Íslensk bók um markaðssetningu á netinu komin út - Fjöldi rannsókna og dæmisagna

Nú nýlega kom út áhugaverð íslensk bók sem ætluð er til að auka þekkingu og kunnáttu fólks á netinu og þeim fjölmörgu möguleikum sem það hefur upp á að bjóða. Bókin heitir Markaðssetning á netinu og er ætluð markaðsfólki sem vill auka þekkingu sína á netinu og færni í að nota það sér til hagsbóta.

Bókin er því verðmæt viðbót í þekkingarbrunn þeirra sem vilja nýta sér netið til markaðsstarfa á fjölbreyttari hátt en áður. Höfundar bókarinnar eru tveir, þeir Guðmundur Arnar Guðmundsson og Kristján Már Hauksson. Þeir hafa báðir víðtæka reynslu og menntun á sviði net- og markaðsmála.

Í samtali við Pressuna sagði Guðmundur Arnar þá félagana hafa fundið áþreifanlega fyrir þörf á að taka saman helstu þekktu upplýsingar um netnotkun fólks og hvernig markaðssetning á netinu geti skilað sem bestum árangri, segir hann að þrátt fyrir að allir séu að hugsa um netið og hvernig hægt sé að nýta sér það þá er þekkingin á bakvið ekki ýkja mikil.

,,Okkur hefur fundist að fólk sem talar um netið lendi oft á villigötum og við vonumst til þess að með útgáfu bókarinnar aukist þekking á því hvernig neytendur nota netið og hvernig hámarks árangri er náð með leitarvélunum, vefborðum, tölvupóstum og samfélagsmiðlunum sem dæmi.“

Höfundarnir réðust sjálfir í talsverðar rannsóknir á innlendri netnotkun og eru þær birtar í bókinni og greint frá þeim. Í bókinni er einnig að finna marga áhugaverða punkta og er smá sýnishorn af þeim hér fyrir neðan: