03. maí 2012 - 08:48

Þekktur geðlæknir fær ekki að draga til baka grein um afhommun: Biður samkynhneigða afsökunar

Robert Spitzer, einn áhrifamesti geðlæknir síðustu áratuga, hefur sent frá sér afsökunarbeiðni til samkynhneigðra einstaklinga. Hún er tilkomin vegna rannsóknar þar sem hann komst að þeirri niðurstöðu að hægt væri að snúa við kynhneigð samkynhneigðs fólks.

Málið þykir enn sérstakara fyrir þær sakir að Spitzer átti stóran þátt í því á níunda áratug síðustu aldar að hætt var endanlega að líta á samkynhneigð sem geðröskun. Steindór J. Erlingsson, vísindasagnfræðingur, segir frá þessu á vefsíðunni innihald.is.

Rannsókn Spitzer á viðsnúningi á kynhneigð byggðist á viðtölum við 143 karlmenn og 57 kvenmenn sem höfðu upplifað breytingu frá sam- yfir í gagnkynhneigð sem enst hafði í a.m.k. fimm ár samfara vissum viðsnúningsmeðferðum.

Gabriel Arana, samkynhneigður blaðamaður The American Prospect, birti grein í apríl þar sem hann fjallar um tilraunir sínar til að snúa við eigin kynhneigð. Þær skiluðu ekki árangri. Gabriel segir að rannsókn Spitzers hafi verið vítamínssprauta fyrir þá sem telja að hægt sé að hverfa frá samkynhneigð, enda hafi Spitzer verið þekktur fyrir að hætta að flokka samkynhneigð sem geðröskun.

Nú hefur Spitzer sett sig í samband við vísindatímaritið Archives of Sexual Behavior , þar sem rannsókn hans birtist, og viðurkennt að hún hafi verið meingölluð. Hann biður alla samkynhneigða einstaklinga afsökunar og hefur farið fram á að fá að draga greinina til baka en tímaritið hefur ekki orðið við því.



(21-31)NRS  heilsudrekinn apríl 2016
24.maí 2016 - 04:24

Allt tiltækt slökkvilið berst við mikinn eld á Kársnesi í Kópavogi

Mynd úr safni. Mikill eldur er nú í iðnaðarhúsnæði við Vesturvör í Kópavogi og er húsið alelda. Allt tiltækt slökkvilið á höfuðborgarsvæðinu hefur verið kallað út. Eldurinn er í lyftaraþjónustu í enda húsalengjunnar en ýmis önnur starfsemi er í húsinu. Talinn er hætt á að eldurinn nái að breiðast yfir í næstu bil.
23.maí 2016 - 19:00

Úr skurðlækningum og hagfræði í sætabrauð og sælkerarétti

Læknirinn Martina Nardini og hagfræðingurinn Rakel Eva Sævarsdóttir reka ásamt eiginmönnum sínum veitingastaðinn Borðið sem opnaði nýlega við Ægisíðu. Vinkonurnar undu kvæði sínu í kross fyrir tæpu ári síðan, hættu í fyrri störfum og pæla nú í sætabrauði og sælkeraréttum allan liðlangan daginn.

23.maí 2016 - 17:00 Reykjavík vikublað

Borgarfulltrúi: Óvissuástand á leikskólum borgarinnar

Ráðhús Reykjavíkur. Fjölmargir foreldrar ungbarna og barna á leikskólaaldri hafa að undanförnu upplifað mikla óvissu um í hvað stefnir varðandi örugga dagvistun barna þeirra.
23.maí 2016 - 16:00 Hafnarfjörður / Garðabær

Skúrað, skrúbbað og bónað í Hafnarfirði

Hreinsunarátak í Hafnarfirði
Íbúar Hafnarfjarðar, nemendur allra skólastiga og starfsmenn fyrirtækja og stofnana í bænum tóku á dögunum þátt í árvissu hreinsunarátaki.

23.maí 2016 - 09:00 Ari Brynjólfsson

Kennarar á Tröllaskaga lýsa samstöðu með kennurum VMA: Vinnuaðstæðurnar „algerlega óboðlegar“

Menntaskólinn á Tröllaskaga og Verkmenntaskólinn á Akureyri. Samsett mynd/DV

Kennarar við Menntaskólann á Tröllaskaga hafa sent frá sér stuðningsyfirlýsingu við kennara Verkmenntaskólans á Akureyri þar sem þeir mótmæla því að fjármálaráðuneytið hafi ekki greitt VMA rekstrarfé á þessu ári. Líkt og Pressan greindi frá í síðustu viku þá hafa kennarar VMA mótmælt aðgerðum ráðuneytisins harðlega og vilja að ákvörðunin verði dregin til baka.

23.maí 2016 - 08:55 Vestfirðir

Engin Norðvesturnefnd fyrir Vestfirði

Fráfarandi formaður Fjórðungssambands Vestfirðinga, Friðbjörg Matthíasdóttir segir að vel hafi verið tekið í ósk Fjórðungssambandsins til stjórnvalda um að brugðist verði við slæmri stöðu Vestfjarða á svipaðan hátt og gert var varðandi Norðurland vestra í byrjum kjörtímabilsins, en þó verði ekki staðið að því verki með sambærilegum hætti og ekki hefur enn verið skipuð nefnd.
23.maí 2016 - 06:20

Landasali, slys og ökumenn í vímu

Á þriðja tímanum í nótt höfðu lögreglumenn afskipti af meintum landasala við Seljabraut en þar var maður að kaupa áfengi, landa, af manninum. Kaupandinn var á bíl og reyndist aldrei hafa öðlast ökuréttindi. Á sjöunda tímanum í gærkvöldi féll maður af hestbaki í Víðidal, hann er talinn viðbeinsbrotinn og var fluttur á slysadeild.
22.maí 2016 - 20:00

Alda er hvorki karl né kona: „Ef við eigum ekki orð til að skilgreina okkur getum við lokast inni“

Alda Villiljós er líklega ólíkt flestum sem þið þekkið. Alda er hvorki karl né kona, ekki hún og ekki hann, heldur hán. Alda upplifir sig hvorki tilheyra kven- né karlkyni og vill láta kalla sig hán. Ragga Eiríks, blaðakona Bleikt, hitti Öldu yfir tebolla á Gló í Faxafeni. Þar spjölluðu þau um líf háns sem hvorugkyns manneskju í samfélagi sem er sjúkt í að skipta öllu í tvennt – karlkyn og kvenkyn – og ruglast eiginlega í ríminu þegar eitthvað annað ber á góma.

22.maí 2016 - 18:00 Kópavogur

Tobba afsykrar uppskriftirnar

Tobba Marinós hefur verið að prófa sig áfram með sykurlaus sætindi að undanförnu með afar góðum árangri.
Tobba Marinós hefur að undanförnu staðið fyrir sykurlausri vitundarvakningu. Hún heldur námskeið fyrir fólk sem vill læra að gera sykurlaus sætindi og deilir hér uppskrift að dísætu döðlugotti sem inniheldur engan sykur.

22.maí 2016 - 17:00 Vestfirðir

Hvaða flokkar styðja kjarakröfur aldraðra?

Vestfirðir Með því að stutt er til næstu þingkosninga er ástæða til þess að velta þvi fyrir sér hvaða stjórnmálaflokkar muni helst styðja kjaramál eldri borgara.
22.maí 2016 - 13:00 Ari Brynjólfsson

Hildur segir almenning hafa dæmt sig andvísindalega: „Heilun er bara eins og innsæi“

Hildur Þórðardóttir forsetaframbjóðandi segir almenning hafa dæmt sig þannig að hún sé á móti öllum vísindum vegna einnar færslu á bloggi hennar. Hún hafi verið að gagnrýna að konur væru hvattar til að láta fjarlægja heilbrigð brjóst og setja sílíkon í staðinn, sem fyrirbyggjandi aðgerð gegn krabbameini.

22.maí 2016 - 12:00 Reykjavík vikublað

Ashkenazy á Listahátíð

Vladimir Ashkenazy stýrir Sinfóníuhljómsveit Íslands á Listahátíð í Reykjavík á miðvikudaginn kemur, 25. maí. Franski verðlaunapíanistinn, JeanEfflam Bavouzet, kemur einnig fram á tónleikunum en hann þykir einn fremsti túlkandi franskrar píanótónlistar í heiminum nú um stundir. Hann kemur reglulega fram með helstu hljómsveitum heims og þeir Ashkenazy eiga saman langt samstarf á tónleikapallinum. Bavouzet leikur píanókonsert í Gdúr eftir Maurice Ravel á hljómleikunum. Á efnisskránni er einnig sjötta sinfónía Ludwigs van Beethoven og Rómeó og Júlía eftir Peter Tchaikovsky.

22.maí 2016 - 12:00 Ari Brynjólfsson

Björn skýtur á Atla Fannar vegna Davíðs

Davíð Oddsson forsetaframbjóðandi, Atli Fannar Bjarkason ritstjóri Nútímans og Björn Bjarnason fyrrverandi ráðherra. Samsett mynd/DV

Björn Bjarnason fyrrverandi ráðherra Sjálfstæðisflokksins skýtur fast á Atla Fannar Bjarkason ritstjóra Nútímans í pistli á heimasíðu sinni. Tilefni skrifa Björns er umtalaður pistill Atla Fannars í Kjarnanum þar Atli Fannar dregur í efa fullyrðingar Morgunblaðsins um að 27 þúsund manns hafi horft á Davíð Oddsson ritstjóra Morgunblaðsins og forsetaframbjóðanda svara spurningum í beinni útsendingu á Facebook-síðu símafyrirtækisins Nova nú í vikunni.

22.maí 2016 - 09:00 Akureyri vikublað

Yfirheyrslan: Bjarkey Olsen Gunnarsdóttir

Bjarkey Olsen Gunnarsdóttir, þingkona VG.
Bjarkey Olsen Gunnarsdóttir þingmaður er fædd og uppalin á Siglufirði en býr í dag á Ólafsfirði. Bjarkey telur Clinton og Guðna næstu forseta.

22.maí 2016 - 06:48

10 ökumenn handteknir í nótt grunaðir um akstur undir áhrifum áfengis eða fíkniefna

Lögreglan á höfuðborgarsvæðinu handtók 10 ökumenn í nótt vegna gruns um að þeir væru að aka undir áhrifum áfengis eða fíkniefna. Auk þessa sinntu lögreglumenn ýmsum öðrum verkefnum.
21.maí 2016 - 22:00

Svona lærðu íslenskar konur að klæða sig: „Í flegnum kjól megið þér ekki ganga“

Stundum finnst okkur breytingar gerast óskaplega hægt. Þegar litið er til framfara í ýmsum réttindabaráttum má sjá ýmislegt sem breyst hefur til hins betra en svo er ýmislegt annað sem gengur hægt. Konur eru til að mynda enn að fást við það að þeim sé sagt hvernig þær eigi og megi vera, hversu mikið eða lítið þær eiga að mála sig, hvernig þær mega klæða sig, og verða jafnvel fyrir aðkasti ef þær kæra sig ekki um að hlusta á þessi ráð.

21.maí 2016 - 20:00 Akureyri vikublað

Arnþrúður: „Hef alltaf elskað dýr“

Á toppi Table Mountain með frábært útsýni yfir Cape Town. „Afríka hefur alltaf verið draumalandið mitt,“ segir Arnþrúður, sem lét gamlan draum rætast í upphafi árs og gerðist sjálfboðaliði í Suður-Afríku. 
21.maí 2016 - 19:00 Kópavogur

Hjalti hrífst af fegurð stærðfræðinnar

Hjalti Þór Ísleifsson æfði skíði þar til hann sleit krossband og keppir nú í stærðfræði og eðlisfræði.  Mynd/Sigtryggur Ari
Hjalti Þór Ísleifsson hefur tvisvar keppt á Ólympíuleikunum í stærðfræði og fékk heiðursviðurkenningu í bæði skiptin. Hann er núna í próflestri fyrir lokapróf í Menntaskólanum í Reykjavík, en síðan tekur við undirbúningur fyrir Ólympíuleikana í eðlisfræði sem fara fram í Sviss í sumar.

21.maí 2016 - 17:00 Vestfirðir

Laun stjórnar Fjórðungssambands Vestfirðinga hækkuð

Ísafjörður
Fjórðungsþing Vestfirðinga var haldið á Ísafirði 4. maí síðastliðinn. Fjórðungsþingi hefur nú verið breytt og þetta fyrsti fundur með breyttu sniði. Á vorin er haldið þing sem er ígildi ársfundar og á haustin eru málefnaþing og gerðar ályktanir. Í byrjun september verður fyrsta haustþingið haldið á Laugarhóli í Bjarnarfirði í Strandasýslu.

21.maí 2016 - 16:00

Forsetinn er málsvari Íslendinga á alþjóðlegum vettvangi – Viðtal við Guðna Th. Jóhannesson

Hinn 25. júní næstkomandi ganga landsmenn að kjörborði og kjósa sér nýjan forseta. Dr. Guðni Th. Jóhannesson, dósent í sagnfræði við Háskóla Íslands, hefur mælst með langmest fylgi forsetaefna í könnunum að undanförnu, en kosningabaráttan er þegar orðin lífleg. Guðni er landskunnur fyrir sagnfræðirit sín og skemmtilegar stjórnmálaskýringar, þar sem gjarnan er stutt í sögulegar skírskotanir. Ég tók Guðna tali á heimili hans á Seltjarnarnesi og spurði hann fyrst af öllu um upprunann:

21.maí 2016 - 13:00 Kópavogur

Fjörutíu ár í hjálparsveitinni

Guðmundur K. Einarsson hefur marga fjöruna sopið með hjálparsveitinni á fjörutíu árum. Hann er núna formaður húsnefndar og formaður flugeldasölu sveitarinnar, og alltaf til staðar þegar hans er þörf. Mynd/Sigtryggur Ari Guðmundur K. Einarsson var aðeins sautján ára gamall þegar hann gerðist sjálfboðaliði við flugeldasölu Hjálparsveitar skáta í Kópavogi – og eftir það varð ekki aftur snúið. Hann segir hjálparsveitina um tíma hafa verið samfélag karla, en það hafi breyst eftir að Íris Margeirsdóttir, sem síðar varð formaður, gekk til liðs við sveitina.
21.maí 2016 - 12:00 Akureyri vikublað

Henrý: „Ég er pabbi hennar“

„Meðgangan gekk mjög vel. Ég greindist með gallsýruflakk á vægu stigi og gat ekki hætt að klóra mér en það hvarf á viku. Ég held að ég geti lítið kvartað,“ segir hinn nýbakaði faðir, Henrý Steinn, sem eignaðist litla dóttur fyrir fjórum vikum.
21.maí 2016 - 09:00 Akureyri vikublað

Björk: „Við ætlum að vinna“

Björk Óðinsdóttir
„Ég veit ekkert skemmtilegra en að æfa með vinum mínum,“ segir crossfit-stjarnan Björk Óðinsdóttir.
Björk, sem er Akureyringur en búsett í Svíþjóð, hefur stundað crossfit frá nóvember 2010. Hún keppti á Evrópumótinu með liði sínu árið 2012 og svo sem einstaklingur árið 2014 en það ár komst hún á heimsleikana.
21.maí 2016 - 08:00

Dæmd í 5 mánaða skilorðsbundið fangelsi í héraðsdómi fyrir ráðast ítrekað á dóttur sína

Kona á fertugsaldri var í gær dæmd í 5 mánaða skilorðsbundið fangelsi fyrir líkamsárás og brot á barnaverndarlögum. Konunni var gefið að sök að hafa á árunum 2012 til 2015 ítrekað slegið dóttur sína, fædda 2003, með flötum lófa í höfuð og líkama stúlkunnar og slegið hana í nokkur skipti með herðatré í rass og bak.

21.maí 2016 - 06:44

Grunur um að kveikt hafi verið í þremur bifreiðum í Breiðholti: Tveir handteknir

Klukkan 05.25 í nótt var tilkynnt um eld í þremur bifreiðum í Breiðholti. Tveir menn voru handteknir og vistaðir í fangageymslu vegna málsins.
20.maí 2016 - 22:02

Níu reglur um matreiðslu – Svona kemur þú í veg fyrir magakveisu

Hér verða tíundaðar níu reglur sem hafa það  markmið að kom í veg fyrir að örverur berist í matvæli og að hindra vöxt örvera í matvælum.

20.maí 2016 - 19:00 Arnar Örn Ingólfsson

Flúði til Íslands eftir þrældóm í Finnlandi

Myndin tengist efni fréttarinnar ekki beint. Bilal Fathi Tamimi, tvítugur marokkóskur piltur kom hingað til lands aðeins fimmtán ára gamall, en hann var á forræði barnaverndaryfirvalda fyrst um sinn.
20.maí 2016 - 17:30

Þyrla Landhelgisgæslunnar sótti mann við erfiðar aðstæður: Magnað myndband

Björgunarfélag Ísafjarðar hefur deilt myndbandi frá björgunaraðgerðum í gærkvöldi þar sem óskað eftir aðstoð vegna manns sem staddur var ofarlega í Naustahvilft. Hinn slasaði var í 500 metra hæð í bratta og voru því aðstæðurnar mjög erfiðar.

Aðgerðin gekk vel og sýndi vel hversu mikill kraftur býr í samtakamættinum. Manninum var komið undir læknishendur og teymið kom samferðafólki hans niður.

Hér má svo sjá stutta klippu af því þegar þyrla Landhelgisgæslunnar athafnaði sig við erfiðar aðstæður í gærkvöldi:

20.maí 2016 - 16:29 Ágúst Borgþór Sverrisson

Milwaukee-tækjabíllinn á árlegri hringferð um Ísland

Verkfærasalan er nú með Milwaukee-tækjabílinn í árlegri hringferð um Ísland. Kynntar eru ýmsar áhugaverðar nýjungar, til dæmis verkfæri með Bluetooth-tækni og öflugasta 18 volta borvél sem til er á markaðnum.
20.maí 2016 - 15:02 Ari Brynjólfsson

Bensínlítrinn er kominn yfir 200 kr. - Dísilolían á 186,3 kr. hjá Shell, Olís og N1

Bensínlítrinn er kominn yfir 200 kr. á flestum bensínafgreiðslustöðum landsins og hefur lítrinn af 95 oktana bensíni ekki verið dýrari síðan í september 2015. Samkvæmt talningu Morgunblaðsins um miðjan dag í gær var algengt lítraverð á bensíni um 201 krónur hjá sjálfsafgreiðslustöðvunum Orkunni, ÓB og Atlantsolíu.

20.maí 2016 - 13:00 Ari Brynjólfsson

Rútubílstjóri lést undir stýri við Seljalandsfoss

Rútubílstjóri á fimmtugsaldri lést í gær eftir að hann fékk hjartaáfall undir stýri. Maðurinn ók lítilli rútu frá fyrirtækinu Kynnisferðum og var á ferð við Seljalandsfoss þegar harmleikinn bar að garði. 20 farþegar voru í bifreiðinni, 18 dönsk skólabörn.

20.maí 2016 - 12:02

Nigel Short og Hjörvar Steinn mætast í MótX-einvíginu um helgina – Ókeypis inn

Nigel Short verður með hvítt í fyrstu einvígisskákinni gegn Hjörvari Steini. Hér eru kempurnar ásamt Viggó Einari Hilmarssyni frá MótX eftir að dregið var um liti.

Skákgoðsögnin Nigel Short og Hjörvar Steinn Grétarsson, yngsti stórmeistari Íslands, mætast í MótX-einvíginu í Salnum í Kópavogi nú um helgina. Skákfélagið Hrókurinn skipuleggur þennan stórviðburð í íslensku skáklífi, og má búast við mjög skemmtilegu einvígi, en báðir eru meistararnir þekktir fyrir frumlegan stíl og snilldartilþrif á skákborðinu. Aðgangur að einvíginu er ókeypis og hvetur Hrókurinn fólk á öllum aldri til að mæta og fylgjast með sögulegri viðureign.

20.maí 2016 - 11:32 Ari Brynjólfsson

Borgin leitar að hugmyndum fyrir Núllið

Mynd/Reykjavíkurborg

Bankastræti 0 eða Núllið eins og það er gjarnan kallað, verður til sýnis á miðvikudaginn 25. maí kl. 15:00. Í tilkynningu frá Reykjavíkurborg er óskað eftir hugmyndum að starfsemi í rýminu en þar er heimilt að vera með safn eða sýningu.

20.maí 2016 - 10:59 Ari Brynjólfsson

Börn í vinnuskóla Reykjavíkur með lægstu launin: „Ráðdeild í rekstri“

Sveitarfélög á höfuðborgarsvæðinu greiða unglingum lægri laun í vinnuskólum sveitarfélaganna en sveitarfélög á landsbyggðinni og Reykjavík greiðir börnum lægstu launin af öllum sveitarfélögum landsins. Þetta kemur fram í Fréttablaðinu í dag. Vinnuskólinn nær yfir börn í 8. til 10. bekk grunnskóla og hækka launin í samræmi við aldur en börn í 10. bekk í Reykjavík fá sömu greiðslur og börn í 8. bekk í Vestmannaeyjum.

20.maí 2016 - 09:42 Kristján Kristjánsson

Jarðskjálfti af stærðinni 4,4 varð í Bárðarbungu í morgun: Um 20 eftirskjálftar

Klukkan 07.11 í morgun mældist jarðskjálfti upp á 4,4 í norðaustanverðri brún Bárðarbunguöskjunnar. Þetta er stærsti skjálftinn frá goslokum í febrúar 2015. Um 20 eftirskjálftar hafa fylgt í kjölfarið, sá stærsti 3,3.
19.maí 2016 - 20:28 Eyjan

Kenningar um að konur séu jaðarsettar í forsetakosningunum standast varla

Þær kenningar að konur séu jaðarsettar í forsetakosningunum vegna þess hvernig Ólafur Ragnar Grímsson hefur mótað hugmyndirnar um embættið standast vart skoðun. Til að mynda eru ekki nema tveir mánuðir síðan að Katrín Jakobsdóttir naut yfirburðafylgis í skoðanakönnunum og hefði líklega getað orðið forseti, hefði hún viljað.

19.maí 2016 - 19:00 Kristín Clausen

Frjósemi íslenskra kvenna aldrei mælst lægri

Mynd: GettyImages Árið 2015 fæddust 4.129 börn á Íslandi. Frjósemi íslenskra kvenna sem mældist 1,81 barn á ævi hverrar konu og hefur aldrei mælst lægri frá því mælingar hófust árið 1853.
19.maí 2016 - 17:57 Ari Brynjólfsson

Kennarafélag VMA segir skólann nánast gjaldþrota: „Staðan er nú grafalvarleg“

Verkmenntaskólinn á Akureyri. Mynd/DV

Kennarar við Verkmenntaskólann á Akureyri mótmæla harðlega stöðvun fjármálaráðuneytisins á greiðslu rekstrarfjár til skólans og hvetja til þess að ákvörðunin verði tekin til baka. Þetta segir í ályktun sem var samþykkt á fundi kennarafélags VMA í gær. Í ályktuninni segir að skólinn hafi búið við fjársvelti frá bankahruninu 2008 og að fjölmörg tæki séu orðin úrelt. Tölvur skólans séu á síðasta snúningi og að staðan sé svo alvarleg að skólinn sé nánast gjaldþrota.

19.maí 2016 - 16:23

Hildur Lillendahl reið KR: „Djöfull er ég ógeðslega reið“

Körfuknattleiksdeild KR hefur gengið frá tveggja ár samningi við framherjann Sigurð Þorvaldsson en hann hefur leikið með Snæfelli undanfarin ár, líkt og Pressan greindi frá á sínum tíma var hann dæmdur í tveggja ára fangelsi fyrir nauðgun þegar hann var landsliðsmaður í körfubolta. Stúlkan, sem þá var 17 ára gömul, fékk einnig 800 þúsund krónur í miskabætur.

19.maí 2016 - 13:00 Kristín Clausen

Hraðfréttamennirnir Fannar og Benedikt verða á Rás 2 í sumar

Fann­ar Sveins­son og Bene­dikt Vals­son, sem hafa skemmt Íslendingum síðustu ár í skemmtiþættinum Hraðfréttir á RÚV, hafa flutt sig um set innan veggja Ríkisútvarpsins. Frá og með 4. júní næstkomandi munu þeir félagar sjá um glænýjan sumarþátt á Rás 2. Þátturinn verður á dagskrá alla virka daga frá klukka 9 til 12:20.
19.maí 2016 - 11:22 Kristín Clausen

Google í samstarf við CCP: Framleiðir nýjan tölvuleik fyrir sýndarveruleikakerfi

Í gærkvöldi tilkynnti Google á ráðstefnu sinni Google I/O í Kaliforníu að fyrirtækið muni í haust ýta úr vör sérstakri viðbót við Android stýrkikerfi sitt sem og búnaði tileinkuðum sýndarveruleika en Google ætlar sér stóra hluti í þeim geira í framtíðinni.
19.maí 2016 - 09:21 Eyjan

Jón Steinar um Davíð: Stór hópur manna hefur látlaust beitt ósannindum og hrakyrðum

Jón Steinar Gunnlaugsson, hæstaréttarlögmaður, skrifar grein til stuðnings Davíð Oddssyni þar sem hann hvetur kjósendur til að „sýna sjálfum sér þá virðingu að kynna sér og rifja upp sannleikann“ um feril Davíðs áður en þeir taka afstöðu.
19.maí 2016 - 05:35 Kristján Kristjánsson

Mikið tjón í eldsvoða á Akureyri í nótt

Frá Akureyri. Eldur kom upp í bifreiðaverkstæði við Fjölnisgötu á Akureyri um klukkan half eitt í nótt. Verkstæðið er í einu bili í stóru húsnæði. Eldurinn breiddist hratt út og barst í þrjú bil til viðbótar. Einn maður var við vinnu á verkstæðinu þegar eldurinn kom upp en hann náði að komast út af sjálfsdáðum og gera slökkviliði viðvart.
19.maí 2016 - 05:24

Þrír ökumenn í vímu handteknir á höfuðborgarsvæðinu í nótt

Nóttin var með rólegra móti hjá lögreglumönnum á höfuðborgarsvæðinu eftir því sem segir í tilkynningu frá lögreglunni. Þrír ökumenn voru þó handteknir, grunaðir um að vera undir áhrifum áfengis eða annarra vímugjafa.
18.maí 2016 - 20:56 Eyjan

Bræðurnir Júlíus Vífill og Guðmundur Ágúst bornir þungum sökum

Erfingjar hjónanna Ingvars Helgasonar og Sigríðar Guðmundsdóttur saka bræðurna Júlíus Vífil og Guðmund Ágúst Ingvarssyni um að hafa tekið eftirlaunasjóð þeirra hjóna ófrjálsri hendi. Júlíus Vífill segir þetta „algjör ósannindi eða ómerkileg illmælgi“.
18.maí 2016 - 19:00

Sækir um skilnað í Lögbirtingablaðinu: Ekki séð eiginmanninn síðan 2012

Víetnömsk kona, sem búsett hefur verið á Íslandi í 15 ár, hefur farið fram á lögskilnað frá eiginmanni sínum sem hún hefur ekki séð síðan árið 2012. Stefna þess efnis er birt í Lögbirtingarblaðinu í dag.
18.maí 2016 - 17:50 Kristín Clausen

The Color Run og Alvogen styðja við bakið á börnum á Íslandi

Samfélagssjóður The Color Run og lyfjafyrirtækisins Alvogen veitir í ár tveimur íslenskum góðgerðarfélögum styrk í tengslum við litahlaupið sem haldið er í miðbæ Reykjavíkur þann 11. júní næstkomandi. Sex milljónum króna verður úthlutað til Rauða krossins og Styrktarfélags lamaðra og fatlaðra vegna verkefna sem tengjast réttindum og velferð barna á Íslandi.
18.maí 2016 - 17:39 Kristín Clausen

Kaffihúsið Tíu dropar kveður í júlí eftir tæp 40 ár

Eigandi jarðhæðarinnar, Ingibjörg Ingólfsdóttir ( Yndi ehf), að Laugavegi 27 hefur gert rekstraraðilum kaffihússins Tíu dropa að hætta starfsemi þess og rýma húsnæðið í sumar. Húsnæðið var nýverið selt nýjum eigendum (Vietnam Restaurant ehf) og húsaleigusamningi sagt upp með skömmum fyrirvara.
18.maí 2016 - 15:37 Kristín Clausen

Finnur Högni fékk nýja lifur í apríl: Fjölskyldan beið í algjörri óvissu í fjögur ár

Viktoría og Finnur Högni „Núna höldum við í þá von að þetta sé allt saman á uppleið.“ Þetta segir Viktoría Larsen í samhengi við baráttu systursonar síns sem hefur frá sex mánaða aldri glímt við alvarleg veikindi.
18.maí 2016 - 14:25 Eyjan

Panamaskjölin: Erfingjar Ingvars Helgasonar leita að týndum sjóðum erlendis

Upplýsingar sem fram hafa komið í Panamaskjölunum svokölluðu hafa leitt til þess að erfingjar hjónanna Ingvars Helgasonar og Sigríðar Guðmundsdóttur hyggjast fá erlent rannsóknarfyrirtæki til að leita að týndum sjóðum foreldra sinna erlendis

Prentmet:  NRS E
Jón Steinar Gunnlaugsson
Jón Steinar Gunnlaugsson - 19.5.2016
Að sýna sjálfum sér virðingu
Jón Sigurðsson
Jón Sigurðsson - 14.5.2016
Aflandsreikningar
Brynjar Nielsson
Brynjar Nielsson - 13.5.2016
Afvegaleidd aflandsumræða
Jón Sigurðsson
Jón Sigurðsson - 21.5.2016
Icesave - enn og aftur
Vilhjálmur Birgisson
Vilhjálmur Birgisson - 18.5.2016
Íslenskt verkafólk yfirgefið
Aðsend grein
Aðsend grein - 12.5.2016
Takið vel á móti Álfinum
Hannes Hólmsteinn Gissurarson
Hannes Hólmsteinn Gissurarson - 21.5.2016
Nordau á Íslandi
Hannes Hólmsteinn Gissurarson
Hannes Hólmsteinn Gissurarson - 22.5.2016
Dósentsmálið 1937
Fleiri pressupennar