09. nóv. 2017 - 12:02Akureyri vikublað

Hlakkar til að verða gömul með kærastanum

Ég var eins árs þegar foreldrar mínir stofnuðu fyrirtækið árið 1965. Það eru ekki mörg fyrirtæki á Akureyri sem geta státað af því að vera yfir 50 ára gömul og ég tala nú ekki um fjölskyldufyrirtæki,"

segir Inga Vestmann, annar eigandi Pedromynda á Akureyri. 

Stafræna byltingin breytti öllu 

Inga og sambýlismaður hennar, ljósmyndarinn og plötusnúðurinn Þórhallur Jónsson, keyptu Pedromyndir af foreldrum hennar árið 2001, þeim Friðriki Vestmann og Guðrúnu Hjaltadóttur, en Þórhallur hafði starfað í Pedromyndum með tengdaforeldrum sínum í rúm 15 ár. Tveimur árum eftir að þau keyptu reksturinn, árið 2003, kom stafræna byltingin sem gjörbreytti rekstrarumhverfinu. 

Framköllunin sem áður var langstærsti hluti veltunnar er nú einungis 5–10% af veltu fyrirtækisins. Með tilkomu stafrænu byltingarinnar hefur áhugi á ljósmyndun stóraukist. Við höfum mætt þessum breytingum með því að bjóða upp á ljósmyndanámskeið og Þórhallur er búinn að skrifa þrjár kennslubækur í ljósmyndun á Canon EOS og hefur fylgt þeim eftir með námskeiðum um allt land.


Mynd úr einkasafni

Kynntust á Hótel KEA 

Inga og Þórhallur hafa verið saman í langan tíma; nánar tiltekið 35 ár. Þau kynntust þegar hún var 19 ára og hann 17 ára. Við kynntumst eiginlega í gegnum mömmu hans því ég tók við af henni í starfi gestamóttöku á Hótel KEA. Við unnum saman fyrst um sinn til að koma mér inn í starfið og að sögn hennar var Þórhallur farinn að koma óeðlilega oft í heimsókn til hennar í vinnuna,

segir Inga brosandi og bætir við að hún hafi strax heillast af þessum unga manni. 

Ég sá strax einhvern sjarma yfir honum. Og það hefur ekkert breyst. 

Fæddi andvana tvíbura 

Þau Þórhallur eiga þrjú börn, Axel Darra, 27 ára, Andra Má, 23 ára, og Rebekku Rut, 22 ára, og íslensku tíkina Emmu sem er 11 ára. 

Þegar ég var 19 ára eignuðumst við andvana tvíburastelpur eftir 28 vikna meðgöngu. Ef þær hefðu lifað ættum við Þórhallur 34 ára gamlar dætur og ég örugglega löngu orðin amma, 

segir hún og það er augljóst að missirinn hefur ennþá áhrif á hana. 

Fæðingin fór af stað eina nóttina og þetta gerðist allt mjög hratt. Ég hef aldrei fengið að vita hvað gerðist. Ég var ung og óslípuð og þetta var mjög erfið lífsreynsla sem ég hef ekki enn unnið úr. Ég lá inni á sjúkrahúsinu með konum sem höfðu verið í legnámi og var svo bara send heim; líkt og ég hefði verið í botnlangauppskurði. Ég fékk aldrei að sjá börnin. Það var hlaupið með þau út af fæðingarstofunni strax og fyrir vikið var tómleikinn enn meiri. Á þessum tíma talaði enginn um það sem var óþægilegt en ég gat talað um sársaukann við tengdamóður mína sem reyndist mér afskaplega vel á þessum erfiða tíma. Sem betur fer hafa þessir hlutir breyst í dag. Nú fá konur sem eignast andvana börn sálfræðihjálp auk þess sem aðstandendum býðst einnig hjálp því auðvitað upplifir fólkið í kring mikla sorg líka. Ég gleðst yfir því að eftirfylgnin sé orðin meiri í dag og að ungar mæður séu ekki skildar eftir í lausu lofti með sársauka í hjartanu. Það verða allir að fá að vinna úr sínum áföllum, sama hvers eðlis þau eru, 

segir hún og bætir við að hún hugsi reglulega til tvíburasystranna. 

Ég hef fengið að vitað að þær fylgja mér. Þær eru þarna. 


Mynd: Guðrún Þórs

Viðkvæm sál 

Þótt þau Þórhallur hafi verið lengi saman eru þau ógift. 

Við byrjuðum saman svo ung og þá var ekki í tísku að gifta sig og einhvern veginn hefur það setið á hakanum. Ég grínast stundum með að við giftum okkur bara á elliheimilinu. Sambandið hefði auðveldlega getað fjarað út þegar við misstum tvíburana en ég held að áfallið hafi styrkt okkur. Við grétum saman og eigum saman þessa reynslu sem við göngum bæði með í hjartanu. Þessi lífsreynsla breytti mér. Ég, sem hafði alltaf verið mikill töffari, meyrnaði og varð viðkvæm sem ég er enn í dag; ég er voðalega viðkvæm sál, 

segir hún og játar því að það séu forréttindi að hafa fundið lífsförunautinn svona snemma. 

Þórhallur er minn besti vinur. Við getum rætt saman um allt en erum alls ekki alltaf sammála. Við erum ólík að svo mörgu leyti. Við höfum verið samferða í svo mörg ár og ég veit stundum nákvæmlega hvað hann er að hugsa og öfugt. Það getur verið svolítið fyndið. Börnin okkar byrjuðu öll ung með sínum mökum og við erum svo heppin að eiga tvær dásamlegar tengdadætur og frábæran uppáhaldstengdason eins og við köllum hann.


Mynd úr einkasafni

Kvöldmáltíðin heilög 

Þau Þórhallur hafa staðið vaktina saman í Pedromyndum síðustu áratugina. Samt sem áður segir hún skugga aldrei hafa fallið á samstarfið. 

Það er ekki sjálfgefið að geta unnið með maka sínum og ég er oft spurð hvernig ég geti þetta eiginlega. Ég er alin upp við að mamma og pabbi unnu saman í 32 ár í fyrirtækinu. Þau stóðu alltaf saman og gera enn. Við Þórhallur erum ekki alltaf sammála og stundum þarf að fara milliveginn, eins og í öllum hjónaböndum,

segir hún og bætir við að þau reyni að taka vinnuna ekki með sér heim á kvöldin. 


Mynd úr einkasafni

Hjá okkur hefur verið regla í gegnum árin að kvöldmáltíðirnar eru heilög stund fjölskyldunnar. Þá spjöllum við um lífið og tilveruna. Það eru mjög dýrmætar stundir. 

Miðbærinn mikilvægur 

Inga er Akureyringur í húð og hár og hefur búið á Akureyri alla sína ævi ef undan er skilið eitt ár í Reykjavík þegar Þórhallur var í námi. Hún ólst upp í Hafnarstræti 85, þar sem Pedromyndir voru fyrst til húsa, yngst þriggja systkina. Hún segir að þar séu hennar rætur. 

Miðbærinn er mér mjög kær. Sumir segja að Akureyri sé svefnsamfélag og að það hreyfist ekki í okkur blóðið en þetta samfélag hentar mér mjög vel. Miðbærinn, sem verslunarsvæði, er mér hjartans mál. Það eru sorglegir bæir þar sem miðbærinn er dauður, 

segir hún og bætir við að henni lítist vel á þær breytingar sem eru í gangi í göngugötunni. 

Vonandi verða þær til að lyfta svæðinu upp. Góð vinkona mín fékk þá góðu hugmynd að stofna miðbæjarfélag; svona Vini miðbæjarins. Meðlimir þyrftu ekkert gjald að greiða en þeir yrðu að skuldbinda sig til þess að sýna sig í miðbænum allavega einu sinni í viku og gefa þannig miðbænum líf. Fjöldi Akureyringa kemur aldrei í miðbæinn. Þeir segjast ekki eiga neitt erindi þangað, fara bara í Bónus, Glerártorg og svo heim til sín. Það vantar eitthvert aðdráttarafl. Sjáið bara tröllin fyrir utan Viking og það sem þau gera fyrir ferðamennina, þetta þarf ekkert að vera flókið, 

segir Inga brosandi og bætir við að hún kunni vel að meta þegar skemmtiferðaskipin séu í höfn og bærinn fullur af erlendum ferðamönnum. 

Ég skil ekki þá sem segja að það sé ekki farandi niður í bæ fyrir túristum á sumrin. Það er ekki manneskja í rekstri sem segir svoleiðis. Það er á hreinu að túristarnir hafa haldið okkur á floti síðastliðin sumur.

Styrkja krabbameinssjúka 

Inga og vinkona hennar, Vilborg Jóhannsdóttir, eigandi Tískuverslunarinnar Centro, komu af stað Dömulegum dekurdögum en þeir voru haldnir í 10. sinn í október. 

Vilborg á hugmyndina að þessum viðburði og upphaflega byrjuðum við þetta til að glæða bæinn, sem annars var ansi daufur á þessum árstíma, lífi. Síðan hefur þessi hugmynd vaxið og dafnað og nú hlakka konur til, alls staðar af landinu, að koma til Akureyrar og eiga hér skemmtilega dekurhelgi. Við erum mjög stoltar af þessu verkefni sem tengir við bleika mánuðinn og virkjar bæði einstaklinga og fyrirtæki til að láta gott af sér leiða og Krabbameinsfélagið hér á Akureyri nýtur góðs af, 

segir hún en Dömulegir dekurdagar skiluðu 2,2 milljónum króna til Krabbameinsfélagsins á dögunum. 

Með klútasölu, slaufum í staura og þátttökugjaldi fyrirtækja höfum við orðið einn af stærstu styrktaraðilum Krabbameinsfélagsins hér fyrir norðan og finnst okkur peningunum vel varið. 

Mikil vaxtartækifæri 

Inga sér fyrir sér að verða gömul á Akureyri því þar liggja ræturnar. 

Ég gæti samt alveg hugsað mér að prófa að búa í sveit í nágrenni Akureyrar til að vera meira í snertingu við náttúruna, 

segir hún og brosir og bætir svo við: 

Ég sé fyrir mér mikil vaxtartækifæri hér og held að bærinn eigi bara eftir að vaxa og dafna en til þess þurfum við að halda vel á spöðunum. Við þurfum að nýta flugvöllinn betur og byggja upp skíðasvæðið, eins og er í bígerð. Hér höfum við allt, magnað Menningarhús, vinsælasta tónleikastað landsins, Græna hattinn, flott hótel og fjölbreytta veitingastaði og skíðasvæðið á eftir að verða enn flottara með þeim breytingum sem fram undan eru. Við eigum að geta boðið fólki að koma hingað allan ársins hring. Við þurfum bara að standa saman í því að finna réttu og bestu leiðirnar. 

Heldur lífi í rómantíkinni 

Inga segir að gott samband krefjist vinnu. 

Það er mikilvægt að gleyma sér ekki og fara að taka hlutunum sem sjálfsögðum. Slíkt verður maður að passa. Ég er dugleg að koma Þórhalli skemmtilega á óvart , fara út fyrir rammann og hið daglega amstur og gera eitthvað skemmtilegt,

segir hún og viðurkennir að þau gæti þess að halda lífi í rómantíkinni. 

Ég er kannski duglegri en hann, en ég veit að hann kann að meta það. Það þarf líka ekki að vera flókið. Lífið er núna og við verðum að njóta þess. Ég hlakka bara til að verða gömul með honum. Hann er ákveðinn í að halda uppi fjörinu á elliheimilinu með diskótónlist. Það verður nú ekki dónalegt að vera kona diskótekarans á elliheimilinu, í pallíettudressinu, 

segir Inga hlæjandi að lokum.

Greinin birtist upphaflega í Akureyri Vikublað.



25.apr. 2018 - 13:30

Hið vinsæla góðgerðarhlaup Wings for Life haldið í fyrsta sinn á Íslandi

Loksins fá Íslendingar að taka þátt í Wings for Life hlaupinu en það verður haldið í fyrsta skipti hér á landi sunnudaginn 6. maí næstkomandi. Um er að ræða alþjóðlegt átak en allur ágóði af hlaupinu rennur til rannsókna á mænuskaða. 
25.apr. 2018 - 11:21 Bleikt

Heimatilbúið Guacamole að hætti Þóreyjar

Nýjasta æðið mitt í eldhúsinu er að gera mitt eigið guacamole. Þetta er ekki bara ferskt & gott, heldur er þetta gott með svo rosalega mörgu. Þetta er æðislegt með nachos flögum, ofan á tortilluna eða með rísköku.
24.apr. 2018 - 10:30 Eyjan

Styður ekki lista Sjálfstæðisflokksins í Eyjum

Páll Magnússon, þingmaður Sjálfstæðisflokksins úr Suðurkjördæmi, er ófáanlegur til þess að lýsa yfir stuðningi við lista Sjálfstæðisflokksins í Vestmannaeyjum.
22.apr. 2018 - 22:00 DV

Nanna Elísa upplifði loks réttlæti: „Maðurinn sem nauðgaði mér mun ekki ljúka námi“

Nanna Elísa Jakobsdóttir upplifði réttlæti gagnvart nauðgara sínum, en hún upplýsti um helgina að maður sem nauðgaði henni muni ekki fá að ljúka námi við Columbia háskóla, þar sem Nanna er við nám. Þetta er niðurstaða að undangenginni átta mánaða rannsókn á málinu af hálfu skólayfirvalda hjá Columbia háskóla. 
22.apr. 2018 - 16:04 Bleikt

Hilmir Snær bjó til myndagátu. Getur þú ráðið hana?

Smellin myndagáta sem leikarinn Hilmir Snær Guðnason samdi er nú að ná nokkur útbreiðslu á Facebook. Gátan kann að vefjast fyrir mörgum en svarið virðist einfalt eftir að það liggur fyrir.

22.apr. 2018 - 12:00 Bleikt

Sunna Rós opnar sig um fæðingarþunglyndi: „Ég vildi drepa barnið mitt“

Sunna Rós Baxter er 31 árs, einstæð móðir tveggja barna.  Á bloggsíðu sinni og Snapchat segir hún á opinskáan hátt frá móðurhlutverkinu, fæðingarþunglyndinu sem hún glímdi við eftir fyrri meðgönguna og hvernig seinni meðgangan var ólík þeirri fyrri.

21.apr. 2018 - 14:33 Bleikt

Einföld og góð uppskrift frá Tinnu af sósu sem passar vel með öllu

Langar að deila með ykkur uppskrift af sósu sem mér finnst alveg rosalega góð. Hef gert þessa sósu síðan við Arnór byrjuðum að búa og fæ aldrei leið á henni. Hún passar með svo mörgu, t.d. pasta, kjötréttum, góð grillsósa..

20.apr. 2018 - 18:30 Eyjan

Bjarni leiðir lista VG og óháðra í Skagafirði

Vinstri hreyfingin grænt framboð og óháðir hafa birt Skagafjarðarlista sinn, sem leiddur er af Bjarna Jónssyni, varaþingmanni og fiskifræðingi frá Sauðárkróki, að því er kemur fram í tilkynningu. Samtals eru framboð VG því orðin níu talsins, en von er á fleirum samkvæmt tilkynningu.

20.apr. 2018 - 14:30 Bleikt

Jóna Þóra hafði prófað alla kúrana og fór í fitusog: „Hélt það myndi leysa öll mín vandamál en það var rangt“

Jóna Þóra Friðriksdóttir var aldrei í mikilli yfirþyngd þegar hún var ung en þegar hún fór í unglingadeild byrjaði hún ómeðvitað að bæta á sig aukakílóum. „Eflaust þekkja það flestir hversu geðveikt það var að byrja í unglingadeild, maður gat keypt bakarísmat í skólanum og þurfti ekki einu sinni að fara út í frímínútur,“ segir Jóna í viðtali við DV.
20.apr. 2018 - 11:02 Eyjan

Helmingur kvenna á aldrinum 25–64 ára með háskólamenntun – Fjölgar hraðar en körlum

Háskólamenntuðum landsmönnum á aldrinum 25–64 ára hefur fjölgað um 14,7 prósentustig frá árinu 2003 en 42,4% íbúa í þessum aldurshópi höfðu lokið háskólamenntun árið 2017, alls 73.600. 
18.apr. 2018 - 18:30 Bleikt

Sigríður fæddi barn sitt í Kanada: „Það er til skammar hvað íslenskar ljósmæður fá illa borgað“

Þegar Sigríður Katrín Karlsdóttir komst að því að hún væri ólétt var hún nýflutt til eiginmanns síns, Shawn til Ottawa, Kanada. Meðgöngu og fæðingarferlið í Kanada er nokkuð ólíkt því sem við könnumst við hér á Íslandi og ákvað Sigríður að greina frá sinni sögu til stuðnings kjarabaráttu ljósmæðra.

18.apr. 2018 - 14:30 Bleikt

Gómsæt skinkuhorn að hætti Snædísar Bergmann

Nú er ég komin rúmlega 37 vikur á leið og fer því að styttast í fæðingarorlof hjá mér. Ég ákvað því að taka hálfan dag þar sem ég bakaði skinkuhorn, kanilsnúða og möffins til að eiga inni í frysti, það er eitthvað svo æðisleg tilfinning að vita af frystinum fullum af heimabökuðu góssi fyrstu dagana í fæðingarorlofi.

18.apr. 2018 - 11:00 Bleikt

Fjölskylduvinur Anítu misnotaði hana kynferðislega: „Ég vaknaði úti í móa með buxurnar á hælunum“

Aníta Guggudóttir hefur upplifað mikinn kvíða og hræðslu eftir að hafa lent í alvarlegu áfalli þegar náin fjölskylduvinur misnotaði hana kynferðislega. „Ég lenti í þeirri ömurlegu stöðu að vera nauðgað af ógeðslegum manni. Hann var ekki bara einhver maður heldur var hann fjölskylduvinur sem náði okkur öllum á sitt band. 
17.apr. 2018 - 14:21 Bleikt

Silíkonpúðar Stefaníu kostuðu hana heilsuna: „Einn þeirra var rifinn og hinn var farin að leita undir handakrikann“

Stefanía Jakobsdóttir fór í lok árs árið 2013 í aðgerð til þess að láta minnka og laga brjóstin hennar. Í aðgerðinni voru settir silíkonpúðar í brjóstin sem áttu eftir að kosta Stefaníu heilsuna.

17.apr. 2018 - 11:00 Bleikt

Birnu neitað um tryggingar: „Þeir telja mig í of miklum áhættuhópi gagnvart sjálfsvígi“

Birna Kristín Ásbjörnsdóttir greindist með geðhvarfasýki árið 2015. Henni hafði þó ávallt grunað að sá sjúkdómur væri að plaga hana en upplifði hún ákveðin létti að fá loksins greiningu. „Það var mikill léttir að fá að vita af hverju ég upplifði svona slæma daga, óeðlilega hraðar hugsanir, undarlegar tilfinningar, geðhæðir og gífurlega vanlíðan á köflum. 
16.apr. 2018 - 20:00

María fer til Guatemala að taka upp lag: „Ég elska þegar tónlist segir manni sögu“

Mynd: Sara G. Amo María Viktoría er 24 ára tónlistarkona sem býr í Laugardalnum. Hún var að gefa út lag sem heitir Rainy Rurrenabaque á Youtube og Spotify.  Lagið fjallar um lítinn stað í Norður-Bólívíu rétt við Amasónskóginn. 
16.apr. 2018 - 18:30 Bleikt

Uppskrift af einföldu Mexíkósku kjúklingalasagna

Þetta er ein af mínum uppáhalds uppskriftum til þess að elda þegar ég er ein heima með stelpurnar þar sem þetta er svo ótrúlega fljótlegt, auðvelt, mjög gott og svo er alltaf til afgangur til þess að eiga í hádeginu daginn eftir.

16.apr. 2018 - 14:30 Bleikt

Erla Kolbrún snappar frá Kleppi: „Ég var komin á botninn og gat lífið ekki“

Erla Kolbrún Óskarsdóttir lenti í læknamistökum árið 2012 þar sem laga átti endaþarmssig sem hún fékk í kjölfar fæðingar yngri dóttur sinnar. Síðan þá hefur Erla barist við mikla og óbærilega verki sem ekki er hægt að laga. Eftir aðgerðina varð Erla afar þunglynd og sjálfsvígshugsanir herjuðu á hana daglega. Nýlega var Erla lögð inn á Klepp vegna mikillar vanlíðunar og ákvað hún að leyfa fólki að fylgjast með meðferðinni í gegnum Snapchat.

16.apr. 2018 - 11:10 Eyjan

Innflytjendur voru að jafnaði 16,5% starfandi fólks árið 2017

Árið 2017 voru að jafnaði 197.094 starfandi á Íslandi. Af þeim voru konur 92.855 eða 47,1 % og karlar 104.239 eða 52,9%. Starfandi innflytjendur voru að jafnaði 32.543 árið 2017 eða 16,5% af öllum starfandi. Þetta kemur fram á vef Hagstofu Íslands.

13.apr. 2018 - 14:30 Bleikt

Fimm ára barátta Hilmars og Rjóma um flutning til Íslands

Hilmar Egill Jónsson flutti til Noregs árið 2011 þar sem hann hafði ákveðið að búa ásamt fjölskyldu sinni í eitt ár. Þar lét Hilmar langþráðan draum sinn rætast og keypti sér English Bull Terrier hvolp sem fékk nafnið Rjómi.

13.apr. 2018 - 11:00 Eyjan

„Annaðhvort er fólk að fylgja hagsmunum FH og setja þá ofar hagsmunum bæjarbúa, eða það er bara að hugsa um prófkjör og atkvæði“

Borghildur Sturludóttir, bæjarfulltrúi Bjartrar framtíðar sem var látin taka poka sinn úr skipulags- og byggingaráði í fyrradag á hinum mikla hitafundi í Hafnarfirði, kennir íþróttafélögunum FH og Haukum um þau átök sem geysað hafa í bæjarstjórn að undanförnu, en bæði félög hafa þrýst mikið á um byggingu knatthúsa:

12.apr. 2018 - 18:00 Eyjan

Skorað á Írisi að leiða nýtt framboð í Eyjum

Í kvöld fer fram stofnfundur nýs bæjarmálafélags í Vestmannaeyjum. Aðdragandinn er „þung undiralda“ í bænum, að sögn Leós Snæs Sveinssonar sem kemur að stofnun hins nýja framboðs. Mikil óánægja Sjálfstæðismanna skapaðist þegar ákveðið var að hætta við prófkjör hjá flokknum í janúar, þó svo slíkt hefði ekki farið fram í 28 undanfarin ár. 
12.apr. 2018 - 14:30 Eyjan

Guðjón svarar Birni Bjarnasyni vegna ásakana um lygar: „Blákaldar staðreyndir sem kjósendur eiga rétt á að fá að vita um“

Guðjón Friðriksson sagnfræðingur, er einn þeirra sem Björn Bjarnason sakaði í gær um að birta lygar og óhróður á Facebook um Eyþór Arnalds, borgarstjóraefni Sjálfstæðisflokksins, líkt og Eyjan greindi frá. 
Guðjón hafði samband við Eyjuna til að koma á framfæri svari sínu til Björns Bjarnasonar, hvar hann vísar öllum ummælum um lygar og óhróður til föðurhúsanna:
12.apr. 2018 - 11:00 Eyjan

Elliði í fimmta sæti í Eyjum: „Tek ég alvar­lega umræðu um þörf­ina á vald­dreif­ing­u“

Elliði Vignisson, bæjarstjóri í Vestmannaeyjum, verður í fimmta sæti framboðslista Sjálfstæðisflokksins í næstu sveitastjórnarkosningum. Hildur Sólveig Sigurðardóttir mun skipa fyrsta sætið, en það er í fyrsta skipti í 20 ár sem kona skipar efsta sætið í Eyjum.

09.apr. 2018 - 09:30 Doktor.is

Er hjólið þitt rykfallið í hjólageymslunni?

Í flestum hjólageymslum úir og grúir af hjólum sem hafa ekki verið hreyfð svo árum skiptir. Er þitt hjól þar á meðal? Þó sumarhitinn sé ekki mikið farinn að láta á sér kræla er ekkert sem stoppar okkur í að taka fram hjólið. Um leið og við erum búin að hjóla nokkur hundruð metra er hitinn kominn í kroppinn. Við höfum fáar afsakanir nú þegar engin hálka er á gang- og hjólastígum. Nú er bara að pumpa í dekkin, smyrja keðjuna og drífa sig af stað.

08.apr. 2018 - 14:00 Eyjan

Brynjar Níelsson um RÚV: „Óeðlileg tímaskekkja“ -„Röknum úr rotinu“

Brynjar Níelsson, þingmaður Sjálfstæðisflokksins, gerir ríkisrekna ljósvaka- og netmiðla að umfjöllunarefni sínu á Facebooksíðu sinni í dag. Hann segir menn í evrópu vera að átta sig á hversu mikil „tímaskekkja“ þeir séu og fullkomlega „óeðlilegir“ út frá jafnræðis- og samkeppnissjónarmiðum. Hann segir menningar- og öryggisrökin fyrir tilvist RÚV úr sér gengin:

07.apr. 2018 - 21:55 DV

Fimm hús sem mega alls ekki brenna

Á fimmtudaginn varð stórbruni í Miðhrauni í Garðabæ. Í húsinu var lager Icewear og geymslur Geymslur ehf. sem innihéldu eigur fólks og jafnvel heilu búslóðirnar. Tjónið er gríðarlegt, bæði peningalega séð og tilfinningalega. Af því tilefni tók DV saman lista yfir fimm hús á Íslandi sem mega alls ekki brenna.

06.apr. 2018 - 18:30 Bleikt

Eignir Dýrahjálpar ónýtar eftir stórbrunann í gær: „Það getur ekki verið að neitt hafi bjargast“

Stórbruninn í húsnæði Geymslur.is og Icewear fór líklega ekki fram hjá neinum í gær. Mikið af fólki og fyrirtækjum var með búslóð sína eða vörur í geymslu og bíður nú í örvæntingu eftir því að fá upplýsingar um stöðu eigna þeirra.

06.apr. 2018 - 15:30 Eyjan

Kolbrún Baldursdóttir og Karl Berndsen leiða Flokk fólksins í Reykjavík

Kolbrún Baldursdóttir sálfræðingur og Karl Berndsen hárgreiðslumeistari leiða lista Flokks fólksins í Reykjavík í komandi borgarstjórnarkosningum. Flokkur fólksins tilkynnti um 10 efstu sætin á fundi í Norræna húsinu eftir hádegi í dag.
06.apr. 2018 - 12:30 Bleikt

Rósa Ásgeirsdóttir elskar að skapa ævintýri fyrir börn

Rósa Ásgeirsdóttir leikkona hefur verið hluti af Leikhópnum Lottu í tíu ár. Á þeim tíma hefur hún skellt sér í hin ýmsu gervi og veitt börnum víðs vegar um landið ómælda gleði.

06.apr. 2018 - 09:14 DV

Berglind yfirgaf leiguhúsnæði vegna myglusvepps: Missti aleiguna í brunanum hjá Geymslum.is í gær

Berglind Garðarsdóttir og fjölskylda hennar flutti í janúar í leiguíbúð í Seljahverfi, sem þau urðu að yfirgefa vegna myglusvepps. Fjölskyldan hefur verið húsnæðislaus síðan og í gær dundi enn eitt áfallið yfir þegar það sem eftir var af veraldlegum þeirra varð eldinum að bráð í húsnæði Geymslur.is í Miðhrauni í Garðabæ.

05.apr. 2018 - 11:00 Eyjan

Sigurður Ingi um fjármálaáætlunina: „Nei, þetta er ekki nóg“

Sigurður Ingi Jóhannsson, samgöngu- og sveitastjórnarráðherra, virðist einn af fjölmörgum sem ekki eru ánægðir með nýja fjármálaáætlun ríkisstjórnarinnar sem kynnt var í gær. Þar er gert ráð fyrir að 125 milljarðar króna fari í innviðauppbyggingu frá 2019-2023 og á fyrstu þremur árunum verði 5.5 milljörðum aukalega varið til uppbyggingar, sem fjármagnað verði með arðgreiðslum fjármálafyrirtækja í eigu hins opinbera.

04.apr. 2018 - 17:00 Eyjan

Von á umbótum á löggjöf á sviði tjáningar-, fjölmiðla- og upplýsingafrelsis

Forsætisráðherra hefur skipað nefnd um umbætur á löggjöf á sviði tjáningar-, fjölmiðla- og upplýsingafrelsis.  Verkefni nefndarinnar verða eftirfarandi: Fara yfir fyrirliggjandi lagafrumvörp, sem stýrihópur, í kjölfar þingsályktunar nr. 23/138 um að Ísland skapi sér afgerandi lagalega sérstöðu varðandi vernd tjáningar- og upplýsingafrelsis, skilaði af sér eða hlutaðist til um að yrðu samin.
04.apr. 2018 - 14:00 Bleikt

Ingibjörg Eyfjörð: „Ég bjó mér til samfélagsmiðlakarakter“

Ég fékk að heyra það fyrir svolitlu síðan að ég málaði mynd af mér á samfélagsmiðlum sem væri ekki raunhæf eða lík mér á nokkurn hátt, komandi frá manneskju sem ég þekki vissi ég að ég ætti ekkert að taka of mikið mark á þessu. En verandi mannleg þá hefur þetta nagað mig, ég hef haft stöðugar áhyggjur af því að fólk sé kannski að misskilja mig, það sem ég segi og það sem ég stend fyrir.

04.apr. 2018 - 11:00 Eyjan

Utankjörfundarkosning erlendis hafin

Kosning utan kjörfundar erlendis vegna sveitastjórnarkosninga  26. maí 2018 er hafin. Kjörstaðir eru allar sendiskrifstofur Íslands (nema Fastanefnd hjá NATO í Brussel), aðalræðisskrifstofur í New York, Winnipeg, Þórshöfn og Nuuk ásamt skrifstofum 215 kjörræðismanna víða um heim.
03.apr. 2018 - 19:00 Bleikt

Léttist um 147 kíló á tveimur árum: „Ég fylgist bara með hvað ég borða og hreyfi mig“

Flestir eiga sérstakan atburð eða tímasetningu sem þeir geta tengt við breytingu á lífi sínu. Karlmaður sem vó 257 kíló segir að hann muni aldrei gleyma augnablikinu þegar hann áttaði sig á því að hann þyrfti að létta sig.

03.apr. 2018 - 17:02 Eyjan

Ísland styður hinsegin fólk – Gerist aðili að Equal Rights Coalition

Ísland gerðist í dymbilvikunni aðili að Equal Rights Coalition sem er hópur ríkja sem vinna saman að því að tryggja að hinsegin fólk (LGBT+) hvarvetna fái notið allra mannréttinda. Aðild að bandalaginu er í samræmi við stjórnarsáttmála ríkisstjórnarinnar en þar kemur fram að stefnt skuli að því að koma Íslandi í fremstu röð í málefnum hinsegin fólks.

03.apr. 2018 - 11:00 Eyjan

Björn Leví saknar Benedikts: „Ljósárum betri en núverandi ráðherra“

Björn Leví Gunnarsson, þingmaður Pírata, talar fallega um fyrrverandi fjármálaráðherra, Benedikt Jóhannesson, í opinskárri og einlægri Facebookfærslu í dag. Segir hann Benedikt hafa gert „fína“ hluti og hafi verið „ljósárum“ betri en núverandi ráðherra, Bjarni Benediktsson. Hann gengur jafnvel svo langt að segja að Benedikt hefði getað orðið besti fjármálaráðherra sögunnar:

29.mar. 2018 - 08:00 Sverrir Björn Þráinsson

Inga Dís losaði sig við 23 kg á jafnmörgum vikum: „Engin boð eða bönn og rútínan er varanleg, ég er þakklát!“

Inga Dís Sigurðardóttir, 34 ára gamall grunnskólakennari ákvað á einum sérstökum tímapunkti að nú væri nóg komið, hún vildi endurheimta andlega og líkamlega heilsu sína og lagði upp í ferðalag til heilsulandsins undir handleiðslu Sverris, Grenningar-og lífsráðgjafa og árangurinn á rétttæpu hálfu ári sannarlega glæsilegur. Hún fór úr 92,5 kg niður í 69,5 kg og hafði loks endurheimt heilsu sína og lífsgleði, sagt skilið við gamla vágesti (vana) og byggt upp rútínuna alveg frá grunni. Inga samþykkti að veita okkur viðtal og innsýn inn í ferðalagið sitt og hún lumar á mörgum góðum ráðum.
28.mar. 2018 - 15:00 Bleikt

Sigurjón greindist með eitlakrabbamein og þarf á hjálp að halda

Sigurjón Þór Widnes Friðriksson greindist með eitlakrabbamein af gerðinni Hodgkins fyrir um tveimur vikum síðan. Ekki er vitað á hvaða stigi krabbameinið er eða hversu dreift það er um líkamann en Sigurjón og kærasta hans Guðlaug Stella Hafsteinsdóttir eru um þessar mundir stödd í Danmörku þar sem Sigurjón fer í jáeindaskanna þar sem enn er ekki boðið upp á slíkt á Íslandi.

28.mar. 2018 - 11:00 Bleikt

Ofurkrúttlegt myndband af hundinum Pollý og kettinum Skralla sem eiga einstaka vináttu

Líney María Hjálmarsdóttir býr í Skagafirði með hundinn sinn Pollý og köttinn Skralla sem eiga einstaklega fallegt vinasamband.
25.mar. 2018 - 18:02 DV

Sigurlaug móðir Birnu: „Ég upplifi þennan gjörning sem virðingarleysi“

Til hvers að setja mynd af leiði dóttur minnar í fjölmiðla með sveig frá skipsáhöfn? Er ekkert heilagt? Ég upplifi þennan gjörning sem virðingarleysi, það er farið of nálægt að fara að leiði. Leiði er mjög persónulegt og heilagt. Það að það sé ár síðan líf hennar var tekið snýst ekki um skipsáhöfnina.
25.mar. 2018 - 15:50 433

Finnst ótrúlegt hversu mikið jafnrétti ríkir hér á landi

Heimsbyggðin hefur mikinn áhuga á Íslandi þessa dagana og sérstaklega íslenskri knattspyrnu. Fjölmiðlar um allan heim skilja ekki hvernig þjóð sem telur rúmlega 300 þúsund íbúa eigi nú lið á stærsta íþróttamóti í heimi, sjálfu heimsmeistaramótinu í knattspyrnu. Knattspyrnusamband Íslands hefur ekki undan að svara fyrirspurnum frá fréttafólki úti um allan heim. Áhuginn er líklega hvergi meiri en í Brasilíu en Globo/SporTV, sem sérhæfir sig í íþróttaumfjöllun, ákvað að senda hingað fréttakonu í byrjun mars og dvelur hún á Íslandi fram í miðjan júlí. Carina Ávila er 25 ára gömul og hún leigði hús í miðbænum sem hún býr í þá mánuði sem hún er hér á landi. Við höfðum mælt okkur mót í höfuðstöðvum Frjálsrar fjölmiðlunar til að fara yfir af hverju hún væri hér á landi. Við áttum stefnumótið klukkan 15.00 í miðri viku og var klukkan nokkrar mínútur yfir þegar sími minn hringdi, leigubílstjórinn var í símanum og spurði hvar skrifstofan væri. Carina átti í vandræðum með að bera fram nafnið á götunni. „Fyrirgefðu hvað ég er sein,“ sagði Carina þegar hún renndi í hlað á leigubílnum.
25.mar. 2018 - 14:00 Bleikt

Kjúklingapasta með sólþurrkuðum tómötum og basil

Hildur Hilmarsdóttir, bloggari á síðunni Mamiita, deilir uppskrift að hollari útgáfu af pasta í rjómasósu. Fyrir þá sem ekki borða kjöt eða kjötvörur er einfalt mál að sleppa kjúklingi og kjúklingasoði og nota í staðinn sojakjöt eða jafnvel láta pastað duga.

25.mar. 2018 - 10:00

Hægðatregða – Hvað er til ráða?

Hægðatregða eru harðar hægðir sem erfitt er að losa sig við eða koma með margra daga millibili. Sársauki við endaþarmsopið þegar viðkomandi hefur hægðir ef sprungur hafa myndast í kringum endaþarmsopið. 
24.mar. 2018 - 18:18 Eyjan

Helga Vala vænir Palla Magg um lygar og leti: „Þarf jú að vera í vinnunni þegar málið er á dagskrá“

Helga Vala Helgadóttir, þingmaður Samfylkingarinnar, segir á Facebooksíðu sinni í dag að það sé „fyndið“ að heyra Pál Magnússon, þingmann Sjálfstæðisflokksins, segjast ekki hafa fengið tækifæri til þess að halda ræðu á þingi um kosningafrumvarpið svokallaða, sem miðaði að því að lækka kosningaaldurinn í 16 ár fyrir næstu sveitastjórnarkosningar í maí, en náði ekki fram að ganga fyrir páskafrí og því óljóst hvort af því verði í tæka tíð.

24.mar. 2018 - 14:14 Bleikt

Eitrun varð Kambi að bana: „Hann var eftirlitslaus í kannski tíu til fimmtán mínútur“

Fjóla Kim Björnsdóttir og fjölskylda voru að njóta lífsins í sumarbústað í síðustu viku. Kambur, hundurinn þeirra, var með í för og fékk hann að ganga laus í kringum lóðina stutta stund sem átti eftir að verða fjölskyldunni dýrkeypt og skelfileg reynsla.
23.mar. 2018 - 18:00 Eyjan

Læknafélagið gagnrýnir landlækni vegna hýsingu persónugagna hjá „einkafyrirtæki út í bæ“

Læknafélag Íslands (LÍ) lýsir áhyggjum sínum í bréfi til heilbrigðisráðherra, yfir því að embætti landlæknis hafi flutt persónugreinanleg gagnasöfn sín til Advania, en Persónuvernd gerði alvarlegar athugasemdir við með hvaða hætti var staðið að flutningunum. 
23.mar. 2018 - 11:00 Bleikt

Sunna Rós lenti í alvarlegri bílveltu með dóttir sína í bílnum: „Ég veit við munum velta útaf og deyja“

Sunna Rós Baxter vaknaði vonsvikin og þunglynd á hverjum einasta morgni í mörg ár. Beið hún þess að hver dagur myndi klárast til þess eins að geta farið að sofa. Einn örlagaríkan dag í desember árið 2014 lenti Sunna í hræðilegu atviki sem varð til þess að breyta hugsun hennar til frambúðar.

22.mar. 2018 - 18:00 Eyjan

Borgin boðar víðtækar aðgerðir í leikskólamálum

Reykjavíkurborg hyggst brúa bilið á milli fæðingarorlofs og leikskóla á næstu árum samkvæmt aðgerðaáætlun sem kynnt var í borgarráði í morgun. Til þess þarf að fjölga leikskólaplássum um 750-800, samkvæmt tilkynningu.

Gæludýr: Mars 2018
Vilhjálmur Birgisson
Vilhjálmur Birgisson - 06.4.2018
Sjáðu þessi dæmi um græðgisvæðingu!
Brynjar Nielsson
Brynjar Nielsson - 05.4.2018
Dröslaði bróður mínum í kirkju
Hannes Hólmsteinn Gissurarson
Hannes Hólmsteinn Gissurarson - 31.3.2018
Hvað segi ég í Las Vegas?
Sverrir Björn Þráinsson
Sverrir Björn Þráinsson - 05.4.2018
Hjónin Laufey og Bjarki losuðu sig við 33 kg á 12 vikum
Hannes Hólmsteinn Gissurarson
Hannes Hólmsteinn Gissurarson - 31.3.2018
Heimsókn Øverlands
Davíð Már Kristinsson
Davíð Már Kristinsson - 29.3.2018
„Heyrðu“
Vilhjálmur Birgisson
Vilhjálmur Birgisson - 05.4.2018
Þinn tími sem forseti ASÍ er liðinn!
Hannes Hólmsteinn Gissurarson
Hannes Hólmsteinn Gissurarson - 07.4.2018
Málið okkar
Brynjar Nielsson
Brynjar Nielsson - 09.4.2018
RÚV er tímaskekkja
Davíð Már Kristinsson
Davíð Már Kristinsson - 27.3.2018
Dymbilvika
Brynjar Nielsson
Brynjar Nielsson - 17.4.2018
Grímulaus pólitík
Ingibjörg Gunnlaugsdóttir
Ingibjörg Gunnlaugsdóttir - 06.4.2018
Skömmin
Hannes Hólmsteinn Gissurarson
Hannes Hólmsteinn Gissurarson - 14.4.2018
Grafir án krossa
Hannes Hólmsteinn Gissurarson
Hannes Hólmsteinn Gissurarson - 21.4.2018
Þrjár örlagasögur
Fleiri pressupennar