allan hópinn, börn trúlausra foreldra og íslömsk börn“

Davíð Þór Jónsson, sóknarprestur í Laugarneskirkju, hefur komið víða við í lífi sínu á sviði lista og fræða. Kristinn Haukur heimsótti hann í kirkjuna og spurði meðal annars út í grínferilinn, ritstjórnina á Bleiku og bláu, prestsstörfin og baráttuna við áfengið.
12.des. 2017 - 19:00

Missti minnið eftir að hafa sofið hjá eiginmanninum

Fimmtíu og fjögurra ára gömul kona sagði læknum að hún hefði misst minnið. Hún var skelfingu lostin þegar hún kom á sjúkrahús í Washington, Bandaríkjunum, þar sem hún greindi læknum frá því að hún hefði sofið hjá eiginmanni sínum og sagðist ekki muna eftir síðastliðnum sólarhring.

Veðrið
Klukkan 21:00
Léttskýjað
VSV4
3,0°C
Léttskýjað
VSV5
3,1°C
Rigning
VSV8
3,5°C
Alskýjað
NA1
3,0°C
Alskýjað
SSV7
4,3°C
Skýjað
V5
2,5°C
Spáin
(1-) Gæludýr.is: Flutingar - nóv
SushiSocial: jól 2017
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Magnús Þór Hafsteinsson
Magnús Þór Hafsteinsson - 26.11.2017
Trúverðugleiki í húfi
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Jón Steinar Gunnlaugsson
Jón Steinar Gunnlaugsson - 23.11.2017
Dómarar gæta hagsmuna sinna
Hannes Hólmsteinn Gissurarson
Hannes Hólmsteinn Gissurarson - 25.11.2017
Landsdómsmálið
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Börkur Gunnarsson
Börkur Gunnarsson - 22.11.2017
Nafnar
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Jón Steinar Gunnlaugsson
Jón Steinar Gunnlaugsson - 02.12.2017
Ánægjuleg tíðindi af dómurum
Hannes Hólmsteinn Gissurarson
Hannes Hólmsteinn Gissurarson - 05.12.2017
Laxness um skjólkenningu Baldurs
Fleiri pressupennar