07. sep. 2017 - 20:00Akureyri vikublað

Særún Magnúsdóttir: „Ég hef fengið nýtt tækifæri“

Særún Magnúsdóttir, kennari á Akureyri, hefur öðlast nýtt líf eftir ristilbrottnám. Særún, sem greindist með sáraristilbólgu þegar hún var 18 ára, segir hér frá skömminni sem hún upplifði í kjölfar sjúkdómsins, aðgerðinni sem hún barðist fyrir, áhrifum veikindanna á lífið, og hvernig það er að vera með stóma.


Særún er opinská um sína reynslu við nemendur sína og vill opna umræðuna um stóma. Mynd: Guðrún Þórs

„Það er ekkert mál að vera með stóma,“ segir grunnskólakennarinn Særún Magnúsdóttir sem, eftir rúmlega 30 ára baráttu við sáraristilbólgu, öðlaðist nýtt líf fyrir tæpum tveimur árum þegar hún fór í ristilbrottnám.

Sterar og stólpípur

Særún greindist með sáraristilbólgu þegar hún var 18 ára en sjúkdómurinn lýsir sér í krömpum, verkjum, bólgum og blæðandi niðurgangi. 

Ég var alltaf að drepast í maganum, með verki í liðum og nánast alls staðar. Ég vann í frystihúsinu þegar fyrst fór að blæða og ég man hvað ég varð hrædd. Ég ætlaði ekki að komast af klósettinu vegna krampa. Þetta var upphafið af rúmlega 30 ára sjúkrasögu. Fljótlega eftir það fór ég í fyrsta skiptið á sjúkrahús þar sem ég var greind með sjúkdóminn. Þar fékk ég miður skemmtilega stólpípu, sem er reynsla sem ég gleymi aldrei, stera og lyf,

segir Særún sem segir sjúkdóminn hafa verið verstan þegar hún var undir álagi, stressuð eða kvíðin. „Þá fékk ég „kast“. Jólin hafa til að mynda einkennst af köstum, sjúkrahúslegu, blæðandi niðurgangi og verkjum. Það er fyrst núna sem ég get notið þess að borða svína- og hangikjötið án þess að fá svakalega verki.“

Eins og hamstur

Eftir að hafa prófað öll lyf sem í boði voru var loksins ákveðið að Særún fengi stóma.  „Köstin urðu alltaf lengri og ég varð æ veikari. Úthaldið verður nefnilega minna með aldrinum. Síðasta lyf sem ég prófaði var líftæknilyf sem ég fékk í æð. Þetta lyf hjálpar mörgum en ég varð svo fárveik að ég hélt að ég væri að deyja,“ segir hún og bætir við að mikil steranotkun í gegnum árin hafi einnig tekið sinn toll bæði andlega og líkamlega. 

Eins og sonur minn sagði einu sinni; mamma ekki móðgast en þú ert eins og hamstur í framan. Ég var með svo mikinn bjúg og alltaf svöng. Sterarnir minnkuðu oftast bólguna í ristlinum en aukaverkanirnar voru rosalegar. Ég var með miklar skapsveiflur, gat ekki sofið, grenjaði yfir engu og var kannski á fullu að þrífa þrátt fyrir að vera gjörsamlega búin á því. Svo var ég líka eins og Pac-man; hafði varla kyngt þegar ég var farin að hugsa um hvað ég ætti að fá mér næst.


Bjúgur -
Sonur Særúna sagði hana helst hafa líkst hamstri þegar hún glímdi við hvað mestan bjúg vegna steranotkunar. Mynd úr einkasafni

Með rassinn út í loftið

Hún segir ástandið hafa verið orðið sérstaklega slæmt síðustu mánuðina fyrir aðgerðina. „Ég var mjög veik og var farin að loka mig af svo fjölskylda og vinir voru farin að hafa áhyggjur. Ég var algjörlega komin á endapunkt; buguð á líkama og sál og gat ekki hugsað mér að fara enn einu sinni í gegnum sterana, innhellingarnar og stílana. Ég einfaldlega gat ekki meira,“ segir hún en í aðgerðinni voru gerð fimm göt á kviðinn til að losa ristilinn sem dreginn var út um endaþarmsopið sem síðan var lokað. Eftir 17 daga sjúkrahúslegu fór hún heim með stóma.

Þetta gekk mjög vel nema gatið á „bossanova“ eins og ég sagði alltaf, ætlaði aldrei að gróa. Ég var alltaf með rassinn út í loftið á sáramóttökunni og var farin að grínast með að þeim fyndist ég algjört rassgat,

segir hún hlæjandi og bætir við að það sé ekki annað hægt en að hafa húmor fyrir þessu. „Annars endar maður bara í þunglyndi. Mér líður líka svo vel að ég get ekki annað en brosað. Ég vil vera opin um þetta því með aukinni fræðslu minnka fordómar. Við erum bara hrædd við það sem við þekkjum ekki. Ég tala opinskátt um þetta við nemendur mína og segi oft í gríni að ef einhver reki við þá sé það pottþétt ekki ég,“ segir hún hlæjandi og bætir við: 

Ég var með kynningu fyrir nemendur mína í fyrravetur, sýndi þeim myndir og stómapokana. Þeim finnst þetta ekkert mál og fengu að líma á sig poka til að prófa. Þau eru svo opin og fara svo heim og ræða þetta við foreldra sína og þá er umræðan hafin og næst þegar þau fara í sund og sjá fólk með poka vita þau hvað þetta er. Það er kominn tími til að tala um stóma.

Minnimáttarkennd og spéhræðsla

Þrátt fyrir að vera opin um sína reynslu átti Særún lengi erfitt með að ræða um veikindin. 

Það var ekki auðvelt að vera ung kona með þennan sjúkdóm. Mér fannst þetta mjög skammarlegt og upplifði mig sem annars flokks. Ég var alltaf veik, rekandi við og gat ekkert borðað án þess að fá niðurgang en með auknum þroska hef ég lært að taka lífinu ekki of hátíðlega. Það er ekki hægt að vera spéhræddur eftir að hafa þurft að vera ítrekað með rassinn út í loftið fyrir framan hóp af læknum og sjúkrahússtarfsfólki. Þessi reynsla hafði mjög mikil áhrif á sjálfsmynd mína sem varð mjög skökk og það er ekki fyrr en núna sem hún er að lagast,

segir Særún og bætir við að ein besta ákvörðun hennar í lífinu hafi verið sú að fara aftur í skóla. „Ég hafði mikla minnimáttarkennd yfir því að hafa hætt í skóla eftir grunnskóla og upplifði mig svo heimska. Það var ekki fyrr en vinkona mín hringdi í mig og sagðist hafa skráð mig í Verkmenntaskólann að ég dreif mig af stað og ég er svo ánægð,“ segir Særún sem síðan útskrifaðist með meistaragráðu í kennslufræðum 48 ára.

Annað tækifæri

Hún segist hafa endurheimt lífsgæðin eftir ristilbrottnámið. 

Þegar heilsa manns hefur verið svona slæm eru viðbrigði að geta allt í einu tekið þátt í því sem aðrir taka sem sjálfsögðum hlut. Ég hef fengið annað tækifæri. Í ótrúlega mörg ár gat ég ekki verið með í mörgu nema vera fullviss um að ég gæti komist á klósett í tæka tíð. Undir lokin var ég orðin svo veik bæði andlega og líkamlega að ég var farin að loka mig af félagslega og var meira að segja hætt að vera með í matarklúbbnum mínum, sem ég elska. Mann langar ekkert að vera í kringum fólk þegar maður er stanslaust rekandi við, með niðurgang og finnst maður illa lyktandi. Vorið fyrir aðgerðina var ég til dæmis nánast hætt að borða í skólanum. Ég drakk bara vatn þar til krakkarnir voru farnir heim af ótta við að hreinlega missa í brækurnar. Það verður ekkert neyðarlegra en að gera á sig í miðri kennslustund fyrir framan heilan bekk. Ég hef samt nokkrum sinnum lent í því að missa í brækurnar en sem betur fer vissi aldrei neinn um það, held ég allavega.


Særún segist hafa verið heppin en henni finnst ekkert mál að vera með stóma. Mynd: Guðrún Þórs

Sár og reið

Eftir aðgerðina var Særúnu ráðlagt að taka sér frí frá vinnu til að byggja sig upp. „Ég hafði ætlað í vinnu þremur mánuðum eftir aðgerð og upplifði mig því sem algjöran aumingja fyrir vikið. Ég var alin þannig upp að maður mætti í vinnu og vann verkin sama hvað raulaði og tautaði. Þess vegna fór ég helst ekki út úr húsi fyrr en að loknum eðlilegum vinnudegi svo ég myndi örugglega ekki hitta neinn sem myndi spyrja mig af hverju ég væri ekki í vinnu. Ég sé samt ekki eftir því í dag að hafa tekið þennan tíma til að ná mér, ég væri örugglega ekki á þeim stað sem ég er á í dag ef ég hefði pínt mig áfram í vinnu,“ segir hún og viðurkennir að hafa velt fyrir sér hvernig lífið hefði verið ef hún hefði fengið stóma fyrr. 

Eftir aðgerðina varð ég reið yfir því hvað þetta tók langan tíma. Af hverju þurfti ég að berjast svona lengi? Líklega bar ég mig ekki nógu illa,

segir hún en bætir við að hún hafi ekkert út á læknana að setja. 

Ég var reið og sár en fann fljótt að það var ekki að gera neitt fyrir mig nema taka frá mér orku. Þess vegna ákvað ég að hætta að horfa til baka. Þetta er búið og gert og nú hef ég fengið nýtt líf og er ákveðin í að njóta þess í stað þess að velta mér upp úr fortíðinni. Mér líður svo vel í dag. Ég er algjörlega glaðasti hundur í heimi,

segir Særún sem er í félagsskap kvenna á Akureyri sem kallar sig Gorgeous Bag Ladies. „Þetta er flottur hópur kvenna með stóma sem hittist og ræðir um allt milli himins og jarðar. Ég hef verið einstaklega heppin en viðurkenni að mér fannst dálítið erfitt að venjast því að sjá mig með stóma. Það tók mig smá tíma að venjast spegilmyndinni. Maður lítur öðruvísi út með poka dinglandi framan á sér. Hins vegar, af því að mér líður svo vel, hætti ég að spá í það.“

Kynnast upp á nýtt

Hún segir stuðning fjölskyldu og vina í gegnum veikindin hafa verið ómetanlegan. 

Ég væri eflaust ekki á þessum góða stað ef ég hefði ekki fengið aðstoð en fyrir utan vini og fjölskyldu leitaði ég til Virk þar sem ég fékk endurhæfingu til að komast af stað aftur eftir aðgerð. Það hafa allir staðið 100 prósent við bakið á mér og sonur minn, sem er 19 ára og ólst upp með veikri móður, er loks að kynnast mér sem heilbrigðri. Það er ótrúlega dýrmætt. Okkar samband er einstakt en það er ekki auðvelt að eiga langveikt foreldri. Oft dvaldi ég á sjúkrahúsi og oft var ég í klikkuðu skapi vegna steranna og tók það gjarnan út á honum. Í dag er hann svo glaður yfir því hvað mér líður vel og að ég sé alltaf að gera eitthvað skemmtilegt.

Ganga götur bæjarins

Særún hefur verið dugleg að lifa lífinu síðustu mánuðina. „Ég er búin að gera svo mikið og margt sem ég hefði aldrei trúað að ég ætti eftir að gera. Í fyrrasumar fór ég 10 kílómetra í Reykjavíkurmaraþoninu en ég byrjaði á núlli, setti app í símann minn og fór út að hlaupa. Í ár plataði eldri systir mín, sem er mikill hlaupari, mig í að taka hálft maraþon í Reykjavíkurmaraþoninu. Það var rosalegur áfangasigur. Hún hvatti mig áfram alla leið, skoppaði þetta við hliðina á mér og fór létt með það. Eins fór ég í fjallgöngu í austurrísku Ölpunum með matarklúbbnum mínum sem var frábær ferð og að sama skapi erum við pabbi að ganga allar götur bæjarins,“ segir hún og útskýrir að þau feðginin séu búin með Naustahverfið, innbæinn og langt komin með Brekkuna. 

Við ætlum að klára þetta í vetur. Mig langaði að eiga fleiri stundir með pabba og því ákváðum við að eiga saman sunnudagsmorgna. Fyrst gengum við ómarkvisst um bæinn, upp í Gamla og í Kjarna, en svo mundi ég eftir gönguklúbbi í Oddeyrarskóla sem hafði gengið allar götur bæjarins og stakk upp á því við pabba sem fannst þetta frábær hugmynd. Núna prenta ég út göturnar og merki við þær sem við klárum. Við njótum þessa tíma saman og erum í raun að kynnast upp á nýtt. Hann er svo fróður um bæinn eins og hann var og segir sögur sem er skemmtilegt fyrir mig sem kennara. Þetta er okkar gæðatími og afar dýrmætur.

Sund og stefnumót

Hún segist hafa fundið sína hillu í kennslunni. „Mér finnst æðislegt að kenna og ég elska þessa krakka. Vissulega er þetta starf krefjandi og mikil áskorun á hverjum degi en mitt líf er að vera með þessum krökkum. Þau eiga í manni hvert bein frá fyrsta degi. Ég hefði viljað eignast mörg börn en einhvern veginn varð ekkert úr því, kannski vegna þess að mér fannst ég aldrei nógu góð, var alltaf veik. Ég hafði heldur ekki áhuga á að vera í sambandi. Kannski stofna ég bara einhvern tímann barnaheimili í Afríku. Ég hef lengi gengið með þann draum í maganum,“ segir hún brosandi.
En hvaða aðra drauma á hún eftir að láta rætast? 

Systir mín stakk upp á að við færum í New York-maraþonið á næsta ári en við sjáum nú til með það. Ég þarf að fara meira í sund, halda áfram að hreyfa mig og jafnvel fara á stefnumót. Nú er seinni hálfleikur hafinn í mínu lífi og ég hef fengið nýtt tækifæri. Ég ætla að njóta í botn.




19.nóv. 2017 - 22:00 Vestfirðir

Vöxtur þrosks síðustu eitt þúsund ár

Guðbjörg við skráningu á sjávarminjum. Nýlega birti starfsfólk Rannsóknaseturs Háskóla Íslands á Vestfjörðum, Guðbjörg Ásta Ólafsdóttir og Ragnar Edvardsson, í samstarfi við Hafrannsóknastofnun Ísland, vísindagrein þar sem vöxtur þorsks við Íslands er kannaður 1000 ár aftur í tímann.
19.nóv. 2017 - 20:00

Smári byrjaði að drekka 12 ára: „Hvert einasta kvöld drakk ég þar til ég dó áfengisdauða“

Smári Guðmundsson er 38 ára tónlistar- og fjöllistamaður. Hann er í hljómsveitinni Klassart og var að skrifa sinn fyrsta söngleik, „Mystery Boy“. Smári er einnig alkóhólisti. Í einlægu viðtali ræðir Smári um alkóhólismann sem náði snemma tökum á lífi hans, baráttuna við þunglyndi og kvíða og ferlið sem leiddi til þess að hann varð edrú.

19.nóv. 2017 - 19:00 Akureyri vikublað

„Alveg ofboðslega skemmtilegt“

Karlakór Bólstaðarhlíðarhrepps Kórinn er einn af elstu kórum landsins. Karlakór Bólstaðarhlíðarhrepps stóð uppi sem sigurvegari í sjónvarpsþættinum Kórar Íslands.
„Við komum vonandi fljótlega niður á jörðina aftur,“ segir Höskuldur Birkir Erlingsson, formaður Karlakórs Bólstaðarhlíðarhrepps, en kórinn sigraði í sjónvarpsþættinum Kórar Íslands.
19.nóv. 2017 - 18:30 DV

Dyravörður segir lögreglu ekkert hafa viljað gera fyrir ósjálfbjarga stúlku sem virðist hafa verið byrlað lyf

Maður sem starfað hefur verið dyravörslu í sex ár lýsir samskiptum sínum við unga stúlku á föstudagsnótt sem var ósjálfbjarga að virtist vegna lyfjabyrlunar. Segir maðurinn viðbrögð lögreglu í málinu hafa einkennst af skilningsleysi og yfirlæti og stúlkan hafi verið skilin eftir bjargarlaus.
19.nóv. 2017 - 16:29 DV

Slapp með skrámur þegar vörubílspall fór í gegnum framrúðu strætisvagns: „Lífið er dýrmætt“

Meðfylgjandi ljósmynd tók Ægir Gunnarsson af árekstri vörubíls og strætisvagns á Reykjanesbraut sem átti sér stað í hádeginu. Bílstjóri strætisvagnsins og tveir farþegar voru fluttir á slysadeild til skoðunar. Enginn slasaðist þó alvarlega í árekstrinum en ljóst er að litlu munaði að verr færi.
19.nóv. 2017 - 11:00

Sjúkrahúsið getur reynst dauðagildra

Úr stjórnstöðinni er andardrætti og púls dúkkanna m.a. stjórnað. Jafnframt sér skjávarpi um að skapa sem raunverulegastan slysstað á veggnum að baki þáttakendunum. Sjúkrahúsið getur reynst dauðagildra. Í Þýskalandi einu saman er talið að allt að 17.000 manns láti líf sitt ár hvert vegna mistaka hjá björgunarliði, læknum og hjúkrunarfólki. Lifandi vísindi hafa heimsótt þróaða miðstöð í München þar sem starfslið sjúkrahúss æfir skyndihjálp á hátæknivæddum sjúklingadúkkum sem tölvur gera sérlega erfiðar að meðhöndla.
19.nóv. 2017 - 10:00 Vestfirðir

Miltisbruni er bráðdrepandi smitsjúkdómur

Miltisbruni er bráðdrepandi smitsjúkdómur fyrir fólk og skepnur með heitu blóði einkum grasbíti.  Hættast er hrossum, nautgripum, sauðfé og geitum en einnig geta hundar, kettir, loðdýr og svín veikst af miltisbrandi. 
19.nóv. 2017 - 09:00 Bleikt

Björn Lúkas með silfur á heimsmeistaramóti í MMA

MMA kappinn Björn Lúkas Haraldsson endaði með silfur á Heimsmeistaramóti áhugamanna í MMA, en hann keppti til úrslita núna fyrir stuttu í millivigt. Úrslitabardaginn var á móti svíanum Khaled Laallam. Björn Lúkas er búinn að klára fimm bardaga á sex dögum, fjóra bardagana sem hann vann vann hann í 1. lotu. 
19.nóv. 2017 - 07:53

Par keyrði á ljósastaur og flúði af vettvangi

Klukkan 03:44 var ofurölvi kona handtekin við Laugaveg. Þar sem ekki var hægt að koma konunni heim er hún vistuð í fangageymslu lögreglu á meðan ástand hennar lagast. Fimm bifreiðar voru stöðvaðar í nótt þar sem ökumenn voru grunaðir um ölvun við akstur eða akstur undir áhrifum fíkniefna.
18.nóv. 2017 - 17:00 Vestfirðir

Íbúðaverð á höfuðborgarsvæðinu rúmlega fjórfalt hærra

Íslandsbanki gaf á dögunum út greiningu á íslenska íbúðamarkaðnum. Þar kemur fram að á Vestfjörðum séu 2,5% af íbúðum landsmanna en aðeins 2% íbúanna. Það þýðir að færri búa að jafnaði í hverri íbúð á Vestfjörðum en gerist á höfuðborgarsvæðinu.
18.nóv. 2017 - 15:00 Reykjanes

Sigríður Mogensen ráðin sviðsstjóri hugverkasviðs SI

Sigríður Mogensen Sigríður Mogensen hefur verið ráðin sviðsstjóri hugverkasviðs Samtaka iðnaðarins. Hún hefur störf á næstu mánuðum. Sigríður hefur frá árinu 2015 starfað við áhættustýringu hjá Deutsche Bank í London. Fyrir þann tíma starfaði hún sem hagfræðingur hjá Samtökum atvinnulífsins og hagfræðingur á skrifstofu sérstaks saksóknara. 
18.nóv. 2017 - 12:00 Akureyri vikublað

Kristín finnur ánægju í því einfalda

Kristín Aðalsteinsdóttir prófessor hefur notið lífsins til hins ítrasta síðan hún hætti að vinna fyrirþremur árum. Í einlægu viðtali segir Kristín frá æskunni, skilnaði foreldra sinna sem höfðu mikil tilfinningaleg áhrif á hana fram á fullorðinsaldur, flóknu sambandi hennar við móður sína, ástina sem hún fann í Innbænum, náminu, Kvennaframboðinu 1982 og þeim árásum sem konur í framboðinu máttu þola, stöðu kvenna í stjórnmálum í dag og Innbænum sem hún ann og hefur nú skrifað bók um.
18.nóv. 2017 - 11:00 Reykjanes

Mistur spennusaga eftir Ragnar Jónsson

Stórhríð geisar uppi á heiðum á Austurlandi fyrir jólin 1987 þar sem hjón búa á einangruðum bóndabæ. Ókunnugur maður ber óvænt að dyrum á Þorláksmessu og segist hafa villst í fárviðrinu. Konan á erfitt með að trúa frásögn mannsins og eftir því sem hátíðin nálgast verður andrúmsloftið á þessum afskekkta bæ meira þrúgandi, símasamband rofnar, rafmagnið fer og ekki munu allir lifa heimsóknina af.
18.nóv. 2017 - 10:00

Einn á sjúkrahús eftir ammoníaksleka

Einn var fluttur undir læknishendur í vikunni eftir að ammoníaksleki hafði orðið í vinnslusal frystihúss í Grindavík. Ástæða hans var sú að ammoníaksrör í frystisamstæðu í vinnslusalnum rofnaði.  Starfsmaður hafði sett lítið plastskurðarbretti upp við hlið samstæðunnar sem olli því að rörið fór í sundur.
18.nóv. 2017 - 09:27

Íslenskur maður í lífshættu vegna leka fíkniefnapakkningar

Íslenskur karlmaður var nýverið hætt kominn þegar pakkning með fíkniefnum sem hann hafði komið fyrir innvortis fór að leka. Maðurinn var fluttur með hraði á Landspítala þar sem gerð var á honum aðgerð sem án vafa hefur bjargað lífi hans.
18.nóv. 2017 - 08:52

Ökumaður í vímu ók á rútu

Ökumaður fólksbifreiðar og farþegi í henni sluppu með skrekkinn þegar henni var ekið inn í framanverða hliðina á rútu á Reykjanesbraut í vikunni. Ökumaðurinn hugðist aka fram úr rútunni en ók þess í stað á hana. 
18.nóv. 2017 - 07:59

Handtekinn vegna innbrots

Sjö aðilar voru handteknir fyrir akstur undir áhrifum áfengis eða fíkniefna í höfuðborginni í nótt. Fjórir aðilar voru handteknir í höfuðborginni vegna ölvunarástands og gista fangageymslur lögreglu. Maður var handtekinn vegna innbrots og þjófnaðar. Hann gistir fangageymslu lögreglu
17.nóv. 2017 - 20:00

Varúð: 20 verstu jólagjafirnar

Nú er aðeins rúmur mánuður til jóla og eru margir eflaust farnir að leiða hugann að jólagjöfum fyrir vini og vandamenn. Ef þú ert ekki búinn að kaupa gjafirnar þá eru hér nokkur dæmi um það sem ber að varast við jólagjafainnkaupin. Það er betra að lesa listann yfir því ekki viltu gefa gjöfina sem gæti eyðilagt jólin.
17.nóv. 2017 - 17:00 Eyjan

Sigmundur baunar á stjórnarmyndunarflokkana

Sigmundur Davíð Gunnlaugsson. Mynd/Sigtryggur Ari Sigmundur Davíð Gunnlaugsson, formaður Miðflokksins, ritaði pistil á heimasíðu flokksins í dag. Þar segir hann meðal annars að Vinstri grænir séu að veita Sjálfstæðis-flokknum „uppreist æru“ og vitnar þar í málið sem varð til þess að Björt framtíð sleit stjórnarsamstarfinu við Sjálfstæðisflokkinn og Viðreisn.
17.nóv. 2017 - 13:30 DV

Leo 18 mánaða vísað úr landi ásamt foreldrum sínum: „Fæddur á flótta og á hvergi heima og má hvergi vera“

„Halló Ísland! Ég heiti Leo. Ég er eins og hálfs árs. Ég er algjört krútt, orkubolti og gleðigjafi. Ég er flóttabarn. Ég er fæddur á flótta og á hvergi heima og ég má hvergi vera.“ Þannig hefst facebookfærsla Semu Erlu Serdar þar sem hún leggur orð í munn Leo,18 mánaða drengs sem er ríkisfangslaus og mun senn vera vísað úr landi ásamt foreldrum sínum sem eru hælisleitendur frá Kúrdan.
17.nóv. 2017 - 12:10 Aníta Estíva Harðardóttir

Söngkonan Karítas Harpa rakaði af sér augabrúnirnar fyrir góðgerðarmál

Sólborg Guðbrandsdóttir og Karítas Harpa/Mynd: Aníta Estíva Það var spenningur í loftinu á skemmtistaðnum Húrra í gærkvöldi þegar söfnunartónleikar fyrir börn Róhingja stóðu yfir. Eftirvæntingin var mikil þar sem söngkonan Karítas Harpa lofaði því að raka af sér augabrúnirnar ef söfnunin næði tveimur milljónum.
17.nóv. 2017 - 09:30 Eyjan

Nóbelsverðlaunahafi segir Donald Trump vera fasista

Bandaríski hagfræðingurinn og nóbelsverðlaunahafinn Joseph Stiglitz, sem starfaði sem ráðgjafi Bill Clinton í forsetatíð hans, segir að Donald Trump Bandaríkjaforseti, sé fasisti.  Í nýrri bók rekur hann áhyggjur sínar af þeim vaxandi ójöfnuði sem ríkt hefur vestra undanfarin ár og reiðinni fylgdi í kjölfarið.

16.nóv. 2017 - 20:00

Úrsúla sýnir Sigurbjörgu stuðning: „Gamla konan grét mikið og var óhuggandi“ – Dó stuttu síðar

„Seinna þegar ég var komin í annað húsnæði vildi ég heimsækja hana en þá var mér tjáð að hún hefði skyndilega látist skömmu áður.“ Þetta segir Úrsúla Jünemann, kennari á eftirlaunum og leiðsögumaður, í aðsendri grein í Fréttablaðinu í dag.

16.nóv. 2017 - 18:00 DV

ÍNN lokar: Útsendingum hætt í kvöld

Stjórnendur ÍNN hafa ákveðið að leggja stöðina niður og verður útsendingu hætt í kvöld. ÍNN hefur notið talsverðra vinsælda. 
16.nóv. 2017 - 14:30 DV

Þessi mynd hefur valdið heilabrotum og komið samsæriskenningum af stað

Málverk eftir Ferdinand Georg Waldmüller hefur undanfarið verið töluvert í umræðunni í netheimum og margir hinna svokölluðu samsæriskenningasmiða hafa haft sérstaklega mikinn áhuga á málverkinu. Það heitir ´Die Erwartetet‘ og gleður dagsdaglega gesti Neue Pinakothek í München í Þýskalandi.
16.nóv. 2017 - 13:18 Aníta Estíva Harðardóttir

Alvarlegt kerfishrun hýsingarfyrirtækisins 1984 gæti haft í för með sér mikið tap á efni: „Þetta eru hundruðir klukkustunda sem hafa farið í að skrifa og mynda færslur“

Mynd/Getty Íslenska hýsingarfyrirtækið 1984 varð fyrir alvarlegu kerfishruni í gær en fyrirtækið hýsir heimasíður fjölmargra fyrirtækja og félaga hérlendis. Fyrirtækið hefur sent frá sér tölvupóst og látið vita að reynt verði að bjarga eins miklum gögnum og hægt sé.
16.nóv. 2017 - 09:27 Eyjan

Samhljóða Steingrímur og Óli Björn í leiðaraopnu Moggans

Er ný ríkisstjórn að fæðast – jú, margt bendir til þess. Og nú má greina samhjóm með Vinstri grænum og Sjálfstæðisflokknum. Til dæmis á leiðaraopnu Morgunblaðsins í dag. Þar eru tvær greinar sem eru mjög keimlíkar. Önnur er eftir Steingrím J. Sigfússon, fyrrverandi formann VG, hin er eftir Óla Björn Kárason, þingmann Sjálfstæðisflokksins. Hingað til hafa þeir ekki átt sérstaka samleið í pólitík.
15.nóv. 2017 - 18:06 Eyjan

Sendiráði Íslands í Mósambík lokað – Þróunarsamvinna breytist

Þróunarsamvinna Íslands við Mósambík mun taka breytingum um næstu áramót þegar Mósambík breytist úr tvíhliða samstarfslandi í áhersluland, en önnur áherslulönd Íslands eru Palestína og Afganistan. Sendiráði Íslands í Mapútó verður lokað en þó er ekki gert ráð fyrir umfangsmiklum samdrætti í heildarframlögum til verkefna í landinu.
15.nóv. 2017 - 15:00 Aníta Estíva Harðardóttir

Viðburður - Afakstur: Söfnun til styrktar börnum Róhingja

Erna Kristín og Sara Mansour, tóku á dögunum yfir neyðarsöfnun UNICEF fyrir börn Róhingja og fengu til liðs við sig áhrifavalda á samfélagsmiðlum. Fimmtudaginn 16. nóvember vilja aðstandendur söfnunarinnar bjóða öllum sem hafa styrkt verkefnið til þess að koma og fagna með þeim.
15.nóv. 2017 - 13:30 dv

Þórdís Elva í áfalli: Konum nauðgað af dómurum sem dæma í nauðgunarmálum - „Bilun, gott fólk“

Mynd: Þormar Vignir Gunnarsson Mikil vakning hefur orðið í Svíþjóð undanfarið í kjölfar #metoo. Hefur fjöldi fólks þar mótmælt kynbundnu ofbeldi í mörgum stéttum þjóðfélagsins. Konur í leikarastétt hafa stigið fram og sagt frá áreiti og kynferðisofbeldi. Hefur Ása Regnér ráðherra jafnréttismála sagt að taka þurfi á þessum málum af festu.
15.nóv. 2017 - 12:00 Aníta Estíva Harðardóttir

Þórunn sakar yfirmann um ofbeldi: „Þú varst byrjaður að kyssa mig og fara inn á mig og kominn undir sæng til mín“

„Hæ xxx, mig langar bara að þakka þér fyrir eitrið sem fylgir gjörðum þinum enn þann dag í dag. Mannstu þegar ég var blekadrukkin og fór að sofa, ein, inni í mínu herbergi, í mínum bústað þegar óveðrið skall á í tökunum á XXX þegar þú varst yfirmaður minn? Nei? Okey ég skal hjálpa þér.“
15.nóv. 2017 - 10:30

Svona ferð þú að því að hætta með makanum á mettíma!

Fær stórfjölskyldan og vinirnir meiri góðvild, athygli og tíma frá þér en makinn? Birtist áður í DV.
15.nóv. 2017 - 09:30 Eyjan

Jón Steinar um hegðun sína við hæstaréttardómara: „Það var vondur hugur í mér“

Eins og fram hefur komið í fréttum hefur hæstaréttarlögmaðurinn Benedikt Bogason stefnt fyrrverandi hæstaréttarlögmanninum Jóni Steinari Gunnlaugssyni, fyrir meiðyrði í nýútkominni bók Jóns Steinars. Í bókinni sakar Jón Steinar Hæstarétt um að hafa gerst sekan um dómsmorð er hann dæmdi Baldur Guðlaugsson fyrir innherjasvik og brot í opinberu starfi árið 2012. 
14.nóv. 2017 - 20:00 dv

Óttaslegnir íbúar: Ragnheiður keyrði næstum út af eftir snjókast - „Ég var dauðhrædd með tárin í augunum“

Ragnheiður Rún Daðadóttir var mjög óttaslegin þegar ungir strákar köstuðu snjó í framrúðu hennar sem gerði það að verkum að hún keyrði næstum út af veginum. „Ég var dauðhrædd með tárin í augunum,“ segir Ragnheiður um atvikið.
14.nóv. 2017 - 13:30 Aníta Estíva Harðardóttir

Sölvi Tryggvason: „Stundum þakkar maður innilega fyrir að hafa fæðst á Íslandi“

Sölvi Tryggvason hefur verið búsettur í Los Angeles í rúmlega mánuð þar sem hann eyðir tíma sínum í handrita- og bókaskrif. Í gær skrifaði Sölvi færslu á Facebook þar sem hann fer yfir aðstæður heimilislausra og þakkar fyrir að hafa fæðst á Íslandi.
14.nóv. 2017 - 13:00 Kynning

The Saga Bites: Fiskisnakk fyrir fólk á ferðinni

The Saga Bites sækir innblástur í sögur víkinga á Íslandi. The Saga Bites er ný vara sem kom á markað ekki alls fyrir löngu. Um er að ræða íslenskan þorsk sem hefur verið þurrkaður í einum háþróaðasta þurrkunarklefa á Íslandi, sem gerir það að verkum að bitarnir verða bæði stökkir og bragðgóðir – og minna um leið á eitthvað sem kalla mætti fiskisnakk.
14.nóv. 2017 - 12:30 Sælkerapressan

Pylsuhorn sem gera allt betra

Mynd/Blaka.is Ég er svo heppin að vera í fjölskyldu með konu, nánar tiltekið konu frænda míns, sem bakar heimsins bestu pylsuhorn. Þessi pylsuhorn fæ ég einu sinni á ári og hlakka alltaf til stundarinnar sem ég get hámað þau í mig.
14.nóv. 2017 - 11:30 DV

Brynjar hættur á Facebook af heilsufarsástæðum: „Ég mun örugglega sakna ykkar“

Brynjar Níelsson þingmaður Sjálfstæðisflokksins hefur af heilsufarsástæðum tekið þá ákvörðun að hætta á Facebook. Þetta tilkynnti hann á samskiptamiðlinum nú rétt í þessu. Brynjar hefur farið mikinn á Facebook frá árinu 2012 og oft verið fjörugar umræður á Facebook-síðu hans. En nú hefur Brynjar tekið ákvörðun og ætlar að segja skilið við samskiptamiðilinn.
14.nóv. 2017 - 09:17 Eyjan

Ung vinstri græn treysta ekki Katrínu – Fordæma fyrirhugaðar stjórnarmyndunarviðræður

Ungliðahreyfing Vinstri grænna sendu frá sér ályktun í gærkvöldi þar sem stjórnarmyndunarviðræður þingflokks VG við Sjálfstæðisflokkinn voru fordæmdar. Þar segir að Ung vinstri græn muni „ávallt fordæma gjörðir sem eru þvert á stefnu Vinstri grænna og í andstöðu við grasrótina,“ og að UVG séu eindregið á móti fyrirhuguðum viðræðum.
13.nóv. 2017 - 20:30 Doktor.is

Hvers vegna skerðist heyrnin?

Athuganir sýna að yfir 10% jarðarbúa eru með skerta heyrn sem staðfestir að mjög margir heyra ekki vel. Flestir telja að heyrnarskerðing tengist aldri þannig að heyrnartæki þurfi aðeins þeir sem komnir eru á efri ár. Það er ekki alveg rétt því 20-40% þeirra sem eru á aldrinum 40 til 60 ára hafa skerta heyrn að einhverju marki.
13.nóv. 2017 - 19:30 Austurland

Sameining Breiðdalshrepps við Fjarðabyggð í farvegi

Bæjarstjórn Fjarðabyggðar hefur samþykkt tillögu Breiðdalshrepps um að kannaðir verði möguleikar á sameiningu sveitarfélaganna tveggja. Um síðustu áramót bjuggu tæplega 4700 manns í Fjarðabyggð en rúmlega 180 í Breiðdalshreppi.
13.nóv. 2017 - 14:00 Eyjan

Reykjavík ein mesta bílaborg Evrópu samkvæmt skýrslu Evrópusambandsins

Samkvæmt skýrslu Hagstofu Evrópusambandsins, hvar bornir eru saman samgöngumátar borga í Evrópu, fara 83% reykvíkinga á bíl í vinnuna. Er það næst hæsta hlutfall allra Evrópuborga, en Nikósía, höfuðborg Kýpur er í efsta sæti.
13.nóv. 2017 - 12:30 Aníta Estíva Harðardóttir

Réttarkerfið brást Sögu: „Hann nauðgaði mér og mér fannst eins og partur innra með mér hafi dáið“

Saga Dröfn Haraldsdóttir fór niður í bæ að skemmta sér með vinum sínum þann 17 júní árið 2013 þegar hún var einungis fimmtán ára gömul. Kvöldið endaði hins vegar hörmulega fyrir þessa ungu stelpu og átti lífið ekki eftir að verða henni auðvelt í kjölfarið.
13.nóv. 2017 - 11:00 Akureyri vikublað

Sigraði í Texas

Akureyringurinn og tónlistarmaðurinn Rúnar Eff var valinn Söngvari ársins á tónlistarhátíð í Bandaríkjunum. Rúnar var valinn besti söngvarinn og hljómsveitin besta bandið en sveitina skipa Valgarður Óli Ómarsson, Hallgrímur Jónas Ómarsson, Reynir Snær Magnússon og Stefán Gunnarsson.
13.nóv. 2017 - 09:10 Eyjan

Vinstri grænir vænta niðurstöðu í dag

Þingflokkur Vinstri hreyfingarinnar græns framboðs mun halda áfram að funda klukkan 13 í dag, um  hvort farið verði í formlegar stjórnarmyndunarviðræður við Sjálfstæðisflokkinn og Framsókn. Ekki náðist niðurstaða hjá þingflokknum í gær, þar sem nokkurrar andstöðu gegnir innan þingflokksins og hjá baklandinu, um að fara í samstarf með Sjálfstæðisflokknum.
12.nóv. 2017 - 22:00

Fjögur ár uppá dag

Þann 11. nóvember 2013 hófst vinna við gröft Norðfjarðargangna og er það skemmtileg tilviljun að nákvæmlega fjórum árum seinna séu þau opnuð og vígð. Göngin eru 7566 m á lengd og tók 93 vikur að grafa þau, en frágangur á þeim hefur staðið yfir frá því um haustið 2015. Það þykir kannski ótrúlegt að þegar það tekur tæp tvö ár að grafa þá taki það álíka tíma að raungera hina eiginlegu vegaframkvæmd innaní gatinu sem borað hefur verið í fjallið. Kannski er það ekki svo langur tími ef maður miðar við að umræða, barátta fyrir og undirbúningur verkefnis eins og þessa hefur tekið a.m.k. þrjá áratugi.

12.nóv. 2017 - 19:00 Ritstjórn

Helgi Hrafn skýtur fast á Brynjar Níelsson: „Áður en þú byrjar að kasta grjóti næst skaltu íhuga aðeins hvar þú stendur“

Helgi Hrafn Gunnarsson, þingmaður Pírata, skýtur föstum skotum á Brynjar Níelsson í athugasemd á Facebook-síðu þess síðarnefnda. 
12.nóv. 2017 - 17:52 Ritstjórn

Skilorð fyrir að skalla fyrrverandi kærustu og brjóta framtönn hennar: „Þú ert dauður vinur“

Karlmaður var í vikunni dæmdur í tveggja mánaða skilorðsbundið fangelsi í Héraðsdómi Austurlands fyrir líkamsárás gegn þáverandi kærustu sinni árið 2014. Hann var enn fremur dæmdur fyrir hótanir í garð annars karlmanns.
12.nóv. 2017 - 08:00 Akureyri vikublað

Yfirheyrslan: Helga Rut

Körfuboltakonan Helga Rut Hallgrímsdóttir spilar með Þórsurum þótt hún sé flutt frá Akureyri. Helga Rut er best í fráköstum en lélegust í vítaskotum.
11.nóv. 2017 - 15:00 Akureyri vikublað

Mikil sorg í Hrísey

Mynd: Sigtryggur Ari Fullt var út úr dyrum á bæna- og samverustund í kirkjunni í Hrísey á mánudagskvöldið í kjölfar banaslyssins á Árskógssandi á föstudaginn. Þrennt lét lífið, foreldrar og ungt barn þeirra, þegar bíll þeirra fór fram af bryggjunni og í höfnina. Þau látnu voru frá Póllandi en höfðu búið um árabil í Hrísey.

(1-) Gæludýr.is: Flutingar - nóv
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Hannes Hólmsteinn Gissurarson
Hannes Hólmsteinn Gissurarson - 07.11.2017
100 ár – 100 milljónir
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Fleiri pressupennar