23. okt. 2009 - 16:40
Daniel Gros.
Bresk stjórnvöld munu hagnast um meira en einn milljarð evra á Icesave samningnum við Íslendinga og Hollendingar um hálfan milljarð. Þetta er niðurstaða hagfræðidoktoranna
Daniel Gros og
Cinzia Alcidi hjá Centre for European Policy Studies (CEPS) í Brüssel í áliti, sem Pressan hefur undir höndum.
Ástæðan fyrir þessum gríðarlega hagnaði stórveldanna vegna Icesave er sú, að ríkisstjórnir Bretlands og Hollands lána Íslendingum fyrir Icesave á miklu hærri vöxtum en þær geta fjármagnað sig á.
Vaxtakostnaður breska ríkisins á 10 ára skuldbindingum er nú um 3,4 prósent og hollenska ríkið getur fjármagnað sig á 3,6 prósent vöxtum til sama tíma. Jafnaðarvaxtakostnaður Breta og Hollendinga er því um 3,5 prósent. Icesave samningurinn kveður á um að íslenska ríkið þarf að borga 5,55 prósent vexti, eða meira en tveimur prósentustigum yfir því, sem það kostar Breta og Hollendinga að fjármagna Icesave lánið.
Þetta leiðir af sér að á þeim 15 árum, sem fyrirhugað er að taki Ísland að endurgreiða Icesave skuldbindinguna, munu bresk og hollensk stjórnvöld hirða um 1,5 milljarða evra í vaxtamun af íslenskum skattgreiðendum. Á gengi dagsins í dag jafngildir þetta meira en 270 milljörðum króna.
Kostnaður Breta og Hollendinga af Icesave láninu til Íslands mun nema samtals um 5,8 milljörðum evra með 3,5 prósent vöxtum. Íslenskir skattgreiðendur munu greiða 7,3 milljarða evra með 5,55 prósent vöxtum.
Alþingi kaus Daniel Gros í Bankaráð Seðlabanka Íslands á dögunum, sem fulltrúa Framsóknarflokksins.
Dr. Gauti B. Eggertsson, hagfræðingur hjá Seðlabankanum í New York, fjallar um Gros í nýjum pistli á heimasíðu sinni og segir hann sérfræðing á sviði peningamála sem njóti alþjóðlegrar virðingar. Hann hafi farið í doktorsnám við hina heimskunnu hagfræðideild við Chicago, starfað við Alþjóðagjaldeyrissjóðinn um tíma, kennt við fjöldann allan af virtum háskólum í Evrópu, og sé ritstjóri International Finance.
Svo segir Gauti:
Í stuttu máli er Daniel Gros einmitt maður af því tagi sem mikill akkur er af fyrir Seðlabanka Íslands.
Í milljörðum króna
| 2016 | 2017 | 2018 | 2019 | 2020 | 2021 | 2022
| 2023
| Samtals |
Greiðslur Íslands til Hollands
| 47,1
| 49,7
| 52,4
| 55,4
| 58,5
| 61,8
| 65,1
| 68,8
| 458,9
|
Kostnaður Hollendinga
| 40,5 | 42,0 | 43,4 | 45,1 | 46,7 | 48,4 | 50,0 | 51,9 | 368,0 |
Hagnaður Hollendinga
| 6,6 | 7,7
| 9,0
| 10,3
| 11,8
| 13,4
| 15,1
| 16,9
| 90,9
|
Greiðslur Íslands til Bretlands
| 91,6
| 96,6
| 102,1
| 107,6
| 113,7
| 120,0
| 126,6
| 133,7
| 892,0
|
Kostnaður Breta
| 77,8
| 80,4
| 83,2
| 86,1
| 89,1
| 92,0
| 95,1
| 98,4
| 702,3
|
Hagnaður Breta
| 13,8
| 16,2
| 18,9
| 21,5
| 24,6
| 28,0
| 31,5
| 35,3
| 189,7
|