10. júl. 2012 - 15:00

Varði sólpallinn sinn með kjafti og klóm: Braut rúður nágrannans og sparkaði í lögreglumenn

Kona á fimmtugsaldri hefur verið dæmd í 5 mánaða skilorðsbundið fangelsi fyrir að brjóta rúður í íbúð nágranna síns og fyrir að ganga í skrokk á tveimur lögregluþjónum. Hún fékk æðiskast eftir deilur um sólpallinn hennar.

Atvikið átti sér stað í nóvember 2010. Lögregla fékk tilkynningu frá íbúa í vesturbæ Reykjavíkur um að nágrannakona væri að berja húsið hans að utan með teppabankara. Þegar lögreglumenn mættu á vettvang heyrðust brothljóð frá bakhlið hússins og hróp og köll frá konu. Reyndust tvær rúður hafa brotnað.

Konan, sem virtist undir áhrifum áfengis, tjáði lögreglumönnunum að hún hafi átt í deilum við nágranna sinn út af sólpalli sem hún hafði reist, en garðar húsanna eru samliggjandi. Lögreglumennirnir létu sér það nægja að ræða við konuna og biðja hana um að láta hús nágrannans í friði.

Ekki liðu nema nokkrar mínútur þangað til konan var komin aftur að húsi nágrannans og var lögreglan aftur kölluð til. Var hún þá búin að brjóta rúðu á framhlið hússins. Konan var þá á bak og burt og yfirgáfu lögreglumenn aftur svæðið.

Örfáum mínútum síðar barst enn og aftur tilkynning um að konan væri komin aftur að berja húsið og í þetta skiptið tókst lögreglu að hafa hendur í hári hennar, þótt hún hafi reynt að hlaupa á brott.

Konan var flutt á lögreglustöð, en þegar átti að færa hana í fangageymslu fékk hún æðiskast. Til töluverðra átaka kom þar sem konan sparkaði í tvo lögregluþjóna, í andlit annars vegar og bringu hins vegar.

Konan neitaði sök, en framburður vitna varð til þess að hún var fundin sek og dæmd í 5 mánaða skilorðsbundið fangelsi. Þá þarf hún að greiða nágranna sínum tæplega 130 þúsund krónur í skaðabætur, auk vaxta.



21.feb. 2017 - 14:30 433

Erfiðir mánuðir senn á enda hjá Alfreð

Síðustu mánuðir hafa verið erfiðir fyrir Alfreð Finnbogason framherja Augsburg en meiðsli hafa hrjáð hann. Alfreð meiddist í nára í september og hefur síðan þá ekki getað spilað. Meiðslin tóku sig upp í landsleik gegn Tyrklandi á Laugardalsvelli.
21.feb. 2017 - 14:00

Séð og heyrt og Nýtt líf hefja aftur göngu sína

Útgáfufélagið Pressan tók formlega við eignarhaldi á Birtíngi útgáfufélagi í dag. Á hluthafafundi var ný stjórn Birtíngs kjörin og í henni sitja Björn Ingi Hrafnsson stjórnarformaður, Matthías Björnsson og Sigurvin Ólafsson. Karl Steinar Óskarsson verður áfram framkvæmdastjóri Birtíngs.

21.feb. 2017 - 13:45 Eyjan/Ari Brynjólfsson

Lóðaskortsstefna borgarstjóra hefur stóraukið húsnæðisvandann

Guðfinna Jóhanna Guðmundsdóttir borgarfulltrúi Framsóknar og flugvallarvina segir Dag B. Eggertsson borgarstjóra ekki gera sér grein fyrir hlutverki sínu og ábyrgð, þess í stað sé hann að kenna öðrum um þegar það er hans eigin þéttingarstefna sem hefur aukið húsnæðisvandann í borginni.
21.feb. 2017 - 13:05 Sylvía Rut Sigfúsdóttir

Ragga Nagli fékk athugasemdir á veitingastað: „Óskrifaðar reglur gilda semsagt um hvað sé félagslega samþykkt magn“

Líkami kvenna er alltof oft almenningseign opinn fyrir óumbeðnum athugasemdum, leiðbeiningum og stefnuyfirlýsingum. Ef Naglinn væri karlkyns hefði örugglega ekki verið beðið um að dilla rassinum til að samþykkja slíka pöntun,“ segir Ragnheiður Þórðardóttir heilsusálfræðingur, betur þekkt sem Ragga Nagli. Hún sagði frá atviki á á fésbókarsíðu sinni þar sem þjónn á veitingastað hneykslaðist á því hversu mikið af mat hún pantaði sér.

21.feb. 2017 - 12:43 Þorvarður Pálsson

Mynd dagsins - Forsetinn sendi Hugleiki Dagssyni þakkarbréf

Hugleikur Dagsson sendi fyrir nokkru forseta Íslands, Guðna Th. Jóhannessyni, sokkapar sem skreytt er með myndum eftir Hugleik. Guðni hefur vakið athygli fyrir að klæðast litríkum og djörfum sokkum og því ákvað Hugleikur að senda honum eitt par. Hugleikur er þekktur fyrir gálgahúmor og sokkaparið er þar ekki undanskilið.

21.feb. 2017 - 11:58 Þorvarður Pálsson

Bjarni var einn á leiðinni niður fjallið – Vinir hans héldu göngunni áfram

Bjarni Salvar Eyvindsson, 19 ára gamall piltur sem lést í hlíðum Tafelberg fjalls í Höfðaborg í Suður-Afríku á laugardaginn, var á leiðinni einn niður fjallið þegar hann lést. Bjarni var lögblindur og talið er að hann hafi fallið við á leið sinni niður fjallið. Sennilegast hefur Bjarni fengið höfuðhögg. Göngumaður gekk fram á lík Bjarna á sunnudaginn en þá hafði hans verið saknað frá laugardagskvöldinu. Þetta segir Íris Jóna Gunnarsdóttir, móðursystir Bjarna í samtali við mbl.is.
21.feb. 2017 - 11:54 Sylvía Rut Sigfúsdóttir

Banaslys á Reykjanesbraut

Einn lést og tveir slösuðust í hörðum árekstri jeppa og fólksbíls á Reykjanesbraut í morgun. Lögreglunni barst tilkynning um slysið klukkan 6.48 en bílarnir voru að koma úr gagnstæðri átt. Samkvæmt tilkynhningu frá lögreglu er talið að annarri bifreiðinni hafi verið ekið yfir á rangan vegarhelming. Sá sem lést var farþegi í annarri bifreiðinni, en ekki er hægt að greina frá líðan ökumannanna að svo stöddu. Loka þurfti Reykjanesbraut í dag þegar slysið varð en hún var opnuð aftur um klukkan tíu. Lögreglan á höfuðborgarsvæðinu og rannsóknarnefnd samgönguslysa rannsaka slysið.

21.feb. 2017 - 11:00 Ari Brynjólfsson

Gat ekki borðað né sofið í tvo sólahringa eftir atvikið í Leifsstöð: Leið eins og glæpamanni

Velski kennarinn Juhel Miah var á leið til Bandaríkjanna með nemendum sínum þegar honum var vísað frá borði á Íslandi, þar sem hópurinn millilenti 16. febrúar síðastliðinn. Bandarísk stjórnvöld meinuðu honum að fara þangað, en það er óljóst hvers vegna þar sem hann er með breskt ríkisfang og búið er að fella úr gildi ferðabann Donalds Trump Bandaríkjaforseta. Greint er frá þessu í bresku dagblöðunum Daily Mail og Guardian í dag.

21.feb. 2017 - 10:30 Eyjan/Ari Brynjólfsson

Þarft að vera erfingi eða stóreignamaður til að fara inn á húsnæðismarkaðinn í dag

„Mér finnst ný ríkisstjórn skila auðu í húsnæðismálunum, það er ekkert um húsnæðismál í nýjum stjórnarsáttmála, það eru engin svör fyrir ungt fók sem vill þá fara inn á þennan kaupendamarkað. Ég er búinn að vera suða um það við ríkisstjórn, hina fyrri, í nokkur ár, að það eru nokkur dauðafæri innan borgarmarkanna, þar sem hægt er að byggja og byggja hratt og það eru lönd í eigu ríkisins.“

21.feb. 2017 - 10:00 Smári Pálmarsson

Hlutfall erlendra fanga á Íslandi hærra en erlendra íbúa

Hlutfall erlendra fanga í íslenskum fangelsum er á bilinu 15 til 20 prósent. Það er hærra en hlutfall erlendra íbúa hér á landi sem er aðeins um 8 til 10 prósent. Helgi Gunnlaugsson, sérfræðingur í afbrotafræðum og prófessor við Háskóla Íslands, segir það hins vegar misskilning í umræðunni um glæpi að erlendir íbúar séu líklegri til að vera þar að verki en íslendingar.
21.feb. 2017 - 07:50 Kristján Kristjánsson

Nafn piltsins sem lést af slysförum í Suður-Afríku

Íslenski pilturinn sem fannst látinn á vinsælu útivistarsvæði við Tafelberg-fjallið við Höfðaborg í Suður-Afríku hét Bjarni Salvar Eyvindsson. Hann var fæddur 5. febrúar 1998 og var því nýorðin 19 ára. Hann vann við hjálparstörf í Suður-Afríku.
21.feb. 2017 - 05:18

Fjórir handteknir í iðnaðarhúsnæði í austurborginni: Grunaðir um áfengisframleiðslu

Fjórir menn voru handteknir í iðnaðarhúsnæði í austurhluta Reykjavíkur um miðnætti. Þeir eru grunaðir um að hafa staðið að ólöglegri áfengisframleiðslu í húsinu og um að vera með fíkniefni í fórum sínum. Mennirnir voru vistaðir í fangageymslu.
20.feb. 2017 - 21:00 Þorvarður Pálsson

Prófessor í íslenskri málfræði gagnrýnir kennsluefni fyrir framhaldsskóla: ,,Hvers vegna er verið að bjóða börnunum upp á þetta?‘‘

Framhaldsskólanemar. Myndin tengist efni fréttarinnar ekki beint. Eiríkur Rögnvaldsson, prófessor í íslenskri málfræði við Háskóla Íslands birti í gær og í dag á Facebook síðu sinni kennslugögn í málfræði sem notuð eru í sumum framhaldsskólum. Eiríkur segist vera ,,bæði dapur og reiður‘‘ yfir þessu námsefni og bendir á fjölmargar villur í því. Efnið er fengið af vefsíðunni framhaldsskoli.is og er hluti þess opinn öllum en megnið af því er aðeins aðgengilegt fyrir þá skóla sem borga fyrir aðgang.
20.feb. 2017 - 20:00 Sylvía Rut Sigfúsdóttir

Telma sefur betur í Meistaramánuði: „Í allt of mörg ár hef ég verið að svelta svefninn“

Telma Matthíasdóttir einkaþjálfari hefur verið ótrúlega mörgum hvatning í Meistaramánuði. Telma deilir mikið af góðum ráðum, æfingum og hollum uppskriftum á Snapchat. Hennar orka og dugnaður er svo líka mjög hvetjandi og nær hún að gefa mörgum spark í rassinn til þess að fara og hreyfa sig þegar orkan er lítil. Við fengum að heyra meira um hennar Meistaramánuð.
20.feb. 2017 - 19:00 Smári Pálmarsson

Erum við vanhæfir og sjálfselskir foreldrar?

Helga Dögg Sverrisdóttir, gunnskólakennari, segir foreldra verða að sýna aukna ábyrgð á uppeldinu og setja mál barnanna sinna í forgang. Það sé ekki hlutverk samfélagsins að stýra því hvernig heimilislífið hangir saman heldur sé ábyrgðin foreldra sem tekið hafa ákvörðum um að eiga barn. Helga byggir skrif sín á grein eftir dönsku þingkonuna Anni Matthiesen, sem vísar meðal annars í danska rannsókn um jafnvægi heimilislífs og atvinnu.
20.feb. 2017 - 16:52 Þorvarður Pálsson

Íslenski pilturinn talinn hafa orðið viðskila við gönguhóp við Table-fjall

Hinn 19 ára gamli íslenski piltur sem lést í hlíðum Table-fjalls í Suður-Afríku í gær lést af slysförum og ekkert saknæmt átti sér stað. Þetta staðfesti Ezra October, yfirvarðstjóri hjá lögreglunni í Höfðaborg í samtali við Vísi. Veður var vont á þessu svæði og talið er að það hafi orðið til þess að hann varð viðskila við vinahóp sem hann var með í gönguferðinni. Hann hafði komið til Suður-Afríku þann 12. janúar síðastliðinn til að stunda sjálfboðastörf.
20.feb. 2017 - 16:00 Sylvía Rut Sigfúsdóttir

Mynd dagsins: Hrikalegt skemmdarverk á tjaldsvæðinu í Herjólfsdal

Um helgina voru unnar miklar skemmdir á hluta tjaldsvæðisins í Herjólfsdal. Samkvæmt upplýsingum frá lögreglunni í Vestmannaeyjum gerði einhver sér það að leik að spóla um svæðið á bifreið. Skildi það tjaldsvæðið eftir stórlaskað eins og meðfylgjandi myndir sýna. Lögreglan óskar eftir upplýsingum frá bæjarbúum um málið.
20.feb. 2017 - 15:47 433

Mikilvægur leikmaður Íslands með rifu í liðbandi

Jóhann Berg Guðmundsson kantmaður Burnley verður frá næstu vikurnar vegna meiðsla sem hann varð fyrir um helgina. Þetta staðfesti hann í samtali við 433.is í dag. Jóhann þurfti að fara af velli eftir 20 mínútna leik í bikarnum gegn Lincoln um helgina þar sem Burnley tapaði 1-0.
20.feb. 2017 - 15:30 Þorvarður Pálsson

Dómurinn staðfestir málamyndahjónaband íslenskrar konu

Nú fyrir helgi var íslenska ríkið sýknað af kröfu konu og karls sem óskuðu þess að felldur yrði úr gildi úrskurður kærunefndar útlendingamála um að manninum skildi vísað úr landi. Héraðsdómur féllst á þau rök Útlendingastofnunar að um málamyndahjónaband væri að ræða svo maðurinn gæti fengið hér á landi dvalarleyfi. Konan er íslensk en ekki hefur komið fram hvers lenskur maðurinn er.
20.feb. 2017 - 15:00 Sylvía Rut Sigfúsdóttir

Íslenski pilturinn í Suður-Afríku lést af slysförum

Íslenski drengurinn sem fannst látinn á Table-fjalli í Suður-Afríku um helgina lést af slysförum, hann var aðeins 19 ára gamall. Pilturinn fannst snemma á sunnudagsmorgun en hans hafði verið saknað frá hádegi á laugardag. Van Vyk upplýsingafulltrúi lögreglunnar í Höfðaborg staðfestir að ekkert bendi til þess að andlátið hafi borið að með saknæmum hætti.

20.feb. 2017 - 14:52 Sylvía Rut Sigfúsdóttir

Hæstiréttur staðfesti gæsluvarðhaldið yfir skipverjanum

Hæstiréttur staðfesti í dag tveggja vikna gæsluvarðhald yfir skipverjanum sem grunaður er um að hafa banað Birnu Brjánsdóttur. Maðurinn var dæmdur í gæsluvarðhald í Héraðsdómi Reykjaness í síðustu viku en hann hefur setið í gæsluvarðhaldi frá því að hann var handtekinn þann 18.janúar síðastliðinn.
20.feb. 2017 - 14:40 Þorvarður Pálsson

Vinsældir Lego Batman ætla engan endi að taka – Fifty Shades Darker náði ekki toppsætinu

Samtök rétthafa í sjónvarps- og kvikmyndaiðnaði gáfu í dag út aðsóknartölur fyrir kvikmyndahús á Íslandi. Þar kemur margt fróðlegt fram og greinilegt að Fifty Shades myndaflokkurinn má muna sinn fífil fegurri því þrátt fyrir að nýliðinn sé Valentínusar- og konudagurinn varð það ekki nóg til að koma myndinni í efsta sæti vinsældalistans. Þrjár nýjar myndir eru á listanum athygli vekur að aðeins er ein íslensk kvikmynd til sýninga í kvikmyndahúsum.
20.feb. 2017 - 14:07 Eyjan/Ari Brynjólfsson

Píratar dala – Framsókn og Samfylking á uppleið

Vinstri græn mælast með mest fylgi íslenskra flokka í nýrri könnun MMR, mælast Vinstri grænir með 27% fylgi sem er sama fylgi og flokkurinn mældist með í síðustu könnun. Sjálfstæðisflokkurinn mælist sem fyrr næst stærsti flokkurinn með 24,4% fylgi í könnuninni sem var gerð dagana 10. til 15. febrúar. Þó skal hafa í huga að munurinn milli flokkanna er innan vikmarka og því ekki hægt að fullyrða hvor flokkurinn nýtur meira fylgis þjóðarinnar.

20.feb. 2017 - 13:34 Ari Brynjólfsson

Natan fékk 45 daga dóm vegna fjárdráttar úr Landssambandi æskulýðsfélaga

Natan Þórunnar-Kolbeinsson hefur verið dæmdur í 45 daga skilorðsbundið fangelsi fyrir að hafa dregið að sér rúmar 400 þúsund krónur af reikningum Landssambands æskulýðsfélaga þegar hann var formaður sambandsins. Líkt og greint var frá þegar málið kom upp síðasta sumar þá sagði Natan af sér formennsku þegar til stóð að kæra hann til lögreglu.

20.feb. 2017 - 13:00 433

,,Menn sem elska pizzur og stera mættir á ársþing KSÍ“

Þorkell Máni Pétursson útvarpsmaður á X977 var mættur í viðtal í Akraborginni fyrir helgi þar sem hann fór mikið. Máni ræddi þar um ársþing KSÍ sem fór fram á dögunum en hann segir að smalað hafi verið á þingið til að styðja Guðna Bergsson.
20.feb. 2017 - 12:00 Eyjan

Ungir Píratar gagnrýna Óttar harðlega: Berst gegn rafrettum meðan heilbrigðiskerfið er fjársvelt

Stjórn Ungra Pírata lýsir yfir miklum áhyggjum af forgangsröðun og áherslum heilbrigðisráðherra í heilbrigðismálum. Þá kemur það okkur algjörlega í opna skjöldu að heilbrigðisráðherra vilji að rafrettur heyri undir sömu lög og almennt tóbak. Þetta segir í yfirlýsingu frá Ungum Pírötum, sem send var Eyjunni.

20.feb. 2017 - 11:51 Ari Brynjólfsson

Grímur: Niðurstöður farnar að berast að utan

Grímur Grímsson yfirlögregluþjónn sem er yfir rannsókninni á láti Birnu Brjánsdóttur segir að niðurstöður úr lífsýnum sem send voru til Svíþjóðar til rannsóknar séu farnar að berast. Grímur segir hvert og eitt sýni vera þátt í að púsla málinu saman, segir hann einhverjar vikur þangað til rannsókn ljúki en lögreglan er að reyna að ljúka rannsókninni sem fyrst til að hægt að senda gögnin til saksóknara.

20.feb. 2017 - 11:36 Smári Pálmarsson

Gisting í Reykjavík sú dýrasta í Norður-Evrópu – Fullbókuð hótel á himinháu verði

Reykjavík býður dýrustu hótelgistingu í allri Norður-Evrópu en í febrúar mánuði er höfuðborg okkar Íslendinga í öðru sæti yfir dýrustu gistingu í allri Evrópu. Leita þarf alla leið til Monte Carlo til þess að borga meira fyrir einnar nætur gistingu á hóteli. En þrátt fyrir himinhátt verð eru hótelin í Reykjavík nánast fullbókuð.
20.feb. 2017 - 10:09 433

Gekk grátandi af velli eftir endalaus apahljóð

Everton Luiz miðjumaður Partizan Belgrad varð fyrir alvarlegu kynþáttaníði í Serbíu í gær. Luiz gekk af velli grátandi eftir að hafa orðið fyrir kynþáttaníði allan leikinn.
20.feb. 2017 - 08:44 Ari Brynjólfsson

Íslendingur lést í Suður-Afríku

Nítján ára gamall íslenskur piltur fannst látinn á vinsælu útivistarsvæði í nágrenni Höfðaborgar í Suður-Afríku í gær. Pilturinn mun hafa fundist á Table-fjalli eftir að hafa verið saknað frá því í hádeginu á laugardag.

20.feb. 2017 - 06:08

Innbrot, eignaspjöll og eldsvoði

Á níunda tímanum í gærkvöldi var tilkynnt um eld í hóteli við Lækjargötu í Reykjavík. Eldurinn var sagður loga á þriðju hæð. Eldurinn var fljótlega slökktur og sá slökkvilið um reykræstingu að slökkvistarfi loknu. Minniháttar tjón varð að því er segir í tilkynningu lögreglunnar.
19.feb. 2017 - 23:00 Suðri

Besta bókin um Harry Hole

Löggan  er tíunda bók norska rithöfundarins Jo Nesbö um lögreglumanninn litríka Harry Hole. Þessi magnaða bókaröð hefur farið sigurför um heiminn, og óhætt að segja að Nesbö hafi blásið hressilega í glæður norrænu glæpasögunnar með sögunum um Harry. Ekki hefur höfundur farið neinum silkihönskum um lögguna og bækurnar eru hreint mögnuð lesning á köflum.
19.feb. 2017 - 21:30 Vesturland

Bókadómur: Land föður míns – Saga þýskrar fjölskyldu

Tuttugasta öldin var umbrotatími í sögu mannskyns. Miklar framfarir urðu í tækni og vísindum. Tvisvar braust út ófriður sem teygði loga sína um gervalla jörðina. Þjóðfélög umbyltust og með þeim lífsskilyrði fólksins sem myndaði þau.

19.feb. 2017 - 20:44 Guðrún Ósk Guðjónsdóttir

Sjómenn samþykktu kjarasamninginn

Niðurstaða úr atkvæðagreiðslu um nýgerðan kjarasamning Sjómannasambands Íslands og Samtaka fyrirtækja í sjávarútvegi liggur fyrir. Sjómenn samþykktu samninginn með tæplega 52,4 prósent atkvæða. Alls kusu 53,7 prósent félagsmanna á kjörskrá atkvæði.
19.feb. 2017 - 20:00 Vesturland

Rósa Björk á Balí: „Mér fannst ég hafa fundið sjálfa mig þarna“

Að leggja land undir fót og fara til Balí er nú ekki eins og að skreppa milli bæja í íslenskri sveit. Eyjan Balí er í Indónesíu í í Suðaustur Asíu. Nánar tiltekið norðvestur af Ástralíu. Þetta er hinum megin á hnettinum. Rósa Björk Halldórsdóttir fyrrum framkvæmdastjóri Markaðsstofu Vesturlands og leiðsögukona í íshellinum í Langjökli segir að það taki um sólarhring að komast þangað frá Íslandi.

19.feb. 2017 - 18:00 Eyjan

Skúli Mogensen hjá WOW AIR: Sparnaður með nýrri tækni vegur upp greiðslubyrði af nýjum flugvélum

Víða var komið við í spjalli Skúla Mogensen forstjóra og aðaleiganda WOW Air við Björn Inga Hrafnsson í Eyjunni á ÍNN í liðinni viku. Meðal annars var rætt um vöxt flugfélagsins og sókn þess á mörkuðum.

19.feb. 2017 - 18:00 Aðsend grein

Kúldrast í kotbýlum

Í síðasta blaði var ég með eilitla frásögn af upphafsárum byggðar í Hveragerði en hún hverfðist einkum um eitt fyrsta húsið þar í bæ sem nefndist Lindarbrekka. Sagði ég lítillega frá fyrstu húsráðendunum, þeim Guðmundi Einarssyni og Sigríði Guðmundsdóttur, og mun ég nú gera nánari grein fyrir æviferli þeirra sem um margt var dæmigerður fyrir lífsbaráttu alþýðufólks á fyrri hluta síðustu aldar.

 

19.feb. 2017 - 17:00 Vestfirðir

„Ég bíð eftir bjartari framtíð“

Sögufélag Barðastrandarsýslu hefur nýlega gefið úr árbók Barðastrandarsýslu fyrir árið 2016. Þetta er 27. árgangur árbókarinnar. Ritstjóri árbókarinnar er Daníel Hansen og aðrir í ritnefnd eru Lilja Magnúsdóttir, Páley Kristjánsdóttir og Rögnvaldur Bjarnason.  Í formála  Daníels Hansen segir að það sé þó nokkuð afrek fyrir fámennt félag að gefa út eina bók á ári, en það sé "allt gert af miklum áhuga á átthögunum, ekki hvað síst hjá þeim sem yngri eru og leita í rætur sínar." Þá vekur Daníel athygli á því að mikið efni sé til þar sem margir forfeðranna hafi haft þörf fyrir að skrifa niður margvíslegt efni og þannig séu til heilu stílabækurnar.
19.feb. 2017 - 15:00 Akureyri vikublað

Þykk setlög í Vaðlaheiðargöngum valda töfum

Í byrjun vikunnar var 93,5 prósentum af gangagreftri í Vaðlaheiðargöngum lokið. Búið var að grafa 6.741 metra af 8.500. Þetta kemur fram á Facebook-síðu ganganna. Gröfturinn er seinlegur vegna þykkra setlaga sem valda því að styrkja þarf göngin jafnóðum. Aðeins er grafið á hálfan annan metra áður en göngin eru styrkt og síðan haldið áfram.
19.feb. 2017 - 14:00 Suðri

Lava setrið opnar 1. júní næstkomandi

Sigurgeir Guðlaugsson, nýr framkvæmdastjóri LAVA, Ísólfur Gylfi Pálmason og Ásbjörn Björgvinsson, fráfarandi framkvæmdastjóri LAVA

Tímamót urðu í byggðasögu Rangárþings eystra þegar reisugildi var haldið í Lava eldfjalla- og jarðskjálftasetrinu á Hvolsvelli í lok janúar, en þá var húsið fokhelt. Framkvæmdin hefur gengið vel, fyrsta skóflustungan var tekin í maí 2016, byrjað var að reisa veggi 20. nóvember og fyrirhugað er að setrið opni 1. júní næstkomandi. Lava setrið er mikill búhnykkur fyrir Rangárþing eystra og mun setja svip á bæjarlífið í Hvolsvelli og áreiðanlegt er að þeir sem leggja leið sína um svæðið munu reka augun í hina glæsilegu og sérstæðu byggingu sem nú er risin.

19.feb. 2017 - 12:00 Akureyri vikublað

Anna Marie sextug: „Ég man ekki eftir afmælinu mínu nema þegar allt er á kafi í snjó“

Anna Marie Jónsdóttir á Siglufirði fagnar sextugsafmæli sínu og býður öllum til veislu. Anna Marie afþakkar gjafir en stendur í staðinn fyrir söfnun fyrir töfrateppi á skíðasvæðið í Skarðsdal. „Ég hef verið að bíða eftir töfrateppi hingað á skíðasvæðið en þar sem ekkert hefur gerst ákvað ég bara að gera þetta sjálf. Það eru töfrateppi hjá öllum nema okkur,“ segir Anna Marie Jónsdóttir á Siglufirði sem ætlar að hefja söfnun fyrir töfrateppi á skíðasvæðið í Skarðsdal fyrir yngstu kynslóðina.
19.feb. 2017 - 11:10 Guðrún Ósk Guðjónsdóttir

Ók á lögreglubifreið og reyndi að stinga af - Lögreglumaður fluttur á slysadeild

Eins og Pressan greindi frá í morgun hafði lögreglan í nógu að snúast í nótt. 79 bókanir voru skráðar í dagbók lögreglu og opna þurfti fangageymslur í Hafnarfirði því allir fangaklefar á Hverfisgötu voru fullnýttir.
19.feb. 2017 - 09:08 Guðrún Ósk Guðjónsdóttir

Kári er fundinn

Kári Siggeirsson er fundinn, lögreglan á höfuðborgarsvæðinu lýsti eftir honum á föstudaginn. Síðast hafði sést til Kára á höfuðborgarsvæðinu þann 16. febrúar. Lögreglan þakkar veitta aðstoð og gaf ekki frekari upplýsingar um hvernig fund Kára bar að í tilkynningu sinni til fjölmiðla í morgun.
19.feb. 2017 - 08:00 Akureyri vikublað

22. febrúar – hvaða dagur er það eiginlega ?

Þeir, sem hafa tekið þátt í skátastarfi einhvern tímann á ævinni, átta sig sennilega á þessari dagsetningu. Skátar hafa haldið þennan dag hátíðlegan víða um heim í áratugi. Fjölmörg skátafélög hafa verið stofnuð þennan dag og var Skátafélagið Klakkur á Akureyri meðal annars stofnað 22. febrúar fyrir 30 árum þegar félag drengja, Skátafélag Akureyrar, og félag stúlkna, Kvenskátafélagið Valkyrjan, sameinuðust.
19.feb. 2017 - 05:58 Guðrún Ósk Guðjónsdóttir

Mikið annríki hjá lögreglunni - 79 bókanir í nótt

Lögreglan hafði í nógu að snúast í nótt en frá miðnætti voru skráðar 79 bókanir í dagbók lögreglu. Allir fangaklefar á Hverfisgötu voru fullnýttir svo úr varð að opna fyrir fangageymslur í Hafnarfirði.
18.feb. 2017 - 23:00 Þorvarður Pálsson

Stalkscan er síða sem allir Facebook notendur þurfa að skoða!

Stalkscan er vefsíða þar sem hægt er að fletta upp Facebook síðum til að sjá hverju er deilt með umheiminum. Persónuverndartæki Facebook þykja mörgum flókin og illskiljanleg og er Stalkscan frábær lausn fyrir þá sem vilja hafa fullkomna yfirsýn yfir það hverju þeir eru að deila á Facebook. Þrátt fyrir að nafnið gefi annað til kynna þá er hún best nýtt til að skoða hverju þú ert að deila með umheiminum en ekki aðrir.

18.feb. 2017 - 20:00 Vesturland

Ný og glæsileg meðferðarstöð SÁÁ í Vík

Horft yfir húsin í átt að Vesturlandsvegi og Esjubergi. Ljósm. Ólafur Kristjánsson.

„Þetta er sjálfsagt stærsta einstaka framkvæmdin í íslenskri heilbrigðisþjónustu nú um stundir.“ Arnþór Jónsson formaður SÁÁ er greinilega stoltur þar sem við stöndum í nýbyggingu sem er óðum að taka á sig mynd sem ný eftirmeðferðarstöð samtakanna í Vík á Kjalarnesi. Fjöldi iðnaðarmanna eru á þönum. Það er verið að setja upp milliveggi, einangra, koma fyrir loftræstikerfum og áfram á telja. Aðrir eru að setja í glugga og klæða þakið. Eftir nokkra daga verður haldið reisugildi. „Við ætlum að halda upp á það. Framkvæmdir hafa gengið mjög vel og eru eftir áætlun.“ Arnþór segir að Vík í nýrri mynd eigi að taka til starfa í lok ágústmánaðar.

18.feb. 2017 - 18:00 Vesturland

Meira fannst af loðnu

Stjórnvöld hafa ákveðið að auka heildar loðnukvóta við Ísland úr 57.000 tonnum í 299.000 tonn. Af því munu íslensk skip mega veiða 196.075 tonn. Það er veruleg aukning frá áður útgefnum kvóta sem var einungis rétt rúm 12.000 tonn. Hafrannsóknastofnun mældi meira af loðnu í leiðangri tveggja skipa dagana nú í febrúar. Því er talið óhætt að auka aflaheimildir.

18.feb. 2017 - 17:00 Eyjan

Brynjar ítrekar andstöðu við jafnlaunavottun: Gerði fyrirvara við hana í stjórnarsáttmála

Ljóst er að ekki er meirihluti í stjórnarliðinu á Alþingi fyrir frumvarpi um jafnlaunavottun sem á að hamla gegn kynbundnum launamun á vinnumarkaði. Í stjórnarsáttmála er kveðið á um það mál. Jafnlaunavottunin er eitt af helstu baráttumálum Viðreisnar.

18.feb. 2017 - 14:30 Ari Brynjólfsson

Bjarna Ben hótað lífláti: Lögregla með málið til skoðunar

Lögreglan á höfuðborgarsvæðinu hefur nú til skoðunar mál þar sem maður hótar Bjarna Benediktssyni forsætisráðherra og ótilgreindum frænda hans lífláti. Í ummælum sem maðurinn lét falla á Fésbók, og deildi í opna Fésbókarhópa, segir hann Íslendinga ekki þora að myrða forsætisráðherra.


Reykjavík Escape - hópefli
Akureyri vikublað
Akureyri vikublað - 14.2.2017
Algjör gaur
Þórhallur Heimisson
Þórhallur Heimisson - 11.2.2017
Jóga - annar hluti
Hannes Hólmsteinn Gissurarson
Hannes Hólmsteinn Gissurarson - 18.2.2017
Hvar eru gögnin um spillinguna?
Akureyri vikublað
Akureyri vikublað - 12.2.2017
Brýnt að fjölga leikskólakennurum
Aðsend grein
Aðsend grein - 12.2.2017
Örlagarík sjóferð
Indíana Ása Hreinsdóttir
Indíana Ása Hreinsdóttir - 13.2.2017
Um hvítvín og umhverfissubbur
Hannes Hólmsteinn Gissurarson
Hannes Hólmsteinn Gissurarson - 19.2.2017
Hugleiðingar á 64 ára afmælinu
Indíana Ása Hreinsdóttir
Indíana Ása Hreinsdóttir - 17.2.2017
Taktu afstöðu og dansaðu
Vesturland
Vesturland - 17.2.2017
Verkfall sjómanna – til umhugsunar
Akureyri vikublað
Akureyri vikublað - 17.2.2017
Hin dásamlegu mistök
Aðsend grein
Aðsend grein - 19.2.2017
Kúldrast í kotbýlum
Aðsend grein
Aðsend grein - 18.2.2017
Einelti er samfélagsmein
Björgvin G. Sigurðsson
Björgvin G. Sigurðsson - 18.2.2017
Trump og tónarnir frá þriðja ríkinu
Fleiri pressupennar