Hvað stendur nýr forseti Úkraínu fyrir? Helstu ágreiningsmál samband við austur eða vestur

Viktor Yanukovich horfir til Rússlands frekar en Evrópu. Getty Images

Úkraína kaus sér nýjan forseta í dag. Valið stóð á milli sitjandi forsætisráðherra, Yuliu V. Tymoshenko og andstæðingi hennar og fyrrum forsætisráðherra, Viktor F. Yanukovich. Eftir að kjörstöðum lokaði var sá síðarnefndi með nokkurra prósentustiga forystu, en endanlegur sigurvegari verður ekki tilkynntur fyrren í fyrramálið. Tymoshenko sagði að of snemmt væri að draga ályktanir og að hún væri ennþá með í kapphlaupinu.

Bæði Tymoshenko og Yanukovich eru þekktir stjórnmálamenn þar í landi og hafa staðið fyrir þveröfuga nálgun á samvinnu við önnur ríki. Meðan Tymoshenko boðar meira samstarf og samvinnu við Evrópusambandsríkin og NATO segist Yanukovich beina sjónum sínum í meira mæli til Rússlands.
Miðillinn Guardian segir Yanukovich vera stjórnmálamann í ætt við George Bush.

Miðillinn Kyiv Post barðist með Tymoshenko. „Yanukovich er leiðtogi þeirra sem líta til austurs,“ miðillinn bætir við að hann hafi ekkert sýnt nema óánægju með lítt þróaða lýðræðishefð í Úkraínu.

Stjórnmálaskýrendur New York Times segja ástæðu fyrir tapi Tymoshenko (ef af því verður endanlega) vera þá, að Úkraínubúar telji hana bera ábyrgð á þeim mistök sem hafa átt sér stað við stjórn landsins á undanförnum árum, en hún komst til valda árið 2004, eftir appelsínugulu byltinguna svonefndu. Einn fyrrum samstarfsmaður hennar orðaði það svo að hún ætti svipað marga vini og John Terry, knattspyrnumaðurinn sem gerðist uppvís að framhjáhaldi.

Hvorugur frambjóðandinn telur kosningakerfið þar í landi öruggt og hafa á víxl sakað hvort annað um svindl og mistnotkun á því. Kosningabaráttan hefur því nokkuð einkennst af pólitískum plottum og brögðum frambjóðenda og stuðningsmanna þeirra.