02. des. 2014 - 20:15

Ert þú með fæðingarbletti í andliti? Hvað segja þeir um persónuleika þinn og gengi í lífinu?

Kínverska almanakið, einnig þekkt undir nafninu Tung Shu, er almennt þekkt sem bók um hagstæða og óhagstæða daga en Tung Shu inniheldur margt fleira en það. Bókin er náma af fróðleik um stjörnuspeki, dulmál og tákn frá vitringum og heimspekingum í Kína fornaldar. Hér segir frá visku er varðar fæðingarbletti í andliti en samkvæmt almanakinu segir staðsetning fæðingarbletta í andlitum okkar eitt og annað um persónuleika okkar og gengi í lífinu.

Þú skalt byrja á að líta í spegil og kanna hvort þú finnur einhverja fæðingarbletti í andliti þínu. Yfirleitt er það þannig að fæðingarblettir skipta eingöngu máli ef þeir eru sæmilega stórir og ef um er að ræða eina blettinn í andlitinu. Ef þú ert með marga, litla bletti þá teljast þeir ekki með.

Þegar þú hefur staðsett fæðingarblett í andliti þínu skaltu skoða myndina sem fylgir þessari grein þar sem stöðurnar eru númeraðar. Finndu númerið yfir staðsetninguna á þínum fæðingarbletti.

 

 

Staða 1 til 3

Þú varst uppreisnargjarnt barn og sjálfstæð(ur) í hugsun. Þú hefur meðfædda sköpunargáfu og vinnur best þegar þú færð frjálsar hendur. Yfirleitt líkar yfirboðurum þínum vel við þína frumlegu nálgun á lífið. Ef þú ert með fæðingarblett á þessu svæði er betra fyrir þig að stunda viðskipti og vera þinn eigin herra en vinna fyrir aðra. Það lofar góðu að þú hefur næga lukku í liði með þér til að verða þinn eigin herra.

Staða 4
Þú ert hvatvís og gefin(n) fyrir íburð; þessir eiginleikar færa þér persónutöfra en þú getur verið erfið(ur) þegar of margar skoðanir eru á lofti. Þér hættir til deilugirni en erfir aldrei neitt við aðra. Fæðingarblettur á þessum stað gefur vísbendingu um mikið skap sem þú þarft að læra að hemja, þá verður þú rólegri og líf þitt verður friðsamlegra.

Staða 5

Fæðingarblettur fyrir ofan augabrún segir til um peningagæfu í lífi þínu en þú þarft að vinna meira fyrir henni en margir aðrir. Þú þarft að passa upp á peningana sem þú vinnur þér inn því margir eru öfundssjúkir og vilja hlutdeild í auði þínum. Gættu þín á þeim sem vilja fá þig með í að framkvæma viðskiptahugmyndir sínar. Ef þú ert með fæðingarblett á þessum stað er ráðlegt fyrir þig að treysta öðrum ekki um of. Fylgdu innsæinu og gættu þín. Og aldrei leyfa öðrum að stýra þínum fjármálum.

Staða 6

Fæðingarblettur á þessum stað gefur til kynna góða greind, sköpunargáfu og listamannshæfileika. Listrænir hæfileikar þínir geta fært þér auð, frægð og velgengni. Staðan gefur einnig til kynna gæfu í fjármálum en hana er einungis hægt að finna ef þú fylgir hjartanu en sneiðir hjá hefðbundnum leiðum. Þú nærð árangri ef þú sýnir hugrekki.

Staða 7

Fæðingarblettir undir augabrúnum benda til deilna innan stórfjölskyldunnar sem valda þér sorg og óhamingju. Þetta hefur áhrif á vinnu þína og lífsafkomu. Þér er ráðlagt að finna sáttir í öllum deilum við ættingja svo þú öðlist næga hugarró til að halda áfram með líf þitt.

Staða 8

Þetta er ekki mjög góð staðsetning fyrir fæðingarblett. Þú lendir oft í fjárhagserfiðleikum vegna tilhneigingar þinnar til að eyða um efni fram. Þú hefur líka tilhneigingu til fjárhættuspila. Þú þarft að læra að stoppa. Þeir sem hafa fæðingarblett á þessum stað hneigjast líka til daðurs við gagnstætt kyn og líka við eigið kyn. Sýndu aðgát þegar þú beitir persónutöfrunum svo þú lendir ekki í vandræðum.

Staða 9

Þessi staðsetning gefur til kynna kynferðisleg vandamál og önnur vandamál. Þetta er ógæfublettur og þú ættir að láta fjarlægja hann. Þessi fæðingarblettur færir ógæfu og vandamál.

Staða 10

Þessi staðsetning færir gæfu varðandi afkomendur. Þú ert umvafin(n) fjölskyldu öllum stundum og munt eignast mörg börn og barnabörn. Þínir nánustu styðja þig og þú verður bæði efnalega og tilfinningalega fullnægð(ur) í lífinu.

Staða 11

Þessi staðsetning á fæðingarbletti gefur til kynna að þér hætti til veikinda. Ráðlegt væri að láta fjarlægja blettinn, sérstaklega ef hann er stór og dökkur. Að öðrum kosti skaltu nota mikinn farða til að hylja hann.

Staða 12

Fæðingarblettur á þessum stað segir til um árangursríkt líf í jafnvægi. Líklegt er að þú verðir ekki bara rík(ur) heldur líka fræg(ur). En þó að þú fáir tækifæri til að njóta hins ljúfa lífs áttu líka fjölskyldu og heimili sem veita þér gleði. Konur með fæðingarbletti á þessum stað verða sérstaklega gæfusamar og eru líklegar til að verða fallegar og glæsilegar.

Staða 13

Börnin þín munu valda þér miklum áhyggjum. Samband þitt við þau er ekki gott. Það er ekki margt sem þú getur gert í þessu nema temja þér þolinmæði og umburðarlyndi.

Staða 14

Þessi staðsetning gefur til kynna viðkvæmni fyrir mat sem getur orðið að miklu vandamáli í lífi þínu. Þú kannt að þjást af ofnæmi fyrir ýmsum matartegundum eða þú borðar einfaldlega of mikið.

Staða 15

Þú ert alltaf á ferðinni og er líka sífellt að endurbæta og endurhanna húsakynni þín. Þér finnst gaman að kynnast nýjum hlutum og nýjum stöðum. Þú verður ekki ánægð(ur) ef þú ert of lengi á sama staðnum. Þú nýtur þess að ferðast og lenda í ævintýrum og þú hefur góða athyglisgáfu.

Staða 16

Þú þarft að gæta þín varðandi bæði mat og kynlíf. Þetta eru tvö stærstu vandamálin þín. Þér hættir til vandamála með þyngdina sem geta gert þig þunglynda(n). Þú nýtur ástarævintýra, stundum með fleiri en einni manneskju í einu en af því þú hefur til að bera ríka siðferðiskennd veldur þetta þér samviskubiti og streitu.

Staða 17

Þú kemur til með að verða áberandi í samfélaginu. Þú ert virk(ur) í félagsmálum og kemur vel fyrir þig orði. Þú gætir haft tilhneigingu til drambs yfir velgengni þinni og það getur spillt þínum góða orðstír. Það hefur djúp áhrif á þig vegna þess að þú byggir sjálfstraust þitt á því hvað öðrum finnst um þig.

Staða 18

Þú ert alltaf á ferðinni. Þú kemur til með að ferðast víða um lönd en þú ættir að gæta þín vel þegar þú ferðast; fæðingarbletturinn vill frekar að þú haldir kyrru fyrir heima.

Staða 19

Þú átt peninga, gæfu og góða vini svo þetta er góður fæðingarblettur. Veikleiki þinn  er gagnvart hinu kyninu. Þetta getur komið þér í vandræði í lífinu og því skaltu fara varlega í þessum samskiptum.

Staða 20

Þessi blettur getur bæði fært gæfu og ógæfu. Örlögin hafa annaðhvort ætlað þér að verða mjög fræg(ur) eða alræmd(ur). Þú hefur sköpunargáfu og mikla greind en hæfileika þína er bæði hægt að nota til góðs og ills. Þú ert manneskja sem ekki er gott að abbast upp á því þú svarar fyrir þig og fyrigefur ekki svo glatt. Þetta er fæðingarblettur á einhverjum sem annað hvort verður álitinn mikilmenni eða harðstjóri.

Staða 21

Þetta er góður blettur, hann gefur til kynna að þú fáir nóg að eta og drekka í gegnum lífið. Hann færir líka frægð og viðurkenningu.

Staða 22

Þú munt njóta hamingju og allt gengur greiðlega hjá þér. Þú yrðir íþróttastjarna ef þú hefðir ástríðu til þess. Fæðingarblettir við enda augabrúna gefa einnig vísbendingu um að viðkomandi sé áhrifamanneskja þannig að ef þú ert forstjóri í fyrirtæki mun þér vegna mjög vel.

Staða 23

Þú hefur háa greindarvísitölu og ert bæði klár á bókina og í lífinu. Þú hefur mjög mikla hæfni til að lifa af og munt lifa tilgangsríku og löngu lífi. Þú verður virk(ur) fram í háa elli og verður umvafin(n) vinum og ættingjum allt til enda.

Staða 24

Á unga aldri öðlast þú frægð og auð á unga aldri og þér er eindregið ráðlagt að nota þetta tímabil til að búa í haginn fyrir efri árin því fólki með fæðingarblett á þessum stað hættir til að lenda í erfiðleikum er aldurinn færist yfir.

Staða 25

Þú nýtur hagsældar og viðurkenningar en gættu þín á öfgunum. Lifðu hefðbundnu lífi og þá munt þú eiga langt og gæfuríkt líf. 
Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



24.jún. 2017 - 14:30

Humarhalar njóta stöðugra vinsælda

Humarvertíðin fór rólega af stað í vetur hjá Skinney-Þinganesi á Hornafirði en tók þó að glæðastast þegar líða tók á aprílmánuð og hefur verið allgóð undanfarið, eða 4 til 7 tonn í túr af stórum og góðum humri. Aukin þorskgengd fyrir Suðurlandi hefur þó truflað nokkuð. Skinney-Þinganes gerir út þrjú skip á humar, Þóri, Skinney og Þinganes. Af humarkvótanum eru óveidd um 300 tonn. Góður markaður er fyrir heilan humar á Spáni og gæti verið markaður fyrir meira magn ef það veiddist en aukin styrkist krónunnar gerir þann markað ekki eins áhugaverðan og hann gæti verið. Innanlandsmarkaðurinn er alltaf jafn og góður fyrir humarhala. Eftir sjómannadaginn verður farið á vestursvæðið nærri Eldey og þá landað í Þorlákshöfn. 
24.jún. 2017 - 13:00

„Paellan hans pabba í uppáhaldi“

Greta Huld Mellado Greta Huld Mellado notast helst við fljótlegar og þægilegar uppskriftir. Greta féllst á að gefa lesendum Akureyri Vikublaðs uppáhaldsuppskriftirnar sínar.


24.jún. 2017 - 11:30 Þorvarður Pálsson

Unglingurinn þinn hatar þig ekki, það er bara sumar - Fjögur ráð fyrir foreldra ungmenna

Á sumrin og skólar eru í fríi liggur það í augum uppi að ungmenni eyða meiri tíma heima hjá sér, þrátt fyrir að tíminn sé vel nýttur í alls kyns uppbyggilegt sumarstarf. Það þýðir þó ekki endilega að samvistir ungmenna með fjölskyldunni aukist þrátt fyrir að sumir foreldrar geri sér væntingar um það. Hérna koma fjögur ráð til að reyna að tryggja að samvist þín og unglingsins eða unglinganna gangi sem best fyrir sig.
24.jún. 2017 - 10:00 Sælkerapressan

Betra en allt nammibitar með karamellu og saltkringlum

Þetta er uppskrift að einu rosalegasta nammibitum sem til eru. Þeir innihalda einungis fjögur hráefni og taka nokkrar mínútur í gerð en mæÓmæ hvað þeir eru mikil dásemd. Ég hef gert þá með það í huga eða eiga í frysti þegar góða gesti ber að garði en gestirnir hafa enn ekki náð að fá smakk þar sem þeir klárast um leið. Mitt ráð til ykkar er…gerið amk. tvöfalda uppskrift!
24.jún. 2017 - 09:30 Eyjan/Ari Brynjólfsson

„Engin dæmi um að ríkisstjórn sé komin niður í þriðjungs fylgi eftir hálft ár“

Í nýjustu skoðanakönnun MMR mælist ríkisstjórnin með 30,3% fylgi. Stjórnin var mynduð um miðjan janúar og hefur því nú starfað í rúmt hálft ár. Sjálfstæðisflokkur Bjarna Benediktssonar mælist sem fyrr stærsti flokkur landsins en ef kosið yrði í dag yrði mjög tvísýnt hvort Viðreisn Benedikts Jóhannessonar og Björt Framtíð Óttars Proppé næðu inn á þing.

24.jún. 2017 - 09:00 Smári Pálmarsson

Icelandair á lista yfir bestu flugfélög heims

World Travel Awards kynnti á dögunum árlegan lista sinn yfir hundrað bestu flugfélög í heimi og eiga Íslendingar sinn fulltrúa þar. Listinn er byggður á einkunnagjöf flugfarþega um allan heim en alls er lagt mat á 320 flugfélög. Turisti.is greinir frá þessu, en þar segir að World Travel Awards séu oft kölluð óskarsverðlaun flugþjónustunnar.
24.jún. 2017 - 07:30

Fundur fólksins norður

Ketill Berg Magnússon, stjórnarformaður Almannaheillar, og Þuríður Helga Kristjánsdóttir, framkvæmdastjóri Menningarfélags Akureyrar Lýðræðishátíðin Fundur fólksins verður haldin í þriðja skipti í september, þá í fyrsta skipti á Akureyri.
23.jún. 2017 - 21:00

Útgerðarmenn verði að koma fram við íslenska sjómenn af meiri auðmýkt og virðingu

,,Það er morgunljóst að við Íslendingar byggjum ekki við þau lífsgæði sem við teljum svo sjálfsögð í dag ef ekki nyti við íslensks sjávarútvegs með okkar frábæru sjómenn og fiskvinnslufólk í broddi fylkingar. Þessum staðreyndum megum við sem þjóð aldrei gleyma og því þarf að sýna þeim sem starfa við veiðar og vinnslu á sjávarafurðum fulla virðingu en því miður hefur mér fundist vanta upp á þá virðingu oft á tíðum,“ segir Vilhjálmur Birgisson. Útgerðarmenn verði að koma fram við íslenska sjómenn af meiri auðmýkt og virðingu
23.jún. 2017 - 21:00 Smári Pálmarsson

Heimsins fyrsti vatnsrennibrautagarður hannaður sérstaklega fyrir fólk með fötlun

Vatnsrennibrautagarðar njóta vinsælda víða um heim þar sem heitt er í veðri og bjóða þeir upp á alls kyns skemmtun fyrir alla fjölskylduna. Næstum allir eru þó hannaðir þannig að lítið aðgengi er fyrir fólk með fötlun og sérstaklega einstaklinga sem nota hjólastól. Nú er hins vegar búið að opna splunkunýjan vatnsrennibrautagarð sem er sérstaklega hannaður fyrir fólk með fötlun.
23.jún. 2017 - 20:00 Eyjan/Ari Brynjólfsson

Bónus og Krónan eru íslenskum neytendum mikilvægari en Costco

Í dag er einn mánuður liðinn frá opnun verslunar Costco í Kauptúni. Costco hefur vægast sagt fengið góð viðbrögð hjá íslenskum neytendum en nýleg könnun MMR leiddi í ljós að nærri helmingur landsmanna 18 og eldri væri búinn að fara í Costco. Síðasta sumar kom út skýrsla ráðgjafarfyrirtækisins Zenter sem sagði að Costco myndi hafa mikil áhrif á rekstur innflutningsfyrirtækja, fréttir um skýrsluna vöktu mikla athygli á sínum tíma sem varpar ljósi á hversu spenntir neytendur voru fyrir komu verslunarrisans hingað til lands.

23.jún. 2017 - 17:30 Þorvarður Pálsson

Jaguar beitir nýstárlegum aðferðum til að lokka til sín nýtt starfsfólk

Jaguar F-Pace. Bílaframleiðandinn Jaguar Land Rover hyggst ráða fimm þúsund nýja starfsmenn á þessu ári, þar af eitt þúsund rafmagns- og hugbúnaðarverkfræðinga. Í stað þess að treysta á hefðbundnar aðferðir til að verða sér úti um nýja starfsmenn ætlar fyrirtækið að prófa nýja leið sem vonast er til þess að nái betur til ungs fólks og þeirra sem hafa takmarkaða athyglisgáfu.
23.jún. 2017 - 16:00

Ungt áhugafólk um sjávarútveg stofnar umræðuvettvang

UFSI, félag ungs áhugafólks um sjávarútveg, er umræðuvettvangur um sjávarútveg og sjávarútvegsmál á Íslandi og úti í heimi. ,,Við sem stöndum að stofnun félagsins teljum umræðuna um sjávarútvegsmál á Íslandi oft vera á villigötum og ekki til þess fallin að bæta ásýnd greinarinnar. UFSI mun hafa það að leiðarljósi að skapa málefnalega og óhlutdræga umræðu um greinina ásamt því að vekja áhuga meðal ungs fólks um sjávarútveg,“ segir Tryggvi Másson, einn félagsmanna UFSA.
23.jún. 2017 - 14:30 Eyjan

Forstjóri N1 segir Costco „markaðssnillinga“: „Íslenska brjálæðið“

Eggert Þór Kristófersson forstjóri N1 segist ekki hafa áhyggjur af innkomu Costco á íslenskan eldsneytismarkað, sagan hafi kennt að nýjungar á markaði séu mjög vinsælar fyrst um sinn en svo dragist það saman. Í helgarblaði DV sem kom út í dag er rætt við forstjóra íslensku olíufélaganna sem segjast ekki hafa miklar áhyggjur af þessum nýja samkeppnisaðila. Costco býður upp á nokkuð lægra eldsneytisverð en samkeppnisaðilarnir og er nánast stöðug röð bíla á bensínstöðina, hefur Costco sent erindi til Garðabæjar um að fá að stækka stöðina um fjórar dæluslöngur.
23.jún. 2017 - 13:00 DV

5 matvæli sem hjálpa þér að léttast

Margir ákveða að taka mataræðið í gegn og byrja í ræktinni – allt í þeim tilgangi að koma sér í form eða halda sér í formi. Til eru ýmsar leiðir til að hjálpa sér í þeirri baráttu og gagnlegasta aðferðin er að forðast það að falla í freistingar og neyta óhollrar fæðu.
23.jún. 2017 - 12:30

Fékk að fara í gegn: Gamall draumur Þórólfs í Lundi rættist á afmælisdaginn

Feðgarnir eftir ferðalagiðÞórólfur og Jón, sonur hans, eftir ferðalagið í gegnum heiðina.Mynd: Vaðlaheiðargöng „Það er mjög gaman að fá að taka þátt í að uppfylla drauma manns sem man tímanna tvenna og veit hvað bættar samgöngur skipta miklu máli,“ segir Valgeir Bergmann, framkvæmdastjóri Vaðlaheiðarganga, sem bauð Þórólfi Guðnasyni, betur þekktum sem Þórólfi í Lundi, í bílferð í gegnum Vaðlaheiðargöng á afmælisdegi Þórólfs.
23.jún. 2017 - 11:00 Sælkerapressan

Uppskrift: Kræsingar í krús

Mig langaði að prófa eitthvað nýtt í skírnarveislu dóttur minnar um daginn. Þar sem ég hef alla tíð verið mikið fyrir „mini“ allt þá lét ég loksins verða af því að gera krukkukökur. Ég fann þessar litlu sætu sultukrukkur í Hagkaup í Spönginni og þá var ekki aftur snúið. Að þessu sinni valdi ég uppskrift í takt við litaþema veislunnar og var þetta það krúttlegasta á veisluborðinu. Ég fæ líklega æði fyrir krukkukökum í framhaldinu og hlakka til að prófa mig áfram með ýmsar hugmyndir í þeim efnum.
23.jún. 2017 - 11:00 Smári Pálmarsson

Leikhópurinn Lotta svarar gagnrýni: „Boðskapurinn er skýr“

Leikhópurinn Lotta hefur sent frá sér svar vegna gagnrýni fjölmargra Íslendina á söngtexta sem fór í dreifingu á samfélagsmiðlum í gær. Pressan birti frétt um málið þar sem textann mátti lesa í heild og fagnar því að fá einnig að koma sjónarmiðum höfunda á framfæri. Anna Bergjót Thorarensen segir meðal annars í yfirlýsingu frá leikhópnum að textinn sé vissulega ádeila og sé sunginn af vondu stjúpsystrum Öskubusku og prinsinum hégómafulla.
23.jún. 2017 - 10:00 Eyjan/Ari Brynjólfsson

Benedikt sannfærður um stuðning almennings: „Þess vegna hef ég lýst yfir stríði á hendur skattsvikum“

Benedikt Jóhannesson fjármála- og efnahagsráðherra segist sannfærður um að almenningur styðji stríð hans gegn skattsvikurum. Meðal tillagna í skýrslu starfshóps ráðherra sem kynnt var í gær var að draga úr noktun peningaseðla og taka 10.000 króna og 5.000 króna seðla úr umferð, þar að auki verði sett hámarksupphæð á vörur og þjónustu sem má kaupa með reiðufé. Hugmyndirnar hafa verið harðlega gagnrýndar, einnig af stjórnarþingmönnum.
23.jún. 2017 - 10:00

„Farðu lengra með SagaPro“ - Fyrir þá sem vilja fækka salernisferðum

Varan hentar vel konum og körlum með minnkaða blöðrurýmd og einkenni ofvirkrar blöðru sem er algengt vandamál. SagaPro bætir lífsgæði þeirra sem glíma við þetta vandamál. Það hefur sýnt sig að SagaPro fækkar mjög salernisferðum jafnt að degi sem nóttu og bætir svefninn.
23.jún. 2017 - 08:50 Smári Pálmarsson

Vopnuðum kennurum ætlað að tryggja öryggi nemenda í kennslustofum

Innan skamms munu kennarar við grunnskóla í Colorado í Bandaríkjunum hafa til þess leyfi að bera skotvopn innanklæða. Þetta er hluti af áformum sem eiga að tryggja öryggi nemenda og starfsfólks. Ákvörðunin kemur í framhaldi skotarásar á barnaskóla í Connecticut árið 2012 þar sem vopnaður maður banaði 26 einstaklingum, einkum börnum.
22.jún. 2017 - 22:00 Akureyri vikublað

„Ég get ekki meira“ - Tæplega sjötug amma á Akureyri biður um úrræði fyrir dóttursyni sína

Myndin tengist ekki efni fréttarinnar beint. „Ég get bara ekki meira,“ segir tæplega sjötug amma á Akureyri sem er orðin úrkula vonar um að dóttursynir hennar tveir fái viðeigandi aðstoð. Drengirnir eru lögráða en í neyslu og að sögn konunnar ófærir um að sjá um sig sjálfir. Þeir búi í íbúð á vegum Akureyrarbæjar en þurfi meiri aðstoð en sem nemur búsetuúrræði.
22.jún. 2017 - 21:00 Smári Pálmarsson

Mynd dagsins: Costco býður snýtubréf í karlmannsstærð

Það er lykilatriði í markaðssetningu að þekkja markhópinn og höfða til þeirra sem líklegir eru til þess að kaupa ákveðnar vörur eða þjónustu. Oft eru vörur markaðssettar sérstaklega handa körlum eða konum þrátt fyrir að þær séu almenns eðlis og öllum nytsamlegar.
22.jún. 2017 - 20:00 Þorvarður Pálsson

Halla gengur til heiðurs minningar Kristófers sem svipti sig lífi 18 ára gamall - „Ég vil minnast frænda míns á góðan og fallegan hátt“

Þann 19. júlí næstkomandi mun Halla Cramer ganga frá frá Álverinu í Straumsvík sem leið liggur í kirkjugarðinn í Innri Njarðvík. Dagurinn er henni mikilvægur en það er afmælisdagur Kristófers Arnar Árnasonar frænda hennar. Kristófer tók sitt eigið líf þann sama dag árið 2014, daginn sem hann varð 18 ára gamall. Gangan er til heiðurs minningar hans og mun hún safna áheitum til styrktar sjálfsvígsforvarnarsamtakanna Pieta Ísland. Pressan ræddi við Höllu um þetta framtak hennar og málefnið.
22.jún. 2017 - 19:00 Bleikt

Camilla Rut ætlar að hlaupa 10 km fyrir Barnaspítala Hringsins: „Var okkar annað heimili á tímabilum“

Camilla Rut Arnarsdóttir ætlar að hlaupa 10 km fyrir Barnaspítala Hringsins í Reykjavíkur maraþoni Íslandsbanka. Camilla og fjölskylda hennar kannast vel við Barnaspítala Hringsins en hann hefur verið þeirra annað heimili á tímabilum. Þegar litli bróðir Camillu fæddist 2011 var honum vart hugað líf og hefur farið í tvær akút aðgerðir. Í dag er hann fimm ára gleðipinni og segir Camilla fjölskylduna standa í eilífðri þakkarskuld við Barnaspítala Hringsins.
22.jún. 2017 - 18:00 Vesturland

Skipalest heimsækir Hvalfjörð á föstudag – fórna Íshafsskipalestanna minnst

Íshafsskipalest í Hvalfirði fyrir 75 árum síðan. Nú verður siglinganna og þeirra sem tóku þátt minnst með veglegum hætti í Hvalfirði þegar varðskipið Týr leiðir skipalest kafbáts og fimm freigátna inn fjörðinn að Hvítanesi og aftur til baka. HVALFJÖRÐUR
Á föstudagmorgun mun skipalest fimm herskipa og kafbáts undir forystu varðskipsins Týs sigla inn Hvalfjörð og á gamla herskipalægið við Hvítanes. Þar verður haldin minningarathöfn og blómsveig varpað í fjörðinn. Þetta er gert til að minnast skipalestasiglinganna milli Hvalfjarðar og Norðvestur-Rússlands í seinni heimsstyrjöld. Þetta voru hinar svokölluðu Íshafsskipalestir. Einnig er viðburðurinn til að minnast þess að nú í lok júní eru nákvæmlega 75 ár liðin síðan skipalestin PQ17 hélt frá Hvalfirði til Kólaskaga. Þeirra verður sérlega minnst sem létustí árásum þýskra herskipa og kafbáta á skipalestirnar, og annarra sem lögðu líf sitt í hættu við að koma björgum til Rússlands í stríðinu.
22.jún. 2017 - 17:15 Sælkerapressan

Fljótlegar vefjur með dásamlegum krispí nöggum

Í gær skellti ég í þessar ómótstæðilegu krispí nagga-vefjur með ananas-salsa, sýrðum rjóma, avókadó, tómötum og rifnum mozzarella. Á þessu heimili er ósjaldan gripið til þess að elda vefjur enda fljótlegt í framkvæmd og afbragðs gott. Ég nota Gardein „crispy tenders“ naggana sem unnir eru úr soya og eru algjör snilld inní vefjur eða salöt og henta einnig vel sem partýmatur eða snarl með góðri ídýfu.
22.jún. 2017 - 16:30 Bleikt

Ellen Rut skrifar til Kim Kardashian: „Viltu senda þessi skilaboð út í heiminn að appelsínuhúð er hryllingur?“

„Gerirðu þér grein fyrir því að þú ert fyrirmynd þúsundir ef ekki milljónir ungra stúlkna?“ skrifar Ellen Rut Baldursdóttir í opnu bréfi til Kim Kardashian. Þar gagnrýnir hún ummæli sem Kim lét falla í spjallþættinum The View um útlit sitt. Í þættinum heldur Kim því fram að paparazzi myndir sem voru teknar af henni þegar hún var fríi í Mexíkó hafi verið „photoshoppaðar“ áður en þær fóru í dreifingu á netinu. Hún segir að myndunum hafi verið breytt svo hún liti verr út og kallar myndirnar „skelfilegar.“
22.jún. 2017 - 15:30 Smári Pálmarsson

Sjáðu söngtexta Leikhópsins Lottu – Finnst þér þetta við hæfi barna?

Söngtexti úr sýningu Leikhópsins Lottu hefur farið fyrir brjóstið á mörgum en hópurinn heldur reglulega vinsælar barnasýningar um allt land. Textinn er við lagið Dansleikur sem er úr sýningu hópsins, en hann er einnig að finna í útgefinni textabók. Mynd af bókinni vakti athygli á samfélagsmiðlum þar sem augljóst er að mörgum er misboðið.
22.jún. 2017 - 15:10 Þorvarður Pálsson

Stúlka slösuð í Borgarfirði - Björgunarsveitir kallaðar út

Slys varð í Borgarfirði, nánar tiltekið í Lundarreykjadal nú fyrir skömmu. Björgunarsveitir Slysavarnafélagsins Landsbjargar hafa verið kallaðar út en samkvæmt tilkynningu frá Landsbjörgu féll stúlka af hestbaki.
22.jún. 2017 - 14:30 Eyjan

„Ógeðsleg árás á alþýðu þessa lands“

„Þegar þú kaupir vöru með korti debet eða kreditkorti greiðir seljandinn 0,4-3,9% til kortafyrirtækisins sem gefur út kortið. Sem sagt af hverjum 1000 krónum sem þú eyðir á kortið þitt fær Borgun og Kreditkort 4 – 39 krónur. Fjármálaráðherra er með þessari aðgerð að auka tekjur kortafyrirtækjana og banka umtalsvert. Ég læt alveg ósagt hversu óheppilegt það er vegna hagsmunatengsla sem leiðtogar þessarar ríkistjórnar hafa við kortafyrirtæki.“
22.jún. 2017 - 14:00 Smári Pálmarsson

Harry Bretaprins: Enginn vill vera kóngur

„Er einhver í konungsfjölskyldunni sem vill vera kóngur eða drottning? Það held ég ekki,“ segir Harry Bretaprins í nýlegu viðtali við Newsweek. Hann telur engan innan Bresku konungsfjölskyldunnar sækjast eftir því að sinna skyldum kóngs eða drottningar, en þau geri það til heilla fólksins í landinu. Hann hefur tjáð sig opinskátt í viðtali við fjölmiðla undanfarið og meðal annars rætt um erfiðleika sem hann hefur glímt við vegna dauða móður sinnar, Díönu prinsessu. 
22.jún. 2017 - 13:00 Bleikt

Konur eru konum bestar

Þær Andrea Magnúsdóttir og Elísabet Gunnarsdóttir hafa hannað æðislega boli með merkingunni "Konur eru konum bestar." Það var Rakel Tómasdóttir sem hannaði letrið en ljósmyndarinn Aldís Pálsdóttir tók myndirnar fyrir þetta frábæra verkefni. Bolirnir fara í sölu seinna í dag en ágóðinn rennur til Kvennnaathvarfsins.  Þessar mögnuðu konur vilja breyta neikvæðu hugarfari og vonum við á Bleikt að sem flestar styðji við þetta og mæti á viðburðinn þeirra í dag.
22.jún. 2017 - 12:00 Akureyri vikublað

Landsliðsfyrirliðinn Aron Einar í viðtali - „Það er allt undir í hverjum einasta leik en þannig þrífumst við best“

Akureyringurinn og fyrirliði íslenska karlalandsliðsins í knattspyrnu, Aron Einar Gunnarsson, gekk að eiga Kristbjörgu Jónasdóttur á laugardaginn, sjálfan þjóðhátíðardaginn. Í einlægu viðtali ræðir Aron Einar um lífið í Cardiff, fyrirliðabandið, fjölskylduna, framtíðina og hvað þurfi til að ná langt í hörðum heimi atvinnumennskunnar.
22.jún. 2017 - 11:35 DV

Arnþrúður hefur fjórum sinnum þurft að fá hjartastuð á þessu ári

Arnþrúður Karlsdóttir útvarpsstjóri Útvarps Sögu glímir við alvarlega heilsubresti og á þessu ári hefur fjórum sinnum þurft að gefa henni rafstuð vegna hjartsláttartruflana. Segir hún að hún sé með stíflur í slagæðakerfinu vegna háþrýstings og er á leið í aðgerð á næstu dögum. Hún verður í beinni útsendingu á Útvarpi Sögu frá kl. 11 til 16 í dag, segir hún erfitt að vinna en hún tali ekki um heilsufar sitt í loftinu: „Þetta er bara málið og maður er ekkert að tala um það, maður fer bara og vinnur sína vinnu, rífur kjaft,“ segir Arnþrúður og hlær.
22.jún. 2017 - 11:31 Eyjan

Arnþrúður hjólar í Jón Trausta og Stundina – Búrkan var útivistarfatnaður

Arnþrúður Karlsdóttir útvarpsstjóri Útvarps Sögu segist vona að Jón Trausti Reynisson ritstjóri Stundarinnar hafi lært eitthvað af dómi héraðsdóms og láti það vera að níða niður fólk með aðrar lífsskoðanir. Í harðorðuðum pistli sem Arnþrúður birtir á Fésbókarsíðu sinni ræðir hún dóm Héraðsdóms Reykjavíkur sem sektaði Stundina um 200 þúsund krónur fyrir að nota 15 myndir sem voru í eigu Útvarps Sögu án leyfis.
22.jún. 2017 - 11:00 Þorvarður Pálsson

Robert Downey braut gegn dóttur Bergs - Hann spyr hvers vegna Robert var veitt uppreist æra

Dóttir Bergs Þórs Ingólfssonar leikstjóra var ein fjögurra kvenna sem Robert Downey, áður Róbert Árni Hreiðarsson, var dæmdur fyrir að brjóta gegn kynferðislega. Það vakti mikla athygli og hörð viðbrögð fyrir skömmu þegar Robert fékk á ný réttindi til að starfa sem héraðsdómslögmaður eftir að hafa fengið uppreist æru hjá forseta Íslands og settum innanríkisráðherra. Bergur skrifar grein sem birtist á Vísi í dag og ber yfirskriftina „Uppreist æra án iðrunar og ábyrgðar“ þar sem hann fer yfir málið.
22.jún. 2017 - 10:19 Þorvarður Pálsson

Costco lækkar díselverð - Bensín hjá Costco meira en 10 krónum ódýrara en annars staðar

Líterinn af díselolíu á bensínstöð Costco í Kauptúni í Garðabæ hefur lækkað í verði. Líterinn kostaði 158,9 krónur en er nú á 155,9 krónur og er hann því orðinn enn lægri en hjá öðrum olíufélögum hér á landi. Þegar verslunin opnaði þann 23. maí síðastliðinn kostaði dísellíterinn 164,9 krónur.
22.jún. 2017 - 10:00 Smári Pálmarsson

Íslendingar í rigningu og roki á meðan vegir bókstaflega bráða í Bretlandi

Það blasir leiðindaveður við Íslendingum í dag og næstu daga með áframhaldandi roki og rigningu. Hiti verður um eða undir tíu stigum en heitast um fimmtán gráður samkvæmt veðurspám fyrir vikuna. Á sama tíma hefur hitabylgja verið í Evrópu og mega Bretar búast við því að hitinn í dag fari upp í 34 gráður. Heitara hefur ekki orðið á Bretlandseyjum í júnímánuði undanfarin fjörutíu ár.
22.jún. 2017 - 09:00 DV

Þetta gerist þegar þú hættir að hreyfa þig

Margir kannast eflaust við þá tilfinningu að missa áhugann á líkamsrækt eftir að hafa lagt mikið á sig. Margar ástæður liggja þarna að baki; sumum finnst árangurinn ekki erfiðisins virði, aðrir játa sig sigraða vegna anna á meðan enn aðrir telja sig þurfa hvíld vegna þreytu.
22.jún. 2017 - 08:00 Kristján Kristjánsson

Hvað verður um fituna þegar þú léttist? Svarið er einfalt

Það getur verið gott að missa eitt eða tvö kíló eða jafnvel fleiri. En hefur þú hugleitt hvað verður um fituna þegar þú léttist? Líklegast eru ekki margir sem hafa áhyggjur af því, eru bara ánægðir með að léttast og/eða grennast.
22.jún. 2017 - 07:00

Heimilisofbeldi og líkamsárás: Reyndi að komast inn hjá fyrrverandi unnustu sinni

Á fyrsta tímanum í nótt var lögreglunni á höfuðborgarsvæðinu tilkynnt um heimilisofbeldi og líkamsárás í heimahúsi í vesturhluta Reykjavíkur. Gerandinn var fluttur á lögreglustöð þar sem rætt var við hann. Hann var síðan látinn laus.
21.jún. 2017 - 22:00 Þorvarður Pálsson

Lögregla elti hann og hann stakk sér í á – „Dagurinn í dag hefur ekki verið góður“

Þegar lögregla hóf eftirför til að reyna að ná hendur í hári manns sem rænt hafði banka vonaðist hann til þess að sleppa undan laganna vörðum. Það fór þó ekki svo og endaði maðurinn ofan í á og þegar lögreglunni tókst að fiska hann upp úr henni sá hann mjög svo eftir öllu saman. Hvort það muni hjálpa honum eitthvað þegar hann fer fyrir dómara á eftir að koma í ljós.
21.jún. 2017 - 21:00 Smári Pálmarsson

Kókosolía ekki eins holl og margir halda

Kókosolía hefur undanfarin ár verið álitin ofurfæða eða jafnvel allra meina bót. Hún hefur verið sögð til margs nytsamleg, allt frá eldamennsku til umhirðu húðarinnar. En samkvæmt nýrri skýrslu, sem gefin er út af American Heart Association, er olían ekki eins holl fyrir líkamann og margir halda. Ástæða þess að kókosolía er í raun engin heilsufæða, samkvæmt skýrslunni, er sú að hún inniheldur mikið af mettaðri fitu. 
21.jún. 2017 - 20:30 Eyjan

Kolbeinn: „Enn eitt pólitíska trixið“

„Sjálfstæðisflokknum í borgarstjórn Reykjavíkur er að takast, með dyggum stuðningi Framsóknar- og flugvallavina, að gera fjölgun borgarfulltrúa að flokkspólitísku máli. Það er afskaplega lítilmannlegt, þykir mér. Bókanir um að fjölgun borgarfulltrúa séu dæmi aðdáun vinstri manna á „útþenslu kerfisins“ eru svo hallærislega gamaldsags að þær ýta enn frekar undir þá tilfinningu mína að minnihlutinn í Reykjavík sé uppi á vitlausri öld.“
21.jún. 2017 - 20:00 Þorvarður Pálsson

Örvhentir eru gáfaðri en rétthentir

Um örvhenta ganga margar sögur, þeir eru sagðir deyja fyrr en rétthentir, líklegri til að brjóta af sér og því hefur verið haldið fram að þeir drekki meira. Fyrir þessum fullyrðingum er oft lítill vísindalegur rökstuðningur en ein mýta um örvhenta hefur lifað lengi og það er sú að örvhentir séu gáfaðri en rétthentir. Nú hefur ný rannsókn á örvhentum leitt í ljós að þeir séu í raun klárari en þeir sem nota hægri höndina í verkefnum daglegs lífs.
21.jún. 2017 - 19:30 Bleikt

Heimsfrægar leikkonur segja frá einelti sem þær urðu fyrir

Þeir sem verða að þola einelti gleyma því ekki. Það á líka við um stjörnurnar í Hollywood. Skólafélagar Steven Spielberg kölluðu hann nörd, Tom Cruise var strítt vegna þess að hann glímdi við lestrarerfiðleika og Kate Winslet var kölluð feitabolla. Og þær þrjár heimsfrægu stjörnur sem fjallað er um hér á síðunni urðu fyrir miklu aðkasti í skóla vegna þess að þær þóttu vera öðruvísi og féllu ekki inn í hópinn. Á þeim sannaðist að sá hlær best sem síðast hlær. Skólafélagarnir sem níddust á þeim á sínum tíma vildu í dag örugglega vera í þeirra sporum.
21.jún. 2017 - 19:00 Ari Brynjólfsson

Þess vegna eru sumir með regnbogatakka á Facebook

Margir notendur samskiptamiðilsins Facebook hafa eflaust tekið eftir nýjum takka undanfarið, takkinn er regnbogafáni og kallast pride, eða stolt. Um er að ræða sérstakan takka sem er í boði í júní í tilefni baráttumánaðar hinsegin fólks. Til þess að geta notað þennan takka þurfa notendur að leita að lgbtq@facebook og líka við síðuna, þá er hægt að nota takkann. Takkann er hægt að nota líkt og aðra tilfinningatakka sem samskiptamiðillinn gerði mögulega í fyrra.
21.jún. 2017 - 18:00 Austurland

Skógardagurinn mikli

Skógardagurinn mikli verður haldinn í 12. sinn í Hallormsstaðaskógi, laugardaginn 24. júní í sumar. Í ár stendur Félag skógarbænda á Austurlandi í samstarfi við Fljótsdalshérað fyrir samkeppni um listaverk úr trjáviði og hefur verið auglýst eftir þátttakendum í hana.
21.jún. 2017 - 17:30 Doktor.is

Brothættir karlar: Fjórði hver getur búist við beinbroti eftir miðjan aldur

Það er ekki langt síðan að beinþynning var viðurkennd sem algengur og alvarlegur langvinnur sjúkdómur meðal karla en áður einskorðaðist þekking og umfjöllun um sjúkdóminn við konur. Það er ekki síst  hækkandi lífaldur sem hefur leitt til þess að dregið hefur saman með kynjunum hvað varðar brot af völdum beinþynningar. 
21.jún. 2017 - 17:00 Smári Pálmarsson

Óskarsverðlaunahafinn Daniel Day-Lewis segir skilið við leiklistina

Óskarsverðlaunahafinn Daniel Day-Lewis hefur tilkynnt að hann muni ekki framar starfa sem leikari. Segir hann ástæðuna persónulega og kveðst þakklátur öllu sínu samstarfsfólki og aðdáendum. Tilkynningin barst frá umboðsmanni leikarans í vikunni. Hann ítrekar að ákvörðunin sé persónulegs eðlis og hvorki hann né talsmenn hans muni tjá sig frekar um málið.

Veðrið
Klukkan 15:00
Skýjað
N5
12,2°C
Skýjað
NNA11
8,7°C
Lítils háttar súld
NA9
7,4°C
Alskýjað
NNV5
9,0°C
Lítils háttar rigning
N11
6,9°C
Skýjað
NNA12
11,3°C
Spáin
(9-30) Gæludýr: Fleischeslust - júní
(12-25) Húðfegrun: Húðslípun
Vilhjálmur Birgisson
Vilhjálmur Birgisson - 14.6.2017
Þetta rugl sem er í kringum lífeyrissjóðina
Hannes Hólmsteinn Gissurarson
Hannes Hólmsteinn Gissurarson - 11.6.2017
Átakanleg saga kvenhetju
Brynjar Nielsson
Brynjar Nielsson - 17.6.2017
Reiði og hefnd
Davíð Már Kristinsson
Davíð Már Kristinsson - 17.6.2017
Úrslitaleikur á móti Úkraínu
Sigurður G. Guðjónsson
Sigurður G. Guðjónsson - 18.6.2017
Glórulaus hugmynd hjá forsetanum
Hannes Hólmsteinn Gissurarson
Hannes Hólmsteinn Gissurarson - 17.6.2017
Kammerherrann fær fyrir kampavíni
Þórhallur Heimisson
Þórhallur Heimisson - 17.6.2017
Independence day - free from Icelandic
Brynjar Nielsson
Brynjar Nielsson - 20.6.2017
Blaðabarnið gleymir
Fleiri pressupennar