07. feb. 2010 - 15:56
Hera Björk vill helst taka Jógvan með sér: Lofar að vera í einhverju „fabulous“ í Osló
Hera Björk kom sá og sigraði undankeppni Eurovision í gærkvöldi.
Hera Björk Þórhallsdóttir, nývalinn Eurovision-fari fyrir Íslands hönd sagði að tilfinning væri yndisleg, þegar Pressan náði sambandi við hana í dag. Þá var hún á leið í vöffluboð til móður sinnar til þess að fagna sigri með sínum nánustu. Hera segir að gleði og íslenska þrautsegja verði sín leynivopn og lofar að vera í einhverri „fabulous“ íslenskri hönnun á sviðinu í Osló.
Hera Björk segist alveg eins hafa búist við sigri og að þau efstu (hún og Jógvan Hansen) hafi verið ansi sigurstrangleg. „Ég var mjög vongóð og fann góðan meðbyr úti í þjóðfélaginu. Þrátt fyrir það var ég að míga í mig rétt fyrir úrslit,“ segir hún kát í bragði. Undirbúningur fyrir stóra daginn hófst strax í dag en Hera segir að tilboðin streymi til hennar, þar sem hún er beðin um að troða upp í Júróvisjónpartíum fyrir gallharða aðdáendur áður en sjálf keppnin fer fram.
En hvað með Jógvan, ætli þau Hera séu ennþá félagar? „Við erum yndislegir vinir, spurning hvort við dúndrum þessu í dúett, maður veit aldrei,“ segir Hera sem vildi helst taka hann með sér til Oslóar. „Svo er hann þrællaginn hárgreiðslumaður. Ef ég finn stað fyrir hann treð ég honum inn.“
Hera lofar að slá í gegn á sviðinu á lokakvöldinu í maí. „Ég verð í einhverju fabulous, enda er þetta draumur hverrar söngkonu. Ég á eftir að baða mig í athyglinni í einhverri guðdómlegri, íslenskri hönnun,“ segir hún sem hefur gleði, meiri gleði og íslenska þrautsegju að leiðarljósi í því verkefni sem framundan er hjá henni.
12.mar. 2010 - 07:41
Arionbanki naut mestra afskrifta þegar lán til viðskiptavina voru færð yfir í nýju bankana. Valdís Beck, liðlega þrítugur lyfjafræðingur og markaðsfulltrúi, sendi bankanum fyrirspurn fyrir mánuði og spurði hvort hún fengi ekki að njóta afslátta bankans í neinu. Ekkert svar hefur borist.
12.mar. 2010 - 07:00
Óvelkomin ungmenni í verslanamiðstöðvum, meðal annars í Bretlandi, eru fæld burt með tæki, eins konar unglingahræðu, sem gefur frá sér óþægilegt hljóð. Evrópuríki eru nú hvött til að fjarlægja þessi tæki þar sem þau þykja skerða mannréttindi ungs fólks.
11.mar. 2010 - 22:17
Það er nógu slæmt fyrir einstaklinga að vera handjárnaðir af lögreglu eða öðrum yfirvöldum í eðlilegum klæðnaði. Hvað þá að vera handjárnaðir uppáklæddir sem Spiderman, lukkudýr einhvers íþróttaliðs eða bara í gervi Mjallhvítar, vinkonu dverganna sjö? Svo ekki sé talað um ef einstaklingur er í heilgalla sem trúður.
11.mar. 2010 - 21:06
Umræða um neyðarhnapp á samskiptavefnum Facebook hefur komið upp á Bretlandseyjum í kjölfar sífellt fleiri dæmi um barnaníðinga sem nýta sér samskiptamátann til þess að komast í tæri við ungmenni.
11.mar. 2010 - 20:41
Margrét Kristmannsdóttir, formaður SVÞ skaut harkalega á þingheim á aðalfundi samtakanna í dag. Margrét sagði það einfeldni að halda að 63 þingmenn þjóðarinnar, með takmarkaða reynslu af atvinnulífinu, kæmi Íslendingum upp úr kreppunni. Þá sagði hún að Vinstri grænir þyrftu að ákveða hvorum megin við borðið þeir væru og að þingmenn ættu að eyða minni tíma í innihaldslaust karp og viðræður við fjölmiðla í tímabundnum vinsældarkosningum.
11.mar. 2010 - 19:55
Anna Arrowsmith, sem hefur sérhæft sig í gerð mörg hundruð klámmynda, býður sig fram til setu á breska þinginu fyrir flokk frjálslyndra demókrata í kosningum í vor. Kjördæmi Arrowsmith er Kent. Hún biður kjósendur að dæma hana af skoðunum sínum í málum tengdum kvenréttindum, en ekki af störfum sínum í klámmyndaiðnaðinum.
11.mar. 2010 - 19:24
Flugumferðastjórar aflýstu í kvöld verkfalli sínu sem átti að hefjast kl. 7 í fyrramálið. Eins og Pressan greindi frá átti ríkisstjórn landsins að funda um málið kl. 19:30 og setja lög um vinnudeiluna. Ottó Eiríksson, formaður flugumferðastjóra segir í samtali við Pressuna að verkfall geti enn skollið á næstkomandi miðvikudag.
11.mar. 2010 - 18:55
Starfsmaður Fóðurblöndunnar var í dag sakfelldur í Hæstarétti fyrir þjófnað á 15 tonnum af gölluðum áburði hjá fyrirtækinu og gefið skyldfólki sínu. Starfsmaðurinn sagði að áburðurinn hefði verið ónýtur og gæti því ekki verið andlag þjófnaðar.
11.mar. 2010 - 18:16
Ríkisstjórnin virðist hafa misst þolinmæðina gagnvart verkfalli flugumferðarstjóra, því ríkisstjórnin kom óvænt saman til fundar nú kl. 18 í kvöld og Alþingi hefur verið kallað saman kl. 19:30 vegna fyrirhugaðrar lagasetningar á vinnudeiluna.
11.mar. 2010 - 18:13
Hæstiréttur dæmdi í dag Sigurjón M. Egilsson, fyrrverandi ritstjóra DV, fyrir ærumeiðandi ummæli í garð sakbornings í kókaínmáli. Hann segist oft hafa verið kærður fyrir meiðyrði en ekki dæmdur fyrr en nú.
11.mar. 2010 - 17:02
Hæstiréttur dæmdi í dag Sigurjón M. Egilsson, fyrrverandi ritstjóra DV, og Erlu Hlynsdóttur blaðamann fyrir ærumeiðingar í garð Rúnars Þórs Róbertssonar, eins sakborninga í kókaínmáli sem Erla fjallaði um. Hæstiréttur sneri þar með sýknudómi héraðsdóms.
11.mar. 2010 - 16:30
Sjö konur hafa tilkynnt lögreglu á Norður-Sjálandi að maður, sem í dönskum fjölmiðlum er kallaður prumpkallinn, hafi áreitt þær með því að biðja um að þær leysi vind á sig. Lögreglan hvetur prumpkallinn til að gefa sig fram svo að hægt verði að veita honum viðeigandi sálfræðimeðferð.
11.mar. 2010 - 14:35
Í kjölfarið á sjálfsvígum tveggja ungmenna í Hafnarfirði með skömmu millibili hafa skóla- og félagsmálayfirvöld í bænum sent út hvatningu til foreldra um að huga sérstaklega vel að líðan barna sinna og hegðun. Þá er boðin fram aðstoð ef ástæða þykir til að hafa áhyggjur.
11.mar. 2010 - 14:23
Upplýst hefur verið hvað varð til þess að íbúar í franska þorpinu Pont-Saint-Espirit gengu af göflunum dag einn árið 1951. Bandaríska leyniþjónustan, CIA, setti ofskynjunarlyfið LSD í brauð þorpsbúa í tilraunarskyni. Íbúar þorpsins glíma enn við afleiðingarnar.
11.mar. 2010 - 14:10
EFLA verkfræðistofa og Reitir fasteignafélag hafa skrifað undir samning um leigu á 3800m2 húsnæði í nýjum skrifstofugörðum Reita að Höfðabakka 9. EFLA sem er eitt stærsta ráðgjafarfyrirtæki landsins er nú með aðstöðu á fjórum stöðum í Reykjavík en mun sameina þær í eina starfsstöð í húsnæðinu að Höfðabakka.
11.mar. 2010 - 13:30
„Ég myndi aldrei standa svona að þessu,“ segir Sigurður Sveinn Sverrisson, sem fer með upplýsinga- og kynningarmál hjá LÍU, er hann var spurður út í viðamikla auglýsingaherferð gegn fyrningarleiðinni í Viðskiptablaðinu. Hann segir blaðið sjálft eiga frumkvæði að herferðinni.
11.mar. 2010 - 13:13
Össur Skarphéðinsson utanríkisráðherra fer háðulegum orðum um fjármálaráðherra Svía í viðtali við sænskt dagblað. Hann segist vera miður sín yfir því að svo virtur stjórnmálamaður afbaki staðreyndir um þjóðaratkvæðagreiðsluna um Icesave.
11.mar. 2010 - 12:14
Íslensk klettaklifurkona, Elísabet Birgisdóttir, hrapaði niður 6 metra úr hömrum í Ástralíu og brotnaði á báðum höndum. Lögreglan í Adelaide segir að miðað við aðstæður sé óskiljanlegt að hún hafi ekki slasast meira. Elísabet gekkst undir aðgerð í morgun.
11.mar. 2010 - 11:50
Viðskiptabankarnir hafa verulegar efasemdir um hið svokallaða lyklafrumvarp sem lagt hefur verið fram á Alþingi. Telja þeir að frumvarpið geti jafnvel haft neikvæð áhrif á stöðu lægri tekjuhópa og að nær væri að styrkja þau úrræði sem eru í boði nú þegar.
11.mar. 2010 - 11:08
Utanríkisráðherra Noregs opnar á að veita Íslendingum lán þótt Icesavedeilan sé ekki leyst. Hann hittir norræna starfsbræður sína á fundi í Kaupmannahöfn síðdegis. Þar verða efnahagsmálin á Íslandi til umræðu.