25.jún. 2017 - 11:30
Þorvarður Pálsson
Það eru ekki allir karlmenn sem geta látið sér vaxa skegg og alls ekki allir sem þykir slíkt klæða fólk vel. Sú útskýring að skegglausir karlmenn séu líklegri til að laðast að sama kyni er ný af nálinni en það er meining leiðtoga klofningshóps úr rússnesku rétttrúnaðarkirkjunni sem veltir sér mikið upp úr og hefur miklar áhyggjur af breytingu á útliti karlmanna.
25.jún. 2017 - 09:00
Þorvarður Pálsson
Í nokkrum leikskólum í Svíþjóð er leikföngum aldrei skipt eftir hefðbundum staðalímyndunum kynjanna og leikfangabílar eru geymdir innan um dúkkur og barnavagna. Þeir eru reknir af Lotta Rajalin sem vakið hefur athygli með fyrirlestri sínum hjá Tedx um skólana og hugmyndafræðina á bak við þá. Niðurstöður nýrrar rannsóknar á áhrifum þess að sækja slíka skóla á börn og er óhætt að segja að niðurstöðurnar séu áhugaverðar.
24.jún. 2017 - 22:00
Þorvarður Pálsson
Æðsti dómstóll Ítalíu hefur úrskurðað í máli sem dýraverndunarsamtök höfðuðu á hendur veitingamann í Flórens vegna þess að hann geymdi humar sem elda átti á veitingastað hans á ís áður en þeir voru eldaðir. Þó svo að humarinn sé eldaður lifandi leyfir það ekki illa meðferð hans fram að því samkvæmt niðurstöðu dómsins.
24.jún. 2017 - 17:30
Smári Pálmarsson
Margir hafa á einhverjum tímapunkti hugsað að þeir vildu geta breytt gömlum ljósmyndum með einhverjum hætti. Myndin væri betri ef allir hefðu verið brosandi, eða ef amma væri ekki með lokuð augun. Hver hefði trúað því að eina góða myndin af þér í albúminu væri í faðmi fyrrverandi kærasta eða kærustu. Það er ekki hægt að breyta fortíðinni – en það er hægt að falsa hana í Photoshop.
24.jún. 2017 - 16:00
Þorvarður Pálsson
Það þekkja það allir sem reynslu hafa af skrifstofuvinnu að erfitt er að uppfylla kröfur um klæðaburð þegar veðrið er gott. Enginn vill vera í jakkafötum eða dragt þegar steikjandi sól er og starfsmaður einn í símsvörunarmiðstöð ákvað að fara á svig við reglurnar og mæta í stuttbuxum þegar hitastigið var komið í 30 stig. Það mældist illa fyrir hjá yfirmönnunum sem sendu hann heim til að skipta um föt. Hann lét þó ekki deigan síga og sneri aftur til starfa í léttum og sumarlegum klæðnaði.
23.jún. 2017 - 21:00
Smári Pálmarsson
Vatnsrennibrautagarðar njóta vinsælda víða um heim þar sem heitt er í veðri og bjóða þeir upp á alls kyns skemmtun fyrir alla fjölskylduna. Næstum allir eru þó hannaðir þannig að lítið aðgengi er fyrir fólk með fötlun og sérstaklega einstaklinga sem nota hjólastól. Nú er hins vegar búið að opna splunkunýjan vatnsrennibrautagarð sem er sérstaklega hannaður fyrir fólk með fötlun.
23.jún. 2017 - 17:30
Þorvarður Pálsson
Bílaframleiðandinn Jaguar Land Rover hyggst ráða fimm þúsund nýja starfsmenn á þessu ári, þar af eitt þúsund rafmagns- og hugbúnaðarverkfræðinga. Í stað þess að treysta á hefðbundnar aðferðir til að verða sér úti um nýja starfsmenn ætlar fyrirtækið að prófa nýja leið sem vonast er til þess að nái betur til ungs fólks og þeirra sem hafa takmarkaða athyglisgáfu.
23.jún. 2017 - 08:50
Smári Pálmarsson
Innan skamms munu kennarar við grunnskóla í Colorado í Bandaríkjunum hafa til þess leyfi að bera skotvopn innanklæða. Þetta er hluti af áformum sem eiga að tryggja öryggi nemenda og starfsfólks. Ákvörðunin kemur í framhaldi skotarásar á barnaskóla í Connecticut árið 2012 þar sem vopnaður maður banaði 26 einstaklingum, einkum börnum.
22.jún. 2017 - 14:00
Smári Pálmarsson
„Er einhver í konungsfjölskyldunni sem vill vera kóngur eða drottning? Það held ég ekki,“ segir Harry Bretaprins í nýlegu viðtali við Newsweek. Hann telur engan innan Bresku konungsfjölskyldunnar sækjast eftir því að sinna skyldum kóngs eða drottningar, en þau geri það til heilla fólksins í landinu. Hann hefur tjáð sig opinskátt í viðtali við fjölmiðla undanfarið og meðal annars rætt um erfiðleika sem hann hefur glímt við vegna dauða móður sinnar, Díönu prinsessu.
22.jún. 2017 - 10:00
Smári Pálmarsson
Það blasir leiðindaveður við Íslendingum í dag og næstu daga með áframhaldandi roki og rigningu. Hiti verður um eða undir tíu stigum en heitast um fimmtán gráður samkvæmt veðurspám fyrir vikuna. Á sama tíma hefur hitabylgja verið í Evrópu og mega Bretar búast við því að hitinn í dag fari upp í 34 gráður. Heitara hefur ekki orðið á Bretlandseyjum í júnímánuði undanfarin fjörutíu ár.
22.jún. 2017 - 08:00
Kristján Kristjánsson
Það getur verið gott að missa eitt eða tvö kíló eða jafnvel fleiri. En hefur þú hugleitt hvað verður um fituna þegar þú léttist? Líklegast eru ekki margir sem hafa áhyggjur af því, eru bara ánægðir með að léttast og/eða grennast.
21.jún. 2017 - 22:00
Þorvarður Pálsson
Þegar lögregla hóf eftirför til að reyna að ná hendur í hári manns sem rænt hafði banka vonaðist hann til þess að sleppa undan laganna vörðum. Það fór þó ekki svo og endaði maðurinn ofan í á og þegar lögreglunni tókst að fiska hann upp úr henni sá hann mjög svo eftir öllu saman. Hvort það muni hjálpa honum eitthvað þegar hann fer fyrir dómara á eftir að koma í ljós.
21.jún. 2017 - 21:00
Smári Pálmarsson
Kókosolía hefur undanfarin ár verið álitin ofurfæða eða jafnvel allra meina bót. Hún hefur verið sögð til margs nytsamleg, allt frá eldamennsku til umhirðu húðarinnar. En samkvæmt nýrri skýrslu, sem gefin er út af American Heart Association, er olían ekki eins holl fyrir líkamann og margir halda. Ástæða þess að kókosolía er í raun engin heilsufæða, samkvæmt skýrslunni, er sú að hún inniheldur mikið af mettaðri fitu.
21.jún. 2017 - 20:00
Þorvarður Pálsson
Um örvhenta ganga margar sögur, þeir eru sagðir deyja fyrr en rétthentir, líklegri til að brjóta af sér og því hefur verið haldið fram að þeir drekki meira. Fyrir þessum fullyrðingum er oft lítill vísindalegur rökstuðningur en ein mýta um örvhenta hefur lifað lengi og það er sú að örvhentir séu gáfaðri en rétthentir. Nú hefur ný rannsókn á örvhentum leitt í ljós að þeir séu í raun klárari en þeir sem nota hægri höndina í verkefnum daglegs lífs.
21.jún. 2017 - 19:30
Bleikt
Þeir sem verða að þola einelti gleyma því ekki. Það á líka við um stjörnurnar í Hollywood. Skólafélagar Steven Spielberg kölluðu hann nörd, Tom Cruise var strítt vegna þess að hann glímdi við lestrarerfiðleika og Kate Winslet var kölluð feitabolla. Og þær þrjár heimsfrægu stjörnur sem fjallað er um hér á síðunni urðu fyrir miklu aðkasti í skóla vegna þess að þær þóttu vera öðruvísi og féllu ekki inn í hópinn. Á þeim sannaðist að sá hlær best sem síðast hlær. Skólafélagarnir sem níddust á þeim á sínum tíma vildu í dag örugglega vera í þeirra sporum.
21.jún. 2017 - 17:00
Smári Pálmarsson
Óskarsverðlaunahafinn Daniel Day-Lewis hefur tilkynnt að hann muni ekki framar starfa sem leikari. Segir hann ástæðuna persónulega og kveðst þakklátur öllu sínu samstarfsfólki og aðdáendum. Tilkynningin barst frá umboðsmanni leikarans í vikunni. Hann ítrekar að ákvörðunin sé persónulegs eðlis og hvorki hann né talsmenn hans muni tjá sig frekar um málið.
21.jún. 2017 - 13:00
Þorvarður Pálsson
Þyrilsnældu eða fidget spinner æðið virðist engan endi ætla að taka og stöðugt koma á markaðinn nýjar og glæsilegar slíkar. Þetta hefur orðið mörgum innblástur og hefur hópur bílaáhugamanna í Rússlandi tekið þyrilsnælduna á næsta stig.
21.jún. 2017 - 10:08
Þorvarður Pálsson
Eiginmaður Elísabetar Bretadrottningar, Filippus, hefur verið fluttur á spítala. Þetta kemur fram í tilkynningu frá Buckingham höll sem bárust fjölmiðlum skömmu fyrir ræðu drottningar á breska þinginu. Til stóð að drottningarmaðurinn myndi fylgja henni í þinghúsið en Karl prins, sonur hennar, fylgir móður sinni í staðinn.
21.jún. 2017 - 10:00
Þorvarður Pálsson
Tvær konur frá Sydney í Ástralíu hafa sótt um hæli hér á landi vegna meintra ofsókna í heimalandi sínu vegna kynhneigðar sinnar. Með umsókn sinni bætast þær í hóp fólks frá Írak, Sýrlandi og fleiri löndum sem bíða þess að fá úrskurðað um umsókn um hæli vegna mannúðarsjónarmiða. Önnur kvennanna hefur orðið fyrir líkamsárás og segjast þær hafa sætt hótunum frá lögreglu í kjölfarið. The Daily Telegraph greinir frá.
21.jún. 2017 - 08:00
Kristján Kristjánsson
Samfara loftslagsbreytingunum eykst hættan á skógar- og gróðureldum og hætt er við að í framtíðinni verði slíkir eldar mun algengari og stærri en fram að þessu. Skógareldarnir, sem nú geisa í Portúgal, eru aðeins upphafið að slíkum eldum í ríkjunum við Miðjarðarhafið.
21.jún. 2017 - 06:43
Kristján Kristjánsson
Danskir vísindamenn vilja auðvelda fólki að losna við aukakílóin með því að sníða megrunarkúr að þörfum hvers og eins. Þetta vilja þeir gera með því að taka blóðsýni úr fólki og rannsaka það. Út frá niðurstöðunum vonast þeir til að hægt verið að útbúa einstaklingsmiðaða leið til að léttast.
20.jún. 2017 - 22:00
Þorvarður Pálsson
Í kjölfar síðari heimsstyrjaldarinnar flúðu margir úr röðum nasista frá Evrópu til Suður-Ameríku, oft með aðstoð kaþólsku kirkjunnar. Lengi hafa verið á sveimi orðrómar um að háttsettir nasistar og jafnvel Hitler sjálfur hafi flúið þangað en það hefur aldrei verið meira en samsæriskenningar. Nú hefur fundur á fágætu nasistagóssi í leyniherbergi hjá safnara einum í Buenos Aires, höfuðborg Argentínu, gefið slíkum sögusögnum byr undir báða vængi á nýjan leik.
20.jún. 2017 - 21:00
Kristján Kristjánsson
Undarlegur atburður átti sér stað síðastliðinn föstudag í Hartsfield-Jackson flugstöðinni í Georgíuríki í Bandaríkjunum. Um klukkan 14 bað kona ókunnugt par að hafa auga með 4 ára dóttur hennar á meðan hún verslaði aðeins. Síðan hvarf hún á brott og kom ekki aftur.
20.jún. 2017 - 20:00
Kristján Kristjánsson
Pirringur á háum hljóðum, almennar áhyggjur og vanmat á eigin getu. Þetta er kannski ekki eitthvað sem fólk setur á ferilskrá sína en það ætti kannski að hugleiða að gera þetta því þetta getur verið til merkis um mikla greind.
20.jún. 2017 - 19:00
Þorvarður Pálsson
Þau börn sem drekka soja, möndlu eða hrísgrjónamjólk eru lágvaxnari en þau sem drekka kúamjólk samkvæmt nýrri viðamikilli kanadískri rannsókn. Bein tengsl eru milli neyslu mjólkur og vaxtar að sögn vísindamannanna sem að rannsókninni stóðu.Niðurstöður rannsóknarinnar sem vísindamenn við St. Michaels spítalann í Toronto í Kanada stóðu að voru birtar í vísindaritinu American Journal of Clinical Nutrition.
20.jún. 2017 - 13:30
Eyjan/Ari Brynjólfsson
Ríkisstjórnin samþykkti á fundi sínum í morgun, að tillögu forsætisráðherra og utanríkisráðherra, að veitt verði 40 milljóna króna framlag til Grænlendinga í kjölfar þess gríðarlega tjóns, sem varð í kjölfar berghlaups í Karrat firði í sveitarfélaginu Qaasuitsup á vesturströnd Grænlands síðastliðinn laugardag, 17. júní.
20.jún. 2017 - 12:30
DV
Ingunn Jóna Þórhallsdóttir, nemi í Danmörku, vann hetjudáð í gær þegar hún stöðvaði tvo bíræfna þjófa sem höfðu stolið veski 87 ára manns. Hún tók eftir því að tveir menn höfðu stolið veski mannsins og hljóp á eftir þeim. Í samtali við DV segir Ingunn að hún hafi verið smá taugatrekkt eftir atvikið en þó fyrst og fremst hissa.
20.jún. 2017 - 08:00
Kristján Kristjánsson
Hópur Norður-Kóreumanna fór heim frá New York á sunnudaginn með minna í farangrinum en þeir höfðu vonast til. Þeir höfðu verið á fundi um málefni fatlaðra í höfuðstöðvum SÞ. Sendinefndin segir að hún hafi beinlínis verið „rænd“ í flugstöðinni og að þar hafi opinberir starfsmenn verið að verki.
19.jún. 2017 - 22:00
Kristján Kristjánsson
Það varð Chloe Gilbert, 15 ára, að bana að kaupa sér kebab og borða það. Hún var í verslunarferð í Bath á Englandi þegar hungur svarf að henni. Hún keypti sér kebab með salati, grillsósu og franskar kartöflur. En fyrir mistök var jógúrt sett í matinn og það varð Chloe að bana því hún var með bráðaofnæmi fyrir mjólkurafurðum.
19.jún. 2017 - 21:00
Þorvarður Pálsson
Þrenn ungmenni sem sóttu námskeið fyrir þá sem hafa hug á því að starfa í lögreglunni í framtíðinni munu sennilegast ekki geta látið þann draum rætast eftir framgöngu sína. Hópurinn stal lögreglubílum og gerði ýmislegt fleira með þeim afleiðingum að bifreiðarnar skemmdust. Lögreglustjóri hefur lofað því að farið verði yfir málið og fyrirkomulag námskeiðsins verði endurskoðað frá grunni.
19.jún. 2017 - 19:00
Smári Pálmarsson
Fyrirburi kom í heiminn í háloftunum um helgina en móðirin var um borð í flugvél Jet Airways frá Dammam í Sádi-Arabíu til Kochi. Ákveðið var a lenda flugvélinni í Mumbai þegar móðirin fékk hríðir en barnið kom heilbrigt i heiminn fyrir lendingu. Allt gekk vel þökk sé áhöfninni og hjúkrunarfræðingi um borð.
19.jún. 2017 - 18:00
Þorvarður Pálsson
Flóttamannastofnun Sameinuðu Þjóðanna sendi í dag frá sér árlega skýrslu sína, Global Trends. Þar eru teknar saman tölfræðilegar upplýsingar um flóttafólk, hælisleitendur og þá sem flýja þurft hafa heimili sín vegna átaka. Samkvæmt skýrslunni hafa aldrei fleiri verið á flótta í heiminum en í fyrra. New York Times greinir frá.
19.jún. 2017 - 16:30
Smári Pálmarsson
Hrundið hefur verið af stað landssöfnun á Íslandi vegna hamfaranna í Grænlandi sem rakin hafa verið til mikilla berghlaupa. Flóðbylgjur hafa skollið á land en sú stærsta lenti á þorpinu Nuugaatsiaq á Vestur-Grænlandi. Þar búa um fimmtíu manns. Búið er að rýma þorpið en fjögurra er enn þá saknað. Óttast er að fleiri flóðbylgjur gætu farið á land og hefur íbúum annarra þorpa verið ráðlagt að fylgjast vel með.
19.jún. 2017 - 15:43
Þorvarður Pálsson
Maður sem ók bíl sínum á lögreglubíl í Champs Elysees í París í Frakklandi er sagður látinn. Nýjustu fregnir herma að hann hafi látist þegar hann ók á lögreglubílinn en það hefur ekki fengist staðfest. Talsmaður innanríkisráðherra Frakklands segir að um viljaverk hafi verið að ræða og fregnir herma að hann hafi verið að lista yfirvalda yfir hugsanlega stuðningsmenn hryðjuverkahópa.
19.jún. 2017 - 14:57
Þorvarður Pálsson
Lögregla í París, höfuðborg Frakklands hefur handsamað mann sem ók á lögreglubíl við hringtorgið í Champs-Elysees, um 230 metra frá forsetahöllinni þar sem Emmanuel Macron forseti hefur aðsetur sitt. Atvikið átti sér stað um klukk 15:40 að staðartíma og kviknaði í bílnum sem ekið var á lögreglubílinn
19.jún. 2017 - 14:38
Þorvarður Pálsson
Umfangsmikil lögregluaðgerð er nú í gangi í Champs Elysees hverfinu í París, höfuðborg Frakklands. Samkvæmt svæðisbundnum fréttamiðlum er kviknað í bíl og einn maður hefur verið handtekinn. Ekki er vitað á þessari stundu hvað nákvæmlega átti sér stað. Nú eru í gildið neyðarlög í Frakklandi vegna tíðra hryðjuverkaárása en ekki er vitað til þess á þessari stundu að um hryðjuverk sé að ræða.
19.jún. 2017 - 11:30
Kristján Kristjánsson
Það er aðeins tímaspursmál hvenær Íslamska ríkið missir yfirráð yfir borginni Mósúl í Írak og öðrum bæjum sem hryðjuverkasamtökin hafa á valdi sínu í Sýrlandi og Írak. Þá mun Íslamska ríkið heyra sögunni til sem ríki en sem hryðjuverkasamtök verða samtökin áfram til.
19.jún. 2017 - 11:25
433/Hörður Snævar Jónsson
Ensku götublöðin segja frá því í dag að Gylfi Þór Sigurðsson sé næstu á óskalista Everton. Everton hefur keypt Jordan Pickford og Davy Klaassen á fyrstu dögum félagaskiptagluggans.
19.jún. 2017 - 11:12
Eyjan
Mikill viðbúnaður er nú í byggðunum á ströndum Uumanaq-fjarðanna vegna ótta við að fleiri flóðbylgjur fari á land. Allir íbúar í þorpinu Niaqornat hafa verið fluttir á brott. Þar búa um 50 manns. Íbúar í Illorsuit hafa sömuleiðis verið fluttir á brott.
19.jún. 2017 - 09:52
Ari Brynjólfsson
Bandarísk orrustuþota skaut niður sýrlenska orrustuþotu yfir Sýrlandi í gær, er þetta í fyrsta sinn sem bandaríski flugherinn lendir í beinum átökum við sýrlenska þotu og í fyrsta sinn síðan 1999 sem bandarísk orrustuþota skýtur niður aðra þotu. Sýrlensk stjórnvöld fordæmdu atvikið og segja það geta haft „alvarlegar afleiðingar“.
19.jún. 2017 - 09:06
Eyjan/Þorvarður Pálsson
Einn er látinn og 10 eru slasaðir eftir að hryðjuverkaárás í norðurhluta London. Karlmaður ók sendibíl á gangandi vegfarendur næri mosku í Finsbury Park. Hinn látni og allir hinir slösuðu eru múslimar og segja vitni að ökumaður sendibílsins, sem var einn í bílnum, hafi sagt að hann vildi „drepa alla múslima“.
19.jún. 2017 - 08:00
Kristján Kristjánsson
Á þriðja tug farþega í vél China Eastern Airlines slösuðust í gærmorgun þegar vélin lenti í mikilli ókyrrð. Enginn slasaðist lífshættulega en leggja þurfti 11 farþega inn á sjúkrahús en þeir voru beinbrotnir eða með höfuðáverka.
18.jún. 2017 - 23:00
Þorvarður Pálsson
Slúður um fræga fólkið ætti að öllu jafna að ógna stöðugleika ríkja og ráðandi öflum í samfélaginu enda er um að ræða að mestu meinlausan hlut sem fólk fylgist með sér til dægradvalar. Í kommúnistaríkinu Kína er hörð ritskoðun viðhöfð og vel fylgst með internetinu. Nú hafa embættismenn fundið sér nýjan andstæðing, slúður um ríka og fræga fólkið.
18.jún. 2017 - 21:00
Kristján Kristjánsson
Það eru til ótal ráð um hvernig á að forðast að fá blöðrur á fæturna þegar verið að er ganga í nýjum skóm. Ráðin eru að sjálfsögðu mjög mismunandi en eftir því sem sérfræðingur segir þá er til eitt næstum því skothelt ráð til að sleppa við blöðrur.
18.jún. 2017 - 20:15
Eyjan
Guðlaugur Þór Þórðarson utanríkisráðherra og Suka K. Frederiksen, utanríkisráðherra Grænlands, ræddu fyrr í dag saman í síma vegna jarðskjálftans og flóðbylgjunnar sem skall á byggðinni Nuugaatsiaq í Uummannaq-firðinum í nótt. Utanríkisráðherra vottaði grænlenska ráðherranum samúð sína vegna atburðarins og bauð fram aðstoð og stuðning íslenska ríkisins ef á þyrfti að halda.
18.jún. 2017 - 20:00
Þorvarður Pálsson
Í hillum stórmarkaða má finna allt milli himins og jarðar, vandlega flokkað og raðað í hillur. Það skiptir miklu að allt sé á réttum stað því það er auðvelt að grípa eitthvað í fljótfærni, haldandi að varan sé eitthvað sem hún er ekki. Foreldrum sem verslað höfðu snarl fyrir börnin sín í matvöruverslun nokkurri í Whanganui á Nýja Sjálandi brá heldur betur í brún þegar krakkarnir lögðu sér það til munns því það reyndist vera hundamatur.
18.jún. 2017 - 19:30
Bleikt
Amina Mucciolo, betur þekkt sem Studio Mucci, kann svo sannarlega að lifa lífinu í lit! Íbúðin hennar er svo ótrúlega litrík og falleg að meira að segja einhyrningar eru afbrýðisamir. Ljós fjólubláir veggir, pastel litaðir skápar, blómaveggur, Hello Kitty örbylgjuofn og litríkar pappírströnur sem hanga úr loftinu endurspegla töfrandi persónuleika Aminu. Heimilið hennar er ekki aðeins litríkt heldur er hún oft með regnbogafléttur, í litríkum fötum og með glimmer förðun.
18.jún. 2017 - 16:00
Kristján Kristjánsson
Á melónum geta verið bæði salmonella og nóróveirur og því er mikilvægt að skola þær vel áður en þær eru skornar og borðaðar. Það sama á við um aðra ávexti og grænmeti, það þarf að skola vel fyrir neyslu.
18.jún. 2017 - 14:30
Bleikt
Auðn, friðsæld og fallegar strendur er eitthvað sem margir sjá fyrir sér þegar orðið eyja er nefnt. Málið er ekki alltaf svo einfalt eins og meðfylgjandi myndir bera með sér. Um allan heim eru eyjur sem eru svo þéttbyggðar að engu er líkara en maður sé staddur í miðri stórborg langt inni í landi. Hér að neðan má sjá nokkrar slíkar.
18.jún. 2017 - 13:30
Bleikt
Egyptar til forna eru sagðir eiga heiðurinn af því að hafa fyrstir allra haldið ketti og er álitið að þeir hafi gert það í 3.600 ár. Franskir fornleifafræðingar hafa hins vegar fundið 9.500 ára gamla gröf á eynni Kýpur með manni og ketti í. Erfðafræðirannsóknir hafa leitt í ljós að um heimiliskött var að ræða.