19. júl. 2012 - 08:00

Dóttir Ellerts send úr landi eftir fjóra daga: Fjölskyldunni tvístrað - Endar á götunni

Fjölskylda Ellerts

Fjölskylda Ellerts

Ellert Högni Jónsson segir að hann sé með tárin í augunum en hann sér fram á að missa stjúpdóttur sína frá sér 23. júlí næstkomandi. Þá mun dóttirin að öllu óbreyttu verða send úr landi. Hann er hræddur um að hann sjái hana aldrei aftur og hún týnist á götum Manilla.

Útlendingastofnun hefur ákveðið að senda Romylyn Patty Faigane úr landi til Filippseyja, en hér á Íslandi býr móðir hennar, litla systir og Ellert fósturfaðir hennar. Romylyn hefur stundað íslenskunám og er með loforð um vinnu á hjúkrunarheimilinu Eir en Ellert segir að það virðist ekki skipta stofnunina neinu máli.  

Romylyn á engan að á Filippseyjum en kynfaðir hennar lést af völdum skotsára árið 2009. Romylyn er nú 21 árs en var 14 ára þegar Ellert byrjaði að berjast fyrir því að hún fengi að búa hjá fjölskyldu sinni hér á landi. Ellert er nú hjartveikur og segir hann að baráttan hafi tekið sinn toll og trúin á réttlæti sé víðsfjarri.

Forsaga málsins er sú að árið 2005 gekk Ellert að eiga Marilyn frá Filippseyjum og fluttist hún með honum hingað til lands. Dóttir hennar, Romylyn, varð eftir hjá afa sínum. Ári síðar sóttu hjónin um dvalarleyfi fyrir stúlkuna sem þá var aðeins 14 ára. Umsókn hennar var hafnað á þeim forsendum að faðir hennar væri á lífi og gæti séð um hana. Ellert segir að í byrjun hafi Útlendingastofnun óskað eftir að skilað væri gögnum um að stúlkan væri ógift.

Um leið og ég rétti þeim bréfið með upplýsingum um að hún væri ekki við karlmann kennd vildu þeir að ég útvegaði annað bréf en í því vildu þeir vita hvort að barnið mitt ætti börn. Við erum að tala um 14 ára gamla stelpu.

Ellert sagði í samtali við Pressuna að kynfaðir stelpunnar hefði ekki tekið þátt í uppeldinu og aldrei haft áhuga á því.

Hann var búinn að skrifa yfirlýsingu þar sem hann óskaði dótturinni að vera hjá fjölskyldu sinni á Íslandi en áður en hann náði að senda bréfið, féll kallgreyið fyrir byssukúlu. Lögreglan fann bréfið á honum og það var hægt að rekja það til stelpunnar. Útlendingastofnun neitaði engu að síður að taka það gilt, þó svo að við framvísuðum einnig dánarvottorði mannsins sem var sent hingað af konsúlnum í Manilla. Þeir sögðu bara nei og virtust staðráðnir í að því yrði ekki hnikað til.

Eftir lát mannsins hófst nýtt umsóknarferli. Hjónin fóru í það án lögfræðings sökum þess að þau voru óánægð með þjónustuna sem þau höfðu fengið áður. Útlendingastofnun krafðist þess að þau útveguðu dánarvottorð mannsins. Össur Skarphéðinsson var Ellerti innan handar og barst Útlendingastofnun fljótlega borðstimplað dánarvottorð frá konsúlnum í Filippseyjum. Þrátt fyrir það var umsókn hafnað og skömmu síðar varð stúlkan 18 ára. Þá var málið komið á upphafsreit að nýju og henni þá boðið að sækja um sem nemandi eða sérfræðingur.

Romylyn bjó hjá afa sínum og annaðist hann. Það kom svo að því að gamli maðurinn fór nýlega á viðeigandi stofnun. Romylyn á engan nákominn ættingja sem hún getur leitað til og erfitt fyrir tvítuga stúlku að ná fótfestu án baklands. Þá var ákveðið að hún kæmi til Íslands sem ferðamaður. Hún kom seint í desember á seinasta ári. Utanríkisráðuneytið var beðið um að kíkja á hennar mál. Ráðuneytið sendi Útlendingastofnun málið til meðferðar. Svarið er að hún skuli yfirgefa landið innan 15 daga, þrátt fyrir ítrekanir um stöðu hennar og mannréttindaþætti málsins.

Þá var lögð inn umsókn um dvalarleyfi sem inniheldur m.a. staðfestingar á góðum árangri í íslenskunámi og atvinnuloforði frá hjúkrunarheimilinu Eir. Svar barst 21. júní um að Romylyn eigi að yfirgefa landið innan 30 daga. Ellert segir að stofnunin mun ekki taka afstöðu til umsóknarinnar fyrr en eftir að hún hefur yfirgefið landið. Ellert kærði niðurstöðuna til innanríkisráðuneytisins og fór fram á frestun.

Að sögn Ellerts hringdi hann í ráðuneytið fyrir viku og þar var honum sagt að mál dóttur hans yrði tekið fyrir í fyrsta lagi eftir hálft ár.

Það er ljóst að ef þetta verður að veruleika er hún neydd til þess að yfirgefa fjölskyldu sína á næstu dögum. Ég er hræddur um að hún týnist. Og hvernig heldur þú að fjölskyldu hennar líði? Mömmu hennar og systur hennar? Hvernig á ég að útskýra þetta óréttlæti fyrir þeim? Hún er hluti af fjölskyldunni og það er þyngra en tárum taki að hugsa til þess að það eigi að taka hana frá okkur. Það getur ýmislegt gengið á í veröldinni en fjölskyldan er það dýrmætasta sem maður á. Hennar fjölskylda býr í Vogunum á Íslandi en ekki á Filippseyjum.

Ellert segir að nú sé málið í höndum Ögmundar Jónassonar dómsmálaráðherra og hann hefur sent honum fjögur bréf um málið en ekki fengið neitt svar. Það finnst honum afskaplega dapurleg frammistaða hjá ráðherranum. Baráttan hefur tekið á og Ellert segir að hann hámi nú í sig hjartalyf.

Við erum búin að vera í eilífðarbaráttu við Útlendingastofnun. Ég hef verið hjá fjórum forstjórum sem allir hafa verið jafn erfiðir. Við þurfum að sækja um aftur og aftur og alltaf er okkur hafnað. Kostnaðurinn frá árinu 2007 til 2012 er næstum fjórar milljónir og verður hálf milljón í viðbót þegar við þurfum að senda hana út síðar í mánuðinum. Það á ekki að þurfa að greiða fleiri milljónir fyrir það að fjölskyldumeðlimir geti verið nálægt hvor öðrum.

Ellert bendir á að dóttir hans sé ekki að leggjast á ríkið. Hún er með loforð um vinnu og yfirmaður á hjúkrunarheimilinu Eir á að hafa sent erindi til Útlendingastofnunar þess til staðfestingar.

Þetta er ómannlegt og ekki hægt að bjóða veiku fólki upp á þetta. Ósk okkar er að vera saman og það er allt fyrir hendi. Vinna, húsnæði og fjölskylda. Úthaldið er að verða búið og ég er hræddur við framtíðina. Hvað verður um stelpuna þegar henni verður kippt í burtu? Hver ætlar að bera ábyrgð á því ef hún týnist?

Ellert vill að lokum koma á framfæri þökkum til vina og ættingja og allra þeirra sem styðja við bakið á fjölskyldunni á Facebook.



22.okt. 2014 - 19:00

Fálkar í fæðuleit

Haustið er mjög spennandi árstími í fuglaheiminum. Þá færa fuglar sig gjarnan til og finna sér hentug búsvæði fyrir komandi vetur. Margar tegundir eru farfuglar og leita til hlýrri landa en sumar eru staðfuglar og halda kyrru fyrir. En þó að fuglar teljist staðfuglar þá er ekki þar með sagt að þeir hreyfi sig ekki innanlands á milli árstíða.
22.okt. 2014 - 17:08

Hálfnakinn maður velti bíl í bílakjallaranum á Höfðatorgi: MYNDBAND

Albert Ómar Guðbrandsson birti ótrúlegt myndskeið á Youtube fyrr í dag sem öryggismyndavél í bílakjallaranum við Höfðatorg fangaði. Þar má sjá hálfnakinn mann hvolfa bíl sem hann hafði áður reynt í þrígang að bakka í gegnum öryggishlið bílakjallarans.
22.okt. 2014 - 15:45 Thelma Dögg Guðmundsdóttir

Íslenska tríóið ASA fékk beiðni um að byggja krana

Frá árinu 2005 hefur ASA Tríó spilað allskyns tónlist  með sinni einstöku nálgun. Hljómsveitina skipa þeir Andrés Þór á gítar, Agnar Már Magnússon á orgel og Scott McLemore á trommur.
22.okt. 2014 - 08:03

WOW air flýgur til Boston og Washington D.C árið 2015

WOW air mun fljúga til Boston og Washington D.C. frá og með næsta ári. Flogið verður fimm sinnum í viku á Boston Logan flugvöll frá og með 27. mars og fjórum sinnum í viku á Baltimore  -Washington frá 4. júní.
21.okt. 2014 - 21:00

Hinn íslenski Rómeó býr í Vestmanneyjum: Rappar og syngur ástaróð til vinkonu sinnar

Gauti Gunnarsson er tólf ára drengur og býr í Vestmanneyjum. Eins og flestir drengir á hans aldri hefur hann stóra drauma um framtíðina. Gauti hefur einnig mikinn áhuga á tónlist en hann hefur um nokkra hríð sungið og rappað lög til vinkonu sinnar sem hafa vakið mikla lukku á YouTube.

21.okt. 2014 - 12:15

Móberg selur Heimkaup.is – Ein stærsta vefverslun landsins

Móberg ehf. hefur ákveðið að selja Heimkaup.is úr rekstri sínum. Kaupendur eru Guðmundur Magnason og fleiri fjárfestar, en þeir eignast fyrirtækið með kaupum sínum á Magna verslunum ehf., eiganda Heimkaup.is, Skífunnar og Game stöðvarinnar.
21.okt. 2014 - 08:21

Eldur í fólksbíl við Gullinbrú og í strætó á Sæbraut

Eldur kom upp í tveimur bílum samtímis klukkan hálfátta í morgun og fór slökkvilið á báða staðina. Annarsvegar var um eld að ræða í strætó á Sæbrautinni en hinsvegar í fólksbíl við Gullinbrú á Höfðabakka.
20.okt. 2014 - 19:00

Jack Hrafnkell minnist sonar síns: „Skiljið aldrei ósátt eða reið við börnin ykkar“

Sveinn Ingi Hrafnkelsson / Eitt er það sem aldrei gleymist, það er minning þín „Í dag, 20. október eru liðin tvö ár síðan ég fékk verstu fréttir sem nokkurt foreldri getur fengið. Starfsfólk geðdeildar Fjórðungssjúkrahúss Akureyrar kom að syni mínum þar sem hann hafði hengt sig, rétt tæpra tuttugu vetra,“ skrifar Jack Hrafnkell Daníelsson í einlægum, fallegum en átakanlegum pistli á Facebook um son sinn Svein Inga Hrafnkelsson.
20.okt. 2014 - 15:05

Undirbúa sig undir að þurfa jafnvel að taka á móti 1500 Sunnlendingum

VF-myndir: Hilmar Bragi Rauði krossinn á Suðurnesjum undirbýr nú mögulega rýmingu á Suðurlandi þar sem tekið yrði á móti 1500 íbúum af svæðinu ef eldgos verður í Bárðarbungu. Notast verður við skóla á Suðurnesjum og húsnæði á Ásbrú í Reykjanesbæ.
20.okt. 2014 - 11:05

Þröstur hljóp nakinn niður Laugaveginn: MYNDBAND

Þröstur Ingason er mikill stuðningsmaður Breiðabliks. Sagði Þröstur að hann myndi hlaupa nakinn niður Laugaveginn ef að Breiðablik myndi enda neðar en Valur í Pepsí-deildinni í sumar. Breiðablik endaði í sjöunda sæti deildarinnar, tveimur stigum á eftir liði Vals. Frá þessu er greint á Fótbolti.net.
19.okt. 2014 - 20:57

Sigmundur Davíð um skuldaleiðréttingu: Búið að reikna 94 prósent lána

Búið er að reikna út leiðréttingu fyrir 94 prósent allra húsnæðislána vegna skuldaleiðréttinga ríkisstjórnarinnar. Þau sex prósent sem eftir standa eru flóknari tilfelli og vonast forsætisráðherra til að niðurstaða liggi fyrir innan nokkurra vikna.
19.okt. 2014 - 17:50

Ég fór til Parísar og það eina sem ég sá var kirkjugarður

Þetta hljómar eins og upphafið af sorgarsögu. Einhverri draumaferð sem endaði með harmleik – en svo er ekki. Þið getið andað rólega. Þetta var engin sorgarferð, reyndar var þetta rómantísk skemmtiferð – við fögnuðum tíu ára sambandsafmæli í borg ástarinnar – og hvar skín lífið skærar en frammi fyrir sjálfum dauðanum? Rómantískt!

Við höfðum aldrei komið til Parísar áður – þessarar margrómuðu og fallegu borgar – svo hvað í andskotanum vorum við að þvælast inn í einhvern kirkjugarð? Við hefðum geta farið og dáðst að Eiffel turninum, Notre Dame kirkjunni eða Louvre listasafninu… en hvað er svona merkilegt við það?

19.okt. 2014 - 16:30

Ekkert sem bendir til að gos verði á næstunni undir Bárðarbungu - en ef það verður þá verður það svona

Haraldur Sigurðsson eldfjallafræðingur telur líklegt að gosið í Holuhrauni haldi áfram þar til þrýstingsjafnvægi er komið í kvikuþró Bárðarbungu og í kvikuganginum. Vel er mögulegt að Holuhraunsgosið létti af öllum þrýstingi sem er á svæðinu en gos í Bárðarbungu er þó ekki útilokað.
19.okt. 2014 - 11:32

Meira um snjókomuna og vonda veðrið í vikunni

Veðurstofan hefur birt uppfærðar upplýsingar um snjókomuna sem væntanleg er í vikunni ásamt stífri norðanátt. Fréttatilkynning Veðurstofunnar fer hér á eftir, orðrétt:
19.okt. 2014 - 08:08

Lögreglan í eltingarleik við ökumann, þurfti að aka á bílinn

Laust eftir kl. fjögur í nótt veitti lögregla ökumanni við Stórhöfða athygli vegna einkennilegs aksturslags. Er reynt var að fá manninn til að stöðva bílinn hlýddi hann því ekki og hófst því eftirför lögreglu sem endaði í Hafnarfirði og þurfti lögregla að aka á bílinn til að stöðva hann.
18.okt. 2014 - 19:00

Karitas – í baráttu við sviðið

Bryndís Loftsdóttir skrifar Það er vandasamt verk að sviðsetja vinsælar skáldsögur en vel þess virði þegar best tekst til. Karitas án titils, skáldsaga Kristínar Marju Baldursdóttur kom út árið 2004 og framhaldið, Óreiða á striga árið 2007. Bækurnar nutu báðar gríðarlegra vinsælda og hafa auk þess verið þýddar á fjölmörg tungumál.  Það kemur því ekki á óvart að áfram sé glímt við sögu Karítasar, að þessu sinni á stóra sviði Þjóðleikhússins.
18.okt. 2014 - 17:48 Þórhallur Heimisson

Trúarpælingar V. Krossinn - skuldauppgjör við Guð?

Eitt af því sem við getum verið alveg viss um varðandi Jesú er þetta: Hann var krossfestur, dó á krossi. Um það eru allir á sama máli, lærisveinar hans, kristnar heimildir og andstæðingarnir sem hæddu hann vegna þessa. Jesús var svikinn, dæmdur og tekinn af lífi af mönnum sem óttuðust hann og öfunduðu og töldu að öxin og jörðin myndu geyma hann best – svo notað sé dæmi úr íslenskri sögu. Sjálfur lít ég þannig á að krossfestingin undirstriki að engin kvöl sé svo stór í lífinu að Jesús hafi ekki verið á þeim stað þar sem hún er.
18.okt. 2014 - 17:37 Sigurður Elvar

Svíar fögnuðu Evrópumeistaratitlinum í hópfimleikum kvenna – silfrið til Íslands

Svíar fögnuðu sigri á Evrópumeistaramótinu í kvennaflokki í hópfimleikum eftir harða keppni gegn íslenska liðinu sem hafði titil að verja. Munurinn var aðeins tæpt stig á liðunum þegar uppi var staðið en keppnin fór fram í Laugardalshöllinni og var umgjörð mótsins frábær. Svíar fengu 60,150 stig og Ísland 59,166 stig en danska liðið varð í þriðja sæti.
18.okt. 2014 - 16:30

Fyrsta alvöru snjókoma vetrarins framundan

Veðurstofan vill vekja athygli á að fyrsta alvöru snjókoma haustsins er í vændum á mánudaginn.Spár gera ráð fyrir að vaxandi lægð verði yfir landinu á sunnudag, með skaplegu veðri og vætu nokkuð víða. Á mánudag þokast lægðin austur fyrir land og fylgir köld norðanátt í kjölfarið.

18.okt. 2014 - 11:00

Jólabjórinn fyrr á ferðinni en venjulega

Róbert Þór Jónasson, sölufulltrúi hjá Víking ölgerð á Akureyri Dreifing á hinum alíslenska jólabjór Thule hófst í gær. Vífilfell hefur ákveðið að láta jólin byrja snemma þetta árið og bera fyrir sig að haustið hafi komið í sumar. Til að byrja með verður bjórinn einungis fáanlegur í Fríhöfninni og á veitingastöðum.
18.okt. 2014 - 10:53

Þorsteinn skýtur á Samfylkinguna: Breyttist ekkert með tilkomu Árna Páls?

Formannsskiptin í Samfylkingunni virðast ekki hafa haft jafn afgerandi áhrif og við mátti búast og að óbreyttu á flokkurinn ekki annan kost en samstarf við Vinstri græna. Enn er því töluvert tómarúm á miðju stjórnmálanna.
18.okt. 2014 - 09:11

Sat í fangelsi í Brasilíu - er nú á batavegi eftir áralanga fíkniefnaneyslu

Mál Ragnars Erlings Hermannssonar vakti mikla athygli árið 2009 er hann var handtekinn í Brasilíu með tæplega sex kíló af kókaíni í farangrinum. Núna fimm árum síðar er Ragnar Erling kominn til Íslands og hefur náð tökum á lífi sínu.
18.okt. 2014 - 07:56

Líkamsárásir og lögreglu hótað - ellefu gistu fangageymslur í nótt

Töluverður erill var hjá lögreglu í nótt og margar líkamsárásir tilkynntar. Alls voru 11 manns handteknir. Klukkan 3:50 var maður handtekinn í miðbænum fyrir slagsmál og vegna hótana í garð lögreglu. Klukkutíma áður átti sér stað líkamsárás á skemmtistaðnum Park Inn og er geranda leitað.
17.okt. 2014 - 21:23

Gaui litli bjargar svöngum ferðalöngum sem eiga leið um Hvalfjörðinn

Eins og flestum er kunnugt verða Hvalfjarðargöngin lokuð frá og með 17. október, klukkan 20 og þar til á mánudagsmorguninn 20. október, klukkan 6. Búast má við mikilli umferð um Hvalfjörðinn vegna þessa en svo virðist sem að  hin sögufræga sjoppa Ferstikla, í Hvalfirði verði lokuð um helgina.


17.okt. 2014 - 14:06

Myndlist minjar / Minjar myndlist: Opnun í Listasafninu á Akureyri á laugardaginn kl. 15

Laugardaginn 18. október kl. 15 verður opnuð í Listasafninu á Akureyri sýningin Myndlist minjar / Minjar myndlist en hún er sett upp í samstarfi við Írisi Ólöfu Sigurjónsdóttur, forstöðumann Byggðasafnsins Hvols á Dalvík.
17.okt. 2014 - 12:50

Hættusvæðið norðan Vatnajökuls stækkað: Hætta á sprengigosi undir jökli

Hættu- og lokunarsvæði norðan Vatnajökuls hefur verið hækkað vegna gasmengunar og möguleika á sprengigosi undir jökli með gjóskufalli og jökulhlaupum frá Dyngjujökli og Bárðarbungu. Einnig hafa þær reglur sem gilda um aðgang að lokaða svæðinu verið hertar.
17.okt. 2014 - 12:30

Grunsamlegur maður á lúxusbíl reynir að tæla börn í Vesturbænum

Á miðvikudaginn reyndi maður að tæla barnunga stúlku upp í bifreið í Vesturbænum. Atvikið átti sér stað við Öldugötu 40-44 laust fyrir klukkan 14. Barnið var á leiðinni frá skólanum til ömmu sinnar. Manninum er lýst í Facebook-hópnum Vesturbærinn og varað við honum.
17.okt. 2014 - 11:49

Guðrún Bjarnadóttir: „ Ákvörðun um að kæra ofbeldismann á ekki að liggja hjá brotaþola"

„Ég velti stundum fyrir mér á þessum tíma hvort ekki væri best að ég labbaði yfir stóru umferðargötuna og léti bílana taka mig í burt frá sársaukanum sem var innra með mér“ segir Guðrún Bjarnadóttir. Hún var um tíma í sambandi með manni sem beitt hana miklu andlegu og líkamlegu ofbeldi.
16.okt. 2014 - 21:15 Kristín Clausen

Berglind: „Hún er ótrúlega glöð miðað við allt sem hefur gengið á"

Berglind, Katla Mathilde og Henrik „Skyndilega hætti hún að horfa í augun á okkur. Mig grunaði strax að það væri eitthvað að". Þetta segir Berglind H. Ketilsdóttir en dóttir hennar Katla Mathilde greindist í sumar með IDIC 15 sem er mjög sjaldgæfur litningagalli.
16.okt. 2014 - 19:00

Er hægt að smitast af ebólu um borð í flugvél?

Eftir því sem ebólutilfellum utan Vestur-Afríku fjölgar veltir fólk eðlilega fyrir sér smitleiðum veirunnar og margir hafa velt fyrir sér hvort hægt sé að smitast af veirunni ef ferðast er í flugvél með smituðum einstaklingi. Hér er því yfirlit yfir hvernig er mögulegt að smitast af ebólu í flugvél og alls staðar annarsstaðar.
16.okt. 2014 - 13:20

Netflix til Íslands: Viðræður hafnar milli afþreyingarrisans og íslenskra rétthafa

Afþreyingarfyrirtækið Netflix vinnur að því að opna fyrir þjónustu sína hér á landi. Viðræður eru hafnar á milli Netflix og íslenskra rétthafa. Þótt Netflix sé ekki í boði hér á Íslandi er talið að um 20 þúsund heimili séu með aðgang.
16.okt. 2014 - 12:09

Gosmengun berst til höfuðborgarinnar: Mikil mengun í Grafarvogi í nótt

Miklar líkur eru á að gasmengun berist í dag og á morgun frá frá Holurauni til höfuðborgarinnar, líkt og síðustu daga. Mikil gosmengun var síðastliðna nótt í Grafarvogi.
16.okt. 2014 - 12:00

Íslendingar eru opinberlega með besta knattspyrnulandslið Norðurlanda

Á styrkleikalista Alþjóðaknattspyrnusambandsins FIFA sem verður birtur 23. október munu Íslendingar í fyrsta sinn vera ofar á listanum en Danir, Svíar og Norðmenn. Þetta þýðir auðvitað að Íslendingar geta með stolti sagt að þeir eigi besta knattspyrnulandslið Norðurlandanna.
16.okt. 2014 - 10:00

Fýlar á gamalsaldri

Íslendingar eru fiskveiðiþjóð og enginn fugl er sjómönnum kunnari en fýllinn. Hann gengur oft undir nafninu múkki og jafnvel stundum undir rangnefninu grámáfur því honum svipar nokkuð til máfa. Fýlar og máfar eru hins vegar fjarskyldir. Landkrabbar verða hans líka varir því hann er svo algengur - yfir milljón pör - og verpir í klettum og grónum hlíðum hringinn í kringum landi.
16.okt. 2014 - 09:00

Hrækti á lögregluþjón á Akureyri: Fangelsisdómur og 400 þúsund krónum fátækari

Manni á Akureyri reyndist dýrt að hrækja á lögregluþjón í lok ágúst. Ákærði hrækti á skyrtu lögreglumannsins. Dómur féll í Héraðsdómi Norðurlands eystra í vikunni. Í honum segir að maðurinn skuli sæta eins mánaðar skilorðsbundinni fangelsisrefsingu og greiða málskostnað upp á rúmar 400 þúsund krónur.
15.okt. 2014 - 23:40 Sigurður Elvar

Magnað myndskeið: Svona fagnaði íslenska landsliðið eftir 2-0 sigurinn gegn Hollandi

Það vita nánast allir Íslendingar hvar þeir voru staddir þegar íslenska karlalandsliðið lagði Hollendinga 2-0 á Laugardalsvelli í undankeppni EM 2016. Sigur íslenska liðsins er sögulegur – og án efa einn af hápunktunum í íslenskri íþróttasögu.
15.okt. 2014 - 21:00

Stórtækur þjófur í Borgarfirði: Hefur brotist þrisvar inn í sama húsið

Jón Örn Kristinsson heitir maður og er að gera upp hús í Borgarfirði sem stendur nokkuð úr alfaraleið. Jón hefur þrisvar orðið fyrir því að brotist hefur verið inn í húsið og þaðan stolið samtals ótrúlegu magni verkfæra, eða mörgum tugum hluta. 
15.okt. 2014 - 17:50

RÚV í raun gjaldþrota, segir þingmaður. Getur ekki verið allt fyrir alla

„Ríkisútvarpið getur ekki lengur verið allt fyrir alla. Það að gera öllum til hæfis allan sólarhringinn gengur ekki lengur upp. RÚV má ekki lengur vera pólitískt rekald í anda Landbúnaðarháskólans. Það þarf pólitískt þor og kjark til þess að taka á þessu máli.“
15.okt. 2014 - 14:50

Mummi í Götusmiðjunni vinnur fullnaðarsigur í meiðyrðamáli gegn Braga Guðbrandssyni - Bragi hélt ekki uppi vörnum

Héraðsdómur Reykjavíkur hefur dæmt Braga Guðbrandsson, forstjóra Barnaverndarstofu, til greiðslu miskabóta og málskotnaðar vegna ummæla um meðferðarheimilið Götusmiðjuna í kjölfar þess að heimilinu var lokað árið 2010. Ummælin, alls átta talsins, hafa verið dæmd dauð og ómerk.
15.okt. 2014 - 14:00

Bryndís svarar Brynjari: Ég er ekki á leið úr Sjálfstæðisflokknum

„Ég er ekkert á leið úr Sjálfstæðisflokknum,“ segir Bryndís Loftsdóttir, varaþingmaður flokksins, um hvassa gagnrýni Brynjars Níelssonar á framgöngu hennar.
15.okt. 2014 - 14:00

Mynd dagsins: Besta myndin af Holuhrauni

Mynd dagsins birti Haraldur Sigurðsson eldfjallafræðingur á síðu sinni. Þar segir hann mynd sem Nasa birti á heimasíðu sinni tvímælalaust vera þá bestu sem birt hafi verið af Holuhrauni. Haraldur segir:
15.okt. 2014 - 11:02

Leitarstöðin opin fyrir „týndar konur“ á morgun: 45 prósent kvenna mæta ekki innan tilskilins tíma

Á morgun 16 október er Bleiki dagurinn. Landsmenn eru hvattir til þess að hafa bleikt í fyrirrúmi og minna þannig á baráttuna gegn krabbameini í konum. Í tilefni dagsins verður Leitarstöð Krabbameinsfélagsins í Skógarhlíð opin frá klukkan 8 til 16 fyrir „týndar konur“. Það er konur sem ekki hafa skilað sér á réttum tíma í leghálskrabbameinsleit. Þær þurfa ekki að panta tíma, bara koma við og fá skoðum.

15.okt. 2014 - 10:09

Skjálftavirkni hefur aukist við Bárðarbungu

Síðustu sólarhringa hefur skjálftavirkni aukist við Bárðarbungu. Hægviðrið síðustu daga getur haft einhver áhrif á þessa aukningu því þá mælast frekar minni skjálftar. Líklegast er þó um raunverulega aukningu að ræða, segir í tilkynningu frá Veðurstofu Íslands.
15.okt. 2014 - 08:39 Sigurður Elvar

Gylfi Þór í sama flokki og Fabregas og Messi – Blómstrar í hlutverki „tíunnar“ hjá Swansea

Gylfi Þór Sigurðsson er markahæstur ásamt fleiri leikmönnum í undankeppni EM karlalandsliða í knattspyrnu. Íslenski landsliðsmaðurinn hefur farið á kostum í leikjum íslenska landsliðsins og hann hefur einnig sýnt sínar bestu hliðar með Swansea í ensku úrvalsdeildinni. Fjölmargir erlendir miðlar hafa á síðustu dögum fjallað um ótrúlega snilli Gylfa Sigurðssonar.
14.okt. 2014 - 22:10

Eysteinn: „Ég á dóttur á himnum sem ég á aldrei eftir að hætta að elska“

„Það er skrítin tilfinning að fara að verða pabbi í fyrsta sinn, ég vissi ekki við hverju ætti að búast en hlakkaði samt til. Þetta var frekar óraunveruleg tilfinning og varð fyrst raunverulegt þegar að við fórum í tólf vikna sónarinn þar sem í ljós komu líkur á fósturgalla og var möguleiki á því að við þyrftum að enda meðgönguna. En eftir fylgjusýnatöku kom í ljós að ekkert væri að, sem var mikill léttir“.
14.okt. 2014 - 18:00

Ekið á hjólreiðamann í Kópavogi

Í síðustu viku slösuðust fjórir vegfarendur í jafnmörgum umferðarslysum á höfuðborgarsvæðinu. 
14.okt. 2014 - 17:00

Víðtæk leit að ræningjum í Stokkhólmi: Sama aðferð notuð tvisvar á skömmum tíma

Á aðeins 30 mínútna tímbili, fyrri í dag var tilkynnt um hugsanlegar sprengjur í tveimur bönkum og rán var framið í útibúi gjaldeyriskaupafyrirtækis í miðborg Stokkhólms. Í bönkunum voru skildir eftir hlutir sem litu út fyrir að vera sprengjur. Lögreglan telur að um skipulagðar og samhæfðar aðgerðir hafi verið að ræða og minna þær mjög á atburðarrás sem varð í miðborg Stokkhólms 25. september.
14.okt. 2014 - 15:02

Lokað á Deildu

Héraðsdómur Reykjavíkur hefur kveðið upp úrskurð í máli Sambands tónskálda og Stef og hefur lagt fyrir Sýslumanninn í Reykjavík að leggja lögbann á að Vodafone og Hringdu geti veitt viðskiptavinum sínum aðgang að Deildu.net og Piratebay. Þrátt fyrir að lokað hafi verið á tvær slóðir á Deildu aðrar til vara.
14.okt. 2014 - 14:16

Óhefðbundin heilsuráð sem virka

Holl ráð sem eiga að hjálpa okkur að öðlast betri heilsu eru á hverju strái. Það er misjafnt hvað hentar hverjum og stundum eru holl ráð ekkert sérlega holl þegar á reynir. Vissir þú að til þess að borða minna ættir þú að borða meira? Huffington Post tók saman nokkur stórsniðug, óhefðbundin ráð. Eitthvað af þessu þekkir þú eflaust en annað gæti komið þér í opna skjöldu.

14.okt. 2014 - 12:59

Mynd dagsins: Gott að eiga stóra systur sem vísar þér veginn í lífinu

Mynd dagsins var birt á Fésbókarsíðu Strætó en um er að ræða leiðbeiningar sem tíu ára stelpa gaf átta ára systur sinni og hefur þetta fallega bréf vakið talsverða athygli. Á vef Strætó segir:

Sigurður G. Guðjónsson
Sigurður G. Guðjónsson - 16.10.2014
Réttarhöld í Kastljósi
Hannes Hólmsteinn Gissurarson
Hannes Hólmsteinn Gissurarson - 13.10.2014
Jónas trúgjarnastur? Illgjarnastur!
Ágúst Borgþór Sverrisson
Ágúst Borgþór Sverrisson - 18.10.2014
Enginn munur á virkum í athugasemdum og elítunni
Hannes Hólmsteinn Gissurarson
Hannes Hólmsteinn Gissurarson - 11.10.2014
Fróðleg ferð til New York
Aðsend grein
Aðsend grein - 15.10.2014
Þjófagengi í jakkafötum
Hannes Hólmsteinn Gissurarson
Hannes Hólmsteinn Gissurarson - 17.10.2014
Netið gleymir engu
Brynjar Nielsson
Brynjar Nielsson - 15.10.2014
Ættu að íhuga að fara í annað lið
Þórhallur Heimisson
Þórhallur Heimisson - 14.10.2014
Trúarpælingar IV – Jesús, óskilgetinn!
Guðlaugur Þór Þórðarson
Guðlaugur Þór Þórðarson - 08.10.2014
Samkeppni er góð, líka í mjólkuriðnaði!
Hannes Hólmsteinn Gissurarson
Hannes Hólmsteinn Gissurarson - 20.10.2014
Sigurjón og Elín sýknuð
Brynjar Nielsson
Brynjar Nielsson - 20.10.2014
Ný stjórnarskrá mun engu breyta ...
Þórhallur Heimisson
Þórhallur Heimisson - 08.10.2014
Trúarjátningarpælingar
Fleiri pressupennar