12. okt. 2017 - 12:58Akureyri vikublað

Hlustaði ekki á viðvörunarbjöllurnar

Ragnheiður Runólfsdóttir flutti til Akureyrar fyrir sjö árum og hefur ekki litið til
baka síðan. Í einlægu viðtali segir Ragnheiður frá glæsilegum sundferli, uppvextinum
á Skaganum, fjölskyldunni, ofbeldissambandinu sem hún festist í, veikindunum og
mismunandi tækifærum kynjanna þegar kemur að íþróttum.

„Ég er að hefja sjöunda árið hérna og okkur líður vel. Strákurinn minn er að vísu farinn að heiman en stelpurnar eru í níunda bekk í Brekkuskóla og fyrsta bekk í Menntaskólanum á Akureyri og gengur vel,“ segir Ragnheiður Runólfsdóttir, sundþjálfari og fyrrverandi afrekskona í sundi, sem flutti til Akureyrar haustið 2011 og hefur unað sér vel síðan. 

Tvisvar á Ólympíuleikum 
Ragnheiður er yfirþjálfari sundfélagsins Óðins og kennir einnig í Brekkuskóla. Hún á að baki glæsilegan feril, keppti meðal annars tvisvar á Ólympíuleikum og var kjörin íþróttamaður ársins árið 1991. Hún er fædd og uppalin á Akranesi, yngst fimm systkina, dóttir útgerðarhjónanna Runólfs Óttars Hallfreðssonar og Ragnheiðar Gísladóttur sem bæði eru látin. „Ég var kröftugur krakki og ofvirk fyrir allan peninginn. Við krakkarnir lékum okkur úti allan daginn og fórum helst ekki inn að borða. Ég á bara góðar minningar úr æsku. Það voru engir erfiðleikar og allir voru glaðir; sem eru mikil forréttindi. Við áttum stórt hús í Krókatúni sem var ávallt opið fyrir vini og fjölskyldu og það var alltaf margt fólk heima. Samheldnin á Skaganum var mikil og foreldrar mínir alltaf boðnir og búnir að aðstoða ef þurfti.“ 

Saknar móður sinnar 

Hún segir lífið hafa tekið stakkaskiptum eftir andlát foreldra hennar. „Það eru 14 ár síðan pabbi dó en mamma lést fyrir ári. Mamma var fastur lið- ur í lífi okkar barnanna og þótt við byggjum hér fyrir norðan og hún á Akranesi var hún minn besti vinur og helsti ráðgjafi. Hún studdi mig í gegnum allt og var mér rosalega mikilvæg. Fyrir mér var hún heimurinn. Ég missti mikið þegar ég missti hana. Mamma hafði lifað tímana tvenna en alltaf staðið keik. Hún var svo ofsalega stolt kona. Hún var með lungnasjúkdóm og var mikill ofnæmissjúklingur og lést í raun úr matareitrun sem ekki var hægt að meðhöndla vegna ofnæmis fyrir lyfjum. Hún tók því sjálf ákvörðun um að enda þetta og lést með reisn eins og hún hafði lifað allt sitt líf,“ segir Ragnheiður og játar því aðspurð að eflaust líkist hún móður sinni að ýmsu leyti. „Ég er samt ekki skemmtileg eins og hún. Hún var svo fyndin og skemmtileg.“ 

Háskólanám á íþróttastyrk 

Þótt knattspyrna hafi verið í algleymingi á Skaganum þá valdi Ragnheiður sundið og hlaut til þess fullan stuðning foreldranna. „Að æfa afreksíþrótt er full vinna en þetta var hægt með þeirra hjálp. Ég fékk einhverja styrki en sá peningur var bara dropi í hafið. Ég var heppin og mamma og pabbi greiddu nánast allt fyrir mig. Stuðningur fjölskyldu skiptir öllu máli fyrir ungt íþróttafólk og auðvitað fyrir alla,“ segir Ragnheiður sem komst út til Bandaríkjanna í háskólanám á skólastyrk þar sem hún lærði íþróttalífeðlisfræði. 

Launalaus styrktarþjálfari 

Hún segir jafnrétti kynjanna hafa þarfnast umbóta í heimi íþróttanna þegar hún var á meðal þeirra bestu. „Og því miður held ég að þetta hafi lítið breyst. Það er erfiðara fyrir konur en karla í íþróttum að fá styrki. Í kvennaboltanum hér á Akureyri erum við með leikmenn í heimsklassa, útlendinga sem ætla sem betur fer að vera hér áfram, sem gætu hæglega staðið sig vel með strákunum. Samt sem áður eru þær svo auðmjúkar og töldu ekki eftir sér að mæta í vörutalningu og þrif á íbúðum rétt eftir að þær unnu Íslandsmeistaratitilinn, því það þarf að safna peningum til að hafa efni á næsta tímabili,“ segir Ragnheiður sem starfar sem styrktarþjálfari nýkrýndra Íslandsmeistara Þórs/KAstelpnanna, í launalausu starfi. „Það er ekki til peningur, þannig er það bara. Þessar stelpur eru svo þakklátar fyrir allt. Það er nefnilega auðvelt að verða góður í íþrótt en erfiðara að vera góður íþróttamaður. Það þarf sterkt bak til að taka með auðmýkt á góðum árangri og þora að vera fyrirmynd alla leið,“ segir hún og tekur annað dæmi um ósanngirnina gagnvart íþróttaiðkun kvenna þegar kvennaknattspyrnan á Akranesi var lögð niður vegna fjárskorts. „Þessar stelpur höfðu unnið bikar- og Íslandsmeistaratitla en samt var ekki til peningur til að reka kvennadeildina. Þetta er svo óréttlátt viðhorf og hefur ekkert með kvenrembu að gera heldur jafnrétti.“ 

Konur þurfa að sanna sig meira 

Þegar Ragnheiður var kjörin íþróttamaður ársins, árið 1991, var hún önnur konan til að hljóta viðurkenninguna, en fimm konur hafa hreppt titilinn síðan Vilhjálmur Einarsson vann hann fyrst, árið 1956. Handboltakonan Sigríður Sigurðardóttir var fyrst kvenna til að til að hljóta titilinn árið 1964 eða 27 árum áður en Ragnheiður kom, sá og sigraði. „Í umfjöllun um kjörið á fyrstu konunni sem var íþróttamaður ársins var mynd af Sigríði með svuntu að elda undir yfirskriftinni; Húsmóðir í Vesturbænum,“ segir Ragnheiður og hristir hausinn. „Íþróttakonur þurfa að sanna sig meira en karlar. Við metum þær ekki á sama hátt og karlana, því miður, og þetta á við á heimsvísu. Ég hélt alltaf að ég væri einfaldlega ekki nógu góð til að vinna þennan titil. Ég velti því ekkert fyrir mér hvort kyn mitt hefði áhrif og var bara ákveðin í að gera mitt besta,“ segir hún en bætir við að jafnvægi milli kynjanna sé meira í sundi en mörgum öðrum íþróttum. „Kynin æfa alltaf saman og í sundinu eru margar frábærar kvenfyrirmyndir. Konur hafa verið sterkari í sundinu í gegnum tíðina, hafa náð lengra og hlotið kredit fyrir. Ég hefði samt viljað sjá Hrafnhildi Lúthersdóttur taka titilinn núna síðast en það er erfitt að keppa við fótboltamennina. Það þykir svo mikið afrek ef þeir komast á stóru mótin, þótt bæði stelpurnar í boltanum og í einstaklingsíþróttunum hafi verið þar í mörg ár.“ 

Leitaði til Kvennaathvarfsins 

Ragnheiður hefur verið einhleyp í tíu ár og segist ekki þurfa karlmann til að lifa sínu lífi. Samt sem áður viðurkennir hún að það væri gaman að hafa einhvern til að deila lífinu með. „Mér líður ekkert illa og er að skemmta mér vel í þessu lífi. Ég þarf ekki að eiga mann en auðvitað væri gaman að eiga vin til að gera eitthvað skemmtilegt með. Ég veit samt ekki hvar ég ætlast til að þann mann reki á mínar fjörur, kannski í lauginni? Ég er ekki mikið að fara út að skemmta mér og gef því kannski ekki mikið færi á mér,“ segir hún og bætir við að síðustu árin hafi hún verið að byggja sig upp eftir ofbeldissamband. „Ég hafði spólað lengi í sama farinu og það hefur reynst mér erfitt að sætta mig við að ég hafi ekki farið strax. Ég vildi einfaldlega ekki trúa að ég væri orðin þessi manneskja – kona sem þurfti að leita til Kvennaathvarfsins en það hjálpaði mér. Þar fékk ég leiðbeiningar; líflínu til að fara eftir. Ég var hætt að þekkja þessa konu sem ég var orðin. Ég, sem hafði alltaf verið „winner“ var orðin „loser“ og það var stór biti að kyngja,“ segir hún og bætir við að vinir, fjölskylda og börnin hennar hafi hjálpað henni að byggja sig upp að nýju. 

Hunsaði viðvörunarbjöllurnar 

Hún segir erfiðleikana hafa gert hana að sterkari. „Ég kann betur að meta lífið. Ég hafði bara fleytt rjómann ofan af, en þarna komst ég aðeins ofan í kaffikorginn. Þetta var erfitt tímabil en ég held að ég að ég hafi komið út sterkari þótt það hafi tekið sinn tíma. Ef ég horfi til baka sé ég viðvörunarbjöllurnar sem dingluðu, strax í upphafi og út sambandið, en ég hlustaði ekki á þær. Ég vildi ekki ganga aftur í gegnum skilnað og fannst ég þurfa að standa mína plikt; að ég ætti ekki að gera mikið úr þessu, standa mig, vinna, koma börnunum út í heiminn og vera ánægð með mitt. Ég hafði allt – góða vinnu, frábæra fjölskyldu, húsnæði og yndisleg börn og fannst að ég hlyti að geta verið ánægð. Ég taldi mér trú um að ég yrði að vera kyrr, en smám saman gerði ég mér grein fyrir að ég vildi það ekki og ég sé ekki eftir þeirri ákvörðun. Það var margt sem ég hefði mátt gera öðruvísi í vanlíðaninni og ég tek fulla ábyrgð á því sem ég sagði og gerði, en að fara, það var rétt.“ 

Krabbamein í fimmtugsafmælisgjöf 

Hún segir flutningunum til Akureyrar hafa fylgt mikið frelsi. „Ég er komin hingað til að vera og lít á mig sem Akureyring þótt ég sé alltaf Skagastelpa í grunninn, því þar eru ræturnar. Mér líður vel hér og er í bestu vinnu í heimi þótt hún sé ekki mjög örugg. Þjálfarastarfið er þannig að maður þarf að standa sig til að halda vinnunni en ég skil það enda valdi ég mér það. Það hentar mér vel að hafa áskorun,“ segir Ragnheiður sem varð fimmtug í fyrra en hefur ekki enn haldið upp á stórafmælið. „Ég verð að fara að gera það en ég greindist með krabbamein í móðurlífi í fyrra og fór í aðgerð fjórum dögum fyrir afmælið. Það var auðvitað ákveðið áfall að greinast, en pabbi og öll systkini hans létust úr krabba sem og margt ungt fólk í fjölskyldunni. Við erum með þessa BRCA-stökkbreytingu og erum einnig í áhættuhóp varðandi heila- æxli, en ég veit ekki ennþá hvort það eigi við um mig. Ég hef verið heppin og hraust í gegnum minn sjúkdóm og þar sem það hefur verið nóg að gera hef ég ekki haft tíma til að dvelja mikið við veikindin. 

Ég hef verið einstaklega heppin í lífinu. Þegar ég hafði það sem verst hefði það getað verið verra og þótt það hafi verið erfitt tókst mér að standa upp og fara. Í dag veit ég að ég er víst bara mannleg og lendi í erfiðleikum eins og aðrir, en veit líka að erfiðleikarnir eru áskoranir. Ég hef dregið lærdóm af mörgu og þótt það sé margt sem ég hefði viljað að hefði farið öðruvísi getur maður ekki breytt hlutunum. Það eina sem maður getur er að vera maður sjálfur.“




22.okt. 2017 - 12:00

Tónlistarmaðurinn Auður gefur út nýtt lag og myndband

Tónlistarmaðurinn Auður hefur gefið út nýtt lag „I‘d Love“ sem fjallar um nánd og langanir. Verk Christopher Nolan, töfraraunsæi og kvikmyndin Birdman veittu honum innblástur fyrir myndbandinu sem hann leikstýrir sjálfur. Í myndbandinu syngur Auður og dansar í myrku hótelherbergi þar sem þyngdaraflið tekur yfirnáttúrulega kippi. Ágúst Elí Ásgeirsson, einnig þekktur sem Elí, er með-leikstjóri og Kristinn Arnar Sigurðsson hannaði leikmyndina.
22.okt. 2017 - 08:04

Lögreglan rannsakar líkamsárás á öryggisvörð Securitas

Klukkan 03:04 í nótt var óskað eftir aðstoð lögreglu í miðborginni en þar var ráðist á öryggisvörð frá Securitas. Málið er í rannsókn. Rétt eftir hálf fjögur í nótt var umferðaróhapp við Miklubraut og Lönguhlíð. 
21.okt. 2017 - 20:00 Guðrún Ósk Guðjónsdóttir

Silja Dögg fæddi dóttur sína óvænt heima: „Blessað barnið vildi komast út og það strax“

Silja Dögg á mjög skemmtilega fæðingarsögu. Hún fæddi dóttur sína heima hjá sér en það var ekki vegna þess að hún vildi fæða heima fyrir heldur gerðist það óvænt. Silja Dögg var mjög spennt fyrir stóra baðkarinu á fæðingardeild en dóttir hennar ákvað skyndilega að drífa sig í heiminn með látum. Silja Dögg hafði verið með fyrirvaraverki í tvo daga fyrir fæðingu og nokkra sentimetra í útvíkkun.
21.okt. 2017 - 16:00

Una Stef lenti í vandræðalegu atviki í ræktinni: „Var ég búin að nefna að ég var berrössuð?“

Una Stef söngkona lenti í vandræðalegu atviki í ræktinni um daginn. Una segir í samtali við Pressun að þetta hafi ekki verið hennar stoltasta augnablik en hún hefur mjög gaman af atvikinu. „Ég elska allt sem er vandræðalegt og þá sérstaklega ef ég er vandræðaleg,“ segir Una og gaf Pressunni góðfúslegt leyfi að deila sögu hennar með lesendum. Hún sagði fyrst frá atvikinu í Facebook-hópnum Motivation stelpur og hafa yfir 300 meðlimir hópsins líkað við færsluna.

21.okt. 2017 - 13:00 Ari Brynjólfsson

Móðir deilir bráðsniðugu ráði til að ná í burt flís

Það er alveg óþolandi að fá flís og enn verra ef það er barnið manns. Flísatangir og plokkarar virka í allflestum tilvikum en nú hefur móðir deilt með sér bráðsniðugu ráði til að losna við flísar sársaukalaust og án vandræða.
21.okt. 2017 - 11:50 Guðrún Ósk Guðjónsdóttir

Helgi Hrafn segir karlmenn verða að axla ábyrgð á umræðunni um ofbeldi: „Karlamenning sjálf ákveðin þöggunarmenning“

„Karlmenn verða að axla ábyrgð á umræðunni um ofbeldi og sérstaklega kynferðisofbeldi. Konur eru réttilega orðnar frekar þreyttar og pirraðar á því að þurfa að berjast fyrir þessu upp á eigin spýtur meðan karlar útskýra fyrir þeim hvers vegna þeir kalli sig femínista, jafnréttissinna eða eitthvað annað; eitthvað sem kemur málinu ekki við. Þetta snýst ekki um hvaða merkimiðar láta körlum líða vel með sjálfa sig,“ skrifar Helgi Hrafn Gunnarsson í einlægum pistli á Facebook-síðu sinni.
21.okt. 2017 - 10:35 Ritstjórn

Sérsveitin fann sveðju, rafbyssu og rafsuðutæki við húsleit

Umtalsvert magn af fíkniefnum fannst við húsleit sem Lögreglan á Suðurnesjum fór í, með aðstoð sérsveitar Ríkislögreglustjóra, í vikunni. Þá leikur sterkur grunur á að sá sem þar dvaldi hafi stundað sölu fíkniefna.
21.okt. 2017 - 10:30 Eyjan

Áherslur flokkanna: Samgöngumálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá landbúnaðarmálum til afstöðu flokkanna til veru Þjóðkirkjunnar á fjárlögum.
21.okt. 2017 - 07:56 Ritstjórn

Kona handtekin vegna heimilisofbeldis

Rétt fyrir átta í gærkvöldi var tilkynnt um eld í ruslageymslu fjölbýlishúss í austurborginni. Eldurinn reyndist minniháttar og sá slökkvilið um að slökkva eldinn. Klukkan 01:19 í nótt var tilkynnt um innbrot í húsnæði tjaldsvæðisins í Laugardal. Ekki er vitað meira um málið eins og er.

20.okt. 2017 - 21:00

Frægir Íslendingar í framboði: „Ég hef verið að pæla í þessum stjórnmálaflokkum í mörg ár“

Tíu stjórnmálaflokkar bjóða fram í öllum kjördæmum, auk tveggja flokka sem bjóða fram í einstaka kjördæmum. Alls eru 1.370 manns á framboðslistum flokkanna og þar innan um er fólk sem skarað hefur fram úr á ýmsum sviðum öðrum en stjórnmálum. Í helgarblaði DV er fjallað um nokkra þekkta einstaklinga sem finna má á framboðslistum.
20.okt. 2017 - 20:00 Aníta Estíva Harðardóttir

Sandra skilar skömminni: „Í dag hef ég trú á sjálfri mér og veit hvers virði ég er“

Fallegt kvöld í júní og árið er 2012. Sandra Ólafsdóttir er stödd í heimabæ sínum og er á leið út á lífið. Hún er full tilhlökkunar en kvöldið á eftir að breytast í martröð. Það hefur hún hins vegar ekki hugmynd um þar sem hún er að hafa sig til. Hún veit ekki að síðar þetta sama kvöld á hún eftir að hitta tvo menn sem áttu eftir gjörbreyta lífi hennar.
20.okt. 2017 - 19:00 Eyjan

Deilt á skattablekkingarleik vinstri flokkana: „Kjósendur eru ekki fífl“

Hörður Ægisson ritstjóri Markaðarins deilir harkalega á tillögur Vinstri grænna og Samfylkingarinnar um verulega aukningu ríkisútgjalda í leiðara Fréttablaðsins í dag, segir hann að málflutningur um að það eigi ekki að hækka skatta á almenning standist enga skoðun:
20.okt. 2017 - 16:28 433

Freyr: Þrjár mínútur liðu eins og þrjár vikur

Þýskalandi tók á móti Ísland í undankeppni HM kvenna í dag en leiknum lauk með 3-2 sigri íslenska liðsins.
20.okt. 2017 - 16:14 433

Magnaður sigur Íslands á Þýskalandi staðreynd

Þýskalandi tók á móti Ísland í undankeppni HM kvenna í dag en leiknum lauk með 3-2 sigri íslenska liðsins. Dagný Brynjarsdóttir kom íslenska liðinu yfir strax á 15. mínútu en Alexandra Popp jafnaði metin fyrir heimakonur á 41. mínútu og staðan því 1-1 í hálfleik.
20.okt. 2017 - 14:01 Eyjan

Hannes og Gunnar Smári í átökum: Öfund, dóni, mykjudreifari og ruglukollur

Hannes Hólmsteinn Gissurarson prófessor í stjórnmálafræði við Háskóla Íslands deilir á gagnrýnendur Bjarna Benediktssonar formann Sjálfstæðisflokksins, segir Hannes á Fésbók að öfund vinstrimanna í garð Bjarna sé öflugri en allar vatnsafls- og jarðvarmavirkjanir á Íslandi. Þeim orðum svaraði Gunnar Smári Egilsson Sósíalistaforingi og fyrrverandi útgefandi á eftirfarandi hátt:
20.okt. 2017 - 12:58

Pressan setur aðsóknarmet: 330 þúsund einstakir notendur

Pressan setti glæsilegt aðsóknarmet í vikunni sem leið. Það kom í ljós þegar lestrartölur voru birtar á Gallup í vikunni. Gallup sér um að mæla vinsælustu vefsvæði landsins.
20.okt. 2017 - 12:12 Aníta Estíva Harðardóttir

Sigrún var lögð inn á spítala vegna meðgöngueitrunar: „Blóðþrýstingurinn hækkaði, ég fékk sjóntruflanir og mikinn höfuðverk“

Sigrún Sigurpáls ætti að vera mörgum Íslendingum kunn en hún heldur úti einu vinsælasta þrifasnappi landsins. Fyrir stuttu átti Sigrún sitt fjórða barn en meðgangan var henni mjög erfið og fæddist dóttir hennar sex vikum fyrir settan dag og var því fyrirburi.
20.okt. 2017 - 09:49 Eyjan

Þingmaður Pírata um Sjálfstæðisflokkinn: „Þessir lygarar hafa blóð á höndum sínum – Blóð vina minna“

„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur,“ segir Gunnar Hrafn Jónsson þingmaður Pírata í umræðu inni í Fésbókarhópnum Geðsjúk þar sem meðlimur hópsins setti inn færslu Sjálfstæðisflokksins þar sem segir að flokkurinn vilji ljúka framkvæmd geðheilbrigðisstefnunnar og fylgja henni eftir.
19.okt. 2017 - 21:00 Akureyri vikublað

Guðjón Brjánsson alþingismaður í yfirheyrslu

„Lauk stúdentsprófi frá MA, félagsráðgjafarnámi frá Sosialhøgskolen í Stavanger, Noregi, stundaði um eins árs skeið stjórnunarnám á öldrunarsviði í Flórída og lauk masternámi í lýðheilsufræðum (MPH) við Nordiska högskolan for folkhälsovetenskap í Gautaborg.“
19.okt. 2017 - 20:48 433

Stuðningsmenn Breiðabliks ósáttir með tíðindi dagsins – Glötuð stjórn

Þetta hefur verið erfiður dagur fyrir stuðningsmenn Breiðabliks en í dag hafa tveir uppaldir leikmenn samið við önnur lið.
19.okt. 2017 - 20:30 Vesturland

Minntust 125 ára afmælis Innra-Hólmskirkju

Sunnudaginn 1. október var þess minnst í hátíðarguðþjónustu að í ár eru 125 ár síðan kirkjan var vígð að Innra-Hólmi. Hún stendur við mynni Hvalfjarðar nokkru vestan við nyrðri mynni Hvalfjarðarganga. Á Innra-Hólmi er landnámsjörð og hugsanlega elsti kirkjustaður landsins.
19.okt. 2017 - 18:51 Eyjan

Viðskiptablaðið borgar Facebook til að dreifa óhróðri um Kötu Jak

Viðskiptablaðið er komið í kosningaham. Í nokkuð harðorðum nafnlausum pistli sem merktur er Týr er spjótunum beint að Katrínu Jakobsdóttur, formanni VG, og skattahugmyndum flokks hennar. Vísað er á pistilinn af Facebook-síðu Viðskiptablaðsins og athygli vekur að ritstjórnin hefur greitt Facebook fyrir þjónustu sem tryggir að pistillinn berist sem víðast.
19.okt. 2017 - 18:44 Vesturland

Skógarperla undir Akrafjalli

„Margir höfðu áhuga á skógrækt en líka félagslífinu sem fylgdi. Þetta var í reynd eins konar ungmennafélag og því fylgdi starfsemi með mannamótum svo sem leiksýningar, böll og þess háttar,“ segir Bjarni Þóroddsson formaður Skógræktarfélags Skilmannahrepps.
19.okt. 2017 - 15:11 Eyjan

Meirihluti landsmanna á móti lögbanninu – Sjálfstæðismenn mest fylgjandi

Meirihluti Íslendinga er andvígur lögbanni Sýslumannsins í Reykjavík á fréttaflutning Stundarinnar úr gögnum Glitnis, eða 77%. Einungis 11,4% Íslendinga var fylgjandi lögbanninu og kváðust 11,6% hvorki fylgjandi né andvígir. Þetta kemur fram í niðurstöðum nýrrar könnunar MMR.
19.okt. 2017 - 14:38 Aníta Estíva Harðardóttir

Umtalsvert magn af amfetamínvökva í Norrænu

Tveir erlendir karlmenn sitja nú í gæsluvarðhaldi eftir að tollverðir fundu umtalsvert magn af amfetamínvökva í bifreið þeirra í Norrænu. Efnið fannst fyrir um það bil hálfum mánuði við komu ferjunnar til Seyðisfjarðar.
19.okt. 2017 - 12:10 Akureyri vikublað

Ásta Rún:„Mikilvægt að viðhalda fordómaleysi barnanna"

Mér fannst vanta bók sem gæti hjálpað foreldrum, kennurum og öðrum að ræða um mismunandi fjölskyldur á þægilegan hátt og ákvað að bæta úr því. Sjálf er ég gift konu og saman eigum við einn son og annað barn á leiðinni. Mig langar að stuðla að því að okkar fjölskylduform sé álitið jafn eðlilegt og önnur.
19.okt. 2017 - 11:28 Eyjan

Sýslumaður segir starfsfólk hafa tekið ásakanir nærri sér – Ekki lögbann á umfjöllun heldur illa fengnar upplýsingar

Ekki er verið að leggja lögbann á umfjöllun Stundarinnar, heldur er lagt lögbann á að Stundin megi nota illa fengnar upplýsingar þar sem það bryti í bága við lög að nota þær upplýsingar. Þetta kom fram í máli Brynjars Kvaran sviðsstjóra fullnustusviðs hjá embætti Sýslumannsins á höfuðborgarsvæðinu. Brynjar mætti ásamt Þórólfi Halldórssyni sýslumanni og Þuríði Árnadóttur sviðsstjóra hjá embættinu á opinn fund stjórnskipunar- og eftirlitsnefndar í morgun.
19.okt. 2017 - 09:35 Eyjan

Oddviti Viðreisnar hjólar í Miðflokkinn, Framsókn, Flokk fólksins og verkalýðsleiðtoga: „Blekking“ og „glæfraleg vitleysa“

„Það er umhugsnarvert þegar fjöldi stjórnmálamanna leggur sig fram um að blekkja almenning með yfirlýsingum sínum um að hægt sé að lækka vexti verulega með því einu að banna verðtryggingu. Þetta er sennilega ein glæfralegasta og vitlausasta hugmynd sem sett hefur verið fram af stjórnmálamönnum hér á landi í seinni tíð.“
18.okt. 2017 - 20:14 Eyjan

Össur segir Sigmund Davíð kominn langt með að tryggja vinstri stjórn eftir kosningar

„Sigmundur Davíð er kominn langleiðina með að tryggja að einhvers konar vinstri stjórn er líklegasta niðurstaða komandi þingkosninga,“ segir Össur Skarphéðinsson, fyrrverandi ráðherra og þingmaður, á Facebook-síðu sinni.
18.okt. 2017 - 20:00

Rifrildi um borð í togara: Háseti braut andlitið á matsveini

Héraðsdómur Norðurlands eystra hefur dæmt karlmann í fjögurra mánaða skilorðsbundið fangelsi fyrir líkamsárás. 
18.okt. 2017 - 19:01 Eyjan

Urgur í vinstra fólki vegna „lyga“ og „ógeðs“ í skjóli nafnleyndar

YouTube-myndband sem kennt er við „Skatta glöðu skatta Kötu“ hefur farið víða undanfarið Vinstri grænum til lítillar gleði. Myndbandið tekur til ýmsar upphæðir með hvassri gagnrýni á skattahugmyndir VG og er eitt dæmi um nafnlausan kosningaáróður sem flæðir yfir internetið í aðdraganda kosninga.
18.okt. 2017 - 17:30 DV

Sólveig ætlar að stöðva strípalinginn í Breiðholtslaug í dag: Neitar að hylja nekt sína - „Þarna eru ungar stelpur í skólasundi“

„Það er alveg sama hvað við hrópum og köllum á eftir honum, hann bregst ekki við og hann virðist bara fá að ganga þarna um óáreittur. Starfsfólkið virðist vera alveg máttlaust og ég skil ekki af hverju þetta fær að viðgangast.“
18.okt. 2017 - 13:07

Sigmundur Davíð ræddi um klósettferð sína við New York Times

Sigmundur Davíð Gunnlaugsson segir að blaðamaður New York Times hafi spurt sig hvers vegna Sigmundur tók ekki í hendur pólitískra andstæðinga sinna í lok sjónvarpskappræðananna á RÚV nýverið. Tóku margir sjónvarpsáhorfendur eftir því að Sigmundur gekk rakleiðis úr sjónvarpssal eftir kappræðurnar á meðan aðrir stóðu kyrrir eða tókust í hendur. Sigmundur upplýsir á Fésbók hvers vegna hann gerði það:
18.okt. 2017 - 12:01 Aníta Estíva Harðardóttir

Sund er allra meina bót

Við íslendingar teljum það sjálfsagðan hlut að skella okkur í sund öðru hvoru allan ársins hring. Á góðvirðisdögum flykkjumst við í sundlaugarnar til að synda, flatmaga í sólinni, slaka á í heitu pottunum meðan börnin renna sér í rennibrautunum. Þvílíkur unaður svo ekki sé meira sagt.
18.okt. 2017 - 09:30 Eyjan

Davíð ber saman lekamálið og lögbannið: „Hvar voru allir riddarar málfrelsisins þá?“

„Eru all­ir bún­ir að gleyma því hvernig látið var þegar „lekið“ var upp­lýs­ing­um um vafa­sam­an mann sem stór hóp­ur stóð op­in­ber­lega þétt með og krafðist að fengi sér­staka og óvenju­lega fyr­ir­greiðslu,“ segir leiðarahöfundur Morgunblaðsins í dag, en þar heldur Davíð Oddsson ritstjóri að öllum líkindum á penna. Vitnar Davíð í bloggfærslu Páls Vilhjálmssonar þar sem talað er um tímasetninguna á lögbanni Glitnis á umfjöllun Stundarinnar um viðskipti Bjarna Benediktssonar formanns Sjálfstæðisflokksins þegar hann var þingmaður fyrir hrun.
17.okt. 2017 - 20:39 433

Liverpool bætti met sitt sem var sett í útileik gegn KR árið 1964

Liverpool gjörsamlega slátraði Maribor í Meistaradeild Evrópu í kvöld á útivelli. Liverpool var með öll vopn á lofti og öll sóknarlína liðsins skoraði í 0-7 sigri.
17.okt. 2017 - 20:20 Eyjan

Vissi Bjarni af lögbanninu?: „Því miður spurði Jóhann Bjarni ekki út í þetta sérkennilega svar“

Illugi Jökulsson, rithöfundur og fyrrverandi ritstjóri, veltir upp þeirri spurningu á Facebook-síðu sinni hvort orðalag Bjarna Benediktssonar í viðtali við Jóhann Bjarna Kolbeinsson, fréttamann á RÚV, gefi mögulega til kynna að Bjarni hafi vitað að sýslumaður hygðist setja lögbann á fréttaflutning Stundarinnar.
17.okt. 2017 - 19:30 Bleikt

Menningin er rík á Seltjarnarnesinu

Menningarhátíð Seltjarnarness fór fram um liðna helgi og var fjöldi veglegra, áhugaverðra og skemmtilegra viðburða í boði frá fimmtudegi til sunnudags.Undirbúningur stóð yfir í eitt ár og lögðu um þrjú hundruð manns sitt af mörkum til að gera hátíðina að veruleika og sem glæsilegasta.
17.okt. 2017 - 12:00 Ari Brynjólfsson

Þórarinn sagði yndislegt að vera karlmaður: Anna kom þá með besta svarið

Herferðin með myllumerkinu MeToo, eða Ég líka, tók yfir samfélagsmiðla í gær. Ótal margar konur stigu fram og lýstu ýmist kynferðisofbeldi eða kynferðislegri áreitni.
17.okt. 2017 - 10:04 433

Hjörvar réttir KSÍ hjálparhönd – Samfélagsmiðar sambandsins í lamasessi

Hjörvar Hafliðason, sparkspekingur og starfsmaður 365 miðla hefur rétt KSÍ hjálparhönd.
17.okt. 2017 - 09:19 Eyjan

Vinstri græn áberandi stærst – Sjö flokkar ná inn

Sjö stjórnmálaflokkar næðu mönnum á þing ef kosið yrði í dag. Vinstri græn yrði stærsti flokkurinn með 27% fylgi og 19 þingmenn.
16.okt. 2017 - 22:00 Bleikt

„Ég sturtaði litla barninu mínu niður“ – Inga Berta missti fóstur

Að missa fóstur er eitthvað sem fólk vill oft ekki tala um. Margir upplifa eflaust skömm, þar sem maður gerir sér miklar vonir en fannst þetta svo „ekki vera neitt“. Mín upplifun er sú að eftir að þú veist að þú er barnshafandi er þetta svo mikið stærra, og er fósturmissir umræða sem ég vil opna.
16.okt. 2017 - 21:48 Eyjan

Múlbinding sem virkar öfugt og kemur sér tæplega vel fyrir Bjarna

Lögbann á fjölmiðil er aðgerð sem yfirleitt virkar öfugt. Eitt og sér gefur það til kynna að eitthvað búi á baki sem ástæða er til að fela. Og skilningur gagnvart banni á birtingu upplýsinga úr gömlu, föllnu og illa þokkuðu bönkunum er afar lítill. Þeir eru á svarta listanum hjá þjóðinni.
16.okt. 2017 - 17:53

Hildi var brugðið þegar hún fór að skoða íbúðir: „Það var sláandi að sjá þetta“

„Það var sláandi að sjá þetta,“ sagði lögfræðingurinn Hildur Hjörvar í erindi sem hún hélt á húsnæðisþingi í dag. 
16.okt. 2017 - 17:40 Ritstjórn

Frosti og Máni segja grein Ásmundar úthugsað kosningabragð til að veiða atkvæði rasista

Útvarpsmennirnir Frosti Logason og Máni Pétursson voru á einu máli um það í Harmageddon í morgun að grein Ásmundar Friðrikssonar, þingmanns Sjálfstæðisflokksins, um hælisleitendur hafi verið úthugsað kosningabragð Sjálfstæðismanna til að veiða atkvæði rasista.                     

16.okt. 2017 - 15:26 Eyjan

Miðflokkurinn vill taka 130 milljarða úr bönkunum

Miðflokkurinn segir að hægt sé að taka 130 milljarða króna úr bankakerfinu til að nota til uppbyggingu innviða. Minnka eigi bankana og þar með lækka vexti og gjöld. Þetta kom fram í máli Guðfinnu Jóhönnu Guðmundsdóttur oddvita flokksins í Reykjavík norður.
16.okt. 2017 - 14:28 433

,,Í Eyjum þá er ég bara sami vitleysingurinn og ég var fyrir 15 árum"

Heimir Hallgrímsson hefur skrifað sig inn í sögubækurnar á Íslandi eftir að hann hóf að þjálfa íslenska karlalandsliðið í knattspyrnu, hann ásamt Lars Lagerbäck kom liðinu á sitt fyrsta stórmót síðasta sumar þegar Ísland komst í 8-liða úrslit á Evrópumótinu í Frakklandi.
16.okt. 2017 - 11:54 Aníta Estíva Harðardóttir

Kristín: „Það að hugga barn því að pabbi vill ekki hitta það er það erfiðasta sem hægt er að gera“

„Maður heyrir oft söguna um pabbann sem nennir ekki að sinna börnunum sínum eða söguna um pabbann sem fær ekki að hitta barnið sitt af engum sérstökum ástæðum. Ég ætla að segja ykkur aðra sögu...“
16.okt. 2017 - 10:35 Eyjan

Stuðningur eykst við inngöngu Íslands í ESB

40,2% landsmanna vill að Ísland gangi inn í Evrópusambandið, er það nokkur fjölgun frá því í febrúar á þessu ári þegar 33,9% landsmanna vildu ganga í ESB. Töluverður meirihluti, eða 59,8% landsmanna, er á móti inngöngu.
15.okt. 2017 - 16:39 433

Myndband: Þegar Ólafur sagði upp störfum hjá Randers

FH staðfesti í gær ráðningu sína á Ólafi Helga Kristánssyni sem þjálfara liðsins næstu árin. Samningurinn er til þriggja ára.

(9-31+) Gæludýr.is: Hundaúlpur - okt
Vilhjálmur Birgisson
Vilhjálmur Birgisson - 10.10.2017
Þessu er ég ekki búinn að gleyma!
Brynjar Nielsson
Brynjar Nielsson - 09.10.2017
Blekkingin er algjör
Gunnlaugur Jónsson
Gunnlaugur Jónsson - 16.10.2017
Við hvaða tölu innflytjenda verður þú rasisti?
Brynjar Nielsson
Brynjar Nielsson - 11.10.2017
Bagalegt að Samfylkingin sé enn í henglum
Hannes Hólmsteinn Gissurarson
Hannes Hólmsteinn Gissurarson - 14.10.2017
Þriðja stærsta gjaldþrotið?
Brynjar Nielsson
Brynjar Nielsson - 18.10.2017
Einfaldur sannleikur setur allt á annan endann
Vilhjálmur Birgisson
Vilhjálmur Birgisson - 13.10.2017
Samfélagsbanki fyrir íslenskan almenning
Börkur Gunnarsson
Börkur Gunnarsson - 17.10.2017
Missti af þessum látum á Stundinni
Kristinn H. Gunnarsson
Kristinn H. Gunnarsson - 21.10.2017
Aðskilnaður stjórnmála og viðskipta
Hannes Hólmsteinn Gissurarson
Hannes Hólmsteinn Gissurarson - 21.10.2017
Ísland og Púertó Ríkó
Hannes Hólmsteinn Gissurarson
Hannes Hólmsteinn Gissurarson - 21.10.2017
Response to frequent questions by foreign journalists
Indíana Ása Hreinsdóttir
Indíana Ása Hreinsdóttir - 22.10.2017
#églíka
Fleiri pressupennar
(15-28) Húðfegrun: Gelísprautun - okt