07. sep. 2017 - 20:00Akureyri vikublað

Særún Magnúsdóttir: „Ég hef fengið nýtt tækifæri“

Særún Magnúsdóttir, kennari á Akureyri, hefur öðlast nýtt líf eftir ristilbrottnám. Særún, sem greindist með sáraristilbólgu þegar hún var 18 ára, segir hér frá skömminni sem hún upplifði í kjölfar sjúkdómsins, aðgerðinni sem hún barðist fyrir, áhrifum veikindanna á lífið, og hvernig það er að vera með stóma.


Særún er opinská um sína reynslu við nemendur sína og vill opna umræðuna um stóma. Mynd: Guðrún Þórs

„Það er ekkert mál að vera með stóma,“ segir grunnskólakennarinn Særún Magnúsdóttir sem, eftir rúmlega 30 ára baráttu við sáraristilbólgu, öðlaðist nýtt líf fyrir tæpum tveimur árum þegar hún fór í ristilbrottnám.

Sterar og stólpípur

Særún greindist með sáraristilbólgu þegar hún var 18 ára en sjúkdómurinn lýsir sér í krömpum, verkjum, bólgum og blæðandi niðurgangi. 

Ég var alltaf að drepast í maganum, með verki í liðum og nánast alls staðar. Ég vann í frystihúsinu þegar fyrst fór að blæða og ég man hvað ég varð hrædd. Ég ætlaði ekki að komast af klósettinu vegna krampa. Þetta var upphafið af rúmlega 30 ára sjúkrasögu. Fljótlega eftir það fór ég í fyrsta skiptið á sjúkrahús þar sem ég var greind með sjúkdóminn. Þar fékk ég miður skemmtilega stólpípu, sem er reynsla sem ég gleymi aldrei, stera og lyf,

segir Særún sem segir sjúkdóminn hafa verið verstan þegar hún var undir álagi, stressuð eða kvíðin. „Þá fékk ég „kast“. Jólin hafa til að mynda einkennst af köstum, sjúkrahúslegu, blæðandi niðurgangi og verkjum. Það er fyrst núna sem ég get notið þess að borða svína- og hangikjötið án þess að fá svakalega verki.“

Eins og hamstur

Eftir að hafa prófað öll lyf sem í boði voru var loksins ákveðið að Særún fengi stóma.  „Köstin urðu alltaf lengri og ég varð æ veikari. Úthaldið verður nefnilega minna með aldrinum. Síðasta lyf sem ég prófaði var líftæknilyf sem ég fékk í æð. Þetta lyf hjálpar mörgum en ég varð svo fárveik að ég hélt að ég væri að deyja,“ segir hún og bætir við að mikil steranotkun í gegnum árin hafi einnig tekið sinn toll bæði andlega og líkamlega. 

Eins og sonur minn sagði einu sinni; mamma ekki móðgast en þú ert eins og hamstur í framan. Ég var með svo mikinn bjúg og alltaf svöng. Sterarnir minnkuðu oftast bólguna í ristlinum en aukaverkanirnar voru rosalegar. Ég var með miklar skapsveiflur, gat ekki sofið, grenjaði yfir engu og var kannski á fullu að þrífa þrátt fyrir að vera gjörsamlega búin á því. Svo var ég líka eins og Pac-man; hafði varla kyngt þegar ég var farin að hugsa um hvað ég ætti að fá mér næst.


Bjúgur -
Sonur Særúna sagði hana helst hafa líkst hamstri þegar hún glímdi við hvað mestan bjúg vegna steranotkunar. Mynd úr einkasafni

Með rassinn út í loftið

Hún segir ástandið hafa verið orðið sérstaklega slæmt síðustu mánuðina fyrir aðgerðina. „Ég var mjög veik og var farin að loka mig af svo fjölskylda og vinir voru farin að hafa áhyggjur. Ég var algjörlega komin á endapunkt; buguð á líkama og sál og gat ekki hugsað mér að fara enn einu sinni í gegnum sterana, innhellingarnar og stílana. Ég einfaldlega gat ekki meira,“ segir hún en í aðgerðinni voru gerð fimm göt á kviðinn til að losa ristilinn sem dreginn var út um endaþarmsopið sem síðan var lokað. Eftir 17 daga sjúkrahúslegu fór hún heim með stóma.

Þetta gekk mjög vel nema gatið á „bossanova“ eins og ég sagði alltaf, ætlaði aldrei að gróa. Ég var alltaf með rassinn út í loftið á sáramóttökunni og var farin að grínast með að þeim fyndist ég algjört rassgat,

segir hún hlæjandi og bætir við að það sé ekki annað hægt en að hafa húmor fyrir þessu. „Annars endar maður bara í þunglyndi. Mér líður líka svo vel að ég get ekki annað en brosað. Ég vil vera opin um þetta því með aukinni fræðslu minnka fordómar. Við erum bara hrædd við það sem við þekkjum ekki. Ég tala opinskátt um þetta við nemendur mína og segi oft í gríni að ef einhver reki við þá sé það pottþétt ekki ég,“ segir hún hlæjandi og bætir við: 

Ég var með kynningu fyrir nemendur mína í fyrravetur, sýndi þeim myndir og stómapokana. Þeim finnst þetta ekkert mál og fengu að líma á sig poka til að prófa. Þau eru svo opin og fara svo heim og ræða þetta við foreldra sína og þá er umræðan hafin og næst þegar þau fara í sund og sjá fólk með poka vita þau hvað þetta er. Það er kominn tími til að tala um stóma.

Minnimáttarkennd og spéhræðsla

Þrátt fyrir að vera opin um sína reynslu átti Særún lengi erfitt með að ræða um veikindin. 

Það var ekki auðvelt að vera ung kona með þennan sjúkdóm. Mér fannst þetta mjög skammarlegt og upplifði mig sem annars flokks. Ég var alltaf veik, rekandi við og gat ekkert borðað án þess að fá niðurgang en með auknum þroska hef ég lært að taka lífinu ekki of hátíðlega. Það er ekki hægt að vera spéhræddur eftir að hafa þurft að vera ítrekað með rassinn út í loftið fyrir framan hóp af læknum og sjúkrahússtarfsfólki. Þessi reynsla hafði mjög mikil áhrif á sjálfsmynd mína sem varð mjög skökk og það er ekki fyrr en núna sem hún er að lagast,

segir Særún og bætir við að ein besta ákvörðun hennar í lífinu hafi verið sú að fara aftur í skóla. „Ég hafði mikla minnimáttarkennd yfir því að hafa hætt í skóla eftir grunnskóla og upplifði mig svo heimska. Það var ekki fyrr en vinkona mín hringdi í mig og sagðist hafa skráð mig í Verkmenntaskólann að ég dreif mig af stað og ég er svo ánægð,“ segir Særún sem síðan útskrifaðist með meistaragráðu í kennslufræðum 48 ára.

Annað tækifæri

Hún segist hafa endurheimt lífsgæðin eftir ristilbrottnámið. 

Þegar heilsa manns hefur verið svona slæm eru viðbrigði að geta allt í einu tekið þátt í því sem aðrir taka sem sjálfsögðum hlut. Ég hef fengið annað tækifæri. Í ótrúlega mörg ár gat ég ekki verið með í mörgu nema vera fullviss um að ég gæti komist á klósett í tæka tíð. Undir lokin var ég orðin svo veik bæði andlega og líkamlega að ég var farin að loka mig af félagslega og var meira að segja hætt að vera með í matarklúbbnum mínum, sem ég elska. Mann langar ekkert að vera í kringum fólk þegar maður er stanslaust rekandi við, með niðurgang og finnst maður illa lyktandi. Vorið fyrir aðgerðina var ég til dæmis nánast hætt að borða í skólanum. Ég drakk bara vatn þar til krakkarnir voru farnir heim af ótta við að hreinlega missa í brækurnar. Það verður ekkert neyðarlegra en að gera á sig í miðri kennslustund fyrir framan heilan bekk. Ég hef samt nokkrum sinnum lent í því að missa í brækurnar en sem betur fer vissi aldrei neinn um það, held ég allavega.


Særún segist hafa verið heppin en henni finnst ekkert mál að vera með stóma. Mynd: Guðrún Þórs

Sár og reið

Eftir aðgerðina var Særúnu ráðlagt að taka sér frí frá vinnu til að byggja sig upp. „Ég hafði ætlað í vinnu þremur mánuðum eftir aðgerð og upplifði mig því sem algjöran aumingja fyrir vikið. Ég var alin þannig upp að maður mætti í vinnu og vann verkin sama hvað raulaði og tautaði. Þess vegna fór ég helst ekki út úr húsi fyrr en að loknum eðlilegum vinnudegi svo ég myndi örugglega ekki hitta neinn sem myndi spyrja mig af hverju ég væri ekki í vinnu. Ég sé samt ekki eftir því í dag að hafa tekið þennan tíma til að ná mér, ég væri örugglega ekki á þeim stað sem ég er á í dag ef ég hefði pínt mig áfram í vinnu,“ segir hún og viðurkennir að hafa velt fyrir sér hvernig lífið hefði verið ef hún hefði fengið stóma fyrr. 

Eftir aðgerðina varð ég reið yfir því hvað þetta tók langan tíma. Af hverju þurfti ég að berjast svona lengi? Líklega bar ég mig ekki nógu illa,

segir hún en bætir við að hún hafi ekkert út á læknana að setja. 

Ég var reið og sár en fann fljótt að það var ekki að gera neitt fyrir mig nema taka frá mér orku. Þess vegna ákvað ég að hætta að horfa til baka. Þetta er búið og gert og nú hef ég fengið nýtt líf og er ákveðin í að njóta þess í stað þess að velta mér upp úr fortíðinni. Mér líður svo vel í dag. Ég er algjörlega glaðasti hundur í heimi,

segir Særún sem er í félagsskap kvenna á Akureyri sem kallar sig Gorgeous Bag Ladies. „Þetta er flottur hópur kvenna með stóma sem hittist og ræðir um allt milli himins og jarðar. Ég hef verið einstaklega heppin en viðurkenni að mér fannst dálítið erfitt að venjast því að sjá mig með stóma. Það tók mig smá tíma að venjast spegilmyndinni. Maður lítur öðruvísi út með poka dinglandi framan á sér. Hins vegar, af því að mér líður svo vel, hætti ég að spá í það.“

Kynnast upp á nýtt

Hún segir stuðning fjölskyldu og vina í gegnum veikindin hafa verið ómetanlegan. 

Ég væri eflaust ekki á þessum góða stað ef ég hefði ekki fengið aðstoð en fyrir utan vini og fjölskyldu leitaði ég til Virk þar sem ég fékk endurhæfingu til að komast af stað aftur eftir aðgerð. Það hafa allir staðið 100 prósent við bakið á mér og sonur minn, sem er 19 ára og ólst upp með veikri móður, er loks að kynnast mér sem heilbrigðri. Það er ótrúlega dýrmætt. Okkar samband er einstakt en það er ekki auðvelt að eiga langveikt foreldri. Oft dvaldi ég á sjúkrahúsi og oft var ég í klikkuðu skapi vegna steranna og tók það gjarnan út á honum. Í dag er hann svo glaður yfir því hvað mér líður vel og að ég sé alltaf að gera eitthvað skemmtilegt.

Ganga götur bæjarins

Særún hefur verið dugleg að lifa lífinu síðustu mánuðina. „Ég er búin að gera svo mikið og margt sem ég hefði aldrei trúað að ég ætti eftir að gera. Í fyrrasumar fór ég 10 kílómetra í Reykjavíkurmaraþoninu en ég byrjaði á núlli, setti app í símann minn og fór út að hlaupa. Í ár plataði eldri systir mín, sem er mikill hlaupari, mig í að taka hálft maraþon í Reykjavíkurmaraþoninu. Það var rosalegur áfangasigur. Hún hvatti mig áfram alla leið, skoppaði þetta við hliðina á mér og fór létt með það. Eins fór ég í fjallgöngu í austurrísku Ölpunum með matarklúbbnum mínum sem var frábær ferð og að sama skapi erum við pabbi að ganga allar götur bæjarins,“ segir hún og útskýrir að þau feðginin séu búin með Naustahverfið, innbæinn og langt komin með Brekkuna. 

Við ætlum að klára þetta í vetur. Mig langaði að eiga fleiri stundir með pabba og því ákváðum við að eiga saman sunnudagsmorgna. Fyrst gengum við ómarkvisst um bæinn, upp í Gamla og í Kjarna, en svo mundi ég eftir gönguklúbbi í Oddeyrarskóla sem hafði gengið allar götur bæjarins og stakk upp á því við pabba sem fannst þetta frábær hugmynd. Núna prenta ég út göturnar og merki við þær sem við klárum. Við njótum þessa tíma saman og erum í raun að kynnast upp á nýtt. Hann er svo fróður um bæinn eins og hann var og segir sögur sem er skemmtilegt fyrir mig sem kennara. Þetta er okkar gæðatími og afar dýrmætur.

Sund og stefnumót

Hún segist hafa fundið sína hillu í kennslunni. „Mér finnst æðislegt að kenna og ég elska þessa krakka. Vissulega er þetta starf krefjandi og mikil áskorun á hverjum degi en mitt líf er að vera með þessum krökkum. Þau eiga í manni hvert bein frá fyrsta degi. Ég hefði viljað eignast mörg börn en einhvern veginn varð ekkert úr því, kannski vegna þess að mér fannst ég aldrei nógu góð, var alltaf veik. Ég hafði heldur ekki áhuga á að vera í sambandi. Kannski stofna ég bara einhvern tímann barnaheimili í Afríku. Ég hef lengi gengið með þann draum í maganum,“ segir hún brosandi.
En hvaða aðra drauma á hún eftir að láta rætast? 

Systir mín stakk upp á að við færum í New York-maraþonið á næsta ári en við sjáum nú til með það. Ég þarf að fara meira í sund, halda áfram að hreyfa mig og jafnvel fara á stefnumót. Nú er seinni hálfleikur hafinn í mínu lífi og ég hef fengið nýtt tækifæri. Ég ætla að njóta í botn.




17.feb. 2018 - 18:00 Ragna Gestsdóttir

Eygló Harðardóttir verður verkefnisstjóri fyrir nýtt húsnæðissúrræði Kvennaathvarfsins

Eygló Harðardóttir verður verkefnisstjóri fyrir nýtt húsnæðissúrræði Kvennaathvarfsins. Hún mun einnig veita forystu nýrri húsnæðissjálfseignastofnun sem Kvennaathvarfið hefur stofnað utan um hinar 16 íbúðir sem ætlunin er að byggja í samræmi við lög um almennar íbúðir.



16.feb. 2018 - 16:30 Bleikt

Eva Dögg hefur misst fóstur þrisvar sinnum – Talar opinskátt um ættleiðingar

Eva Dögg Guðmundsdóttir og eiginmaður hennar hafa reynt að eignast barn í sex ár án árangurs. Eva hefur þrisvar sinnum orðið ólétt en hefur í öll skiptin misst fóstur og hefur það tekið gríðarlega á þau. Einn fallegan morgun árið 2015 vaknaði Eva og varð ljóst að hana langaði til þess að ættleiða barn og eru þau hjónin í því ferli núna.
16.feb. 2018 - 15:00

Dýrahjálp fagnar 10 ára afmæli með gleði – Þrífætti hundurinn Kleó verður á staðnum

Dýrahjálp Íslands fagnar nú 10 ára afmæli samtakanna og verður því með samkomu á morgun, laugardaginn 17. febrúar, á milli klukkan 12 og 16 í Kirkjulundi 17, sem er húsið ská á móti Dýraspítalanum í Garðabæ.
16.feb. 2018 - 13:30 Eyjan

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað.
16.feb. 2018 - 11:05

Bertha María fór grunlaus í sónar: „Ljósmóðirin tók eftir óeðlilegri víkkun á nýrnaskjóðu, ég fór alveg á taugum“

Þegar Bertha María Mæhle Vilhjálmsdóttir var gengin tuttugu vikur á leið með son sinn mætti hún grunlaus í tuttugu vikna sónarinn, spennt fyrir því að fá að vita kynið. En þegar í sónarinn var komið var kyn barnsins ekki einu fréttirnar sem þau fengu að vita.

16.feb. 2018 - 09:00 Eyjan

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem eftir eru.
15.feb. 2018 - 19:00 Bleikt

Íris Bachmann vildi óska þess að hafa gert hlutina öðruvísi: „Lífið snýst ekki um það hver er í flottasta forminu“

Íris Bachmann Haraldsdóttir vildi óska þess að hún hefði gert hlutina í fortíðinni öðruvísi og ákvað því að skrifa sjálfri sér einlægt bréf. Ég vildi óska þess að ég hefði hugsað öðruvísi til mín og hlustað á það sem mamma mín talaði um,
15.feb. 2018 - 10:30 Eyjan

Sakar borgarstjóra um dónaskap varðandi Íslandsbankahúsið – „Þetta lyktar af einhverri pólitík“

Örnólfur Hall, arkitekt og annar höfundur Íslandsbankahússins á Kirkjusandi, er ósáttur við framferði Dags B. Eggertssonar borgarstjóra varðandi framtíð hússins. Dagur lét teikna hugmyndir um endurgerð hússins í upprunalegri mynd og kynnti þær á íbúafundi í síðustu viku, án þess að hafa samráð við Örnólf eða Ormar Þór Guðmundsson, sem hönnuðu húsið fyrir Samband íslenskra samvinnufélaga árið 1988.
14.feb. 2018 - 17:00 Bleikt

Eru þetta fyndnustu öskudagsbúningar landsins?

Í dag er öskudagurinn haldin hátíðlega um land allt. Þessum degi bíða flest öll íslensk börn spennt eftir enda fá þau að klæða sig upp í búninga og safna sér sælgæti.

14.feb. 2018 - 15:00 Bleikt

Erna glímir við ófrjósemi: „Eftir eggheimtuna kemur enn eitt áfallið, það finnast engin egg“

Erna Gunnarsdóttir kynntist sambýlismanni sínum, Sigurði Þ. Ögmundssyni árið 2000. Fjórtán árum síðar fóru þau að velta því fyrir sér hvort þau væru mögulega að glíma við ófrjósemi þar sem þau voru ekki orðin ólétt og tíðahringur Ernu var orðin óreglulegur og langur.
14.feb. 2018 - 11:00 Ragna Gestsdóttir

Kærleiksvika haldin í Mosfellsbæ í áttunda sinn

Kærleiksvika er nú haldin í áttunda sinn íMosfellsbæ vikuna 12.- 18. febrúar og eins og áður er kærleikurinn ofar öllu.

14.feb. 2018 - 09:55 Bleikt

Auður Birna var oft spurð að því hvort hún ætlaði ekki bara að losa sig við hundinn eftir fæðingu

Auður Birna Þorsteinsdóttir Blöndal segist oft hafa fengið spurningar þegar hún var ólétt hvort hún ætlaði ekki að losa sig við hundinn sinn þegar barnið kæmi í heiminn. Þrátt fyrir að Auður skilji vel að ekki sé hægt að bera saman börn og dýr þá gæti hún aldrei ímyndað sér neitt annað en að sjá barnið sitt alast upp með dýrum.
13.feb. 2018 - 20:00 Bleikt

Ingibjörg Eyfjörð er hrædd við það sem fólk hugsar: „Getur hún ekki haft hemil á börnunum sínum?“

Ég fór í gullfallega skírnarveislu hjá yndislegri vinkonu, sem reyndar breyttist svo í brúðkaup Salurinn, veitingarnar, vinkona mín og fjölskyldan hennar – allt óaðfinnanlegt.
13.feb. 2018 - 13:30 Bleikt

Ásta Sæunn fékk nóg af sjálfri sér: „Ég hef tekið af mér 79 sentimetra og yfir 20 kíló“

Fyrir rúmlega þremur árum síðan fékk Ásta Sæunn Ingólfsdóttir nóg af sjálfri sér. Hún var alltaf þreytt, orkulaus, skapvond og pirruð. Ástu leið alls ekki vel en hana dreymdi um að verða heilbrigð og hraust líkt og hún hafði verið á árum áður.
13.feb. 2018 - 12:00

Halda málþing um réttindi intersex fólks á Íslandi

Intersex Ísland, Samtökin ’78, Íslandsdeild Amnesty International og Mannréttindaskrifstofa Íslands standa að málþingi um réttindi intersex fólks næstkomandi laugardag í Öskju.
12.feb. 2018 - 21:30 Bleikt

Allir þurfa að gráta – 8 sorglegar bíómyndir á Netflix

Allir hafa gott af því að gráta af og til, losa um erfiðar tilfinningar og finna til samkenndar. Flestir gráta nokkuð reglulega, annað hvort vegna atburða í lífinu eða vegna sorglegra bíómynda.
12.feb. 2018 - 20:00 Bleikt

Hafdís María með lamandi ótta: „Ég er hrædd, Það ER eitthvað að fara að koma fyrir“

Það er sjálfgefin og sjálfsagður hlutur að foreldrar vilja ekki að neitt komi fyrir börnin sín.Til þess að koma í veg fyrir það, þá verndum við þau. Sumum foreldrum tekst að finna þennan gullna milliveg, jafnvægið á milli þess að ofvernda og ekki ofvernda.
12.feb. 2018 - 19:00

Svona getur þú fengið gamla Snapchat aftur á Android og iPhone

Nýjasta uppfærsla Snapchat hefur truflað nánast alla sem nota samfélagsmiðilinn í símanum daglega. Viðmótið breyttist nokkuð og í stað þess að horfa á allar „sögurnar“ á einum stað er búið að blanda þeim saman við auglýsingar í síðu sem heitir „Discover“. Í stað þess að láta þetta fara í taugarnar á sér eða reyna að lifa með þessu hafa netverjar tekið saman leiðbeiningar til breyta Snapchat aftur í gamla viðmótið.
12.feb. 2018 - 18:00 Eyjan

Vigdís Hauksdóttir: Sæki fylgið til allra skynsamra Reykvíkinga

Vigdís Hauksdóttir var kynnt sem borgarstjóraefni Miðflokksins um helgina og vakti það mikla athygli, en Vigdís er fyrrum þingmaður Framsóknarflokksins og mikill stuðningsmaður Sigmundar Davíðs Gunnlaugssonar, formanns Miðflokksins.
12.feb. 2018 - 13:54 433

Voru mistök að hækka bónusa hjá stelpunum?

Tómas Þór Þórðarson fréttamaður og útvarpsmaður á X977 velti því fyrir sér hvort peningum hafi verið vel varið þegar bónusgreiðslur kvennalandsliðsins voru hækkaðar.
12.feb. 2018 - 11:00 Bleikt

Ninna Karla gefur egg í annað skiptið – Talar opinskátt um ferlið á Snapchat

Ninna Karla Katrínardóttir er um þessar mundir að gefa egg í annað skiptið og segist hún ætla að halda áfram að gefa þar til hún má það ekki lengur.
12.feb. 2018 - 09:00 Eyjan

Gera ráð fyrir hagvexti í fjárhagsáætlunum sveitafélaga

Fjárhagsáætlanir sveitarfélaga fyrir árin 2018 til 2021 taka mið af spám um áframhaldandi hagvöxt hér á landi. Skuldir og skuldbindingar lækka enn, sjöunda árið í röð, sem hlutfall af tekjum og fara úr 106% árið 2018 í 95% árið 2021 gangi áætlanir eftir. Þetta kemur fram í árlegri samantekt Sambands íslenskra sveitarfélaga.
11.feb. 2018 - 22:00

Þetta gerist þegar þú borðar sex þúsund hitaeiningar á dag

Vísindamenn við Tempe-háskólann í Philadelphia í Bandaríkjunum ákváðu að rannsaka hvaða áhrif ofát hefur á mannslíkamann. Þeir fengu því sex heilbrigða karlmenn til að gera einmitt það, allt í nafni vísindanna; innbyrða sex þúsund hitaeiningar á dag.
11.feb. 2018 - 14:00 Bleikt

Skotheld uppskrift af vatnsdeigsbollum og fjórar mismunandi fyllingar frá Hrönn Bjarna

Bolludagurinn er á mánudaginn og því algjörlega við hæfi að skella í nokkrar bollur. Ég hef sjálf aldrei verið mikið fyrir bakaríisbollur og finnst miklu betra að baka þær sjálf og fylla með einhverju nýju og spennandi. Ég er hér með grunnuppskrift af vatnsdeigsbollum og svo er ég með 4 mismunandi útfærslur á fyllingum í bollu
11.feb. 2018 - 10:28 DV

Bríanna segir strætóbílstjóra hafa neitað að hleypa sér út: „Þetta var mannrán“

Bríanna Jewel Johnson segir farir sínar ekki sléttar af Strætó. Hún segir strætóbílstjóra hafa neitað að hleypa sér út úr vagninum. Að sögn Bríönnu komst hún ekki út úr vagninum fyrr en hún hótaði að hringja á lögregluna. 
11.feb. 2018 - 08:02

Ölvaður maður handtekinn fyrir eignaspjöll

Klukkan 23:40 í gærkvöldi var mjög ölvaður maður handtekinn í miðbænum fyrir mikil eignaspjöll á bifreið. Þetta kemur fram í fréttatilkynningu frá lögreglunni á höfuðborgarsvæðinu. Þar stendur enn fremur:

10.feb. 2018 - 18:00 Bleikt

Snickers súkkulaðibomba með jarðaberjamús og saltkaramellu

Ég átti afmæli um síðustu helgi og skellti í eina drip köku í tilefni þess. Kakan sem ég gerði var gerð úr 4 súkkulaðibotnum, súkkulaðimús, jarðaberjamús, snickersbitum, saltkaramellu og saltkaramellusmjörkremi og því nóg að gera og allskonar mismunandi brögð að koma saman.
10.feb. 2018 - 15:05 DV

Tryggvi Helgason barnalæknir: „Óúthvíld þjóð gengur á sjálfsstýringu og er ekki tilbúin í

„Hvað hreyfinguna varðar er auðvelt að benda á að stór hluti tíma barna og foreldra þeirra fer nú í að sinna samfélagsmiðlum, tölvuleikjum og afþreyingarefni af ýmsu tagi“, segir Tryggvi Helgason barnalæknir Heilsuskóla Barnaspítalans og Domus Medica í leiðara sem hann skrifar í nýjasta tölublaði Læknablaðsins.
10.feb. 2018 - 14:00 DV

Bankarnir nýta sér íslenska rappara í auglýsingaskyni

Íslenskt rapp hefur verið í miklum blóma undanfarin ár. Margir hafa líkt óhefluðu viðhorfinu, gróskunni og kraftinum sem hefur verið viðloðandi rappið við pönkið. Mörg fyrirtæki sjá sér leik á borði, vilja nudda sér upp við hina ungu listamenn í þeirri von að ára ungæðingslegrar orku og ferskleika smitist yfir á vörumerki þeirra. 
10.feb. 2018 - 10:36 DV

Nýir íslenskir þættir um geðveikan forsætisráðherra

Forsætisráðherra með geðhvarfasýki hættir að taka lyfin sín, hegðun hans verður stöðugt ófyrirsjáanlegri og upp hefst æsileg og tragikómísk atburðarás í beinni útsendingu. Þannig væri hægt að lýsa atburðarás nýrrar sjónvarpsþáttaraðar með vinnutitilinn „Ráðherrann“ sem Saga Film framleiðir og RÚV hefur keypt sýningarréttinn á.
09.feb. 2018 - 17:00 Bleikt

Sylvía Haukdal hafði áhyggjur af slitum: „Maginn á henni var ónýtur eftir að hún átti“

Þegar Sylvía Haukdal Brynjarsdóttir gekk með sitt fyrsta barn hafði hún miklar áhyggjur af því að fá slit á magann. Á hverjum degi bar hún á sig allskyns slitolíur til þess að reyna að koma í veg fyrir þennan hvimleiða fylgikvilla meðgöngunnar.
09.feb. 2018 - 14:00 Eyjan

Styrmir: Dagur verður að tala skýrar, vilji hann láta taka mark á sér

Styrmir Gunnarsson, fyrrum ritstjóri Morgunblaðsins, er ekki sáttur við svör Dags. B. Eggertssonar borgarstjóra í Kastljósinu í gær, hvar hann ræddi borgarmálin við Eyþór Arnalds, borgarstjóraefni Sjálfstæðisflokksins.
09.feb. 2018 - 11:31

Þrír á slysadeild eftir fjögurra bíla árekstur

Þrír voru fluttir á slysadeild eftir fjögurra bíla árekstur á mótum Reykjanesbrautar og Vífílsstaðavegar í Garðabæ um níuleytið í morgun. Þetta kemur fram í tilkynningu frá lögreglunni á höfuðborgarsvæðinu. Þar stendur enn fremur: 
09.feb. 2018 - 11:09 433

Tugum Íslendinga hent út af hótelum í Rússlandi

Íslenskt knattspyrnuáhugafólk sem er að bóka hótelgistingu vegna heimsmeistaramótsins í Rússlandi lendir nú um stundir í vandræðum vegna hótela sem það hafði bókað gistingu á í bæði Moskvu og Rostov-on-Don í sumar. DV hefur rætt við nokkra einstaklinga sem höfðu bókað hótelgistingu og fengið staðfestingu á bókun sinni. Þeir hafa síðar fengið skilaboð um að bókunin hafi ekki gengið í gegn. Þeim er svo boðið að bóka hótelgistingu á nýjan leik en á miklu hærra verði en þeim hafði áður boðist. Margir Íslendingar ætla að leggja leið sína til Rússlands og sjá íslenskt knattspyrnulandsliðið í fyrsta sinn á HM og hefur stór hluti þeirra nú þegar bókað ferð sína. Þeir vita þó ekki hvort þeir fái miða á leikina, en FIFA hefur nú lokað fyrir umsóknarferli um miða og dregið verður úr því happadrætti í mars. „Ég er að fara til Rússlands með fjölskylduna í sumar, hótelið sem ég bókaði í Moskvu hefur nú ákveðið að henda okkur út,“ sagði Sigurður Hjaltested um málið en hann er einn af þeim sem hafa lent í þessu.
09.feb. 2018 - 11:00 Bleikt

Stígamót kynna átakið Sjúk ást – Ert þú í óheilbrigðu sambandi?

takið Sjúk ást er forvarnarverkefni Stígamóta sem snýr að ungu fólki. Megin þema verkefnisins er að stuðla að heilbrigði í samböndum ungs fólks. Í tilefni af opnun átaksins var heimasíða verkefnisins opnuð, en slóðin er sjukast.is. Á heimasíðunni er hægt að fræðast um heilbrigð sambönd, óheilbrigð sambönd, birtingarmyndir ofbeldis, jafnrétt, kynlíf, klám og leita sér hjálpar.
08.feb. 2018 - 19:00 Eyjan

Ragnar Þór svarar ásökunum Viðskiptablaðsins

Viðskiptablaðið fjallar í dag um formann VR, Ragnar Þór Ingólfsson. Honum er tileinkuð heilsíða undir yfirskriftinni „Íbúðaævintýri Ragnars Þórs“ og er það sjálfur Óðinn sem heldur á penna.
08.feb. 2018 - 16:30 Bleikt

Börn sett á biðlista hjá dagforeldri fyrir fæðingu: „Þetta er algjör geðveiki“

Bilið á milli fæðingarorlofs og leikskóla hér á landi hefur hingað til yfirleitt verið brúað með aðkomu dagforeldra. Nú er svo komið að foreldrar ungra barna eru í miklum vandræðum þar sem mikill skortur virðist vera á plássi fyrir börnin og sitja því foreldrar eftir heima launalaus með engar lausnir.
08.feb. 2018 - 13:30 Bleikt

Silja Dögg fæddi barn heima: „Ég var orðin hrædd um að fæða barnið ein en hann hélt ég væri bara í vondu skapi“

Silja Dögg var svo yndisleg að deila með okkur fæðingarsögunni sinni en hún er með merkilegra móti. Hún nefnilega eignaðist barn heima hjá sér alveg óvænt (eða svona eins óvænt og hægt er)! Gefum Silju orðið:
08.feb. 2018 - 10:48

Umferðarslys á Snæfellsnesvegi

Snæfellsnesvegur móts við Haukatungu norðan við Eldborg á Mýrum er lokaður vegna umferðarslyss. Þetta kemur fram í tilkynningu frá lögreglunni á Vesturlandi. Ekki er vitað hvað vegurinn verður lokaður lengi og frekar upplýsingar um slysið liggja ekki fyrir.
08.feb. 2018 - 10:12 433

Kolbeinn gekk einn í gegnum dimman dal og gat ekki horft á fótbolta

Það berast frábær tíðindi af Kolbeini Sigþórssyni framherja Nantes en hann er að ná fullum bata.
08.feb. 2018 - 09:41 Eyjan

Stefnir á fyrsta sætið í borginni hjá Pírötum

Dóra Björt Guðjónsdóttir, stjórnmálafræðingur og 2. varaþingmaður Pírata í Suðvesturkjördæmi, stefnir á 1.-2. sætið á lista Pírata í komandi borgarstjórnarkosningum.
07.feb. 2018 - 20:00

10 atriði sem benda til þess að þú sért í sambandi sem byggist á meðvirkni

Skilgreiningar á meðvirkni oft mjög flókin og merking hugtaksins hefur oft verið þynnt með alltof víðtækum skilgreiningum. En, ef horft er til sambands sem byggist á meðvirkni, þá er hægt að horfa á það sem sérstaka tegund „hjálparsambands“. Þá er það annar aðilinn sem „hjálpar“ eða styður hina manneskjuna í ábyrgðarleysi, vanþroska, fíkn, frestunaráráttu, afkastaleysi eða slæmri líkamlegri eða andlegri heilsu.
07.feb. 2018 - 18:00 Bleikt

Bráðfyndnar íslenskar stefnumótasögur: „Býrðu hjá mömmu þinni?“

Það eru til margar leiðir til þess að kynnast nýju fólki í dag, flestir sem við rekumst á í gegnum lífið verða kunningjar, aðrir verða vinir okkar og einhverjir verða makar. Makaleit er eitthvað sem við mannfólkið byrjum á nokkuð snemma á lífsleiðinni. Fyrsta „sambandið“ okkar er oftar en ekki „kærastinn/kærastan“ sem er með okkur í leikskólanum og höfum við tekið ákvörðun um að giftast einn daginn.
07.feb. 2018 - 15:00 Bleikt

Valkyrja upplifði sjúka ást: „Ég efaðist um mína eigin geðheilsu“

Valkyrja Sandra Ásdísardóttir Bjarkadóttir hélt að ástin væri eins og í bíómyndum, allt við hana væri fallegt og að hún héldi manni á lífi. Væri meðalið svo við gætum andað. Þegar hún varð tuttugu og tveggja ára gömul stóð hún eftir ein með lítið barn og hafði kynnst því að ástin var alls ekki líkt og hún hélt.

07.feb. 2018 - 09:30 Eyjan

Sjálfstæðisflokkurinn að klofna í Eyjum

Sjálfstæðisflokkurinn í Vestmannaeyjum er við það að klofna. Óánægðir sjálfstæðismenn íhuga nú af alvöru að bjóða fram sérlista í komandi bæjarstjórnarkosningum í maí, en óánægjan stafar af því að ekki hafi verið efnt til prófkjörs hjá flokknum. Þetta kemur fram í Morgunblaðinu í dag.
06.feb. 2018 - 18:30 Eyjan

Ferðamálastofa: Hægir á fjölgun vetrarferðamanna til Íslands

Brottfarir erlendra farþega* um Keflavíkurflugvöll voru 147.600 í janúar síðastliðnum samkvæmt talningum Ferðamálastofu og Isavia í Flugstöð Leifs Eiríkssonar eða um 11.500 fleiri en í janúar á síðasta ári.
06.feb. 2018 - 14:46 Ari Brynjólfsson

Eggert fær ekki ríkisborgararétt: „Skilaboðin frá íslenskum stjórnvöldum eru skýr - ég er ekki velkominn“

Eggert Nielson er fæddur á Íslandi og hefur búið á landinu í sjö ár, þrátt fyrir það hefur hann ekki fengið íslenskan ríkisborgararétt. „Síðustu sjö á hef ég unnið í Grunnskólanum á Súðavík og af einhverjum ástæðum rennur dvalarleyfið mitt alltaf út á hverju ári. 
06.feb. 2018 - 13:30 Bleikt

Sprenghlægilegar íslenskar fæðingasögur 2 hluti: ,,Hvað eru margir að horfa á klofið á mér ?‘’

Ofurkraftarnir sem konurnar öðlast í fæðingarferlinu eru ótrúlegir og oftar en ekki gerast bráðfyndnir og skemmtilegir hlutir á fæðingarstofunni. Bleikt fékk góðfúslegt leyfi nokkurra kvenna til þess að birta stórskemmtilegar aðstæður sem konu upp í fæðingum þeirra:
06.feb. 2018 - 11:00 Bleikt

Sonur Telmu þarf gleraugu: „Eiga börn efnalítilla foreldra ekki rétt á gleraugum?“

Telma Ýr Birgisdóttir komst að því að sonur hennar þyrfti að nota gleraugu þegar hann var einungis 6 vikna gamall. Þegar hann var orðin fjögurra og hálfs mánaða gamall fékk hann sín fyrstu gleraugu og kostuðu þau hjónin 76.200 krónur með afslætti.
05.feb. 2018 - 17:30 Bleikt

Auður Ýr missti 9 kíló á 6 vikum: „Ég tók ákvörðun um að ég gæti þetta“

Auður Ýr tók ákvörðun á milli jóla og nýjárs að árið 2018 skyldi hún ná að koma sér í sitt besta form. Það mætti því segja að árið hafi byrjað mjög vel hjá Auði þar sem hún hefur losað sig við 9 kíló á síðastliðnum 6 vikum.

Gæludýr: feb 2018
Sigrún Dóra Jónsdóttir
Sigrún Dóra Jónsdóttir - 30.1.2018
Til varnar sonum mínum
Hannes Hólmsteinn Gissurarson
Hannes Hólmsteinn Gissurarson - 20.1.2018
Líftaug landsins
Þórhallur Heimisson
Þórhallur Heimisson - 22.1.2018
Átökin um landið helga
Brynjar Nielsson
Brynjar Nielsson - 25.1.2018
Þjóðviljinn var hlutlausari en Kjarninn
Hannes Hólmsteinn Gissurarson
Hannes Hólmsteinn Gissurarson - 27.1.2018
Andmælti Davíð, en trúði honum samt
Ingrid Kuhlman
Ingrid Kuhlman - 31.1.2018
Hvenær ertu búinn að aðlagast?
Lovísa María Emilsdóttir
Lovísa María Emilsdóttir - 31.1.2018
Æfðu þig í að finna fyrir gleði, þakklæti og hamingju!
Sara Pálsdóttir
Sara Pálsdóttir - 05.2.2018
Ríkari mannréttindavernd barna á Íslandi
Vilhjálmur Birgisson
Vilhjálmur Birgisson - 09.2.2018
Uppgjör í verkalýðshreyfingunni!
Hannes Hólmsteinn Gissurarson
Hannes Hólmsteinn Gissurarson - 12.2.2018
Spurning drottningar
Hannes Hólmsteinn Gissurarson
Hannes Hólmsteinn Gissurarson - 12.2.2018
Hún líka
Brynjar Nielsson
Brynjar Nielsson - 16.2.2018
Viðkvæmir Píratar
Davíð Már Kristinsson
Davíð Már Kristinsson - 15.2.2018
Spáð í spilin
Fleiri pressupennar