Sala á minjagripum úr stríðinu: Móðgun við fórnarlömb helfararinnar - Seldi sápu úr fitu látinna

Í seinni heimsstyrjöld urðu samkynhneigðir fangar í útrýmingarbúðum nasista í Auschwitz að bera armband. Nýlega seldist slíkt armband á eBay fyrir sem svarar 18 þúsund íslenskum krónum.

Fyrir utan armbönd og röndótta fangabúninga er einnig hægt að kaupa gula Davíðsstjörnu, gjaldmiðil úr útrýmingarbúðum og skilríki fyrir um 60 þúsund íslenskar krónur.

Samkvæmt samtökum gyðinga og hópum sem vinna gegn fordómum eru í Bandaríkjunum einum um þúsund vefsíður sem selja minjagripi úr stríðinu.

Minjagripir úr seinni heimsstyrjöld hafa einnig verið boðnir til sölu á íslenskum vefsíðum.

Svo langt hefur þetta gengið að fyrir tilstilli sænskra manna, sem tengjast nasistasamtökum, var skiltið með áletruninni Arbeit Macht Frei stolið í Auschwitz.

Í Montreal í Kanada seldi verslun sápu sem nasistar framleiddu úr fitu úr líkömum fórnarlamba helfararinnar.

Verslunareigandinn, Abraham Botines, sem er gyðingur, hélt því fram að sápan væri gerð úr fitu úr fólki og að það væri mikilvægt að sýna og selja slíka muni til að minnast helfararinnar, segir í The Sun.

David Silberklang, doktor á Yad Vashem helfararsafninu í Ísrael fordæmir athæfið.

Þetta er móðgun við það fólk sem var drepið. Þetta hefur ekkert með viðskipti að gera, þetta er atburður sem snerti allt mannkyn á skelfilegan hátt og breytti gangi sögunnar verulega.