04. okt. 2016 - 11:45Smári Pálmarsson

Hanna Rún lenti á hræðilegu sjúkrahúsi í Rússlandi: Martröð í raunveruleika

„Ég var viss um að þeir myndi skera mig upp, svæfa mig án þess að ég vissi og taka úr mér einhver líffæri og selja þau!“ segir Hanna Rún dansari sem upplifði hreina martröð þegar hún og kærasti hennar Nikita voru stödd í rússneska smábænum Penza þar sem fjölskylda hans býr.

Bærinn myndi seint kallast smábær á Íslenskum skala en þar búa yfir 750 þúsund manns. Þau höfðu átt yndislegar tvær vikur í fríinu og ekki nema örfáir dagar eftir þegar Hanna Rún veiktist. Hún greinir frá atburðarásinni á vefsíðu sinni hannarun.is – en þessi draumaferð breyttist í hryllingssögu á svipstundu.

„Klukkan rúmlega 3 um nóttina vakna ég með hræðilega verki ofarlega hjá brjóstinu, það var sama hvernig ég lá eða stóð, verkirnir voru alltaf jafn sárir og fóru bara versnandi eftir því sem tímanum leið,“ segir hún. „Á  einum tímapunkti var eins og ég hafi verið stungin í bringuna með nokkrum hnífum og salti hellt ofaní sárin, sviðinn og verkirnir voru hryllilegir. Ég var hætt að geta staðið vegna verkja og lá á gólfinu og velti mér um.“


Mynd: Þormar Vignir.

Nikita vildi fara með Hönnu Rún á spítala og féllst hún á það að lokum. Þegar þangað var komið hófst sú mesta martröð sem hún hefur upplifað. Í fyrstu gat hún lítið horft í kringum sig vegna verkja en tók eftir hjúkrunarkonunum sem voru klæddar í hvíta kjóla, klossa og með hatta.

Alveg eins og í hryllingsmynd

„Ég man að það fyrsta sem ég hugsaði var að þær minntu mig á læknana í hryllingsmynd sem ég hafði séð því þær voru eins klæddar. Ég var sett inní herbergi og ég látin leggjast niður á harðann trébekk því þarna voru auðvitað engin mjúk rúm.“

Nikita sá um að fylla út pappíra á meðan mamma hans beið með Hönnu Rún í herberginu. Skömmu síðar fór hún fram til að kanna stöðu mála.

„Ég lá ein inni í smá stund þegar ég heyrði einhvern koma inn um dyrnar, allt í einu var síðan gyrt niður um mig og ég sprautuð í rassinn. Mér brá mjög mikið þegar sprautunni var þrykkt inní rasskinnina mína, þetta var ekkert svona sæt þunna nál eins og heima á Íslandi heldur kýs ég að kalla þetta prjón.“

Líkt og Hanna Rún segir frá á vefsíðu sinni, hannarun.is, getur hún bjargað sér á rússnesku en innan veggja spítalans skildi hún ekki orð af því sem fram fór. Hún vissi ekki hvað hefði komið upp á eða hvaða læknir hefði skyndilega komið inn í herbergið, ekki einu sinni hjúkrunarfræðingarnir gátu svarað því. Þannig hófst leit að þessum dularfulla lækni en síðar kom í ljós að hann hafði sprautað hana með einhverju sem átti að opna æðarnar.

„Áður en ég vissi af var ég  inní sjúkrabíl liggjandi í grjóthörðu stál rúmi í engu belti, ég lá laus og hafði bara rúmið sjálft og veggina á bílnum til að halda mér í og styðja mig. Við keyrðum í sirka 20 mínútur því það þurfti að fara með mig á annað sjúkrahús,“ segir hún. „Bílstjórinn sem keyrði bílinn keyrði eins og glanni og ég var nokkrum sinnum næstum dottin af rúminu enda hafði ég eiginlega ekkert til að halda mér í. Vegurinn sem við keyrðum á var svo holóttur eins og mjög slæmur sveitavegur heima á Íslandi að bílinn hoppaði og skoppaði.“

Móttökurnar á hinum spítalanum voru alls ekki hlýlegri og hófust með öskrum og látum. Nikita og fjölskylda hans máttu hvergi standa nálægt Hönnu Rún og var tafarlaust ýtt í burtu.

Hún öskraði á alla sem komu nálægt og skammaðist í hinum hjúkrunarfræðingunum sem að vísu skömmuðust á móti. Ég var í sjokki fyrst þegar ég heyrði hvernig þær töluðu við hvor aðra en Nikita og mamma hans sögðu að svona væri þetta hér svo ég ætti bara að láta sem ég heyrði ekki í þeim.

Hanna Rún var keyrð í hjólastól um ganga spítalans og hafði enga hugmynd um hvert væri verið að flytja hana eða hvað biði hennar næst. Hvert sem hún leit var nýr læknir eða hjúkrunarfræðingur tilbúin með nálar sem stungu hana fyrirvaralaust.

Á ferðalagi um gangana varð Hönnu Rún skyndilega mál að fara á klósettið. Þetta var hjúkrunarfræðingnum ekki til geðs og hrinti hún henni inn á salernið með látum.

„Ég átti ekki til orð þegar ég opnaði klósettherbergið, gólfið var allt rennandi blautt og drulluskítugt með blautum pappír útum allt, það var búið að setja einhverskonar pottlok á klósettið i staðin fyrir setuna sem var greinilega dottin af. Klósettið var troðfullt af hlandi og saur.“

„Ég setti peysuna mína yfir nefið og reyndi að anda svoleiðis því lyktin var hryllileg,“ segir Hanna Rún. „Ég stóð fyrir ofan klósettið og passaði mig að snerta ekkert og reyndi að miða ofaní klósettið. Vaskurinn var fullur af blóði svo það var ekki séns að þvo sér þar.“

„Mig langaði til að hlaupa burt!“

Stuttu síðar var kominn tími á röntgenmyndatöku en á þessum tímapunkti þráði hún ekkert heitar en að fara heim. Þegar komið var inn á stofuna var hún látin klæða sig úr að neðan og sagt að það þyrfti að skoða leggöngin hennar, verið væri að kanna hvort það kynnu að vera innvortis blæðingar.

„Ég klæddi mig því úr og reyndi að toga peysuna aðeins niður svo ég væri ekki að labba allsber fyrir framan hina,“ segir hún. „Þegar hún var búin að skoða og ekkert að sjá sagði hún mér að ég mætti fara. Ég spurði hvort ég mætti ekki fá pappír þil að þurrka allt gelið sem ég var með þarna hálf lekandi á milli fótanna, en hún sagði að það væri ekkert svoleiðis á boðstólnum. Ég klæddi mig því nærbuxurnar og náttbuxurnar mínar og horfði svo á gelið koma í gegnum buxurnar.“

Leiðin lá lengra inn á sjúkrahúsið eftir heiftarlegt rifrildi við lækna sem vildu fara með Hönnu Rún í frekari rannsóknir. Nikita og pabbi hans voru sendir heim en mamma hans, sem kann enga ensku og gat ekkert túlkað fyrir hana, fékk að koma með.

Ég var sett inní herbergi sem lyktaði ógeðslega, af myglu og mikilli mengun því það var vinnubíll fyrir utan og gluggarnir allir opnir og mér leið eins og ég væri stödd á bensístöð. Ég settist á rúmið en vildi ekki leggjast þar sem koddinn sem ég fékk var allur gulur og lyktaði illa. Mamma hans Nikita vafði úlpunni sinni utanum koddann svo ég gæti legið.

Hjúkka með gúmmíhanska kom inn, talaði í símann, og notaði svo sama hanskann til að meðhöndla sprautunál sem hún stakk Hönnu Rún með.

„Eftir að hún var búin að stinga þessari þykku nál inní mig setti hún snúru við og labbaði svo út á þess að segja neitt. Ég hélt hún yndi koma aftur til að setja eitthvað límband eða grisju yfir til að halda nálinni en svo var ekki. Ég horfði á nálina hanga út og snúran togaði í nálina sem var mjög vont, allt var opið og ég mátti ekki hreyfa mig. Það leið ekki langur tíma þangað til ég datt út og hreinlega rotaðist.“

Hönnu Rún var mál að pissa þegar hún rankaði loks við sér og vissi ekkert hvað tímanum leið. „Hjúkkan sótti kopp undir rúmið sem var ennþá með gömlu hlandi í sem var orðið klístrað,“ segir hún. „Mamma hans Nikita var á undan mér að stoppa hana af og tók koppinn af henni, og spurði hvort það væri ekki hægt að taka nálina úr rétt á meðan ég myndi skjótast á klósettið en það var ekki í boði.“

Ef ég vildi pissa þá væri það koppurinn eða ég yrði að halda í mér, síðan labbaði hún út pirruð. Mamma hans Nikita fór og skolaði koppinn fyrir mig og hjálpaði mér svo með þennan bévítans kopp sem ég lét mig hafa að pissa í.

Áður en langt um leið upphófst hávært rifrildi milli mömmu Nikita og hjúkrunarfræðings sem vildi gefa Hönnu Rún rótsterkt svæfingarlyf. Hún komst stuttu síðar að því að læknarnir hugðust skera hana upp.

Ég gat ekki skilið hversvegna þeir vildu skera mig upp! Mig langaði til að hlaupa burt!

Hún hafði samband við Nikita sem túlkaði fyrir hana og staðfesti það sem hún hafði óttast: „Læknarnir vildu fara með mig inná skurðstofu og skera mig upp BAAARA svona til að sjá hvort að líffærin litu vel út! Nikita var brjálaður og sagði þeim að það kæmi ekki til greina!“

Eftir heiftarlegar rökræður var þá ákveðið að fara með Hönnu Rún í magaspeglun og leyst henni ekki betur á það.

Það var ekkert hlustað á mig og ég var keyrð eftir endalausum göngum sem litu úr eins og í hryllingsmynd!

Hanna Rún segist áður hafa farið í magaspeglun á Íslandi. Þá voru henni gefin kæruleysislyf og örþunn snúra þrædd ofan í hana. Þarna var hins vegar um að ræða hólk sem troðið var upp í hana.

„Læknirinn tróð slöngunni ofaní og ég kúgaðist og kúgaðist, fyrst náði ég ekki andanum snúran var svo þykk og mér leið eins og það væri verið að kæfa mig. Ég reyndi að róa sjálfa mig niður og hugsaði um eitthvað fallegt. Það var mjög erfitt að anda og ég hélt að læknirinn ætlaði aldrei að taka snúruna upp. Hann var mjög harðhentur og ég fann hvernig snúran ýtti á magann og allt inni í mér. Ég horfði á mömmu hans Nikita sem að grét og grét og gat ekkert gert.“

„Þegar hann var loksins búinn hrósaði hann mér nú í endann og sagðist sjaldan hafa fengið svona duglegan sjúkling inn til sín sem gat legið svona kyrr og sparkaði ekki i hann,“ segir Hanna Rún.

„Leið eins og læknarnir myndu koma og sækja mig“

Enn og aftur var Hanna Rún látin dúsa inni á herbergi þar sem hún var stungin með fleiri nálum. Henni var sagt að hún yrði að dvelja á spítalanum í þrjá sólarhringa og þyrfti að fasta á meðan.

„Ég var að verða brjáluð og vildi komast burt! Ég sagði við Nikita að fara með mig því ég væri viss um að þeir myndi skera mig upp, svæfa mig án þess að ég vissi og taka úr mér einhver líffæri og selja þau!“

Hönnu Rún verkjaði undan öllum nálunum sem hún hafði verið stungin með. Hvert einasta augnablik var algjör óvissa um hvað beið hennar. Öskur og læti heyrðust á göngunum. Ýmist voru það læknar og hjúkrunarfræðingar að rífast, eða sárþjáðir sjúklingar. Mælirinn fylltist þegar öskrin stóðu sem hæst. Hanna Rún hnippti í Nikita og þau lögðu á flótta af spítalanum.


Öryggisvörðurinn svaf á meðan Hanna Rún og Nikita stungu af.

„Ég mætti nokkrum á leiðinni út sem að annaðhvort lágu og sváfu á gólfinu eða sátu bara og horfðu á okkur labba burt, þau voru skítug og þeim leið greinilega ekki vel.“

„Þegar við komum heim klæddi ég mig úr skónum og fötunum úti og hljóp svo inn beint í sturtu. Ég henti skónum í ruslið og mamma hans Nikita þvoði fötin mín,“ segir hún. „Ég var með mjög óþægilega tilfinningu í mér eftir að við komum heim því mér leið eins og læknarnir myndu koma og sækja mig og fara með mig aftur uppá sjúkrahúsið.“

„Ég hugsaði lengi eftir á hvað ef ég hefði gist þarna, hvað ætli þau hefðu gert við mig. Ég er mjög ánægð að ég hafi ákveðið að fara burt,“ segir Hanna Rún sem telur veikindi sín hafa átt sér nokkuð einfalda skýringu.

„Þessir miklu verkir sem ég fékk voru mjög líklega vegna þess að daginn áður kastaði ég upp allan daginn og þar sem ég er með magavandamál og fæ oft mikinn brjóstsviða og drakk svo súran djús á tóman maga þá varð það til þess að magasýrurnar fóru upp og gáfu mér þessa hræðilegu verki!“

Hér má lesa frásögn Hönnu Rúnar í heild sinni.

Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



22.nóv. 2017 - 21:00 Ari Brynjólfsson

10 atriði sem benda til að verið sé að ljúga að þér

Flestir eða ekki allir segja hvítar lygar reglulega, stundum oft á dag. Það þýðir að það er líklegast logið að þér reglulega eða oft á dag, spurðu bara hvort það fari þér í alvöru vel að ganga í jólapeysu eða hvað hafi orðið um bjórinn sem þú áttir inni í ísskáp.
22.nóv. 2017 - 20:00 Aníta Estíva Harðardóttir

Myndaði son sinn þar sem hann hafði ætlað að fremja sjálfsmorð

Mynd/Craig Stone Maður birti mynd og færslu á Twitter þar sem hann greindi frá því að á myndinni væri bekkur sem hann sat á fyrir átta árum þegar hann ætlaði að fremja sjálfsmorð. Það sem snerti lesendur djúpt var að lítill sonur mannsins var einnig á myndinni.
22.nóv. 2017 - 19:00 Eyjan

Þetta eru skilyrðin fyrir því að leyfa hunda og ketti á veitingastöðum

Breyting á reglugerð um hollustuhætti um heimild til að koma með hunda og ketti á veitingastaði tók nýlega gildi. Reglugerðin kveður meðal annars á um að eigendum eða rekstraraðilum veitingastaða er gert heimilt að leyfa gestum að koma með hunda og ketti inn á staðinn, að uppfylltum tilteknum skilyrðum. Heimildin, sem Björt Ólafsdóttir umhverfisráðherra kom á rétt fyrir kosningar, gildir þó hvorki um veitingastaði né mötuneyti þar sem mæting er ekki valfrjáls og á stöðum þar sem fólki er gert að sækja þjónustu. Þá gildir heimildin ekki sé aðstaða veitingastaðar að einhverju leyti sameiginleg með annarri starfsemi eða á stað þar sem óheimilt er að hleypa gæludýrum inn á.
22.nóv. 2017 - 18:00 Aníta Estíva Harðardóttir

Elsta barnið yfirleitt í uppáhaldi foreldra

Mynd/Getty Rannsókn sem skoðaði 384 fjölskyldur, bæði foreldra og systkini, komust að því að 74% mæðra og 70% feðra viðurkenna að þau eigi sér uppáhaldsbarn.
22.nóv. 2017 - 16:30 Aníta Estíva Harðardóttir

Senda síamstvíbura sína í aðgerð þrátt fyrir áhættu að önnur látist

Mynd/Zuma Wire Foreldrar síamstvíbura hafa ákveðið að senda þær í aðgerð þrátt fyrir áhættuna á því að önnur þeirra gæti látið lífið. Faðir stúlknanna segir að erfitt sé að stjórna þeim í dag þar sem þær vilja báðar verða aðskildar og eigi það til að rífast mikið yfir áhugamálum.
22.nóv. 2017 - 15:00 DV

Allt leikur á reiðiskjálfi milli Bjartmars og Margrétar: „Þú ert sjúkur í hausnum Bjartmar“

Stórar ásakanir ganga á víxl á milli Bjartmars Odds Alexanderssonar og Margrétar Friðriksdóttur á Stjórnmálaspjallinu en þau saka hvort annað um lygar. Ástæða þess er frægt viðtal sem Bjartmar tók við Margréti og Örvar Harðarson þar sem þau ræddu múslíma. Margrét sakaði Bjartmar um hann hafi „klippt myndbandið í drasl“ og því birtir hann það nú óklippt.
22.nóv. 2017 - 13:46 Aníta Estíva Harðardóttir

Jólabókaflóðið er hafið - Arnaldur og Yrsa tróna á toppnum

Tími bókalesturs er runninn í garð þar sem jólabókaflóðið er þegar hafið og ætti hver og einn að geta fundið eitthvað sér við hæfi.
22.nóv. 2017 - 13:19 Kynning

Tölvutek: Jólagjöfin í ár! Star Wars drónar!

Tölvutek hefur fengið í sölu glæsilega dróna í takmörkuðu upplagi og eru þeir á frábæru tilboði næstu daga, hafa lækkað úr 29.990 niður í 19.990 kr. Tilboðið gildir út mánudaginn 27. nóvember.

22.nóv. 2017 - 12:20 Aníta Estíva Harðardóttir

Dæmdur í lífstíðarfangelsi fyrir þjóðarmorð og glæpi gegn mannkyninu

Ratko Mladic, fyrrverandi herforingi Bosníu-Serba hefur verið dæmdur í lífstíðarfangelsi fyrir þjóðarmorð og aðra alvarlega glæpi gegn mannkyninu síðan hann leiddi borgarastríðið í Júgóslavíu frá árunum 1993-1995.
22.nóv. 2017 - 11:19 Eyjan

Fyrrverandi þingkona Framsóknarflokksins: „Eitt atvik? Nei“

Jóhanna María Sigmundsdóttir, sem sat á þingi fyrir Framsóknarflokkinn á árunum 2013 til 2016, segir að hún hafi ekki tölu á því hversu oft hún hafi þurft að forða sér á samkomum og taka hendur af líkamshlutum sem ekki sé ásættanlegt að séu snertir. Jóhanna María, eða Hanna María eins og hún er gjarnan kölluð, var ein þeirra kvenna í stjórnmálum sem steig fram í gær og lýsti kynferðislegri áreitni sem hún varð fyrir á meðan hún starfaði í stjórnmálum.
22.nóv. 2017 - 10:06

Bréfið frá skólastjóranum sem allir foreldrar ættu að lesa: „Gerið þetta og fylgist með börnunum ykkar leggja heiminn að fótum sér“

Það styttist í að nemendur taki próf fyrir jólin. Hér fyrir neðan er að finna bréf sem skólastjóri sendi til foreldra fyrir prófin. Þórey Sigþórsdóttir leikkona birti bréfið á Facebook-síðu sinni.
22.nóv. 2017 - 09:00 DV

Vaknaði upp með blóðuga áverka á höfði – Sleginn með exi í höfuðið

Norskur maður á fertugsaldri getur svo sannarlega þakkað sínu sæla fyrir að hafa ekki verið myrtur aðfaranótt sunnudags. Hann varð þá fórnarlamb hrottalegrar árásar sem var algjörlega að tilefnislausu nema hvað árásarmaðurinn hafði farið að heima með öxi, tvo hunda og skýrt markmið: Hann ætlaði að drepa einhvern.
22.nóv. 2017 - 08:00

Hún var 10 ár í norður-kóreska hernum: Konur látnar sofa á hrísgrjónahýðum – Fengu ekki dömubindi

Í tæp 10 ár var Lee So Yeon í norður-kóreska hernum eins og margar aðrar norður-kóreskar konur sem þurfa að gegna herþjónustu. Aðstæðurnar og aðbúnaður kvennanna var svo slæmur að þær fengu ekki nóg að borða, mörgum var nauðgað af yfirmönnum, þær voru látnar sofa á dýnum fylltum af hrísgrjónahýðum. Slæmur aðbúnaður leiddi til þess að Yeon og margar aðrar konur hættu að hafa blæðingar.
21.nóv. 2017 - 21:00 Aníta Estíva Harðardóttir

Er þetta skemmtilegasti raunveruleikaþáttur í heimi?

Raunveruleikaþáttur í Japan hefur slegið í gegn um allan heim en í honum má sjá sex leikmenn reyna að ganga upp stiga sem bæði er allur umlukinn plasti og einhverskonar slímkenndum vökva.
21.nóv. 2017 - 20:00 Ari Brynjólfsson

Þess vegna áttu ekki að neyða barn til að faðma einhvern

Það styttist óðfluga í jólahátíðina með tilheyrandi veislum, stressi og gleði. Margir, þá sérstaklega barnafólk, á eftir að fara í ótal jólaveislur og blanda geði við ættingja og vini. Af því tilefni hafa Samtök stúlknaskáta í Bandaríkjunum sent frá sér áminningu til foreldra um að neyða ekki börnin sín til þess að faðma fólk. Að sjálfsögðu er ekki verið að tala um að koma í veg fyrir að barn faðmi ættingja heldur er markmiðið að koma í veg fyrir að barnið sé neytt til þess.
21.nóv. 2017 - 19:00 Vestfirðir

Kalkþörungaverksmiðja við Ísafjarðardjúp

Lögð hefur verið fram frummatsskýrsla um efnisnám kalkþörungasets  í Ísafjarðardjúpi. Það er Íslenska kalkþörungafélagið ehf sem hyggur á vinnslu á kalkþörungasetinu. Félagið rekur þegar verksmiðju á Bíldudal og áformar að halsa sér völl við Ísafjarðardjúp. 
21.nóv. 2017 - 18:00 Bleikt

„Stórkostlegasta ævintýri lífs míns“ segir Joe Manganiello um Ísland

Það má vel vera að hann hafi heillað okkur á hvíta tjaldinu með heillandi brosi, magavöðvum og leikhæfileikum, en það var náttúra Íslands sem heillaði leikarann Joe Manganiello í nýlegri ferð hans hingað til lands í byrjun nóvember.
21.nóv. 2017 - 16:30 Aníta Estíva Harðardóttir

Bakkaði á bíl og endaði ofan á honum

Mynd/Mark Hemsworth:Swns Ökumaður bifreiðar af tegundinni Mercedes bakkaði upp á kyrrstæða bifreið af tegundinni Saab á laugardagskvöldið.
21.nóv. 2017 - 15:00 Ari Brynjólfsson

Óttast kjarnorkuslys í Rússlandi

Mikið magn að geislavirku efni hefur mælst í andrúmslofti í Rússlandi, svo mikið að geislavirk efni hafa borist til Vestur-Evrópu og mælst á mælum í Ítalíu og Frakklandi. Rússnesk yfirvöld hafa fram til þessa sagt að þau kannist ekki við neitt kjarnorkuslys.
21.nóv. 2017 - 13:30 Eyjan

Björn Valur: Bjarni sækir fast að því að fá sjötta ráðherrann

Bjarni Benediktsson formaður Sjálfstæðisflokksins sækir fast að því að fá sex ráðherra í hlut Sjálfstæðisflokksins í ríkisstjórninni en Vinstri græn og Framsóknarflokkurinn taka það ekki í mál. Þetta segir Björn Valur Gíslason fyrrverandi varaformaður Vinstri grænna í færslu á Fésbók.
21.nóv. 2017 - 12:00 Aníta Estíva Harðardóttir

Tugir barna ekki í neinum öryggisbúnaði í bíl hjá ökumönnum sem sjálfir voru í öryggisbeltum

Mynd/Getty Nú liggja fyrir niðurstöður könnunar sem starfsfólk Samgöngustofu og félagar í Slysavarnadeildum Slysavarnafélagsins Landsbjargar gerðu á öryggi barna í bílum núna í vor. Könnunin var gerð við 56 leikskóla í 29 þéttbýliskjörnum víða um land og var búnaður hjá 2.060 börnum kannaður. Sambærilegar kannanir hafa verið gerðar undanfarin 32 ár.
21.nóv. 2017 - 11:06 Aníta Estíva Harðardóttir

Níu ára gamall drengur lést úr krabbameini eftir að hafa fengið sína hinstu ósk uppfyllta

  Mynd/Facebook Níu ára gamall drengur sem barist hefur lengi við krabbamein fékk ósk sína um snemmbúin jól uppfyllta rétt áður en hann lést.
21.nóv. 2017 - 09:58 Bleikt

Kvennaathvarfið hlýtur viðurkenningu Barnaheilla

Kvennaathvarfið hlaut í gær Viðurkenningu Barnaheilla – Save the Children á Íslandi árið 2017 fyrir að beina sjónum sínum í auknum mæli að þörfum og réttindum barna sem í athvarfinu búa hverju sinni.
21.nóv. 2017 - 09:00 Vestfirðir

Minnst laxveiði á Vestfjörðum

Hafrannsóknarstofnun hefur gefið út bráðabirgðatölur fyrir stangveiði á laxi sumarið 2017. Stangveiðin var nærri langtímameðaltali. Á Vestfjörðum varð veiðin sú minnsta á þessari öld. Þá var veiðin meiri í öllum öðrum landshlutum en á Vestfjörðum.
21.nóv. 2017 - 08:00

Hundaeigendur eru líklegri til að lifa sjúkdóma af

Það að eiga hund bætir heilsu fólks og dregur úr líkunum á ótímabærum dauða. Þetta eru niðurstöður rannsóknar vísindamanna við Háskólann í Uppsölum í Svíþjóð. Niðurstöðurnar eru byggðar á rannsóknum á gögnum, sem ná yfir 12 ára tímabil, um rúmlega 3,4 milljónir Svía á aldrinum 40 til 80 ára.
20.nóv. 2017 - 22:00

11 leiðir til að nota örbylgjuofninn

Flest notum við örbylgjuofninn aðeins til að hita upp afganga og poppa. Það er synd að láta þetta stóra eldhústæki standa óhreyft þess á milli því örbylgjuofnar eru til margra hluta nytsamlegir. Til dæmis er hægt að baka kartöflur, bræða súkkulaði, gufusjóða gulrætur og sitthvað fleira í þessu ágæta tæki. 
20.nóv. 2017 - 21:00

12 ástæður fyrir því að eiga gæludýr

Að fylgjast með ketti, hundi eða jafnvel fiski sem syndir um í búri í örfáar mínútur hefur jákvæð áhrif á stress. Samkvæmt rannsókn á 240 hjónum kom í ljós að gæludýraeigendur eru með lægri blóðþrýsting en aðrir.
20.nóv. 2017 - 20:00 Ari Brynjólfsson

Svona sérðu hvort verið sé að svindla á þér á svörtum föstudegi

Frá svörtum föstudegi, e. Black Friday, í Bretlandi. Næsti föstudagur er svokallaður svartur föstudagur þar sem verslanir bjóða ýmis tilboð á varningi. Fyrir þá sem ekki þekkja til er svartur föstudagur bandarískt fyrirbæri þar sem markmiðið er að tæma verslanir daginn eftir þakkargjörðarhátíðina fyrir jól. Kaupgleðin á þessum degir hefur farið stigvaxandi undanfarin ár og eru verslanir víðast hvar um heiminn, þar á meðal á Íslandi byrjaðar að auglýsa sérstök tilboð á svörtum föstudegi en margir Íslendingar nota tækifærið á þessum degi og panta vörur erlendis frá.
20.nóv. 2017 - 19:00

Rólegt í höfnunum á Suðurnesjum

Já síðasti pistill endaði á smá minnarbroti um Þorgeir Guðmundsson eða Geira á Hlýra GK. Fór í jarðaförina hans í Útskálakirkju og var það virkilega falleg stund. Hvíldu í friði kæri frændi.
20.nóv. 2017 - 18:00 Eyjan

Morgunblaðið: Hvað um samband Kristjáns og Rósu? „Einkalíf Rósu B. er ekki til umræðu á samfélagsmiðlum“

Í Staksteinum í Morgunblaðinu eru fjölmiðlar gagnrýndir fyrir umfjallanir um einkalíf Sigmundar Davíðs og Bjarna Benediktssonar forsætisráðherra. Á meðan hjólað sé á ósanngjarnan hátt í þessa tvo stjórnmálamenn sé farið silkihöndum um aðra og er Rósa B. Brynjólfsdóttir, þingmaður Vg, sérstaklega nefnd í því samhengi.
20.nóv. 2017 - 16:30 Reykjanes

Staðið við öll fyrirheit sem gefin voru í málefnasamningi

Fjárhagsáætlun fyrir árið 2018 ber þess merki að sveitarfélagið þarf að undirgangast skilyrði aðlögunaráætlunar um framlegð og lækkun skuldahlutfalls. Þessi aðlögunaráætlun er í gildi til 2022 og mikilvægt að eftir henni sé farið, til þess að Reykjanesbæ öðlist á ný það fjárhagslega  sem nauðsynlegt er og geti veitt þá þjónustu sem ætlast er til. Mikil íbúafjölgun hefur reynt á sveitarfélagið sem hefur lögbundnar skyldur þrátt fyrir erfiða fjárhagslega stöðu. Þrátt fyrir þessar áskoranir þá koma ýmis mikilvæg atriði fram í þessari fjárhagsáætlun sem hafa munu jákvæð áhrif á hag íbúa á næsta ári.
20.nóv. 2017 - 15:00 Bleikt

Állistamaðurinn Odee hannar listaverk á vínflöskur

Állistamaðurinn Odee, eða Oddur Eysteinn Friðriksson, er með endalausar hugmyndir í kollinum og með mörg járn í eldinum. Nýjasta listaverkið, sem er orðið opinbert, er listaverk sem hann er að hanna á vínflöskur fyrir Brennivin America. Óvíst er hvort flaskan verði til sölu á Íslandi.
20.nóv. 2017 - 13:30 Ari Brynjólfsson

Sema Erla segir skömm stjórnvalda yfirþyrmandi: Misnota reglugerð til að losna undan ábyrgð

Sema Erla Serdar segir að íslensk stjórnvöld hafi misnotað Dyflinnarreglugerðina til að losa sig undan ábyrgð í málefnum fólks á flótta. Segir Sema í opnu bréfi til stjórnvalda í í tilefni alþjóðadegi barna í dag, sem hún birtir á Fésbók, að íslensk stjórnvöld hafi ítrekað brotið á börnum sem leitað hafa hingað til lands eftir vernd. Samkvæmt Flóttamannastofnun Sameinuðu þjóðanna hafa aldrei fleiri verið á flótta í heiminum en nú, eða rúmar 65 milljónir einstaklinga, þar af helmingurinn börn:
20.nóv. 2017 - 12:00 Ari Brynjólfsson

Ruby sagði FBI að „fylgjast með flugeldasýningunni“ rétt fyrir morðið á Kennedy

Jack Ruby, næturklúbbseigandinn sem myrti Lee Harvey Oswald, sagði uppljóstrara alríkislögreglunnar FBI að „fylgjast með flugeldunum“ nokkrum klukkutímum áður en John F. Kennedy Bandaríkjaforseti var ráðinn af dögum í Dallas þann 22. nóvember 1963.
20.nóv. 2017 - 10:30 Eyjan

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu að því að bjarga því að bjarga verður. Segir Smári á Fésbók að hann hafði hugsað sér að gera eitthvað annað um helgina en að stundum geri plönin sig ekki sjálf:
20.nóv. 2017 - 09:00 Ari Brynjólfsson

Mikill kuldi framundan – Veðurstofan varar við vetrarstormi á Norðurlandi og Vestfjörðum

Veðurstofan hefur sent frá sér gula viðvörun vegna storms og ofankomu á Norðurlandi og Vestfjörðum allt niður á norðanvert Snæfellsnes frá kl. 18 í kvöld. Spáð er stormi eða hvassviðri úr norðlægri átt með snjókomu og éljum. Á Norðurlandi er búist við viðvarandi norðanátt með ofankomu fram á föstudag.
20.nóv. 2017 - 08:00

Hver er munurinn á mandarínu og klementínu?

Nú er sá árstími sem mandarínuneysla fólks er mest eða kannski klementínuneysla. En hver er munurinn á mandarínum og klementínum? Þetta er kannski ein af stærstu og áleitnustu spurningum samtímans og því rétt að upplýsa hér hver munurinn er á þessum góðu og hollu ávöxtum.
19.nóv. 2017 - 22:00 Vestfirðir

Vöxtur þrosks síðustu eitt þúsund ár

Guðbjörg við skráningu á sjávarminjum. Nýlega birti starfsfólk Rannsóknaseturs Háskóla Íslands á Vestfjörðum, Guðbjörg Ásta Ólafsdóttir og Ragnar Edvardsson, í samstarfi við Hafrannsóknastofnun Ísland, vísindagrein þar sem vöxtur þorsks við Íslands er kannaður 1000 ár aftur í tímann.
19.nóv. 2017 - 21:00

Grænmetisætur hafa meira úthald í rúminu

Kjötætur eiga það stundum til að gera grín að grænmetisætum og segja þær renglulegar vegna fæðunnar sem þær borða. En sá hlær best sem síðast hlær og á það líklega vel við í þessu tilfelli ef marka má niðurstöður nýrrar rannsóknar vísindamanna við Berkeley-háskóla. Svo virðist sem renglulegu grænmetisæturnar séu mun öflugri þegar kemur að úthaldi í svefnherberginu.
19.nóv. 2017 - 20:00

Smári byrjaði að drekka 12 ára: „Hvert einasta kvöld drakk ég þar til ég dó áfengisdauða“

Smári Guðmundsson er 38 ára tónlistar- og fjöllistamaður. Hann er í hljómsveitinni Klassart og var að skrifa sinn fyrsta söngleik, „Mystery Boy“. Smári er einnig alkóhólisti. Í einlægu viðtali ræðir Smári um alkóhólismann sem náði snemma tökum á lífi hans, baráttuna við þunglyndi og kvíða og ferlið sem leiddi til þess að hann varð edrú.

19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 18:30 DV

Dyravörður segir lögreglu ekkert hafa viljað gera fyrir ósjálfbjarga stúlku sem virðist hafa verið byrlað lyf

Maður sem starfað hefur verið dyravörslu í sex ár lýsir samskiptum sínum við unga stúlku á föstudagsnótt sem var ósjálfbjarga að virtist vegna lyfjabyrlunar. Segir maðurinn viðbrögð lögreglu í málinu hafa einkennst af skilningsleysi og yfirlæti og stúlkan hafi verið skilin eftir bjargarlaus.
19.nóv. 2017 - 17:30

Fimm ástæður til að drekka kaffi

Næringarfræðingurinn og rithöfundurinn Glenn Matten vill hreinsa kaffi af ásökunum um að vera óhollt fyrir heilsuna. Í grein sem hann ritar á Huffington Post segir hann það allt of algengt að öfgafullir næringarfræðingar hendi fram vandræðalegum staðreyndum um neysluvenjur, hvað sé að best að innbyrða og hvað beri að forðast.
19.nóv. 2017 - 16:29 DV

Slapp með skrámur þegar vörubílspall fór í gegnum framrúðu strætisvagns: „Lífið er dýrmætt“

Meðfylgjandi ljósmynd tók Ægir Gunnarsson af árekstri vörubíls og strætisvagns á Reykjanesbraut sem átti sér stað í hádeginu. Bílstjóri strætisvagnsins og tveir farþegar voru fluttir á slysadeild til skoðunar. Enginn slasaðist þó alvarlega í árekstrinum en ljóst er að litlu munaði að verr færi.
19.nóv. 2017 - 16:00 Reykjanes

Ekki gleyma mér - minningasaga eftir Kristínu Jóhannsdóttur.

Bjartur bókaútgáfa hefur sent frá sér bókina Ekki gleyma mér - minningasaga eftir Kristínu Jóhannsdóttur. Hún er kynnt svo á kápu: Hann hafði verið maðurinn í lífi mínu, með honum átti ég fallegustu og æðisgengnustu daga og nætur ævinnar á dögum undirliggjandi ótta og einræðisstjórnar Þýska alþýðulýðveldisins. 
19.nóv. 2017 - 15:00

Töfrafræin ótrúlegu

Chia-fræ hafa verið vinsæl meðal þeirra sem hugsa um heilsuna enda eru þau talin í hópi tíu öflugustu ofurfæðutegunda heims en einnig eru þau sögð vera eitt best geyma leyndarmál næringarfræðinnar. Tilurð fræjanna er talið mega rekja allt aftur til 3.500 fyrir Krist en þau eru talin hafa verið hluti af fæðu Maja og Asteka. 
19.nóv. 2017 - 13:30 Reykjanes

Með blik í auga hópurinn fékk Súluna

Afhending Súlunnar, menningarverðlauna Reykjanesbæjar fyrir árið 2017 fór fram við hátíðlega athöfn í Duus Safnahúsum laugardaginn 11. nóv. kl. 14.00.  Verðlaunin eru veitt þeim sem auðgað  hafa menningarlíf sveitarfélagsins og var þetta í tuttugasta og fyrsta sinn sem Súlan var afhent.  
19.nóv. 2017 - 12:00

Hvernig eldar maður lax í uppþvottavél?

Í bókinni, Þú ert snillingur. Heilræðabók um hvernig við getum einfaldað daglegt líf okkar og um leið sparað stórfé, er að finna ótal heilræði, allt frá því að elda lax í uppþvottavélinni í það hvernig góðra vina fundir geta styrkt ónæmiskerfið.
19.nóv. 2017 - 11:00

Sjúkrahúsið getur reynst dauðagildra

Úr stjórnstöðinni er andardrætti og púls dúkkanna m.a. stjórnað. Jafnframt sér skjávarpi um að skapa sem raunverulegastan slysstað á veggnum að baki þáttakendunum. Sjúkrahúsið getur reynst dauðagildra. Í Þýskalandi einu saman er talið að allt að 17.000 manns láti líf sitt ár hvert vegna mistaka hjá björgunarliði, læknum og hjúkrunarfólki. Lifandi vísindi hafa heimsótt þróaða miðstöð í München þar sem starfslið sjúkrahúss æfir skyndihjálp á hátæknivæddum sjúklingadúkkum sem tölvur gera sérlega erfiðar að meðhöndla.
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 

Veðrið
Klukkan 03:00
Heiðskírt
NNA6
-0,4°C
Skýjað
NA8
-1,0°C
NA14
-1,5°C
Lítils háttar snjókoma
NNV8
-1,8°C
Lítils háttar slydda
N16
-2,4°C
Léttskýjað
NV19
-0,6°C
Léttskýjað
NNA15
0,0°C
Spáin
(1-) Gæludýr.is: Flutingar - nóv
SushiSocial: jól 2017
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Börkur Gunnarsson
Börkur Gunnarsson - 22.11.2017
Nafnar
Fleiri pressupennar