14. júl. 2017 - 11:45Kristjon Kormakur Guðjonsson

Ég barði nauðgarann minn

Þann 16. september síðastliðinn hlaut Róbert Árni Hreiðarsson, eða Robert Downey líkt og hann kallar sig, uppreist æru og lögmannsréttindi sín aftur. Hann var dæmdur í 3 ára fangelsi fyrir barnaníð árið 2007 vegna viðurstyggilegra kynferðisbrota gegn fjórum stúlkum. Að minnsta kosti tvær ungar konur, Nína og Glódís Tara, sem Róbert braut á grétu þegar þær heyrðu af ákvörðun dómsmálaráðuneytisins. Ég talaði við þær báðar. Eftir samtalið grét ég ekki. Ég var hinsvegar illur. Brjálaður. Reiður. Síðan sorgmæddur.

Ég er sorgmæddur fyrir hönd samfélagsins, fyrir hönd kvenna, karla og allra þeirra sem hefur verið nauðgað. Ég varð sjálfur fyrir grófu kynferðisofbeldi sem unglingur. Ég var dauðadrukkinn. Ég sagði engum frá. Ég kærði ekki. Ég skammaðist mín. Réttarkerfið færði mér ekki lokun á mitt mál. Þegar víman var runnin af mér fór ég til baka og sá vart út um augun af trylltri heift, niðurlægingu, reiði, sorg og sektarkennd. Í ofsareiði misþyrmdi ég níðingnum mínum hrottalega.

Okkur er kennt og sagt að svoleiðis geri maður ekki. Við eigum að fara að lögum. Við eigum ekki að taka lögin í eigin hendur. Ég tek undir það. En ég bjó ekki yfir sama hugrekki og konurnar sem kærðu Róbert. Skömm og sjálfsásakanir komu í veg fyrir það. Þess vegna dáist ég að öllum sem þora að leita réttar síns í stað þess að beita ofbeldi.

Ef hann hefði kært mig hefði ég líklega fengið fangelsisdóm. Ef ég hefði hins vegar beitt hann grimmu kynferðisofbeldi á móti hefði ég örugglega sloppið. Þannig er það nú bara. En ég sagði engum. Og ég skammaðist mín.

Kynferðisbrot drepa

Refsingin við að eyðileggja fólk er oft hlægileg og æran bíður í þvottavélinni í ráðuneytinu á meðan. Kynferðisbrot drepa líka. Ég átti vinkonu sem framdi sjálfsmorð. Pabbi hennar nauðgaði henni. Hún rogaðist um með skelfilegar minningar og reyndi að drekkja þeim í brennivíni og dópi en ekkert gekk. Minningarnar flutu alltaf upp á yfirborðið og vöfðu sig að lokum utan um hana og þegar þær loks sukku tóku þær hana með niður í djúpið.

Eins og að vinna í lottó

Að kæra er eitt. Við tekur völundarhús með endalausum ranghölum og að ná kynferðisbrotamáli inn í réttarsal er eins og að vinna í lottó. ­Leið þolenda í gegnum réttarkerfið er oft niðurlægjandi og þeir mæta fordómum í réttarkerfinu. Ferlið frá því að kært er og þar til málið er tekið fyrir er alltof langt, getur tekið nokkur ár. Á þeim tíma er algengt að ósjálfráð langtímaviðbrögð aukist. Svipmyndir eða brot úr nauðgunarárásinni birtast í huga þolandans við ólíklegustu aðstæður.

Að sigra í héraðsdómi og í Hæstarétti er eins og að næla í þann stóra tvisvar á sama árinu. Síðan kemur dómurinn. Hann er yfirleitt skammarlega vægur.

Og allt þetta gerðu unglingsstúlkurnar fjórar. Ákváðu að gera það sem okkur er kennt. Þær kærðu. Þær fengu viðurkenningu á því að Róbert hefði brotið á þeim. Róbert fór í fangelsi. Þær fengu einhverja trú á réttlætið. Síðan liðu nokkur ár og þá urðu þær vitni að því að fortíð Róberts er þurrkuð út. Þær unnu málið á sínum tíma en þann dag sem Róbert hlaut uppreist æru töpuðu þær. Samfélagið allt tapaði.

Lögmaður Róberts, Jón Steinar Gunnlaugsson, spurði:

Vill fólk að ef manni verður eitthvað á í lífinu að hann sé þá bara dæmdur út úr okkar samfélagi til æviloka?

Seinna sagði hann:

„Fólk á bara láta manninn í friði.“

Brynjar Níelsson, þingmaður Sjálfstæðisflokksins talaði um myrkar miðaldir, gapastokka og líkti við útskúfun samkynhneigðra og trúlausra á árum áður að fólki væri misboðið.

Forsætisráðherra, Bjarni Benediktsson var spurður á RÚV:

Forseti Íslands sagði í hádegisfréttum hjá okkur að honum þætti málið ömurlegt og hann hefði mikla samúð með fórnarlömbum þessa manns. Tekur þú á einhvern hátt undir það sem hann segir?

Bjarni svaraði ekki spurningunni. Hann minntist ekki einu orði á hvort hann hefði samúð með þolendum Róberts. Hann sagði:

Ég myndi frekar hallast að því að í okkar samfélagi viljum við gefa fólki tækifæri aftur í lífinu, sem hefur tekið út sína refsingu. Við getum ekki látið tilfinningar kannski ráða of miklu í þeim efnum.

En það er alveg sama hvað nokkrir starfsmenn í þvottahúsi innanríkisráðuneytisins ákveða

... æra þeirra sem brjóta á börnum verður aldrei söm.

Vertu prúð og góð

Konunum og ættingjum þeirra var sagt að þeim myndi líða betur ef þeim tækist að þróa með sér fyrirgefningu. Karlmaðurinn hefur lengi ráðið yfir ástarlífi og kynlífi kvenna. Áður var konum drekkt ef þær urðu óléttar eftir nauðgun skyldmennis eða valdmanns. Og þegar Drekkingarhylur er uppþornaður höfum við í staðinn valdsmenn sem vilja þagga niður í konum með því að segja þeim að vera prúðar og góðar og benda þeim á að fyrirgefa. Ráðamenn og embættismenn eiga ekki að tala um fyrirgefningu eða myrkar miðaldir. Þeir eiga að lyfta stúlkunum upp þegar minningarnar koma öskrandi til baka og vernda okkur hin og börnin okkar fyrir níðingum.

Á ég að fyrirgefa manninum sem í stað þess að hjálpa mér 16 ára gömlum þegar ég var ósjálfbjarga, tók niðrum mig gallabuxurnar og nærbuxurnar og stundi í eyrað á mér á meðan hann nauðgaði mér?

Nei, hann má fokka sér.

Ég þarf ekki að fyrirgefa honum til að líða betur og komast yfir fortíðina. Ég á ástvini og hef aðgang að sálfræðingum. Hver finnur sína leið.

Ég stend uppréttur og segi frá. Ég lifði af og mér finnst það skylda mín fyrst ég stend hér uppréttur, að segja að það sé hægt að eiga bærilegt líf þrátt fyrir þetta skelfilega ofbeldi.

Ég ætla að standa með þessum stelpum og skila skömminni. Ég veit núna að það kostar ótrúlegt átak að leita réttar síns. Að setja þessi orð á blað hefur tekið vikur.

En ég læt ekki sussa á mig.

Ég sussa á gömlu tilfinningarnar, raddirnar sem reyna að segja mér að stíga ekki fram. Því skömmin er ekki mín.

Ég hef hátt fyrir Glódísi, Höllu, Nínu Rún, Önnu Katrínu og alla aðrar konur og karla.

Ég hef eins hátt og mér sýnist.




21.sep. 2017 - 11:33 Börkur Gunnarsson

Flutti Sauðárkrók með báðum höndum

Ég er smá sveitamaður í mér. Konan mín var að koma úr sjónvarpsferð til Skagafjarðar og þar fékk hún höfðinglegar móttökur og var gefin heiðursgjöf, þrjú bindi um sögu Sauðárkróks.
21.sep. 2017 - 11:30 Indíana Ása Hreinsdóttir

Allsherjarhreingerning samfélags

Atburðarás síðustu daga hefur verið lyginni líkust. Alþingi Íslendinga hafði varla verið sett þegar ríkisstjórnin féll. Orð geta ekki lýst viðbrögðum mínum þegar ég heyrði að ýmislegt benti til þess að ráðamenn hefðu reynt að þagga niður þá staðreynd að faðir forsætisráðherra hefði veitt barnaníðingi meðmæli svo hann gæti sótt um uppreist æru. Er samfélag okkar í alvöru svo rotið að það kói með níðingum, sama hversu sjúkir þeir eru?
20.sep. 2017 - 14:18 Hannes Hólmsteinn Gissurarson

Hverjir geta talað í nafni þjóðarinnar um stjórnarskrá?

Í kosningum til stjórnlagaþings var þátttakan aðeins 36,8%. M.ö.o. höfðu 63,2% ekki áhuga.
18.sep. 2017 - 13:28 Vilhjálmur Birgisson

Hvaða stjórnmálaflokkar ætla að standa með alþýðunni?

Er að velta því fyrir mér hvert kosningaloforð Sjálfstæðisflokksins, Viðreisnar og Bjartrar framtíðar verði í komandi kosningum.
18.sep. 2017 - 11:42 Hannes Hólmsteinn Gissurarson

Við Ólafur Þ. Harðarson ræðum um vald forseta

Samkennari minn í stjórnmálafræði, Ólafur Þ. Harðarson, skrifaði á Facebook:
18.sep. 2017 - 10:09 Dísa Bjarnadóttir

Mitt líf með Madonnu

Madonna var fyrsta uppáhalds söngkonan mín. Ein af mínum fyrstu minningum er ég að dansa með Tinnu frænku í undirpilsi sem þýtur upp í loft þegar maður snýr sér í hringi, inni í stofu að hlusta á Madonnu. Síðan höfum við báðar elst og hún hefur gert alls konar tónlist, verið með hinum og þessum mönnum, átt börn, ættleitt börn, en hún er nú alltaf sama Madonnan. Sú eina sanna. Og ég er bara Dísa.
17.sep. 2017 - 13:09 Bryndís Schram

Sannleiksvitni aldarinnar

Það verður ekki annað sagt, en að reykvískur leikhúsvetur fari af stað með látum að þessu  sinni og setji markið hátt. Það eru gerðar kröfur til áhorfenda sem aldrei fyrr, og engum er hlíft – vaknaðu maður!

17.sep. 2017 - 10:00 Björgvin G. Sigurðsson

Mannúð í stað miskunnarleysis

Miskunnarlaus afstaða stjórnvalda í málefnum hælisleitenda hefur gengið fram af mörgum. Steininn tók úr þegar flóttastúlkunum Mary frá Niegeríu og Haniye, sem er af afgönskum ættum, var vísað frá landi í skjóli Dyflinar reglugerðarinnar, sem heimilar slíka brottvísun en fjarri því að skyldi stjórnvöld til þess. Það er ísköld pólitísk ákvörðun að vísa stúlkunum úr landi, út í óvissuna.
17.sep. 2017 - 07:00 Akureyri vikublað

Hamingjustormurinn

Ég fylgdist gáttuð með athugasemdastorminum sem hófst í kjölfar skráningar Stefaníu Töru Þrastardóttur í Ungfrú Ísland. Ég hneppti fljótt að mér ímyndaða vindjakkanum, dró húfuna niður fyrir eyru og klæddi mig í pollastígvélin.
16.sep. 2017 - 12:10 Brynjar Nielsson

Fullkomin flón

Ég var einn af þeim skeptísku þegar ríkisstjórnin var mynduð í byrjun árs. Að fara í eins manns meirihlutastjórn með tveim smáflokkum með ekkert bakland, þar sem nánast allir innanborð voru reynslulausir, hlyti að skapa vanda. Svo væri ekki vænlegt til árangurs að leggja lag sitt við flokka sem pikka upp af samfélagsmiðlunum mál sem þeir halda að séu til vinsælda fallið. Í þeim efnum komst BF að vísu ekki með tærnar þar sem Viðreisn var með hælana. Er eins og enginn ætli að læra af óförum Samfylkingarinnar.

16.sep. 2017 - 09:26 Hannes Hólmsteinn Gissurarson

Lastað þar sem lofa skyldi

Ríkissjóður var nánast skuldlaus árið 2008. Þetta var áreiðanlega úrslitaatriði um, að ekki fór verr.
16.sep. 2017 - 07:00 Akureyri vikublað

Eðli máls og stuðningur við KFA

Síðustu daga hefur átt sér stað umræða m.a. á vefmiðlum um samskipti Akureyrabæjar og Kraftlyftingarfélags Akureyrar (KFA) og hefur sú umræða ekki verið byggð á málefnalegum grunni en málið snýst í stuttu máli um óánægju KFA vegna þess stuðnings sem Akureyrarbær er tilbúinn til að veita félaginu.
14.sep. 2017 - 14:00 Indíana Ása Hreinsdóttir

Fyrirmyndarsamfélagið

Eftir veðurhamfarir víðs vegar um heiminn síðustu daga hefur íslenska haustið með rigningu sinni og roki verið vel þegið. Það er í raun ótrúlegt hvað það eru mikil forréttindi að fæðast á Íslandi. Ekki aðeins er veðrið milt, nánast árið um kring, heldur er náttúran að mestu laus við hættulegar óværur á borð við slöngur og grimmar pöddur.
14.sep. 2017 - 10:56 Brynjar Nielsson

Slefandi fyrir framan tölvuna á borgaralaunum

Það hefur verið fróðlegt fyrir þjóðina að hlusta á stjórnarandstöðuna á Eldhúsdeginum í gærkvöldi. Kapteinn Pírata gaf okkar innsýn í framtíðarsamfélag þeirra þar sem þjóðin mun sitja slefandi fyrir framan tölvuna allan daginn á borgaralaunum. Síðan komi kunnuglegir frasar hjá ræðumönnum Pírata um spillingu, óheiðarleika og mannvonsku annarra. Var það sennilega liður í því að bæta umræðuhefð og virðingu alþingis, sem þeim er mjög umhugað um. Afskaplega mikilvægt fyrir okkur á þinginu að hafa mannréttindalögfræðing menntaðan í Hollandi til að leiðbeina okkur. Við fávitarnir duttum eiginlega í lukkupottinn.
13.sep. 2017 - 10:45 Bryndís Schram

Sýrlandsstríðið við stofuborðið

Ef þú vilt fá brennheitustu íkveikjuefni samfélagsins beint í æð, farðu þá í Kúluna, (í kjallaranum við Sölvhólsgötu). Það er þarna allt saman og vel útilátið. Árekstrar menningarheima (Huntington: Clash of Civilisations). Flóttamannavandamálið. Innflytjendavandamálið. Gyðingavandamálið. Múhameðstrúarvandamálið. Kynþáttavandamálið. Aðlögunarvandamáið. Allt saman serverað við kvöldverðarborðið á venjulegu millistéttarheimili í New York. Eiginlega er þetta uppvakningur af Ibsen gamla. Þjóðfélagið inni á gafli við stofuborðið.
11.sep. 2017 - 13:09 Vilhjálmur Birgisson

Ólíðandi að stjórnvöld hækki skattbyrði þeirra sem höllustum fæti standa

Það er afar sorglegt að fá það staðfest að skattbyrði þeirra sem höllustum fæti standa í íslensku samfélagi skuli hafa snarhækkað á síðustu 18 árum eða svo.
11.sep. 2017 - 11:16 Brynjar Nielsson

Ragnar Reykás varð ekki til úr engu

Hin fræga persóna Spaugstofunnar, Ragnar Reykás, varð ekki til úr engu. Hann er víða og verður meira áberandi með hverjum deginum. Þegar Ragnar telur að ákvarðanir stjórnmálamanna séu ekki í samræmi við lög bregst hann hart við og sakar þá um misnotkun valds, spillingu og óheiðarleika. En þegar stjórnmálamenn fara að lögum, sem Ragnari finnst vond og óréttlát eða henta honum ekki, breytist tónninn. Þá er stjórnmálamaðurinn illa innrættur, skortir mannúð og tekur jafnvel málsstað ofbeldismanna og óþverralýðs.
11.sep. 2017 - 09:18 Þórhallur Heimisson

Hjónanámskeiðin hætta

Eftir 21 ár og sex þúsund pörum síðar er nú komið að síðasta hjónanámskeiði mínu, 20. nóvember næstkomandi. Ég er sem sagt að hætta í ráðgjöf.
09.sep. 2017 - 20:53 Hannes Hólmsteinn Gissurarson

Bloggið sem hvarf

Skiljanlegt er því, að Gauti skyldi eyða bloggi sínu.
08.sep. 2017 - 07:00 Indíana Ása Hreinsdóttir

Um ósérhlífna viðmælendur

Sem blaðamaður hef ég fengið tækifæri að hitta og ræða við fólk úr öllum áttum og það sem betra er; haft gilda afsökun til að spyrja nærgöngulla og oft furðulegra spurninga sem ég myndi annars ekki endilega leggja í að spyrja. Það kemur mér alltaf jafn ánægjulega á óvart hversu margir eru tilbúnir til að deila sinni sögu, ekki fyrir athyglina, heldur til þess að opna á umræðu um oft á tíðum viðkvæm málefni og hjálpa þannig þeim sem á eftir koma.
06.sep. 2017 - 07:00 Magnús Þór Hafsteinsson

Sauðfjárræktin í landinu glímir við verðfall og offramleiðslu

Sauðfjárræktin í landinu glímir við verðfall og offramleiðslu á sama tíma og ferðamenn til Íslands hafa aldrei verið fleiri. Hið meinta „kjötfjall“ sem á að vera til í landinu virðist þó ekki vera stærra en einhver 1.300 tonn. Það er einn loðnufarmur. Þetta er nú allt og sumt.
05.sep. 2017 - 15:14 Björgvin G. Sigurðsson

Átakavetur í aðsigi

Átök og óvissa einkenna stjórnmálin í aðdraganda sveitarstjórnarkosninga. Nýir flokkar reyna fyrir sér og stilla strengina til framtíðar og þeir gömlu freista þess að finna traust land undir fótum sér.
04.sep. 2017 - 19:00 Sverrir Björn Þráinsson

Sindri tryggði sér framtíðarheilsu með einni ákvörðun. Losaði sig við 30 kg á eingöngu 12 vikum án nokkurra öfga! VIÐTAL!

Sindri Vilmar Þórisson er 25 ára gamall sérhæfður fiskvinnslumaður. Hann fékk á einum mikilvægum tímapunkti í sínu lífi alveg nóg af sífjölgandi aukakílóum og lagði upp í ferð sem hefur núþegar skilað honum varanlegum heilsuávinningi. Hann vó í sumarbyrjun 162,5 kg og var í hættulegri ofþyngd. Skemmst er frá því að segja að nú, eingöngu þremur mánuðum síðar hefur hann losað sig við 30 kg með alfarið öfgalausum hætti, sagði vananum stríð á hendur og tók föstum tökum á sínu lífi. Hann hefur samþykkt að segja frá sinni ferð og sögu okkur til hvatningar.
03.sep. 2017 - 18:00 Akureyri vikublað

Glansmyndin

Á vissan hátt sá ég alltaf fyrir mér að ég yrði mamman sem tæki þéttingsfast utan um börnin sín og segði með áhersluþunga: „Þú munt breyta heiminum!" En svona í alvörunni þá sat ég í sófanum um daginn og sagði annars hugar við þriggja ára son minn: „Hættu að fikta í typpinu og taktu bíllyklana út úr þér.“ 
03.sep. 2017 - 14:23 Bryndís Schram

Eins og enginn sé morgundagurinn

Enn segjum við bara takk, þegar strákurinn á kassanum í Bónus spyr: Má bjóða þér poka?  Einn eða tvo? Hring eftir hring. Við  komum  aftur í búðina, dag eftir dag –  og alltaf þiggjum við plastpoka.  Alveg hugsunarlaust.

02.sep. 2017 - 10:39 Hannes Hólmsteinn Gissurarson

Fróðlegur bandarískur dómur

Vorið 2011 var kveðinn upp úrskurður í Hæstarétti Bandaríkjanna, sem kemur þessu máli við.
02.sep. 2017 - 07:00 Indíana Ása Hreinsdóttir

Karlar sem hata konur

Mörgum brá í brún þegar nákvæmar lýsingar á áverkum Birnu Brjánsdóttur voru útlistaðar í fjölmiðlum þegar Birnumálið, stærsta sakamál landsins frá Guðmundar- og Geirfinnsmálinu, var tekið til aðalmeðferðar í síðustu viku.
01.sep. 2017 - 13:43 Akureyri vikublað

Alþjóðlegi sjálfsvígsforvarnardagurinn nálgast

Á ári hverju falla um 40 manns fyrir eigin hendi. Milli 500 til 600 manns til viðbótar gera til þess tilraun. Geðhjálp og Rauði krossinn hófu átakið Útmeða fyrir tveimur árum. Átakið beindist að sjálfsskaða og sjálfsvígum ungra karlmanna en sjálfsvíg eru algengasta dánarorsök karlmanna á aldrinum 18 til 25 ára. Ljóst er að það vantar meiri peninga í forvarnir, líkt og umferðarforvarnir sem bjargað hafa mannslífum. Geðhjálp og Rauði krossinn eiga þakkir skildar fyrir sitt framtak. Öll umræða er af hinu góða. Fólk verður að geta talað um sína vanlíðan og vita hvert hægt er að leita.
01.sep. 2017 - 09:59 Hannes Hólmsteinn Gissurarson

Deilt um einstefnuna í Háskólanum

Og þá verður líka að tryggja, að andstæð sjónarmið nýfrjálshyggjumannanna sjálfra komist líka að, því að vísindin eru frjáls samkeppni hugmynda.
31.ágú. 2017 - 14:57 Dísa Bjarnadóttir

Ég vil bara fá að vera ein

„Ég vil vera látin í friði.“ Þessa setningu tengja margir við leikkonuna Gretu Garbo. Konan sem dró sig í hlé en var samt fræg og goðsagnakennd. Ég fór að hugsa um það um daginn af hverju hún vildi vera ein, hvað kom eiginlega fyrir hana, hvernig gerðist það að hún hætti algjörlega að leika í kvikmyndum og sneri aldrei til baka og hvert fór hún eiginlega?
29.ágú. 2017 - 13:26 Vilhjálmur Birgisson

Sveiattan!

Í gær sendi hagdeild ASÍ frá sér skýrslu þar sem fram kemur að skattbyrði hafi aukist mest hjá þeim tekjulægstu frá árinu 1998 til ársins 2016. Þetta kemur mér alls ekki á óvart enda liggur fyrir að ætíð er níðst mest á þeim tekjulægstu og nægir að nefna hvernig farið hefur verið með þróun á persónuafslættinum á liðnum árum og áratugum.
29.ágú. 2017 - 07:02 Hannes Hólmsteinn Gissurarson

Rannsókn ASÍ á skattbyrði og tekjudreifingu

Ég taldi, að persónuafsláttur ætti ekki að hækka í samræmi við laun, því að þá greiddu menn ætíð sama hlutfall af tekjum sínum í skatt óháð því, hvort þær hækkuðu
28.ágú. 2017 - 09:05 Kristinn Rúnar Kristinsson

Lífið á geðdeild á Íslandi árið 2017

Sumarið hefur verið viðburðarríkt hjá mér; ég tek við mér á sumrin. Veðurfars- og birtuskilyrðin á Íslandi henta mér skelfilega verandi með geðhvörf. Þunglyndur á veturna og manískur á sumrin. Ég þyngist andlega þegar það dimmir og frystir í nóvember og desember og tek svo við mér þegar vorar og flýg með reglulegu millibili hátt upp milli júní-ágúst. Ég þarf að búa erlendis í hita og birtu á meðan vetrardekkin eru á bílunum hérna heima, frá október-apríl og venjast veðurfarinu. Mér á að geta liðið eðlilega og vel allan ársins hring í bland við rétt lyf.
27.ágú. 2017 - 07:00 Akureyri vikublað

Bónusgreiðslur

Hvað myndi ég gera ef ég ætti von á bónusgreiðslu upp á milljónir króna vegna þess að börnunum sem ég hef kennt hefur vegnað svo vel? Að vinnan mín hafi lagt grunninn að velgengni þeirra og þess vegna eigi ég von á sérstakri aukagreiðslu upp á milljónir jafnvel þótt það þýði að ekki sé hægt að hækka laun annarra kennara, kaupa kennslubúnað og það sem verst er, að rukka þurfi nemendur og foreldra þeirra um skólagjöld?
26.ágú. 2017 - 07:00 Sigurður Jónsson

Fylgi Flokks fólksins á fleygiferð upp

Í síðustu skoðunakönnunum hefur það birst okkur að Flokkur fólksins er að bæta verulegu fylgi við sig. Takist flokknum áfram að ná eyrum kjósenda er örugg að hér mun koma nýtt afl í sali Alþingis. Nú segja menn þetta eru nú bara skoðunakannanir en ekki alvöru kosningar og því getum við í hinum flokkunum verið alveg róleg. Þetta mun breytast. Þau ná aldrei þessu fylgi. En er það svo? Geta gömlu flokkarnir verið alveg vissir um að halda í sína kjósendur.

26.ágú. 2017 - 06:55 Hannes Hólmsteinn Gissurarson

Vinarbragð Mitchells

Þetta á við um þá sjö þingmenn neðri málstofu breska þingsins, sem skrifuðu undir bókun um Ísland frá Austin Mitchell
25.ágú. 2017 - 07:00 Indíana Ása Hreinsdóttir

Áfram stelpur

Stelpurnar í Þór/KA sitja á toppi Pepsi-deildarinnar. Forskotið er það gott að með bjartsýni má halda því fram að tímaspursmál sé hvenær Akureyringar geti farið að fagna sigri í deildinni.
24.ágú. 2017 - 16:45 Þórhallur Heimisson

#hunsumhogm

Mér hefur, eins og flestum Íslendingum, lengi verið hlýtt til H&M. Sú ágæta verslunarkeðja hefur um árabil verið vin í eyðimörk rándýrar fataverslunar. Sérstaklega hvað varðar barnafatnað. Þar hefur maður á flakki erlendis keypt föt á börn og barnabörn á sanngjörnu verði. Og verið vel tekið. Og kaupin jafnvel borgað ferðina. Enda alltaf Íslendingar á staðnum hvort sem er í London, Köben, Berlín eða Róm.
24.ágú. 2017 - 14:02 Börkur Gunnarsson

Þegar ég flutti hass til Íslands

Ég var nánast eini nemandi skólans sem var aldrei í fíkniefna fikti. En félagar mínir voru alltaf að reyna að fá mig til að prufa sem ég afþakkaði. Ein vinkona mín úr leikstjóradeildinni gekk svo langt að gefa mér í afmælisgjöf hass og heimtaði að ég prufaði þetta. Ég hló bara, þakkaði fyrir gjöfina, stakk þessu í vasann og hélt mig við áfengið.
23.ágú. 2017 - 22:20 Brynjar Nielsson

Druslulegur klæðaburður í dómsölum

Miklar umræður hafa skapast um klæðaburð málflytjenda fyrir dómi. Eiríkur Jónsson birti bréf sem honum barst þar sem bréfritara fannst óviðeigandi að saksóknari væri í flegnum bol. Fólkið sem telur að tjáningarfelsi eigi bara við um þeirra eigin skoðanir brást við með sama ofstæki og fyrri daginn. Á svipstundu var þetta skilgreint sem kynbundið ofbeldi. Sjálfur á ég íslandsmet í druslulegum klæðaburði í dómsölum og þegar ég gat ekki hnýtt bindi úr skóreimum eða fengið lánaða skyrtu af nærstöddum var ég sendur heim með skömm.
22.ágú. 2017 - 10:21 Hannes Hólmsteinn Gissurarson

Útvarpsviðtal við mig um minnismerki

Það væri hins vegar eins óviðkunnanlegt að sjá brjóstmynd af Brynjólfi Bjarnasyni, fyrsta og eina formanni kommúnistaflokks Íslands, við hátíðasal Háskóla Íslands og það hefði verið að sjá brjóstmynd af einhverjum formanni nasistaflokks þar.

22.ágú. 2017 - 09:00 Sverrir Björn Þráinsson

Sólveig náði stórkostlegum árangri í heilsuuppbyggingu „Vildi ekki eyða bestu árum ævinnar heilsulaus vegna ofþyngdar“

Sólveig Þórarinsdóttir, 43 ára leikskólastjóri ákvað að snúa heilsunni til betri vegar og skráði sig í dagbókarráðgjöf hjá grenningarráðgjafanum Sverri Þráinssyni. Á hálfu ári losaði hún sig við 25 kíló, fór úr 86,7 kg (BMI 31,6 sem er offita, flokkur 1) niður í 61,7 kg (BMI 22,4 sem er kjörþyngd) og græddi auk þess bætta heilsu, andlega sem og líkamlega.

21.ágú. 2017 - 11:44 Brynjar Nielsson

Hvar annars staðar fengi svona flokkur fjórðung atkvæða?

Þar sem ég hef talsverðan áhuga á fornaldarfræðum finnst mér gaman að hlusta á fréttir frá flokksráðsfundum Vg. Gamlar sósíalískar frelsishetjur, sem gáfu út Þjóðviljann og tímaritið Rétt, sætu örugglega glaðir á flokksráðsfundunum væru þeir á lífi. Sjálfum finnst mér tvennt standa upp úr í fréttum af síðasta flokksráðsfundi. Annars vegar óánægja með Björn Val sem varaformann þar sem hann vogaði sér að selja olíuborpöllum vöru og þjónustu og hins vegar sú merkilega uppgötvun að það myndi auka jöfnuð í samfélaginu og taka við sem flestu af fátækasta fólki heims.
19.ágú. 2017 - 06:53 Hannes Hólmsteinn Gissurarson

Bernanke um Ísland

Ef þriggja milljarða dala samningur hefði ekki dugað, þá hefði átt að gera tíu milljarða dala samning.
18.ágú. 2017 - 11:18 Þórhallur Heimisson

Velferðarríkið og siðaskiptin

16.ágú. 2017 - 20:11 Brynjar Nielsson

Það fær mig enginn til að rjúfa þagnarskyldu

Stundum fallast manni hendur yfir óheiðarleika og illgirni netsóða. Mörg gáfnaljós í þeim hópi geta ekki sætt sig við það að ég sem formaður stjórnskipunar- og eftirlitsnefndar vilji ekki leka trúnaðarupplýsingum sem nefndinni barst í tengslum við skoðun á framkvæmd stjórnvalda við uppreist æru. Því er unnið hörðum höndum að sá tortryggni í minn garð og Sjálfstæðisflokksins og látið að því liggja að við séum að verja Róbert Downey, sem mun vera einn af þeim fjölmörgu sem hafa fengið uppreist æru síðustu áratugi. Leitaði mesta ofstækisfólkið til herra Google í þessum tilgangi.

15.ágú. 2017 - 15:42 Börkur Gunnarsson

KFC er mitt framhjáhald

Það fyrsta sem ég geri alltaf þegar konan mín fer eitthvað í burt í nokkra daga er að fara á KFC.Hún fyrirlítur KFC. Við getum varla keyrt í nágrenni við veitingastaðinn án þess að hún verði þungbrýn.
12.ágú. 2017 - 06:15 Hannes Hólmsteinn Gissurarson

Ný syndaaflausn

Líklega hafa engir tveir viðburðir greypst eins í huga þjóðarinnar og Tyrkjaránið 1627 og bankahrunið 2008.
10.ágú. 2017 - 09:15 Kristinn Rúnar Kristinsson

Spá mín um lífið á Íslandi næstu mánuðina, enska boltann og Euro jackpot á föstudaginn

Ég ætla að taka mér það bessaleyfi að henda í spá hvernig ég sé lífið á Íslandi næstu mánuðina og einnig enska boltann þvi hann er að byrja um helgina. Að lokum nefni ég aðeins Euro jackpot. Veðurfræðingar hafa vægast sagt verið í sultunni undanfarið að reyna að spá fyrir um og oft á tíðum haft kolrangt fyrir sér, málurum og múrururum aðallega til mikillar gremju.
09.ágú. 2017 - 10:45 Þórhallur Heimisson

Á dauðastundu

Fullorðinsfræðslan hjá mér hefst á þessu hausti með námskeiði sem ber heitið “Á dauðastundu”. Á námskeiðinu verður velt upp spurningunni sem fylgt hefur mannkyni frá örófi alda um hvað það er sem gerist þegar við deyjum.

Híbýli fasteignasala KOSTANDI
Brynjar Nielsson
Brynjar Nielsson - 16.9.2017
Fullkomin flón
Hannes Hólmsteinn Gissurarson
Hannes Hólmsteinn Gissurarson - 09.9.2017
Bloggið sem hvarf
Brynjar Nielsson
Brynjar Nielsson - 11.9.2017
Ragnar Reykás varð ekki til úr engu
Indíana Ása Hreinsdóttir
Indíana Ása Hreinsdóttir - 08.9.2017
Um ósérhlífna viðmælendur
Þórhallur Heimisson
Þórhallur Heimisson - 11.9.2017
Hjónanámskeiðin hætta
Dísa Bjarnadóttir
Dísa Bjarnadóttir - 18.9.2017
Mitt líf með Madonnu
Hannes Hólmsteinn Gissurarson
Hannes Hólmsteinn Gissurarson - 16.9.2017
Lastað þar sem lofa skyldi
Bryndís Schram
Bryndís Schram - 17.9.2017
Sannleiksvitni aldarinnar
Bryndís Schram
Bryndís Schram - 13.9.2017
Sýrlandsstríðið við stofuborðið
Akureyri vikublað
Akureyri vikublað - 16.9.2017
Eðli máls og stuðningur við KFA
Indíana Ása Hreinsdóttir
Indíana Ása Hreinsdóttir - 14.9.2017
Fyrirmyndarsamfélagið
Björgvin G. Sigurðsson
Björgvin G. Sigurðsson - 17.9.2017
Mannúð í stað miskunnarleysis
Fleiri pressupennar
Tapasbarinn: Happyhour
Heyrn: Heyrir þú nógu vel? - ágúst/sept