10. júl. 2012 - 15:00

Varði sólpallinn sinn með kjafti og klóm: Braut rúður nágrannans og sparkaði í lögreglumenn

Kona á fimmtugsaldri hefur verið dæmd í 5 mánaða skilorðsbundið fangelsi fyrir að brjóta rúður í íbúð nágranna síns og fyrir að ganga í skrokk á tveimur lögregluþjónum. Hún fékk æðiskast eftir deilur um sólpallinn hennar.

Atvikið átti sér stað í nóvember 2010. Lögregla fékk tilkynningu frá íbúa í vesturbæ Reykjavíkur um að nágrannakona væri að berja húsið hans að utan með teppabankara. Þegar lögreglumenn mættu á vettvang heyrðust brothljóð frá bakhlið hússins og hróp og köll frá konu. Reyndust tvær rúður hafa brotnað.

Konan, sem virtist undir áhrifum áfengis, tjáði lögreglumönnunum að hún hafi átt í deilum við nágranna sinn út af sólpalli sem hún hafði reist, en garðar húsanna eru samliggjandi. Lögreglumennirnir létu sér það nægja að ræða við konuna og biðja hana um að láta hús nágrannans í friði.

Ekki liðu nema nokkrar mínútur þangað til konan var komin aftur að húsi nágrannans og var lögreglan aftur kölluð til. Var hún þá búin að brjóta rúðu á framhlið hússins. Konan var þá á bak og burt og yfirgáfu lögreglumenn aftur svæðið.

Örfáum mínútum síðar barst enn og aftur tilkynning um að konan væri komin aftur að berja húsið og í þetta skiptið tókst lögreglu að hafa hendur í hári hennar, þótt hún hafi reynt að hlaupa á brott.

Konan var flutt á lögreglustöð, en þegar átti að færa hana í fangageymslu fékk hún æðiskast. Til töluverðra átaka kom þar sem konan sparkaði í tvo lögregluþjóna, í andlit annars vegar og bringu hins vegar.

Konan neitaði sök, en framburður vitna varð til þess að hún var fundin sek og dæmd í 5 mánaða skilorðsbundið fangelsi. Þá þarf hún að greiða nágranna sínum tæplega 130 þúsund krónur í skaðabætur, auk vaxta.



01.ágú. 2014 - 08:00

Atriði sem allir ökumenn ættu að kynna sér í aðdraganda verslunarmannahelgarinnar

Fjölmargir ferðamenn verða á faraldsfæti á næstu dögum og því mælt með að ferðalangar undirbúi ferð sína vel.  
31.júl. 2014 - 16:30

Matargjafir á Facebook færast í aukana

Matargjafir til ókunnugra eru að verða sífellt algengari á samfélagsmiðlinum Facebook en í hóp sem kallast Gefins, allt gefins! hefur færst í aukana að fólk auglýsi gefins matvæli sem annars koma til með að lenda í ruslatunnunni. Misjafnar skoðanir eru þó um ágæti slíkra gjafa og hafa líflegar umræður sprottið upp í hópnum í kjölfarið.
31.júl. 2014 - 16:15

Klámumræðan er í spennitreyju: Gerum betra klám þar sem allir fá að njóta sín

„Í almennri umræðu og mörgum rannsóknum á klámi eru kynjahlutverkin afar þröng, karlar eru álitnir gerendur (neytendur og/eða framleiðendur) en konur eru taldar passífar og jafnvel fórnarlömb. Þetta þrönga sjónarhorn skilar sér inn í almennar orðræður um klám og gerir konum erfitt fyrir þegar þær ræða sína klámnotkun eða áhuga á klámi.“ Þetta segir Þórdís Sveinsdóttir félagsfræðingur í aðsendri grein í Kvennablaðinu í dag.

31.júl. 2014 - 14:00

Móðir skelfingu lostin þegar barn hennar var tekið úr barnavagni nærri miðbænum

Lögreglunni á höfuðborgarsvæðinu barst í gær tilkynning um að sextán mánaða barni hefði verið fjarlægt úr barnavagni á horni Túngötu og Garðastrætis nærri miðbænum. Vísir greindi frá málinu. Þar kom fram að ættingi hefði tekið barnið. Lögreglumaður sem Pressan ræddi við segir að um vinkonu móðurinnar hafi verið að ræða.
31.júl. 2014 - 09:56

Samtök Ástþórs Magnússonar heita $10.000 hverjum þeim sem handtekur Benjamin Netanyahu

Friður 2000, samtök sem stofnuð voru af Ástþóri Magnússyni, hafa sett af stað verkefnið israelwarcriminal.com þar sem 10.000 bandaríkjadalir eru lofaðir hverjum þeim sem getur handtekið Benjamin Netanyahu, forsætisráðherra Ísraels, og fært fyrir Alþjóðastríðsglæpadómstólinn. Vonast er til að verðlaunin hækki í meira en milljón dollara með fjárframlögum frá almenningi. 

31.júl. 2014 - 08:00

Ætla að hanna app sem getur hámarkað líkur á þungun við glasameðferð

Þær Gyða Eyjólfsdóttir sálfræðingur og Berglind Ósk Birgisdóttir hjúkrunarfræðingur hafa undanfarna daga stundað svokallaða hópfjármögnun á nýju appi sem þær vilja koma á fót. Það heitir „IVF Coaching“ og er ætlað að leiða konur og pör í gegnum glasameðferðarferli með það að markmiði að auknar líkur verði á því að konan verði ófrísk auk þess sem það býður upp á ýmiskonar upplýsingar sem dregið geti úr vanlíðan, og aukið stjórn hjá þeim sem fara í glasameðferðir.
30.júl. 2014 - 21:30

Hrafn: „Hversu oft geta ógæfumenn hringt inn lygar í skjóli nafnleyndar?“

„Þetta voru elskulegir lögregluþjónar og ég hef ekkert uppá þá að klaga“, segir Hrafn Gunnlaugsson hinn kunni leikstjóri í samtali við Pressuna. Tvisvar á þremur dögum hefur lögreglan stöðvað för hans. Síðastliðinn mánudag elti lögreglan leikstjórann heim að útidyrum og í kvöld var Hrafn stöðvaður á ný á Sæbrautinni. Hrafn segir að í bæði skiptin hafi lögreglan fengið nafnlausa ábendingu frá óprúttnum aðila sem hringt hafi í 112 og sagt að Hrafn væri drukkinn undir stýri.
30.júl. 2014 - 20:00

Kolkrabbi og kandífloss: Manst þú eftir Tívolíinu í Hveragerði? MYNDASYRPA

„Okkur langaði að útbúa skemmtilegan stað þar sem fjölskyldur gætu komið og átt ánægjulegar stundir saman“ segir Ólafur Ragnarsson hæstaréttarlögmaður sem um árabil rak Tívolíið í Hveragerði en fullvíst er að ófáir Íslendingar eiga minningar tengdar skemmtigarðinum. Tívolíið hóf göngu sína árið 1986 en það var ári síðar sem að Ólafur kom inn í reksturinn og sá um að koma starfseminni undir þak. Tívolíið var í fjölmörg sumur vinsæll áfangastaður barnafjölskyldna sem skemmtu sér þar í allskyns tækjum auk þess sem að dagskráin var brotin upp með ýmsum líflegum uppákomum.


30.júl. 2014 - 16:30

Sjáðu Íslandsauglýsinguna sem var bönnuð í Bretlandi

Stofnun sem hefur eftirlit með birtingu auglýsinga í Bretlandi hefur bannað auglýsingu Jägermeister en hún á sér stað á Íslandi. Í auglýsingunni má sjá hóp manna heimsækja Ísland og meðal annars fara á brimbretti í ísköldum íslenskum sjó að vetri til.
30.júl. 2014 - 15:40

Ábyrgðin liggur alltaf hjá gerendum: „Viljum ræða við fólkið í eigin persónu“

Jóhanna Ýr Jónsdóttir er framkvæmdastjóri forvarnarhóps sem kallar sig ,,Bleika fíla burt" en hópurinn hefur frá árinu 2012 unnið náið með þjóðhátíðarnefnd að forvörnum gegn kynferðislegu ofbeldi á Þjóðhátíð í Eyjum. Sama er upp á teningnum í ár og segir Jóhanna að einna mikilvægast sé að koma á þeirri hugarfarsbreytingu að ábyrgðin sé ætíð hjá gerandanum í nauðgunarmálum.
30.júl. 2014 - 11:22

Svona var stemningin á toppi Esjunnar

Frumleg hugmynd hér á ferðinni! Símafyrirtækið Nova, sem stóð fyrir heldur óvenjulegum tónleikum á toppi Esjunnar síðastliðna helgi, hefur sett saman skemmtilegt ferðamyndband fyrir þá sem komu og hina sem komust ekki á þennan frumlega og skemmtilega viðburð.
30.júl. 2014 - 11:00

Heathrow flugvöllur ekki lengur vinsælastur hjá Íslendingum

Heathrow flugvöllur hefur hingað til verið vinsælasti flugvöllurinn fyrir Íslandsflug til og frá Lundúnum. Með tilkomu lággjaldaflugfélagsins easyJet hefur samkeppnin í Lundúnaflugi hins vegar aukist er nú svo komið að rúmlea 9 þúsund fleiri farþegar nýttu sér  Gatwick flugvöll á fyrstu fimm mánuðum ársins. Þetta kemur fram á vefsíðunni Turisti.is
30.júl. 2014 - 10:03 Sigurður Elvar

Eiður Smári æfir með OB í Danmörku – fylgist með syni sínum í U17 ára landsliði Íslands

Eiður Smári Guðjohnsen, æfir þessa dagana með danska liðinu OB í Óðinsvéum í Danmörku. Markahæsti leikmaður íslenska landsliðsins er ekki að leita eftir því að fá samning við félagið en hann er staddur með syni sínum, Sveini Aroni Guðjohnsen, sem er að leika með unglingalandsliði Íslands á Norðurlandamóti U-17 ára.
29.júl. 2014 - 20:00

Mynd dagsins: Hallgrímskirkja þriðja furðulegasta bygging í heimi - Taktu þátt í kosningunni

Á mynd dagsins má sjá Hallgrímskirkju en umrædd mynd hefur vakið mikla athygli á vefnum Strangebuildings.com en þar er fjallað um undarlegar byggingar víðsvegar í heiminum. Þá er jafnframt hægt að kjósa um undarlegustu bygginguna og eins og staðan er núna er Hallgrímskirkja í þriðja sæti
29.júl. 2014 - 17:30

16 ára leikmaður í tólf mánaða bann

Leikmaður 2. flokks Sindra hefur verið dæmdur í tólf mánaða keppnisbann fyrir að ráðast á andstæðing með spörkum. Árásin átti sér stað í leik Sindra gegn Snæfellsnesi. Fotbolti.net greinir frá.
29.júl. 2014 - 17:15

Umferðarslys á Kringlumýrarbraut: Tveir fluttir á slysadeild

Umferðarslys varð á Kringlumýrarbraut við Listabraut rétt fyrir klukkan þrjú í dag en um fimm bíla árekstur var að ræða. Að sögn lögreglu var um keðjuverkun að ræða en ökumaður bifreiðar missti stjórn á bifreið sinni og ók utan í eina bifreið og aftan á aðra. Sú bifreið kastaðist þá á bifreiðina fyrir framan sem síðan keyrði aftan á fimmtu bifreiðina.
29.júl. 2014 - 16:30

Einn heitasti júlímánuður sögunnar í Danmörku: Sjávarhiti aldrei mælst hærri

Á sama tíma og Íslendingar hafa notið roks og rigningar og lítillar sólar víða um land það sem af er sumri hafa frændur vorir á Norðurlöndunum þurft að njóta sólar, hita og þurrka í sambland við töluverða úrkomu á köflum. Nú stefnir allt í að yfirstandandi júlímánuður verði einn sá hlýjasti í Danmörku síðan mælingar hófust og ekki nóg með það því sjávarhiti við baðstrendur landsins hefur aldrei mælst hærri en í dag.
29.júl. 2014 - 13:50

Ragna Erlendsdóttir rænd: Verst að sjá dótið hennar Ellu minnar ónýtt

Ragna Erlendsdóttir, móðir Ellu Dísar sem lést þann 5. júní síðastliðinn eftir langvarandi veikindi varð fyrir þeirri ömurlegu reynslu í nótt að brotist var inn í lagergeymslu í Ögurhvarfi þar sem meiri hluti búslóðar hennar er geymd. Segir Ragna að á meðan hún geti lifað án þeirra hluta sem teknir voru þá sé öllu erfiðara horfa upp á þá vanvirðingu sem eigum látinnar dóttur hennar var sýnd.
28.júl. 2014 - 22:05

Eldur í íbúðarhúsi á Patreksfirði

Engan slasaði þegar að eldur kom upp í íbúðarhúsi á Patreksfirði á níunda tímanum í kvöld. Kona og barn, sem búa á efri hæðinni, urðu vör við eldinn þegar að reykskynjari fór í gang og  tókst þeim að komast út af sjálfsdáðum áður en slökkvilið mætti á staðinn.
28.júl. 2014 - 22:05

Óvenjulegt brúðkaup Harðar og Sólveigar: Brúðguminn klæddist Svarthöfðabúningi

Þau Hörður Steinar og Sólveig Friðriksdóttir gengu í hjónaband síðastliðinn laugardag í Félagsheimilinu Drengur í Kjós. Við hjónavígsluna vakti klæðnaður brúðgumans töluverða athygli en Hörður, sem er mikill aðdáðandi Star Wars kvikmyndanna klæddist Svarthöfðabúningi í tilefni dagsins.
28.júl. 2014 - 20:00

Atvinnubílstjóri í Reykjavík:„Ekki taka mig í bremsuprófun úti í umferðinni“

Hjörleifur Guðmundsson hefur í tæpt ár unnið sem atvinnubílstjóri í Reykjavík. Hann segist ítrekað lenda í því að bílstjórar á minni bifreiðum keyri snögglega í veg fyrir stærri ökutæki á borð við hans sem skapi mikla hættu í umferðinni. Hann birti nýlega stöðuuppfærslu á fésbókinni þar sem hann vekur athygli á vandamálinu og hefur hún vakið mikla athygli.
28.júl. 2014 - 15:00

Mynd dagsins: Annie Mist brestur í grát á blaðamannfundi

 „Mín fyrstu viðbrögð voru þau að ég hélt að ég myndi ekki ganga aftur. Eftir það hélt ég að ég myndi aldrei keppa aftur, en nú er ég hér" sagði Annie Mist Þórisdóttir á blaðamannafundi, stuttu eftir að hún landaði silfri í einstaklingsflokki kvenna á Heimsleikunum í Crossfit nú um helgina. Með ummælum sínum vísar Annie til meiðsla sem hún varð fyrir árið 2012 en hún átti erfitt með halda aftur af tilfinningum sínum á fundinum og brast í grát eftir að hafa látið orðin falla. Hún uppskar mikið lófaklapp í kjölfarið.
28.júl. 2014 - 14:29

Þurfa að þéna 23 milljónir á ári til að geta greitt niður námslánin

Þrír námsmenn skulda nú þegar meira en 30 milljónir króna í námslán og þurfa tekjur þeirra að nema 23 milljónum króna á ári ætli þeir sér að greiða lánin þegar þeir verða 67 ára.
28.júl. 2014 - 13:30

Vætusöm verslunarmannahelgi framundan

Langtímaveðurspá fyrir komandi verslunarmannahelgi lofar ekki góðu en búist er við rigningu eða skúrum víða um land og er útlitið hvað verst fyrir Suðurland, en þar mun verða vætusamt á föstudeginum og úrhelli á laugardeginum. Hiti verður 8 -14 stig að sögn veðurfræðings hjá Veðurstofu Íslands.
28.júl. 2014 - 11:48 Sigurður Elvar

Birgir Leifur Íslandsmeistari í sjötta sinn – Ólafía Þórunn fagnaði sínum öðrum titli

Birgir Leifur Hafþórsson úr GKG og Ólafía Þórunn Kristinsdóttir úr GR eru Íslandsmeistari í höggleik árið 2014. Lokadagur Íslandsmótsins á Eimskipsmótaröðinni fór fram á í gær á Leirdalsvelli hjá GKG. Þetta í sjötta sinn sem Birgir  fagnar þessum titli.
27.júl. 2014 - 20:00

Fíkniefnasala á Facebook: Skyldi nýi bílinn þinn hafa fjármagnað fíkniefnaskuld?

Fíkniefnasala er sístækkandi vandamál á Facebook og ljóst er að ekki vantar framboðið sé haldið á stúfana í leit að efnum. Samkvæmt upplýsingum sem fengust frá fíkniefnadeild lögreglunnar á höfuðborgarsvæðinu þá eru menn vel meðvitaðir um þetta og fái vikulega fjölda ábendinga um vafasamar síður á fésbókinni.

 


27.júl. 2014 - 18:55

Jódís ólst upp með ógæfufólki: Gagnrýnir fræga fyrir virðingarleysi gagnvart ógæfumanneskjum

„Ég er þakklát fyrir að hafa alist upp með ógæfufólki, kynnst því af eigin raun og fengið að skilja að lífið sem mér var úthlutað er þakkarvert. Ég gleymi aldrei orðum vinkonu minnar þegar hún var mjög veik eitt sinn: „Það versta við fíknina er ekki geðveiki og dauði, heldur hitt að þurfa að lifa án þess að eiga líf, að fá ekki að deyja“.
27.júl. 2014 - 08:10

Mynd dagsins: Furðulegt háttarlag ferðamanns

Mynd dagsins að þessu sinni er af ferðamanni að þrífa bílaleigubíl á heldur einkennilega hátt. Myndin var upphaflega birt á Facebook. Hrannar Magnússon hjá Reykjavík rent a car segir að sem betur fer sé svona meðferð á bílaleigubílum sjaldgæf en þó komi fyrir að viðskiptavinir gangi illa um ökutækin, aki of hratt eða stundi utanvegaakstur.  
26.júl. 2014 - 14:50

Furða sig á myndbandi Mörtu Maríu: „Umfjöllunin er meiðandi“

Röddin, baráttusamtök fyrir réttindum utangarðsfólks, hefur sent frá sér yfirlýsingu vegna myndbands sem Marta María Jónasdóttir birti á vefnum Smartland á Mbl.is. Í myndbandinu er Marta María í hlutverki útigangskonu sem virðist hafa lent í miklum hrakningum.
26.júl. 2014 - 13:15

Brandur horfðist í augu við dauðann: Líklegt að bit skógarmítils hafi orsakað lömunina

 „Ég var bitinn af skógarmítli sem barn og fékk engin einkenni Lyme disease í æsku en ferðaðist hins vegar víða þegar ég var orðinn eldri og gæti þá hafa sýkst af einhverju öðru, sem hugsanlega gæti hafa komið gömlu sýkingunni af stað“, segir Brandur Bjarnason Karlsson í áhrifaríku viðtali við MBL. Þar segir hann af einlægni og æðruleysi frá því þegar hann fór að finna fyrir því að máttur í höndum og fótum fór þverrandi. Sjö árum seinna er hann lamaður neðan við háls.
26.júl. 2014 - 11:45

Einkennileg bón: Maður í miðbænum „óskaði“ eftir að vera handtekinn

Klukkan hálf sex í morgun höfðu lögreglumenn afskipti af tveimur aðilum í miðborginni vegna óláta og ónæðis. Þegar lögregla hafði fært annan manninn inn í lögreglubifreið til að ræða frekar við hann, æstist félagi hans upp og krafðist þess að hann yrði handtekinn undireins líka.
25.júl. 2014 - 20:00

Íslendingar vilja berjast og slást: Aðsókn í Mjölni eykst jafnt og þétt

Blandaðar baradagaíþróttir njóta sívaxandi vinsælda hér á landi þó svo að einnig megi heyra gagnrýnisraddir. Svo virðist sem að sigurganga Gunnars Nelson innan MMA heimsins hafi kynt þónokkuð undir áhuga Íslendinga á greininni en eins og Pressan greindi frá síðastliðinn laugardag fór Gunnar með sigur af hólmi á nýafstöðnu UFC bardagakvöldi í Dublin og er nú ósigraður í 14 bardögum. Íþróttafélagið Mjölnir er miðstöð baradagaíþrótta hér á landi en þar hefur aðsóknin farið sívaxandi allt frá byrjun.
25.júl. 2014 - 17:45

Freyja: „Ég átti bara að vera þakklát fyrir að einhver vildi snerta mig“

„Mér var kennt að fólkið sem káfaði á mér, kyssti mig og strauk mér án míns samþykkis væri bara ,,að reyna að vera gott“, segir Freyja Haraldsdóttir, varaþingmaður Bjartrar framtíðar en hún segir að frá fæðingu hafi fólk oft misnotað vald sitt gagnvart henni. 
25.júl. 2014 - 15:10

Hækkað í botn á toppi Esjunnar

Tilvalið verkefni fyrir dansandi göngugarpa! Á sunnudaginn næstkomandi kemur Nova til með að blása til veislu á toppi Esjunnar. Já, þið lásið rétt. Á sjálfri Esjunni. Á slaginu 11:00 munu þau DJ Margeir og Ásdís María hækka græjurnar í botn og troða upp.
25.júl. 2014 - 12:51

Landspítalinn semur við Opin kerfi

Á mynd frá vinstri Jón Hilmar Friðriksson, framkvæmdastjóri hjá LSH og Gunnar Guðjónsson, forstjóri Opinna kerfa. Í kjölfar útboðs hefur Landspítalinn samið við Opin kerfi um innkaup og þjónustu við tölvubúnað spítalans.
25.júl. 2014 - 09:40

Líkir ferðaþjónustunni á Íslandi við marghöfða þurs

Ólafur Schram er sjálfstætt starfandi leiðsögumaður sem starfað hefur mikið með erlendum ferðamönnum í gegnum árin. Hann birti nýlega pistil inn á heimasíðu Kvennablaðsins þar sem hann tjáir skoðun sína á ferðamannaiðnaðinum. Ólafur telur Íslendinga gjarna á að sjá aðeins hagnaðinn í fjöldanum á meðan gengið er statt og stöðugt á gæðin.

25.júl. 2014 - 09:03 Sigurður Elvar

Rástímar og staða á öðrum keppnisdegi Íslandsmótsins á Leirdalsvelli

Annar keppnisdagur á Íslandsmótinu í höggleik hófst kl. 7.30 á Leirdalsvelli í dag. Keppendum verður fækkað að loknum 36 holum og komast 72 efstu í  karlaflokki áfram og 18 efstu í kvennaflokki. Tveir efstu kylfingar mótsins, Birgir Leifur Hafþórsson úr GKG og Gísli Sveinbergsson úr GK eru áfram saman í ráshóp og hefja þeir leik kl. 14.00. Í kvennaflokki fer Valdís Þóra Jónsdóttir úr GL af stað kl. 11.30 og Ragnhildur Kristinsdóttir úr GR sem deilir efsta sætinu með henni fer út kl. 12.00.  
25.júl. 2014 - 09:00 Sigurður Elvar

„Henni líður mjög illa núna“ – Aníta hætti keppni í úrslitahlaupinu á HM

Aníta Hinriksdóttir náði ekki að ljúka við úrslitahlaupið í 800 metra hlaupi á heimsmeistaramóti ungmenna í frjálsíþróttum í gærkvöld. Mótið fer fram í Eugene í Bandaríkjunum. Aníta hljóp fyrri hringinn mjög hratt og var hún fremst á þeim tíma. Þegar 200 metrar voru eftir fóru tveir ástralskir keppendur framúr Anítu sem virtist ekki eiga meiri orku eftir.
24.júl. 2014 - 22:00

María Ósk missti móður og systur úr arfgengum sjúkdómi: „Ég þurfti að læra að labba og tala alveg upp á nýtt"

María Ósk er 27 ára gömul kona sem búsett er á Suðurnesjunum. Hún þjáist af arfgengri heilablæðingu en um er að ræða afar sjaldgæfan og séríslenskan sjúkdóm þar sem orsakavaldurinn er stökkbreytt gen sem veldur heilablæðingu hjá ungu fólki. Talið er að um tuttugu Íslendingar þjáist af sjúkdómnum en hann erfist ríkjandi og óháð kyni og dregur flesta þá sem af honum þjást til dauða um þrítugt. Sjálf missti María bæði móður sína og systur úr sjúkdómnum. Þrátt fyrir það heldur María Ósk í jákvæðnina og leggur sig fram við að lifa sem eðlilegustu lífi.

24.júl. 2014 - 10:47

Páll Óskar: „Nú veit ég hvað það er að vera starstruck!“

Páll Óskar Hjálmtýsson greinir frá því á Fésbókarsíðu sinni að hann hafi hitt leikstjórann fræga Quentin Tarantino snemma morguns á bensínstöð í Borgarnesi. Páll segir viðskiptavinir hafi verið á svæðinu og þeir því náð að ræða í ró og næði um sameiginleg áhugamál.
24.júl. 2014 - 08:00

Innbrot og skemmdaverk: Erilsöm nótt hjá lögreglunni

Klukkan eitt í nótt var tilkynnt um skemmdir á níu bílum í austurhluta borgarinnar. Á þriðja tímanum í nótt var tilkynnt um innbrot í tvö fyrirtæki í Vesturbænum og á fimmta tímanum í morgun var tilkynnt um innbrot í sjoppu í Kópavogi.

24.júl. 2014 - 00:18 Sigurður Elvar

Sé eftir því að hafa ekki byrjað fyrr - formaður GKG lætur sig dreyma um gott veður í Leirdalnum

Guðmundur Oddsson formaður GKG lætur sig dreyma um góðviðri og fjölmenni á Íslandsmótinu í höggleik en ítarlegt viðtal er við Guðmund í 3. tbl. tímaritsins Golf á Íslandi sem kom út í þessari viku. Formaðurinn hefur í mörg horn að líta þessa dagana þar sem að Íslandsmótið í golfi hefst á fimmtudaginn á Leirdalsvelli en skólastjórinn fyrrverandi úr Kársnesskóla í Kópavogi, sér á hverjum degi eftir því að hafa ekki byrjað í golfíþróttinni fyrr á ævinni en hann hefur gegnt embætti formanns Golfklúbbs Kópavogs og Garðabæjar í níu ár.
23.júl. 2014 - 23:51

Yrði skemmtilegt ef ég þyrfti að afhenda sjálfum mér bikarinn

Haukur Örn Birgisson, forseti Golfsambands Íslands meðal þátttakenda á Íslandsmótinu í höggleik 2014. Haukur Örn er í viðtali í nýjasta tölublaði Golf á Íslandi sem kom út í vikunni.
23.júl. 2014 - 22:00

Skelfileg dæmi um netfíkn á Íslandi: Hægja sér við tölvuna svo þeir þurfi ekki að standa upp

„Þessum hópi þykir umheimurinn ógnvekjandi”, segir Eyjólfur Örn Jónsson sálfræðingur. Áttatíu prósent þeirra sem glíma við Net- og tölvufíkn eru á aldrinum 18 til 20 ára. Eyjólfur segir að tölvufíkn fylgi undirliggjandi vandamál og í ýktustu tilfellum hættir fólk að þrífa sig og gerir þarfir sínar í flösku eða pizzakassa svo það þurfi ekki að yfirgefa tölvuskjáinn.
23.júl. 2014 - 20:00 Sigurður Elvar

Swansea keypti Gylfa Þór fyrir 2 milljarða kr.- dýrasti knattspyrnumaður Íslands

Gylfi Þór Sigurðsson skrifaði í dag undir fjögurra ára samning við enska úrvalsdeildarliðið Swansea. Íslenski landsliðsmaðurinn þekkir vel til í herbúðum liðsins þar sem hann lék sem lánsmaður síðari hluta keppnistímabilsins 2011-2012. Swansea, sem er í Wales, kaupir Gylfa á 10 milljónir punda eða rétt tæplega 2 milljarða kr. frá Tottenham þar sem Gylfi Þór hafði leikið í tvö ár.
23.júl. 2014 - 19:00

Mynd dagsins: Í návígi við örninn - „Pabbi smitað mig af fuglaáhuganum“

Á þessari mögnuðu mynd má sjá feðgana Gunnar Þór Hallgrímsson og föður hans, Hallgrím Gunnarsson. Gunnar er dósent í dýrafræði við HÍ og doktor í fuglafræði.  Á myndinni eru þeir að merkja kvenfugl, sem gjarnan er nefnd assa, á Vesturlandi. Hallgrímur hefur stundað rannsóknir á fuglum í áraraðir og safnað blóðsýnum úr arnarungum úr hreiðrum í ellefu ár.  
23.júl. 2014 - 16:35

Kennsl borin á líkið sem fannst við Háöldu

Kennslanefnd ríkislögreglustjóra hefur staðfest að lík sem fannst við Háöldu suðvestur af Landmannalaugum fyrir viku sé af bandarískum ríkisborgara, Nathan Samuel Foley-Mendelssohn. 
23.júl. 2014 - 15:50

Keyrt yfir fimm ára stúlku í Atlavík: Flutt með sjúkraflugi til Akureyrar

Keyrt var yfir fimm ára stúlku á tjaldstæðinu við Atlavík í gær með þeim afleiðingum að hún slasaðist lítillega. Samkvæmt upplýsingum sem fengust frá lögreglunni á Egilstöðum hafði stúlkan ætlað að stytta sér leið og smeigði sér því undir fellihýsi á svæðinu. Svo óheppilega vildi til að eigandi fellihýssins sat inni í fellihýsinu á sama tíma og keyrði af stað um svipað leyti og stúlkan smeygði sér undir bílinn, með þeim afleiðingum að stúlkan varð undir öðru hjólinu.
23.júl. 2014 - 14:30

Svæðinu í kring um Öskjuvatn hefur verið lokað: Mikil mildi að enginn var á svæðinu - Myndir

 Mikil mildi þykir að enginn var á svæðinu þegar stór skriða féll við Öskjuvatn seint í gærkvöldi en margir ferðamenn eru í Vatnajökulsþjóðgarði á þessum árstíma. Svæðinu í kring um næsta nágrenni Öskjuvatns hefur verið lokað.

23.júl. 2014 - 13:10

Grimm örlög kanínunnar Mr. Blind: Lausaganga hunda stórt og mikið vandamál

„Ég ætla ekki að reyna að lýsa reiðinni, sorginni og óttanum í kjölfar þessa atburðar,“ segir Ingibjörg Rannveig Ingólfsdóttir bóndi og kanínuræktandi. Í samtali við Pressuna segir hún frá raunum vinkonu sinnar og fjölskyldu hennar og sorglegum örlögum kanínunnar Mr. Blind sem varð fyrir fólskulegri árás hunds sem sleppt var lausum skammt frá bæ þeirra. Hundategundin sem um ræðir er með mikið og ríkt veiðieðli.

Sena - Hjálmar - júlí '14
Brynjar Nielsson
Brynjar Nielsson - 30.7.2014
Vel tekist til með skipan sendiherra
Jón Steinar Gunnlaugsson
Jón Steinar Gunnlaugsson - 30.7.2014
Einkenni hins litla samfélags
Þórhallur Heimisson
Þórhallur Heimisson - 21.7.2014
Stund úlfsins
Hannes Hólmsteinn Gissurarson
Hannes Hólmsteinn Gissurarson - 25.7.2014
Fróðleg málstofa á mánudag
Hannes Hólmsteinn Gissurarson
Hannes Hólmsteinn Gissurarson - 28.7.2014
Þegar ljósin slokknuðu
Þórhallur Heimisson
Þórhallur Heimisson - 30.7.2014
Hjónaband og hamingjan
Fleiri pressupennar