03. júl. 2012 - 13:43

Yfirlýsing frá Agli Gillz Einarssyni: Varð stúlkan fyrir óeðlilegum þrýstingi frá tilteknu áhrifafólki?

Pressunni hefur borist eftirfarandi yfirlýsing frá Agli Einarssyni, eða Gillzenegger eins og hann hefur kallað sig. Tilefnið er yfirlýsing frá Guðjóni Ólafi Jónssyni lögmanni, sem er réttargæslumaður stúlku sem kærði Egil og unnustu hans fyrir nauðgun fyrir síðustu jól, en ríkissaksóknari ákvað á dögunum að fella mál það niður.

Egill segist í yfirlýsingunni hafa einsett sér að komast til botns í þessu máli. Hann hefur því lagt fram kæru á hendur stúlkunni og vinkonum hennar og óskað eftir lögreglurannsókn á tildrögum þess að hann var, ásamt unnustu sinni, borinn röngum sökum um svívirðilegan glæp.

Yfirlýsingin fer hér á eftir:

-----------------------------------------------------------

YFIRLÝSING

Ég finn mig knúinn til að bera hönd fyrir höfuð mér, nú þegar lögmaður stúlku sem kærði mig og unnustu mína fyrir kynferðisbrot hefur sent frá sér afar ósmekklega yfirlýsingu vegna málsins. Þar telur hann upp „gögn“ sem hann segir ríkissaksóknara hafa hundsað. Ég furða mig mjög á þessari yfirlýsingu sem er í senn villandi, ónákvæm og sumt í henni er beinlínis rangt.
 
Það er með sanni ömurleg staða að vera í, að þurfa að verja sig af yfirlýsingu frá réttargæslumanni stúlku, sem í niðurstöðu saksóknara kemur fram að hafi verð margsaga i frásögn sinni um meinta nauðgun. Um þetta sagði saksóknari orðrétt í rökstuðningi sínum fyrir því að fella niður málið:
 
 „Ekki verður fram hjá því litið að hvorki var innbyrðis samræmi í framburðum brotaþola hjá lögreglu, né samræmi í því sem haft var eftir henni á Neyðarmóttöku strax í kjölfar hins meinta brots og þess sem hún skýrði frá hjá lögreglu.“
 
Við þetta má svo bæta að í öllum tilvikum, þar sem frásögn okkar og hennar stangaðist á og vitni voru að, reyndist frásögn hennar röng og okkar rétt. Um það sagði saksóknari jafnframt: „Ekkert í framburði þeirra [mínum og unnustu minnar] bendir þó til að þau hafi samræmt framburði sína í þeim tilgangi að fegra hlut sinn, enda fá framburðir þeirra stoð í öðrum gögnum málsins ...“

Ég hef hingað til forðast að fara í ítarlegar lýsingar af málavöxtum, enda eiga smáatriði þessa máls ekki erindi við almenning. Nú, þegar lögmaður stúlkunnar hefur vitnað í málsgögn á villandi hátt, að því er virðist í þeim tilgangi að varpa enn frekari rýrð á mannorð mitt þá vil ég leyfa mér að nefna eftirfarandi:
 
Í yfirlýsingunni er gefið í skyn að ágreiningur sé um hvort samræði hafi átt sér stað. Enginn ágreiningur hefur hins vegar verið um það að samfarir áttu sér stað. Það verður að teljast undarlegt mat hjá lögmanninum að ríkissaksóknari ætti að meta til sönnunargagna örlitlar rifur sem staðfest er af læknum að gefi enga vísbendingu um ofbeldi og alvanalegt sé að komi fram við venjulegt kynlíf.
 
Hvaða merkingu lögmaðurinn leggur í það að túrtappi hafi verið fjarlægður er á huldu. Í gögnum málsins kemur ekkert fram um að stúlkan hafi þurft að gangast undir læknisaðgerð. Það er ekki „aðgerð“ að fjarlægja túrtappa, hann var tekinn sem hugsanlegt sakargagn og í læknaskýrslu kemur fram að leggangaskoðun hafi verið eðlileg.

Ekki veit ég hvað lögmaðurinn er að fara með að tala um marbletti sem stúlkan var með. Í skýrslu læknis á Neyðarmóttöku kemur skýrt fram að stúlkan hafi enga sýnilega áverka og að það samræmist frásögn hennar þar. Það kemur skýrt fram í gögnum að það voru engir áverkar sem bentu til ofbeldis.
 
Það er rangt að skjólstæðingur lögmannsins hafi horfið af heimili okkar í miklum flýti og hvað þá að hún hafi farið grátandi. Það er rétt að vitni staðfesta að stúlkan hafi verið í tilfinningalegu uppnámi þegar vinkonur hennar sóttu hana. Hún komst hins vegar ekki í það uppnám fyrr en eftir að hún fór frá okkur. Á meðan hún dvaldi hjá okkur var mikið hlegið og góð stemning og þessi áburður kom því eins og þruma úr heiðskýru lofti.
 
Þá er fráleitt að líta á það sem vísbendingu um glæp þótt stúlkan hafi skilið eftir fatnað og klætt sig í aðrar áþekkar sokkabuxur og kemur ekkert fram í gögnum málsins sem staðfestir þá túlkun.
 
Sálrænt ástand manneskju sannar ekki að hún hafi orðið fyrir ofbeldi. Þess eru mörg dæmi frá nágrannalöndunum að fólk sem síðar var dæmt fyrir rangar sakargiftir hafi að sögn sálfræðinga sýnt öll einkenni raunverulegra brotaþola. Þess má geta að þremur mánuðum eftir umrædda nótt, tók stúlkan vakt á veitingastað sem ég sótti. Hún mætti mér að minnsta kosti fimm sinnum það kvöld. Nærvera mín fékk ekki meira á hana en svo að hún tók því fagnandi þegar hún var spurð að því daginn eftir hvort hún vildi taka fleiri vaktir. Forðun er hins vegar eitt af dæmigerðum einkennum brotaþola í nauðgunarmálum.
 
Það er rétt athugað hjá lögmanninum að það ætti að vera hverjum manni sem borinn er sökum um glæp umhugsunarefni hvað hafi orðið til þess. Ég hef einmitt velt því fyrir mér á hverjum einasta degi í sjö mánuði því ekki var ofbeldi af neinu tagi tilefni kærunnar.

Ég hef hugsað um það hvers vegna stúlkan er margsaga í öllum meginatriðum. Hvers vegna hún í skýrslutöku vitnar um sms-skilaboð og símtöl sem aldrei áttu sér stað eins og útprentaðar símaskýrslur staðfesta. Það er mér mikið umhugsunarefni hvers vegna tvær vinkonur hennar „staðfesta“ í smáatriðum þessi símtöl og sms, sem aldrei áttu sér stað, í skýrslutöku hjá lögreglu. Og ég get hreinlega ekki hætt að hugsa um það hvers vegna skilaboð frá handrukkara biðu mín þegar ég vaknaði daginn eftir.

Þrátt fyrir reiði mína og hryggð yfir þessu máli finn ég á vissan hátt til samúðar með stúlkunni því ég trúi ekki að það hafi verið meðvituð ákvörðun hjá henni að eyðileggja mannorð fólks sem hún á ekkert sökótt við. Ég hef þess vegna mikið velt því fyrir mér hvort eitthvað sé hæft í sögusögnum um að hún hafi orðið fyrir óeðlilegum þrýstingi frá tilteknu áhrifafólki. Komi slíkt i ljós þá eru allir aðilar þessa máls peð í pólitískum hráskinnsleik.  

Ég hef einsett mér að komast til botns í þessu máli. Ég hef því lagt fram kæru á hendur stúlkunni og vinkonum hennar og óskað eftir lögreglurannsókn á tildrögum þess að ég var, ásamt unnustu minni, borinn röngum sökum um svívirðilegan glæp.
 
Virðingarfyllst

Egill Einarsson



28.júl. 2016 - 19:30

Margrét Erla Maack kryfur viðbrögð við umdeildum ummælum sínum í Morgunútvarpi Rásar 2

Hefur birt pistil þar sem hún fer ítarlega yfir þau sterku viðbrögð sem orð hennar höfðu í för með sér
28.júl. 2016 - 18:00 Arnar Örn Ingólfsson

Fatamarkaður Innipúkans um helgina – Gerðu góð kaup

Svala Björgvinsdóttir var ein þeirra sem mætti á markaðinn í fyrra.
Þeir sem ekki ætla að leggja land undir fót um helgina og ætla að halda sig til hlés á höfuðborgarsvæðinu geta kíkt á fatamarkað Innipúkans sem fram fer í Naustinni fyrir framan skemmtistaðinn Húrra, á Innipúkatorginu.

28.júl. 2016 - 12:00 Ari Brynjólfsson

Jón er sáttur við Semu Erlu og Halldór Auðar: „Þannig á það að vera í lýðræðisþjóðfélagi- Þakka ykkur fyrir Sema og Halldór“

Sema Erla, Halldór Auðar, Hannes Hólmsteinn, Jón Magnússon og Gunnar Waage.

„Af gefnu tilefni vil ég taka fram að Sema Erla Serdar hefur í samræmi við samtal okkar í gær lýst því yfir að hún hafi ekkert með hatursskrif sandkassinn.com að gera og bið ég hana með sama hætti og Halldór Auðar Svansson afsökunar á því að nöfn þeirra séu dregin inn í þessa umræðu.“ Þetta skrifar Jón Magnússon hæstaréttarlögmaður og fyrrverandi Alþingismaður á Fésbókarsíðu sína.

28.júl. 2016 - 11:51

Unnu 260 milljónir króna í Víkingalottóinu: Ætla að nota vinningsféð til kaupa sér nýja íbúð

Hjón á þrítugsaldri unnu 260 milljónir króna í Víkingalottóinu í gær. Þetta er stærsti happdrættisvinningur Íslandssögunnar, að því er fram kemur í tilkynningu frá Íslenskri Getspá. Miðinn var keyptur á bensínstöð N1 við Stórahjalla í Kópavogi.

28.júl. 2016 - 10:00 Arnar Örn Ingólfsson

Ungri konu byrlað ólyfjan í miðbæ Reykjavíkur: Gagnrýnir lögreglu fyrir að hafa sent sig heim með leigubíl

Lögreglumenn að störfum.
Ung kona gagnrýnir að hún hafi hvorki verið send á bráðamóttöku Landspítalans né tekin af henni skýrsla hjá lögreglu. Hún telur að sér hafi verið byrluð ólyfjan á skemmtistað í miðborg Reykjavíkur. 

27.júl. 2016 - 23:15

Gerðu þér dagamun í Bremen: Borg sem kemur ánægjulega á óvart

Miðborgin fallega í Bremen. Þýska borgin Bremen kemur ef til vill ekki fyrst upp í hugann þegar hugað er að borgarferð. Í raun má segja að borgin sé falin perla í skugganum af stóra nágrannanum í norðri, Hamborg, því þessi græna og fallega borg býður upp á allt sem þarf til að njóta góðrar borgarferðar. Þarna finna allir eitthvað við sitt hæfi, hvort sem það eru hipsterar, fjölskyldufólk eða eldri borgarar. Hér eru nokkrar ástæður til að heimsækja Bremen.
27.júl. 2016 - 19:00 Ari Brynjólfsson

Metfjöldi athafna hjá Siðmennt

Bjarni með brúðhjónum í athöfn Siðmenntar.

Eftirspurn eftir athafnaþjónustu Siðmennt hefur vaxið verulega undanfarin ár og hefur aldrei verið meiri en í ár. Athafnir Siðmenntar á þessu ári eru þegar orðnar fleiri en allt árið 2015. Þetta kemur fram í fréttatilkynningu frá félaginu.

27.júl. 2016 - 17:00

Íslensk dúkka vekur heimsathygli - Seldist upp samstundis

Lulladoll selst eins og heitar lummur um þessar mundir

Fyrstu 5000 dúkkurnar seldust upp strax

27.júl. 2016 - 15:00 Ari Brynjólfsson

Gunnar svarar Gústaf og Jóni: „Eru þessir strákar bara að pissa á sig, ég bara spyr?“

Fleiri hafa nú bæst í hóp þeirra sem hafa eða hyggjast kæra Gunnar Waage umsjónarmann Sandkassans til lögreglu. Gústaf Níelsson sagnfræðingur, Pétur Gunnlaugsson útvarpsmaður og Vigdís Hauksdóttir þingmaður hafa kært Gunnar fyrir að hafa verið sett á lista yfir nýrasista á Íslandi. Meðal þeirra sem finnast á lista Gunnars eru Davíð Oddsson, Ásmundur Friðriksson, Guðni Ágústsson og Sveinbjörg Birna Sveinbjörnsdóttir. Þarna eru einnig kunnugleg nöfn úr opinberri umræðu, til dæmis Páll Vilhjálmsson sem settur er í efsta sætið, Jón Magnússon, Halldór Jónsson, Gústaf Níelsson, Viðar Guðjohnsen, Jón Valur Jensson, Margrét Friðriksdóttir ásamt Arnþrúði Karlsdóttur og Pétri Gunnlaugssyni á Útvarpi Sögu.

27.júl. 2016 - 11:45 Arnar Örn Ingólfsson

Ekki mælst minna atvinnuleysi frá árinu 2008: 2,3 prósent atvinnuleysi mældist í júní

Að jafnaði voru 201.800 manns á aldrinum 16-74 ára á vinnumarkaði í júní, samkvæmt því sem fram kemur í vinnumarkaðsrannsókn Hagstofu Íslands. Atvinnuleysi mældist 2,3 prósent en það hefur aldrei mælst jafn lágt í júnímánuði síðan árið 2008. Þá mældist það 2,2 prósent.

27.júl. 2016 - 11:00 Arnar Örn Ingólfsson

Offramboð á bílaleigubílum á Íslandi: Óttast verkefnaleysi í vetur

Gunnar Björn Gunnarsson, framkvæmdastjóri bílaleigunnar Procar, segir sitt fyrirtæki reka í dag 630 bíla, en í fyrra voru þeir um 450. Þá segir hann einnig margar nýjar bílaleigur hafa stigið fram á sjónarsviðið, en dæmi séu um að slíkar leigur hafi tvöfaldað bílaflota sinn á einu ári.

27.júl. 2016 - 10:00 Ari Brynjólfsson

Gústaf ætlar að kæra Gunnar til lögreglu: „Enda ganga öfgamúslimar nú ljósum logum um alla Evrópu og drepa fólk“

Gústaf Níelsson sagnfræðingur hyggst kæra Gunnar Waage umsjónarmann Sandkassans til lögreglu. Líkt og með Jón Magnússon í gær þá er Gústaf að finna á lista Sandkassans yfir nýrasista, sem Gunnar skilgreinir sem hatur á menningarhópum. Gústaf komst í umræðuna eftir að hafa átt að taka sæti í mannréttindanefnd Reykjavíkurborgar fyrir hönd Framsóknarflokksins áður en mótmæli komu í veg fyrir það.

27.júl. 2016 - 09:02 Eyjan

Segir Viðreisn „tipla eins og smáfugl í kringum Sjálfstæðisflokkinn“

Þingmaður Samfylkingarinnar er óhress með þá afstöðu formanns Viðreisnar að útiloka ekki samstarf við Sjálfstæðisflokkinn að afloknum kosningum og spyr hvort hið nýja framboð ætli sér að verða hækja Sigmundar Davíðs Gunnlaugssonar og Bjarna Benediktssonar.

27.júl. 2016 - 08:00

Starf Amnesty hefur blómstrað í sumar: Hefur tekist að safna yfir 11 þúsund undirskriftun

Eiríkur Haraldsson, hjá Íslandsdeild Amnesty International
Starf félagasamtakanna Amnesty International hefur blómstrað í sumar og hafa ungliðar í ungliðahreyfingu samtakanna staðið að vel heppnuðum aðgerðum. Má þar meðal annars nefna götukynningar þar sem tekist hefur að safna rúmlega 11 þúsund undirskriftum á götum úti.

26.júl. 2016 - 20:00 Ari Brynjólfsson

Erla Sigurlaug sigraðist á brjósklosi og varð margfaldur Íslandsmeistari í hjólreiðum

Erla Sigurlaug Sigurðardóttir er nýr Íslandsmeistari kvenna í fjallahjólreiðum, þessum árangri náði hún eftir að fengið brjósklos fyrir rúmu ári. Hún segist hafa liðið eins og hún væri 105 ára gömul þrátt fyrir að vera rétt skriðin yfir fertugt. Erla gat ekki gengið margar vikur og glímir enn við dofa í hægri fæti. Í samtali við Pressuna segir Erla að hún að batinn hafi byrjað þegar hún fór að hjóla:

26.júl. 2016 - 18:00 Ari Brynjólfsson

Helena Sólrún þarf að endurraða stofunni til að koma nýja sjónvarpinu fyrir

Helena Sólrún Hilmarsdóttir sér fram á að þurfa að endurraða húsgögnunum í stofunni sinni eftir að hún vann 65“ sjónvarp í tappaleik Coca-Cola. Leiknum lauk á miðnætti þann 7. júlí sl. en það var klukkan ellefu sama kvöld, klukkutíma áður en leiknum lauk, sem Helena prufaði að slá inn kóðann á heimasíðu Coca-Cola.

26.júl. 2016 - 17:00 Ari Brynjólfsson

Jón vill haturslögregluna á Semu Erlu: „Þá skulu þeir settir á dauðalistann til að auðvelda ISIS eftirleikinn“

Jón Magnússon hæstaréttarlögmaður og fyrrverandi þingmaður Sjálfstæðisflokksins vandar Semu Erlu Serdar formanni Samfylkingarinnar í Kópavogi og Gunnari Waage ekki kveðjurnar á Fésbókarsíðu sinni. Gunnar Waage er umsjónarmaður Sandkassans en þar má finna lista yfir fólk sem Gunnar kallar nýrasista, þar á meðal er Jón Magnússon. Gunnar notast við skilgreiningu á nýrasisma sem er samin af Mannréttindaskrifstofu Reykjavíkurborgar, um sé að ræða hatur á menningarhópi sem ´se mun hættulegri en hefðbundið kynþáttahatur.

26.júl. 2016 - 11:00 Ari Brynjólfsson

Meira en 70 agabrot á Litla-Hrauni tengd fíkniefnum: „Við teljum að það mesta komi með heimsóknargestum“

Fangelsisyfirvöld á Litla-Hrauni hafa skráð 34 agabrot á þessu ári vegna fíkniefna- og lyfjaneyslu ásamt rúmlega 40 agabortum þar sem fangar neita að gefa þvagsýni þegar upp vaknar grunur um slíka neyslu innan veggja fangelsisins. Frá þessu er greint í Fréttablaðinu í dag.

26.júl. 2016 - 06:02

15 ára ökumaður á Bústaðavegi: Ökumenn í vímu og án ökuréttinda

Á öðrum tímanum í nótt var akstur bifreiðar stöðvaður á Bústaðavegi. Í ljós kom að ökumaðurinn var aðeins 15 ára og hafði þar af leiðandi ekki öðlast ökuréttindi. Í bifreiðinni voru fjórir ólögráða farþegar. Foreldrar barnanna voru kallaðir til og barnaverndaryfirvöld fá tilkynningu um málið.
26.júl. 2016 - 05:54

Lét 10 ára son sinn aka bifreið: Með fleiri börn í bílnum

Á sjötta tímanum í gær höfðu lögreglumenn afskipti af ökumanni og farþegum bifreiðar sem var ekið í hringi á bifreiðastæði við Tjarnarvelli í Hafnarfirði. Ökumaður bifreiðarinnar reyndist vera 10 ára gamall. Faðir hans sat í farþegasætinu og var ekki í öryggisbelti.
25.júl. 2016 - 20:00 Ari Brynjólfsson

Geðhvörfin eyðilögðu íþróttaferilinn fyrir Kristni Rúnari – „Öll förum við upp og niður, bara mismikið“

Kristinn Rúnar Kristinsson ætlaði að verða heimsfrægur knattspyrnumaður en  geðhvörfin eyðilögðu íþróttaferilinn. Í pistli hér á Pressunni segir Kristinn Rúnar að hann finni fyrir vitundarvakningu um andleg veikindi og stígi nú fram til að segja sögu sína, vonar hann að fleiri geri slíkt hið sama.
25.júl. 2016 - 18:00

Sex ára afmæli fiskifagnsins fræga

Karlalið Stjörnunnar í fótbolta öðlaðist heimsfrægð fyrir sex árum síðan með frumlegum fagnaðarlátum
25.júl. 2016 - 13:00 Kristján Kristjánsson

Aukin virkni í Kötlu: Vatnsyfirborð og rafleiðni í Múlakvísl hefur hækkað

Gos í Kötlu 1918. Síðasta stóra gos sem varð í Kötlu varð 1918 en síðan þá er talið að þrjú lítil gos hafi orðið í eldfjallinu. Jarðskjálftavirkni hefur aukist í fjallinu og vatnsborð og rafleiðni í Múlakvísl hefur hækkað. Vísindamenn fylgjast vel með eldfjallinu.
25.júl. 2016 - 10:00

Segjast ekki fá afhenta vinninga úr WOW Cyclothon

Myndin tengist fréttinni ekki beint. Úr safni.
Keppendur sem lentu í öðru sæti í Wow Cyclothon segjast hafa verið lofað verðlaunum sem þeri fái ekki afhenta núna.
25.júl. 2016 - 06:10

Sátu í rúðuopum bifreiðar sem var á ferð: Fíkniefnamál og eldur í bifreið

Á öðrum tímanum í nótt stöðvuðu lögreglumenn akstur bifreiðar við Grandagarð í Reykjavík því tveir farþegar í bifreiðinni voru að hluta út úr henni og þar af leiðandi ekki í öryggisbeltum. Þeir sátu í rúðuopum bifreiðarinnar á meðan henni var ekið um. Ekki þarf að fjölyrða um hættuna sem stafar af athæfi sem þessu. Annar farþeginn er aðeins 16 ára og fá barnaverndaryfirvöld því tilkynningu um málið.
24.júl. 2016 - 20:30 Eyjan

Segir ný útlendingalög vera fúsk – Jón Magnússon fór mikinn á Sprengisandi

Unnur Brá Magnúsdóttir þingkona Sjálfstæðisflokksins og Jón Magnússon ræddu ný útlendingalög í útvarpsþættinum Sprengisandi í umsjón Páls Magnússonar á Bylgjunni.
23.júl. 2016 - 11:40

Druslupróf Bleikt!

Skipuleggjendur Druslugöngunnar hafa í aðdraganda hennar deilt örskýringarmyndböndum sem við höfum birt hér á Bleikt. Þar er leitast við að útskýra ýmis hugtök og sína fram á mikilvægi baráttunnar gegn kynferðisofbeldi.
23.júl. 2016 - 06:54

Heimilisofbeldi, ölvað fólk og kona í sjálfsvígshugleiðingum

Á þriðja tímanum í nótt var lögreglunni tilkynnt um heimilisofbeldi í húsi í Breiðholti. Karlmaður var handtekinn á vettvangi og vistaður í fangageymslu. Hann verður yfirheyrður síðar í dag. Skömmu síðar var tilkynnt um ofurölvi mann við skemmtistað í Kópavogi. Ekki tókst að vekja hann og var hann því vistaður í fangageymslu og fær síðan að fara heim þegar hann vaknar.
22.júl. 2016 - 23:00 Bleikt

Alma Mjöll og Bjarki standa fyrir Druslugöngu í Stykkishólmi: „ALDREI of seint að taka afstöðu með þolendum“

Druslugangan hefur stækkað töluvert frá því hún var fyrst gengin í Reykjavík árið 2011. Fjöldi þátttakenda vex  ár frá ári og eru nú haldnar Druslugöngur víða um land. Nýlega var ákveðið að halda halda göngu í Stykkishólmi samhliða Druslugöngunni í Reykjavík.

22.júl. 2016 - 22:00 Bleikt

Þess vegna skiptir Druslugangan máli

Ég er drusla,“ segir María Guðmunds í örskýringarmyndbandi fyrir Druslugönguna sem hefst við Hallgrímskirkjuturn á morgun, laugardaginn 23. júlí. „Fyrsta druslugangan var gengin í Kanada árið 2011 eftir að lögreglustjóri í borginni sagði að konur ættu að forðast að klæða sig eins og druslur svo þeim yrði ekki nauðgað,“ segir hún.
22.júl. 2016 - 16:00 Arnar Örn Ingólfsson

Fimm ár frá hryðjuverkunum í Noregi

Minningarathöfn í Osló í dag.
Fimm ár eru liðin frá hryðjuverkunum í Noregi, sem áttu sér stað þann 22. júlí 2011, þegar sprengja sprakk í miðborg Oslóar. Skömmu síðar hófst skotárás á Útey, þar sem norski Verkamannaflokkurinn var með sumardvalastað. Hryðjuverkamaðurinn Anders Behring Breivik stóð á bakvið voðaverkin.

22.júl. 2016 - 15:15 Ari Brynjólfsson

Fleiri Íslendingar á leið til útlanda í sumarfríinu

Fleiri Íslendingar en áður munu eyða sumarfríinu eða hluta þess erlendis ef marka má nýja könnun MMR. Ekki hafa fleiri sagst ætla erlendis yfir sumartímann frá því að MMR hóf slíka mælingu árið 2011. Af þeim sem tóku afstöðu sögðust 49,6% ætla að fara til útlanda í sumarfríinu og þar af sögðust 14,4% eingöngu ætla að ferðast til útlanda. Til samanburðar sögðust 35,2% ætla að fara til útlanda árið 2013 og þar af sögðust 7,1% eingöngu ætla til útlanda í sumarfríinu það ár.

22.júl. 2016 - 14:30 Eyjan

Almannatengill gefur Eyjamönnum ókeypis ráð

Spjótin hafa staðið á lögreglustjóranum í Vestmannaeyjum og forsvarsmönnum Þjóðhátíðar vegna afstöðu þeirra hvernig hátta eigi fjölmiðlaumfjöllun af hátíðinni.

22.júl. 2016 - 13:00 Arnar Örn Ingólfsson

Tókst að safna yfir einni milljón króna fyrir jarðaför Arons

Meira en ein milljón króna safnaðist fyrir Aðalheiði Erlu Davíðsdóttur sem hafði ekki efni á því að jarðsyngja fjölfatlaðan son sinn, Aron Hlyn. Pressan greindi frá málinu í síðustu viku, en þar hafði hafist söfnun fyrir Aðalheiði, þar sem hún fékk ekki útfararstyrk frá bæjarfélaginu.

22.júl. 2016 - 12:00

Brynjúlfur selur ofskynjunarsveppi í kostaðri færslu á Facebook

Skjáskot af Facebook

Maður að nafni Brynjúlfur komst í fréttirnar á dögunum þegar Nútíminn tók viðtal við hann um meðferð sem hann býður upp á. Þar nýtir hann ofskynjunarsveppi til að hjálpa fólki til að takast á við vandamál sem lífinu fylgja.



22.júl. 2016 - 11:00 Ari Brynjólfsson

Páll: „Fjölmiðlar eru komnir langt út fyrir sín mörk“ – Tómas: „Þetta er einfalt: Ekki vera fáviti“

Páley Borgþórsdóttir og Páll Vilhjálmsson. Samsett mynd/DV

Bæði Páll Vilhjálmsson kennari og Tómas Þór Þórðarson íþróttafréttamaður ræða um umræðuna tengda Þjóðhátíð í Vestmannaeyjum í dag. Sem kunnugt er hefur Páley Borgþórsdóttir lögreglustjóri í Vestmannaeyjum verið mikið á milli tannanna á fólki vegna tilmæla hennar um að fjölmiðlum skuli ekki vera greint strax frá hugsanlegum kynferðisafbrotum á Þjóðhátíð. Páley fékk stuðning frá Elliða Vignissyni bæjarstjóra í Vestmannaeyjum sem sagðist standa með ákvörðun hennar, en hann áréttaði í gær eftir fimm hljómsveitir stigu fram og hótuðu að hætta við að spila á Þjóðhátíð ef verklagi yrði ekki breytt, að bæjaryfirvöld hafa ekkert með hátíðina eða löggæslu að gera.

22.júl. 2016 - 10:00

Fógetagarðurinn breytist í glæsilegan götumarkað

Á morgun, þann 23. júlí, munu kokkar allstaðar að koma saman og framreiða girnilegan götumat undir berum himni í Fógetagarðinum. Næstu fimm helgar, frá 23. júlí til  Menningarnætur þann 20. ágúst, verður götumarkaðurinn KRÁS opinn alla laugardaga og sunnudaga frá 13:00-18:00.

22.júl. 2016 - 06:39 Kristján Kristjánsson

Íslendingur myrtur í Stokkhólmi: Morðinginn ófundinn

Íslenskur karlmaður var myrtur í vesturhluta Stokkhólms á mánudaginn. Morðinginn komst undan og hefur lögreglan ekki enn handtekið hann. Vitni segja að morðinginn hafi verið „ískaldur“ og hafi yfirgefið morðvettvanginn í rólegheitum.
22.júl. 2016 - 06:08

Var með læti á slysadeild LSH: Reyndist vera eftirlýstur af lögreglunni

Á tólfta tímanum í gærkvöldi var beðið um aðstoð lögreglunnar á slysadeild LSH í Fossvogi en þar var karlmaður með læti. Í ljós kom að maðurinn var eftirlýstur af lögreglunni og var hann því handtekinn og vistaður í fangageymslu. Hann verður yfirheyrður síðar í dag.
21.júl. 2016 - 22:00 Bleikt

Dóra Takefusa: Þú ert aldrei að bjóða upp á ofbeldi

Hefur þú þurft að sæta gagnrýni eða orðið fyrir áreitni til dæmis vegna þess hvernig þú klæðir þig? Í þessu örskýringarmyndbandi Druslugöngunnar útskýrir Dóra Takefusa hugtak sem lýsir því þegar skömminni er skellt á þolendur:

21.júl. 2016 - 20:00

Mynd dagsins: Kort af samlokuverði í miðbæ Reykjavíkur

Mynd dagsins á Sváfnir Sigurðarson viðskipta- og almannatengill hjá HN Markaðssamskiptum. Myndina birti hann á Fésbókarsíðu sinni í dag þar sem hann sýnir hinn mikla verðmun sem er á samlokum í þremur búðum í miðbæ Reykjavíkur.

21.júl. 2016 - 17:30 Bleikt

Stórir flytjendur hóta að hætta við að spila á Þjóðhátíð: „Eigum að úthýsa kynferðisofbeldi“

Meðlimir nokkurra af stærstu hljómsveitunum sem eiga að stíga á svið á Þjóðhátíð um Verslunarmannahelgina segjast ekki sjá annan kost í stöðunni en að draga sig úr dagskránni. Retro Stefson, Úlfur Úlfur, Agent Fresco, Emmsjé Gauti og Sturla Atlas eru á bakvið yfirlýsinguna og munu þeir ekki koma fram á hátíðinni nema skýr stefnubreyting komi frá bæjaryfirvöldum. RÚV greinir frá þessu.

21.júl. 2016 - 16:00 Arnar Örn Ingólfsson

Bensínstöðvar Krónunnar þokast áfram í stjórnkerfinu

Lágvöruverðskeðjan Krónan stefnir að því að opna bensínstöðvar og hefur verið sótt um leyfi fyrir opnun bensínstöðva í nokkrum sveitarfélögum.

21.júl. 2016 - 14:05

80 ára afmælisútgáfa Brennivíns komin á markað

Valgeir Valgeirsson hjá Ölgerðinni Í tilefni af 80 ára afmæli íslenska Brennivínsins var ákveðið að leggja í sérstaka afmælisútgáfu. Þrjár mismunandi gerðir af tunnum voru fengnar til landsins til þroskunnar. Brennivíninu var skipt í þessar þrjár tunnugerðir (nýjar tunnur úr hvítri eik, notaðar Bourbon-tunnur frá Ameríku og Islay-vískitunnur frá Skotlandi) þar sem það fékk að þroskast í heila 12 mánuði áður en því var svo blandað saman í lokaútgáfuna.
21.júl. 2016 - 12:15

Bjargaði tveggja ára gömlu barni frá drukknun í Fjölskyldu- og húsdýragarðinum: Spurði sig hvers vegna barnið gréti svona mikið

Stefanía Hjaltested eyddi gærdeginum í Fjölskyldu- og húsdýragarðinum með syni sínum þar sem þau höfðu ákveðið að njóta veðurblíðunnar. Í samtali við DV segist hún hafa orðið var við mikinn barnsgrát og að nokkrum andartökum síðar hafi hún komið auga á unga stúlku sem hafi setið föst í sefgresi í garðinum.

21.júl. 2016 - 11:43 Arnar Örn Ingólfsson

Páley segir umræðu um upplýsingaleynd byggða á misskilningi og vanþekkingu

Páley Borgþórsdóttir, lögreglustjóri í Vestmannaeyjum.
Páley Borgþórsdóttir, lögreglustjóri í Vestmannaeyjum ítrekar í tilkynningu frá lögregluembættinu að að öllum upplýsingum sé miðlað hratt og örugglega sem mögulegt er hverju sinni. Þá segr hún sama verklag vera haft allt árið og að tekið sé mið af rannsóknarhagsmunum og velferð mögulegra fórnarlamba.

21.júl. 2016 - 10:00 Ari Brynjólfsson

10-11 hækkar verð á kvöldin og um helgar: „Neytendur sem kjósa að versla við okurbúllur versla bara við þær“

Teitur Atlason varaformaður Neytendasamtakanna. Samsett mynd/DV

Þrjár verslanir 10-11 hækka verð á vörum í hillum verslunarinnar um helgar og eftir kl.20 á virkum dögum. Þetta hefur tíðkast í verslun 10-11 í Austurstræti frá því lok 2014 en nú á þetta líka við um verslanirnar á Laugarvegi og á Barónstíg. Þetta kemur fram í Fréttablaðinu í dag.

21.júl. 2016 - 09:05 Eyjan

Framsókn skilur við Sjálfstæðisflokkinn að borði og sæng: Man ekki eftir jafn svakalegri árás

„Þessi árás lykilráðherra Framsóknar, Eyglóar Harðardóttur, á Sjálfstæðisflokkinn í gær, sér í lagi formann hans, jafngildir því að samstarf flokkanna er ekki aðeins komið að fótum fram. Það er í rauninni dautt. Eftir 25 ár á þingi og 4 ríkisstjórnir man ég ekki eftir jafn svakalegri árás þungavigtarráðherra á formann samstarfsflokks í ríkisstjórn.“

21.júl. 2016 - 06:40

Ósæmilegt athæfi á salerni veitingahúss – Voru með mikið magn fíkniefna í fórum sínum

Klukkan 21 í gærkvöldi var lögreglunni tilkynnt um par sem hefði verið staðið að ósæmilegri hegðun inni á salerni veitingastaðar í miðborginni. Auk þess greiddi fólkið ekki fyrir mat sem það hafði pantað. Lögreglumenn fóru á vettvang og ræddu við fólkið. Eitthvað fór það illa í karlmanninn því hann brást mjög illa við.
21.júl. 2016 - 06:34

Flugvél steyptist fram yfir sig við lendingu í Mosfellsbæ

Um klukkan hálf níu í gærkvöldi varð óhapp þegar lítilli tveggja sæta flugvél var lent á Tungubakkavelli í Mosfellsbæ. Lendingin gekk vel þar til vélin var við það að stöðvast en þá steyptist hún fram yfir sig.

Makaleit.is
Vilhjálmur Birgisson
Vilhjálmur Birgisson - 19.7.2016
Unnið er að myrkraverkum, verum vakandi!
Hannes Hólmsteinn Gissurarson
Hannes Hólmsteinn Gissurarson - 14.7.2016
Stjórnmálafræði og stjórnmálaspilling
Sigurður G. Guðjónsson
Sigurður G. Guðjónsson - 21.7.2016
Björt brást
Smári Pálmarsson
Smári Pálmarsson - 19.7.2016
Draugabanar, kvenfyrirlitning og kynþáttahatur
Hannes Hólmsteinn Gissurarson
Hannes Hólmsteinn Gissurarson - 23.7.2016
Rousseau um Íslendinga
Ragnheiður Ragnarsdóttir
Ragnheiður Ragnarsdóttir - 25.7.2016
Sumar á Íslandi: Bláa Lónið
Vilhjálmur Birgisson
Vilhjálmur Birgisson - 27.7.2016
Sláum tvær flugur í einu höggi!
Hannes Hólmsteinn Gissurarson
Hannes Hólmsteinn Gissurarson - 25.7.2016
Ægis saga konungs og Íslendinga
Sigurður G. Guðjónsson
Sigurður G. Guðjónsson - 26.7.2016
Hvers vegna að kjósa í haust?
Einar Kárason
Einar Kárason - 26.7.2016
Píratar sökka!
Fleiri pressupennar