18. maí 2017 - 20:00Akureyri vikublað

Matthías var geymdur í óskilamunum: „Þegar þú hefur verið laminn er ekkert svigrúm fyrir mistök“

Þótt Matthías Rögnvaldsson sé hamingjusamlega kvæntur fimm barna faðir, framkvæmdastjóri farsæls fyrirtækis og forseti bæjarstjórnar Akureyrar hefur líf hans ekki alltaf verið dans á rósum. Í einlægu viðtali ræðir Matthías um erfiðleikana í æsku, eineltið og niðurrifið sem mótuðu hann, ástina, fjölskylduna og heilsuna og allt þar á milli.

„Besta leiðin til að skína er að vinna með frábæru fólki. Þetta hljómar kannski eins og klisja en ástæða þess að fyrirtækinu hefur gengið vel er er sú hversu heppinn ég hef verið með samstarfsfólk. Ætli minn stærsti kostur sé ekki sá að mér tekst að kalla fram það besta í fólki – í flestum tilfellum allavega,“ segir Matthías Rögnvaldsson, framkvæmdastjóri Stefnu hugbúnaðarhúss og forseti bæjarstjórnar Akureyrar.


Sífellt að ögra sér Matthías segir drifkraftinn alltaf hafa verið þann að sanna sig fyrir sjálfum sér. Mynd: Guðrún Þórs.

Lesblindur með athyglisbrest

Matthías er Akureyringur í húð og hár. Fæddur árið 1971 og alinn upp á Brekkunni, nánast við hlið Barnaskólans, næstyngstur í hópi átta systkina. Hann er vel liðinn í bænum, hamingjusamlega kvæntur, með stóra fjölskyldu, rekur farsælt fyrirtæki og er áberandi í bæjarpólitíkinni. Þrátt fyrir það hefur líf hans ekki alltaf verið dans á rósum. Skólagangan gekk brösuglega en hann er lesblindur og með athyglisbrest sem hann hefur þó aldrei fengið staðfestingu á.

„Mér leið ekki vel í skólanum og var spurður öll árin hvort ég væri með njálg því ég gat aldrei verið kyrr. Ég átti erfitt með að læra og var yfirleitt annaðhvort í aukakennslu eða geymdur frammi hjá óskilamunum, þar sem ég átti að vera kyrr. Í fjórða bekk var ég færður niður um bekk, sem var hrikalega neyðarlegt. Ég hélt hreinlega að ég væri heimskur,“ segir Matthías sem varð fyrir heiftarlegu einelti fyrir vikið.

„Ég tilheyrði hvorki mínum árgangi né þeim næsta, var tekinn til hliðar eins og einhver aðskotahlutur. Maður var bara „þessi þroskahefti“ í huga margra. Þetta var ótrúlega skrítinn tími þegar maður hugsar til baka. Sumir kennararnir, alls ekki allir, voru virkilega vondir af því að maður var ekki eins og hinir. Sem betur fer held ég að þetta sé breytt og ekki sé lengur komið fram við þá sem eiga erfiðara með að læra eins og þeir séu greindarskertir.“

Tættur og ruglaður

Hann segir eineltið hafa verið hvort tveggja líkamlegt og andlegt. „Stundum beið hópur af krökkum eftir mér til að berja mig. Þá hafði ég kannski verið að derra mig eitthvað. Ég man líka eftir því þegar skólastjórinn lyfti mér upp á eyrunum og bar mig þannig af skólalóðinni og inn á skrifstofu. Það voru örugglega um 100 metrar,“ segir hann en neitar því að vera enn reiður yfir meðferðinni.

„Ég veit ekki við hvern ég ætti að vera reiður. Kannski út í þá staðreynd að hafa fæðst á þessum tíma. Fólk vissi ekki betur. Sjálfur var ég enginn engill og þyrfti örugglega að biðja einhverja fyrirgefningar á því hvernig ég lét. Maður var svo tættur og ruglaður og reyndi að vera kaldur karl. Löngu seinna hitti ég kennara sem fór að gráta þegar við ræddum þetta. Hún sagðist ekki hafa vitað hvað hefði verið í gangi og bað mig fyrirgefningar. Hún var ein af þeim sem var almennileg við mig og ég átti ekkert sökótt við hana. Það er í raun ekki við neinn að sakast. Það kunni enginn að eiga við þá sem gátu hvorki setið kyrrir né lesið Litlu gulu hænuna,“ segir Matthías sem vonar að tímarnir séu breyttir.

Sem betur fer hefur þetta breyst mikið. Í dag er reynt að vinna með alla á þeim stað sem þeir eru.


Ung og ástfangin Matthías og Erla í tilhugalífinu. Mynd úr einkasafni.

Met í lélegri mætingu

Hann segir úrræðaleysið hafa verið algert. „Samkvæmt skólayfirvöldum setti ég sögulegt met í lélegri mætingu. Ég hafði engan áhuga á að vera þarna en samt bjó ég við hliðina á skólanum. Ég eignaðist loksins góða vini í gagganum sem voru jafnaldrar mínir en samt ári á undan. Þegar þeir fóru í framhaldsskóla var ég enn í níunda bekk og skrópaði til að hanga með þeim.“ Hann segist ekki hafa treyst sér til að mæta á bekkjarmót síns árgangs fyrr en í fyrra.

„Þótt fólkið í kringum mig í dag þekki mig sem húmorista og hugmyndaríka gaurinn þá man fólkið á „reunion-inu“ eftir þessum ömurlega gæja sem var með því í skóla. Það var hrikalega erfitt að mæta en maður er alltaf að reyna að ögra sér.“

Alltaf í stjórnunarstöðum

Eftir grunnskóla ákvað Matthías að læra matartækni. „Ég átti auðvelt með rökhugsun, og stærðfræði, eðlisfræði og slíkt lá vel fyrir mér. Lestur og stafsetning var hins vegar mín martröð. Ég sé ekki mun á stöfum og les orð sem eru ekki á blaðinu. Þetta er ótrúlega furðulegt,“ segir Matthías sem stefndi á nám í matreiðslu í Reykjavík þegar örlögin gripu í taumana.

„Ég komst að því að nemar í matreiðslu fengu skítalaun og þar sem við konan áttum von á barni og borga þurfti húsaleigu og af bíl gekk dæmið ekki upp. Við fluttum því norður aftur og ég fór að vinna á sambýli þar sem ég varð síðar aðstoðardeildarstjóri. Einhverra hluta vegna virðist ég alltaf enda í stjórnunarstöðu.“

Fiktið varð að fyrirtæki

Hann segist hafa farið inn í tölvubransann fyrir tilviljun. „Ég lenti í því að tölvan mín virkaði ekki, en þar sem þjónustuaðilinn vildi meina að ekkert væri að hjá þeim eyddi ég fjórum dögum í að enduruppsetja hana með mismunandi stýrikerfum. Ég hafði aldrei gert neitt slíkt en lærði ýmislegt af því að gera þetta aftur og aftur. Að lokum komst ég að því að vandamálið var hjá þjónustuaðilanum en ekki mér og fór fyrir vikið að fikta enn meira og læra. Fljótlega varð þetta að aukastarfi; að setja upp tölvur fyrir einstaklinga og fyrirtæki.“

Eftir að hafa grúskað nógu mikið ákvað Matthías að söðla um og sækja um hjá tölvufyrirtæki. „Daginn sem atvinnuviðtalið fór fram var konan mín á fæðingardeildinni að eignast okkar fjórða barn. Eftir viðtalið sagðist ég þurfa að drífa mig því konan væri við það að fæða. Ég var spurður hvað ég væri eiginlega að gera þarna og svaraði að ég vildi þetta starf. Eftir helgina var ég ráðinn á þjónustuborðið en stuttu seinna var ég orðinn kerfisveitustjóri og svo þjónustustjóri og yfir öllu háskólamenntaða fólkinu,“ segir hann brosandi.


Minningarnar rífa í Matthías vill segja sína sögu bæði til að létta á sér og til þess að minna fólk á að það eigi ekki að dæma þá sem eru öðruvísi. Mynd: Guðrún Þórs.

Mikið hark

Árið 2003 stofnaði Matthías Stefnu hugbúnaðarhús. „Ég var fimm barna faðir og í flottu starfi en langaði að gera eitthvað skemmtilegra. Ég átti ekki bót fyrir boruna á mér og fyrstu árin var ekki alltaf til peningur til að borga reikninga. Ég hafði þá reglu að borga alltaf starfsfólkinu, svo skattana og svo fékk ég laun ef eitthvað var eftir. Þetta var mikið hark og maður þurfti að fá systkini sín og tengdaforeldra til að skrifa upp á ábyrgðir en í dag gengur vel og við erum með 25 manns í vinnu.“

Man bara IP-tölur

Eiginkona Matthíasar er Erla Jóhannesdóttir hjúkrunarfræðingur. Hann segir það hafa verið sér til happs að Erla hafi ekkert vitað um fortíð hans þegar þau kynntust.

„Erla er yndisleg kona og svo hrein og bein. Hún er minn besti vinur. Við náum ofsalega vel saman,“ segir hann en eftir 15 ára sambúð ákváðu þau að láta loksins pússa sig saman án þess að láta kóng eða prest vita.

„Þetta var á fimmtudegi, þann 05.05.05, klukkan fimm og við buðum börnunum fimm út að borða á Friðrik V,“ segir hann brosandi en þvertekur fyrir að talan 5 hafi haft einhverja merkingu fyrir þau fyrir brúðkaupsdaginn.

„Erla vildi bara að ég myndi þetta. Ég er ómögulegur með tölur. Það eina sem ég man eru IP-tölur,“ segir hann og hlær.

Aldrei verið þyngri

Matthías og Erla eiga miklu barnaláni að fagna og voru komin með fimm börn fyrir þrítugt. Það hefur því verið í nógu að snúast en auk þess að reka stóra fjölskyldu og standa í krefjandi fyrirtækjarekstri hellti Matthías sér á kaf út í bæjarpólitíkina þegar hann tók sæti oddvita L-listans í sveitarstjórnarkosningunum árið 2014. Hann viðurkennir að í öllu þessu annríki verði eitthvað að sitja á hakanum.

„Hjá mér er það heilsan. Ég byrjaði að þyngjast þegar ég byrjaði í tölvuvinnunni. Vinnudagarnir hafa verið langir og margir og oft gleymdi ég hreinlega að borða en fór svo heim og reif innréttinguna í mig. Ég hef aldrei verið svona þungur og verð að gera eitthvað í mínum málum og ég hef gert samning við son minn sem er crossfit-þjálfari. Hann ætlar að koma allri fjölskyldunni í form í sumar.“

Vanvitastimpill þungur baggi

Hann segir drauga fortíðar ennþá hafa sín áhrif. „Ég hef margoft þurft að sanna mig fyrir sjálfum mér. Svona vanvitastimpill er þungur baggi að bera en þessi reynsla hefur gert mig að þeim manni sem ég er í dag. Hvatinn hefur alltaf verið sá að sanna mig,“ segir hann og bætir við að hann hafi farið út í stjórnmál meðal annars til að ögra sjálfum sér en líka til að láta gott af sér leiða.

„Þá taldi ég reynslu mína og bakgrunn í fyrirtækjarekstri skipta máli og nýtast í pólitísku starfi. Aftur á móti hefur mér aldrei liðið vel að þurfa að koma fram fyrir framan fólk en fór á Dale Carnegie-námskeið og fannst ég þurfa að halda áfram að stíga út fyrir kassann. Ég ætlaði aldrei að taka sæti á framboðslista enda sannfærður um að það væri til miklu flottara og betra fólk en ég, sem væri bæði betur menntað og skynsamara, en eftir að þessi hugmynd kom upp ræddi ég það við konuna mína sem sagðist styðja mig 100 prósent. Það að átta eða níu bæjarfulltrúar ákváðu að gefa ekki kost á sér áfram hefði þó átt að segja manni eitthvað. Þetta er oft ansi vanþakklátt starf þó svo allir sem starfa í þágu bæjarins geri sitt besta við að leggja af mörkum til samfélagsins. Ég hef verið ánægður með margt af því sem unnið hefur verið að í bæjarstjórninni og framtíðin er björt ef menn hafa þor til að nýta þau fjölmörgu tækifæri sem bær eins og Akureyri hefur að bjóða. Hér er gott að búa og fjölbreytt mannlíf.“

Smitaðist af tölvuvírus

Hann segir vinnuna hafa haft áhrif á fjölskyldulífið. „Þegar ég var í vaktavinnu á sambýli var ég duglegur heima fyrir; eldaði og vaskaði upp og var alltaf að gera eitthvað. Að sögn Erlu fékk ég tölvuvírus árið 2000. Þá þurrkaðist út dugnaðurinn heima fyrir og ég sökkti mér í vinnu. Ég hafði ráðið mig í tölvufyrirtæki þar sem ég var manna minnst menntaður en var fljótt orðinn yfirmaður. Það þýddi að ég var „out“ í þrjú ár. Ég fór eldsnemma á morgnana og kom heim um miðnætti, stundum seinna, svaraði alltaf í símann, á jóladag, aðfangadag, í sturtunni og var einfaldlega á vakt allan sólarhringinn. Ég vildi læra allt sem ég kunni ekki. Þegar þú hefur verið laminn er ekkert svigrúm fyrir mistök. Þessi tími reyndi verulega á hjónabandið en sem betur fer komumst við í gegnum þetta og í dag erum við sterkari en nokkru sinni.“


Stór fjölskylda Matthías er fimm barna faðir. Hann segir fjölskylduna afar samheldna. Mynd úr einkasafni.

Samheldin fjölskylda

Þrátt fyrir annir gætir hann þess að njóta tíma með fólkinu sínu. „Við erum voðalega samheldin fjölskylda og sumum þykir kannski nóg um. Okkur finnst gaman að borða saman og þá er mikill hávaði og læti. Við erum svolítið ítölsk hvað það varðar. Börnin okkar fimm eru vel gerð, sterkir og sjálfstæðir einstaklingar sem hefur gengið vel í skóla en það er Erlu að þakka. Hún hefur verið þeirra stoð og stytta í gegnum námið. Þau voru hins vegar ung farin að leiðrétta pabba sinn í stafsetningunni.“

Prófleysið háir

Aðspurður segist hann hafa viljað mennta sig meira. „Þegar ég var loksins kominn með þroska til að læra var ég orðinn faðir með skuldbindingar. Þá var ekkert annað í boði en að ráða sig í vinnu. Ég hef öðlast gífurlega þekkingu og reynslu á mínum 20 árum í tölvubransanum en hvet alla til að fara í skóla. Prófleysið hefur háð mér, sérstaklega upp á egóið, en hins vegar má alls ekki stimpla alla ómenntaða sem vitleysinga.“

Hausinn á fleygiferð

Hann viðurkennir að hafa íhugað að athuga með lyf vegna athyglisbrestsins. „Maður veit bara ekkert hvernig maður verður af lyfjum. Ef ég þarf að einbeita mér að einhverju þarf ég að halda mér föstum á meðan ég les. Einu sinni þegar dóttir mín kom að mér sat ég við tölvuna að horfa á sjónvarpsþátt, spila tölvuleiki bæði í símanum og í tölvunni á meðan ég var að lesa grein og skrifa tölvupóst um eitthvað allt annað. Ég var að gera fimm hluti í einu og þegar dóttir mín spurði hvort mér liði vel einmitt þá játti ég því og sagði að nú væri logn. Hausinn á mér er alltaf á fleygiferð og þess vegna finnst mér erfitt að sitja á fundum. Það að fara út í stjórnmálin var stór áskorun fyrir mig.“

Klapp á bakið

Matthías, sem verður 46 ára í desember, segist loks vera nálægt því að finna sátt. „Mér finnst ég ekki lengur þurfa að sanna mig í einu og öllu. Þetta er allt að koma og ég neita að láta eitt erfitt tímabil ævi minnar stjórna restinni af lífinu. Því tímabili er lokið,“ segir hann en það er greinilegt að minningarnar rífa í.

„Maður heldur alltaf að maður sé hálfómögulegur og er stanslaust með samviskubit út af öllu. Það þekkja þetta örugglega fleiri. Ég er að vinna í því að gefa sjálfum mér smá breik, smá klapp á bakið og minna mig á að maður stendur sig bara ágætlega,“ segir hann og bætir aðspurður við að ástæðan fyrir því að hann ákveður að stíga fram með sína sögu sé sú að hann vill létta á sér.

Það er erfitt að rifja þetta upp en ég vil minna á að við eigum ekki að dæma fólk eða stimpla þótt það sé öðruvísi. Það þurfa ekki allir að vera eins.

Greinin birtist fyrst í Akureyri vikublað.




25.jún. 2017 - 08:15 Eyjan

Ekki pólitískt gerlegt að ganga í Evrópusambandið og taka upp evru

Benedikt Jóhannesson fjármálaráðherra segir að ef ekki væri fyrir Viðreisn væri enginn að skoða breytta peningastefnu. Enginn stjórnmálaflokkur tali nú gegn stöðugra gengi og hans flokkur sé eini flokkurinn sem hafi bent á aðra leið en að skipta um gjaldmiðil til að ná því.

24.jún. 2017 - 17:27 Ari Brynjólfsson

Hafþór Júlíus neitar að hafa barið barnsmóður sína - Thelma segist ítrekað hafa orðið fyrir ofbeldi

Leikarinn og aflraunamaðurinn Hafþór Júlíus Björnsson, best þekktur sem Fjallið, hafnar því að vera ofbeldismaður og neitar því alfarið að hafa beitt konu ofbeldi. Í viðtali í Fréttablaðinu í dag sagði Thelma Björk Steimann hönnuður og barnsmóðir Hafþórs að hann hefði ítrekað beitt sig ofbeldi á meðan sambandi þeirra stóð.

24.jún. 2017 - 09:30 Eyjan/Ari Brynjólfsson

„Engin dæmi um að ríkisstjórn sé komin niður í þriðjungs fylgi eftir hálft ár“

Í nýjustu skoðanakönnun MMR mælist ríkisstjórnin með 30,3% fylgi. Stjórnin var mynduð um miðjan janúar og hefur því nú starfað í rúmt hálft ár. Sjálfstæðisflokkur Bjarna Benediktssonar mælist sem fyrr stærsti flokkur landsins en ef kosið yrði í dag yrði mjög tvísýnt hvort Viðreisn Benedikts Jóhannessonar og Björt Framtíð Óttars Proppé næðu inn á þing.

24.jún. 2017 - 09:00 Smári Pálmarsson

Icelandair á lista yfir bestu flugfélög heims

World Travel Awards kynnti á dögunum árlegan lista sinn yfir hundrað bestu flugfélög í heimi og eiga Íslendingar sinn fulltrúa þar. Listinn er byggður á einkunnagjöf flugfarþega um allan heim en alls er lagt mat á 320 flugfélög. Turisti.is greinir frá þessu, en þar segir að World Travel Awards séu oft kölluð óskarsverðlaun flugþjónustunnar.
23.jún. 2017 - 21:00

Útgerðarmenn verði að koma fram við íslenska sjómenn af meiri auðmýkt og virðingu

,,Það er morgunljóst að við Íslendingar byggjum ekki við þau lífsgæði sem við teljum svo sjálfsögð í dag ef ekki nyti við íslensks sjávarútvegs með okkar frábæru sjómenn og fiskvinnslufólk í broddi fylkingar. Þessum staðreyndum megum við sem þjóð aldrei gleyma og því þarf að sýna þeim sem starfa við veiðar og vinnslu á sjávarafurðum fulla virðingu en því miður hefur mér fundist vanta upp á þá virðingu oft á tíðum,“ segir Vilhjálmur Birgisson. Útgerðarmenn verði að koma fram við íslenska sjómenn af meiri auðmýkt og virðingu
23.jún. 2017 - 20:00 Eyjan/Ari Brynjólfsson

Bónus og Krónan eru íslenskum neytendum mikilvægari en Costco

Í dag er einn mánuður liðinn frá opnun verslunar Costco í Kauptúni. Costco hefur vægast sagt fengið góð viðbrögð hjá íslenskum neytendum en nýleg könnun MMR leiddi í ljós að nærri helmingur landsmanna 18 og eldri væri búinn að fara í Costco. Síðasta sumar kom út skýrsla ráðgjafarfyrirtækisins Zenter sem sagði að Costco myndi hafa mikil áhrif á rekstur innflutningsfyrirtækja, fréttir um skýrsluna vöktu mikla athygli á sínum tíma sem varpar ljósi á hversu spenntir neytendur voru fyrir komu verslunarrisans hingað til lands.

23.jún. 2017 - 16:00

Ungt áhugafólk um sjávarútveg stofnar umræðuvettvang

UFSI, félag ungs áhugafólks um sjávarútveg, er umræðuvettvangur um sjávarútveg og sjávarútvegsmál á Íslandi og úti í heimi. ,,Við sem stöndum að stofnun félagsins teljum umræðuna um sjávarútvegsmál á Íslandi oft vera á villigötum og ekki til þess fallin að bæta ásýnd greinarinnar. UFSI mun hafa það að leiðarljósi að skapa málefnalega og óhlutdræga umræðu um greinina ásamt því að vekja áhuga meðal ungs fólks um sjávarútveg,“ segir Tryggvi Másson, einn félagsmanna UFSA.
23.jún. 2017 - 11:00 Smári Pálmarsson

Leikhópurinn Lotta svarar gagnrýni: „Boðskapurinn er skýr“

Leikhópurinn Lotta hefur sent frá sér svar vegna gagnrýni fjölmargra Íslendina á söngtexta sem fór í dreifingu á samfélagsmiðlum í gær. Pressan birti frétt um málið þar sem textann mátti lesa í heild og fagnar því að fá einnig að koma sjónarmiðum höfunda á framfæri. Anna Bergjót Thorarensen segir meðal annars í yfirlýsingu frá leikhópnum að textinn sé vissulega ádeila og sé sunginn af vondu stjúpsystrum Öskubusku og prinsinum hégómafulla.
23.jún. 2017 - 10:00 Eyjan/Ari Brynjólfsson

Benedikt sannfærður um stuðning almennings: „Þess vegna hef ég lýst yfir stríði á hendur skattsvikum“

Benedikt Jóhannesson fjármála- og efnahagsráðherra segist sannfærður um að almenningur styðji stríð hans gegn skattsvikurum. Meðal tillagna í skýrslu starfshóps ráðherra sem kynnt var í gær var að draga úr noktun peningaseðla og taka 10.000 króna og 5.000 króna seðla úr umferð, þar að auki verði sett hámarksupphæð á vörur og þjónustu sem má kaupa með reiðufé. Hugmyndirnar hafa verið harðlega gagnrýndar, einnig af stjórnarþingmönnum.
22.jún. 2017 - 22:00 Akureyri vikublað

„Ég get ekki meira“ - Tæplega sjötug amma á Akureyri biður um úrræði fyrir dóttursyni sína

Myndin tengist ekki efni fréttarinnar beint. „Ég get bara ekki meira,“ segir tæplega sjötug amma á Akureyri sem er orðin úrkula vonar um að dóttursynir hennar tveir fái viðeigandi aðstoð. Drengirnir eru lögráða en í neyslu og að sögn konunnar ófærir um að sjá um sig sjálfir. Þeir búi í íbúð á vegum Akureyrarbæjar en þurfi meiri aðstoð en sem nemur búsetuúrræði.
22.jún. 2017 - 21:00 Smári Pálmarsson

Mynd dagsins: Costco býður snýtubréf í karlmannsstærð

Það er lykilatriði í markaðssetningu að þekkja markhópinn og höfða til þeirra sem líklegir eru til þess að kaupa ákveðnar vörur eða þjónustu. Oft eru vörur markaðssettar sérstaklega handa körlum eða konum þrátt fyrir að þær séu almenns eðlis og öllum nytsamlegar.
22.jún. 2017 - 20:00 Þorvarður Pálsson

Halla gengur til heiðurs minningar Kristófers sem svipti sig lífi 18 ára gamall - „Ég vil minnast frænda míns á góðan og fallegan hátt“

Þann 19. júlí næstkomandi mun Halla Cramer ganga frá frá Álverinu í Straumsvík sem leið liggur í kirkjugarðinn í Innri Njarðvík. Dagurinn er henni mikilvægur en það er afmælisdagur Kristófers Arnar Árnasonar frænda hennar. Kristófer tók sitt eigið líf þann sama dag árið 2014, daginn sem hann varð 18 ára gamall. Gangan er til heiðurs minningar hans og mun hún safna áheitum til styrktar sjálfsvígsforvarnarsamtakanna Pieta Ísland. Pressan ræddi við Höllu um þetta framtak hennar og málefnið.
22.jún. 2017 - 19:00 Bleikt

Camilla Rut ætlar að hlaupa 10 km fyrir Barnaspítala Hringsins: „Var okkar annað heimili á tímabilum“

Camilla Rut Arnarsdóttir ætlar að hlaupa 10 km fyrir Barnaspítala Hringsins í Reykjavíkur maraþoni Íslandsbanka. Camilla og fjölskylda hennar kannast vel við Barnaspítala Hringsins en hann hefur verið þeirra annað heimili á tímabilum. Þegar litli bróðir Camillu fæddist 2011 var honum vart hugað líf og hefur farið í tvær akút aðgerðir. Í dag er hann fimm ára gleðipinni og segir Camilla fjölskylduna standa í eilífðri þakkarskuld við Barnaspítala Hringsins.
22.jún. 2017 - 16:30 Bleikt

Ellen Rut skrifar til Kim Kardashian: „Viltu senda þessi skilaboð út í heiminn að appelsínuhúð er hryllingur?“

„Gerirðu þér grein fyrir því að þú ert fyrirmynd þúsundir ef ekki milljónir ungra stúlkna?“ skrifar Ellen Rut Baldursdóttir í opnu bréfi til Kim Kardashian. Þar gagnrýnir hún ummæli sem Kim lét falla í spjallþættinum The View um útlit sitt. Í þættinum heldur Kim því fram að paparazzi myndir sem voru teknar af henni þegar hún var fríi í Mexíkó hafi verið „photoshoppaðar“ áður en þær fóru í dreifingu á netinu. Hún segir að myndunum hafi verið breytt svo hún liti verr út og kallar myndirnar „skelfilegar.“
22.jún. 2017 - 15:30 Smári Pálmarsson

Sjáðu söngtexta Leikhópsins Lottu – Finnst þér þetta við hæfi barna?

Söngtexti úr sýningu Leikhópsins Lottu hefur farið fyrir brjóstið á mörgum en hópurinn heldur reglulega vinsælar barnasýningar um allt land. Textinn er við lagið Dansleikur sem er úr sýningu hópsins, en hann er einnig að finna í útgefinni textabók. Mynd af bókinni vakti athygli á samfélagsmiðlum þar sem augljóst er að mörgum er misboðið.
22.jún. 2017 - 15:10 Þorvarður Pálsson

Stúlka slösuð í Borgarfirði - Björgunarsveitir kallaðar út

Slys varð í Borgarfirði, nánar tiltekið í Lundarreykjadal nú fyrir skömmu. Björgunarsveitir Slysavarnafélagsins Landsbjargar hafa verið kallaðar út en samkvæmt tilkynningu frá Landsbjörgu féll stúlka af hestbaki.
22.jún. 2017 - 13:00 Bleikt

Konur eru konum bestar

Þær Andrea Magnúsdóttir og Elísabet Gunnarsdóttir hafa hannað æðislega boli með merkingunni "Konur eru konum bestar." Það var Rakel Tómasdóttir sem hannaði letrið en ljósmyndarinn Aldís Pálsdóttir tók myndirnar fyrir þetta frábæra verkefni. Bolirnir fara í sölu seinna í dag en ágóðinn rennur til Kvennnaathvarfsins.  Þessar mögnuðu konur vilja breyta neikvæðu hugarfari og vonum við á Bleikt að sem flestar styðji við þetta og mæti á viðburðinn þeirra í dag.
22.jún. 2017 - 12:00 Akureyri vikublað

Landsliðsfyrirliðinn Aron Einar í viðtali - „Það er allt undir í hverjum einasta leik en þannig þrífumst við best“

Akureyringurinn og fyrirliði íslenska karlalandsliðsins í knattspyrnu, Aron Einar Gunnarsson, gekk að eiga Kristbjörgu Jónasdóttur á laugardaginn, sjálfan þjóðhátíðardaginn. Í einlægu viðtali ræðir Aron Einar um lífið í Cardiff, fyrirliðabandið, fjölskylduna, framtíðina og hvað þurfi til að ná langt í hörðum heimi atvinnumennskunnar.
22.jún. 2017 - 11:35 DV

Arnþrúður hefur fjórum sinnum þurft að fá hjartastuð á þessu ári

Arnþrúður Karlsdóttir útvarpsstjóri Útvarps Sögu glímir við alvarlega heilsubresti og á þessu ári hefur fjórum sinnum þurft að gefa henni rafstuð vegna hjartsláttartruflana. Segir hún að hún sé með stíflur í slagæðakerfinu vegna háþrýstings og er á leið í aðgerð á næstu dögum. Hún verður í beinni útsendingu á Útvarpi Sögu frá kl. 11 til 16 í dag, segir hún erfitt að vinna en hún tali ekki um heilsufar sitt í loftinu: „Þetta er bara málið og maður er ekkert að tala um það, maður fer bara og vinnur sína vinnu, rífur kjaft,“ segir Arnþrúður og hlær.
22.jún. 2017 - 11:31 Eyjan

Arnþrúður hjólar í Jón Trausta og Stundina – Búrkan var útivistarfatnaður

Arnþrúður Karlsdóttir útvarpsstjóri Útvarps Sögu segist vona að Jón Trausti Reynisson ritstjóri Stundarinnar hafi lært eitthvað af dómi héraðsdóms og láti það vera að níða niður fólk með aðrar lífsskoðanir. Í harðorðuðum pistli sem Arnþrúður birtir á Fésbókarsíðu sinni ræðir hún dóm Héraðsdóms Reykjavíkur sem sektaði Stundina um 200 þúsund krónur fyrir að nota 15 myndir sem voru í eigu Útvarps Sögu án leyfis.
22.jún. 2017 - 11:00 Þorvarður Pálsson

Robert Downey braut gegn dóttur Bergs - Hann spyr hvers vegna Robert var veitt uppreist æra

Dóttir Bergs Þórs Ingólfssonar leikstjóra var ein fjögurra kvenna sem Robert Downey, áður Róbert Árni Hreiðarsson, var dæmdur fyrir að brjóta gegn kynferðislega. Það vakti mikla athygli og hörð viðbrögð fyrir skömmu þegar Robert fékk á ný réttindi til að starfa sem héraðsdómslögmaður eftir að hafa fengið uppreist æru hjá forseta Íslands og settum innanríkisráðherra. Bergur skrifar grein sem birtist á Vísi í dag og ber yfirskriftina „Uppreist æra án iðrunar og ábyrgðar“ þar sem hann fer yfir málið.
22.jún. 2017 - 10:19 Þorvarður Pálsson

Costco lækkar díselverð - Bensín hjá Costco meira en 10 krónum ódýrara en annars staðar

Líterinn af díselolíu á bensínstöð Costco í Kauptúni í Garðabæ hefur lækkað í verði. Líterinn kostaði 158,9 krónur en er nú á 155,9 krónur og er hann því orðinn enn lægri en hjá öðrum olíufélögum hér á landi. Þegar verslunin opnaði þann 23. maí síðastliðinn kostaði dísellíterinn 164,9 krónur.
22.jún. 2017 - 07:00

Heimilisofbeldi og líkamsárás: Reyndi að komast inn hjá fyrrverandi unnustu sinni

Á fyrsta tímanum í nótt var lögreglunni á höfuðborgarsvæðinu tilkynnt um heimilisofbeldi og líkamsárás í heimahúsi í vesturhluta Reykjavíkur. Gerandinn var fluttur á lögreglustöð þar sem rætt var við hann. Hann var síðan látinn laus.
21.jún. 2017 - 20:30 Eyjan

Kolbeinn: „Enn eitt pólitíska trixið“

„Sjálfstæðisflokknum í borgarstjórn Reykjavíkur er að takast, með dyggum stuðningi Framsóknar- og flugvallavina, að gera fjölgun borgarfulltrúa að flokkspólitísku máli. Það er afskaplega lítilmannlegt, þykir mér. Bókanir um að fjölgun borgarfulltrúa séu dæmi aðdáun vinstri manna á „útþenslu kerfisins“ eru svo hallærislega gamaldsags að þær ýta enn frekar undir þá tilfinningu mína að minnihlutinn í Reykjavík sé uppi á vitlausri öld.“
21.jún. 2017 - 19:00 Ari Brynjólfsson

Þess vegna eru sumir með regnbogatakka á Facebook

Margir notendur samskiptamiðilsins Facebook hafa eflaust tekið eftir nýjum takka undanfarið, takkinn er regnbogafáni og kallast pride, eða stolt. Um er að ræða sérstakan takka sem er í boði í júní í tilefni baráttumánaðar hinsegin fólks. Til þess að geta notað þennan takka þurfa notendur að leita að lgbtq@facebook og líka við síðuna, þá er hægt að nota takkann. Takkann er hægt að nota líkt og aðra tilfinningatakka sem samskiptamiðillinn gerði mögulega í fyrra.
21.jún. 2017 - 16:30 Smári Pálmarsson

Myndband dagsins: Túristar stíga trylltan dans á bílastæði

Það var gríðarlegt fjör hjá ferðamönnum sem áttu leið um Fljótsdalshérað fyrir skemmstu þegar vegfarandi sá til þeirra stíga trylltan dans á ónefndu bílastæði. Garðar Valur Hallfreðsson deildi þessu skemmtilega myndbandi á YouTube í dag. Ekki er ljóst hverjir þessir kátu ferðamenn eru, hvert ferð þeirra var heitið, eða hvers vegna þeir stigu dans, ef ástæðan er önnur en lífsgleðin sjálf.

21.jún. 2017 - 15:28 Eyjan/Ari Brynjólfsson

Ráðherra vill reisa flugstöð í Vatnsmýri

Jón Gunnarsson samgönguráðherra vonast til að hægt verði að hefjast handa við að reisa nýja flugstöð í Vatnsmýri á næsta ári, vill hann að Reykjavíkurflugvöllur verði áfram á sama stað og nú. Greint er frá þessu í Morgunblaðinu í dag. Hyggst ráðherra skipa nýjan starfshóp til að meta flugvallarkosti fyrir innanlandsflug.
21.jún. 2017 - 15:01 Bleikt

Kristín: Það er skelfilega langvinn og harðsvíruð pest að ganga sem leggst bara á stelpur

„Það er skelfilega langvinn og harðsvíruð pest að ganga. Hún leggst bara á stelpur og nú virðist hún enn fremur bara leggjast á stelpur í mínu nærumhverfi.“ Svona byrjar pistill Kristínar Ólafsdóttur sem birtist fyrst í Fréttablaðinu. Hún skrifar um farald krílanna og á þá við að sífellt fleiri stelpur í kringum hana eru óléttar.
21.jún. 2017 - 14:30 Eyjan/Ari Brynjólfsson

Inga Sæland varar við íslamisma: „Hvað vita þeir sem við vitum ekki?“

„Við þurfum líka að viðurkenna þá ógn sem fylgjendur öfga-íslams bera með sér. Að forðast þá umræðu er hrein og klár og afneitun,“ segir Inga Sæland, formaður Flokks fólksins, í grein í Morgunblaðinu í dag en þar blandar hún sér í umræðuna um vopnavæðingu lögreglunnar.
21.jún. 2017 - 14:00 Bleikt

„Hættum að láta eins og grillið sé vígi karlmannsins, því ótrúlegt en satt þá geta konur líka grillað“

Það hefur lengið verið sú mýta að konur kunna ekki að grilla og það sé hlutverk karlmannsins. Það er að sjálfsögðu algjört bull og á sér enga stoð í raunveruleikanum. Ingileif Friðriksdóttir skrifaði pistil sem birtist fyrst í Morgunblaðinu um konur sem grilla. Hún segir frá því þegar hún og unnusta hennar fengu grill í sameiginlega afmælisgjöf.
21.jún. 2017 - 12:00 Bleikt

„Fyrir tveimur árum síðan stóð ég sjálf berskjölduð frammi fyrir ljótleika heimilisofbeldis“

Guðrún Sverrisdóttir starfaði sem hjúkrunarkona í 40 ár á sviði Slysadeildar Borgarspítalans þar sem hún kynntist öllum hliðum og þáttum mannlífsins. „Oft fór maður heim, miður sín og bugaður eftir sumar spítalavaktirnar. Heimilisofbeldi, misnotkun á börnum og misþyrmingar á konum var einnig tilfinningalega erfiðast að vinna við og taka á móti," skrifar Guðrún í grein sem birtist fyrst á Kjarnanum. Í greininni segir hún frá ofbeldi sem dóttir hennar varð fyrir en máli hennar var vísað fá vegna formgalla frá hendi ákæruvaldsins.
21.jún. 2017 - 11:00 Eyjan/Ari Brynjólfsson

Forstjóri Haga hjólar í framkvæmdastjóra IKEA: „Álagning Bónuss með því lægsta sem þekkist“

Finnur Árnason forstjóri Haga segir Þórarinn Ævarsson framkvæmdastjóra IKEA tala niður íslenska verslun og kasta steinum úr glerhúsi. Alhæfingarnar séu hvorki sanngjarnar né réttar, margt í íslenskri verslun sé gott og margir leggi sig fram við að standa sig. Í grein Þórarins sem birt var á Eyjunni um helgina sagði hann að viðtökurnar sem Costco hefur fengið sé birtingarmynd mikillar vakningar meðal íslenskra neytenda.
21.jún. 2017 - 10:00 Þorvarður Pálsson

Ástralskt par sækir um hæli á Íslandi – Segjast ofsóttar vegna kynhneigðar sinnar

Tvær konur frá Sydney í Ástralíu hafa sótt um hæli hér á landi vegna meintra ofsókna í heimalandi sínu vegna kynhneigðar sinnar. Með umsókn sinni bætast þær í hóp fólks frá Írak, Sýrlandi og fleiri löndum sem bíða þess að fá úrskurðað um umsókn um hæli vegna mannúðarsjónarmiða. Önnur kvennanna hefur orðið fyrir líkamsárás og segjast þær hafa sætt hótunum frá lögreglu í kjölfarið. The Daily Telegraph greinir frá.
21.jún. 2017 - 09:00 Þorvarður Pálsson

Forseti Íslands fékk skammbyssur að gjöf frá Abú Dabí – Staðarhaldari tók þær upp í ógreidd laun

Fyrir sex árum síðan eða 2011 kom sendiboði krónprinsins af Abú Dabí, sem hluti er af Sameinuðu arabísku furstadæmunum, hingað til lands með innsiglaða skjalatösku. Taskan var merkt sem diplómatapóstur sem þýðir að ekki var leitað í henni og innihélt hún tvær níu millimetra hálfsjálfvirkar skammbyssur af gerðinni Caracal F sem voru gjöf frá krónprinsinum til Ólafs Ragnars Grímssonar þáverandi forseta Íslands. Þetta kemur fram í Fréttablaðinu í dag.
21.jún. 2017 - 08:00 Kristján Kristjánsson

Fleiri og stærri skógar- og gróðureldar munu herja í framtíðinni

Samfara loftslagsbreytingunum eykst hættan á skógar- og gróðureldum og hætt er við að í framtíðinni verði slíkir eldar mun algengari og stærri en fram að þessu. Skógareldarnir, sem nú geisa í Portúgal, eru aðeins upphafið að slíkum eldum í ríkjunum við Miðjarðarhafið.
21.jún. 2017 - 07:02

Eldur í Grafarvogi: Ráðist á konu í heimahúsi í Hafnarfirði

Klukkan 01.38 í nótt var tilkynnt um eld á svölum íbúðarhúss í Grafarvogi. Lögreglan kom á vettvang skömmu síðar og klukkan 01.46 var búið að slökkva eldinn. Á tólfta tímanum í gærkvöldi var kona flutt á slysadeild en hún var með höfuðáverka eftir líkamsárás sem hún varð fyrir í heimahúsi í Hafnarfirði. Ekki liggja fyrir upplýsingar um hver réðst á konuna.
20.jún. 2017 - 18:00 Eyjan

Fleiri fylgjandi sýnilegum vopnaburði lögreglu en eru á móti

Fleiri Íslendingar eru fylgjandi vopnaburði lögreglu á fjöldasamkomum en eru á móti, þetta kemur fram í nýrri könnun Maskínu. Ríflega 47% Íslendinga eru hlynnt því að vopnaðir lögreglumenn séu sýnilegir á fjöldasamkomum á Íslandi en rúmlega 34% eru því andvíg. Spurt var „Hversu hlynnt(ur) eða andvíg(ur) ertu því að vopnaðirlögreglumenn séu sýnilegir á fjöldasamkomum á Íslandi?“.
20.jún. 2017 - 16:21 Þorvarður Pálsson

Jóhanna tók við símtölum í 112: Kíktu í heimsókn og fáðu „fræðslu um hversu lífshættuleg þessi hugmynd þín er“

Jóhanna Þorbjörg Magnúsdóttir er fyrrum starfsmaður Neyðarlínunnar 112 en hún starfaði þar fyrir mörgum árum. Ummæli Andra Þórs Sturlusonar, varaþingmanns Pírata, þar sem hann hvatti fólk til að hringja í 112 til að mótmæla vopnaburði lögreglu urðu henni hvatning til að stíga fram og tjá sig um starfið sem hún vann á árum áður.
20.jún. 2017 - 15:00 Eyjan/Ari Brynjólfsson

Varaþingmaður Pírata hvetur fólk til að misnota neyðarnúmerið 112

Andri Þór Sturluson varaþingmaður Pírata segir að það eina sem fólk sem sé á móti sýnilegum vopnaburði lögreglu sé að hringja í lögregluna og tilkynna um grunsamlega vopnaða menn. Þegar það sé gert í hvert skipti sem sjáist í lögreglumann vopnaðan byssu þá neyðist ríkislögreglustjóri að endurskoða að hafa vopnaða lögreglumenn á almannafæri. Hefur ríkislögreglustjóri sagt að sýnilega vopnaðir lögreglumenn verði á fjölmennum samkomum í sumar, en mikið hefur verið rætt um vopnaburð lögreglu í litahlaupinu og á þjóðhátíðardaginn.
20.jún. 2017 - 12:00 Eyjan/Ari Brynjólfsson

Framsókn og Samfylking bæta við sig fylgi - Viðreisn og Björt framtíð tapa

Fylgi Framsóknar jókst upp í 13,4%, úr 9,3% frá því í kosningunum, og stuðningur við Samfylkinguna hækkaði mest allra flokka frá síðustu mælingu eða um 2,0% og mælist nú 11,3%. Þetta kemur fram í nýrri könnun MMR, sem fyrr mælist Sjálfstæðisflokkurinn með mest fylgi íslenskra flokka með 24,9%, fylgi Vinstri grænna mældist 20,6% og mældust Píratar 13,7%, sem er eilítil lækkun frá síðustu mælingum. Fylgi allra flokka er þó innan vikmarka frá síðustu könnun.
20.jún. 2017 - 10:58 Þorvarður Pálsson

Mynd dagsins: Frumleg gistiaðstaða í Reykjavík í boði á Airbnb

Á vefsíðunni Airbnb má finna auglýsingar um íbúðir og húsnæði víða um landið til leigu til skemmri tíma. Auglýsing notandans Antoni hefur vakið nokkra athygli á samfélagsmiðlum en hann býður til leigu kyrrstæðan bíl með gistiplássi fyrir tvo. Áhugasamir þurfa að koma með eigin svefnpoka en dýnur eru í bílnum.
20.jún. 2017 - 10:30 Eyjan/Ari Brynjólfsson

Dregur úr fjölgun ferðamanna

Ríflega 146 þúsund erlendir ferðamenn fóru frá landinu í maí síðastliðnum samkvæmt talningum Ferðamálastöð Leifs Eiríkssonar. Það eru 22 þúsund fleiri en í maí 2016 og nemur því fjölgunin 17,8 prósentustigum milli ára. Þessi fjölgun er þó talsvert minni en fyrri mánuði þessa árs samkvæmt tölum Ferðamálastofu.
20.jún. 2017 - 09:30 Þorvarður Pálsson

Blaðamaður Morgunblaðsins tjáir sig um „hlanddólginn“

Samsett mynd. Það vakti mikla athygli um daginn þegar frétt birtist á vefmiðlinum Vísi með fyrirsögninni „Hlanddólgur gengur laus í Moggahöllinni“, þar sem sagt var frá því tölvupóstur hefði verið sendur á starfsmenn í Hádegismóum þar sem Morgunblaðið er til húsa og þeim tilmælum beint til þess sem við ætti að vinsamlegast hætta að pissa í ruslatunnur í húsinu. Nú hefur Ásdís Ásgeirsdóttir, blaðamaður hjá Morgunblaðinu stigið fram fyrir skjöldu og tjáð sig um þetta undarlega mál.
20.jún. 2017 - 07:02

Ók langt yfir hámarkshraða: Var að fara með kött á dýraspítala

Um klukkan hálf tvö í nótt var lögreglunni tilkynnt að ekið hefði verið á kött í austurhluta Reykjavíkur og var hann sagður lifandi. Lögreglumenn, sem höfðu verið við hraðamælingar í Ártúnsbrekku, voru sendir á vettvang. Þegar þeir voru rétt lagðir af stað mældu þeir hraða jeppabifreiðar, sem var ekið austur Miklubraut, langt yfir leyfðum hámarkshraða.
20.jún. 2017 - 07:01

Setti þjófavarnarkerfi á og sofnaði: Brást illa við afskiptum lögreglu

Skömmu eftir miðnætti í nótt tilkynnti öryggisfyrirtæki lögreglunni að þjófavarnarkerfi væri í gangi á veitingastað í vesturbæ Reykjavíkur og að sofandi maður væri þar innandyra.  Þegar lögreglumenn komu á vettvang reyndist rétt vera að maður svaf inni á veitingastaðnum. Hann brást hinn versti við þegar lögreglumenn vöktu hann og hótaði að ráðast á lögreglumennina.
20.jún. 2017 - 07:00

Ungur piltur skallaði lögreglumann í andlitið

Skömmu fyrir klukkan tvö í nótt var óskað eftir aðstoð lögreglunnar í heimahús í Kópavogi. Þar var 17 ára piltur í annarlegu ástandi og réðst illa við hann. Hann var handtekinn en áður en það tókst að koma handjárnum á hann náði hann að skalla lögreglumann í andlitið.
20.jún. 2017 - 04:18 Kristján Kristjánsson

Lögreglan lýsir eftir Rimantas Rimkus: Týndur síðan um mánaðarmótin

Lögreglan á höfuðborgarsvæðinu lýsir eftir Rimantas Rimkus sem er 38 ára. Hann er 187 sm á hæð, 74 kg og með dökkt, stutt hár. Ekkert hefur spurst til Rimantas frá því um síðustu mánaðarmót en lögreglunni var tilkynnt um hvarf hans síðdegis í gær.
19.jún. 2017 - 16:30 Smári Pálmarsson

Svona getur þú hjálpað Grænlendingum: Landssöfnunin „Vinátta í verki“

Hrundið hefur verið af stað landssöfnun á Íslandi vegna hamfaranna í Grænlandi sem rakin hafa verið til mikilla berghlaupa. Flóðbylgjur hafa skollið á land en sú stærsta lenti á þorpinu Nuugaatsiaq á Vestur-Grænlandi. Þar búa um fimmtíu manns. Búið er að rýma þorpið en fjögurra er enn þá saknað. Óttast er að fleiri flóðbylgjur gætu farið á land og hefur íbúum annarra þorpa verið ráðlagt að fylgjast vel með.
19.jún. 2017 - 14:30 Eyjan/Ari Brynjólfsson

Panta þurfi tíma á fjölförnustu ferðamannastöðunum

„Við þurfum að gæta sanngirnis í þessarri umræðu, bæði gagnvart ferðaþjónustunni og stjórnvöldum. Þegar það er sagt „það hefur ekkert verið gert“, það er í mínum huga algjör þvæla. Það er ótrúlega margt sem hefur verið gert, skoðum bara fyrir og eftir myndir af helstu ferðamannastöðum, það er hægt að skoða allskonar stjórnvaldsákvarðanir um hluti sem hafa verið gerðir, og ferðaþjónustan sjálf auðvitað langöflugust í að mæta þessarri auknu eftirspurn og bregðast við um allt land. Þegar það er sagt að „það þarf ekkert að gera“, það er heldur ekki rétt.
19.jún. 2017 - 13:29 Bleikt

Flughræðslu-tips Tinnu: „Hef aldrei látið flughræðsluna stoppa mig“

Ég veit að það er kannski mjög kaldhæðnislegt að ég sé að skrifa grein um flughræðslutips, þar sem ég er mjög flughrædd, En mig langar til þess að segja ykkur frá þeim aðferðum sem ég nota sem gera flugið bærilegra. Eftir að ég fór til Svíþjóðar í maí þá spurði ég á snappinu mínu hvort það væri áhugi fyrir svona færslu & ég fékk rosalega mikil viðbrögð & hef verið að fá spurningar um þetta síðan þannig að ég er mjög ánægð að vera loksins komin með færslu um þetta fyrir ykkur & vonandi munu þessi tips hjálpa til.

(9-30) Gæludýr: Fleischeslust - júní
Vilhjálmur Birgisson
Vilhjálmur Birgisson - 14.6.2017
Þetta rugl sem er í kringum lífeyrissjóðina
Hannes Hólmsteinn Gissurarson
Hannes Hólmsteinn Gissurarson - 11.6.2017
Átakanleg saga kvenhetju
Brynjar Nielsson
Brynjar Nielsson - 17.6.2017
Reiði og hefnd
Davíð Már Kristinsson
Davíð Már Kristinsson - 17.6.2017
Úrslitaleikur á móti Úkraínu
Sigurður G. Guðjónsson
Sigurður G. Guðjónsson - 18.6.2017
Glórulaus hugmynd hjá forsetanum
Hannes Hólmsteinn Gissurarson
Hannes Hólmsteinn Gissurarson - 17.6.2017
Kammerherrann fær fyrir kampavíni
Þórhallur Heimisson
Þórhallur Heimisson - 17.6.2017
Independence day - free from Icelandic
Brynjar Nielsson
Brynjar Nielsson - 20.6.2017
Blaðabarnið gleymir
Hannes Hólmsteinn Gissurarson
Hannes Hólmsteinn Gissurarson - 24.6.2017
Auðjöfur af íslenskum ættum
Fleiri pressupennar