13. nóv. 2017 - 15:00

Bókarkafli: Í skugga drottins

Vaka Helgafell gefur út bókina Í skugga drottins eftir Bjarna Harðarson. Hér er á ferðinni söguleg  skáldsaga  sem  segir  frá  leiguliðum  Skálholtsstóls  á  18.  öld.  Aðalpersóna  er húsfreyjan María  á  Eiríksbakka  sem  leyfir  vorsultinum  að  tálga  sig  ár  hvert  á  meðan  óguðlegur  og skemmtinn  niðursetningur  fyllir  líf  hennar  af  sögum  og  þvættingi.  En  yfir um og allt um kring er Guðsótti.  Óttinn  við  hinn  reiða  Krist  og  eilífan  helvítiseld.  Við  sögu  koma  misgóðir  Guðsmenn, hljóðfæraleikarar, maurapúkar og litskrúðug mannlífsflóra alþýðunnar. 
   Blaðið grípur hér ofan í frásögn af heyskap undir Vörðufelli, drengjum sem hafa selsaugu og um Skálholt sem stendur rétt undir hliðum Helvítis. 



Brot úr Bók:
Hlið Helvítis
Um  það  er  Þórður  Jónsson  heldur  gangandi  í  kavíu  sinni sunnan af Nesjum og áleiðis að brauði sínu kostarýru eru fátæk hjón   með   orf   og   hrífu  að  amla   undir  Fótarholti,   í vallendisrima  millum  þeirrar  mýrar  sem  heitir  Skóli  og hallandans  sem  liggur  um  síðir  upp  á  fjall  og  til  heimkynna nykursins í Úlfsvatni. Hér í sveit hefur haldist hreinviðri og þurrkar,   flesta   daga   norðankæla   en   nú   standa   þessi hamingjunnar Guðsbörn í skjóli og sólarhita þó komið sé fram í 21. viku sumars. 
   Þau  hafa  barið  þennan  harðbala  frá  jöfnu  báðu  og  nú  er miður  morgunn.  Hann  hefur  handaskipti  á  orfi  og  fiskstirtlu, gengur  með  harðætið og sýrukút aðeins upp í holtið og kallar til konu sinnar. 
   - Sjáðu hér. Hann byrjar að telja fyrir henni fjallstinda og  önnur  örnefni  á  austurhimninum  og  endar  á  snævi þakinni reisulegri sátu. Bákn þetta ber einmitt í þá lítilmótlegu þúst sem er kotið þeirra.
   - Og þessa þekkirðu!
   - Þekki ég! Nei.
   - Þetta er hún sjálf, drottningin okkar. 
   - Sé það nú drottning þá, hún heitir þá væntanlega Amalía, heita þær það ekki þessar útlendu drollur.    
   -  Nei,  þetta  er  engin  Amalía.  Þessi  elska  er  hún  sjálf Hekla.
   - Hér!
   Hún  hefur  aldrei  hugleitt  hvar  á  jarðarkringlunni  það óféti væri niðurkomið, helst einhvers staðar fyrir norðan eða jafnvel  í  enn  fjarlægari  stöðum,  sjálfur  inngangur Helvítis sem  gat  drepið  allt  með  andardrættinum  einum  og  saman. Djöflaheimur  þar  sem  í  kringum  flögra  bestíur  með  sína járngogga og klær sem á Dýrinu illa. 
   - Hún er nú stór og ekki svo nærri, segir bóndi hennar. Ég hélt einhvernveginn að allir vissu að þetta væri hún, það sést víða að þetta fjall en kannski ekki sunnan að. 
   En  það  er  fjarri  konunni  að  ræða  sjálfa  Heklu  við  Greip Jónsson  sem  vísast  gerir  gabb að öllu saman og þykist ekkert skilja. Sjálf skilur hún heldur ekkert en það rennur samt upp fyrir  henni  að  í  öllu  þessu  er  samhengi.  Að  sá  mikli  staður Skálholt  skuli  standa  hér  undir  sjálfu  Hliði  Helvítis,  við þetta seigfljótandi hvíta vatn sem fullt er ókinda. Yfir vakir nykurinn   sem   allir   nema   kapelán   Þórður   segja   að   sé birtingarmynd þess vonda. 
   Þessi sveit hefur áður skelft hana og skekið en aldrei sem nú.  Hún  skynjar  ógnina  og  man  ræður  Garðaprests  sem  hafði útmálað  samhengið  milli  Gullna  hliðsins  sem  teygðist  ofan  af himnum  áleiðis  að  Skálholti  og  Djöfla  hliðsins  sem væri  í munni Heklu. 
   Nei, hún þorir ekki að spyrja frekara um þetta fjall. Ekki í dag og kannski aldrei. Er það rétt að uppúr því komi djöflar að næturlagi og ríði húsum? Að frá því streymi illar hugsanir og syndabólstur í holdinu? Nei, Guð, varðveittu mig. 
   Þennan  dag  nær  Guðhræðslan  tökum  á  konunni  og  Hekla  í sínum  mikilfengleik,  og  allsstaðar  sén,  viðheldur  þeirri kennd. Hún vandar sitt æði og hættir að kalla drengina á bænum drýsla.  Víst  er  það  óguðlegt að kenna blessuð börnin við ára hins  vonda  þó  slíkt  hafi alltaf verið gert í hennar ungdæmi, úti  á  hennar  flata  rassnesi.  Þar  eru  raunverulegir drýslar enda víðs fjarri. En ekki hér!
   Það er líka breytt andrúm milli hennar og Jónanna. Það er eins og framstæður kviðður dragi þá að henni án þess að nokkur viti  rétt  vel  hversvegna.  Allir  vita  þó  að  selir  dragast  að óléttu kvenfólki og kannski eru þessir dökku snáðar ekki annað en selir í álögum. Víst hafa þeir selsaugu og munnsvipurinn er svolítið eins og dreginn fram í totu. Sjálf er konan opinmynnt þessa  stundina  og  hálfvegis í leiðslu þar sem hún hamast með hrífunni, dáleidd af hinni endalausu endurtekningu ljárinnar í hrífunni og töfrum staðarins, bölvun staðarins. Hana langar að æpa. Örsnöggt  slær  hún  höfðinu  til  og  kemst  til  sjálfs  sín. Óttalegt rugl er þetta og óguðlegt, að halda að strákarnir séu selir.  Nei,  ætli  þeir  dragist  ekki  svona  að  henni  því  móðir þeirra  heitin  var  svona,  alltaf framsett, ólétt á hverju ári að börnum sem bjuggu nú flest í Skálholtskirkjugarði. 

Nei
   - Verður ekki að hengja þetta upp? Hún  horfir  á  rauðafiskið,  ekki  færri  en  sex  boldangs fiska.  Tvo  hefur  hún  að  auki  sett í pott og verða til átu í dag og á morgun. Meiru yrði ekki torgað í kotinu í senn. Yngri 
Jón hafði hlaupið með þrjá til frænku sinnar á Helgastöðum en komið með einn þeirra til baka. 
   - Nei. Nei.  Ekki  neitt  meira,  hugsar  konan  og  horfir  á  hann Eldrijón. Á þessa lund eru hans samræður. 
   - Af hverju má ekki hengja þetta helvíti upp drengur?
Hún gengur á eftir honum út úr skemmuborunni en Jón svarar ekki. Henni heyrist hann kannski umla, en það getur líka verið úr  hundinum.  Og  ef  það  er  uml  –  er  það þá viðvíkjandi þessu spursmáli? 
   - Jón Greipsson, greyið mitt, ég var að spyrja þig.
Þau eru komin inn í afkima innst í kofa sem er bæði skáli og hesthús. Þar er Greipur með smíðaafl sinn. Drengurinn lítur í óþoli og uppgjöf á föður sinn sem aftur horfir út undan sér til konunnar. Hún er með einn fiskinn í greip sinni. 
   - Æi sjóstelpan mín, segir Greipur. Laxfiski þola ekki að hengjast. 
   - Hann er nú altjent dauður. Meðan þið látið laxamóðurina vera þá má víst vera sama hvað fiskið þolir. 
   - Sama! Nei!
   - Hann úldnar. 
Það  er  Eldrijón  sem  svarar.  Af  hverju  var  ekki  hægt  að segja  þetta fyrr? Jæja. Svo þeir trúa því að ekki sé hægt að hengja  upp  feitan  fisk.  Konan  strunsar  út  aftur  og hefur  í leiðinni gripið breddu undan vegglægjunni. 
   - Þvættingur. 
Henni  hefur  runnið  í  skap  við  þessa  feðga.  Að  það  skuli ævinlega  vera  rauðafiskið  sem  gerir  þessa  konu  hissuga  og næstum að hennar skapstempran fari upp af standi. Er það nema von?  Svo  óþolandi  sem  þetta fjárans rauða óæti alltaf er. Nú ræðst  hún  á  fiskikösina  og  lætur  bredduna  vaða  ofan  í slepjuna,  sker  roð  og  hold  í  mjóar  ræmur  sem  hanga við beingarðann. Auðvitað er hægt að herða þetta með sama hætti og steinbít eða löngu. Þessir heimskingjar hér hafa vísast hengt hann upp heilan. 
   Á eftir hendir hún öllu á rá og vonar að nógu áliðið sé að ekki muni vía um of. 
   - Ef þetta verður matur þá ertu göldrótt!
Greipi þykir greinilega ekki þó að kona hans reyni að gera það sem hann hefur augnabliki áður sagt ómögulegt. 
   -  Og  ef  ég  er  það,  þá  ferð  þú  með  þessar  hengjur  mínar heim á staðinn og kaupslagar við skólapilta. 
- Nei. 
Aftur  er  konunni  svarað  með  þeim  styttingi  sem  öllu  er styttri. Einsatkvæðis ræðu. Hún gengur á bónda sinn og fer að honum hverja atrennu af annarri. Loks undir nótt hvæsir hann á hana undir brekáninu. 
   -  Það  kaupslagar  enginn  við  Skálhyltinga.  Gættu  að þér, kona. 
   En  nei,  hún  ætlar  ekkert  að  gæta  að  sér.  Þetta  er vafalaust  enn  ein  heilagleika  grillan.  Ekki  lifir  það  á Guðsorðinu einu saman þar efra. Víst þarf það að kaupslaga um veraldlega   hluti.  Hún  getur  boðið  þeim  feitan,  hertan rauðafisk í staðinn fyrir maltan hvítafisk. 
   Hvað er syndugt við það?

Skrifari
   -  Hann  Teitur  sterki  átti þrjár konur og börn við öllum. Giftist  upphaflega  ríkri  ekkju  í  Skipholti  sem  átti  fjögur uppkomin  börn  en  konan  sú  dó  af  fæðingu  þess  fimmta  sem  var eina barn þeirra Teits. Það er sagt að vinnukonur á bænum hafi slegist  um  að  sjá  um  barnungann,  hann  Jón  Teitsson,  svo sannfærðar sem þær voru um að ástir barnsins væru þeirra passi í  hjónasængina  sem  enda  varð.  Með  Vilborgu  matsáru átti  Jón svo  fjórtán  börn  og  sagan  endurtók  sig.  Þegar  hann afgamall gekk  að  eiga þriðju konuna gekk hún af honum dauðum eftir að hafa fætt honum þrjú börn og yngst þeirra var hún Guðhildur á Iðu sem gaf þér skyrtuna. 
   Sá  víðfrægi  Jón  Skrifari  er  orðinn  heimilismaður  í Eiríksbakkabaðstofu.   Kom   rétt   í   þann   mund   að   María Ingvarsdóttir  ætlaði  að  temja  sér  kristilega  alvöru  á þeirri agnarsmáu  ræmu  sem  hún  fann  sér  úthlutað  milli  Heklu  og Skálholts,  Helvítis  og Himnaríkis þó síðarnefnda plássið væri fullt saurugra rangala. 
   Í  verunni  barg  Jón  Skrifari  konunni  frá  sturlun  með Guðleysi sínu, málgleði og skemmtan.         Bóndi  hennar  hafði  komið  með  hrúgald  uppi  á  Hvítingi  af manntalsþingi  á  Vatnsleysu.  Þegar  réttist  úr  því  reyndist þetta  lama  maður  sem  kuðlað  hafði  verið  ofan  á  hestinn. Hæruskotinn og klepraður en augun fjörleg og tinandi. 
   -  Tæpast  mikið  búsílag,  hafði  húsfreyja  sagt,  orðin  stór upp á sig gagnvart koti sem hún átti nú allt með. 
   -  Nei,  en  hann  er  frændi  minn  blessaður  auminginn  og heldur skemmtilegur í heimili. Ef ég hefði ekki tekið hann þá mátti  hann  enda  hjá  grútarsál  í  Stekkholti  sem  er  alþekktur fyrir  að  svelta  ómaga sína til dauðs. Hlíðabændur sem eru nú engar  kisur  skutu  saman  ríksorti  að  ég  tæki  hann  fyrir  100 fiska. Síðasti veslingurinn í Stekkholti flakkar nú vælandi um mýrarnar og gerir farandi mönnum óskunda með strákapörum. 
   - Hvort?
   - Já, afturgenginn og kallaður Stekkholtsmann. 
   Í haustrosum í október er meira talað á heimilinu en verið hafði   allt   sumarið   því   málgleði   niðursetningsins   Jóns Gunnarssonar  Skrifara  er  smitandi.  Hér  renna  fram  ættarsögur hennar  tengdafólks,  sögur  af  mönnum  sem  voru  óeirðarmenn  um kvennafar,  aðrir  tölugir  og  leiðinlegir,  einn  var  þrjótur  og drukknaði  í  keldu.  Þeir  Greipur  og  niðursetan  kýta aðeins um hvort hann liggi þar enn eða hafi verið dreginn upp og settur í  Guðsbarnareit.  Allar  sögur  hneigjast  þó  til  að hverfast um ættföðurinn  Teit  sterka  sem  var  slíkur  hugmaður  að jafnan stóðu taumar úr munnvikum hans, seigfljótandi af tóbaki, hroða og  þeim  sterka  móð  sem  var yfir manni þessum. Væru stórvirki unnin  stóðu  taumar  að  sjá  sem  samsíða  stólur  allt  niður  til jarðar. Um háls hafði hann skinnspeldi sem huldu allt niður á bringu og tók við því sem lak í gegnum skeggrytjur.
   En þó að Greipur bóndi sitji oft gneypur undir sagnaflaumi frænda síns og þyki nóg um ýkjur og bersögli þá fer ekki hjá því  að  hann  sjái  hvernig  Nesjastúlkan  hans  lifnar  öll  undir malandanum.  Hann  fer  jafnvel  sjálfan  að  langa  til  að  segja henni  eitthvað.  Ekki  endilega  af  afbrýði  heldur  fremur  af einlægum vilja til að gleðja. Áður hafði honum varla hugkvæmst að  konur  gætu  haft  ánægju  af  slíkri  skemmtan. Með móðurfólki hans í Laugardal voru konur þegjandalegar og alvörugefnar. Svo var  einnig  Guðrún  heitin  tengdamóðir  hans  á  Helgastöðum  og dætur hennar þrjár. 
   Hann rekur ekki minni til að konur þessar sætu með brosviprum og þaðan af síður að nokkur hafi heyrt þær hlæja. Slíkt var síst talið við hæfi og til um það sögur sem taka áttu af allan vafa um hve varasöm og ókristileg hlátrasköll gátu verið.
Ertu með athyglisverða ábendingu eða frétt sem á heima á Pressunni?
Sendu okkur póst á pressan@pressan.is - Fyllsta trúnaðar gætt, sé hans krafist.



07.nóv. 2017 - 20:30 Aníta Estíva Harðardóttir

Barnavernd fjarlægði dætur Guðrúnar Óskar þrisvar af heimilinu: „Þetta var öllum að kenna nema mér“

Guðrún Ósk Valþórsdóttir á tvær dætur sem hafa verið teknar af henni í þrjú skipti af barnavernd. Í þau skipti sem barnavernd hafði afskipti af þeim fannst Guðrúnu þau vera að níðast á henni sem móður og taldi þau enga virðingu bera fyrir börnunum hennar.
07.nóv. 2017 - 16:00 DV

Egill fagnar: „Ekki þægileg tilfinning að vera saklaus maður sitjandi undir ummælum sem þessum“

Egill Einarsson segist fagna niðurstöðu Mannréttindadómstóls Evrópu í yfirlýsingu til DV. „Ég fagna að sjálfsögðu þessari niðurstöðu. Ég var alltaf mjög hissa á þessum dómi Hæstaréttar en Mannréttindadómstóllinn vandaði greinilega til verka,“ segir Egill.
07.nóv. 2017 - 15:00 Aníta Estíva Harðardóttir

Tveggja ára drengur dreifði málningu um allt hús; „Skemmdirnar hlaupa á mörg hundruð þúsundum“

Mynd/Caters News Móðir tveggja ára gamals drengs sem ákvað að vinna heima einn daginn endaði með mörg hundruð þúsund króna skemmdir á heimilinu eftir að hafa litið af honum í örfáar mínútur þegar hún svaraði í símann.
07.nóv. 2017 - 11:00

10 ávanar sem gera þig eldri

Grettur eru ágætis líkamsrækt fyrir vöðva í andliti en eftir áratugi af geiflum - annað hvort vegna sólar eða lélegrar sjónar - verða vöðvarnir í kringum augun stífir og óeftirgefanlegir og hrukkurnar spretta fram. Notaðu sólgleraugu í mikillri birtu svo þú getir viðhaldið eðlilegu andlitsfalli í sem lengstan tíma.
24.okt. 2017 - 10:12

Nefndu barn sitt Heilagt stríð: Gætu endað fyrir dómstólum

Hjón frá borginni Toulouse í suðvestur hluta Frakklands hafa verið tilkynnt til ákæruvaldsins fyrir nafngift sonar þeirra. Það er vefritið The Local sem greinir frá þessu. Drengurinn fæddist í ágúst og fékk nafnið Jihad en eins og flestir vita þýðir það orð heilagt stríð á arabísku og hryðjuverkamenn oft kallaðir jihadistar. Málið gæti endað fyrir dómstólum.
23.okt. 2017 - 20:00

Beið með föður sínum í fjóra tíma á bráðamóttöku:„Manni líður eins og maður sé fyrir“

„Það sem mér finnst verst við þetta er hvernig hlutum er háttað þarna á spítalanum, aðstæðurnar, biðin endalausa, stressið, upplifunin að maður væri fyrir, illa farnar gamlar biðstofur og herbergi sem löngu er komin tími á að lappa upp á. Síðan til þess að bæta gráu ofan á svart þá var slökkt var á öllum sjónvörpum sem eiga að stytta manni biðtímann, nema einu,“ segir Sunna Dís Ólafsdóttir sem stofnað hefur hóp á facebook þar sem fólk er hvatt til að deila reynslusögum sínum af bágum aðstæðum innan heilbrigðskerfisins á Íslandi. Sjálf þurfti Sunna að bíða með föður sínum í fjórar klukkustundir á bráðamóttöku Landspítalans í gær og kveðst hafa horft upp á örþreytt starfsfólk sem reyndi að gera sitt besta undir aðstæðum sem varla geta talist mannsæmandi.
23.okt. 2017 - 14:15

Leoncie leigir aðeins afrískum og asískum:„Ég er búin að fá nóg af hvítum Íslendingum“

Tónlistarkonan Leoncie leitar nú að leigjendum fyrir íbúð sína í Keflavík. Athygli vekur að hún er aðeins að leita að afrískum eða asískum leigjendum. 
23.okt. 2017 - 11:55

Karl Steinar hættur hjá Birtingi:„Þetta var gert hérna formlega í morgun“

Karl Steinar Óskarsson hefur látið af störfum sem framkvæmdastjóri útgáfufyrirtækisins Birtings sem meðal annars gefur út tímaritin Vikuna og Gestgjafann. Karl starfaði sem framkvæmdastjóri síðan árið 2012 og var í eigendahópi fyrirtækisins þar til í júní þegar eignarhaldsfélagið Dalurinn keypti allt hlutaféð. Þá var ákveðið að Karl héldi áfram störfum sínum hjá fyrirtækinu.
23.okt. 2017 - 10:55

Agnes:„Ekki siðferðislega rétt að stela gögnum og fara á bak við fólk til að afhjúpa mál“

 „Ég er ekki sammála því að allt sé leyfilegt í sannleiksleitinni. Mér finnst til dæmis ekki siðferðislega rétt að stela gögnum og fara á bak við fólk til að afhjúpa mál og leiða sannleikann í ljós,“ segir Agnes M. Sigurðardóttir, biskup Íslands en hún kveðst óttast að alþingiskosningarnar um næstu helgi skili þjóðinni engu nýju ef að ekki er tekin umræða um það á hvaða siðferðislega grunni stjórnarsamstarfið mun standa.
25.jan. 2010 - 20:00 Björg Magnúsdóttir

Þetta er almennileg hefnd

Skiltið góða hefur vakið athygli víða um heim. Ég verð að viðurkenna að YaVaughnie Wilkins hefur fangað athygli mína og aðdáun með því að hefna sín grimmilega á þeim sem sagði henni upp. Í tilfelli Wilkins var það einn af fjármálaráðgjöfum Barracks Obama, Charles E. Phillips, sem dömpaði henni, til þess að geta haldið áfram eðlilegu lífi með eiginkonu sinni. Wilkins var sem sagt hjákona í 8 ár, geymd á kantinum í tæplega 3.000 daga, þangað til henni var kastað frá manninum sem hún elskaði.
21.des. 2009 - 08:00 Björg Magnúsdóttir

Hann er sjúkur í okkur!

Það liggur fyrir að þjóðir heimsins hafa misjafnar skoðanir á Íslandi og Íslendingum. Tvær þjóðir leggja opinberlega fæð á okkur, Bretar og Hollendingar, meðan helsti sölupunktur Grikkja er sá að þeir séu ekki Íslendingar. Fiji-eyjar, eða sá eyjaskeggi þaðan sem er mesti Íslandsvinurinn, dýrkar okkur. Já, Fiji-búinn sem ég er að vísa í elskar okkur! Hann er sjúkur í Íslendinga!
07.des. 2009 - 19:34 Björg Magnúsdóttir

Okkar Elin Nordegren?

Það liggur fyrir að Svíar eru óðir út í Tiger Woods. Sænskur golfari sagðist dauðsjá eftir því að hafa kynnt þessa mannleysu fyrir sænsku blómarósinni Elin Nordegren. Sá sami bætti því við að Nordegren hefði betur notað á hann öflugara vopn en hún gerði þegar upp komst um undirferli hans og nöðruhátt. Þetta sagði samlandi Nordegren þegar upp hafði komist um þrjár hjákonur Woods. Nú eru þær opinberuðu orðnar 8 og samkvæmt mér fróðari mönnum úr golfbransanum eiga ennþá 10 eftir að koma í ljós til þess að fullkomna hinn 18 holu hring.
13.nóv. 2009 - 09:52 Björg Magnúsdóttir

Stripp Ess Í

Nýjar upplýsingar komu fram um strippferð fjármálastjóra KSÍ í gærmorgun sem auka enn á ömurleika málsins; að kort KSÍ hafi verið straujað vel áður en komið var inn á Rauðu Mylluna sem og að þrjár rússneskar konur hafi borið vitni um að Pálmi Jónsson hafi hent í þær hverri kampavínsflöskunni á fætur annarri.
25.okt. 2009 - 16:20 Björg Magnúsdóttir

Sigurjón digri

Sigurjón digri er ein af hetjum æsku minnar. Ruddalegur húsvörður í krummaskuði úti á landi sem skipar hljómsveitarmeðlimum að drulla sér úr skónum. Það er ekki hægt að biðja um mikið meira, það sér hver manneskja. Íklæddur ermalausum hvítum, nokkuð skítugum hlírabol og axlaböndum - skúrandi af áfergju og alefli þegar bandið kemur inn.
08.okt. 2009 - 21:43 Björg Magnúsdóttir

Löðrandi í leðri, Löðrandi Lohan - MYNDIR

Það er einhver hiti í fólki. Það þarf svolítið að peppa sig upp. Það er verið að nota kryddstaukinn meira en hæfilegt þykir. Það er allt á útsölu; fólk er fullnægt, haugadrukkið, skuldugt, rifið, tætt og auðvitað ógirt eins og venjulega. Og ef þú veist það ekki núna þá er ég að vísa í vinsælustu fréttirnar af Hollywoodinu á Vísi.is.
10.sep. 2009 - 08:51 Björg Magnúsdóttir

Essassú?

Þessi frasi eða öllu heldur slagorð ruddist inn í líf mitt í orðsins fyllstu merkingu. Það smaug inn í eyru mín úr nánasta umhverfi án þess að gera boð á undan sér. Hvaða ógeðslega mikla krútt var að spyrja mig spurningar? Og hvernig átti ég að svara þessu?
29.ágú. 2009 - 17:42 Björg Magnúsdóttir

Að vera nett

Það eru tvær leiðir að öllum áfangastöðum. Líkt og það eru tvær hliðar á öllu því sem Guð hefur skapað – oft fleiri. Þess vegna er endalaust hægt að halda áfram með samræður og rökræður. Hegðun fólks er ekki undanskilin, hægt er að hegða sér bæði vel og illa. Það er líka hægt að bera sig eftir því að vera nett/ur og hitt, að vera ónett/ur.
17.ágú. 2009 - 19:39 Björg Magnúsdóttir

Stelpur mínar

Ekki það að ég ætli að skrúfa frá harðlínu-femínisma eða kvenrembu hér í dag eins og titillinn kann að vísa til. Ég verð þó að tjá mig um hversu stórkostlegt íslenska kvennalandsliðið í fótbolta er.
09.ágú. 2009 - 22:55 Björg Magnúsdóttir

Facebook-fréttir

Guð má vita hvað margir milljarðar í heiminum í dag eru með sér-reikning á blessaða undrinu, Facebook. Eða snjáldurskinnu eða andlitsbók eða fésriti.
28.júl. 2009 - 21:23 Björg Magnúsdóttir

Sjáendur

Það er ekki annað hægt en að brosa út í annað yfir fréttaflutningi af sjáandanum, Láru Ólafsdóttur og hinu fræga forsíðuviðtali í Vikunni sem olli því vafalítið að blaðið seldist upp. Og líka 2. prent.
18.júl. 2009 - 12:11 Björg Magnúsdóttir

Alþingismenn, er gaman í vinnunni?

Til hvers er þessi umræða? Af hverju fer hún fram? spurði strákur sem er vinur minn. Hann var að vísa í umræður Alþingismanna um Icesave.
06.júl. 2009 - 09:28 Björg Magnúsdóttir

Munurinn á fótbolta og stjórnmálum

Nú hefur Willum Þór komist að samkomulagi við Val um að ljúka farsælu samstarfi sem fól í sér þjálfun hans á meistaraflokki karlaliðs Valsmanna.
29.jún. 2009 - 14:00 Björg Magnúsdóttir

Jackson og IceSave. JackSave og Iceson.

Það kemur ekki til greina að skrifa um neitt annað en Michael Jackson eða IceSave-samningana. Ég get ekki gert upp á milli þannig að eftirfarandi línur verða tileinkaðar bæði Jackson og IceSave. JackSave og Iceson.
23.okt. 2017 - 11:30

Stal átján þúsund króna kampavínsflösku

Karlmaður á þrítugsaldri var staðinn að því um helgina að stela kampavínsflösku á skemmtistað í umdæmi lögreglunnar á Suðurnesjum. Það væri kannski ekki í frásögur færandi nema vegna þess að flaskan kostaði átján þúsund krónur. 

28.ágú. 2017 - 21:00 Bleikt

Brynja Björk varar foreldra við gölluðum barnalæsingum

Dóttir Brynju vaknaði á undan henni síðasta laugardagsmorgun og laumaði sér fram í eldhús til að næla sér í góðgæti. Þegar Brynja kemur fram er dóttir hennar búin að innbirgða rúmlega 80% af hárvítamíninu Sugar bear hair. 

28.ágú. 2017 - 18:00 Bleikt

Fyrsta svarta LGBTQ fjölskyldan til að vera í stórri auglýsingaherferð

Kordale Lewis og Kaleb Anthony eru par frá Atlanta, Georgia. Þeir hafa verið saman í sex ár og vöktu fyrst athygli 2014 þegar þeir deildu mynd af sér gera hárið á dætrum sínum tilbúið fyrir skólann.
28.ágú. 2017 - 15:32 Aníta Estíva Harðardóttir

Maðurinn er fundinn - Kaldur og blautur

Maðurinn sem björgunarsveitin leitaði að á Fimmvörðuhálsi er fundinn. Hann var kaldur og blautur eftir dvölina á hálsinum um nóttina.
28.ágú. 2017 - 15:30 Bleikt

Flóðhesturinn og samfélagsmiðlastjarnan Fiona fær sinn eigin þátt

Í byrjun júní fjallaði Bleikt um flóðhestinn Fionu sem fæddist fyrirburi og er samfélagsmiðlastjarna. Fólkið sem hugsar um Fionu í dýragarðinum vissi að hún væri sérstök og ákváðu að deila krúttleika hennar með heiminum.

28.ágú. 2017 - 13:53 Aníta Estíva Harðardóttir

Illa búinn göngumaður í sjálfheldu á Fimmvörðuhálsi

Illa búinn göngumaður er í sjáflheldu á Fimmvörðuhálsi. Maðurinn náði sambandi við Neyðarlínuna og óskaði eftir aðstoð.

(1-) Gæludýr.is: Flutingar - nóv
Veðrið
Klukkan 00:00
Skýjað
NNV5
-1,7°C
Alskýjað
NNV9
-0,7°C
Snjókoma
NNA16
-1,3°C
Lítils háttar snjókoma
N10
0,0°C
Lítils háttar snjókoma
N15
0,8°C
Skýjað
N13
-1,2°C
Spáin
Arnaldur Máni Finnsson
Arnaldur Máni Finnsson - 13.11.2017
Grasrótin og greinar trjánna
Hannes Hólmsteinn Gissurarson
Hannes Hólmsteinn Gissurarson - 11.11.2017
Banki í glerhúsi
Hannes Hólmsteinn Gissurarson
Hannes Hólmsteinn Gissurarson - 17.11.2017
Ég fresta skýrslunni: Hvers vegna?
Jón Steinar Gunnlaugsson
Jón Steinar Gunnlaugsson - 16.11.2017
Málinu drepið á dreif
Indíana Ása Hreinsdóttir
Indíana Ása Hreinsdóttir - 18.11.2017
Um daður, áreitni og afleiðingar
Hannes Hólmsteinn Gissurarson
Hannes Hólmsteinn Gissurarson - 18.11.2017
Fjórði fundurinn
Kristinn H. Gunnarsson
Kristinn H. Gunnarsson - 18.11.2017
Uppreist æra í stað siðbótar
Davíð Már Kristinsson
Davíð Már Kristinsson - 20.11.2017
Íslands nýjasta nýtt
Sigurður Jónsson
Sigurður Jónsson - 19.11.2017
Stór mál fyrir íbúa Suðurnesja
Jón Steinar Gunnlaugsson
Jón Steinar Gunnlaugsson - 21.11.2017
Mismunandi niðurstöður jafn réttar
Þórhallur Heimisson
Þórhallur Heimisson - 21.11.2017
Lífræn grasrótarþjóðkirkja
Börkur Gunnarsson
Börkur Gunnarsson - 22.11.2017
Nafnar
Jón Steinar Gunnlaugsson
Jón Steinar Gunnlaugsson - 23.11.2017
Dómarar gæta hagsmuna sinna
Fleiri pressupennar