05. okt. 2011 - 15:00

Harpa er hrákasmíði: Ryðguð og lekur - Eins og austur-evrópskur togari - Vilja „Made in China“ skilti

www.harpa.is

Tónlistarhúsið Harpa er hrákasmíði, að mati íslenskra sérfræðinga. Hún er strax farin að ryðgja, glerið lekur, þéttingar eru farnar að láta undan, suðuvinna léleg og misfellur í stáli. Íslenskir iðnaðarmenn vilja að sett verði upp skilti við Hörpu þar sem stendur „Made in China.“

Íslenskir málmtæknimenn eru allt annað en sáttir við Hörpu en þannig hafa þeir gagnrýnt harkalega vinnu og uppsetningu við tónlistarhúsið.  Arkitektarnir Örnólfur Hall og Guðmundur Kr. Guðmundsson, setja stórt spurningamerki við húsið í Tímariti VM og segja Hörpu án fallegra forma og tenginga við umhverfið. Þeir bendi á að í dagsbirtu komi í ljós vankantar sem auðveldlega hefði mátt fyrirbyggja með faglegum vinnubrögðum.

Hafa þeir meðal annars bent á ryðtauma í norðurhlið hússins, lélega suðuvinnu og misfellur í stáli. Að auki eru sílíkonþéttingar í hjúpnum að þeirra mati strax farnar að láta undan.

Örnólfur segir að í mars á síðasta ári hafi sést að stálstrendingar hafi verið farnir að ryðga og þrátt fyrir viðvaranir hafi þeir verið settir upp.

Ég fylgdist svo náið með norðurhliðinni, en verkamennirnir austurlensku voru allan aprílmánuðinn að atast í ryði í gluggarömmunum þar. Ég hélt svo áfram að taka myndir af framkvæmdunum.

Meðal annars náði ég myndum af því þegar þeir settu fyrri suðurvegginn upp, þann sem Guðmundur hafði séð útataðan í ryði, sem síðan reyndist vera ónýtur. Hann var þá rifinn niður og nýr suðurveggur settur upp, en sá veggur er í dag einnig ryðgaður á mörgum stöðum.
Segir að Örnólfur hafi einnig ljósmyndað ryð í styrktarsúlum í suðurhlið hússins og í þakbitum hjúpsins. Í vor hafi hann myndað ryð í nýja stálveggnum í suðurhlið byggingarinnar, en skömmu síðar var að hans sögn búið að loka þar og glerja yfir. Óttast hann að glerhjúpurinn eigi eftir að leka, og þá sérstaklega glerþakið.

Þetta eru svo misjafnar sílíkonþéttingar að ég óttast að fljótlega eigi eftir að bera á rakamyndun. Þýskur verktaki, með mikla reynslu af sílíkonþéttingum, sem skoðaði Hörpu benti mér á misfellur í fúgunum og fannst honum að víða hefði mátt betur fara.

Örnólfur gagnrýnir líka málmsuðuvinnuna í Hörpu.

Strendingarnir í suðurveggnum eru boltaðir saman, en síðan eru hliðarnar á gluggarömmunum, sem snúa út að sjónum, víða unnar á þann veg sem best væri hægt að lýsa sem klúðurslegri málmsuðu. Málmsuðan er ekki hrein og falleg, heldur minnir frekar á málmsuðu eins og hún sást í austur-evrópsku togurunum í gamla daga. Ljóta málmsuðu má líka sjá í handriðum. Gluggarammarnir sjálfir eru víða sveigðir, með misfellur og þverrákir í stálinu, eins og sjá má á þeim myndum sem ég hef tekið.

Hann segir margar „reddingar“ augljósar og sér hrjósi hugur við því að skattborgarar framtíðarinnar eigi eftir að borga endalaust viðhald á Hörpu.

Við hörmum að í þetta hús eigi eftir að koma milljónir erlendra ferðamanna og berja vinnubrögðin augum. Fyrir hönd íslenskra málmiðnaðarmanna, sem eru frægir fyrir vönduð og fagleg vinnubrögð, eins og kemur fram hjá Örnólfi, krefjumst við þess að sett verði upp skilti á áberandi stað með
upplýsingum um að járnhjúpurinn sé „Made in China”. 

Og Guðmundur bætir við:

Ef ég man rétt þá var umræðan í þá veru, varðandi hjúpinn, að íslensk fyrirtæki réðu ekki við verkið. Sú umræða var móðgun við okkar fólk. Að mínu viti voru þar annarleg sjónarmið sem réðu ferðinni. Líkur eru á því að þessi bygging sé, þegar glansinn fer af henni, hrákasmíði frá a til ö, og byggð á kostnaðaráætlunum sem voru langt frá því að vera raunhæfar. 




28.jan. 2015 - 08:00

Er barnið þitt haldið tölvufíkn? Allt of mörg börn ráða ekki við að stjórna tölvunotkun sinni

Alltof mörg börn ráða ekki við að stjórna tölvunotkun sinni og eiga erfitt með að fara eftir reglum foreldra sinna. Það má þó ekki gleyma að tölvur eru mikilvægur og nauðsynlegur hluti af lífi barna og unglinga.
31.júl. 2014 - 16:15

Klámumræðan er í spennitreyju: Gerum betra klám þar sem allir fá að njóta sín

„Í almennri umræðu og mörgum rannsóknum á klámi eru kynjahlutverkin afar þröng, karlar eru álitnir gerendur (neytendur og/eða framleiðendur) en konur eru taldar passífar og jafnvel fórnarlömb. Þetta þrönga sjónarhorn skilar sér inn í almennar orðræður um klám og gerir konum erfitt fyrir þegar þær ræða sína klámnotkun eða áhuga á klámi.“ Þetta segir Þórdís Sveinsdóttir félagsfræðingur í aðsendri grein í Kvennablaðinu í dag.

15.maí 2012 - 20:36

Komum okkur út úr kreppunni: Spörum vaxtakostnað, aukum hagvöxt og komum til móts við heimilin

Róbert Wessman, stjórnarformaður bandaríska lyfjafyrirtækisins Alvogen, leggur til að farin verði „íslensk leið“ til að örva hagvöxt í landinu og fjölga atvinnutækifærum. Jafnframt myndi losna mjög um krónustöðu erlendra aðila og ríkið spara gífurlegar fjárhæðir í vaxtagjöldum.
15.maí 2012 - 13:27 Brynjar Nielsson

Dómur yfir hælisleitendum

Í Héraðsdómi Reykjaness þann 30. apríl s.l. voru tveir ungir menn sakfelldir fyrir skjalafals með því að hafa framvísað fölsuðum skilríkjum við komuna til landsins. Refsing var ákveðin 30 daga fangelsi fyrir brot sem varðar allt að 8 ára fangelsi. Eins og gjarnan vill verða þegar dómsniðurstaða samrýmist ekki pólitískri hugmyndafræði sumra vill umræðan leiðast á villigötur.
09.apr. 2012 - 12:50

Þjóðin gapti þegar veðurfréttir buðu upp á óvænta uppákomu: Hætti spánni í miðju kafi - Röng upptaka

Röng upptaka af veðurfréttum var sett í loftið hjá Ríkissjónvarpinu með þeim afleiðingum að áhorfendur vissu varla hvaðan á sig stóð veðrið þegar veðurfræðingurinn fussaði og sveiaði og hætti veðurspá í miðjum klíðum.
08.apr. 2012 - 15:00

Feðraði líklega um 600 börn á starfsævi sinni - Málið komst upp fyrir tilviljun

Breskur frjósemislæknir er nú grunaður um að hafa feðrað allt að 600 börn á starfsævi sinni. Málið komst upp fyrir tilviljun þegar tvö af börnum hans fundu hvort annað.
05.apr. 2012 - 19:33

Hefur þóst vera íslensk stelpa í 3 ár: „Stal“ Facebook-prófíl íslenskrar stúlku - Fjölmiðlafár á Ítalíu

Ein þeirra mynda af Ásu sem Martina hefur notað Ítölsk manneskja sem hefur verið áberandi í pólitískri umræðu á Ítalíu notaði Facebook-myndir íslenskrar stúlku án hennar vitundar og sagði þær vera af sér. Íslensku stúlkunni var, sem eðlilegt hlýtur að teljast, verulega brugðið þegar hún frétti af þessu uppátæki.
03.apr. 2012 - 08:30

Foreldrar barns með Downsheilkenni: Þurfa að staðfesta á tveggja ára fresti að barnið sé „enn“ með Downs

Foreldrar lítillar stúlku með Downsheilkenni hafa furðað sig á því að þurfa að staðfesta við íslensk heilbrigðisyfirvöld að hún sé „enn“ með Downs.
19.mar. 2012 - 15:15

Hin baneitraða svarta ekkja fannst í vínberjaklasa á Íslandi - Tækifæris- sinnar, segir skordýrafræðingur

Vínberjaklasar hafa innihaldið óvænta gesti

Hin baneitraða könguló svarta ekkjan barst nýverið hingað til land með amerískum vínberjaklasa. Skordýrafræðingur segir þetta gerast af og til enda séu pöddur tækifærissinnar.

19.mar. 2012 - 11:50

„Farðu á lögreglustöðina á Selfossi eða ég drep þig“ - Þú drepur engan í þessum bíl, sagði meintur gísl

Maður sem handtekinn var á föstudag eftir ógnanir við starfsfólk á Litla-Hrauni, sagði við lögreglu að hann væri með tvo gísla. Hann hafði þá troðið sér inn í bíl og hótað að drepa bílstjórann ef hann keyrði sig ekki á lögreglustöðina á Selfossi. Sá svaraði einfaldlega: „Þú drepur engan mann í þessum bíl.“

18.mar. 2012 - 11:00

Hvað eru dómararnir í Gettu betur að trana sér svona fram? Fyrrum ráðherra: Þeir haldi sig til hlés

Fyrrverandi ráðherra er á því að dómararnir í spurningaþættinum Gettu betur eigi ekki að trana sér fram eins og þeir geri núna.  Fréttamaður er á sama máli og segir fólki sama um hvað dómurunum finnst.

17.mar. 2012 - 12:56

Martröð hvers foreldris: Þriggja ára stúlka kastaðist úr kolkrabbanum á fullri ferð - MYNDBAND

Martröð hvers foreldris varð að veruleika í skemmtigarði í Houston í Texas í Bandaríkjunum á miðvikudag, þegar móðir horfði á þriggja ára dóttur sína losna úr tækinu Kolkrabbinn og kastast úr tækinu á ferð.
11.feb. 2012 - 14:30

Flýtti fæðingu fyrir dauðvona eiginmann: „Hann hélt á henni í 45 mínútur, við bara grétum og grétum“

Þetta hefði átt að vera einn af bestu dögunum í þeirra lífi, en sú var ekki raunin. Móðir eignaðist barnið sitt tveimur vikum fyrir settan dag til þess að deyjandi eiginmaður hennar gæti séð dóttur sína.
10.feb. 2012 - 09:30

Fór úr 200 kílóum í 50 kíló: Feitasti unglingurinn berst nú við anórexíu - Ekki gera það sem ég gerði

Stúlka sem eitt sinn var feitasti unglingur Bretlands varar við magaminnkun. Hún berst nú við anórexíu.
09.feb. 2012 - 15:45

Útlendingar slást um hús þingmanns: Tæplega 100 milljónir fæla ekki frá - Innlendir auðkýfingar spenntir

Erlendir fjárfestar slást nú um tæplega 100 milljóna króna hús þingmanns á besta stað. Innlendir auðkýfingar sýna húsinu líka áhuga.

08.feb. 2012 - 16:30

Dýrasta pizza Íslands? Varð svangur á hálendinu: Pantaði sér eina úr Reykjanesbæ - 10 klst á leiðinni

Jeppamaður í Kerlingarfjöllum sem var á þorrablóti pantaði sér pizzu frá veitingastað í Reykjanesbæ. Pizzan var ríflega 10 klukkustundir á leiðinni með sendli sem þurfti að fara 232 kílómetra leið með hana.

30.jan. 2012 - 18:50

Sigga Lund: Uppsögnin kom eins og þruma úr heiðskíru lofti - Mætti í morgun og fór heim stuttu seinna

Útvarpskonunni Siggu Lund var sagt upp störfum í dag á 365 miðlum eftir níu ára starf. Hún segir uppsögnina hafa komið sér mjög á óvart.
30.jan. 2012 - 12:50

Grafa svín og blóð í jörðu til að vanhelga og hindra mosku í Reykjavík - „Glæsilegt, þeir eru þjóðhetjur“

Myndin tengist fréttinni ekki beint

Andstæðingar þess að moska verði byggð í Reykjavík hafa grafið svínaskrokka, blóð og innyfli á þeim lóðum sem til greina koma. Vilja þeir með þessu vanhelga lóðina til að fæla múslíma frá því að byggja á þeim. Hvetja þeir til sambærilegra aðgerða víðar.

29.jan. 2012 - 10:00

Strandaglópar á miðri götu vegna tímastillingar: Ætt af stað á blikki og þá gerist þetta - MYNDBAND

Tímastilling gerir það að verkum að fólk kemst yfirleitt aðeins yfir hálfa Hringbrautina áður en allir bílar æða af stað við fyrsta blikk umferðarljósanna. Fólk með barnavagna er í enn verri málum.


27.jan. 2012 - 15:50

Grafarvogurinn í morgunsárið? Ónei, þetta er sko alls ekki þar - Myndin sem fer sem eldur í sinu um netið

Nei, þetta er ekki í Grafarvoginum í morgun heldur í Búlgaríu Mynd af fannfergi í Grafarvoginum í morgunsárið hefur farið með leifturhraða um netið, ekki síst á Facebook. Myndin er hins vegar alls ekki úr Grafarvoginum.